|
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! (Re: محمد حسن العمدة)
|
معاوية ود الباوقة من عمل فيها كوز البشير اتهمو بجرائم الحرب والابادة دا نحس صدام حسين ذاتو خلي اليابان والبشير الاصلو منحوس
كدي شوف شقيق البشير البعترف بالفساد وما جايب خبر دا يقولو عليو شنو ؟؟ يعني من شدة انو الفساد ما بقى امر عادي عندهم بقو ما بفرقو بينو وبين النزاهة والامانة والقيم الجميلة
هل لديك جرأة أن تكشف لنا بصراحة كم يبلغ رصيدك في البنك؟ = حسابي في البنك والله ما فيهو الف جنيه سوداني. * لكنك دكتور كبير ومعروف ولديك أعمال عديدة ولديك دخل لا أظنه صغيرا؟ = دخلي ما بيكفيني أنا وأسرتي وما قدر حاجتي، وما عندي حاجة موفرها. * هل لنا أن نعرف كم يبلغ دخلك الثابت شهريا؟ = طيب شوفي يا ستي أنا باخد من القوات المسلحة كضابط زي (1400) جنيه وباخد من مركز القلب حوالي (6000) جنيه ومن شيكان باخد حوالي (1400) جنيه يعني مرتبي كله زي (8.5) مليون بالقديم.. وعملنا بعض الشغل كنت ماسك الموارد في الهيئة الخيرية وعملنا شغل للهيئات الحكومية ودي بناخد قصادها زي 2 او 3 مليون في الشهر يعني احنا بنلقطا والحمد لله.. والجيش مديني عربية وبرضه معهد القلب مديني عربية والحمد لله، لكن غير كده ما عندي حاجة، وأنا بالمناسبة طبيب لي 32 سنة واغتربت في السعودية أنا وزوجتي وهي طبيبة ايضا لأكثر من 10 سنوات، الناس مستكترة انو أنا عندي بيت، وهي ما عارفة حاجة ولا بتتخيل قصة بيتي ده شنو!!!.. * نريد أن نعرف هذه القصة بالتفصيل إن سمحت لنا بذلك؟ = جدا... أنا بيتي في كافوري كان بيت اختي وزوجها اسمه نورالدائم إبراهيم محمد مقاول معروف ومشهور زول سيرته معروفة عنده اسم في السوق.. لما الإنقاذ دي بدت أنا كنت ببني.. بيتي ده؛ اشتريته من اختي وزوجها بالأقساط ولحد حسي مديون ما تميت قروشه. * وماذا عن بقية إخوانك؟ = تذمر قليلا لكنه قال: أنا عندي اخوي مغترب دكتور صديق حسن أحمد البشير شقيقي أصغر مني مباشرة لحد الآن مغترب في لندن رغم أن شقيقه رئيس منذ أكثر من 20 سنة فافتكر إنه احنا أصلا لو عندنا قروش بنخلي إخوانا يغتربو ولا بنخليهو قاعد في لندن، هو يحب السودان جدا وبيجي كل سنة لكن ما قادر يرجع لأنه لو اشتغل هنا مرتبه ما هيعيشه كويس وما هيكفيهو رغم انه استشاري باطنية، وعندي أخوي علي حسن كان في فترة الضيق كان بيمشوا يستقطبوا اموال من الخليج للتصنيع الحربي وجياد وغيرها، وعلي مرة ربط على نفسه انه هيستقطب 15 مليون دولار من الخليج وبنوا (جياد والتصنيع الحربي وسوداتل) وما دخل في جيبه دولار واحد كلها دخلت للدولة... الآن أصبحنا نصنع العربات تصنيع محلي..
http://www.sudaneseonline.com/news.php?action=show&id=17360
|
|
|
|
|
|
|
العنوان |
الكاتب |
Date |
شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-15-11, 04:26 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-15-11, 04:28 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-15-11, 04:37 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | ود الباوقة | 03-15-11, 04:50 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | معاوية عبيد الصائم | 03-15-11, 04:58 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | إدريس البدري | 03-15-11, 05:03 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-15-11, 07:29 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | abubakr salih | 03-15-11, 07:40 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد أبوالعزائم أبوالريش | 03-15-11, 07:43 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | حذيفه ابراهيم الكباشي | 03-15-11, 08:09 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-15-11, 09:42 PM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-17-11, 10:36 AM |
Re: شقيق البشير يقول ان رصيده ( مافيهو جنيه واحد ) بينما يمتلك حصان بـ150 مليون جنيه ؟؟!!!! | محمد حسن العمدة | 03-27-11, 05:44 PM |
|
|
|