بشاشا... تحية كوشية... مسكاقمي.. بعد ان قضي اكثر من اربعين عام في دفوفة كرمة اقدم مدينة حضرية في العالم يقول البروفسور السويسري شارلي بونيه ان الحضارة الفرعونية في مصر هي امتداد للحضارة النوبية في شمال السودان..
فيلم وثائقي عرض في قناة سويسرية .... احضر الثلاثة اجزاء ولو ما فاهم اللغة شوف ليك مترجم سريع...
Quote: بعد ان قضي اكثر من اربعين عام في دفوفة كرمة اقدم مدينة حضرية في العالم يقول البروفسور السويسري شارلي بونيه ان الحضارة الفرعونية في مصر هي امتداد للحضارة النوبية في شمال السودان..
فهمت من دراسة كتبها الدكتور اسامة عبد الرحمن النور عليه رحمة الله ان اطلاق اسم النوبة علي كوش امر لا يتطابق مع الواقع التاريخي و انه كذلك يحصر كوش في منطقة محدودة .و افاد الدكتور ان مسمي النوبة لم يظهر الا في العصور الوسطي و استخدمه المصريون و العرب فيما يعود اسم كوش الي اقدم من ذلك بكثير .. راجع الدراسة :
كوش- النوبة : إشكالية التسمية د.اسامة عبد الرحمن النور .
تحاول هذه الورقة مناقشة التسميات المختلفة التى أطلقت على السودان في الأزمان التاريخية المتعاقبة. استخدم المصريون القدماء عدداً من الأسماء التى أطلقها الملوك الكوشيون (السودانيون القدماء) أنفسهم على بلادهم. على سبيل المثال تسمية تا سيتى (أرض السهام) التى استخدمت بداية للدلالة على إقليم محدد من الأطراف الشمالية للسودان. من ثم انتشرت التسمية لتشمل القطر بأكمله. أيضاً استخدمت تسمية الواوات للدلالة على الأطراف الشمالية للسودان إلى جانب استخدام تسمية تا نحسى للدلالة على السودان ككل، وكلمة نحسى للإشارة إلى كافة الشعوب التى تعيش إلى الجنوب من مصر. أما الإغريق فإنهم منذ أزمان هوميروس قد أطلقوا على البلاد تسمية "إثيوبيا" التى تعنى "ذو الشكل المحروق". وقد ثبت الكتاب الإغريق الحدود الشمالية لاثيوبيا في أسوان، في حين ظلت حدودها الجنوبية مجهولة لهم. أما تسمية النوبة التى تستخدم بكثرة أيضاً في الكتابات المتخصصة للدلالة على إثيوبيا النيلية (كوش) فإنها تظهر في فترة متأخرة . أول ذكر لبلاد النوبة نجده في أعمال الكتاب العرب. يحتمل أن يكون أولئك الكتاب قد استخدموا الصفة المصرية الشائعة في تلك الفترة للدلالة على المنطقة الواقعة إلى الجنوب من أسوان. في القرن السادس عشر قبل الميلاد، واحتمالاً في وقت أسبق، بدأت في التلاحم والتوحد المشيخات الكوشية إلى الجنوب من مصر، تلك العملية التى قدر لها على مدى ثمانمائة عام ليس فقط أن تحكم قبضتها على كل وادي النيل من البطانة جنوباً حتى ساحل البحر الأبيض المتوسط شمالاً، بل وأن تدخل في تنافس مشهود مع الإمبراطورية الآشورية من أجل السيادة على سوريا وفلسطين يمكن القول بأن كوش ظهرت للمرة الأولى على مسرح السياسة الدوليَّة تحديداً تحت هذا الاسم منذ نهاية النصف الأول للألفية الثانية قبل الميلاد. وقد أطلق ملوك نبتة ومروى على بلادهم اسم كوش وهو ما فعله كل من أسبالتا، وهورسيوتف، ونستاسن. ورغم أن اسم كوش قد استخدمه المصريون إلى جانب أسماء أخرى منذ عهد المملكة الوسطى، وعنهم استخدمه الآشوريون والفرس في مدوناتهم، بل وبهذا الاسم ذكرت البلاد في الكتاب المقدس، فانه وفي أزمان لاحقة صارت الكتابات المتخصصة، بفعل تقليد يعود إلى الإغريق والرومان بداية وإلى الكتاب العرب في القرون الوسطى لاحقاً، تلجأ إلى استخدام تسمية إثيوبيا أوالنوبة للدلالة على كوش. من ثم يرى الكاتب أن تسمية النوبة المستخدمة حالياً للدلالة على اسم البلاد في الفترات التاريخية السابقة للقرن الخامس الميلادي، لا تتطابق مع الواقع الفعلي التاريخي. ويرى الكاتب أن تسمية النوبة تظهر للمرة الأولى فقط في العصور الوسطى، وتم اشتقاقها في الغالب الأعظم من قبائل النوبا أو النوباديين، الذين وصلت أول إشارة عنهم في القرن الثالث الميلادي. بهذا فإن استخدام تسمية النوبة بدلاً عن كوش لا يتطابق مع الواقع التاريخي، بالإضافة إلى أنه يثير بلبلة فيما يتعلق بالحدود الجغرافية ذلك أنه لم يتم إطلاقا إدخال البطانة في مفهوم النوبة. بالتالي فإن تطبيق اسم النوبة على أزمان مملكة مروى غير صحيح إطلاقاً. إنه حتى في أزمان الادريسى، حين أصبحت تسمية النوبة تفهم بمعنى أكثر اتساعا، فإنها كانت تشمل فقط شمال السودان حتى الجندل السادس جنوباً بمجرى النيل وهو ما يعنى استبعاد الصحراء على ضفتيه والجزيرة المرًّوية (البطانة).
11-02-2010, 11:42 PM
محمدين محمد اسحق محمدين محمد اسحق
تاريخ التسجيل: 04-12-2005
مجموع المشاركات: 9813
تدهسني جاموسة عمياء زي ما بيقولوا الصعايدة لو كنت فاهم أنه الناس زعلانة من الحقيقة دي ليه؟؟؟
Quote: نعم، مصر الكوشية، اسس حضارتها، جيش من الجنوب الحالي
رغم إنه المتنبئ قال عن سواد كافور ما قال زي :
من علم الاسود المخصي مكرمة
ومع ذلك كثيرين ما قادرين يصدقوا أن كافور كان عبدا أسودا كان يصرون أنه من المماليك البيض من أواسط آسيا
ما علينا العندو أي ضدح لهذه الحقيقة التاريخية: مصر الكوشية، اسس حضارتها، جيش من الجنوب الحالي فليأت به ودا ما عنده علاقة بأنكم بتحبوا الجنوبيين أو بتكرهوهم ولا بتحبوا بشاشا ولا بتكرهوه
11-03-2010, 04:23 AM
Bashasha Bashasha
تاريخ التسجيل: 10-08-2003
مجموع المشاركات: 25803
معليش يا عزيزي، كلام السويسري ده لا يخصنا في شئ، وهذا كما كررنا القول شرك او فخ نصبتو المركزية الاورببة، بغرض صرفنا عن مصر، ابنة كوش الكبري.
في البوست الاول كتبنا مايلي لمصلحة القارئ:
Quote: باختصار شديد هناك مدرستان في مجال تاريخ السودان القديم، اي تاريخ افريقيا، وداخل كل مدرسة من الاتنين ديل تيارت، مختلفة او بالذات الاولي، وهي مدرسة المركزية الاوربية، والمدرسة الثانبة هي مدرسة المركزية الافريقبة.
مدرسة المركزية الاوربية اخدت شكلها الحالي منذ القرن الثامن عشر عندما وقع الانقلاب الكبير الذي اطاح بمدرسة قدماء الاغريق، الذين تحدثو عن تاريخ كوش، او السودان المروي كشهود عيان، باعتبارم تتلمذو علي ايدي اجدادنا، في منطقة اسوان الحالية، او ابو التاربخ كما اطلقو عليه، هيرودتس مرقا لي حد كبوشية الحالية او البجراوية، او بفضلو احنا عرفنا موقع مروي الحالي!
علي مدي اكثر من 200 سنة المركزية الاوربية بعد طمس النموذج القديم، في هدوء، نسجت من خيال استعلاءها، الوعي المتداول اليوم عن تاربخ السودان القدبم او افربقيا، باختصار، باعتبارو من منجزات الجنس الاري او الانسان الابيض!
قد لاتصدقون هذا، ولكن فيما قبل بروز ونضال فرسسان المركزية الافريقية، كل تاريخ افريقيا القديم من راس الرجا وحتي الاسكندرية، كان رسميا تاريخ اسسو او انجبو الانسان الابيض!
اما الافارقة فدورم في تاريخ البشرية، وفق رؤية وطرح المركزية الاوربية، فكانو فقط مادة استعباد للبيض لاغير!
الذين اتو للتنقيب في تاريخ السودان، اتو للبحث عن امتداد تاريخ اجدادم الاسسو مصر القديمة! اغرب من الخيال ولكن، هذا اساس كل المتداول في السودان اليوم عن تاريخ السودان او "نوبيا"!
صعب الواحد يصدق كيف المركزية الاورببة نسجت من الخيال المحض تاريخ لافريقيا يتمشي مع نظرية الاصل الاري للتاريخ والحضارة!
من ذلك تقسيم الافارقة لي ذنوج او حاميين، ثم جعل الحاميين منهم اريين او قوقازيين لتمرير فبركة الاصل الاري للحضارة لدي بعضهم!
خلاصة الامر كل ما اتصل بتاريخ السودان او افريقيا القديم، كان نسج من الخيال العنصري الاستعلائي، المحض، وهذا اساس المتداول اليوم.
مع بروز المدرسة الافريقية او حسمها للصراع لصالح الاصل الافريقي، التكتيك اتغر شوية من قبل غلاة المركزية الاوربية، حيث ابتدعو ما يسمي بحضارة كرمة، ولا وجود لحضارة بهذا الاسم اطلاقا، كذر للرماد، باعتبارها موازية للحضارة المصرية، او بالتالي يسكتو الافارقة او يبعدوهم عن اي "تغول" وادعاء من قبل الافارقة، لحضارة مصر القديمة، الحقتم هم، اي البيض، ضمنا!
هم بطلو التصريح بذلك علنا واكتفو بالتلميح او دفع مصريي اليوم للواجهة!
اما المدرسة الافريقية، من قولة تيت بدات بي مصر مش السودان او كنكشت في مصر، او دي كانت خطة عبقرية، بالذات من العلامة ديوب، وبذلك حسمو نتيجة الصراع، الافارقة لصالحم، او ابدا ما اتخمو بي ترهات كرمة كاساس لحضارة كوش الموازية لحضارة مصر حسب اللعبة القذرة المتداولة اليوم، البروجو ليها ذنوجة النوبة السذج، المولعين بالهاوي السيوسري المستهبل الساكن في منطقة المحس من الستينات!
....يتبع....
11-03-2010, 05:24 AM
Bashasha Bashasha
تاريخ التسجيل: 10-08-2003
مجموع المشاركات: 25803
اسامة النور لايختلف عن بقية لواء مكدونالد الجديد من المشتغلين بشرح جورج رايزنر في شئ علي الاطلاق!
كلهم او من دون فرز لم يفعلو اكثر من ترجمة وشرح تراش المركزية الاوربية!
من ايام تنابلة المركزية الاوربية بقيادة يوسف فضل "الجعلي الحر" كانو في باريس يؤدو فروض الولاء والطاعة لاسيادم، او بعد تنصيب واحد فرنسي كرئيس لي جمعية المركزية الاوربية، المسماة نوبية، عادو ادراجهم للخرطوم كالعادة!
دكتور اسامة طبعا كحوار مركزية اوربية مافاهم من الاساس ايه سر البلبلة بتاعت نوبي او كوشي المقصودة اصلا!
لاحظ ليهو يتحدث بي صيغة القطر والسودان ككل!
القطر السوداني الحالي حديث جدا لايصلح كاساس لفهم الفترة الهو بنكلم عنها!
هذا الارث الحضاري يخص كل افريقيا وليس سودان اليوم حصرا، مع التسليم ان "السودان المروي" كان هو فعلا القلب لحضارة كوش.
مربط الفرس في تراش المركزية الاوربية البلوكو فيهو مجندي لواء مكدونالد من شراح رايزنر، هو هذا الكلام:
Quote: يمكن القول بأن كوش ظهرت للمرة الأولى على مسرح السياسة الدوليَّة تحديداً تحت هذا الاسم منذ نهاية النصف الأول للألفية الثانية قبل الميلاد
نعم تاريخ كوش لايتعدي نهاية النصف الاول للالفية الثانية، ق،م!
وماذا قبل ذلك؟
طبعا مصر البيضاء ولا شك!
وقع ليك كلامنا عزيزي الفارئ، كيف كرمة مجرد فخ او شرك، كرشوة لنا لشراء صمتنا عن مصر؟
دي اخر اللعبات البهلوانية لمهرج السيرك، اي ساحر المركزية الاوربية، لاطفال الروضة الزينا، من الافارقة!
نعم، انتو يا ذنوجة والله تبرعنا ليكم بي كرمة، فاتلمو، او موضوع مصر حقتكم هذا، فتف من خسمك يا Nigro!0 !
السما اقرب يا زنوج!
في وجود وثيقة كاللتي اتينا بها اعلاه، ناس علي عثمان، حاكم، اسامة،...الخ مصرين كما الببغوات يرددو ترهات المركزية الاوربية عن نوبيا، كوش، حدود كوش، او تاريخ بروز كوش...الخ!
الي هذا التاريخ شراح رايزنر لايعرفون اي شئ يذكر عن مدرسة المركزية الافريقية في مجال تاريخ السودان، الحسمت المعركة الدائرة منذ اكثر من 200 سنة حول تاريخ السودان "افريقيا" القديم، لصالح الاصل الافريقي للحضارة!
حتي كون المعركة حسمت الطيور شراح رايزنر الي الان ما وصلم الخبر!
مارقنها لي باريس لاعادة انتاج ذات القديم البالي الاتحسم اصلا!
صعب جدا علي الفرد العادي الغير مشتغل بالمجال ده ييستوعب حقيقة ما يجري في هذا المجال، في السودان، صعب!
11-03-2010, 07:44 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: اول من سلط الضو الكاشف علي هذه الوثيقة هو العلامة ديوب.
Quote: بالهاوي السيوسري المستهبل الساكن في منطقة المحس من الستينات!
بشاشا... تحياتي. طيب يا بشاشا شنو البخلي ديوب علامة والبروفسور شارلي بونية مستهبل؟؟؟ علي الاقل شارلي بونية ما قال كلامو من فراغ وذي ما انت كاتب الزول ده من الستينات معانا بي هناك. ولا بس عشان سكن في منطقةالمحس دي ما قدرت تبلع كلامو. ومعظم الناس لا بعرفوا ديوب ولا بشاشا...وديوب مات وانت ما حتقدر تزور المنطقة دي عشان تعرف الحقيقة. اكيد انت ذاتك لو زرت المناطق دي كنت قلت نفس كلام شارلي بونيه.... وللاسف انت بكلامك ده بتعتبر كل المناطق الاثرية علي امتداد المنطقة النوبية في الشمال كانت عبارة عن اكشاك ليمون تبيع الليمون البارد لجيش الجنوب الزحف لمصر واسس حضارتها,,,
Quote: معليش يا عزيزي، كلام السويسري ده لا يخصنا في شئ.
Quote: ابدا ما اتخمو بي ترهات كرمة كاساس لحضارة كوش الموازية لحضارة .
وكلام بشاشا وغيره لا يخصنا ....
الكلام ده البخصنا....
شارلي بونيه تكلم من مدينة كرمة ويبدو عليه الفخر والاعزاز بهذه الحضارة التي أصبح هو جزاء منها حيث مكث بالسودان أربعون عاما
وبدات رحلة شارلي بونيه عندما قدم الي مصر بعد أن درس علم الاثار في سويسرا، ولكن من خلال بحوثه في مصر وجد أن هنالك حلقة غائبة في تاريخ الحضارة الفرعونية! وأن هناك مرحلة مهمة من مراحل تلك الحضارةمفقودة. فذهب الي شمال السودان وبداء يبحث عن أصل الحضارة الفرعونية التي ملأت الدنيا وبعد سنوات طويلة من الصبر والعمل المتواصل توصل شارلي بونيه الي الحقيقة الغائبة وهي أن أصل الحضارة الفرعونية في السودان وأن فراعنة السودان هم الذين حكموا مصر حتي بلاد فلسطين
تحدث شارلي بونيه عن تلك الحضارة التي مر عليها أكثر من 300 الف سنة وأكد أن الحضارة الفرعونية في مصر أتت بعد الحضارة النوبية في السودان ، وان ملوك النوبة (الفراعنة السود) هم الذين نشروا تلك الحضارة خلال حكمهم لمصر الذي إمتد حتي فلسطين وإستمر قرابة 2500 عام. ولكن عنما إستجمعت مصر قواها وعافيتها في زمن الفرعون (نارمر) الذي كان أول من أسس اسرة الفراعنة التي حكمت مصر بداء الفراعنة يفكرون في إجتياح ملوك النوبة في السودان وبعد قرون من الزمان حكم مصر الفرعون (بساميتك) وسيطر علي منطقة النوبة ودخل مدينة كرمة ودمر حضارة الفراعنة السود وهدم القلاع والمعابد وتماثيل الفراعنة السود وكان ذلك في عام 664 قبل الميلاد
وعرض شارلي بونيه التماثيل التي دمرها المصريون والقلاع والمباني الشاهقة التي كانت أعلي مباني في المنطقة بل وعلي مستوي العالم أنذاك وكان إرتفاعها حوالي 20 مترا مما يؤكد علي أن حضارة كرمة كانت أول حضارة في العالم وكانت تسمي تلك المباني العالية في لغة النوبة ب (ديفوفا) وشكر شارلي بونيه الفريق الذي عمل معه المكون من فرنسي عمل سابقا بالجيش الفرنسي بالجزائر وشاب سويسري ومهندسيين سودانيين وخريجة أثار من منطقة كرمة ذكرت أن أباها عمل بالاثار المصرية بمنطقة (أبو سمبل) جنوب مصر
وتحدث شارلي بونيه بإعجاب شديد عن الشعب السوداني وعن التعاون الذي وجده من السودانيين علي كل المستويات وقال : أنا جئت من بلد محايد وأعمل في مجال الاثار وهو مجال محايد فلذا لدي علاقات متميزة مع كل السودان علي مختلف مستوياتهم وكرر نفس الكلام عالم الاثار الفرنسي الذي يعمل جنبا إلي جنب مع مع شارلي بونيه الذي ظهر علي شاشة التلفاز طوال البرنامج وهو يرتدي (الجلابية) السودانية بإعزاز
زار شارلي بونيه ومجموعته محلية كرمة وقابل المسئولين وتحدث معهم بدون أي حواجز وطلب منهم إنارة النطقة التي يعمل فيها وإستقبلوه وكانه واحد منهم
بعد أن أكتشف شارلي بونيه تمثال الفرعون ملك النوبة الذي حكم مصر ، عمت الفرحة أرجاء المنطقة وخرج أطفال المدارس يحملون العلم السوداني والعلم السويسري في فرحة لا توصف ولافتات كتب عليها (شكرا شارلي بونيه) حملها أطفال المادرس الصغار
11-03-2010, 08:40 AM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: الذين اتو للتنقيب في تاريخ السودان، اتو للبحث عن امتداد تاريخ اجدادم الاسسو مصر القديمة! اغرب من الخيال ولكن، هذا اساس كل المتداول في السودان اليوم عن تاريخ السودان او "نوبيا
هذا هو نفس كلام شارلي بونيه
Quote: مع بروز المدرسة الافريقية او حسمها للصراع لصالح الاصل الافريقي، التكتيك اتغر شوية من قبل غلاة المركزية الاوربية، حيث ابتدعو ما يسمي بحضارة كرمة، ولا وجود لحضارة بهذا الاسم اطلاقا، كذر للرماد، باعتبارها موازية للحضارة المصرية، او بالتالي يسكتو الافارقة او يبعدوهم عن اي "تغول" وادعاء من قبل الافارقة، لحضارة مصر القديمة، الحقتم هم، اي البيض، ضمنا!
وفي النقطة دي شارلي بونيه بيقول ان كرمة هي اول عاصمة لكوش و لم يتحدث عن حضارة منفصلة اسمها حضارة كرمة و يقول ايضا ان حضارة كوش هي اصل الحضارة الفرعونية و ليست حضارة موازية لها
و بصراحة لم افهم لماذا التحامل علي البروفيسر شارلي بونيه و وصفه بالمستهبل و هو يقول نفس كلامك بعد متابعتك لحديثه ارجو انك توضح لي انت مختلف معاهو في ياتو نقطة
11-03-2010, 12:37 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: الحقيقة التاريخة تقول ان مصر الكوشية اسس حضارتها جيش من شمال السودان الحالي ده التاريخ بقول كده
شمال السودان وجنوب السودان بمدلولاتها اللافة هسع حاجة حديثة نتاج حركة البشر عبر القارات والبحور والحاجات الانت عارفها
بس من زمن قديم جدا
كانت هناك أفريقيا وكان هناك الانسان الاسود، البشر الوحيد علي وجه الارض وكما يقول علماء الآثار والاناسة كان هناك كم قليل منهم وكان يتنقلون في القارة وقد قال بعض هؤلاء أنه بفعل أوبئة وظروف المعاش بقت قلة قليلة منهم في مناطق الساحل في جنوب أفريقيا ومن هذا الجنس الاسود ومن أفريقيا خرجت كل البشرية وبينهم نشأت أول حضارة وأول دولة مركزية وأول ديانات وطبعا اللغة
هذه حقيقة يرفضها نوعين من الناس ليست لانها غير علمية ولكن لاسباب أيديولجية الاول من يقولون أن الجنس الابيض هو مبتدع الحضارة علي الارض وكانت تلك الفكرة ضرورية في زمن ما لتبرير إستعمار أفريقيا من قبل الأوربيين بحجة تخلف الافارقة وأن للرجل الابيض مهمة تمدينية والثاني هم من يقولون بأن تاريخ السودان وجغرافيته قد بدأت بدخول العرب السودان وهم من يقولون بعروبتهم هم شخصيا بإعتماد نظرية الهجنة والهجنة تعني أن العرب تزاجوا بحبوباتهم السود وانجبوهم ولذلك فهم أحسن من السودان لانهم محسنين كما الابقار الهولندية أها ديل ما دايرين يسمعوا أي حاجة عن حضارة أفريقية سوداء أبتدأت في هذه البلاد المتطرفون منهم دينيا يقولون أن أي حضارة قبل الاسلام جاهلية لا يعتد بها مع أن ناس هذه البلاد كانوا علي دين الله قبل نزول الاسلام علي محمد صلي الله عليه حال أهل السودان المهجنين لا يختلف عن المولاتو في أمريكا اللاتينية وفي حتات تانية بيسموهم الاسميلادو أولئك الذين يشبعون أهلهم الاصلين تعاليا لمجرد أنهم أختلطوا بالرجل الابيض وقربهم الرجل الابيض ووجد فيهم المحظيات ورؤوساء العبيد وهذا أظهر ما يكون في هايتي
فيا مولاتو السودان أين بدأت الحضارة الانسانية مفروض يكون موضوع بحث علمي صرف ولكنه لم يك كذلك أبدا لاسباب أيديولوجية فقد أجتهدت مصر الرسمية كثيرا وكثيرا جدا حتي لا يقول أي من العلماء أن الحضارة الانسانية بدأت إلي الجنوب منهم وبدأها الانسان الاسود ربما خوفا علي دخل البلد من السياحة ولربما لانها لا زالت علي عقيدة أن لها مهمة تمدينية في السودان والعقلاء في السودان من يعرفون أصل وفصل هذه المهمة التمدينية
المهمة التمدينية قد بانت أسنانها هذه الايام فأستعدوا
11-03-2010, 06:04 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: واين هو اثبات هذه النظرية؟ نظرية ان مصر الكوشية اسس حضارتها جيش من جنوب السودان الحالي !!
وليد مرحب،
هذه النظرية في طور الطرح، فصبرا يبل الابري! ده واحد، نمرة اتنين، لوعندك قدرة علي دحض وثائق اجدادنا، اهل مكّانا، الادري بشعابها، فيا الف مرحب بيك! بعدين لو مصر انو الاسسو مصرنا القديمة كانو من شمال اليوم وليس من جنوب اليوم، فهاك شمالي ذاك الزمان:
وجع!
الاها الانتا جاكي منو عاضي العراقي، لما تصل ميسك، او ترفع راسك، تعاين للقدامك، حتلقاهو ياهو زاتو، زويل الجنوب! الفرق بين الاتنين فقط هو الموقع الجغرافي لاغير حقيقة.
اي اختلاف اخر يظل ثانوي وفرعي، كاختلاف شكل اصابع يدك اليمني. لاننكر وجود مثل هذا التباين العادي والطبيعي حتي داخل البيت والاسرة الواحدة!
11-03-2010, 10:38 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: الاها الانتا جاكي منو عاضي العراقي، لما تصل ميسك، او ترفع راسك، تعاين للقدامك، حتلقاهو ياهو زاتو، زويل الجنوب! الفرق بين الاتنين فقط هو الموقع الجغرافي لاغير حقيقة.
اي اختلاف اخر يظل ثانوي وفرعي، كاختلاف شكل اصابع يدك اليمني. لاننكر وجود مثل هذا التباين العادي والطبيعي حتي داخل البيت والاسرة الواحدة!دي
عاين شكلي ده واعمل مقاربتك حا تعرف بدون مقاربة انو ممكن الزول ده يكون جدي
Quote: هذه النظرية في طور الطرح، فصبرا يبل الابري! ده واحد، نمرة اتنين، لوعندك قدرة علي دحض وثائق اجدادنا، اهل مكّانا، الادري بشعابه
انت كدي وقفها على كرعينها نظرتك دي في الاول ، عشان نحن نضحضها، وما تخاف وثايق ومنطق ضحضها لا تحتاج سبر اغوار برفع ليك صورة تمثال تهرقا او اي تمثال صغير من التماثيل النوبية القديمة الساوينها اهلنا موش الراسمها مصري واقول ليك ديل اهلنا برسمو وينحتو روحهم كده ..
حا تقول لي برضو كانو مستلبين قبل 7 الف سنة ؟؟؟
11-03-2010, 06:36 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: أين بدأت الحضارة الانسانية مفروض يكون موضوع بحث علمي صرف
Nasr سلااام يشير شيخ انتاديوب في دراسته الاصول الزنجية للحضارة المصرية ان الحضارة المصرية لابد ان تكون قد نشأت جنوبا في البداية لان الشمال الافريقي كله كان مغمورا بمياه البحر ثم صعدت الحضارة تدريجيا الشمال مع استقرار النيل وجفاف الشمال الافريقي وهي علي اي حال حقيقة جيولوجية متفق عليها...
هنا السؤال هل يفتكر بشاشا ان المنطقة النوبية جنوب مصر و شمال السودان كان مغمورا بمياه البحر؟؟؟
ويشير الدكتور يوسف فضل في دراسته مفهوم الامة السودانية الي حضارة كرمة ومملكة نبتا ومروي ويرجح ان الحضارة التي بغلت اوجها نحو الالف الثانية قبل الميلاد حضارة افريقية صميمة .
انا اتفق مع بشاشا تماما في ان كتابات المستعمر الابيض العنصري طمست الحضارة الافريقية وان دراسة الشيخ انتا ديوب كشف بذكاء وعلمية التماثل الثقافي بين مصر وجنوبها. ولكن الان الامر اختلف تماما في عصر العولمة وفي ظل عدم امكانية اخفاء الحقيقة ظهر حتي من الغربين من يؤكد كلام العلامة شيخ انتا ديوب وظهر امثال البروفسور شارلي بونيه الذي ترك مصر واستقر في السودان ليكشف الحقيقة للعالم وكثيرين من امثاله ظهروا في الفترة الاخيرة والمصرين لا يردون سماع سيرتهم. وقد وصف كتاب الاغريق مشاهدتهم بلاد السودان لدي افول نجم الحضارة الفرعونية..فلم يروا اقليما يتشبث بتراث فرعون اكثر من بقاع النوبة في السودان..
11-03-2010, 07:32 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: وظهر امثال البروفسور شارلي بونيه الذي ترك مصر واستقر في السودان ليكشف الحقيقة للعالم وكثيرين من امثاله ظهروا في الفترة الاخيرة والمصرين لا يردون سماع سيرتهم.
يا مدحت دي النقطة البختلف فيها مع بشاشا انو يصف البروفسير شارلي بونيه بالمستهبل انسان قضي عمرو كلو في البحث عن الحضارة الكوشية واختلف مع نظرية الرجل الابيض و قال انو حضارة كوش هي اصل الحضارة الفرعونية
و النقطة الانت اتطرقت ليها انو شمال افريقيا كانت مغمورة بالمياه و انو بشاشا ممكن يكون قاصد الفترة دي ... لا اعتقد ذلك لانو العصر ده كان قبل كوش و قبل الحضارة الفرعونية
Quote: طيب يا بشاشا شنو البخلي ديوب علامة والبروفسور شارلي بونية مستهبل؟؟؟ علي الاقل شارلي بونية ما قال كلامو من فراغ وذي ما انت كاتب الزول ده من الستينات معانا بي
مدحت سلامي،
يعني شنو شارلي بونيه ماقال كلامو من فراغ؟
هل يعني هذا ان كلام العلامة ديوب من فراغ؟
مافاهم حقيقة قصدك، واتعجب من تعلقك بهذا الخواجة الذي لايفقه اي شئ عن ثقافتنا مقارنة بايا من حبوباتنا، ليتولي كتابة تاربخنا، بالنيابة عنا، لنا، او احنا احياء!
هل الالمان من دون كل شعوب الارض بيقبلو بي واحد زيك مثلا، كاب لي تاريخم؟
ما هذا؟
ده بصفة عامة بتاع common sense او تقاليد مرعية بين شعوب الارض!
اما تفاصيل هذا الموضوع، فالاجابة علي سؤالك يحتاج لمجلدات بحالا، لانو ما ساهل او بسيط كما يبدو!
ياخي ذبدة صراع الكون كلو مابين الحضارات والشعوب او تعارض المصالح، مصبوبة او مدغومة في الاجابة علي سؤالك، لماذا ديوب وليس بوني، فيما اتصل بالوعي، وعي الذات، والفي يدو القلم منو، لصياغة التاريخ "الوعي" بما تمليه مصلحة الفاز بالقلم، في صراع البقاء الابدي بين مجموعات البشر، بل كل الكائنات في هذا الكون الفسيح منذ بداية الخلق والي ان يرث امون الارض!
لمعلومتك في المانيا بوني هذا، او منذ اكثر من 200 سنة، بدا مشوار طمس اسهام السود الحضاري، ليكوشو هم، اي بيض شارلي بوني علي ارثنا نحن!
فكرك بوني ماعارف ده، عن اهلو، كزول مشتغل بهذا المجال؟
طبعا عارف كل شئ، ولكنو يتعامي عن هذا عن قصد، ولهذا قنا عليهو مستهبل ليس الا!
انت يا مدحت مشكلتك انك وقع ليك ساقط اختيارو لي كرمة كعاصمة للحضارة القاطعا من راسو هذه!
كرمة مجرد موقع اثري من مئات الالوف من المواقع في السودان وحدو!
بالذات لما يطلقو علي حضارة باسرها اسم موقع بعينه، لمزيد من البلبلة او اعادة شك الاوراق من جديد!
ما يؤكد كلامنا هو كيف رفد هذا الزيف سكرة الغرور والاستعلاء الاجوف والساذج لدي البعض من ابناء المنطقة، مماذكي نار العصبية القبلية والتشرذم حتي مابين من يسمون بالنوبة بي صورة غير مسبوقة قط، عندما نضع في الاعتبار واقع الاستقرار المعاش هناك او غياب الحروب.
Quote: ولا بس عشان سكن في منطقةالمحس دي ما قدرت تبلع كلامو
والله يا مدحت هذا يعبر عن طريقة تفكيرك انت، اكتر منو معبر عن طريقة تفكير بشاشا الذي تحرر حتي من عصبية الانتماء القطري والي فضاء القارة، دع عنك عصبية القبيلة!
جو البيت، والاسرة اطفالنا الغالبية محس، مش دناقلة مثلا، بالفهم الدارج لهذه المسميات، طبعا، تقول لي منطقة المحس!
حقيقة فضحتا روحك ولاغير، بمثل هذا الاسقاط!
Quote: ومعظم الناس لا بعرفوا ديوب ولا بشاشا...وديوب مات وانت ما حتقدر تزور المنطقة دي عشان تعرف الحقيقة.
نعم معظم مش الناس، وانما المشتقلين بدراسة تاريخينا، اكل عيش ما سمعو بي دبوب زاتو!
ده ما نكتة، ولا مبالغة، وانما واقع معاش!
كطالب تاريخ في اداب الخرطوم والي ان حط بي الرحال في كالفورنيا، لم اسمع بديوب خالص!
في 1995م ذهبت لشعبة الاثار، حب استطلاع او سالتا احدهم من الاساتذة، لو سمع بي ديوب، فقال "يطرشني" علي قول حبوباتنا زي ما تقول!
السؤال هل ده صدفة؟
قطعا لا!
والثمن كنتيجة لجهلنا، بي رموز وانجاز مدرسة المركزية الافريقية، كان فادح جدا!
يكفي الوثيقة اعلاه، لو كانت اساس لمقرراتنا منذ "الاستغلال"!
اليوم لما تمزق السودان، ربما!
الاساس الكوشي "الجديد" للوحدة النادو بيهو ال3,000,000 الاستشهدو في الجنوب، علي ايدي مواهيم العروبة، موجود في هذه الوثيقة!
اما معرفة امثال شارل بوني فيكفي مانتج عن سمو الهاري من تشرذم علي كافة المستويات داخل ما يسمي بالعمل النوبي، حتي هنا في هذا الفضاء!
جاييك لي استهبال بوني عن مصر كامتداد لما يسمي زورا، او بهتانا، او ذر رماد، "حضارة كرمة"!
11-03-2010, 08:05 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
يا نبيل الزول ده في نهاية كلامو وصل للاتي ان نحن مجرد بشر قدمنا لشمال السودان بلغتنا من كوكب اخر واستقر بنا المقام في هذه البقعة وتمكنا بقدرة قادر من طرد الجنوبين الحالين الدينكا والشلك والنوير والزاندي السكان الاصلين لتلك المنطقة.
Quote: ياهو زاتو، زويل الجنوب
طيب يا بشاشا زويل الجنوب ليه ترك كل المناطق الاثرية الضخمة ولغتهم النوبية ونزحوا للجنوب وكونوا قبائلهم الحديثة دينكا وشلك ونوير وزاندي والان هم علي اعتاب دولة خاصة بهم. وجون قرنق قال في لقاء ان شعب جنوب السودان ما شافوا تنمية منذ زمن ادم وحواء وده كان سبب اساسي في انفصال الجنوب ومطالبتهم بدولة خاصة, في حين ان ممالك نوبية قامت في الشمال وكانت اللغة النوبية لغة السياسة والاقتصاد وبقي انسان تلك المنطقة متمسكا بلغته ومفتخرا بتاريخه للان.
كلامك ده الا تقنع بيهو روحك....
11-03-2010, 10:04 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا نبيل الزول ده في نهاية كلامو وصل للاتي ان نحن مجرد بشر قدمنا لشمال السودان بلغتنا من كوكب اخر واستقر بنا المقام في هذه البقعة وتمكنا بقدرة قادر من طرد الجنوبين الحالين الدينكا والشلك والنوير والزاندي السكان الاصلين لتلك المنطقة.
مدحت شلوم،
انت عارف بشاشا ما بفكر كده، او انت كنوبي كوشي ما جيت من مكان اخر، دي بلدك لو في السابق او الان.
راجع البوست الاول او حتعرف السبب لاجتراح هذا الخيط من اساسو!
سبب هذا الخيط هو اشمئزاز البعض في اقصي الشمال من مجرد استخدام اهلنا في الجنوب، لمفردة كوش!
لنثبت حق اهلنا في الجنوب او دورم الريادي، كتبنا هذا الخيط، مش لاستبدال نفي بنفي، واحلال رفض مكان رفض!
خلاصة الوثيقة اعلاه، ان هناك نموذجان للسود او الكوشييين:
نموذج كوشي الشمال في مقابل نموج كوشي الجنوب!
او نموذج غرب افربقيا في مقابل نموذج شرقها.
ده باستمرار كان طرح بشاشا في الاسافير او منذ اكثر من 10 سنوات!
الوثيقة محتاجة لي فهم نقدي مش فهم حرفي.
Quote: طيب يا بشاشا زويل الجنوب ليه ترك كل المناطق الاثرية الضخمة ولغتهم النوبية ونزحوا للجنوب وكونوا قبائلهم الحديثة دينكا وشلك ونوير وزاندي والان هم علي اعتاب دولة خاصة بهم.
النزوح لاي سبب ما كان وقف علي اهلنا في الجنوب.
افريقيا كقارة، تكونت من حيث السكان، بالهجرة الي الداخل، من السودان الحالي، دع عنك التنقل للسكان داخل السودان او اي دولة!
من جانبي ارجح نزوحنا كنوبة نيل جنوبا من موطنا في مصر، بمعني اغلبيتنا كانت هناك اصلا!
مع الاخذ في الاعتبار، وحسب كلام اجدادنا كما اورده قدماء الاوربيين، مصر نفسها كانت تحت الماء!!
الشاهد في الامر، ان السودان المروي كان بالفعل هو مهد البشرية، كبشر علي الارض!
هكذا امن قدماء الاوربيين اخذا بروايات اجدادنا الذين قدمو نظرية متكاملة عن كيفية نشأة الخلق هناك.
Quote: في حين ان ممالك نوبية قامت في الشمال وكانت اللغة النوبية لغة السياسة والاقتصاد وبقي انسان تلك المنطقة متمسكا بلغته ومفتخرا بتاريخه للان.
اذا بتتكلم عن الممالك القديمة، فللاسف انت تسقط واقع تركيبة البوم السكانية علي وافع الماضي المغاير!
هناك مايدل ان نوبة الجبال مثلا كانو في دنقلا في عصر المغرة اخر معاقل كوش.
من الجانب الاخر، الروايات الشفهية في دنقلا العجوز تعيد تاريخ بعض الاسر الكبيرة في المنطقة من الدناقلة الي عصر المغرة!
اما اللغة في الجنوب، فكوشية صرفة!
ستناول نماذج من لغة النوير هنا، كدليل.
والدين رغم التنصير الاستلابي الكنسي في الجنوب الي هذا اليوم، هو ذات ديانة امون منذ عصر الاهرامات.
نعم هذا غير واضح للعيان علي مستوي الوعي، بحكم محارق الابادة، الاستعباد، والقهر علي مستوي الحياة اليومية للفرد العادي من عشرات السنين.
اما افتخار اهلنا من نوبة النيل علي مستوي ااوعي بهويتم الافريقية، فهذا كلام لاوجود له علي ارض الواقع علي الاطلاق!
اذا غرضك قبائل الدناقلة المحس والحلفاويين، فاخير النوبة الاخرين من جعل او شوايقة يا حبيب!
قبل كده زكرتك كيف بعض نوبة اقصي الشمال بتعرو عديل من مفردة "سوداني" البفتكرا بعضهم شتبمة او منقصة عديل، تقول لي بفتخرو بي تاريخم؟
نعم هناك وعي نسبي مشوش غير مكتمل، تجاه وهم العروبة تحديدا.
مصداقا لي كلامنا، بعاعيت البعث التكريتي، والناصرىة الخديوية خرجو من صفوف نوبة اقصي الشمال الفخوربن بي تاربخم، افتراضا!
في المنبر ده من هم دعاة فصل الجنوب والغرب؟
مش هم حملة شعلة هذا الاعتزاز بالاصل المتخيل يا مدحت؟
غريب او عجيب ان ياتي كل هذا من منطلق المقارنة لنوبة النيل لاهلنا في الجنوب، والكلام لايخلو من استعلاء ضمني ياتي حتي من امثالك يا مدحت!
Quote: نظرية ان مصر الكوشية اسس حضارتها جيش من جنوب السودان الحالي !!
وشوف كلمة الحالي دي يعني القصد ما اعادة حقوقنا التاريخة المسلوبة من المصرين بل القصد اعطائها باليد الاخرى للقبائل النيلية
نحن النوبيين من عمر حضارة كوش
المصريين قبل 10 سنوات فقط كانو يتحدثون عن ان الحضارة الفرعونية عمرها 4 الف سنة ولو راجعت كل البرامج والمطبوعات وحتى البوسترات السياحية قبل عام 2000 ستؤكد لك حديثي ، بعد ان قالت الدراسات ان حضارة النوبة عمرها 7000 سنة اصبح المصريين يتشدقون الان بان الحضارة الفرعونية عمرها 7000 سنة، بقدرة قادرة تم اضافة 3000 سنة للحضارة الفرعونية في طرف 10 سنوات فقط !!! وانا متابع الموضوع ده وبضحك فيه من حينو ، ما لفت نظر المصريين لهذا اعلان من سودانير كم سنة لي وراء للتروج للشركة
من بدري في المنبر ده كنا بنقول ان اسس الحضارة المصرية اتت من جنوب الوادي ، وان تقنيات بناء الاهرام ابتدعها اجدادنا النوبيين ثم صدروها لمصر ، موش كده وبس حتى تقنيات الزراعة والصيد والملابس والكتابة كمان
توت عنخ امون ياها تود عنخ امون وتود تعني ولد لحدي هسع في اللغة النوبية وتود دي ما حا تلقى ليها اي معني او مرادف في جميع اللهجات المصرية ياخ استشهد ليك بي سابن تود بتاعين الاسبيرات
الشهور القبطية كما يطلق عليها زورا هي شهور نوبية اسماها لن تجد لها معنى عند القبطة او المصريين ولو بالغوا يقولوا ليك دي اسماء الهة تقول ليهم اسم الاله ده بعني شنو؟؟؟ فلكل اسم معنى !!! ما حا يعرفوا
اها كل اسم لشهر عنده مترادف قريب منو في اللغلة النوبية
اسماء الانبياء جميعهم ماعدى اسم سيدنا محمد لن تجد لاسمائهم معنى او مفردات قريبة منها تشرحها الا في لغتين العبرية والنوبية حتى اسماء الاماكن
ممكن تقول لي الجيزة مكان الاهرامات الان معناها شنو ؟ ما حا تلقى فرعون واحد عارف او عندو ليها مقاربة
نحن في لغتنا النوبية عندنا ليها مقاربة ( قيسي ) تعني الهرم وتطلق على كوم التمر بعد حصادو ووضعه في شكل هرمي وحرفت لتصبح قيسان او قيزان
لو فككنا مصر كلها كمفردات ولغة فقط لعرفت ان حضارتهم حقتنا ومسمياتهم التي لا يعرفون لها اصل كلها في لغتنا موجوده من اسوان الي في الاصل اسي وان وتعني الموية جارية شديد يعني الشلال لو قاربتها لحدي الجيزة القلنا معناها الهرم وانت ماشي ممكن تفهم كل الفي النص الهسع معتبرنو مبهم
زمان بشاشا العامل فيها نوبي وكوشي ده كان بحلف بامون رع الود عامل فيها نوبي شديد ، واظنه لحدي هسع بحلف بيه جهلا
قلنا ليه انو امون راع ما حقنا حقهم كانو بتيمنوا بيه وكت بغزوا بلادنا في تاريخ متاخر قياسا على حضارات زمان
الاله النوبي الخالص هو حورس اب عين واحده داك وهو اقدم من امون رع بتاع الفراعنة القاشر بيه بشاشا ده
حضارة كوش حقت شعب النوبة وحده يا ناصر ممكن يكون لبقية الشعوب دور مصاحب فيها كان نيليين او فراعنة او بجه لكن اصلها حق النوبيين
لا هي حقت فراعنه ولا حقت نيليين
اهما شي اقدم شعبين في ارضنا دي المعروفة بالسودان حالية هم البجة والنوبة والبجة اقدم من النوبة في هذه الارض
كلامك عن انو اصل الانسان من افريقا صحيح كان اخدتو بالدين او العلم فالروايات الدينية تقول انو امنا حواء نزلت في ارضنا دي وقابلت ابونا ادم في جده التي كانت رتقا مع ساحل بلدنا دي قبل ما ينشق الاخدود وينتج البحر الاحمر فتذهب جده الى اسيا وحتى بعد الطوفان وغرق الجميع الا من كان في سفينة نوح اسم كوش وحده يؤكد ان اعادة انتاج الانسان انطلقت مرة اخرى من هنا من عندنا فكوش المسمية عليه حضارتنا هو كوش ابن نوح عليه السلام والروايات تقول ان كل من نجي من الطوفان من البشر كان عاقرا الا نوح عليه السلام وسلالته ( والله اعلم )
شوفت كيف
خالص الود المهم بشاشا المتشدق ده ما يعمل لينا فيها نوبي شدييييييييييييييييد هو في نوبي حنكو عريض كده ؟
ذهبوا للبحث عن إنسان بدائي فوجدوا حضارة بكامل نضجها
علماء حملة اليونسكو لإنقاذ آثار النوبة
الخرطوم: شذى مصطفي
ظل البروفيسور وليام آدامز أستاذ علم الإنسان في «جامعة كنتكي» الأميركية لسنوات، يحلم بأن يترجم
كتابه الضخم Nubia, Corridor to Africa الذي نال عنه عدة جوائز، الى اللغة العربية،
لإحساسه بضرورة أن يعرف النوبيون خاصة، والسودانيون عامة عظمة تاريخهم.
بالنسبة لوليام آدامز، فإن كتابه «النوبة رواق أفريقيا» هو «إنجاز عمره ومولوده الذي لا يحب سواه»، وتحقق حلمه وخرجت الى المكتبات أخيرا ترجمتة العربية، التي قام بها الدكتور السوداني محجوب التيجاني محمود أستاذ علم الإجتماع في ولاية تينسي الأميركية، حيث تفرغ ثلاث سنوات لترجمة الكتاب المكوّن من ألف صفحة، ويصفه دكتور محجوب بأنه أهم وأشمل كتاب عن تاريخ الممالك النوبية القديمة بشمال السودان والسودان ككل، منذ نشأة الحضارة الإنسانية حتى بداية العهد الوطني.
مكث آدامز في شمال السودان سبع سنوات برفقة زوجته، كان خلالها رئيسا لحملة اليونسكو العالمية، التي بدأت عام 1959الى عام 1966، لإنقاذ آثار النوبة قبل أن تغمرها مياه السد العالى بأسوان، وهي أول حملة إنقاذ منظمة من العالم، وجاءت نتيجة لدعاية هائلة نجحت في ضم أربعين بعثة، تمثل أغلب أمم العالم الصناعية، وقام خلالها والفريق الذي يقوده باكتشاف وتسجيل ما يزيد عن ألف موقع أثري.
ظلم ذوي القربى
أسرت أرض النوبة العليا ـ جنوب مصر وشمال السودان ـ بسكانها، ذوي البشرة الداكنة، خيال الإغريق والرومان، وكتب عنهم هوميروس «انهم أقسى أمة وأشد الرجال عدلا، المفضلون من الآلهة، وقرابينهم هي الأغلب تقبلا من كل تلك الضحايا التي يستطيع البشر تقديمها لهم». وجاء ذكر ملكها تهارقا في الكتاب المقدس. ومن العلماء الإسلاميين كتب عنها ابن خلدون مستعرضا تاريخها وجغرافيتها وكذلك المقريزى والمسعودي. إلا أن النصوص المصرية القديمة كانت تعامل هذه المنطقة على أنها فقيرة وغير جديرة بالحضارة، وبقيت مستغلة ومضطهدة من المصريين وفق ما شاءوا لذهبها وعاجها وعبيدها. ويعلّق البروفسور آدامز «أنه من الغريب أن علماء الآثار تأثروا بهذه النصوص الهيروغليفية وتأصّل سلوك المصريين القديم نحو النوبة في عقولهم، الى أن طغى كليا على المفهوم القديم للنوبة، كنبع منفصل للحضارة»، ولذا كانت دهشة علماء حملة اليونسكو كبيرة عندما وجدوا آثارا مختلفة لم تكن من أصل مصري. وهي من الكثرة بمكان، حيث انه بعد الموسم الأول للحفريات، وجد العلماء ما لا يقل عن أربع حقب ما كان لها معادل مصري.. فقد ذهب علماء الأنثربولوجيا للبحث عن إنسان بدائي فوجدوا «طفولة الحضارة ومراهقتها ونضجها!». ويكتب وليام آدامز «بينما كان السد العالي يسدل الستار على كتاب النوبة، كان يفتح في نفس الوقت، فصلا جديدا في دراسة آثار النوبة العليا، فعمليات البحث في بداية القرن الماضي، كانت جشعة، تبحث فقط عن القطع الفنية والكنوز، وبعدها جاءت عمليات تنقيب انتقائية عن القصور والمعابد الملكية والقبور، إلا أن حملة الإنقاذ هذه فرضت على علماء الآثار جمع أي قطعة صغيرة يعثرون عليها، وجاءت الدراسات وافية لشعب بأكمله». وقد عرف النوبيون بتلاقح ثقافتهم مع ثقافات الحضارات العالمية، فضمت الآثار الحمامات الرومانية والمعاصر، ومواد بنائية جيرية محمرّة اللون، وفخاريات بنفسجية وبرتقالية، حيث للفخار النوبي مكانه المشرّف في متاحف العالم، جنبا الى جنب مع الكتابة الإغريقية وطرائق الدفن المصرية، أما أقدم مدّون مكتوب بها فيرجع للألف الرابع ق. م، وبها من العصور الفرعونية والوثنية صروح لعبادة الآلهة، وأخرى رومانية، ثم الكنائس والأديرة وصوامع النساك المسيحيين، انتهاء بالصروح الإسلامية والمشيخات ومنشآتها التعليمية.
عمليات التهجير
يكتب البروفيسور آدامز عن عمليات التهجير، إبان فترة بناء السد العالي الذي كان رمزا لسوء الحظ الجماعي، والذي سيؤدي الى تهجير 53 ألفا من النوبة السودانيين، و48 ألفا من النوبة المصريين، وقال إن عملية بناء السدّ لم يستشر فيها الجانب السوداني. وأدّى غضب النوبيين الذين باتوا يرون التدمير الوشيك لديار أجدادهم ومصالحهم، الى إزاحة الرئيس السوداني إبراهيم عبّود عن منصبه عام 1964، وبعض الحالمين الذين كانوا يستبعدون مفارقة أرضهم، كانوا يأملون أن مياه السد لن تغمرهم، وأن المشروع لن يتم أبدا، وأن السوفييت سيخذلون المصريين، وبعضهم تمنى سرا عودة الاستعمار لينقذهم، وآخرون وصلوا لدرجة تخيل أن الإسرائيليين سوف يفجرون الخزان حال اكتماله. وعندما بدأت مياه السدّ تتسرب الى المناطق رويدا رويدا، لم يكن هناك بد من الرحيل وصارت قطارات التهجير التي تحمل آلاف السكان، حدثا يوميا مألوفا. ولم تتوقف التوديعات الأخيرة التي صحبت الرحيل الأبدي، وكتبت الأشعار الحزينة على جدران المنازل المهجورة والتي أذابتها فيما بعد مياه السدّ، لينقل النوبيون الى حلفا الجديدة، وهي منطقة بعيدة كل البعد، عما ألفوه من أشجار نخيل ونيل منساب، وفوق كل هذا حضارة امتدت لآلاف السنين.. ويتساءل البروفسور وليام آدامز، في نهاية كتابه «ترى هل سيكون هذا الشتات الذي فرض على النوبيين سببا لتوحدهم في المستقبل، كما كان مع اليهود والأرمن وأقليات أخرى؟ هل سينجحون في صون هوية انفصالية بسبب الظروف المتغيرة للقرن العشرين»؟
11-04-2010, 01:10 AM
Bashasha Bashasha
تاريخ التسجيل: 10-08-2003
مجموع المشاركات: 25803
بالنسبة لينا في المركزية الافريقية، كلامنا كلو ينصب حول كون حضارة مصر ابنتنا الكبري، سوداء.
كلام الخواجات كان انو مصر هذه حقتم هم، اي حضارة بيضاء، اما السود فكانو فقط عبيد للبيض، بها لاغير!
نعم هناك من الاوربيين من رفض هذا او فندو علنا.
شارل بوني ليس منهم علي الاطلاق، وان ذكر كلام مشابه علي استحياء، عابر، مع اصرار غريب علي الدفع بمصطلح "حضارة كرمة" بدل كوش مثلا، ليزيد طين البلبلة، بلة!
الذين اجبرو غلاة البيض العنصريين النازيين علي الاعتراف بالاصل الافريقي "الكوشي" لحضارة مصرنا، هم محاربي المركزية الافريقية، وليس هذا الخواجة المستهبل شارل بوني، من امثال ديوب، يوسف بن جكنان، كانسلر ويليامز، جفري، هنري كلارك، ايساهيلي، ااسترادم و قبلهم كلهم امنا كلنا، هيوستن، في عشرينات القرن الماضي، او قبلها ديبواه، او عشرات غيرم!
الي هذا التاريخ مختصينا لايعرفون عن هؤلاء او اعمالم شئ يذكر، بينما امثال شارل بوني الهة تعبد في الشمال!
ياهو زاتو شغل الخيل تجقلب، والشكر لي بوني!
شئ مؤلم او مخجل بحق، مثل هذا الجحود!
مما يشاع عن كانسلر ويليام، افضل من كتب عن دنقلا، انو مات او هو ندمان علي العمر الحرقو او ضيعو محاربا في الصفوف الامامية للمدرسة الافريقية، دون عرفان يذكر لتضحيتو!
Quote: وفي النقطة دي شارلي بونيه بيقول ان كرمة هي اول عاصمة لكوش و لم يتحدث عن حضارة منفصلة اسمها حضارة كرمة و يقول ايضا ان حضارة كوش هي اصل الحضارة الفرعونية و ليست حضارة موازية لها
ياعزيزي
لا احد حتي اليوم يستطيع ان يحدد اول عاصمة لكوش علي وجه اليقين، وكل ما هناك عواصم في فترات بعينها وكرمة ليست منهم.
لانو تاريخ كوش ضارب في القدم، او 90% من كنوزا الاثرية لاتزال بحمد امون تحت الارض!
كلام هذا الرجل عن كرمة كاول عاصمة لكوش، خرافة!
ممفس مثلا اول عاصمة لمصر القديمة، اسسها "آبا" اقدم من كرمة! كرمة مجرد موقع اثري لاغير!
يا نبيل او اي زميل منبر بيقرا لي شارل بوني يجيب لينا تأريخو لي بداية حضارة كوش العاصمتا الاولي افتراضا كرمة، قبل مانقول اي حاجة بخصوص كلامو عن مصر كامتداد لي كوش او كرمة.
اما موضوع كرمة كحاجة موازية، ماقااوها الناس ديل علنا او بالمكشوف طبعا، وانما ده المفهوم ضمنا، وفق سياق الاصل الاري المفترض لديهم، للحضارة.
تاريخيا الخواجات جو السودان بحثا عن ارث اجدادم المفترض في مصر، باعتبار سودان اليوم اامعروف حينها عندم قدوم النازي الامريكي جورج رايزنر، ب"السودان المصري الانجليزي" رسميا، كان بعض ممتلكات مصر اوائل القرن العشربن.
رايزنر هذا المعروف رسميا في اوساط مدرسة المركزية الاوريية في السودان، ب"اب التاربخ النوبي" قالا عديل تاريخ كوش في السودان بتبع للبيض!
هل كتب شارل بوني سطر واحد بخصوص مثل هذه الفرية؟
بالمناسبة يا نبيلو الفديو ما شغال.
حاول تكتب ملخص لي كلامو بخصوص علاقة مصر بكرمة.
11-04-2010, 05:29 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: ويصفه دكتور محجوب بأنه أهم وأشمل كتاب عن تاريخ الممالك النوبية القديمة بشمال السودان والسودان ككل،
قرقرقرقرقر!
وماذا يعرف دكتور محجوب التجاني في الاساس عن "الممالك النوبية" بخلاف اجترارامباز تراش المركزية الاوربية من امثال وليامز هذا، ليطلق مثل هذه الاحكام المجانية الاطلاقية؟
الرجل ولا حتي مترجم ولا علاقة له بالتاريخ كمجال دراسة؟
Quote: إلا أن النصوص المصرية القديمة كانت تعامل هذه المنطقة على أنها فقيرة وغير جديرة بالحضارة، وبقيت مستغلة ومضطهدة من المصريين وفق ما شاءوا لذهبها وعاجها وعبيدها
قرقرقرقر!
هنا جاب ضقلا يلولح، عمك كان محجوب كان وليامز!
لاحظ عزيزي القارئ الكلام عن قدماء المصريين اللي هو هذا الشخص:
اما "عبيد" المنطقة الغير "مصرية" اي غير بيضاء، وهذا تنميط عنصري واستعلائي جا مارق قصبا عن الكاتب من اللاشعور، معهود في هؤلاء، فيمثلهم هذا الشخص:
اتمني قارئي العزيز ما اكون فقدك هنا:
الكاتب اللي هو وليامز ادم، يتحدث عن المصري كانسان غير "النوبي" بي فهمو للمفردة! وقع ليك كلامنا او اصرارنا علي تسمية هذه الترهات بالتراش؟
خليك معانا: قال المصرييين وهذا "كود" يعني البيض، احتقرو جيرانم للجنوب "النوبيين" الكانو فقراء او غير جديرين ب"الحضارة" كالبيض المتفوقين مؤسسي حضارة مصر! ناس اخونا مدحت مصرين يحتفلو بي غثاء عنصري كهذا، وياللعجب!
واضح من الوثيقة اعلاه الخطوها اجدادنا في مصر، ان لافرق بين مصري او نوبي علي الاطلاق!
ولكن امثال ادمز مع معرفتم التامة بكل هذا، بي خبث، باستمرار بصورو المصري كانسان ينحدر من جنس اخر، اري، طبعا، بينما النوبة كذنوج، عبيد! كما ذكرنا، في عصر عمل امثال ادم في السودان قواميس الانجليز كانت بتصور النوبي كعبد عديل كده، ليس الا!
بالنسبة للنص، المشار اليه، ينبغي فهمو في اطار الحروب الاهلية اللتي اشتعلت من حين لاخر، ما بين كوش العليا "السودان الحالي" او كوش الدنيا "مصر الحالية"، تماما كحال حربنا الاهلية الان بين كوش العليا "الجنوب الحالي" او كوش الدنيا"!
او شمال كوش او جنوب كوش!
احنا في المدرسة الافريقية بنفهم الحصل علي اساس انها حرب اهلية داخلية، وهناك من رموز المدرسة الافريقية، من وضح هذا الصراع باعتبارو نتيجة لتزايد التدخل والنفوذ الاجنبي في شمال كوش اي مصر الحالية، بالذات حروب الالفية الثالثة ق.م.
هذا نموذج لقرآتين مختلفتين لذات النص.
Quote: أنه من الغريب أن علماء الآثار تأثروا بهذه النصوص الهيروغليفية وتأصّل سلوك المصريين القديم نحو النوبة في عقولهم، الى أن طغى كليا على المفهوم القديم للنوبة، كنبع منفصل للحضارة»
هذا استهبال ليس الا، او قرآة ادمز نفسو لاتختلف في شي عن قرآة رفاقو في المدرسة الاوربية، والرجل يبتذل عن عمد القضية برمتا، او يختذلا شغل ذر للرماد، في شكل، مجرد قرآة خاطئة لي نصوص!
ياسلام علي الفهلوة!
هو يعلم تماما غلاة النموذج الاري لتاريخ كوش، نسجو من الخيال وعلي مدي اكثر من 200 سنة، تاريخ ملفق مختلق، يحتقر ادمية الانسان الاسود، ليجعل منه مجرد مادة استعباد للانسان الابيض، الذي ابتدع الحضارة علي وجه البسيطة، كما شاؤو لنا ان نؤمن!
ولكن هل نلوم امثال ادمز، ام امثال التيجاني من مجندي لواء مكدونالد الجديد؟
ادمز او غيرو من رسل او خدام غزاتنا، عملو باخلاص لخدمة مصالح شعوبم دولم، او حضارتم، وكدليل يكفي الدمار الذي حاق بمهد حضارة كوش، بفضل خدمات امثال شقير، رايزنر، ادمز، او غيرم. هذا سرد وليس غرضنا اللوم او تحميلم المسؤولية.
...يتبع...
11-04-2010, 06:31 AM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
عالم مصري يفجر مفاجاة :الدم الملكى الفرعوني اصله نوبى القاهرة " أفريقيا اليوم " سميربول
فى محاضرة أمتدت لثلاث ساعات بجمعية صاى الخيرية السودانية ، كشف عالم المصريات المصرى بسام الشماع فى محاضرته التي ألقاها بعنوان (الدم الملكى النوبى) سلسلة من المفاجآت حول الاصول النوبية للاسر الملكية المصرية ، واكد بسام أن النصوص التاريخية تؤكد أن أعظم ملوك الدولة الوسطى أمثال أمنحتب الثانى وأمنحات الاول والثانى والثالث والسنويسرت بالاضافة الى ملكات بعينهن امثال نفرو سوبك كانوا سود البشرة ، بالاضافة الى نصوص تؤكد ان الاصل جنوبى على البرديات وايضا فى الاسرة ال18 وهى اعظم الاسر فى التاريخ المصرى.
وخص بسام (أفريقيا اليوم) بمفاجاة تاريخية لم يذكرها من قبل وهى جملة مكتوبة فى احدى الوثائق القديمة تقول انه عندما ذهب بطليموس الثانى عشر والد كليوباترا السابعة-المشهورة المعروفة - الى روما طلبا لمساعدة الرومان لمواجهة القلاقل فى الاسكندرية أخذ معه ابنته كليوباترا فيلوباتور السابعة، ويقال هناك فى اثينا وقبل ان يذهبوا الى روما أن أهلها وقفوا يتحدثون عن فتاة صغيرة جاءت من ارض النوبة مع ابيها لزيارة اثينا .
وواصل بسام مفاجاته قائلاً بأنه سيكشف يوم الخميس الرابع من نوفمبر عبر برنامج اذاعى أن الملك الشاب توت عنخ أمون نوبى وهو على استعداد لاثبات ذلك عن طريق الدى ان اى رغم انه ليس من دعاة التعامل بالدى ان اى .، مشيرا إلي أن الرابع من نوفمبر هو يوم إفتتاح مقبرة الملك توت والذى اكتشف فى الرابع من نوفمبر 1922 .
يذكر أن بسام شماع عالم مصريات ، وهو عالم جدلى كبير ومثقف ويصر بسام أن هناك وجود لبقايا تمثال ثان لابوالهول فى منطقة الجيزة.
------------------------------ يا بشاشا/ سلامات.. النوبة السودانيين هم اساس الحضارة المصريّة..
النوبة السودايين كانو سمر الوجوه.... واليك صورة تماثيل "جدودنـا" المكتشفة من قبل شارلس بوني السويسري بكرمة.. لاحظ للون!.
(نظرياً: المصري الأبيض يابشاشا ما بينقلب أسود, النوبة السود تحولوا إلي بيض و العكس ليس صحيح, وذلك بعد المصاهرة والإختلاط مع البيض الوافدين من جزيرة العرب ومن اليونان و بربر شمال أفريقيا).
وفي الختام/ نحن سودانيين "وبس" ومافي داعي لترديد من أين اتي هذا!!
11-04-2010, 03:30 PM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
من الحقائق التاريخية الثابتة بأن السودان من مناطق الإشعاع الحضاري في العالم، كما يوكد ثابت حسن ثابت ومدرسة الآثار الألمانية وشيخ أنتا ديوب ، بأسبقية الحضارة السودانية للحضارة المصرية .
لإثبات تلك الأسبقية بشكل علمي ، يستند ذلك على علم الآثار الذي بامكانه إثبات ونفى تلك الأسبقية ، لكن المشكلة الحقيقية لتاريخ السودان القديم ، انه لم يكتب حتى ألان بشكل علمي دقيق ، بسب غياب تنقيب الاثارى المنظم
فيما يتعلق بأصل المصريين تدل أثارهم على أنهم نوبيون إذ نجد في اللوحة رقم 48 ، لتصنيف الأجناس البشرية كما صورها المصريون القدماء ، بمقبرة رمسيس الثالث <1198. 1168 ق.م ، التي توضح صلات القربى بين المصري والنوبي باعتبارهم خير البشر
نعر مر (اومينا ) نموذج للنوبي الأصيل هو يمثل أول فرعون مصري وحد الصعيد والوجه البحري لأول مرة في تاريخ مصر خفرع فرعون من الأسرة الرابعة الدولة القديمة بنى هرم الجيزة الثاني نوبي أصيل، كذلك منتوحتب مؤسس الأسرة الحادية عشرة الدولة الوسطي
تحتمس الثالث مؤسس الأسرة الثامنة عشرة نوبي أصيل ، كذلك توت عنج آمون الأسرة الثامنة عشرة هجرة الشعوب الباحثة عن مستقر كانت تتم بالانحدار مع النهر المصريون أنفسهم يعترفون بالاصولهم النوبية اى أنهم جاءوا من بلاد الإمام التي تعنى سلف الإمام هي الارضيى النوبية اى أسلفهم . خلاصة القول فيما يتعلق بأصل المصريين أنهم نوبة ،فزيارة لمتحف المصري تويد ذلك
------------------------------------------------ راجع هذة المراجع يا بشاشا. ¨ الأصول الزنجية للحضارة المصرية / الشيخ انتا ديوب ¨ تاريخ السودان القديم / محمد إبراهيم بكر ¨ السودان و الافريقانية / عبد الهادي صديق
ومازلت أردد يا بشاشا, السلالات الزنجية السوداء تحولت إلي اجناس بيضاء وذهبت الي مصر. مستحيل الأبيض المصري ينقلب زنجي و اسود, حسب النطرية العلمية. كما نلاحظ النوبة الذنوج السود الاصيليين الموجودين في السودان.... وبالتالي هم الأصل.
11-04-2010, 03:39 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يا بشاشا/ سلامات.. النوبة السودانيين هم اساس الحضارة المصريّة..
احمد محمد بشير مرحب بيك،
مصطلح "النوبة السودانيين" بالمعني المتداول الان، للاسف بيرجعنا تاني الي ذات جحر "الضب الخرب"، او خرب قلب كوش، سودان اليوم!
علينا الخروج من هذا الشرك الجديد حتي لانعيد انتاج لعبة نعوم شقير بتاعة الجعل "هم سادة القبائل العربية"، السممت عقول امثال الطيب مصطفي، ليتم تشليع ارض السود بواسطة هذه اللعبة الماكرة الخبيثة بحق!
حقيقة ده الثيمة الاساسية لهذا الخيط. غرضنا، اننا مرة واحدة في تاريخنا المعاصر، نؤمن اننا بالجد شعب واحد او جنس واحد او ثقافة واحدة او تاريخ واحد او لغة كوشية واحدة، تحت ركام، رماد، لغة الغازي العربي، الوافدة والدخيلة!
ارث كوش ماخاص بي قبيلة او قبابل بعينها، او مجموعة بعينها داخل السودان، ولا يخص السودان او السودانيين حصرا، وانما يخص كل الافارقة اي الكوشيين، او كل السود اين ما مانو.
هذا هو درس كل البحاول يقولو بشاشا منذ اكثر من ربع قرن، ابتداء بنشاط جامعة الخرطوم، وانتهاء بهذا الفضاء، وهذا الخيط! خلونا نركز علي الغابة باستمرار، اننا جنس واحد او ثقافة واحدة!
11-04-2010, 04:56 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: ارث كوش ماخاص بي قبيلة او قبابل بعينها، او مجموعة بعينها داخل السودان، ولا يخص السودان او السودانيين حصرا، وانما يخص كل الافارقة اي الكوشيين، او كل السود اين ما مانو.
هذا هو درس كل البحاول يقولو بشاشا منذ اكثر من ربع قرن، ابتداء بنشاط جامعة الخرطوم، وانتهاء بهذا الفضاء، وهذا الخيط! خلونا نركز علي الغابة باستمرار، اننا جنس واحد او ثقافة واحدة!
ده كلام تمام يا بشاشا وما في زول اعترض علي الكلام ده ونحن بنفتخر بتاريخنا وحتي الزونوج في امريكا بقولو انهم نوبين وكوشين وحتي اوباما الرئيس الحالي نوبي كوشي ... كلام ذي الورد... تعرف يا بشاشا انا لم اشاهد مكاتب لاي حزب في حياتي في قرانا في منطقة السكوت والمحس وحلفا غير مكاتب الحركة الشعبية بعد حضور القائد جون قرنق للسودان وبعرف انو في ناس فقدوا حياتهم وهم مسافرين لاستقبال قرنق في الخرطوم في الطريق اثر حادث حركة... ومعظم النوبين فخورين بهذا الارث العظيم ....
لكن الكلام الما بعجبنا نوع كلامك ده....
Quote: نعم نموذج انسان الغرب والجنوب الحالي، هو اصل الحضارة الكوشية، وليس متنطعي ذنوجة النوبة، المواهيم الجدد، من بعد مواهيم ال العباس، المسؤولين من تفتيت السودان الماثل.
طبعا مؤسف ان نتحدث بلغة من هو الاصل، في مقابل فرع مفترض، ولكن اخاكم مجبر، للا نحدار لمستوي هؤلاء السذج بحق، لنخاطبهم بلغتهم البائسة المتخلفة هذه! هذا الخيط انطلق من هنا
:
قارن الكلام ده بالفوق ... اذا كان ارث كوش يخص كل افريقيا انت كيف تقول ان هنالك جيش من جنوب السودان الحالي اسس مصر الكوشية وان هنالك متنطعي ذنوجة نوبة وووو والكلام الفوق ده نقلو واحد اسمو فقيري طه للمنتدي النوبي العالمي وعندما خاطبه حسن الملك قال يا ملك يا ابن الملوك اولاد المحس تعنصروا علي الدنقلاوي الاصل بشاشا يعني انك باختصار موجه كلامك ده لاولاد المحس المتعنصرين ضد الدناقلة وضدك... في حين ان نحن لم نتعنصر ضد احد ومعظم المتداخلين هنا اولاد محس وكلنا فخورين بهذا الارث وفخورين اكثر ان هذا الارث يخص قارة بأكملها ونحن جزء منها...ومتشوقين نعرف المزيد منك ومن اي شخص مهتم بالتاريخ,,, واي شخص من المفترض ان يكتب رأئه من غير اساءات لاننا نتحدث عن تاريخنا. والمهم ان نعتمد علي هذا الارث العظيم لبناء مستقبل زاهر وان نعمل علي تدريس لغتنا النوبية في مدارسنا وندرس تاريخنا بصورة صحيحة لاجيال المستقبل...
11-04-2010, 05:11 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: : نعم نموذج انسان الغرب والجنوب الحالي، هو اصل الحضارة الكوشية، وليس متنطعي ذنوجة النوبة، المواهيم الجدد، من بعد مواهيم ال العباس، المسؤولين من تفتيت السودان الماثل.
طبعا مؤسف ان نتحدث بلغة من هو الاصل، في مقابل فرع مفترض، ولكن اخاكم مجبر، للا نحدار لمستوي هؤلاء السذج بحق، لنخاطبهم بلغتهم البائسة المتخلفة هذه! هذا الخيط انطلق من هنا
انت مطالب بالاعتذار لكلامك بوصفك لنا بالسذج والمواهيم والمتخلفين... وذي ما وريتك عندك صحبك اسمو فقيري معاك في امريكا اكد انك بتقصدنا بالكلام ده. وحتي كتب اسامينا ونقل صور بروفيلاتنا في البوست في المنتدي النوبي العالمي ... واذا انت ما قاصدنا كلم صحبك فقيري انو يمسح الاسامي والصور من البوست المعني.. قبل ما ندخل معاه في كلام تاني... وكلنا عندنا المقدرة انو نكتب ما نريد في مقابل الكلام المكتوب
11-04-2010, 05:37 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: انت مطالب بالاعتذار لكلامك بوصفك لنا بالسذج والمواهيم والمتخلفين...
مدحت، اذا انت من البفتكرو من يسمون انفسهم بالنوبيين حصرا، اللي هم المحس، ثم الحلفاويين، او ربما الدناقلة، فكلامنا بيشملك.
هذا راي مؤسس علي حقائق، وليس بشتيمة او اساءة علي الاطلاق، وان بدا كذلك.
فما فاهم مشكلتك وين؟
اذا الاخ العزيز فقيري قال كلام خارج هذا الفضاء، فما قاله يناقش في السياق والمكان الورد فيهو، مش هنا!
انا اطلاقا ما عاملتك بي جريرة المحسوبين عليك، هنا في المنبر ده، فعلي اي اساس فجأة تروح قالب او تضع شروط او تطالب بالاعتذار بي سبب كلام خارج سودانيز اون لاين، من فرد اخر، مستقل بي شخصيتو اوبي مواقفو؟
عايز تقول شنو بالضبط يا نبيل تسوي شغل الكديس مع الفار في نص البحر؟
عندك غبينة مع العزيز فقيري، فشها بي هناك، او ما تجي شايل بقج غباينك من خارج المنبر او out of the blue تاح تروح فاكيها في بشاشا!
لو الجماعة اتلوحك او قالوا ليك ابعد من البوست ده، فابعد من دون كواسة سبب يا مدحت!
علي العموم عندك كلام في موضوع البوست مرحب بيك، بالعدم المعذرة!
خالص الشكر في كلا الحالتبن.
نواصل موضوع ابو الهول بعد قليل...........
11-04-2010, 06:13 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
البوست ده والرابط الفوق المنقول للمنتدي النوبي من قبل فقيري. يعني فقيري متابع البوست ونقل كلامك علي اساس انو موجه ضدنا في منتدي خاص بالنوبين. عليه اكيد فقيري بكون استشارك قبل نقل الكلام للمنتدي النوبي. اكيد انا حكتب ليهو بي هناك لكن قلت نأخد الكلام من المصدر. حتي اذا في شخص قال انو النوبين هم المحس والسكوت وحلفا انت عليك تكتب وتوضح ليهو الانت شايفو صح بدون توجيه اساءات....وانت كاتب انك ما عرفت الشيخ ديوب الا عندما ذهبت لامريكا يعني لو كنت في السودان ما كان سمعت بيهو وما كان كتبت كلامك ده. ياخي خليك متواضع وبطل نعت الغير باسلوب رخيص وذي ما انت كاتب كده ممكن اي شخص يرد عليك بنفس اسلوبك... والمرء ليس يولد عالما... انت شايف انو انا او غيري اتعنصر عليك هنا لانك دنقلاوي اصلي؟؟؟ ده الكلام الكاتبو صحبك فقيري في المنتدي النوبي ... بعد ما نسمع منك ممكن نمشي للبيتحدث باسمك بي هناك..
11-04-2010, 06:53 PM
Bashasha Bashasha
تاريخ التسجيل: 10-08-2003
مجموع المشاركات: 25803
نعم قنا لي متنطعي زنوجة النوبة البشمئزو حتي من مجرد لفظة كوش منطوقة علي لسان اهلنا في الجنوب، وباستخدام ذات لغة هؤلاء، كيف العكس هو الصحيح!
نعم انا فقط حاولتا اخاطب هؤلاء بي لغتم او طريقة تفكيرم او ده واضح هنا:
Quote: طبعا مؤسف ان نتحدث بلغة من هو الاصل، في مقابل فرع مفترض، ولكن اخاكم مجبر، للا نحدار لمستوي هؤلاء السذج بحق، لنخاطبهم بلغتهم البائسة المتخلفة هذه!
واضح اعتذارنا مقدما للحديث بي صيغة ان نموذج انسان الغرب والجنوب هو الاساس، حتي نتمكن من مخاطبة هؤلاء بي لغتم هم، مش لغتنا احنا يا مدحت!
لذلك اضطر احيانا للحديث بي لغة "حبوبتي مدفونة في حلة دنقلا، حيث دار اخر ملوك كوش" لانو البعض دي لغتو الما بفهم غيرا!
اما قصة جيش "آبا" الحفر البحر، او اسس ممفس، كاول عاصمة لي اول دولة في اول حضارة، كاول فرعون، لاول اسرة، في اول مملكة، فكان من الجنوب الحالي!
اقصد جيشو كان من الجنوب الحالي، اما "آبا" او نارمر كما اطلق عليه قدماء الاوربيين، فمولود في اسوان الحالية!
فهذه حقيقة تاريخية كما نظن سنوردها في وقتها هنا.
الاشكال وين يا مدحت؟
اما القبول والحفاوة الاستقبلو بيها اهلنا في اقصي الشمال طرح الحركة الشعبية، فيثبت كلامنا، عن وهج الوعي الكوشي، المخبوء تحت رماد ركام الاستلاب الحالي، الاحنا هنا بنحاول نفض غبارو ما امكن.
نكرر هذا الوعي مركوز في اللاشعور والعقل الباطن، ولكنو لم يخرج للسطح الي مستوي الشعور بعد، عشان ما نقش روحنا.
Quote: يعني انك باختصار موجه كلامك ده لاولاد المحس المتعنصرين ضد الدناقلة وضدك...
يامدحت بشاشا ما بفكر بي اسلوب دناقلة او محس بقدرما بحاول يحاصر ويحارب هذه العقلية والبفكرو بيها!
في سياق حربنا علي اللافين هذه العقلية عمة، او لابسنها طاقية، ياتي حديثنا مرة اخري باستخدام مفرداتم هم!
لانو الواحد منهم بي جدو بينطلق من مركزية الانتماء والولاء للقبيلة الاسمها "محس"!
عشان نخاطب هؤلاء، فلازم نستخدم معلومات البطاقة الشخصية القدموها هم لينا، معرفين بانفسهم!
ثم انت ليه حساس تجاه ذكر مفردة محس، او ليه بتتكلم بي صيغة نحن وانتم يا مدحت؟
شخصيا احساسي تعطل واصبح زائدة دودية، تجاه مفردة "دناقلة"!
لايحرك فيني اي شئ ذكر المفردة مدحا او قدحا، والارشيف البثبت الكلام ده علي مدار 7 سنوات موجود!
في منو "دنقلاوي" مثلا في رفاق بشاشا بالمنبر؟
دينق مثلا؟
الرجل من الجنوب جغرافيا.
امنة مختار مثلا؟
اميرتنا المروية من الشرق مثلا!
تراجي؟ اميرتنا المروية هذه، من كل السودان تقريبا!
ودسليمان مثلا؟
الرجل من الغرب مثلا وهكذا!
فغريب يا مدحت كلامك المكرور عن كيف بشاشا عندو موقف من المحس!
عجبي!
بشاشا ما عندو موقف من ياتو مجموعة في المنبر ده؟
الجعل والشوايقة والحلفاويين وكل اطياف الجلابة باستمرار بقولو كده او اعفن من كده!
نسيت الكلام عن قصة بشاشا مع العربي بتاع اللبن اللي صاحبا "دنقلاوي"؟
ده كلام شنو يا مدحت؟
ولكن للاسف انت تسقط طريقة تفكيرك علي بشاشا او ده كل مافي الامر!
هل صدفة يا مدحت كيف ما حصل ولامرة انك تواجه قبليي المحس في المنبر ده، عشان تتحسس من كلام واحد "دنقلاوي" بي فهمك، خارج سودانيز اونلاين؟
ياخي شيل هذه الغشاوة القبلية من عينك يا مدحت!
11-04-2010, 08:00 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: يامدحت بشاشا ما بفكر بي اسلوب دناقلة او محس بقدرما بحاول يحاصر ويحارب هذه العقلية والبفكرو بيها!
بشاشا ده الكلام الكتبو اخوك العزيز من امريكا ردا علي حسن الملك في المنتدي النوبي في نفس البوست ده المنقول للمنتدي النوبي.
Quote: مساء الخير الارو د.حسن سليل الكرام اهل الحكمة والوقار والهيبة والجمال مصابيح الدجى خلائص النوبه وعصارة النوبيين الخلص الاماجد.لهم التحية والخلود احياء وامواتا.اخى العزيز اننى لاامثل الجنوبيين اما الاخ بشاشا فهو دنقلاوى نوبى اصيل قادر فى الدفاع عن نفسه وعن مايؤمن به لذا لم نلتفت للاساءت التى اتته من اهلنا المحس فى سودانيز اون لاين الذين تعنصروا عليه سامحهم الله.
ومع الكلام ده نقل اسمي مع صورة بروفيلي هنا في سودانيز اونلاين ومع اخوة اخرين علي اساس انو هؤلاء هم اهلنا المحس في سودانيز اونلاين الذين تعنصروا ضد بشاشا الدنقلاوي النوبي الاصيل ووجهوا اساءات له.
ومادام الحديث عن سودانيز اونلاين وعن هذا البوست قلت بدل ما اقول لي فقيري متين اتعنصرنا ضد بشاشا قلت أسالك انت متين نحن اتعنصرنا ووجهنا ليك اساءات يا بشاشا يا دنقلاوي يا اصيل علي قول فقيري؟؟؟!!!!
11-04-2010, 05:06 PM
Bashasha Bashasha
تاريخ التسجيل: 10-08-2003
مجموع المشاركات: 25803
اتمني الزول العندو صورة عازف الجيتار في حفلة وردي في اديس ابابا، يحصلنا بيها او شكرا.
سنتوقف في المحطة القادمة عند اقدم واضخم مجسم اثري علي سطح الارض، حتي الان، ونقصد بذلك مجسم ابو الهول المعروف علي نطاق واسع.
وفق مفردات قاموس تراش المركزية الاوربية، هذا الشكل لراس ابي الهول، يسمي Panto Profile، من البانتو المعروفين في جنوب كوش "السودان" اليوم.
عامة، في ادبيات الخواجات، يطلقون علي هذا المجسم، لقب "كائن اسطوري" لانو الراس راس بشر ام الجسم لكائن متوحش!
هنا مثال حي، بليغ، معبر، كيف الخواجة او اي فرد اخر، ينطلق من مرجعية ثقافة اخري غير الكوشية، لايملك غير تشويه وافساد المعني، لاي معطي ثقافي كوشي من دون ما يقصد ذلك !
ليه؟
لانو مرجعية الزول البقوم بالملاحظة، للظاهرة موضوع الدراسة، كمجسم ابي الهول اعلاه، لايملك غير اسقاط معايير ثقافتو هو علي معطي انجز باستخدات ادوات مرجعية، ثقافة مغايرة بل مختلفة جذريا!
في اعتقادنا هذه الوثيقة من حيث القيمة اهم وابلغ من الوثيقة الاولي، فيما اتصل بموضوعنا!
Stay Tuned!0
11-04-2010, 06:48 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: ما واضح ياتو كلام من كلامي هو ذات كلام بوني؟
الاخ بشاشا سلام و شكرا علي الترحيب
معقولة يا بشاشا البروفسير شارلي بونيه يبقي بوني ؟؟؟
يا اخي بوني دي بالغت فيها
علي العموم زي ما قلت ليك في المداخلة الاولي البروفسير بيقول انو جاء الي السودان ليبحث عن التاريخ السوداني و ليس كما فعل الاخرين الذين جاءوا يبحثون عن الحضارة المصرية في السودان و ايضا يقول ان الحضارة الفرعونية هي امتداد للحضارة الكوشية و ان الكوشية هي الاصل و الفرعونية هي الفرع فايه رأيك في الكلام ده ؟ هل هو نفس كلامك ولا انا غلطان ؟
Quote: شارل بوني ليس منهم علي الاطلاق، وان ذكر كلام مشابه علي استحياء، عابر، مع اصرار غريب علي الدفع بمصطلح "حضارة كرمة" بدل كوش مثلا، ليزيد طين البلبلة، بلة!
ابدا يا بشاشا البروفسير واضح وكلامو ما فيهو اي استحياء و ما حصل قابلني انو تحدث عن حضارة اسمها حضارة كرمة انما قال ان كرمة هي العاصمة الاولي لكوش و طبعا من حقك تعترض علي النقطة دي بس ما من حقك تنسب ليهو كلام هو ما قالو
Quote: ياهو زاتو شغل الخيل تجقلب، والشكر لي بوني!
شئ مؤلم او مخجل بحق، مثل هذا الجحود!
و الله يا اخي الجاحد انت و ظلمت رجل وهب حياتو في البحث و التنقيب في رمال كرمة رجل امضي اكثر من اربعين عاما في منطقة حتي اهلها هجروها لقسوة الطبيعة و التهميش الحاصل من كل الحكومات المتعاقبة منذ استقلال السودان و ننتهز الفرصة و نقترح للنوبيين انو نعمل تمثال لهذا الرجل ليقف شامخا امام متحف كرمة
Quote: اما موضوع كرمة كحاجة موازية، ماقااوها الناس ديل علنا او بالمكشوف طبعا، وانما ده المفهوم ضمنا، وفق سياق الاصل الاري المفترض لديهم، للحضارة
الناس ديل منو يا بشاشا؟ المشكلة انك بتعمم بكل سهولة اذا البروفسير شارلي بونيه قال الكلام ده ورينا قالو وين و بتين
Quote: ارث كوش ماخاص بي قبيلة او قبابل بعينها، او مجموعة بعينها داخل السودان، ولا يخص السودان او السودانيين حصرا، وانما يخص كل الافارقة اي الكوشيين، او كل السود اين ما مانو.
ههههههه و الله يا بشاشا هنا شطحت عديل كده بنفس القياس ده هل ممكن نقول انو الحضارة اليونانية ارث اوربي و انو يخص البيض اينما وجدو و الله تقول الكلام ده لي يوناني طوالي حيقول ليك اطلع لي برة و يكسرك يا اخي من حق اي اسود ان يفتخر بحضارة كوش كحضارة سوداء ولكن هنالك فرق بين الافتخار و الانتماء و ما تنسي السكان الاصليين في استراليا سود فهل ديل برضو تبع كوش؟ بالمناسبة كلامك ده بالنسبة لي عنصرية مضادة ضد عنصرية البيض التي تنتقضها و بالنسبة لي العنصرية مرفوضة بغض النظر عن المصدر يعني ما حصفق ليك لانها صادرة منك لانك اسود زيي
المهم لا اعتقد انو في خلاف بينا في حتة انو مركز الحضارة الكوشية هي المنطقة من اسوان حتي شمال الخرطوم الخلاف بكون في ما بعد المركز الامتداد الي اين شمالا و جنوبا و شرقا و غربا
الفيديو اذا ما شغال عندك رسل ايميل في القوقل عشان ارسلو ليك عشان تسمع كلام البروفسير لانو انا متأكد حتستفيد منو كتير لانو واضح من كلامك لا قريت ليهو لا استمعت ليهو
ولسه!!!! ياخي بشاشا كلامو كلو مستفز ومتناقض وما ثابت علي موقف. وذي ما شايف في ناس معاهو نقلو كلامو للمنتدي النوبي قلنا ما مشكلة ولكن ان يظهروه في دور الضحية والمظلوم مع انه الملاحظ من بوست نوبيو المنبر وغيره انه يترصد النوبين ويدخل في بوستاتهم ويكيل الشتائم والكلام المستفز .
11-04-2010, 10:01 PM
Nasr Nasr
تاريخ التسجيل: 08-18-2003
مجموع المشاركات: 10821
Quote: حضارة كوش حقت شعب النوبة وحده يا ناصر ممكن يكون لبقية الشعوب دور مصاحب فيها كان نيليين او فراعنة او بجه لكن اصلها حق النوبيين
كلامك ماشي بمنهج كويس عشان كدا حأمشي أقرأ شوية في حكاية اللغات واللغات النوبية والكوشية وعلاقتها باللغات النيلية وبلغات مروي والممالك القديمة دايرين نعرف متي بدأ الانفصال وبقوا النيلين حاجة غير النوبيين الله يدينا وقت
Quote: معقولة يا بشاشا البروفسير شارلي بونيه يبقي بوني ؟؟؟ يا اخي بوني دي بالغت فيها
نبيلو سلام،
بالغتا؟
ليه يا نبيلو؟
وهل اسم بوني اصلا عربي حتي يكتب بالعربية بي حروف بعينها؟ طبعا لا!
الاسم افرنجي منطوق او مكتوب بحروف عربية، اي كترجمة.
علي كده مافي شئ بخلي اجتهادك انت معيار، ملزم بيهو كل انسان اخر يانبيلو.
بونيه بتاعك صاح بالنسبة ليك او بوني بتاع بشاشا صاح بالنسبة لي بشاشا!
غريبة بحق درجة اهتمامك بي موضوع جانبي كهذا!
نجي للمهم: لوعندك كلاك بوني مكتوب بالانجليزي ولا العربي، الافضل نتناقش علي اساس كلامو هو، مش فهمك انتا لي كلامو.
Fair?0
اصلا مخطط افتح بوست خاص بي مناقشة كلام بوني.
Quote: ههههههه و الله يا بشاشا هنا شطحت عديل كده بنفس القياس ده هل ممكن نقول انو الحضارة اليونانية ارث اوربي و انو يخص البيض اينما وجدو و الله تقول الكلام ده لي يوناني طوالي حيقول ليك اطلع لي برة و يكسرك
كونو في واحد يوناني عنطج بكسر الاوربي البقول اليونان هي مهد حضارتنا الارية، فهذا لايغير من الحقيقة شئ!
يا اخي من حق اي اسود ان يفتخر بحضارة كوش كحضارة سوداء ولكن هنالك فرق بين الافتخار و الانتماء و ما تنسي السكان الاصليين في استراليا سود فهل ديل برضو تبع كوش؟
عجبي!
ولماذا يفتخر الاسود بحضارة لاينتمي اليها؟
علي اي اساس؟
ثم انت علي اي اساس ترفض انتماء السود لي كوش؟
مامعني سودان لغة يا نبيل، المثبتة في اوراقك الثبوتية؟
هل معناها غير "اسود"؟
كوش زاتا لغة معناها شنو يا نبيل الزعلان من انتماء السود لي كوش، وهو الاسود؟
واضح تماما ماسر تعلقك بامثال بوني، اللي طريقة تفكيرك هذه هي ثمار سجرة زغوم امثال المستهبل بوني!
لو بوني قال زي البنقول فيهو احنا يا نبيلو، لما تاففت واشمئذيت بهذا القدر من انتماء السود لحضارتم الكوشية، ولو في الواغ واغ، مش استراليا بس!
الاعجب يا نبيل قدامك الوثائق الما انشا او كلام وانما صور، او برضو تقول لي، السود يفتخرو نعم، بي كوش، اما الانتماء فلا!
ماهذا؟
قدامو نموذج لي صورة الانسان الاسود الانجب كوش، او برضو يقول ليك الاسود لا، ماعندو حق الانتماء، او كانو هو، لي روحو، خواجة، زي مثلو الاعلي بوني!
ياساتر!
Quote: بالمناسبة كلامك ده بالنسبة لي عنصرية مضادة ضد عنصرية البيض التي تنتقضها و بالنسبة لي العنصرية مرفوضة بغض النظر عن المصدر
عنصربة مضادة؟
اكيد غلبك التقولو تب!
ياخي هذا ارثي وهذا تاريخي، البجو امثال ادمز او بوني، قاطعين الفيافي لينصبو انفسهم كاستاذة لينا، قصبا عننا، في ركاب جيوشم الغازية لارضنا المستعبدة لامتنا السوداء، لينتجو لنا طريقة تفكير امثالك، الانتهت بعد المحارق بتفتيت بلدنا، او لما نقول بغم، تقول لي بالانابة عن موكليك البيض، انت عنصري؟
كده جرب انتا، تمشي المانيا او كمان تنصب روحك كحبر اعظم لي تاريخا!
قال عنصرية مضادة قال، لما غلبو اليقولو!
نفس تكتيكات غلاة المركزية الاوربية في امريكا، في مواجهة فرسان المدرسة الافريقية، من امثال دكتور جيفري، by the book!
Quote: المهم لا اعتقد انو في خلاف بينا في حتة انو مركز الحضارة الكوشية هي المنطقة من اسوان حتي شمال الخرطوم الخلاف بكون في ما بعد المركز الامتداد الي اين شمالا و جنوبا و شرقا و غربا
شمال الخرطوم؟
اخير ناس مثلث حمدي يا نبيلو منك، للاسف!
كانو اكثر كرم منك في تقبلم لغير الجلابة!
مرة اخري تامل هذا الزول الفي الوثيقة اعلاه، او بعد داك راجع كلامك بتاع شمال الخرطوم!
مفردة "خرتوم" لغة، تبع ناس "جنوب" الخرطوم بي لغة طريقة تفكيرك!
سلام.
11-04-2010, 10:23 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
القول ماقاله الشيخ انت ديوب بالنسبة لبشاشا، ولن يقبل كلام غيره دايرين تناقشوا بشاشا فالمناقش يجب أن تستند على كتب العلامة ديوب، اي منهج علمي فهو منهج قائم على المركزية الأوربية، وبشاشا هنا ليس ليس ليحاور حوارات مبنية على أسس علمية، بشاشا لديه فكرة مركزية واحدة وهو في سبيل فرضها بالقوة ومههما حدث فهو لن يتخلى عن ذلك.
للذين يريدون نقاش بشاشا عليهم بمراجعة هذين الكتابين:
The African Origin of Civilization: Myth or Reality
Civilization or barbarism: an authentic anthropology
والأهم من ذلك التخلص من دونيتكم أمم غزاتكم وعُقد نقصكم وكرهكم لذاتكم قبل الدخول في هذا النقاش.
وتحياتنا يا بشاشا
11-04-2010, 10:45 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: اخي بشاشا هل افهم من كلامك ده انك من اجل اثبات انك علي حق ممكن تصل مرحلة تزوير الحقائق التاريخية ؟
نبيلو،
والله بشاشا مسؤول فقط من فهمو هو، لي كلامو، مش تاويل نبيلو ولا اي انسان اخر لي كلامو، بالذات لما نبيلو غلبو تب اليقولو! بالعدم لوما فهمتا جزئية بعبنها من كلام بشاشا، فبشاشا ملزم يشرح ليك تاني او تالت!
فالنون والالف في كلمة "كلامنا" اعلاه، تشير الي كون نموذج انسان الغرب والجنوب هو الاصل، والجلابة الزيك فرع!
قنا نحن نعتذر عن هذه اللغة، بتاعة اصل او فصل، ولكن اخاكم مجبر لا بطل، كالاتي:
Quote: واضح اعتذارنا مقدما للحديث بي صيغة ان نموذج انسان الغرب والجنوب هو الاساس، حتي نتمكن من مخاطبة هؤلاء بي لغتم هم، مش لغتنا احنا يا مدحت!
ثم اردفنا كل ذلك بهذا:
Quote: لذلك اضطر احيانا للحديث بي لغة "حبوبتي مدفونة في حلة دنقلا، حيث دار اخر ملوك كوش" لانو البعض دي لغتو الما بفهم غيرا!
فمافاهم انتا عايز تقول شنو بالضبط؟
11-04-2010, 11:08 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: ومع الكلام ده نقل اسمي مع صورة بروفيلي هنا في سودانيز اونلاين ومع اخوة اخرين علي اساس انو هؤلاء هم اهلنا المحس في سودانيز اونلاين الذين تعنصروا ضد بشاشا الدنقلاوي النوبي الاصيل ووجهوا اساءات له.
مدحت، شايفك مصر تقحم كلام دار خارج سودانيزاولاين في هذا الخيط، او تحاسب بشاشا علي كلام قالو غيرو، مع انو بشاشا تعامل معاك كفرد قائم بذاتك او ما اقام محاكم التفتيش ليك، بي سبب مش كلام وانما قذف وهتك للاعراض، في المنبر في الماسنجر، بل خارج المنبر بالتلفونات من لندن والي كالفورنيا، او بعد ده انت مصر يا مدحت علي جرف البوست عن مسارو عامل زعلان؟
ياخي فقيري ما عندو عضوية هنا ليدافع عن نفسو، فلو ده حاصل، البتسووي فيهو ده عيب.
كلام فقيري مجرد لوم او عتاب او مافيهو اي شئ يستدعي زي البتعمل فيهو ده، جرفا للبوست عن مراميه مقارنة بالحصل امامك من قبل، في بوست النوبة، عندما اكتفيت بالفرجة حينها، احيانا، والمشاركة في الخجوم احيان اخري!
اذا لابد فافتح خيط مخصوص وانا حاجيك، والا المرجو عدم جرف الخيط بعيد عن هدفو.
11-04-2010, 11:31 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: يالقول ماقاله الشيخ انت ديوب بالنسبة لبشاشا، ولن يقبل كلام غيره دايرين تناقشوا بشاشا فالمناقش يجب أن تستند على كتب العلامة ديوب،
الصادق اسماعيل مرحب بيك شرفتا.
كلامك مع تعديل طفبف صحيح، بالنسبة لي فيما اتصل بي تاريخ ثقافتنا، القول ما قاله رواد المدرسة الافريقية كقاعدة وليس ما قاله الخواجات، والسبب منطقي او علمي، غير انو القاعدة في كل الدنيا الا عندنا نحن!
سؤالنا الماحيجيب علبهو زول، هل الالماني ولا الانجليزي حيقبل بي واحد اسود او زنجي كحبر اعظم او guru لي تاريخ ثقافتو؟
هذا مستحيل!
ولهذا اتعجب من البستغربو او يرفضو موقفنا هذا، او يرضو بي كتاب غزاتم، كاساتذة او معلمين، حصرا، ليهم!
الفرنسي لايقبل ان تخاطبو بالانجليزية، من باب الاعتزاز والاعتداد بالذات الثقافية او انتو عايزننا نقبل بالاجنبي الوافد والدخيل، كاستاذ تربية وطنية لينا؟
في الحرب الاهلية الاورببة الثانية، جندي الماني فضل الموت علي انقاذ حياتو بدماء فرنسية مش ذنجية!
هل صدفة الشعوب دي وين، او احنا البنصع الي اليوم التماثيل للخواجة، وين؟
هل من صدفة انو في بلاد السودان، ان من نسميهم "زرقة" اي سودان هم ضحايا محارق الابادة والتطهير؟
قطعا لا!
العلاقة وطيدة جدا او طردية مابين عبادة العربي او الغربي او ابادة "الزرقة"!
لهذا لا احد هنا او في السودان يعرف شئ عن السوداء دورسيلا هيوستن (1876-1941) مثلا الكتبت في 1926م عن الاصل الكوشي للادب العربي، ولكن الكل يسبح بحمد ويعبد شارل بوني، لانو ابيض او لانو "خواجة" او كمان سويسري!
انطلاقا من هذا السياق نحن نرفض رفض بات تولي الخواجات كتابة تاريخنا لينا.
هذا عار عديل كده، فكفاية مركب نقص، او عقدة "خواجة" ياهؤلاء، او مافي شعب اطلاقا وقف علي كرعيه، بالاتكاء علي اكتاف مستعمريه!
ده غير انو الخواجة علميا غير مؤهل علي الاطلاق لكتابة تاربخ ثقافتنا الاجنبية بالنسبة ليهو!
علي احسن الفروض الخواجة لايملك غير تشويه وافساد كل شئ، لانو لامفر من اسقاطه، قيم ومعايير ثقافته، هو، علي وافع ثقافتنا المغاير تماما!
احنا الحنكتب تاريخ ثقافتنا باظافرنا، ولامانع عندها الاستعانة بايا كان حسب الحوجة او وفق معاييرنا نحن لاهم!
اما ان يتولي الخواجة كل شئ او نتفرج او نترجم نحن، فكلا ثم كلا ثم كلا! ....يتبع...
11-05-2010, 10:48 AM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
يا بشاشا فقيري ما عاتبني... فقيري قال بالحرف الواحد ان المحس في سودانيزاونلاين تعنصروا علي الدنقلاوي الاصل بشاشا... مع ان الناس الكتبو ردود عليك لا يتعدوا 1% من المحس هنا في سودانيزاونلاين.... وايضا ما كان صادق مع نفسو لانو كتب ذيك ردود فعل بعض الافراد عليك... يا بشاشا المعروف لدي الجميع انك خلقت عداوات مع النوبين هنا بكتاباتك المستفزة ... فانت دخلت في بوست خاص للتعارف للاخ عبد الحكيم اعني نوبيو المنبر... مع اول دخول ليك في البوست بدل من ان تعرفنا بنفسك وعن منطقتك كما فعل الجميع دخلت البوست بكمية من الكلام المستفز والغير لائق وكان رد الفعل بمثل ما كتبت. وايضا دخلت في بوستات اخري بنفس اسلوبك.... وحتي بداية البوست ده والسابق فانت تقصد النوبين في الشمال الشعب الوحيد المحافظ علي تراث ولغة اقدم حضارة في وادي النيل... يا بشاشا لكل فعل رد فعل مضاد له في الاتجاه... فانت ما تتعدي علي الناس وتصفهم بالسذج والمواهيم والمتخلفين ووو وتتوقع ان يصفقوا لك..
11-05-2010, 11:28 AM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
شارلي بونيه لو كان قال كلام غير القالوا ما في زول كان اشتغل بيهو... بالله ارجع للكلام القالوا بالضبط...لو كلامو غلط قول لينا غلطان وين. لو كلامو بختلف من القالوه ناس شيخ انتا ديوب ممكن تورينا.. الرجل كان له الفضل في انشاء اول متحف في المنطقة النوبية...اصبح قبلة للسياح علي قلتهم... لكن ما تقول غزاة ومستعمرين وو الزول ما دخل المنطقة بجيش عرمرم. جاء للمنطقة بعلمو وبحث ونقب لسنين طويلة ووصل لكلام قوي في صالح النوبين... ويخاطب البروفسور شارلي بونيه الاعلام الغربي بما وصل اليه عبر هذا البحث وده المهم ... ولا تنسي يا بشاشا انك عرفت ذي ما ذكرت علي العلامة شيخ انتا ديوب بعد ذهابك لامريكا اعظم دولة متحضرة الان وهذه الدولة التي تتمتع فيها بكل شي كشفها واسسها الاوربيون يعني لو ما كان كولمبس والاوربين انت ذاتك ما كنت عرفت شيخ انتا ديوب ولا كان قلت كلامك البتقول فيهو ده... وحتي جون قرنق قائد جيش الجنوب الحالي المؤسس مصر الكوشية عرف الشيخ انتا ديوب بعد ذهابه لامريكا ويقول ياسر عرمان ان اهم فترات في حياة جون قرنق من منظور فكري فترة دراسته في الولايات المتحدة الامريكية وقال ان اهم شخصيتان ساهمتا فى التكوين الفكرى لدكتور/ جون هما البروف والتر رودنى و الشخص الثانى هو البروف السنغالى الشيخ انتا ديوب , وقرأ له دكتور جون حيث انه كان مولع بحضارات وادى النيل القديمة ووجد ضالته فى الشيخ انتا ديوب وهو الذى منحه الابعاد التاريخية وقام بعد ذلك دكتور جون بالبناء على اطروحاته واعطائها خصوصية سودانية
يعني بأختصار الفضل للاوربين والامريكان لما وصل اليه جون قرنق وبشاشا ... ويا بشاشا لو كنت في قريتك في السودان ما كنت حتلقي لا نت ولا كهربة عشان تقول كلامك ده كلو.. وما تنسي يا بشاشا.. ان امريكا بعد ما اسسها الاوربين الان رئيسهم اصوله افريقية ...
Quote: يعني بأختصار الفضل للاوربين والامريكان لما وصل اليه جون قرنق وبشاشا ...
جون قرنق ومنو ؟ والله يا مدحت ما في زول كبر للعوقة دا راسو إلا متل الكتابات دي، ياخي فكونا عليكم الله بلا بشاشا بلا شاي باللبن. بكرة أي منغولي حايم في أفريقيا والشرق الأوسط حيجي يعمل ليه عضوية في سودانيزأونلاين عشان يجي يوم يقولوا ليه إنتا وجون قرنق لونكم أسود، إنتا وسلفاكير طوال زي بعض، إنتا وشيخ أنتا ديوب بتحبوا البليلة، إنتا وأوبرا وينفري شغالين مذيعين، ونبقى احنا في البحلنا من الغاغات المواهيم، الدونيين، سلالة عابري السبيل، من كارهي ذواتهم وذوات اآلآخرين.
11-05-2010, 12:26 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
يا ود شاموق ... الكلام ده باعتبار انهم عرفوا شيخ انتا ديوب بعد ما مشوا امريكا... شيخ انتا ديوب زاتو ذهب لباريس لدراسة الفيزياء.. وهو يتكلم عن غزو واستعمار لمجرد قدوم عالم للمنطقة النوبية لكشف الحقيقة... تقول هم مشو الغرب عشان يبيعوا بصل..!!!
11-05-2010, 12:12 PM
ود شاموق ود شاموق
تاريخ التسجيل: 11-17-2002
مجموع المشاركات: 3605
Quote: الفرنسي لايقبل ان تخاطبو بالانجليزية، من باب الاعتزاز والاعتداد بالذات الثقافية او انتو عايزننا نقبل بالاجنبي الوافد والدخيل، كاستاذ تربية وطنية لينا؟
يا بشاشا شيخ انتا ديوب ظااااااتو يتحدث الفرنسية بطلاقة ولا يقبل المخاطبة بالانجليزية...
تابع اللقاء بدل ما تقدنا بي مستعر وغزو ودخيل وووو
نسمع الكلام من خشم سيدو بالفرنسية....مع ترجمة بالانجليزية...
قصرت معاك جبت ليك العلامة زاتو بي جاي وهو يتحدث بنفس لغة شارلي بونيه..
11-05-2010, 01:15 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: معقولة يا بشاشا البروفسير شارلي بونيه يبقي بوني ؟؟؟
تقول لي لغة عربية و عجمية و هلمجرا يا بشاشا احترامك للاخرين بيدل علي احترامك لنفسك ولا ما كده؟
Quote: كونو في واحد يوناني عنطج بكسر الاوربي البقول اليونان هي مهد حضارتنا الارية، فهذا لايغير من الحقيقة شئ
يا اخي انت كلامك نظري و فلسفي و سياسي ما فيهو ذرة من المهنية و العلمية و الحقايق التاريخية من الواضح انت من اجل انك تثبت انك علي حق ممكن تزور الماضي و الحاضر و المستقبل كمااان يا اخي انت هدفك النقاش ولا الجدل و (المغالطة) ؟ يا بشاشا انت بتعرف اليونانين اكتر مني أنا العايش معاهم عمري كلو؟ عشان اوريك انك غلطان حأديك مثال واااحد بعد تفكك يوغسلافيا السابقة التي تقع علي الحدود الشمالية لليونان قامت دولة جديدة علي الحدود مع اليونان سمت نفسها ماكدونيا اليونان حكومة وشعبا يسار علي يمين اشترطو علي هذة الدولة الوليدة تغيير اسمها حتي يعترفو بها لان اسم ماكدونيا حق تاريخي لليونان ولا يسمحون لاي دولة اخري او شعب اخر ان يشاركهم في ذلك انت عارف يا بشاشا الشعب اليوناني خرج في عدة مظاهرات مليونية ( مليونية دي خت تحتهامية خط ) للضغط علي الاتحاد الاوربي و الامم المتحدة لعدم الاعتراف بهذه الدولة الوليدة و تحقق لهم ذلك حتي الان الاتحاد الاوربي اعترف بهذه الدولة باسم دولة ماكدونيا السابقة و وضعت شرط تغيير الاسم لكي يسمحو لها بالانضمام للاتحاد الاوربي بعد ده كلو يا بشاشا تقول لي الحضارة اليونانية هي حضارة الانسان الابيض الاري و انو لو يوناني واحد قال ليك كده و الكلام الانشاء الغير واقعي بتاعك ده ؟
و يا اخي انا معاك انو في عنصرية من البيض ضد السود و دي حقيقة معروفة للجميع و لكن يا اخي مافي داعي للتعميم و انو كل البيض عنصريين في نفس اللحظة انت بتنسي او تتناسي انك تلقيت تعلميك من الخواجات ديل
و عليك الله يا بشاشا احساسك بيكون كيف لمن تجي تنتقد و تقلل من بروفسير في مستوي شارلي بونيه؟ بتحس بالعظمة؟ و انك كده رفعت من قدر نفسك و تمشي تنوم مبسوط ؟ يا اخي هذا الرجل ترك نعيم اوربا و جا عاش اربعين سنة في جحيم السودان اربعين سنة يا بشاشا الرجل قضاها في البحث و التنقيب عن حضارة كوش و تجي انت .. انت الما وهبت ولا ساعة من عمرك من اجل البحث و التنقيب في المنطقة و تجي تقول انو الزول ده مستهبل و ما قدم اي حاجة ؟ يا راجل حرام عليك .. ارحمنا و ارحم نفسك
Quote: ثم انت علي اي اساس ترفض انتماء السود لي كوش؟
يا اخي انا بقول انو كوش حضارة سوداء و لكن الانتماء اليها ليس علي اساس اللون كل من اجداده عاشوا علي ارض كوش فهو كوشي و لكن ما ممكن تجي تقول لي السود السكان الاصليين في استراليا ينتمون الي كوش معقولة يا بشاشا؟ شوف انت ممكن تصل لحدي وين عشان تحاول تثبت انك علي حق
و تعال يا بشاشا المنبر ده فيهو كتير من الاخوة الجنوبيين لييه ولا واحد منهم ما جا قال انو ينتمي للحضارة الكوشية ؟ يعني انت ولي امرهم؟ بتعرف تاريخهم اكتر منهم ؟ فوضوك تتكلم بي اسمهم ؟ و انت من غير ما تنتبه بتقلل من شأنهم زي كأنك بتقول ليهم تعالو يا جنوبيين اللي ما عندكم حضارة انا لقيت ليكم حضارة جااااهزة ولاحظ انهم بتحاشو المشاركة في هذا البوست عشان ما يحرجوك
يا بشاشاانت الحاجة الوحيده البتهمك انو الناس تجي تطبل ليك و تصفق ليك الامير الكوشي اللي مسح بي اهلو الارض من اجل المهمشين و انت ناسي انو اهلك زاتم مهمشين و دينم طالع
Quote: ياخي هذا ارثي وهذا تاريخي، البجو امثال ادمز او بوني، قاطعين الفيافي لينصبو انفسهم كاستاذة لينا،
بس تقول قاعد في دنقلا هههههههه انت ما برضو قطعت الفيافي و مشيت ليهم العلم الفي راسك ده كلو من الجماعة ديل و بعضمة لسانك قلت انو قرايتك في جماعة الخرطوم كان ضياع وقت تجي تقول لينا يجو عندنا ليه ؟ يجو عشان يعلموك هههههه مش بيقولو اثنان لا يتعلمان المستحي و المتكبر
علي العموم يا بشاشا وقف العنصرية دي لانو كدة مافي فرق بينك و بين الابيض العنصري الذي يدعو لنبذ الاسود للونه و انت تدعو لرفض الابيض للونه وزي ما قلت ليك دي اسمها عنصرية مضادة و في نظري اقبح من عنصرية البيض لانها نتيجة للشعور بالدنيوية
تحياتي
11-05-2010, 01:50 PM
Bashasha Bashasha
تاريخ التسجيل: 10-08-2003
مجموع المشاركات: 25803
الذي يهمنا هنا، انو بصفة عامة المدرسة البنتمي ليها معبودكم السويسري "الابيض" هي الصاغت مقرر التاريخ الحالي في السودان، بما يخدم مصالحهم الامبريالية المتمثلة في قتلنا لبعضنا البعض ثم تفتيت البلد في الختام!
اصدق مثال هو طريقة تفكير امثالك انت او نبيلو الرافض انتماء حتي اي سوداني جنوب الخرطوم لي كوش الخاصة بابناء "فريق"، في المحس!
هذه ذبدة وعصارة سم امثال بوني الهاري الذي تم حقنه في شراييين الاستعلائيين الجدد!
من الجانب الاخر، ثمار الشيخ ديوب واضحة في كلامنا البقول كلنا جنس واحد او ثقافة واحدة!
شفتا الفرق؟
Quote: بالله ارجع للكلام القالوا بالضبط...
ياخي جيبو انتو كلامو بالضبط او خلو القارئ يكون حكم بينا.
كلام بوني مجسد في اللحم والدم في شخص كلام اخونا نبيلو المتافف من اي صلة لاي سوداني مش استرالي جنوب الخرطوم لي كوش، الجلابية!
طبعا يا مدحت كالعادة عملت اطرش او اعمي من حدود نبيلو لي كوش!
Quote: ولا تنسي يا بشاشا انك عرفت ذي ما ذكرت علي العلامة شيخ انتا ديوب بعد ذهابك لامريكا اعظم دولة متحضرة الان وهذه الدولة التي تتمتع فيها بكل شي كشفها واسسها الاوربيون يعني لو ما كان كولمبس والاوربين انت ذاتك ما كنت عرفت شيخ انتا ديوب ولا كان قلت كلامك البتقول فيهو ده...
قرقرقرقر!
شفتو التسبيح بحمد البيض كيف؟
انتا لسة من زمن كولمبس "اكتشف" امريكا للبيض؟
هل طرش اضانك كتاب They Came Before Columbus
الكوشيين وليس كولمبس هم "الاكتشفو" امريكا مع الاعتذار لاستلافنا مفردات الاستعلاء الاري، فضلة خير المركزية الاوربية الحوارا مدحت!
كيف كولمبس "اكتشف" امربكا في فهم مدحت احنا لازم نقبل انو الخواجات هم الانشأو حضارة كوش!
يامدحت، في امريكا في ناس غير الاوربيين، افارقة زبك، ديل هم المسكوني درب ديوب!
عزيزي القارئ انتبه لي مركزية مدحت الاوربية البتجي مطفرة قصبا عن انف المساحيق!
ثم ياخي انا كفرد اسافر امريكا ولا امشي الواغ واغ، فانا حر، وهذه مسائل شخصية ماعندها صلة بي استلاب امثالك من حواريي المركزية الاوربية!
موضوعنا الاساسي تاريخ كوش او كلام الخواجات كيف هذا تاريخم هم، مش بشاشا سافر او جا من وين!
وحتي جون قرنق قائد جيش الجنوب الحالي المؤسس مصر الكوشية عرف الشيخ انتا ديوب بعد ذهابه لامريكا
طبعا حارقك شديد عنوان البوست او ده موضوعك مش سفر الشهيد قرنق لاي بقعة!
ثم اتعجب so what انو بشاشا او قرنق عرفو كلامم ده في امريكا؟
عابز تقول شنو بالضبط بي زي مزايدتك المكشوفة هذه حول امريكا؟
كيف بشاشا عايش في امريكا فلازم بشاشا يصبح زبك حوار مركزية اوربية؟
ده بوري طريقة تفكيرك انتا، ولادخل لنا بي طريقة تفكيرك هذه، فلم معاييرك عليك!
بشاشا مصنقر في قلب امريكا دي، لكنو افريقي، وهذه نظرة الامركان البيض له!
مشكلتك وين؟
يعني بأختصار الفضل للاوربين والامريكان لما وصل اليه جون قرنق وبشاشا ...
قرقرقرقرقر!
عزيزي القارئ،
هل غلطنا علي مدحت لما قنا عليهو حوار مركزية اوربية يري الوجود بعيون الانجلو ساكسون الزرقاء؟
قلنا اكثر من مرة انو اهلنا افارقة امريكا هم معلمي بشاشا، او مدحت لايري في الوجود غير الخواجات!
وقع ليكم كلامنا؟
عرفتو العالي ناس مدحت؟
عرفتو سر عبادتم لي امثال بوني الحيعملو ليهو صنم قريب؟
امنت بامون!
11-05-2010, 01:58 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: شمال السودان وجنوب السودان بمدلولاتها اللافة هسع حاجة حديثة نتاج حركة البشر عبر القارات والبحور والحاجات الانت عارفها
بس من زمن قديم جدا
كانت هناك أفريقيا وكان هناك الانسان الاسود، البشر الوحيد علي وجه الارض وكما يقول علماء الآثار والاناسة كان هناك كم قليل منهم وكان يتنقلون في القارة وقد قال بعض هؤلاء أنه بفعل أوبئة وظروف المعاش بقت قلة قليلة منهم في مناطق الساحل في جنوب أفريقيا ومن هذا الجنس الاسود ومن أفريقيا خرجت كل البشرية وبينهم نشأت أول حضارة وأول دولة مركزية وأول ديانات وطبعا اللغة
هذه حقيقة يرفضها نوعين من الناس ليست لانها غير علمية ولكنلاسباب أيديولجية
الاول من يقولون أن الجنس الابيض هو مبتدع الحضارة علي الارض وكانت تلك الفكرة ضرورية في زمن ما لتبرير إستعمار أفريقيا من قبل الأوربيين بحجة تخلف الافارقة وأن للرجل الابيض مهمة تمدينية والثاني هم من يقولون بأن تاريخ السودان وجغرافيته قد بدأت بدخول العرب السودان وهم من يقولون بعروبتهم هم شخصيا بإعتماد نظرية الهجنة والهجنة تعني أن العرب تزاجوا بحبوباتهم السود وانجبوهم ولذلك فهم أحسن من السودان لانهم محسنين كما الابقار الهولندية أها ديل ما دايرين يسمعوا أي حاجة عن حضارة أفريقية سوداء أبتدأت في هذه البلاد المتطرفون منهم دينيا يقولون أن أي حضارة قبل الاسلام جاهلية لا يعتد بها مع أن ناس هذه البلاد كانوا علي دين الله قبل نزول الاسلام علي محمد صلي الله عليه حال أهل السودان المهجنين لا يختلف عن المولاتو في أمريكا اللاتينية وفي حتات تانية بيسموهم الاسميلادو أولئك الذين يشبعون أهلهم الاصلين تعاليا لمجرد أنهم أختلطوا بالرجل الابيض وقربهم الرجل الابيض ووجد فيهم المحظيات ورؤوساء العبيد وهذا أظهر ما يكون في هايتي
فيا مولاتو السودان أين بدأت الحضارة الانسانية مفروض يكون موضوع بحث علمي صرف ولكنه لم يك كذلك أبدا لاسباب أيديولوجية
فقد أجتهدت مصر الرسمية كثيرا وكثيرا جدا حتي لا يقول أي من العلماء أن الحضارة الانسانية بدأت إلي الجنوب منهم وبدأها الانسان الاسود ربما خوفا علي دخل البلد من السياحة ولربما لانها لا زالت علي عقيدة أن لها مهمة تمدينية في السودان والعقلاء في السودان من يعرفون أصل وفصل هذه المهمة التمدينية
المهمة التمدينية قد بانت أسنانها هذه الايام فأستعدوا
الله يا ناصر...هذا الاقتباس كله درر لم اعرف ماذا اترك منه وماذا اخذ.
عندنا عالم حفريات كندي اسمه آدم جنبروني(متخصص في الحضارات السودانيه القديمه) كثيرا ما يردد كلامك هذا يا ناصر وكلام بشاشا بان كل سبب تغبيش الوعي عن الحضارات السودانيه هي مصر!!
ويا نبيلو ومدحت اتمنى اجابتكم على ناصر انا اتفق معه بان كل مناقض لهذه الفكره هو احد اثنين:
Quote: هذه حقيقة يرفضها نوعين من الناس ليست لانها غير علمية ولكنلاسباب أيديولجية
فاي الاثنين انتم؟؟!!
واتفق مع ناصر ايضا انه اوهام شمال لاسودان الحالي وجنوبه لا تمثل واقع الامر قديما يبقى في دواخلكم انكار لحققة السلالات التي تنحدرون منها وربما باقي تبث بعروبه مستتره.
تبثوا ما تشأوا.....ولكن لا تزوروا التاريخ. اذا كنتم اهل هذه الارض حقا فانتم فيالاصل زنوج تغيرت سحناتكم بحكم التزاوج ولكن نفس الاعراق التي تمثل جنوبي اليوم واهل جبال النوبه وغيرهم هي التي اقامت بهذه البقاع التي تقتنونها انتم اليوم.
بشاشا ربنا يعينك.....انت تدخلت لهم في الغريق بالحيل لذا جن جنونهم......وانكشفت كل داعوي اللاعروبه...لانه اتضح ان البعض حتى بنفيه لعربوتهم فانهم يثقون بان لهم دماء زرقاء آخرى!!
11-05-2010, 02:36 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: بشاشا ربنا يعينك.....انت تدخلت لهم في الغريق بالحيل لذا جن جنونهم......وانكشفت كل داعوي اللاعروبه...لانه اتضح ان البعض حتى بنفيه لعربوتهم فانهم يثقون بان لهم دماء زرقاء آخرى!!
دماء زرقاء ؟؟؟ وين الكلام ده .. عشان الكلام يكون علي بينة ممكن تجيبي اقتباس ؟
11-05-2010, 02:41 PM
nabielo nabielo
تاريخ التسجيل: 04-17-2002
مجموع المشاركات: 3227
بعدين ياخي ماعابزنو ولامحتاجبن لي دراسة امثالو البتجعل من امثالك بمثل هذه الكراهية لاهلو.
ثم البقول فيهو الزول ده، هو تاريخ لي كوش بعيون غرببة.
هذا لايلزمنا قط، اقلاهو الان.
خلينا احنا في الاول نكتب باظافرنا، نشوف بعيونا، لابعبون الغير، نشم بنخرينا، لابمناخير الغير، نتذوق ارثنا بلسانا لا بلسان الغير، نسمع باضانا لا باذن الغير-او بعد داك مرحب بكل العالم او مش قبلي كده!
قبل كده واصح بالشايفنو في امثالك من كراهية للذات!
....يتع..
11-05-2010, 06:15 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: بشاشا ربنا يعينك.....انت تدخلت لهم في الغريق بالحيل لذا جن جنونهم......وانكشفت كل داعوي اللاعروبه...لانه اتضح ان البعض حتى بنفيه لعربوتهم فانهم يثقون بان لهم دماء زرقاء آخرى!!
الفارسة تراجي،
حقيقة ماعندك اي فكرة الذنوجة اصحاب الدماء الزرقاء علي قولك، جنا جنونم كيف حتي خارج اامنبر او داخلو بالماسنجر، او كاننو بشاشا هو الصاغ الوثيقة العمرها اكثر من 3000سنة البتوضح بجلاء من هو النوبي!
بعد ده ناس نبيلو يقولو ليك النوبيين تاريخيا هم سكان شمال الخرطوم!
ده زاتو ذر رماد!
لانو في فهم عبدة بوني المحس تحديدا هم الكوشيين، لانو قال ليهم عاصمة كوش كانت في المحس!
وهذا دجل وخرافة لانو كرمة مجرد موقع واحد من مئات الالوف من المواقع المحتملة في السودان!
قاتل الله بوني هذا الذي زرع الوهم في رؤوس هؤلاء لنحصد الغرور حد الثمالة والاستعلاء، لينقلب كل هذا وبال علي اهل المنطقة والتشرذم الماثل الان الذي لايعرف تفاصيله الاخرين!
ماعندك اي فكرة كيف سم بوني هذا بعد حقنه في شرايين وعي قبلي متحجر، تحول الي IED بتاع طالبان والقاعدة في العراق في اوساط النوبييين، ليشل حركتم او يشتت شملهم بي صورة غريبة او غير معهودة في المنطقة!
والله وهم العروبة بتاع احفاد مولي العباس ارحم!
11-05-2010, 06:25 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: في زول قال ليكي انو نحن خواجات ؟ انتي بتجيبي الكلام ده من ويين يا تراجي
نبيلو،
لحقتا تنكر كلامك؟
مش قتا كوش جدها شمال الخرطوم؟
ياخي الي هذا التاريخ هناك مننا في اقصي الشمال من يتافف من مجرد الانتماء للسودان كلو مش فقط لحدي حدود الجلابة في شمال الخرطوم زي ماقتا، تقول لي تراجي بتجيبي الكلام ده من وين؟
لو فعلا انت مرتاح من حقيقة كونك ذنجي، العجاجة دي فوق كم لو كتب التاريخ قالت دولة مصر القديمة اسسسها جيش من جنوب السودان الحالي؟
لو كانو اهلك كما ناس "فريق" بالمحس لما كان كل هذا الحبر جري جداول بحثا عن منفذ للهروب من اصلك!
11-05-2010, 06:56 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
Quote: بشاشا يعتقد ان كل من يقف ضد العنوان الخطأ الذى اختاره لهذا البوست هو يدعم سيطرة الابيض على الحضارات و لا خيار ثالث
نايف حامد مرحب،
اولا ده اعتقادك انت ولادخل لبشاشا بمعتقداتك.
ثانيا ما وجه الخطأ في العنوان؟
Quote: يجب البحث وراء الدافع النفسى و الشخصى و السياسى وراء هذا البوست و ليس التاريخى و العلمى
من جانبنا عارفين الدافع النفسي البخلي امثالك ما مرتاحين لي عنوان البوست، وليس هناك اي اساس علمي او تاربخي علي قولك لموقفك هذا، وربما منطلق شخصي، ولكن ياخبر بكرة بي بلاش!
11-05-2010, 07:38 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
الاخوة الكرام الاخ بشاشا انا عايز الملخص مركزية اوربية بيضاء تسعى للادعاء بانها اصل الحضارات فى العالم مركزية افريقية سوداء تقول ان الحضارة المصرية سوداء وهى ابنة كوش الكبرى
الاخ بشاشا اذا الكلام الفوق داك صح قول صح اذا غلط صححنى عليك الله بالعربى البسيط الواضح من غير امثلة و اقوال علماء و كلام كبير ما بنفهموا بفهمك انت بس بالدارجى يكون احسن عشان العربى الفصيح خارج شبكة فهمنا ما قل ودل
11-05-2010, 07:53 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
اسس حضارة مصر الكوشية جيش من الجنوب الحالى الجنوب الحالى هل المقصود : جنوب مصر الى كيب تاون جنوب مصر السودان الحالى جنوب السودان الحالى بولاياته العشرة جنوب مصر كل الصحراء و جنوب الصحراء الممتد من الشرق الى الغرب
الجيش : من اى الاجناس كان الجيش الذى اسس مصر الكوشية ؟ كم كان عددهم ؟ من الذى قادهم ؟ فى اى معركة انتصروا ؟ من اين اتجهوا نحو مصر ليأ سسوا مصر الكوشية ؟
11-05-2010, 08:20 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
الحوار ثم الحوار الهادف بلاش اليوم بلاش و بكرة كمان بلاش لو واصلت بطريقة بناءة من غير بحث عن اى مؤثرات حتخلينى استفيد منك و نتعلم الكثير لانك مختص و زول تاريخ انا لا زول تاريخ لا بعرف فى التاريخ بس داير افهم نتعلم و اجرك على الله
11-05-2010, 08:36 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: مركزية اوربية بيضاء تسعى للادعاء بانها اصل الحضارات فى العالم
يا نايف لا اعتقد انو علماء التاريخ الاوربيين يدعون ان الحضارة الفرعونية حضارة الرجل الابيض ده كلام في خيال بشاشا بقولو عشان يغش بيهو السودانيين لانو ببساطة الاوربيين ما بيعتبرو المصريين انهم من الجنس الابيض الصراع بين المصريين البعتقدو انهم ينتمون للجنس الابيض و بين بقية افريقيا و اثبات الكلام ده ساهل جدا .. ممكن تعمل بحث في الانترنت و حتلقي انو المصريين و الافارقة فقط هم من يكتبون في هذا الموضوع
11-05-2010, 08:09 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
والله العظيم اهلنا في الشمال لامهمشين ولا الله قال!
يعني عشان ما شلنا سلاح... انت مشيت الشمال قبل كده؟؟؟ في قيادي في الحركة الشعبية زار المنطقة قبل فترة وقال والله المفروض انتو التشيلو سلاح لكن ما عندكم غابة......
11-05-2010, 08:21 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: مركزية اوربية بيضاء تسعى للادعاء بانها اصل الحضارات فى العالم مركزية افريقية سوداء تقول ان الحضارة المصرية سوداء وهى ابنة كوش الكبرى
نعم كلامك اعلاه صاح.
الاخ بشاشا انا معاك الاوربيون بغض النظر عن (التعميم او التخصيص ) سعوا و ما زالوا لينسبوا لانفسهم كل انجازات الحضارة الانسانية كويس معاى
داير افهم منك برضو (صادقا ) افريقيا عرق واحد ام هنالك تنوع و النوبيون الحاليون (بعيدا عن جدلية المسميات او التغير الذى طرأ على الشكل واللون ) اصلهم شنو؟ كانوا فى افريقيا يحسبوا افارقة ام فى كانوا فى قارة اخرى ؟
11-05-2010, 08:48 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
اسس حضارة مصر الكوشية جيش من الجنوب الحالى الجنوب الحالى هل المقصود : جنوب مصر الى كيب تاون جنوب مصر السودان الحالى جنوب السودان الحالى بولاياته العشرة جنوب مصر كل الصحراء و جنوب الصحراء الممتد من الشرق الى الغرب
الجيش : من اى الاجناس كان الجيش الذى اسس مصر الكوشية ؟ كم كان عددهم ؟ من الذى قادهم ؟ فى اى معركة انتصروا ؟ من اين اتجهوا نحو مصر ليأ سسوا مصر الكوشية ؟
الاخ بشاشا عليك الله انا نظامى بكنس نطيف ما بخلى وراى بقع حتة تراب وراى ما بخلى
11-05-2010, 09:36 PM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: انت صاحب موضوع من خلال البوست انا جاى اعتقد و افكر انك كذا وكذا وانت تناقشنى فى اعتقادى و فكرتى كيف ما عندك دخل ؟
يانايف،
اناقش افكارك نعم، تناقش افكار نعمين.
الاشكال ماهنا.
الاشكال اني احملك مسؤولية فهمي الخاطئ لو عفو ولا عمد، لي افكارك انت.
الاشكال هنا!
كمثال بشاشا ماقال:
Quote: ان كل من يقف ضد العنوان الخطأ الذى اختاره لهذا البوست هو يدعم سيطرة الابيض على الحضارات و لا خيار ثالث
هذا فهمك انتا لي طرح بشاسا، او بالتالي بشاشا ما مسؤول من فهم الاخرين الخاطئ لي كلامو،!
Quote: هل المقصود : جنوب مصر الى كيب تاون جنوب مصر السودان الحالى جنوب السودان الحالى بولاياته العشرة كما في العنوان جنوب السودان الحالي.
فماهم مامعني كيب تاون لو قنا السودان الحالي، او مصر السودان وماشابه؟
Quote: الجيش :
من اى الاجناس كان الجيش الذى اسس مصر الكوشية ؟
اجناس البشرية الاساسية كلها تلاتة، والرابع مزبج!
فالجنس الكان في جنوب السودان قبل اكثر من 5200 سنة، هو الاتكون منو الجيش، وهو ذات الجنس الموجود في الجنوب اليوم.
بالعدم مافي زول قال في الجنوب عاشو خواحات ولا اسيويين ولا ساميين، من قبل اكثر من 5000 سنة.
اضيف الي ذلك الوثائق اعلاه الوضحت بجلاء من هو المصري القديم، حتي بعد اكثر من 2000 سنة من وصول ذاك الجيش للدلتا في مصر!
لما نتناول موضوع ابو الهول حيث الوجه وجه "بانتو" عديل بي تعابير اليوم، ستضح ليك الحقيقة اكثر.
Quote: كم كان عددهم ؟
لاادري.
Quote: من الذى قادهم ؟
قادهم اول فرعون لمصر اسمو "آبا" او نارمر بي تسمية قدماء الاوربيين، اللي ظاهر في الفيدو رغم 5 في مداخلة مدحت اعلاه.
وهذا دليل اخر علي جنس الجيش الاسس حضارة كوش.
هذا الرجل مولولد في اسوان الحالية، وهو اقرب شكلا لاهلنا في الجبال اليوم، اللي نبيلو ما بعترف بيهم كنوبيين!
Quote: فى اى معركة انتصروا ؟
دارت حرب ولفترة من الزمن او مش معركة بعينها مابين اجداد مصريي اليوم من امثال حواس او مبارك او هيكل، كان اقباط كان مماليك كان عرب كان فلاحين لايهم.
وهؤلاء اتو لمصر كوافدين او لاجئين كماهو حال امثال بشاشا اليوم في امريكا او ال اوباما!
الي ان تمكن هؤلاء او بعد اكثر من 2500 سنة من الفوز بمصر كلها والي اليوم، من تاريخ معارك "آبا" ضدهم في الدلتا، وذلك عندما هزم ترهاقا الذي انشغل بالدفاع عن اهله من الكنعانيين في فلسطين او مش يهود اليوم بالمناسبة.
Quote: من اين اتجهوا نحو مصر ليأ سسوا مصر الكوشية ؟
مركز الكوشيين كان في مصر العليا، نواحي اسوان الحالية، داخل مصر، او معارك "آبا دول" كمانقول البوم كانت لبسط سيطرة اهله النوبيين الكوشيين علي ارضهم ارض مصر.
طبعا العلاقة مابين سودان اليوم او ابنته مصر القديمة كانت وثيقة، باعتبارو الاصل او مصر الفرع.
11-05-2010, 10:04 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
Quote: مركز الكوشيين كان في مصر العليا، نواحي اسوان الحالية، داخل مصر،
يا بشاشا.. الكوشيين في نواحي اسوان الحالية هم نفس الشعب في اقصي شمال السودان ويتحدثون اللغة النوبية لغة اهل الشمال....ومافي اي اثر لاي من لغات الدينكا او النوير او الشلك ...الجنوبين الحالين...
استمتع بهذه الصور من مركز الكوشيين في اسوان لاطيب واصدق شعب...مع اغنية نوبية جميلة تهدي بيهو اعصابك...
11-05-2010, 10:45 PM
Medhat Osman Medhat Osman
تاريخ التسجيل: 09-01-2007
مجموع المشاركات: 11208
Quote: الي ان تمكن هؤلاء او بعد اكثر من 2500 سنة من الفوز بمصر كلها والي اليوم، من تاريخ معارك "آبا" ضدهم في الدلتا، وذلك عندما هزم ترهاقا الذي انشغل بالدفاع عن
Quote: اهله من الكنعانيين
في فلسطين...
ياخي بالله تهراقا زاتوووو طلع كنعاني؟؟؟!!!!.. تعرف اهلك عرب الغدار كان سمعوا الكلام ده حيقولو بشاشا جنا...
ياخي خليك في بوني وديوب..
11-05-2010, 10:37 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
Quote: فماهم مامعني كيب تاون لو قنا السودان الحالي، او مصر السودان وماشابه؟
يعنى من كلامك افهم انو الجيش كان من البجا والدينكا و الفور و الزغاوة و الفلاتا و الزاندى و الشلك هل كان النوبيون (بغض النظر عن عن عن عن ) مكونا من مكونات الجيش ؟
Quote: فالجنس الكان في جنوب السودان قبل اكثر من 5200 سنة، هو الاتكون منو الجيش، وهو ذات الجنس الموجود في الجنوب اليوم.
كل قبائل الجنوب اليوم شاركت فى الجيش ؟ و هى نفس القبائل التى كانت موجودة قبل 5200 سنة بسأل تانى النوبيون كانوا فى الجيش ؟ لانك فى الاقتباس الاخير حددت الجنوب الاتكون منو الجيش جنوب السودان الحالى
Quote: وهذا دليل اخر علي جنس الجيش الاسس حضارة كوش.
هذا الرجل مولولد في اسوان الحالية، وهو اقرب شكلا لاهلنا في الجبال اليوم، !
الدليل الاخر شنو ؟ ما وضح لي دليلك انت قلت انو الجيش اتكون من الجنوب ؟ يعنى ناس الجنوب كانوا ساكنين فى اسوان عشان الرجل ده يولد هناك ؟ انا يا اخوى بشاشا ما داير حتة المقارنة فى الاشكال لانها اكيد اتغيرت لكن امتداد الارث للرجل المولود فى اسوان هل هم ناس اسوان و المناطق المجاورة لها ؟ ام ناس الجنوب ؟ و ما رأيك فى النظرية البتقول انو ناس الجبال كانوا امتداد للنوبيين و دخل العرب فى النص فتأثر نوبة الجبال بالعرق الزنجى اكثر و تأثر نوبة الشمال بالعرب اكثر
Quote: دارت حرب ولفترة من الزمن او مش معركة بعينها مابين اجداد مصريي اليوم من امثال حواس او مبارك او هيكل، كان اقباط كان مماليك كان عرب كان فلاحين لايهم.
وهؤلاء اتو لمصر كوافدين او لاجئين كماهو حال امثال بشاشا اليوم في امريكا او ال اوباما!
الي ان تمكن هؤلاء او بعد اكثر من 2500 سنة من الفوز بمصر كلها والي اليوم، من تاريخ معارك "آبا" ضدهم في الدلتا، وذلك عندما هزم ترهاقا الذي انشغل بالدفاع عن اهله من الكنعانيين في فلسطين او مش يهود اليوم بالمناسبة.
النقطة دى كلها مفهومة الا
Quote: وذلك عندما هزم ترهاقا الذي انشغل بالدفاع عن اهله من الكنعانيين في فلسطين او مش يهود اليوم بالمناسبة.
كدى اشرح لينا النقطة دى تانى ترهاقا دافع عن مين ؟ انت قلبت الظاهر عليك بقيت اوربى يا بشاشا شايف انجازات افريقية طلعتها بره القارة
Quote: مركز الكوشيين كان في مصر العليا، نواحي اسوان الحالية، داخل مصر، او معارك "آبا دول" كمانقول البوم كانت لبسط سيطرة اهله النوبيين الكوشيين علي ارضهم ارض مصر.
طيب انت ما كويس يا بشاشا انت معانا تب متفقين
Quote: لبسط سيطرة اهله النوبيين الكوشيين
100% انا خايف فهمى يكون غلط وبشاشا طبعا ما عندو دخل فى فهم نايف كلامك كلو مصر العليا ومنى زيادة مصر السفلى واسوان و ما ادراك ما كامل اخترامنا للافارقة اين هم ؟ اشرح لينا الحتة دى ؟
Quote: طبعا العلاقة مابين سودان اليوم او ابنته مصر القديمة كانت وثيقة، باعتبارو الاصل او مصر الفرع.
100% لى عودة فى هذة المداخلة بعد ما اسمع رأيك (أقرأ) طبعا
11-05-2010, 10:31 PM
nabielo nabielo
تاريخ التسجيل: 04-17-2002
مجموع المشاركات: 3227
Quote: الي ان تمكن هؤلاء او بعد اكثر من 2500 سنة من الفوز بمصر كلها والي اليوم، من تاريخ معارك "آبا" ضدهم في الدلتا، وذلك عندما هزم ترهاقا الذي انشغل بالدفاع عن اهله من الكنعانيين في فلسطين او مش يهود اليوم بالمناسبة.
يا بشاشا انت داير تقول شنو ؟ انو ترهاقا ملك كوش العطيم اصلو عربي ؟ يا اخي انت ما قاعد تراجع كلامك ده قبل ما ترسلو لينا؟ الا تكون عن قصد داير تربط ترهاقا بالعرب ؟ و انت فاهم كويس انا قاصد شنو
Quote: مركز الكوشيين كان في مصر العليا، نواحي اسوان الحالية، داخل مصر،
انا قلت ليك مركز كوش من اسوان الي الخرطوم و انت نقدتني وهجت و جقلبت و لخبطت الدنيا فوق تحت وحسع تجي تقول لينا انو المركز اسوان ؟ والله يا بشاشا انا كنت مفتكر المركز بالنسبة ليك جوبا او ملكال او واو او حتي كيب تاون او استراليا و لكن اسوان دي ما اتوقعتها منك
Quote: الي ان تمكن هؤلاء او بعد اكثر من 2500 سنة من الفوز بمصر كلها والي اليوم، من تاريخ معارك "آبا" ضدهم في الدلتا، وذلك عندما هزم ترهاقا الذي انشغل بالدفاع عن اهله من الكنعانيين في فلسطين او مش يهود اليوم بالمناسبة.
احمد سلام من الاقتباس الفوق ده هدف بشاشا وااااضح داير يربط ترهاقا بالعرب لغرض في نفس يعقوب
ما تسألني الغرض ده شنو هههههههه
11-05-2010, 11:08 PM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: داير افهم منك برضو (صادقا ) افريقيا عرق واحد ام هنالك تنوع
نايف مشكوار علي المثابرة،
الاعراق المتعارف عليها ثلات، والرابع مزيج من اتنين من التلاتة الاساسيين:
1) السود: مؤسسي ثقافة المهد الجنوبي للحضارة.
2) البيض: مؤسسي المهد الشمالي للحضارة.
3) الاسيويين او الصفر: ثقافيا جزء من ثقافة المهد الشمالي.
* السامييين: احدث مجموعة برزت وعمرها لايتعدي ال5,000 سنة مقارنة بالسود التاريخم يمتد لاكثر من 100,000 سنة!
والسامييين مزيج من السود والبيض.
ثقافيا هم في الوسط ماببن مهدي الحضارة ولكن يغلب علي ثقافتم طابع ثقافة المهد الشمالي.
السود او الذنوج او الكوشيين او الاثيوبيين، هم اساس الاجناس الاخري كلها.
بالفهم ده، الافارقة جنس واحد او ثقافة واحدة، والقاسم االمشترك بينم من حيث الملامح هو سواد بشرتم.
Quote: و النوبيون الحاليون (بعيدا عن جدلية المسميات او التغير الذى طرأ على الشكل واللون ) اصلهم شنو؟ كانوا فى افريقيا يحسبوا افارقة ام فى كانوا فى قارة اخرى ؟
النوبيين الكوشييين الحاليين كقوم سود افارقة اقحاح، وان اختلفو نسبيا عن نموذج انسان الجنوب والغرب.
وعلي مستوي افريقيا نجد نموذج شرق افريقيا في مقابل نموذج انسان غربها.
والوثيقة اعلاه اشارت لي لنموذجين لا اكثر للسود او الكوشيين.
افريقيا هي موطن النوبيين الكوشيين.
النيليين منهم، تركيز وجودم كان في مصر تاريخيا.
هناك مايدل علي وجود نوبة النيل والجبال معا في اقصي الشمال في اخر ايام كوش,
والاشارة لنوبة حمر او سود وردت في المراجع من قبل كده.
Quote: هل المكون الوحيد لافريقيا العرق الزنجى ام هنالك اعراق اخرى ؟ يعنى مثلا الصوماليون و الحبش مثلا زنوج ؟
المكون الوحيد لافريقيا بي معني كوش، هو العرق الذنجي ولامكون اخر، تاربخيا.
الصوماليين والاثيوبيين مجرد مجموعات صغيرة داخل الاسرة الكوشية اي الذنجية اي السوداء او السودانية، لافرق!
انا عارف كويس البلبلة الخلقوها الخواجات بتقسيم الافارقة اي الكوشيين الي ذنوج في مقابل حاميين، وهذه خرافة اخري، ولعبة قذرة اخري من لعباتم كاستعماريين او امبرباليين، شعارم فرق تسود!
من الجانب الاخر، او من حيث نظرية معرفة بحتة "ايبستمولجي" العقل الغربي يميل الي تفتيت الظاهرة موضوع الملاحظة الي عدد لامتناهي من الاجزاء الصغيرة بي صورة الية او تلقائية، ولهذا هم قسمو الافارقة الي عدد مهول من الاحناس داخل دائرتي حامي او ذنجي هذه!
في داخل الجنوب وحده نجد النيليين والبانتو وماشابه.
في جنوب افريقيا نجد الاقزام و "الكفار" الكفار الواحدة بتاعة الاسلام السياسي، في قاموس الخواجات جنس!
من الجانب الاخر هم قالو مركب نوح كان فبها زول اسود واحد اسمو حام، من دون زوجة!
فماتعرف الذنجي الابتدع شخصيتو الحالية منظر النازية اصلا جا من وين؟
في فهم المركزبة الاوربية الكان في مركب نوح هو حام بتاع شرق افريقيا!
اما نموذج غرب افريقيا "الذنجي" الكائن الخرافي، جا من وين، فما ورونا.
فذنجي لغة في المعجم العربي تعني اسود، تماما زي كوش زي اثيوبيا، زي سودان.
مع انو نموذج الذنجي الاخترعوهو ناس هتلر كان معبود كاله في المانيا دي زاتا في غابر الايام ، ويالسخرية الاقدار!
كوننا كافارقة جنس واحد او ثقافة واحدة فهذه حقيقة تؤكدها الوثيقة اعلاه.
اما سكان شمال افريقية فليسو بافارقة بي معني كوشيين، وان كانو افارقة بي معني اخر كالمواطنة، وليس الثقافة او التركيبة الجينية، وهذا تكييف قانوني سياسي خارج موضوعنا.
11-05-2010, 10:39 PM
احمد محمد بشير احمد محمد بشير
تاريخ التسجيل: 06-17-2008
مجموع المشاركات: 14987
وليد سلام في البوست الاول لو تذكر كرر كتير جملة شبه الجزيرة الكوشية طبعا هو قاصد شبه الجزيرة العربية و اعتبرت الكلام ده شطحة بس بعدما قال انو ترهاقا عربي فتبقي الحكاية مقصودة و اعتقد انت بتكون فاهم كويس هو قاصد شنو
11-05-2010, 11:39 PM
نايف محمد حامد نايف محمد حامد
تاريخ التسجيل: 02-27-2009
مجموع المشاركات: 2725
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Bashasha
Medhat Osman
محمدين محمد اسحق
Nasr
وليد محمد المبارك
nabielo
حسين نوباتيا
احمد محمد بشير
الصادق اسماعيل
ود شاموق
Tragie Mustafa
نايف محمد حامد
فيس بوك
تويتر
انستقرام
يوتيوب
بنتيريست