مابين(تظاهرة 21/مارس) و(27/مارس)ومحنة غبش السودان وحجوة ام ضبيبنه(فصل الدين عن الدوله)!

Quote: عدنا......ونواصل.... شبكونا علماني المركز سنين طويله د.خليل دباب وفلان دباب وعلان دباب ووقت الحاره اكتشفنا انهم كلهم دبابين وكلهم منافقين.....و المخدوع محمد احمد واسحاق وادروب وفاطنيه وادروته وكودي وتيه!! الناس الطالعين يوم 21/مارس ديل القالوا ممكن يتقاضوا عن فصل الدين عن الدوله!! وطبعا بيهمنا جدا محاكمة منافقي العلمانيه فيهم اما اليمين فهو يمين معروف البيه و العليه!! اها ناس امجد وشلة حناكيش الحزب الشيوعي وبيوتاته(ما خلاص بقوا طائفيه جديده)!! وتنسيقهم مع قطاع الشمال الفرع المنبطح فيه بقيادة ياسر عرمان.... والجبهه العريضه بقيادة علي محمود حسنين و الانشقت بسبب تعويم مفاهيم فصل الدين عن الدوله!! وللاسف حتى الجناح المنشق شيلهوا القفف نفس الشيوعين الشقوا الامر وخلهوا يدخل في هذه الهردبيسه بحجة انه(تنسيق مرحلي لاسقاط النظام)...طيب ما كان تنطموا وتقعدوا مع عمكم علي محمود حسنين برضو وتقبلوا بتميعه لامر فصل الدين عن الدوله....بنفس الحجه انها جبهه لاسقاط النظام وليست حزب!! وحزب الامه كالعاده رجل بره ورجل جوه؟؟؟ وزي عوايده دائم نجاض آل البيت ومقسمين (البيض) في كل السلال! تكتب رباح الصادق المهدي مهلله لثوار ليبيا(صبية الارهابي القرضاوي)!! وتحت تحت تراسل د.مريم الصادق المهدي(بنازير بوتو كما يحلوا لها ان تكني نفسها) ووالدها الصادق المهدي...يراسلون القذافي واسرته للاطمئنان عليهم كما يدعون!! بالله في نجاضه اكثر من كده؟! بنفس العقليه يتعاملون مع ما يسمى بالانتفاضه وكما سمها احد ابناء الهامش بمنبر السودان الجديد انها انتفاضة لتمكين مثلث حمدي ! الفيلم ده كذابه لو قلت لكم بدعمه؟؟؟ الناس الما بتخجل وحتى بعد ذهاب الجنوب لا تعي الدرس يقيموا لينا ندوة بمركز الخاتم عدلان كل المتحديثن فيها من اهل الشمال العرقي!! قادر الله!! اعقرت ارحام نساء 80% من سكان السودان ان ينجنب القادرين على الحديث غير هؤلاء؟! الغريبه لما يجبوا لك المعتقلين و ضحايا التعذيب من كل الاحزاب واكرر من كل االاحزاب و الحركات ياهم غالبيتهم من ابناء الهامش الزنجي!! ولما نجي للنضمي و التلميع.....ياهم ناس رشا عوض د.ناهد محمد الحسن امجد فريد ومجدي عكاشه!! ناس صفيه اسحاق لهم الاغتصاب!!وناس د.ناهد ورشا لهم المنصات!! قادر الله الخلا دي كراع وديك رجل!! قادر الله!! ويتنفح فينا امجد طلعت فريد ستخرج الخرطوم يوم /21 مارس(هههههههههههه) النفخه دي حبتها من وين يا امجد مالم يطمأنك ياسر عرمان انهه سيحرك ابناء النوبه المساكين بقطاع الشمال!! مالك ما جيتنا زمان واثق من روحك قدر ده؟؟!! لما المظاهرات بتطلع 20 نفر و 30 نفر كما شهد بذك عمر عشاري؟! النفخه الكذابه دي ياها سببها التطمين بانه ناس الاحزمه السودان سيخرجون!! فات عليك يا حبيب وعلى عرمان الهارب من العكه لامريكا بانه ناس الاحزمه السوداء بقوا نجاض وهم ذاتهم بيبعوا كلام زي ما انتو بتبيعوا لهم كلام!! وكثر خير مبارك الفاضل المن خلال باس ورد محمد عادل قال لكم يا امجد رايه بصراحه عن الناس الوهم العامله روحها قيادات وقال ايه بتحرك الشارع من كي بورداتها؟؟!! آخير نحن ده اضعب الايمان لنا لكن مخجل وعار ما يفعله شباب الشيوعين الخافوا الصدام وجبنوا عنه وصاروا يلزوا ابناء الغبش لمحارق الآمن!! سيسألك الله يا امجد فريد وغيره عن لويس اويل الذي بخلتم حتى عليه ببوست!!ولاذال في غيبوبته مرمي لم تتكرموا لا انتم ولا قطاع الشمال المنبطح بمجدر البحث عنه واين هو الآن؟! على فكره كان يعالج بالسلاح الطبي بعنبر خاص بضحايا التعذيب ممنوع فيه الزياره وبعد كتبنا عنه وعن القسيس بطرس مقيل وعن الشابين الدارفورين موظفي منظمة اطباء بلا حدود الذين عذبوا لحد فقأ اعين بعضهم!!كنت الوحيده التي كتبت عن كل هؤلاء واين يتم علاجهم تم نقلهم لمستشفى الامل العارفنه انتو انه بتاع جهاز الآمن!! لويس ايويل حقه برقبتكم يا مخادعين يا من كذبتم عليه بانكم مؤمنين بحقوق المواطنه له وبفصل الدين عن الدوله وفي اول ملف بعتهوا وبعتوا شبابه الغض!! يا لبؤس الساسه ويا لضحالة الطرح!! تمددي يا انقاذ وابشري بطول سلامه ليس لقوتك ولكن لضعف الكوادر البتشتبر لعمل ما عندها ليه قدرات ولكن الاحتكار و الهيمنه و الرغبه المزمنه في الاقصاء صارت سلوكا سياسيا! هييييييييع وائل غنيم الثوره السودانيه!!قادر الله!! تطير عيشة الثوره الانتو عرابيها!! العار لقوى السودان الجديد التي احترمناها كثيرا انها تقيف هذا الموقف المتخازل من قضية فصل الدين عن الدوله!! ومن الآخر كده حقو الواحد يقول لكم عبد بسيده ولا حر مجهجه ! حسه آخير لينا الانقاذ عضو واضحه ومشكوف ولا نستبدلها بعدو حربائي؟؟! كل يوم بشكل؟؟؟يوم مع الدوله المدنيه وبكره علماني وبعد بكره الله اعلم؟! وآخيرا واحر قلبي على شعبي شعبا عملاق يتقدمه اقزام كالعاده!!

أن تفهم متأخرا خير من ألا تفهم ..
هذا ما قلناه وشتمنا بسببه ومازلنا
ضف الى ذلك تلفيق الأكاذيب لاستدرار عطف الشارع

ولكن الشارع واعي ...

شكرا تراجي تستاهلي أوسكار هذا الربع والذي بعده