|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: Hadeer Alzain)
|
يا حبوب زماااااااان قلت ليك دا صوت جانح صوب الجمال وصوت مكرب وفلتة ومافي زيو لا في سودانا دا ولا في عالمنا العربي كلو..... قلت الخير عاصر علي باللوتري ههههههه
المهم انا حاسي انك لو لي هسي ما اقنعك كلامي اقلاها بقول ان في اصح واول عتبات الجمال في سلم الاليقة ذات الصوت العذب نانسي.
انت وفيصل نوبي بس شغالين معانا ضواقات فيا حبات ترى اصلوحو معانا.
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: الخير محمد عوض)
|
بهذه الاغنية ترتفع نانسي عجاج درجات في الفن!
التقاط هذا اللحن الجميل من بحر فنون السودان الضخمة وتقديمه للعالم دا نجاح اول
تطوير اللحن وتقديمه بطريقة عصريه
دا نمرة اتنين
استخدام الطمبرة كخلفية متحركة وايقاعية في آن! دي معالجة ورؤية فاهمة عديل واعتراف ورد جميل لهذا (العنصر) النادر مثلة في موسيقي العالم كله!
البساطة في الاضافات الموسيقية والابتعاد عن (البهرجة الفارغة) دي ما بعملا الا زول فاهم في الفن زاتو!
اما اداء وصوت ناسي فموجه ومطوع لتوصيل الحال او (المناخ) الحزين وال (الحنين) في مضمون الاغنية
-----
طيب.. دا كلو كلام انطباعي.. والله كتبتو قبل ما اكمل الاستاع للاغنية لانو الرساله والقيمة وصلت من بدايه الاغنية وبالطبع دا مؤشر ذو قيمة عالية
وكدا نانسي طمنتنا عليها كفنانة حقيقية لانو كنت خايف عليها من نجاحات البداية ومواجهة السؤال العتيد في الفن: ثم ماذا بعد..
ومع الطريق المسدود الذي وصلت اليه الاغنية السودانية بتاعت ام درمان (تقرأ بتاعت الاذاعة مثلا) ممكن جدا تطوير الاغاني والالحان من الاقاليم المختلفة وتشيكل طوق طفرة وخروج للمرحومة الاغنية السودانية يعكس بصدق وجوه التنوع في فنون السودان
شكرا نانسي ومن معها في هذا العمل وكذلك صاحب البوست
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: Mamoun Ahmed)
|
Quote: يا حبوب زماااااااان قلت ليك دا صوت جانح صوب الجمال وصوت مكرب وفلتة ومافي زيو لا في سودانا دا ولا في عالمنا العربي كلو..... قلت الخير عاصر علي باللوتري ههههههه |
الخير يا عمكـ .. هسي زاتو عصرت علينا شوية
الأغنية دي مميزة من نواحي كتيرة يا عمكـ الأولى إنها فلكلور وفيها ريحة الوطن فايحة .. ونانسي أدت الأغنية بطريقة سلسة وصّلت (الفيلينق) كويس جدا جدا!!
_ اللوتري باقي عليهو كم آآزول!!
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: كمال ادريس)
|
شـــكرا للمرهف ودالصايم
شـــكرا للمبدعة نانسي
بالامس القريب حدثني الاخ تبارك شيخ الدين عن هذه الاغنية
كم كان معجبا بسهولة الكلمات وبساطة اللحن ودفء الصوت
لم يسمعني اللحن بل تركتني متلهفا لسماعه
جلست طوال الليل ابحث عن تلك الاغنية ولم اجدها
وفي الصباح وعندما فتحت اول بوست فاجأني الاخ الشفيف ودالصايم باللحن
شكرا مرة اخري ودالصايم
YOU MADE MY DAY
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: القلب النابض)
|
السلام عليكم ورحمة الله
هذا تراثنا يا ودالصايم لقد قلتها من قبل ان هذا التراث لوجد طريقه الى أذان المستمعين سوف لن تشبع منه بطون أذانهم لو للاذان بطون ..
مبدعة نانسى وادت الاغنية كمالو انها مننا والينا.. الزراعنك فى الصريف بسقيك بلا خريف كما الصبر تكليف من بيتكم ما بفيق *********** حلاوة القرطاس الفى الخشيم تتماص (اى بمعنى تذوب بسرعة) لو ما كلام الناس برحل معاك خماس .. (خماس هذه تبقى حلتنا عديل كدة ) ********* بنشلع ونبنى ما تقولوا عاجبنى همك ضاربنى وتفسيرك غالبنى ****** اللورى جاء منقل شاحن قزاز الخل اموت ويدفنونى قدام شركة شل
بس الكورس ما اصلى .. لابد من تحديث لهذه الاغنية لان هذا تراث لابد ان يؤدى كما ينبغى ....
تراث دار حمر ... كردفان الغرة
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: omer osman)
|
Quote: بس الكورس ما اصلى .. لابد من تحديث لهذه الاغنية لان هذا تراث لابد ان يؤدى كما ينبغى |
خليفة يا عمكـ شكرا يا حبيب على الإضافة الجميلة أنا برضو لاحظت شوية طبزات كـدا للكورس من ناحية سماعية عادية طبعا لأنو دي أول مرة أسمع الأغنية فما عندي الخلفية المفروض تكون عليها في الأساس .. وبرضو تُشكر نانسي على إخراجها ونتمنى إنها تكون عتبة أولية في عودة الأعمال التراثية الجميلة دي
تسلم يا عمكـ
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: عليش)
|
Quote: يا أخي بدل تحلل لينا الأغنية والأداء والأدوات تلصق الغنية وتعمل فيها الفنان ظاتو! اشتغل شغل مجود يا أخي، إنت قايل دي محاسبة! |
والله يا آدم يا عمكـ .. التجويد عندما ياهو نسمع النضيف دا! علاقتي بالكلام التحليلي بتاع الغنا دا أخير منها علاقتي بالإنجليزي!!
الأغنية الجبتها دي يا عمكـ برضو من الحاجات العملت فيها نانسي شغل نضيف .. وسمح بالحيل .. وياهو نتمنى كل حاجاتا تطلع بالطريقة دي ولو مشت في درب التراث دا تكون كّملت القضية!
تسلم يا عمكـ
| |
|
|
|
|
|
|
Re: نانسي عجاج .. لو ما كلام الناس أموت ويدفنوني قدام شركة الشل!! (Re: عبدالله ود البوش)
|
شكرا يا ود الصايم وفعلا والله اتضح إنك كويس...وموش بطال، يمكن يجي منك
الكورس اصلي جدا، وهي فرقة حمرية عديل قامت بعمل الهسيس والطمبرة مع إيقاع الجراري وعندما اقامت نانسي حفل تقديم هذا الالبوم اعتذرت عن عدم تقديم هذه الأغنية حية (لايف) لان الفرقة التي اشتغلت معها العمل لم تكن موجودة ووعدت بتقديمها على المسرح بعرض كامل بالآلات والأزياء سالت عن اندرية، ولم أجد تفسيرا واضحا عن منبع الاسم، لكن قيل ان البنت في تلك المناطق، كما في مناطق أخرى من السودان، لا يمكن أن تاتي باسم حبيبها مباشرة وبشكل صريح، وإلا وقعت الحرابة، لهذا هي ترمز له، وهنا جاء الرمز أندرية، وربما التقطته من فيلم كاوبوي قديم!!!، موش ممكن
فيصل
| |
|
|
|
|
|
|
|