انقذوا ايمان العبيدي المغتصبة فقط بالتوقيع هنا

Quote: الدكتورة نجاة لك التحية.. المباديء لا تتجزأ.. الإغتصاب جريمة بشعة في كل مكان وزمان .. لا لقهر النساء .. التحية والمجد لصفية إسحق التي كشفت وجهها ولم تتوارى خوفاً وخجلاً وروت ظلمها للعالم أجمع و إنتصرت لبنات جنسها .. التحية والمجد لإيمان العبيدي التي فضحت نظام القذافي على الملا .. نظام البشير ونظام القذافي وجهان لعملة واحدة .. أوقع وابصم بالعشرة ..

Quote: انا قااااااااااااااعدة في المنبر دا ماني ماشة اي حتة

Quote: أوقع للتضامن مع الضحية أيا كان لونها او جنسيتها مع قناعتي بأنك - يا دكتورة - غير مأهلة أخلاقيا لتصدر هذه الحملة فالمبادئ لا تتجزأ ولكن " لا يجرمنكم شنآن قوم ..." رجل في ليبيا .... وكراع في السودان .. عجبي !!

Quote: سلامات يا نجاة!! أول حاجة داير أقول معليش لأنو ما زينت إسمك بحرف الدال!! لأنو بصراحة خجلت أقولا ليك بعد ما قريت إلحاحك الهنا دا بالتوقيع لمناصرة المرة الليبية وقارنتو مع البوست بتاعك عن بتنا صفية إسحق!! وبالجد كدا إحترت كيف يكون دا (فهم) زولة تحمل دكتوراة بحالا!! (الله غالب) بس طبعآ حيرتي إتفكت لما فحصت خطابك في البوستين وقدرت إستنبط وأطلع بخلاصة (مرة) جدآ!! كل زول ممكن يستخلص وببساطة جدآ إنك زولة (عنصرية) حتى النخاع!! إذا كان دا بوعي أو بدون وعي منك!! والحاجة التانية وكمان شينة خالص إنك مصابة بعقدة نقص! (الله يشفيك) والأدهى والأمر من كدا هي الطريقة العنجهية و (العويرة) البتردي فيها للناس هنا دا لما فضحوك في تحاملك على صفية بت بلدك وقبل ما يجف مدادك (الأصفر) جاية تستجدي وتستعطفي المتداخلين إنو يناصروا المرة الليبية!! للأسف البوست دا بيخصم منك كتير جدآ وفي الحالتين لو قاعدة تردي أو تتجاهلي خوفآ من تعريتك أكتر!! بتخيل لي من الأفضل تقدمي إعتزار لصفية وفتاة الفيديو على اللغة التشكيكية الإستخدمتيها في حقهم وكمان إعتزار للناس الرديتي ليهم بغطرسة وعدم موضوعية... معآ من أجل غدٍ أفضل.. رضوان داؤد

Quote: لأنو بصراحة خجلت أقولا ليك بعد ما قريت إلحاحك الهنا دا بالتوقيع لمناصرة المرة الليبية وقارنتو مع البوست بتاعك عن بتنا صفية إسحق!

Quote: والحاجة التانية وشينة في حقك إنك مصابة بعقدة نقص وااااضحة جدآ (الله يشفيك)

Quote: دكتورة نجاة، هل فتحتي بوست بحق صفية او طالبتي بالتوقيع كما تفعلين الان، ام لا؟ اشمعنا اغتصاب الاجنبية دي، حركتك اكتر من السودانية اختك افتراضا؟ قطعا نرفض ما حدث لهذه السيدة، ولكن اولي لك ثم اولي. مش ده نص برضو، ولا النص لاينطبق علي صفية، بقدرما ما ينطبق علي اختك العربية، من ليبيا؟ انصفي صفيه اولا ولا لازدواجيه المعايير

Quote: امل ان تجدي وقت للاطلاع على ما جاء في هذا الرابط

Quote: رضوان انت ما مجلس اكاديمي عشان ترفض تخت الدال ولا تشيلها فلا اهمية عندي لوجهة نظرك

Quote: يا صفية يا يابتي ما كنت محتاجة ابدا لتسفري عن رسمك واسمك ومصدقينك يابنية شاورت اهلك في ذلك؟ شااورت امك في ذلك؟ شاورت والدك؟

Quote: وهذا ما سيحدث لفتاة الفديو تأريخها الان خرج الى العلن واكيد هناك من يعرفهاشاهد الفديو وكل الناس عرفت فتخيلي ان ينشر الاسم وتعرف العائلة ستنتهي بان يفور دم اجد ذكور العائلة ويقتلها ليغسل العار بالدم كما هو سائد في السودان قبل عشرين سنة والى الان هنك من يمارس قتل الشرف للشبهة ساي على الجميع مراعاة عاادات وتقاليد السودان.. وانامن وجهة نظري ان يظل اسمها مخفيا..حماية لها ..ولانه اسم مملوك لعدد كبير من اسرتها فهي لم تجلد ظلما او لفقت التهمة عليها اذا نظرنا الى صحيفة الاتهامات المشكلة فقط كانت في التفيذ..

Quote: فتخيلي ان ينشر الاسم وتعرف العائلة ستنتهي بان يفور دم اجد ذكور العائلة ويقتلها ليغسل العار بالدم كما هو سائد في السودان قبل عشرين سنة والى الان هنك من يمارس قتل الشرف للشبهة ساي على الجميع مراعاة عاادات وتقاليد السودان.. وانامن وجهة نظري ان يظل اسمها مخفيا..حماية لها ..ولانه اسم مملوك لعدد كبير من اسرتها فهي لم تجلد ظلما او لفقت التهمة عليها اذا نظرنا الى صحيفة الاتهامات المشكلة فقط كانت في التفيذ.. وفي غياب الابطال القوميين ممكن تتحول بنت مثلها الى بطلة قومية.. في حين انه اذا لم نكن في هذاالعهد لكانب قتلت لتغسل العار الذي جلبته على اهلها

Quote: وفي غياب الابطال القوميين ممكن تتحول بنت مثلها الى بطلة قومية.. في حين انه اذا لم نكن في هذاالعهد لكانب قتلت لتغسل العار الذي جلبته على اهلها ربنا يهديها البنت دي احزنت اهلها.. وبحفظ كل البنات من الفتن..