|
|
 بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية)
|
Quote:
الاخ عمر صديق
طابت أوقاتك بكل خير
أنا من أكثر الناس كرها للانقاذ والمؤتمر الوطني وقد تابعت من الامس الوثائق المنشورة وماصاحبها من جدل
سوف أعطيك النجيضة في نقاط مختصرة :-
(1) عادة الاشارات العسكرية لا تختم بختم .
(2) ترسل الاشارات العسكرية عبر طريقتين السيركي أو عبر سلاح الاشارة وعادة أفراد سلاح الاشارة يستقبلون الاشارة
ويكتبونها بقلم الرصاص تصعب قراءتها ( وهذا غير واضح في الوثائق المتداولة هنا ).
(3) ما لفت نظري في الاشارات كلمة (بالكود(.) بالحاسوب . وهذة ليست من الكتابات العسكرية المتعارف عليها .
(4) التاريخ الهجري لايعمل بة القوات المسلحة .
(5) عادة ما تطبع الاشارة من ثلاث نسخ نسخة أصلية للارسال وفلت F وفلت فائل FF يعني بالعربي كدة النسخة الاصلية
ترسل للجهة المرسل الية و نسخة في الملف المخصص للاشارة مثال ( ملف الاسلحة والذخائر وعادة مايحمل رقم مثل (20/ج3 ) وصورة في الارشيف ولفت نظري في الوثيقة رقم 3 في أسفل الاشارة 4/أ/1 و 4/ب/1 ودي مابتحصل موضوع واحد يكون عندوا
فائلين وبرقمين مختلفين .
(6) عادة تؤكل مهام الكاتب العسكري في القوات المسلحة خاصة مكتب القائد العادي والسري لضابط صف من رتبة الرقيب والرقيب أول والمساعد ويكونوا من الحائزين علي دورة كتبة عسكريين الدرجه الاولي من مدرسة الشئون الادارية بحري
هؤلاء عادة لاتقل مدة خدمتهم بالقوات المسلحة عن 18 سنة خدمة عسكرية فهل يضحي أحدهم بأستحقاقاتة ومعاش موروث من
أجل حفنة ملاليم تدفع له حتي يهرب وثيقة مثل هذة وهو يدري في حالة أكتشاف أمرة مصيرة الاعدام رميا بالرصاص ؟؟ .
* في بوست الاخ علاء الدين هناك مستند وارد ومنصرف وعادة ماتتعامل القوات المسلحة السودانية في كل أمور الامداد
والاسلحة والمهمات بمستند يسمي مستند 12 س .
* الاخطاء الاملائية الواردة في الوثائق أشارات وخطابات فوق التحمل وحسب معرفتي بالفريق أول ركن محمد الراضي
نصرالدين لا يوقع في أي شيء مالم يفحصة فحص دقيق .
هذة شهادتي فيما أعرف عن القوات المسلحة السودانية والوثائق العسكرية حتي السابع من نوفمبر 97 . اللهم ماشهدنا
الا بما علمنا وماكنا للغيب بحافظين , لكن أذا تعدلت من بعد هذا التاريخ القوانين واللوائح العسكرية دي حاجة تانية . |
شهادة الاخ عادل الباهي عبد الرازق
تمثل شهادة من خبير بالشئون العسكرية وصف نفسه بانه اشد كرها للانقاذ والمؤتمر الوطني
ولكنه اورد شهادة الحق بحكم انتماءه الوطني الاصيل الذي صقلته تجربته في القوات المسلحة السودانية
تلك المؤسسة الوطنية العريقة التي لايقف ضدها الا خائن اوعميل
ولانها تمثل بوتقة تذوب فيها كل الانتماءات لصالح الوطن
جعلت احد ابناءها هنا يقف شاهرا كلماته في الدفاع عنها
وبذلك يعطي درس وطني لاصحاب نقص المناعة الوطنية
الذين لايفرقون بين معارضة الانقاذ وبين عداء الجيش الوطني
والذي يعرفه المدعو باقان حينما هرب من جبل بوما
ومهما فبرك ودلس فانه لن ينال من جيشنا الصامد
الذي نغني له
الحارس مالنا ودمنا ياجيشنا جيش الهنا
وجنود الوطن لبو النداء
ونحن جند الله جند الوطن
|
|
  
|
|
|
|
|
|
|
 Re: بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية) (Re: الغالى شقيفات)
|
Quote: الاخ عمر سلام
بغض النظر عن صحة الوثائق او عدمها معروف انو الحكومة بتسلح المليشيات دى ما فيها
مغالطات والتنصت على التلفونات دا موجود ويمكن للشخص العادى
ومطلع ان يعرف التلفون المراقب من غير المراقب ويوجد جهاز يكشف ذلك
ويحدد موقع مكان التنصت وهذا الجهاز يمكن لبقان ان يمتلكة
او ممكن اى زول بحب باقان فى الله ممكن يهديهو مثل هذه الاجهزة |
الغالي قلت لي لو طارت برضو غنمايه
هسي الجاب بقية الكلام ده شنو ؟
عندك قول في شأن الوثائق بتاعت عرمان قولو ماعندك اعمل
( تسجيل حضور ومتابعه ) ياخي ملينا طريقة النقاش بتاعت سمك لبن تمر هندي
الشغاله ليها زمن دي
| |
|
|
|
|
|
|
|
|
|
Re: بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية) (Re: Alshafea Ibrahim)
|
Quote: هذة شهادتي فيما أعرف عن القوات المسلحة السودانية والوثائق العسكرية حتي السابع من نوفمبر 97 . اللهم ماشهدنا
الا بما علمنا وماكنا للغيب بحافظين , لكن أذا تعدلت من بعد هذا التاريخ القوانين واللوائح العسكرية دي حاجة تانية . |
شكرا عادل الباهي علي الشهادة اولا
ثانيا , شنو الما إتغير في عهد الانقاذ ؟
هل تعودتم في الجيش ان تكتبوا في الوثائق الحكومية فلان الفلاني صاحب النيشان و النوط الفلاني نمرة كذا ام ان القوات المسلحة اصابتها معاول التهديم كبقية موسسات الدولة السودانية ؟
يا عادل الجيش ده ضبط و ربط و كلمة مسموعة من قائدك, ده خطاب رسمي ماشي بالسيركي , كدي اشرح لينا ليه كل الانواط و النياشين المالية الخطاب دي مع انو توقيع صاحب النياشين ده نفسو قاعد في نهاية امر تشكيل اللجنة ؟
| |
|
|
|
|
|
|
|
|
|
Re: بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية) (Re: خدر)
|
أولا لاني علي عجلة من أمري سلام للاخ عمر صديق وجميع المتداخلين
فخلوني أن أبداء بأخونا خدر
العزيز طارق أبوعبيدة
عساك والاسرة بخير
Quote: شكرا عادل الباهي علي الشهادة اولا
ثانيا , شنو الما إتغير في عهد الانقاذ ؟
هل تعودتم في الجيش ان تكتبوا في الوثائق الحكومية فلان الفلاني صاحب النيشان و النوط الفلاني نمرة كذا ام ان القوات المسلحة اصابتها معاول التهديم كبقية موسسات الدولة السودانية ؟
|
عادة في أمر تشكيل مجلس او لجنة وحسب الكتابة العسكريةيبداء الخطاب بصيغة ( بأمر .... حامل وسام ...( تعدد الاوسمة والانواط) التي تحصل عليها من أمر بأمر التشكيل ولكنك لو نظرت في أسفل أمر التشكيل لرأيت صورة من أمر
التشكيل الي أربعة جهات ومن ثم بعد ذلك أضيف لها وبخط اليد السيد/ قائد الفرقة الخامسة مشاه /أس و السيد قائد
الفرقة 14 مشاة أس والملاحظ الخطاب صادر من المكتب السري لوزير الدفاع وأكاد أجزم ليس هناك كاتب عسكري يعرض
خطاب رسمي مضاف الية بخط اليد لاصغر ضابط رتبة ناهيك عن وزير الدفاع .
ثانيا درجت العادة وحسب الكتابة العسكرية في أمر التشكيل أن تظهر أعضاء اللجنه في أسفل الخطاب بأعتبار سوف
تصلهم نسخة من أمر التشكيل وهذا لم يحصل في الوثيقة ثالثا مادام أمر التشكيل مرتبط بشيء أمني فعادة بيكون
الامر ليس سري بل سري وشخصي .
| Quote: يا عادل الجيش ده ضبط و ربط و كلمة مسموعة من قائدك, ده خطاب رسمي ماشي بالسيركي , كدي اشرح لينا ليه كل الانواط و النياشين المالية الخطاب دي مع انو توقيع صاحب النياشين ده نفسو قاعد في نهاية امر تشكيل اللجنة ؟ |
طارق ياحبيب هذا ما يميز الكتابة العسكرية من الكتابة المدنية فعادة تأهيل الكتبة العسكريين يتم عبر ثلاث مراحل
الدرجه الثالثه ثم الثانية ثم الدرجه الاولي وبمدرسة مخصصة لهذا الغرض عشان كدة بتلاقي الاشارات كلها صيغتها واحده
واين يوجد التاريخ وأين توجد الرقم المسجل في دفتر الصادر وكذلك الخطابات يعني ما هبتلي ساكت زي الخدمة المدنية .
أتمني أن أكون وضحت ليك بعض النقاط .
| |
|
|
|
|
|
|
|
|
|
Re: بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية) (Re: فتحي الصديق)
|
Quote: تعرف يا عمر ...
الدفاع عن الباطل مرهق جدا ...
والله حالتكم تحنن ...
الموضوع واضح يا عمر ..والجماعة ديل كانوا ولا زالوا جزء من الحكومة ..وبامكانهم الحصول على كل شيء..اضافة لأنو حكومتكم نفسها مخترقة من جماعة الترابي ...وغيرا وغيرا من الجماعات . |
الاخ فتحي صديق
ليس هناك ما يدعوني أنا أدافع عن باطل لانني ليس طامع في شيء من حكومة المؤتمر
الوطني وكذلك ليس هناك سبب يخليني أسكت علي كلمة حق لي أو علي . ياعزيز تأمين
المستندات والوثائق العسكرية ليس بمقدور باقوم ولا غيرة الوصول اليها بهذة البساطة
فدعونا نأسس لمعارضة تعرف تقول كلمة الحق حتي ولو علي نفسها .
| |
|
|
|
|
|
|
|
|
|
Re: بوردابي وضابط متقاعد و معارض يؤكد تزوير وثائق باقان (درس لاصحاب نقص المناعة الوطنية) (Re: الغالى شقيفات)
|
Quote: الاخ عمر سلام
بغض النظر عن صحة الوثائق او عدمها معروف انو الحكومة بتسلح المليشيات دى ما فيها مغالطات والتنصت على التلفونات دا موجود ويمكن للشخص العادى ومطلع ان يعرف التلفون المراقب من غير المراقب ويوجد جهاز يكشف ذلك ويحدد موقع مكان التنصت وهذا الجهاز يمكن لبقان ان يمتلكة او ممكن اى زول بحب باقان فى الله ممكن يهديهو مثل هذه الاجهزة |
الاخ الغالي
تحياتي
عندما تكون اتهامات بافان مبنية علي وثائق مزورة
فما بني علي باطل فهو باطل
| |
|
|
|
|
|
|
| |
عمر صديق
الغالى شقيفات
Kostawi
أبو عبيدة البصاص
خدر
عادل الباهي عبدالرازق
فتحي الصديق
munswor almophtah
علي جلاس
فيس بوك
تويتر
انستقرام
يوتيوب
بنتيريست