مأساة استاذ جامعى .. احتسب أربعة اطفال.. وزوجته تحتضر بسبب الايدز ..

Quote: لا.. انتقل عبر فرش الاسنان. سلام اخى مزمل اشتغلت فى برناج الايدز اكتر من سبعة شهور وعملنا توعية عن طريق منظمة بالتعاون مع وزارة الصحة الاتحادية،،وعرفت ان فيروس الايدز اضعف انواع الفيروسات ،حيث لايعيش فى الهواء اكثر من كم ثانية لذلك استبعد تماما فرش الاسنان فى تدمير هذه الاسره.فعلآ صدق اخونا أيمن عندما ذكر انو فى شوية اشياء غير واضحة فى اجابات الاستاذ الجامعى، فى جمعية المتعايشين بتقدم خدمات علاجية ونفسية بدعم من منظمات عالمية انا ممكن اوصل الاستاذ للجمعية ودى انجح وسيلة للعلاج النفسى والبدنى. أكيد باقى الزوجات مصابات ولاداعى لتعتيم ذلك من طرف الزوج .دى مسوؤلية برضو فى عاتقو ذى ما اهتم بالزوجة الاولى وتأكد من اصابتة حقو يقيف بشجاعة ويخبر الزوجات قبل الدمار.أتعاطف معهن. بس معليش دا استاذ جامعى المفروض يكون اوعى من ان يخفى المرض ويتعامل معاهو بعدم مسؤلية بعد وفاة اربعة من اطفاله وبسكاتوا دا ح يدمر الباقى. أخى مزمل انا على استعداد لمساعدة الاسره دى حسب التجربة ومعرفتى الشخصية بالجمعية للمتعايشين وتفير الفحص للزوجات المصابات ودى مؤكدة 100% . معليش ما عارفة الشباك دا جانى من وين المهم دا كلامى انا يا مزمل نجاة تسلم (عدل بواسطة Nagat Sid Ahmed Elshiekh on 03-22-2011, 12:24 PM)