|
|
 Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
| Quote: لوما كده كيف نوبة الجبال برضو يكونو نوبيين تماما زي اي محسي من فريق؟ |
والله انت ساقط تاريخ جدجد
اها استشهادك بنوبة الجبال بنقلب عليك يا جاهل، نوبة الجبال ونوبة الشمال اصل واحد وهم الكوشيين الفعليين ،
والسبب التشابه في بعض العادات والتقاليد ومفردات كتيره من اللغة
ليه التشابه ده غير موجود في القبائل النيلية
لا دخل للقبائل النيلية بهم
| |
  
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: وليد محمد المبارك)
|
بشاشا يواصل السقوط الداوي
لقد تم فضحك في هذا البوست يا بشاشا
من عنوان البوست ظاهر يا بشاشا
انو هدف من اهدافك بهذا البوست
كان هو الفتنة بين النوبيين و الاخوة في الجنوب
و فشلت فشلا ذريعا ... و الدليل
لا احد.. لا احد من الاخوة الجنوبيين هبب ليك يا بشاشا
انت عارف ليه فشلت يا بشاشا؟
لو ما عارف اوريك
لان الاخوة الجنوبيين يعرفون جيدا موقف النوبيين من الحركة الشعبية
و كيف ان النوبيين هم من احتضن الحركة الشعبية في الشمال
و كيف دعم النوبيون الحركة الشعبية في ارض الواقع يا بشاشا
مش هرطقة و جقلبة و شوية كتابات فارغة في النت يا بشاشا
و الان بتصر تواصل في مسلسل السقوط
و تحاول ان تفتن بين النوبيين انفسهم بين المحس و الدناقلة
و الدليل اهو
Quote: جماعتي ديل فاهمين انو ترهاقا مثلا ك"نوبي" فهو محسي من قرية اسمها "فريق" تحديدا، او ديل في الخيط ده هم مدحت او نبيلو.
اما وليد فبيفتكرو دنقلاوي!
|
مشكلتك يا بشاشا انك مفتكر نفسك ذكي
و بقية الناس دي كووولها اغبياء
فشلت في الايقاع بين النوبيين و الجنوبيين
فقلت احاول اوقع بين النوبيين انفسهم
و بكدة تكون حققت هدف ثانوي بهذا البوست
بما انك فشلت في تحقيق الهدف الاساسي للبوست
مشكلتك يا بشاشا ما بتعرف انو البرميل الفارغ اكثر ضجيجيا
فواصل في هذا الضجيج و افضح نفسك امام القراء
اكرر الاخوة الجنوبيين يعرفون جيدا موقف النوبيين من الحركة الشعبية
ولا يمكن يا بشاشا انت تاكل بي عقلهم حلاوة
ده بعدك يا بشاشا
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
| Quote: حنخليكم زي الزرازير في قفص بشاشا، تسوو "ويج ويج" او حنواصل فتحنا المبين، شاقين عتماير استلابكم، حتي النصر! |
الأخ نبيلو، والأخ وليد، وبقية العقد الفريد من المتداخلين،
أعتقد أنه - ومن الاقتباس أعلاه - قد اتضح لكم بما لا يدع مجالاً للشك أنكم تحاورون عبلانجاً سميناً لا يعرف الطـز من السبحان الله، وقد أخبرتكم سابقاً أن سليل عابري السبيل هذا، يفتقد إلى القدرات العقلية الملائمة لحوار معقد كحواركم الذي أردتموه، وهو فوق هذا وذاك، مدعي، متبجح، ويهرف بما لا يعرف، يعني حينما طلبتم منه دليلاً على افريقية أبو الهـول، لم يجد دليلاً سوى صورة عازف جيتار سوداني من الجنوب! دا أهبـل، وعبيط كمان، ومدعي، قال حوار علمي، وين العلمية هسع هنا؟ شابكنا الحجج والخصوم والمركزية الإفريقية. المشكلة أنا هسع كلما أتذكر ما قاله هذا الوهم بشاشا في حق شارل بوني، ثم ألتفت إلى المنهجية العلمية التي يستخدمها بشاشا أدي ربك العجب! صور يا بشاشا؟ صورة؟ دي منهجيتك العلمية؟ قال "ويج ويج" ويج ويج يالمنغولي؟ طبعاً بشاشا ما محتاج شهادة مني، والشهادة لي الله، أي زول دخل البوست دا، حيكون خرج من بي حاجة واحدة وهي أن أي حوار من العبلانج بشاشا هو مضيعة للوقت والموارد القيمة التي تحتاجها أسركم ومن تعولون ...
فقوموا إلى أعمالكم يرحمكم الله.
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: ود شاموق)
|
الاخ بشاشا،
اود ان اشكرك لمحاولتك لتقديم قراءة مختلفه لتاريخ السودان الحالى،
الذى فى تقديرى بها قدر من الصحه لكن لكى تضحد اتهامات البعض لك هنا بالتلفيق، ايراد مصادر مهم فى هذا الامر.
حتى يطلع عليها الذين لم يكونوا محظوظون مثلك فى الاطلاع على هذه المراجع،،
من حيث التاريخ (والبحوث الحديثه)، الانسان الحالى اوربى اسيوى (بمافى ذلك العرب)....الخ تعود اصولهم الى افريقيا
التى بها اقدم (فوسيل) للانسان المعاصر يعود تاريخها الى اكثر من 160 الف سنه،،،،،،،،
حتى الذين يؤمنون بالروايه الدينيه ادم/ حواء فهى تقر بأن اصل البشر واحد،،رغم انها تعود الى 5 الف سنه فقط...
الذى حدث بعدها هو (تراكم بنية وعى ثقافيه) لا اكثر،،، لكن جينيا نحن (واحد) بوجود اختلافات طفيفه،،
المدهش فى الامر ، حسب البحوث الحديثه، ان الانسان مقارنه ببقيه الكائنات الحيه، بكتريا، زواحف ، حشرات، اسماك، حيونات....الخ
وجوده حديث على هذه الارض (160 الف سنه)، بينما تلك يعود وجودها الى ملايين او بلايين السنين،،، فنحن وجودنا طارئ ربما لو انقرض الجنس البشرى (6 بليون)
لن تتاثر الارض كثيرا، كما فى حال لو انقرضت (البكتريا).
من الديانات البشريه القليله التى استوعبت هذا الواقع هى الهندوسيه وبعض الديانات الافريقيه، ربما اشارة بشاشا الى الهة الفراعنه النصف بشريه يبدو ان تلك الديانه كانت تعبر عن تماهى الانسان فى الطبيعة التى من حوله،
ربما اكثر تعبير يلخص وضعنا الحالى فى السودان هو الذى يقول ان (الذين يختذلون التاريخ، سوف يختذلون الحغرافيا).
لذلك نحن نواجه فى السودان الان فشل انفصال جزء اصيل من البلد ومكوناته الثقافيه،التاريخيه لأننا عجزنا عن ادراك عمق تاريخنا....
| |
|
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Medhat Osman)
|
Quote: نعم يا نايف كلنا ذنوج كان صومال كان اثيوبيين او ايا كان من السود.
ماتخلي حاجز "ذنجي" النفسي يقيف بينك او اي انسان اسود اخر.
لوما كده كيف نوبة الجبال برضو يكونو نوبيين تماما زي اي محسي من فريق؟
فكر في اجابة علي السؤال ده وانا جاي علي باقي كلامك. |
انا يا بشاشا عندى سؤالين ليهم سنة
هل كان النوبيون ضمن جيش الجنوب الذى اسس كوش ؟
الى اى التصنيفات الاربعة التى ذكرتها ينتمى النوبيون ؟
التريقة معاى ما بتنفع
انا جبت سيرة فريق؟
واصل معاى بنفس مستوى حوارى معاك
رغم انك نزلت بمستوى الحوار للحضيض
لكن ما مشكلة
نوصلك خشم بابك
لمن ارد
حتقول لبست طاقية ما حقتك
لا تستغل ردودك على نايف
فى الرد على الاخرين
انا فى انتظار الرد على السؤالين
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
احمد امين يامراحب.
| Quote: اود ان اشكرك لمحاولتك لتقديم قراءة مختلفه لتاريخ السودان الحالى،الذى فى تقديرى بها قدر من الصحه لكن لكى تضحد اتهامات البعض لك هنا بالتلفيق، ايراد مصادر مهم فى هذا الامر |
ياريت لو الامر كان امر مراجع او حجة او منطق ياعزيزي، زي ما قنا من قولة تيت في البوست الاول المسحوب!
تفخيخ ثم تفجير البوست الاول هو ابلغ دليل كلامنا، هذا! لما تعوذم الحجة، يلجأون لاستخدام الايادي، عشان يتمو بيهو نقص الفاخورة، المليانة قيح كراهية للذات، يعوض عنها بالاستعلاء كتغطية للاحساس الغير واعي، بي مخزون قرون العبودية والقهر عبر مئات السنين، او بنقول كده من باب وضع المشرط كاي جراح ماهر علي الجرح العميق المتخثر في دواخلنا كنوبة نيليين!
فهمنا من اول يوم وطأت اقدامنا فضاء الاسافير من زمن سودان نت في تسعينات القرن الماضي، ان هذه ساحة حرب عديل كده، الفوز فيها للذي يملك فأس الصمود، صلابة العزيمة، ثم مضاء الحجة.
ولهذا قلنا في البوست المسحوب:
Quote: نجي موضوع الادلة:
من الاساس قنا الموضوع ما موضوع حجة او منطق او ادلة، بقدر ما قضية وعي استلابي او كراهية ذات، نجم عنها سلسلة تصورات مسبقة، يصعب اختراقا |
اما بالنسبة لي ناسنا والقراء، فمعاك حق، ولكن طبيعة المعركة في البوستات الذي دي، ما بتدي الفرصة للجهد الاضافي المطلوب.
من جانبك ورينا طلباتك من حيث المراجع لي اي كلام محدد جبناهو، اما هؤلاء فحتي الان قدر الجبناهو ماعندهم رد بذات المستوي والمادة، عليهو، او ده سبب كل الزعيق الهنا!
| Quote: من الديانات البشريه القليله التى استوعبت هذا الواقع هى الهندوسيه وبعض الديانات الافريقيه، ربما اشارة بشاشا الى الهة الفراعنه النصف بشريه يبدو ان تلك الديانه كانت تعبر عن تماهى الانسان فى الطبيعة التى من حوله، |
ابو حميد،
اجدادك الفراعنة ما كانو عندهم الهة كماهو حال العرب والخواجات قبل ما يحتكو بالثقافة الكوشية الانجزت التوحيد او قدمتو كاسهام للبشرية. فكلامك عن الهة للفراعنة هو بعض بعر، بعير اسقاطات المركزية الاوربية، والعربية، من امثال ادمز او بوني اله ثنائي المحس المعبود!
زي ما قنا هؤلاء الاوربيين لايملكون غير تشويه وافساد ارثنا الثقافي، من دون قصد وكنتيجة لي نظرتم او تفسيرم للمعطي الثقافي الكوشي، من منطلق مرجعية ثقاتم المادية، التجسيمية الصنمية، الغير موحدة اصلا!
اما الهندوسية او اي ديانة اخري في ثقافة المهد الشمالي، فما هي الا مقاربة ثقافبة او تكيييف محلي لاصل جنوبي كوشي، كقاعدة.
هناك دين واحد في جذورو، افريقي وليس اديان يا ابو حميد! مرة اخري هذا خطاب مركزية اوربية! او كونو في كلامك الهندوسية والدين الافريقي، اللي اساسو عقيدة التوحبد المروية، اساس كل الاديان بمافي ذلك اسلام العرب، بلتقو في نقطتك اعلاه، فده ما صدفة!
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
| Quote: هو كرهتو في الدنيا المحس والنوبين عموما |
مدحت،
هو بشاشا ده بي فهمك ده، حيكره منو او يخلي منو؟
بعض الشوايقة قالو بشاشا بكره الشوايقة، وكذلك بعض الحعل قالو بكره الجعل، وكذلك بعض الحلفاويين، قالو بكره الحلفاوين، وهكذا "دواليب" في فهم هؤلاء القبليين العشائريين، المتخلفين، الجلابة!
اذن مدحت هنا بتكلم عن روحو هو!
كيف؟
لانو في وعي بشاشا مافي حاجة اسمها "دناقلة" مثلا، لينظر لامثال مدحت كمحس!
نعم مدحت، كقبلي، يري الوجود او امثال بشاشا، بعدسات "محسية" لاصقة!
لهذا حساسيتو عالية جدا، عكس بشاشا، تجاه كل ماتوهمه ككراهية لي قبيلتو المحسية!
اما بشاشا او لانو الوعي القبلي انتفي داخله، ما حصل ولا مرة ولا بالغلط، عبر السنين في الاسافير انتابو احساس ولو مرة، ولو لكسر من الثانية، ان فلان يكره الدناقلة مثلا او "النوبة" او "الجلابة"!
عزيزي القارئ، كمقياس عملي مافيهو فرصة تاويل، من هم اقران مدحت او نبيلو في المنبر ده او المنابر الاخري، او في الخيط ده؟
ومن هم اقران بشاشا عبر السنين في الاسافير او في المنبر ده؟ هل صدفة انو زمرة نبيلو ياهم محس "فريق"؟
وفريق هذه اسم قرية في المحس، ينتمي اليها غالبية البسوو "واكجباراه" في المنبر ده والمنابر الاخري، يديرون فيه هؤلاء هم عام، بي عقلية شيخ القرية، او ناظر القبلية او كبير الاسرة!
اي مدقق لما يدور في هذا الفضاء بسرعة بينتبه للتنسيق الجاري او توزيع االادوار فيما ببن افراد جنجويد "فريق" في المنبر ده او خارج هذا المنبر!
اكيد مافي زول حينتبه كيف ابرز تلاتة مشاركبن في الخيط ابناء مش قبيلة او حي واحد، وانما اسرة واحدة! نعم مدحت او نبيلو او نايف!
لهذا او انطلاقا من الطبيعة القبلية العشائرية لطريقة تفكير هؤلاء، لايمكن مدحت مثلا الممثل الاكبر فيهم، يقول لي نبيلو، غلط ياخي الكوشييين حدهم شمال الخرطوم مثلا، وان هذه جهوية!
اذا مدحت هنا في كلامو عن كراهية في مخيلتو، من بشاشا لي قبيلتو المحسية، انما ينطلق من بعد اخر والتزام عشائري، شللي اخر!
فالذي يكرهه بشاشا يا مدحت، هو طريقة تفكير امثالك، الاقصائية، القبلية، العشائرية، الشللية، الجهوية، الاستعلائية، وليس قبيلتك المحسية، لانو لاوجود لانتماء كهذا في وعي بشاشا، فبطل اسقاط لمفاهيمك او وعيك او التزامك القبلي علي بشاشا المنفتح علي القارة السوداء كلها كانتماء، مش المحس او قرية في المحس او شلة بعينها عشائرية!
....يتبع......
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
Quote: هل كان النوبيون ضمن جيش الجنوب الذى اسس كوش ؟
الى اى التصنيفات الاربعة التى ذكرتها ينتمى النوبيون ؟ |
نايف سلامي
اسفين للتاخير في الرد علي تساؤلاتك المهمة.
لما تقول "هل كان النوبيين" في جيش جنوب اليوم بتاع "آبا" الوحد مصر القديمة باخضاع الدلتا للدولة الكوشية في مصر القديمة، فواضح في بالك من يسمون بالنوبيين اليوم اي سكان المنطقة بين حلفا او دنقلا.
بعض الخلل الاساسي في تفكير رموز ما يسمي ب"العمل النوبي" او مش نايف براهو، هنا بالضبط!
هذا الخلل يتمثل في اسقاط مفاهيم معايير او مسلمات اليوم، الشائه المشوه، بفعل شغل امثال بوني او ادمز الله لا غزا فيهم بركة، علي واقع الالفية الرابعة وحتي الاولي، ق.م، وهذا جنون!
بناءا عليه، مستحيل نعرف لو جيش "آبا" كان فيهو "محس" مثلا، لانو حينها ما كان في حاجة اسمها محس كما يفهم نبيلو مثلا اليوم!
طيب هل ممكن نتخيل وجود لنموذج انسان منطقة المحس في جيش "آبا"؟
هذا وارد او ممكن، لوجود نموذج محس اليوم في مسقط راس "آبا"، في اسوان البوم.
مستحيل معرفة تحرك السكان عبر وادي النيل منذ الالاف السنين علي وجه اليقين!
اما النوبيون، فهم ذنوج لا مثقال ذرة شك في ذلك!
السؤال ده جاوبتك عليهو ولكن واضح الاجابة دي ماعاجباك، او ده سبب كل العجاجة الهنا، بل اساس الابادة الجارية الان في السودان الشلعت البلد!
لو امكن تلخيص مشكلة السودان او كل السود في العالم في كلمة واحدة، فهذه الكلمة هي "الذنجية"!
كقاعدة اي بني ادم او بت ادم، اسود او سوداء، مشكلتو الاساسية لو فرد ولا دولة هو هذا الكائن الخرافي المسمي ذنجي، الذي تفنن في ابتداعه بي صورتو الحالية الخواجة او بالتحدبد الحركة النازية!
لهذا من يسمون بالنوبيبن، او لانهم حديثا ابتدو يرفضو العروبة كهوية، الغير ملمين بطبيعة تفكير هؤلاء، طوالي بتخيلم مقرين بافريقيتم اي ذنجيتم، ليفجع عندما يجدهم اعنف واشرس من اخوانم موهيم العروبة، في كراهيتم او نفورم من اي صلة لهم ب"الزنجي" ود ام بعلو هذا!
فيا نايف، كونك عاضي العراقي، او قايم صوف من البعبع الاسمو "ذنجي" ده، فانت ما براك طلاقا، وانما ده حال كل السودان او في مقدتم غير الجلابة زاتم من امثال "كانتونا" بتاع ماتخاوي "العب"!!
ولكن كراهية من يسمون بالنوبيين للكائن الخرافي ده، هي الاكبر في السودان، ياللغرابة والparadox!
لهذا مضحك او كرتوني منظر نبيلو او هو بيمثل في كلامو لي مدحت، عن "روعة" الفيديو الفيهو "النوبة" الاصليين الزيو، مع "الزنوج"!
فنبيلو لما يقول "روعة" فالرجل حقيقة حبا يقول "اخييييييييي"، لاباللفظ ولكن بbody language اي زي مابنقول ب"العين" مثلا، كما يقول الشاعر:
وخاطبت عيناي في لغة الهوي....الخ!
بالعدم انا سالتك، كيف نوبة الجبال يكونو "شعب واحد" علي قول مدحت كبير الممثلين، مع امثال نبيلو؟
هل حتنكر انهم نوبيين يا نايف؟
نموذج انسان الجبال تحديدا طبقا لبعض رواد المدرسة الافريقية هم احفاد "العانو" سلالة اوزريس او "آبا"، اي اقدم نماذج البشر، واقول من عندي ادم كان من نوبة الجبال!
فهؤلاء هم سر الله في الارض، باعتبارم الاكثر استضعاف في سودان عيث الوعي الجلابي!
كيف ما كنتم يولي عليكم!
ولاننا الان كجنس اسود بلغنا في انحدارنا مرحلة العيث، في السودان يتولي امرنا من هو افضل تجلي وتجسيم لهذه الذهنية!
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
Quote: بناءا عليه، مستحيل نعرف لو جيش "آبا" كان فيهو "محس" مثلا، لانو حينها ما كان في حاجة اسمها محس كما يفهم نبيلو مثلا اليوم!
طيب هل ممكن نتخيل وجود لنموذج انسان منطقة المحس في جيش "آبا"؟
هذا وارد او ممكن، لوجود نموذج محس اليوم في مسقط راس "آبا"، في اسوان البوم.
مستحيل معرفة تحرك السكان عبر وادي النيل منذ الالاف السنين علي وجه اليقين!
اما النوبيون، فهم ذنوج لا مثقال ذرة شك في ذلك! |
يابشاشا
انا ما جبت سيرة المحس
انا كنت واثق انك باجاية طويلة عريضة حتلف حول الموضوع
عشان كده بركز على ما دل وقل
حتى الان السؤال قائم
انا لم اناقشك حول ما اذا كان النوبيون اصلا زنوجا او لا
هل كان النوبيون ضمن الجيش الذى اسس كوش فى مصر
النوبيون بالمعنى التاريخى
خليك من النوبيين الساكنين من حلفا الى دنقلا
النوبيون بالمعنى المطلق
بعيدا عن اليوم
اجابة محددة لو سمحت
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: نايف محمد حامد)
|
| Quote: شاهد هذه اللقطات من قناة الاستاذة نجلاء وبالمناسبة هي نوبية محسية |
قرقرقرقر!
مدحت،
هل نوبية او محسية، هنا صدفة؟
عزيزي القارئ،
ختيت بالك كويس للتعريف بي "نوبية" بدل سودانية؟
قنا البعض هناك يتافف الي اليوم من اي انتماء للسودان، حيث المفردة زاتا شتيمة او منقصة في وعي البعض!
الذاكرة الجينية لامثال مدحت، ابرز زعماء شلة قرية "فريق" مبستفة بهذا المشهد، كخلفية ياتي منها تعريف هؤلاء لي بعض بي "نوبي" او "نوبية"!
اما محسية اللتي زيلت تعريف الجلابية نجاة، القبلية بدورها، فهو الشمار المطاوب لي تظبيط صحن الفول!
"محسية" قال بلا خجلة!
ياهم زي ديل المتقدمين الصفوف في المنبر ده كقوي بديل او سودان جديد افتراضا!
قرقرقرقرقرقر!
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: وليد محمد المبارك)
|
Quote: خليك من النوبيين الساكنين من حلفا الى دنقلا
النوبيون بالمعنى المطلق |
يانايف،
النوبيين بالمعني المطلق يعني كل السودانيين، او كل الافارقة اي كل السود اين ما كانو، اي الكوشيين، يا عزيزي!
ده كلام انا عارفو ما ببنلع سلفا او طعمو بي ذوق وعينا الحالي، حنزل قيزان!
اذا لابد فسكان حلفا - حوش بانقا يمثلون شريحة بعينها داخل نسيج الاسرة النوبية "الكوشية" الكبيرة!
الدليل علي صحة كلامنا هذا، هو حقيقة كون اهلنا في الجبال نوبيين كما اهلهم في اقصي الشمال، ولا احد يستطيع نفي ذلك، بغض النظر عن الرضا او الرفض، نفسيا لهذه الحقيقة!
اذن كل الذنوج نوبييين، او كل النوبيين ذنوج! علي الاقل دي نظرة العالم لنا.
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
Quote: مرحب بيك او اسفين للتاخير في الرد علي كلامك.
"" الاختلاف يدور حول المكان وليس حقيقة العنصر الذنجي الاسس الحضارة الكوشية التى تعتبر الحضارة الام""
علي العكس تماما ياحسين.
جوهر الصراع الكوني كلو مش بس افريقيا او السودان او الخيط ده، حول تاريخ افريقيا قايم علي اساس ابادة العنصر الذنجي سوي ماديا او معنويا.
لهذا في وعي المركزية الاوربية وانطلاقا من ارث استعبادها وقهرها للذنوج، الذنوج كنوع بشري لديهم ود حرام، مامعروف زاتو جا من وين، او هكذا ارادونا ان نفهم!
|
سلام عزيزي بشاشا..
يبدو ان هناك سؤ تفاهم - المقصود من الفقرة اعلاه ليس الصراع الكوني المعلوم القائم على السعي المحموم للمركزية الاوربية بتزويرها الحقائق وتزيف حتى هويات البشر
بل كنت اقصد الصراع القائم في هذا البوست - حيث ان كل المتداخلين - او جلهم - متفقون على ان العنصر الزنجي هو من ارسي دعائم الحضارة الكوشية و الخلاف يدور حول
اي مجموعة من العناصر الزنجية الممتدة بطول وعرض افريقيا هي التى كانت راس الرمح واطلقت شرارة التاريخ الشامخة التي يتصارع عليها كل العالمين " مع فهمي لموقفك القائل
ان هذا الصراع الافريقي الافريقي هو من فعائل المركزية الاوربية"
عندما فشلت المركزية الاروبية في خلق او افتعال فتنة مع سكان الهضبة الحبشية للاستحواذ على ارثهم التاريخي الضارب في القدم لجات للعبة تقسيم الافارقة على اساس
shape of the cranium وقالت ان الاحباش مصنفون as Caucasian ولكن لم تنطلي عليهم الالعوبة ولم يفرحوا بهذا الشرك لانهم لا يعانون من صراع هوية ومتمسكون
بهويتهم الافريقية..
مشكلة هذا البوست تكمن في تحديدك لعنصر افريقي بعينه انه من اسس الحضارة الكوشية دون غيره - يعني اذا كان الحديث عن الحضارة الكوشية اسسها افارقة او زنوج لما تشعبت
الفكرة الاولي للبوست الداعمة لتسمية دولة الجنوب الوليدة بكوش والتى اعلم ان معظم المتداخلين في هذا البوست مرحبين ومهللين بها..
تحياتي ..
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: حسين نوباتيا)
|
| Quote: مشكلة هذا البوست تكمن في تحديدك لعنصر افريقي بعينه انه من اسس الحضارة الكوشية دون غيره |
حسن نوباتيا مرحب بيك.
معليش دعني ختلف معك جملة او تفصيلا علي قول جماعتي. مشكلة اي انسان اسود علي وجه البسيطة هو هذا الرعب المتجذر من الكائن الخرافي المسمي "ذنجي"!
هذا البعبع هو سبب كل محارق الابادة والتطهير بطول وعرض افريقيا، جنوب اسيا، جنوب الجزيرة العربية، امريكا الشمالية، والجنوبية، ختاما بي استراليا!
العجاجة الفي الخيط ده ولا المنبر بعامة ولا السودان، اطلاقا لم يخرج عن الرعب من هذا الكائن كقاعدة، وهذا الرعب هو وقود ديزل قاطرة عربات حركة التاريخ في ديارنا!
سبب غضب KKK قرية "فريق" في الخيط ده، في المنبر بعامة، في الماسنجر، حتي خارج المنبر بالتلفون عبر البحار، هو تصورم المسبق العجيب والساذج انو هم، شعب الله المختار، المحس تحديدا، الابتدعو الحضارة البسموها "نوبية" علي وجه الارض!
لهذا كلامنا اخدوهو بي صورة شخصية باعتبارو مستفذ لمشاعرم، لما نقول بي فهمم "الفروخ" هم الاسسو مصر القديمة مش من يسمون بالنوبيبن اي المحس حسب فهمهم!
اذن غريب جدا لما تقول لي، واحد زي نبيلو بيؤمن الذنوج بي فهمو للمفردة، هم الابتدعو الحضارة!
ياخي ما قدامك يا حسن نوباتيا الحدود الرسما نبيلو للنوبة او "كوش علي مضض"، تقول لي الناس ديل مؤمنين بالعنصر الذنجي؟
هو لو ده حاصل فما كانت حتكون هناك مشكلة اطلاقا لا في الخيط ده ولا في المنبر ولا في السودان!
بعدين ماعارف من وين ليك بشاشا قال عنصر كوشي بعينه اسس حضارة كوش؟
وين؟
عنوان البوست تحدث عن جيش محدد مكون من سكان منطقة بعينها، فوين الاشكال في ايراد واقعة وحدث تاريخي بعينه حصل وانتهي؟
من الجانب الاخر، دي المرة الاولي كلام كهذا يقال عن اسهام شريحة بعينها في السودان اليوم مهمشمة مضطهدة مرذولة او منبوذة او مطرودة من حظوة اي انجاز ايا كان، دع عنك الاسهام بهذا القدر الضخم في تاسيس الحضارة الانسانية علي سطح كوكب الارض!
ليه ما فهمتا كلامنا ضمن هذا السياق يا عزيزي؟
اذا الكلام ده اتفهم وفق هذا السياق، فبكون لامعني لي ذريعتك او ذريعة قبليي واستعلائئي شلة قرية "فريق" علي الاطلاق!
رفض هؤلاء القالو حدهم شمال الخرطوم لي كلامنا هو البصور الامر كذر رماد كاحلال لي حصر بي حصر او عنصر بعينه لي عنصر بعينه، في تاسيس حضارة كوش.
اذن هذا التصور المسبق اصلا في روسين الناس ديل ولادخل لبشاشا اطلاقا بمثل هذا التحوير شغل تغبيش للرؤية او خلط للاوراق!
بشاشا بمفردو هو البقول كوش ارث يخص كل الافارقة او مش KKK فريق الزعلانيين او واقفين لمبة من كلام زي ده!
اذن اذا رفضنا خزعبلات جوغة فريق كيف المحس هم مركز الوجود فما ممكن ناتي نحن بما نهينا عنه، قائلين اهلنا في الجنوب حصرا هم الاسسو كوش!
ده ما كلام بشاشا اطلاقا!
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
Quote:
بعدين ماعارف من وين ليك بشاشا قال عنصر كوشي بعينه اسس حضارة كوش؟
وين؟
عنوان البوست تحدث عن جيش محدد مكون من سكان منطقة بعينها، فوين الاشكال في ايراد واقعة وحدث تاريخي بعينه حصل وانتهي؟
|
بشاشا سلام ..
عنوان البوست تحدث عن ان مصر الكوشية اسس حضارتها جيش من جنوب السودان الحالي - انتهى- وهذه معلومة مقفولة لا تقبل الزيادة او النقصان..
وهذا ما قصدته بحصر عنصر زنجي دون غيره - وهذا سبب تشعب البوست ..
انا شخصيا يا بشاشا ما فارقة معاي صحة هذه المعلومة من غيره ولم ضيع اي وقت في التقصي والبحث عن مصداقيتها من عدمه لاني لارغبة لي في المشاركة
في الصراع الافريقي الافريقي الذي اقعد افريقا قرون - بس في نفس الوقت لا يمكنني ان اصف من حاول مراجعة هذه المعلومة التاريخية وتقصيها بانه KKK
ادخل في تحليل ما تعول به نفسه .. وبنفس المعيار ارى محاولة تجريدك من اصلك وانك نبت شيطاني جانبها التوفيق..
بالمناسبة عندما قلت ان كل او جل من تداخل في هذا البوست مرحبين بهذه التسمية للدولة الوليدة هذا لان جل مخالفينك في هذا البوست هم اصدقائي واعرف مواقفهم
فردا فردا واعرف انهم معتزين بهويتهم الافريقية - وقد لمت بعضهم على مداخلاتهم الخشنة في هذا البوست.. ربما مداخلاتي في هذا البوست لا تظهر هذه الصداقة
"وما ينبغي لها" لان الموضوع بالنسبة لي صراع جانبي يشغل الناس عن الصراعات الحقيقية " التى يعرفها الجميع"
معلومة واحدة هي التى ازعجتني في هذا البوست رددتها انت يا بشاشا وانا اعتبرها اسفين يدعوا للتفرقة وحقيقية لا ارى لها اساس من الصحة حتى لو اتت في سياق
الرد على الاخرين وحتى اخر مداخلة لك لا تخلو من هذا الاسفين وهي ان المحس يعتبرون انفسهم اصحاب حصريين للحضارة الكوشية وان لهم نظرة دونية للدناقلة والحلفاوين
لا ادري من اين لك هذا اليقين وكيف توصلت لهذه المحصلة ؟؟
لا يمكن ان تحارب القبلية وتخوض في براثنها في اَن.. لان حتى لو سلمنا انك صادفت حالة او اتنين تحمل هذا الفهم فسيكون هذا كلنفخ في مستصغر الشرر
وبهذا تؤسس لوعي جديد لانك كاتب مقروء ومتابع لذا عليك بتقصي الدقة في ما تطرحه..
تعرف عندما كتبت مداخلتي الاولي في هذا البوست اعتبرني البعض متحامل على الحقيقية لصالح علاقة ما مع بشاشا
وها انت تتحدث عن ذرايعي الداعمة لذرائع المخالفين لك في هذا البوست ..يعني الزول ما ممكن يكتب رايه بصورة محايدة في البورد دا..
ولازم نعرف هوية وقبيلة وديانة وشبكة علاقات الكاتب لنحاول فهم هدفه من الكتابة؟؟
المفروض ان كل من في هذا البوست في خندق واحد ضد محاولات المركزية الاوريبة وربيبتها مصر الرسمية في سعيهم المحموم لتزوير الحقائق
وضد محاولة حكومة الانقاذ لتغذية روح القبلية بين السودانين عملا بمقولة divide concur ولا كيف..
مع مودتي الاكيدة..
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: حسين نوباتيا)
|
| Quote: عنوان البوست تحدث عن ان مصر الكوشية اسس حضارتها جيش من جنوب السودان الحالي - انتهى |
حسين نوباتيا شلوم،
عنوان البوست يقرأ في سياق الرد علي متنطعي النوبة الاستكترو مجرد نطق مفردة كوش علي لسان اهلنا في جنوب كوش!
واضح في مقدمة البوست والذي انطلق كرد فعل لهذا البوست:
كمال الجزولي يكتب عن محاولة الاستعلائيبن من النوبة المس...لاحتفاظ بحق إسم كوش
اننا مضطرين لمخاطبة هؤلاء باللغة اللتي لايفهمو غيرها بالنص قنا :
| Quote: طبعا مؤسف ان نتحدث بلغة من هو الاصل، في مقابل فرع مفترض، ولكن اخاكم مجبر، للا نحدار لمستوي هؤلاء السذج بحق، لنخاطبهم بلغتهم البائسة المتخلفة هذه! |
حتي لو اكتفينا بعنوان الخيط فالعنوان تحدث عن "جيش" وليس عنصر كوشي بعينه انطلق من موقع جغرافي بعينه وليس قبيلة او عنصر بعينه كما تصر في استامتة لتحوير كلامنا، بما يبرر مسكك للعصاية من نصها هنا، عشان خاطر اصحابك ناس نبيلو!
عارفك انك عارف كويس جدا اراء امثال نبيلو في بقية السودانيين، ولكن للاسف زي غيرك بتجامل يا حسين ايثارا للسلامة او بخلا بالرصيد، رصيد دفئ الرضا في بنك العلاقات العامة!
بنقول كده او دليلنا تعاميك عن كلام نبيلو القال بالحرف او كتابة، كوش حدها شمال الخرطوم تحديد!
حتي شمال الخرطوم زاتو فقط للاستهلاك في المنابر العامة، حيث دنقلا هي الحدود جنوبا للنوبة مش "كوش" المانازلة من الزور!
حتي دنقلا زاتا مجرد تمويه بالمناسبة، لانهم "عرب" عديل كده في تظر بعض المحس زي ماقال واحد من شلة ناس نبيلو في حضور مدحت او نبيلو الماقدرو يقولو لي زولم بغم!
فعجيب بحق بعد ده تقول لي الناس ديل مرحبين بي اهلنا في الجنوب ككوشيين!
ولكن، نقول شنو في عين الرضا يا حسين، الما بتشوف كلام مكتوب بالعربي يرفض وعلي نحو قاطع اي انتماء لغير الجلابة، الي ارث كوش، ولكن ذات حسين بحاول يجتهد لتأويل كلام بشاشا بما يبرر موقف حسين الرمادي من استعلاء اصدقاؤو الرافضين اي انتماء لاي مخلوق ما شمالي الي كوش!
| Quote: معلومة واحدة هي التى ازعجتني في هذا البوست رددتها انت يا بشاشا وانا اعتبرها اسفين يدعوا للتفرقة وحقيقية لا ارى لها اساس من الصحة حتى لو اتت في سياق الرد على الاخرين |
هنا بقا يا حسين كشفتا ورقك كلو بلا مسوغ او مبرر!
مافاهم كيف ذات بشاشا البنبح ليل نهار كلنا شعب واحد جنس واحد او ثقافة واحدة، فجأة يكون هو ذات القبلي، كدنقلاوي مثلا عندو راي في المحس ولهذا او لانو قبلي، بشاشا يسعي لدق اسفين ما بين المحس والدناقلة!
اها كده، دلقتا الجواك كلو، وانت تحاول بلا طائل، خلع لباس اصحابك علي بشاشا!
يا سبحانك!
هذا يثبت طريقة تفكير اصدقاك ناس نبيلو وليس بشاشا!
لانهم قبلييين متخلفين، فبيسقطو معاييرم هم او مفاهيمم هم، القبلية علي بشاشا!
هل صدفة يا حسين او انك او بحكم مستحقات الdelinquent contract البينك او بين شلة "فريق" لاتري في قبلية هؤلاء اسفين؟
هو في اسفين اكثر من القبلية يا حسين؟
لما نرفض القبلية يبقي الرافض للقبلية او قومي حد السكين، هو البدق في "الاسافين" ياحسين؟
وبما انك ضد دق الاسافين، سكتا مالك، فضلت السلامة، لما KKK فريق كانو بشتمو في بشاشا ك "بديري" اي "عب"، او في رواية اخري ك كبابيشي اي "غرابي"، وثالثة ك "عربي" من القدار؟
تعلم والاخرين في المنطقة يعلمون ان هذه المفردات من ادبيات الصراع والفرذ القبلي في المنطقة!
نعم في نظر قبليي المحس الدناقلة بديرية، اي عبيد، ومن ذلك ايضا كما علمتا للتو، كلمة "اوشكر" او لهجة الدناقلة الكوشية ولانقول النوبية لدي المحس!
اللتي تعني لدي غلاة المحس "تعال يا عب" اي "اوشي، كر"!
وبذات القدر في عيون غلاة الدناقلة، المحس مجرد بقايا مماليك!
اذن، الدارعين شارة قبليتم في الجبين، كمحس هم من يسأل عن هذا الاسفين وليس بشاشا، لانو في وعي بشاشا مافي حاجة اسمها دناقلة او محس او حلفاويين اصلا، وانما افارقة فقط واذا لابد سودانييين!
لوما كده لما كان هذا حال المغضوب عليه بشاشا، العنزة الفاردة، او فازة عن القطيع!
ما ممكن بعد كل التمن الدفو بشاشا ولايزال، ليتحرر من قطيع من يسمون انفسهم "نوبييين" استعلاءا وتقوقع تجي انتا ياحسين، ضارب الطراوة، تاكل باردة ساكت، او تب ما ضقتا حارة، تحدثنا عن ضرب الاسافين، عينك في فيلة "فريق"!
للمواقف في هذا الفضاء ثمن، او ثمن غالي جدا، ولهذا قليليين البقبلو الصرف من رصيد saving القبول، او checking الجماهيرية او CD الرضا يا حبيب!
مودتي.
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
بشاشا سلام..
شنو يا حبيب داير تشيلني الليلة كلها وتطلعني ابولهب بتاع البوست..
تعرف بكره جدا ان اشرح نفسي او موقفي لكن البوست دا ذي الرمال المتحركة ما بنفع معاه الوقوف في الشط
كان تاوقت ساي بجّرك جوة....دا حالتي دخلت فيهو مرات محدودة ومتباعدة دون قراءة كل المداخلات..
بدون اقتباسات لانو الموضوع ما محتاج - الفكرة الاساسية كما تكرمت كانت رد على بعض النوبيون الرافضون لتسمية دولة الجنوب كوش
جيت ادليت براي الصادف انو نفس رايك - لقيت انو البوست انجرف لقضية جانبية وهو تحليل حرفي لمصداقية العنوان - كتبت مداخلتي الثانية محاولا
تقريّب وجهات النظر المتناحرة في غير معترك "حسب رايي" - لانو الصراع الحقيقي ليس بين الجنوب ونوبي الشمال بل بين افريقيا المنهوبة ارضا وتاريخا
مع المركزية الاوربية بشكل عام وبين السودان موحدا او مقسما وبين مصر المستعمرة لحكامنا واراضينا بشكل اكثر تحديدا..
فسرت انت مداخلتي بشكل خاطئ حاولت ان اشرح لك قصدي بدات تتحدث عن ذرائعي في تورية كاني ما اتيت الا لكي انصر مخالفيك عليك..
في محاولة لجري لصراع انا لا رغبة لي في خوضه - حتى هنا اي متابع للبوست - سيرى ان مواقفي اقرب لمواقفك في الموضوع الاساسي
لهذا البوست ليس لصداقة او صحوبية بيننا بل لانني اتفق معك في الكثير من كتاباتك مع تحفظي على اسلوبك الصارخ -
طيب عشان "ذرائعي" دي جيت مرة اخري وشرحت موقفي الواضح اساسا الرافض لي اسلوب الـkkk و التحدث عن الاصل والفصل في نفس الجملة ..
ومع اني لم اذكر رفضي لاسلوب الkkk الا في هذه المداخلة - بينما لمت بعض اصدقائي على مداخلاتهم الخشنة في هذا الوست اي قبل كتابة المداخلة ربما باسابيع..
واحقاقا للحق ذكرت موقفهم الذي اعرف من موضوع البوست الاساسي وهو تسمية دولة الجنوب بكوش - ولسبب ما اعتبرت انت هذا تحيز لهم ولم تعتبر موقفي من البوست
تحيزا لك!!!
طيب كل المناوشات المتبادلة دي يمكن ان تضع في خانة محاولة انتصار الاطراف لنفسها يعني لا يمكن لاي قاري عاقل ان ياخذ ماخذ الجد اتهامك لهم بانهم
شلة kkk او اتهام بعضهم لك انك لا اصل لك الخ ..
اما مسالة ان المحس يرون الدناقلة كيت والدناقلة يرون المحس كيت فهذا كلام غريب وغير مسؤول وفيه اذكاء لروح القبلية والتعنصر
بغض النظر عن قائله سوى كان اكبر عنصري في البورد او من بشاشا محارب العنصرية الاول في البورد لان قارئه لن يستحضر
مواقف كاتب المقال حين القراءة -وترديده قد يصور للناس انه حقيقة خاصة وانه ياتي في موقع مقروء
حتى لو اعتبرناه for the sake of the argument ان به شي من الحقيقة فان طرحه في شكل مكايدات يزيد الطين بلة - لذا كان هو اكثر ما ازعجني ...
ما عارف انا افرغت كل ما في داخلي كيف هنا؟؟ وشنو هو الفي دواخلي - اها دا شغل قراية الفنجان ذاتو..
المشكلة انك تكتب حسب اعتقادك الجازم لما يفكر فيه او يعتمل في نفوس وضمائر ا لاخرين!!
اوع تكون صنفت كلامي دا انو صادر من platform قبلي - محسي vs دنقولاي او العكس لانو بالجد تكون بالغت مع اخوك شديد..
وكلامك صحيح انا لم ارغب في cashing any of my accounts لكن لسبب مخالف لاسباب التى ذكرتها
لانو ما في returns او عائد - العائد شنو - نقعد نحن السودانيين نتغالط في من منا اسس الحضارة الكوشية في ما بيناتنا والمصرين
انتزعوا هذا الحق عمليا واعلاميا وعالميا وهم بصدد ابتلاع ما تبقى من اراضي السودان وغمر اي اثر من شانه ان يثبت العكس؟؟
تحياتي ..
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: حسين نوباتيا)
|
حسين مشكور علي المثابرة،
ساترك الحكم للقارئ مع تعليق بسيط علي موضوع اذكاء القبلية:
ياعزيزي علي العكس، السكوت الذي بعني الرضي هو الذي يذكي القبلية الاصلا متفشية في هذا الفضاء ما بين من يسمون انفسهم ب"النوبيين" رغم انف كل الزعيق بتاع كيف هم اسسو الحضارة! لذا تسليط الضو الكاشف، او فرش كل شي علي التربيزة هو المدخل لمخاربة هذه العقلية البائسة، المتخلفة والخطرة بحق!
لهذا حقيقة اتعجب من اسلوب المدارة والغتغيت او دفن الراس من جانبك يا حسين، الضار جدا او مكلف جدا، جدا! علي العموم، كل شيخ بي طريقتو قالوا.
عزيزي القارئ،
سنعود لموضوع الخيط، بتلخيص ما قدمناه، لننتقل للحديث عن قائد الجيش الذي اتي من الجيش الحالي، لاخضاع الدلتا وتوحيد مصر ابنة كوش للمرة الاولي او بالتالي تاسيس اول دولة كوشية، معروفة حتي الان، او بالتالي تاسيس حضارة كوش علي مستوي الدولة للمرة الاولي.
بعد الحديث عن قائد هذا الجيش، سناتي بحديث كوشي ذاك العصر عن اصلهم، وفي الختام سناتي بي دليلنا المباشر علي عنوان البوست.
stay tuned
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
ياخ الجنوب الحالى مازال يتشكل ومازالت الهجرات إليه بكثافه وستظل كذلك
حتى تبين ملامحه عل المدى البعيد وأغلب مكوناته وافده إليه من الشرق والجنوب
والغرب والعناصر الوحيده التى لها علاقه بشعوب الشمال الكوشيه هم الجور
والشلك والأنجواك والأشولى وهذه المجتمعات كانت منغلقه لطبيعتها أما الإنسان
من نقطة التقاء النيلين وشمالا هو الإنسان الذى أسس وحارب وحكم وأبدع وأكتشف
وتمدد حتى بلاد النهرين وداكار والبحيرات كمركز مشع والحقائق لا تنزوى بل تنفتح
وتتوسع ياخ ما تبيع مويه فى السواقى والجنوب ذهب إلى ما ذهب إليه
نتمنى له النهضه ونتمنى أن تضع كل وسائل الفتك فيه وترفع كل وسائل التعمير
والإنشاء بصبر وصمت وإخلاص أما ممارساتك لشهادات الزور كالجوكيه المتمرسين
لحليفة إسم الله مقابل القليل لتثبيت من لا حق له ونزع الحق عن صاحبه فذاك
لا يصنعك محقا وإن حدثتنا من السماء يا بيشبش. ولك السلام وكيف صحة أخونا
ود زينب وأتمنى أن ترعوى وتراعى بالصمت الجميل ما ليس لك به علم ولا معرفه.
منصور
| |
|
|
|
|
|
|
|
|
|
Re: نعم، مصر الكوشية، اسس حضارتها، جيش من الجنوب الحالي(2). (Re: Bashasha)
|
Quote: يبدو _جلياً- من الحوار انو النوبيين مسالة
اسس حضارتها جنوبيين ولا عندهم اصول في الشلك
ولا علاقات بنوبه الجبال ولا الغرابه ما واقعه ليهم
ومضايقاهم شديد .. |
تبلدينا سلامي،
كلامك في الصميم!
حقيقة القارئ ماعندو ادني فكرة، كمية الغضب والثورة الاثارو هذا البوست في اوساط السامين روحم نوبيين حصرا ديل!
لدرجة البوست الاول اتسحب من كمية القذف الاتعرضتو ليهو والاعتداء علي الشرف الذي تخطي المنبر والي التلفون، مما ادي لحذف البوست بواسطة بكري ابوبكري.
البوست المعني قاعد الارشيف ولكن عدد النقرات اي الكلكات او هو في الارشيف، بلغ ضعف الكلكات لما البوست كان في المنبر!
ده بوضح حجم الصدمة السببا هذا الكلام بخصوص دور الهامش عامة في تاريخ السودان الكوشي القديم. واضح تماما انو الهامش او بالذات الغرب والجنوب، او تحديدا نوبة الجبال بي مفاهيم اليوم، هو الكان ليهو الريادة والسيادة مش علي مستوي السودان، وانما علي مستوي بشرية كوكب الارض، قاطبة!
اتمني ما انسي في المرات القادمة اتناول اسهام اهلنا في جبال النوبة، "العانو" او قوم اوزريس!
لما نتكلم عن شرائح كوشية بعينها بي مسميات اليوم، مدخلنا دايما بكون ما نعرفه اليوم عن هذه المجموعات مقارنة بالموجود في بطون المراجع.
| |
|
|
|
|
|
|
|
| |
وليد محمد المبارك
nabielo
ود شاموق
أحمد أمين
Medhat Osman
نايف محمد حامد
Bashasha
حسين نوباتيا
munswor almophtah
فيس بوك
تويتر
انستقرام
يوتيوب
بنتيريست