|
|
 على كرتي يشترى فندق قصر الصداقة بـ (85) مليون دولار
|
نشر بتاريخ April 5, 2011
(حريات خاص) اشترى على كرتي- وزير الخارجية – فندق قصر الصداقة ببحري بمبلغ (85) مليون دولار ، دفع منها نقداً (55) مليون دولار ، على ان تقسط بقية المبلغ (30) مليون دولار على مدى ستة أشهر فقط . والفندق من أملاك المحتال السعودي جمعة الجمعة المسجون في السعودية حالياً بعد ادانته بالنصب والاحتيال ، وقد جذبه للاستثمار في السودان – هو والنصاب الآخر بن خرباش ، من الامارات العربية المتحدة ، والمسجون ايضاً الآن بتهم الاختلاس – مناخ الفوضى وغياب سيادة حكم القانون في السودان ، واستقطبهما بصورة مباشرة عبد الله حسن احمد البشير – أخ المشير البشير – كما اعترف بذلك في حواره مع صحيفة (السوداني) . وكان وزير شؤون مجلس الوزراء السابق الجنرال صلاح احمد محمد صالح يتابع اجراءات جمعة الجمعة وكأنه سكرتير خاص له ، وحين خرج من الوزارة تحول الى العمل علناً في استثمارات جمعة الجمعة . وبعد سجنه في السعودية عجز جمعة الجمعة عن سداد ما عليه من التزامات مالية للبنك العقاري السوداني ، وامهل فترة محددة لتوفيق أوضاعه ، وعندما أوشكت الفترة على الانتهاء عرض مدير أعمال الجمعة الفندق للبيع ، وتفاجأ حضورالحفل الفخيم الذي اقيم للصفقة ، بوزير الخارجية علي كرتي الذي دفع (55) مليون دولار لحظة توقيع عقد البيع ، وقسط (30) مليون اخرى لمدة ستة أشهر فقط. وشرع المالك الجديد كرتي في عمل اصلاحات فورية بالفندق لتدشين العمل به . وفي غياب الديمقراطية ، حيث لا يمكن فحص ادعاءات الحكام عن انفسهم ، وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته !
|
|
 
|
|
|
|
|
|
|
 Re: على كرتي يشترى فندق قصر الصداقة بـ (85) مليون دولار (Re: معاوية عبيد الصائم)
|
| Quote: وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته ! |
إذا تأكد شراءه فلا حاجة لسؤاله عن المبلغ فأكيد هو حراااااااااااااااااااااااااااااااااامي
بس على حريات تأكيد شراءه فقط ( دي صعبة كمان؟؟؟؟)
ما إبقى كل يوم حريات طالعة لينا بي خبر من مصدر موثوق و مرات خاص
تأكيد الشراء ما صعب على جريدة بتنشر أخبار زي دي.
.
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: معاوية عبيد الصائم)
|
Quote: ابوالحسين
هو المثبت حصل فيهو شنو؟ |
سؤالك دا المفروض إكون المثبت...... المعارضة إستفادت منو شنو ...؟؟
يعني هي المعارضة دي لغاية الآن جارية وراء إثبات فساد ناس الإنقاذ..؟؟
ياخ الحكومة دي بي كل بلاويها دي لسه قاعدة من 22 سنة و اللي خطط ليها الإنقلاب
قاعد في وسط المعارضة و ليه كلمة كمان.....
و بعد كُُُُُُوووووووووووول دا مظاهرات تطرشق و مظاهرات فيها 15 أو 16 واحد
.
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: العوض المسلمي)
|
Quote: تفرق كتير بين المشتري وزير الخارحية وبين المشتري رجل اعمال معروف في السوق ..
|
الريس شيخ العوض سلامات
زمان بنعرف راس المال الوطنى لانو قدم
الكثير للشعب السودانى زمن ناس ابو العلا
وعبد المنعم محمد والشيخ مصطفى الامين
والنفيدى وعبد الحكم طيفور وغيرهم
ديل قدموا الكتير ...لمناطقهم يعنى عمل مصنع
طوالى جنبوا مركز صحى ومدرسة...
من اين لعبد الباسط وغيره تلك الارقام المزعجة
وما علاقة عبد الباسط باسرائيل.....
واين كان يعمل قبل ذلك...وعلاقتة المعروفة ببن
لادن...
مش برضو الزول ده من كوستى...
وتحياتى يا ريس
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: العوض المسلمي)
|
| Quote: وشرع المالك الجديد كرتي في عمل اصلاحات فورية بالفندق لتدشين العمل به . وفي غياب الديمقراطية ، حيث لا يمكن فحص ادعاءات الحكام عن انفسهم ، وحيث لا مراقبة ولا مساءلة لهم ، لا يمكن سؤال كرتي من اين له بـ (85) مليون دولار يدفعها لقاء استثمار واحد من استثماراته ! |
سلام يا معاوية والله دا كلام ممتاز انا حقو امشى لعلى كرتى دا ويطلع لى حقوقى من الحرامية البشتروا الفندق دا واخرهم ما معروف منو؟؟؟كل سنتين فندق الجن دا عندو مالك جديد أقصد حرامى جديد ،،
بالله لو حقيقى اشتراهو كرتى ولا عبد الباسط نحن عندنا قضية بتاعة حقوق ما اتصرفت لينا عشان الحرامى جمعة وباقى الحرامية الاشتغلوا معاهو دقوا طناش من مطالبنا وحقوقنا،،نشوف الحرامية الجداد ديل بعملوا شنو فى مال الغلابة،،
بالله تعالوا لينا بالنجيضة عشان نمشى نقابل المالك الجديد ،،
وبينى وبينك انا قنعانة من خير فيهم لكن ح احاول امش الارضة جربت الحجر،،
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: العوض المسلمي)
|
Quote: رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ... |
وهذا اضل ويجزم فساد هذه الطفمة
من اين لعبد الباسط بكل هذه الثروة حتى يكون لديه
فندق قصر الصداقة .....
فندق روتانا ..
واحد وخمسين في المائة من شركة ام تي ان ...
كيزان فاسدين والباقي على الله
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: محمد على حسن)
|
جوكية المؤتمر الوطنى
أعتقد بأن من أشتري فندق قصر الصداقة هو المؤتمر الوطنى نفسه. فحجم الاموال المنهوبة من الوطن في العشرين سنة الماضية تعادل مليارات الدولارات، و لا يستثمر الحزب هذه الاموال المنهوبة بنفسه في السودان، و انما يوكلها لبعض اعضائه و يجعل منهم رجال اعمال مستثمرين في سوق الاستثمار الداخلى و الخارجى، و هؤلاء ما يمكن ان نطلق عليهم ( جوكية المؤتمر الوطنى):
يتبع المؤتمر الوطنى الكثير من الاساليب للسيطرة علي السوق و من ضمنها الدعوة الي التخلص من المرافق العامة ،و يقوم هؤلاء الجوكية بشرائها و استثمارها لصالح الحزب
يقوم هؤلاء الجوكية بالدخول في استثمارات داخلية و خارجية لصالح الحزب، و انشاء شركات خاصة تحمل أسم الجوكى ( رجل الاعمال) بينما المستفيد هو الحزب
و من أمثلة هؤلاء الجوكية الذين يستثمرون في الاموال المنهوبة عبدالباسط حمزة الذي يملك فندق روتانا ، ويملك واحد وخمسين في المائة من شركة ام تي ان و غيرها من الشركات التي تدار تحت اسم (رجل الاعمال السودانى كذا و كذا) بينما هي في الحقيقة مملوكة للمؤتمر الوطنى، و كذلك جمال الوالى الذي يملك قناة الشروق و شركات النقل البرى و الذى اشتري اخيرا جريدة السودانى و غيرها من االشركات.
و هنالك المئات بل الالاف من الجوكية الذين يتبعون للمؤتمر الوطنى و يديرون اعمالاً تجارية تحت اسمائهم الشخصية، و تحت طاقية مسمي ( رجل الأعمال السودانى)، بينما هم في الحقيقة يديرون استثمارات الحزب من اموال الشعب السودانى المنهوبة.
تحياتى معاوية
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: سعد مدني)
|
المشكلة الحقيقة هي الارقام التي تكتب هنا ارقام خرافية
ما عارفة ليه نحنا بنبهل في وضع الاصفار والارقام بدون تصور
مرة وداد شالت مليار دولار كاش الى قطر
فلان شال 7000 مليون كاش الى ماليزيا
دي عايزة كونتينار
بتعجب دائما من قصة الكونسبت بتاع الارقام وحلجته في الذهنية السودانية
لا بنعرف نقدر المسافات ولا بنعرف نقرأ الخرائط
وما عندنا تصور للارقام..
عشان كدا قصص الفساد مافي زول بصدقها
معقولة قصر الصداقة بيكون بهذا الملبغ المهول؟
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: د.نجاة محمود)
|
Quote: YTL Corporation bought over the Kuala Lumpur JW Marriott hotel and two other prime properties in Kuala Lumpur through its subsidiary, YTL Land in 1999. The total purchase price was $85 million (RM323 million).[1]
[edit] |
| Quote: The JW Marriott, Kuala Lumpur is a 5-star flagship boutique hotel of the Marriott Hotel Group in Kuala Lumpur's central business district. It is 23 stories tall with 491 rooms, 20 meeting rooms- 32,927 sq ft of total meeting space. |
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: معاوية عبيد الصائم)
|
ما فرقت ابداابدا
علي كرتي
مصطفى كرتي
ود الباوقة
عبد الباسط حمزة رجل المخابرات
البشير
المهم كلهم ملة واحده
باعوها لجمعة الجمعة وباعو لخرباش الجابو شقيق البشير
لفة طويلة و هم انفسهم يقسمو التركة الاغتصبوها من الشعب السوداني باسم الخصخصة
بكرة يقول اشتريناها من السوق من الجمعة وخرباش
ما ح نخلي حقنا واهو جمال وابوهو وليلى ومجنون ليلى بن علي والقذافي سنين وسنين وحق الشعب راجع راجع
| |
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: محمد حسن العمدة)
|
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟ |
لا بتفرق كثير ..
بيفرق بالنسبة لي انا المتلقي العايز يعرف الحقيقية
عايز اعرف الحرامي منو بالضبط ..
هذا استهوان بعقول الناس البتفتح البوست عشان تقرأ معلومة موثقة وصحيحة..
هذا استهتار بقيمة الصدق والحقيقة...
ايراد اي خبر مسؤولية
كاذا فعلتم حينما قالت ميادة ان الوزير لم يستقيل ( ولم تقل سرق)
طاردتكوها في كل البوستات التي تكتبها بهذا الامر
ولا زلتم
لاترون عواراتكم
تستبيحون الكذب
وبرضو تقولوا مافارقة
كيف مافارقة؟
عشان استهتاركم بالقارئ اصيح القارئ لا يعبأ بما تكتبون
يلا خموا وصروا
I am very happy you do so,
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: ود الباوقة)
|
ههههه
هناك حالة من الاستهوان بالارقام في السودان
عارف يا معاوية 85 مليون دولار دي قدر شنو؟؟!!!
دا رقم فلكي في الاقتصاد السوداني
ومافي اي عقار في الخرطوم ممكن يساوي ربع المبلغ دا!!!
ياخي برج الاتصالات اضخم واكبر مبنى في الخرطوم لا يساوي ربع هذا المبلغ
ـــــــــــــــــــــــــــــــــــــــــــــــــــــــــــــــــــــــــــ
وجود الفساد حقيقة لا ينكرها الا مكابر
.....
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: ABUHUSSEIN)
|
| Quote: ياجني سألت سؤال إجابتو في الكوت اللي إنت جبتو يا جني |
معناهو انت عندك الدليل طالما الفساد حقيقة لماذا لا تكتب عنه وتفضحه ولماذا تنتظر الدلائل عن فساد تقر وتعترف بحقيقته لماذا لا تدافع عن هذا الشعب المسكين بدلا عن الدفاع عن جلاديه والتشكييك فى منافحيهم!
ولك احترامى وتحياتى
جنى
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: خالد العبيد)
|
شوفوا يا ساده الكلام الماعندو دليل ذليل....ورينا خطاب... مبايعه.....اقرار...اي حاجه تدل علي صحه كلامك.....وما تديني انشاء وبس...عاوزني اصدق...كلامك دا في لغه السودانيين اسمو ونسه.....زي كلام ست الودع....في بيت ناس الراضه.....بعد وقت الضحي...الكل يضحك...وبعدين يتفضوا لي بيوتهم....حتي اسأل ود الباوقه...عن موضوع ناس الراضه...ياخي خاف ربك....ترمو الناس بالباطل...وما معناه انو انا ضد الدوله...يحق لي تجريم الناس...لكسب مصالح منها...والله العظيم تلقاها في اولادك وأهلك...يا اخ اتق الله واذا ماعندك دليل دامغ....وكمان ما يكون تلفيق... وتزوير..طلعوا.... واتحداك...للسنه الجايه ما حا تلقاه...الواحد بقي يكره المنبر ده...عشان الاشيا الذي دي....
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: Adil Bashier)
|
السؤال الحقيقى بكم اشترى المحتال جمعة الجمعة الفندق من حكومة السودان؟
من الذى باع قيم الفندق قبل بيعه لجمعة الجمعة؟
هل كان هناك عطاء لبيع الفندق تنافس عليه الناس ام تم بيعه مباشرة لجمعه الجمعة؟
هنا يكمن الفساد الحكومى
تبخيس قيمة الفندق ومن ثم بيعه دون عطاء لشخص محتال اتى به محتال حكومى متنفذ باع له و قبض العمولة الضخمة
هكذا ضاعت اغلب ممتلكات الدولة من شركات و بنوك و اصول ثابتة و منقولة
هكذا نهبت اموال الشعب
اشخاص محتالون مثل جمعة الجمعة و خرباش وصقر قريش يثبتون أن عصابة الحكومة تتعامل مع من يماثلها من رجال العصابات و المجرمين و المشبوهين.
الطيور على اشكالها تقع
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: هشام المجمر)
|
Quote: الريس شيخ العوض سلامات
ما فرقت كتير هم احمد وحاج احمد
عبد الباسط مقدم سابق ....من وين عمل قرشو دى؟
|
دي شريعة نضال وللا شنو ؟
أنت كتبت:
| Quote: على كرتي يشترى فندق قصر الصداقة بـ (85) مليون دولار |
جاء الأخ العوض قال اشتراه عبد الباسط !
تقول هم أحمد وحاج أحمد؟
--------------
أنا لا أعرف من هو علي كرتي ولا من هو عبد الباسط !
لكني أعرف أن صاحب هذا البوست مفتر وله سوابق في اتهام الناس بالباطل !!
ما هكذا تكون المعارضة !
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: Mohamed E. Seliaman)
|
Quote: معناهو انت عندك الدليل طالما الفساد حقيقة لماذا لا تكتب عنه وتفضحه ولماذا تنتظر الدلائل عن فساد تقر وتعترف بحقيقته لماذا لا تدافع عن هذا الشعب المسكين بدلا عن الدفاع عن جلاديه والتشكييك فى منافحيهم!
ولك احترامى وتحياتى
جنى |
يا جني يا أخوي أنا ما أنكرت أي شئ لكن كمان ما ممكن أصدق أي كلام و الخبر منقول من جريدة حريات
و أنا بعرف جريدة حريات كويس
و إذا الحكاية بقت إتهامات بدون أي دليل برضو ناس الحكومة عندهم إتهامات بالكوم لي كتيرين في المعارضة
و قدامك أهو طلع الإتهام الورد في الخبر ما صحيح و سبحان الله لسه الناس مُصرة عليه
و إذا جاء واحد قال لأ الإشترى الفندق شخص ثالث برضو حا إستمر الإتهام زي ما هو أحمد و حاج أحمد و شيخ أحمد كمان
تحياتي
.
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: القلب النابض)
|
Quote:
سلام يا اخ معاوية ..
في معلومة عندي ان الذي اشتري الفندق هو رجل الاعمال السوداني عبدالباسط حمزة الذي يملك فندق روتانا ..
ويملك واحد وخمسين في المائة من شركة ام تي ان ... |
يا المسلمى
عبدالباسط حمزة و لا على كرتى و لا اى سجم رما د آحر كلهم لصوص و مستلحين للمال العام
لعنة الله عليهم و على كل كوز فاسد
و لعنة الله على كل من دافع عنهم و عن فسادهم
| |
|
|
|
|
|
|
|
|
|
Re: على كرتي يشترى فندق قصر الصداقة بـ (85) مليون دولار (Re: معاوية عبيد الصائم)
|
اذن من باع البنك العقارى لجمعة الجمعة؟ وهل كان هناك تقييم صحيح للبنك واصوله و موجوداته؟ وهل طرح البنك فى عطاء على المشترين للحصول على اعلى سعر ؟م بيع بى تحت تحت لجمعه الجمعة؟
يقال ان جمعة الجمعة مديون للبنك العقارى.
هل استخدم جمعه الجمعة فلوس البنك العقارى لشراء الفندق؟ يعنى من دقنو وفتلوا!!!
اذا كانت ال 85 مليون دولار ستذهب للبنك العقارى الذى هو ملك جمعة الجمعة
معناهو انو السيد جمعة الجمعة اشترى الفندق من بنكه بثمن بخس ( غالبا) و بفلوس البنك و باع بسعر عالى
محتال كبير
| |
|
|
|
|
|
|
| |
معاوية عبيد الصائم
ABUHUSSEIN
عمر موسي منجي
العوض المسلمي
Nagat Sid Ahmed Elshiekh
القلب النابض
محمد على حسن
عابدون محمد عابدون
سعد مدني
Mustafa Mahmoud
معاوية عوض الكريم
المكاشفي الخضر الطاهر
الرفاعي عبدالعاطي حجر
jini
حذيفه ابراهيم الكباشي
Mannan
خالد العبيد
Adil Bashier
هشام المجمر
Mohamed E. Seliaman
rummana
الطيب رحمه قريمان
فيس بوك
تويتر
انستقرام
يوتيوب
بنتيريست