|
|
|
 Re: الرجاء المساعدة في العثور علي فائزين لوتري 2011 (توجد صور)DV Lottery (Re: Hisham Amin)
|
الأخ عبد الله
شكراً علي الخدمة ، ومبروك للفائزين.
ملاحظة بسيطة لكن أعتقد مهمة إنو الفائزين ديل الناس القدمو في ألفين وعشرة ، أما الناس القدمت في نوفمبرالفين حداشر فديل نتيجتهم حتظهر في شهر مايو الفين وحداشر أي بعد تلاتة شهور من الآن ، التوضيح ده لأنو في شركات متخصصة في الإحتيال علي السودانيين بصفة خاصة (ومعظمهم هنود) بإرسال إيميلات بالفوز وإبتزازهم ، لذا لزم التنبيه.
ملاحظة تانية : إنو معظم الفائزين ديل خلفية الصورة بتاعتهم حمرا وهي صورة غير مطابقة للمواصفات ، الملاحظة دي عشان لما يواصلو في بقية الإجراءات حيطلبو منهم صور تاني فلازم الخلفية تكون بيضاء.
حظ أوفر للجميع.
| |
 
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: سيف اليزل برعي البدوي)
|
.
كثرت المداخلات في الموضوع لكن ثم لكن – مطلوب من صاحب المركز وللامانة الرد علي النقاط التالية:-
1- لماذا لم يكتب الاسماء باللغة الانجليزية؟
2-نريد التحقيق من ان المعلومات صحيحة – عليه كتابة اسم العائلة – سنه الميلاد ورقم دائره الهجره عندما تم التقديم (مع الاحتفاظ ببقية المعلومات لديه وهي الاسم الاول والميلاد الشهر واليوم )
واهلنا بيقولو " السمعه ولا طول العمر "
بادخال المعلومات تاتيك رسالة اختير ام لم يتم الاختيار
..........
..................
| |
|
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: عصام الجيلي)
|
الأخ عبدالله ، والأخ سيف،،،،
سلام
فوق سردت ملاحظتين وبصفة خاصة موضوع مواصفات الصورة ، لكن الملاحظة الأهم إنو الناس الفايزة حسب إعلانك ده تم إعلان فوزهم في الفترة من مايو ويوليو ألفين وعشرة ، ونحن الآن في مارس ألفين وحداشر ، يعني مرت أكتر من تمانية شهور من فوزهم ، الحاصل شنو بالظبط يا أخوانا؟
بصراحة كده وعشان أكون معاكم واضح : الموضوع ده فيهو حاجة ما صاح ، فحقو ياخي تورونا القصة شنو؟ لأني وبصراحة أكتر شاكي في القصة بي أكملها ومن أول مداخلة لي ، وبصراحة أكتر وأكتر ، أنا بعرف ناس وحسب مداخلتي الأولي الفوق دي القلت ليكم في هنود بستغلو السودانيين بعرف ناس أصيبو بأمراض نفسية بعد ضياع تحويشة عمرهم بسبب اللوتري والوعود اللي طلعت سراب في النهاية ، الخايف منو أنا إنو القلتو عليهم فايزين ديل يقومو وعلي الأساس ده يتصرفو علي إعتبار إنهم فعلاً فازو وممكن جداُ يخلو شغلهم وممكن جداُ يهملو دراستهم علي حس مسافرين أمريكا ، وممكن... وممكن وقائمة طويلة من الممكن والإحتمالات.
فياخي حقو ولمزيد من الشفافية ، ولمصداقية الموقع ده وعشان أنا شخصياً عندي خبرة طويييييييييييييييييييلة جداً في موضوع اللوتري ده وما عايز أكون مشارك بالصمت في مسألة حساسة زي دي بتأثر في أسر ومستقبل شباب مكافح والفيهو مكفيهو ، ومش كده وبس وإشتغلت في وزارة الخارجية وبصفة خاصة في الــ يو إس سي آي إس ، بطلب منكم تنزلو لينا خطابات التهنئة بالفوز هنا بعد تعملو ليها إسكانر بي أسماء الناس الفايزة دي وممكن عشان ما تحصل مشكلة تغطو الكيس نمبر عشان ما يظهر.
الكلام التحت ده من موقع الخارجية البوضح أنو لوتري ألفين وحداشر تم أخطارهم من مايو لي يوليو الفين وعشرة:
Quote: Lottery Selectee Notification and Next Steps
DV Program 2011: Selectees for the DV-2011 lottery were notified by mail between May and July of 2010. For successful DV 2011 entrants, the diversity immigrant visa application process is underway, which must be completed and visas issued by September 30, 2011 |
| |
|
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: Mohamed Abdelmotalib Hassan)
|
Quote:
believe me it doesn't matter, the computer accept any kind of photos, and the above winners good example for that |
يا أخ سيف ،،،،
لالالا.
بتفرق وبتفرق كتير جداُ مواصفات الصورة : الخلفية ، أبعاد الصورة من حيث بعد الوجه وقربه من الكاميرا ، عمر الصورة ، الإضاءة ، إطار الصورة ، الصورة حتى لو تم قبلوها في مرحلة التقديم والكمبيوتر ممرها بسسب مطابقة المقاسات فقط ، فيستسحيل تمر في مرحلة الفرز لأنو لو فازت بيحصل فرز يدوي وتعبئة خطاب التهنئة وفقاً للإسم والعنوان وبعد داك بترسل الخطاب ، يعني في المرحلة دي مليون في المية بتم إستبعاد الفائز و إبداله بفائز إحتياطي.
الصور دي كووووولها يستحيل تكون فازت ، اللهم إلا صورة الأخ ياسر محمد حامد مخاوى -غبيش ، دي الصور الوحيدة الممكن تكون فايزة ، أما البقية فلا أعتقد بذلك.
شكراً.
| |
|
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: Mohamed Abdelmotalib Hassan)
|
Quote:
Quote: الكلاكلة القبة محطة جوتي أتصالات سبا/الاخ محمد قرعم
please call him if you know one of the above winners
|
في المرة الفائتة حسب إعلانكم عن الأسماء بحثنا عن السيد/ الرشيد حسن إبراهيم عمر ووجد في وادي قبقة في أقصى الشمال في صحارى أودية الحمار يبحث عن الذهب وحضر مؤكدا أنه تقدم عبر المكتب المذكور ولكن السيد المشار إليه ذكر وجود تطابق في الأسماء لا بد أن يحسم بالصور... الآن أنت عرضت صور حتى صاحبها يصعب عليه التعرف على نفسه فيها ... هل هذه الصور أخذت بموجب التقديم أم أنت عرضتها من المتوفر بالملفات...؟
تخيل مقدار الجهد المزول في إحضار هذا الرجل من وسط الحفر وسط الصحاري وسط الجبال وكيف يمكنه أن يكرر العودة لمعرفة موقف مكتبكم الموقر تاركا كافة الظروف التي هيئها لمواصلة الحفر والطحن والغربلة لخام الذهب
| |
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: سيف اليزل برعي البدوي)
|
Quote: الصور دي كووووولها يستحيل تكون فازت
|
Quote:
they won the lottery with the same photos |
خلاص عشان الموضوع ده يكون واضح لكل الناس ورونا الخطاب بتاع الفوز ، وعشان ما تكشف معلومات مهمة في الخطاب ممكن تغطي الكيس نمبر عشان المسألة تتأكد والناس تعرف الحقيقة ، لأنو وللمرة التالتة بقول تسعة وتسعين في المية من الصور دي ما بتفوز بي حالتها دي.
والكورة في ملعبك لأنها مسألة في منتهى البساطة ، أسكانر لخطابات الفائزين وينتهي الأمر ، القصد من الكلام ده ليس الإحراج ولكن المصلحة والشفافية تقتضي ذلك.
عليك الله لو سمحت لو في طريقة الرد يكون بالعربي لأنو ناس كتار بتابع البوست ده وعايزين يفهمو أي كلمة بتقولها لأنو شايفك بترد علي ناس بالعربي وناس بالإنجليزي.
| |
|
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: سيف اليزل برعي البدوي)
|
Quote:
كيف يعني صورة فازت ويتم استبعادها |
يعني عملية الفرز الأولي بتم بالكمبيوتر وبيتم إختيار الفائزين إلكترونياً ، بعد داك بطلعو أسماء الفائزين ديل عشان يرسلو ليهم خطابات بالفوز والتهنئة ، في المرحلة دي بتم عملية تانية وفيها بيتم إستبعاد الصور المخالفة أو من قدم بأكثر من إسم وقائمة تطول من المخالفات اللي ممكن بيها يسبتعد الفائز.
بدل الكلام ده كلو : حقو تختصرو لينا الموضوع ده ونزلو صورة من خطاب الفوز للناس دي ، خاصة إنو فوق في إفادة هامة جداً أنو واحد ممن أعلنت إنو فاز مشى لحدي المكتب بتاعكم في الكلاكلة وفي النهاية رجع بخفي حنين ، بصراحة ما قادر أفهم واحد تقولو ليهو فزت ولما يجيكم قاطع الفيافي دي كلها ومضيع زمنو ومصالحو تقومو تقولو ليهو تشابه في الأسماء؟ معقولة بس؟
ياهو ده الكلام القصدتو الحمدلله جاء عضو تاني أكدو ، وهو إنو الشباب ديل ممكن يخسرو كتير جداً بعد يعرفو إنهم فازو وبعد داك الحقيقة تكون غير كده.
هل هناك أي مانع يمنعكم من نشر صورة خطاب الفوز هنا في هذا المنبر؟
عشان نكون عمليين لو في مانع ورينا طوالي.
| |
|
|
|
|
|
|
|
|
|
Re: الرجاء المساعدة في العثور علي فائزين لوتري 2011 (توجد صور)DV Lottery (Re: خالد عبد الله محمود)
|
Quote:
هل ذهب بنفسه ام اتصل تلفونيا? |
نعم ذهب بنفسه بعد أن ترك الذهب
ويعرف بعض من المجموعة التي أعلنت أسمائها رجل ونساء
وحاول عدة مرات مع الشخص الموصوف اسما ومنزلا وهاتفا وخاصة المجموعة الأخرى تسكن بالقرب منه وهذا يفسر وجودهم كتلة بين صورك
أما عن قصة تكذب الغطاس فيها قولان
الأول لو شفت مرة جبل مرة يعاودك حنين طول السنين
أما القول الثاني لو عشت أسبوع في وادي قبقة تحفر في حفر الذهب وعدت إلى أهلك سوف لن يتعرفوا عليك
ويعاودك أنين طول السنين
| |
|
|
|
|
|
|
| |
عبدالله السني
omer osman
محمد إبراهيم علي
سيف اليزل جعفر عبد الرحمن
Hisham Amin
اكرام الصادق الحسن
Mohamed Abdelmotalib Hassan
سيف اليزل برعي البدوي
الصادق خليفة
سلمى تاور
خالد عبد الله محمود
Tragie Mustafa
عبد الرحيم محمد عبد الرحيم
الصادق صديق سلمان
عصام الجيلي
المسافر
Yasier Elsayed
رغيم عثمان رغيم الحسن
محمد النيل
فيس بوك
تويتر
انستقرام
يوتيوب
بنتيريست