|
|
 ونسة شيوعيين ..
|
خضر حسين خليل واحد من اميز الشباب العرفتهم في حياتي , متورط بي سودانية و شيوعية (حسب علمي) و ضكرنه ما انزل الله بها من سلطان , ممكن الاسكور بتاعو في الفراسة و الصبر علي المكاره يصل مستوي مثابرة و صبر جنود عمر المختار إبان ثورة الليبيين علي الإستعمار الإيطالي/القذافي.التشبيه بفرسان ليبيا هنا لتطويل مساحة الونسة و الدواس و توسيع دائرة الصراع الفكري (مد الله و بارك في ايامو) يا قيقا و مشرف و ود جبرالله و امجد فريد و مكاوي و بكري صالح و بدر ود موسي و آخرين ( آخرين دي بتاعت ناس عوض جادين الزمان ديك  ) و قيل ايضا, لإستقطاع اراضي جديدة وقطع الطريق امام جنود المؤتمر الوطني بأرض سودانيزاونلاين تحت شعار جناَ قابض رقبتك (المؤتمر الوطني ) كان نجضت شغلك ولا بسوي شي.
قريت لي خضر حسين - المداقرني في اسمي الحركي ده - كتير من الآراء الجيدة كعادتو, كدي قبل ما نقرر نفصلوا او نعفيهوا من إشتراكات الشهور الجاية خلونا نتونس ونسة شيوعيين في أجندة اهم من اب راس كبير ده.
الجند الاول:
مصير التحالف بين الامة و الشيوعي علي ضوء المستجدات الاخيرة في سوداينزاونلاين بالنظر الي مجهودات بدرالدين اسحق وآخرين ؟
|
|
  
|
|
|
|
|
|
|
|
Re: ونسة شيوعيين .. (Re: خدر)
|
نقظة نظام يا زميل
قبل الدخول للاجندة و الواضح انها بستلزم من الزملاء السالقين يأمنو
تم قبل قليل اطلاق سراح الزملاء سامر صلاح، ومهند الدرديري، وعبد العظيم البدوي و الطالب كمال محمد عثمان.
لا زال
عادل كرار
و طارق عبد المجيد
و معتز تروتسكي رهن الاعتقال
| |
|
|
|
|
|
|
|
|
|
Re: ونسة شيوعيين .. (Re: خدر)
|
المنبر عدم الشنقيطي او إطلاق السراح
استاذنا فاروق كدودة بطرافته المعروفة ايام اعتقالهم في سنوات الانقاذ الاولي و ترحيلهم من بيت اشباح لي كوبر وصولا لسجن بورتسودان و في نهار قائظ قال مقولة سار بها كُتاب الأعمدة و مسجلي الاحداث حين قال البلد عدمت الشنقيطي ؟
اها يا زملاء , المنبر ده عدم الشنقيطي ؟
| |
|
|
|
|
|
|
|
|
|
Re: ونسة شيوعيين .. (Re: خدر)
|
الجند التالت
بقرأ كتير هنا او في الفيسبوك اخبار علي شاكلة كلام امجد ده
Quote: لا زال
عادل كرار
و طارق عبد المجيد
و معتز تروتسكي رهن الاعتقال |
و طوالي الردود بتكون من نوع ربنا بفك اسرهم و يتباري الرفاق في تكديس قصائد درويش و حميد و القدال و ايمن ابو الشعر علي قرار
نطيل حبالهم لا كي نطيل حياتهم لكن لتكفيهم لينشنقوا
كيف الكلام ده يا زملاء ؟ منو بطيل حبال منو و ماهي الآليات ؟
______
امجد شكرا علي الابديت يا فنان
| |
|
|
|
|
|
|
|
|
|
Re: ونسة شيوعيين .. (Re: خالد العبيد)
|
| Quote: حضور ومتابعة ودفع اشتراك ! |
ههههههههههههههههههههههههههههههه
والله يا ود العبيد واثقين منك , وانا المتلوم معاك والله
ياخي التلفونات عندك خلينا نعمل مواعيد في الاسكايب و اوفي ديني ليك
انت طالبني كم اغنية ؟
_____
بمناسبة دفع الاشتراكات دي يا خالد, احد رواد الغناء السوداني كان لمن يجيهو مندوب الحزب للمالية كان بقول متذمراَ من جدية المندوب ( ناس التركية السابقة جو)
| |
|
|
|
|
|
|
|
|
 Re: ونسة شيوعيين .. (Re: خالد العبيد)
|
إنتوا لسه حيين ?المكاشفى نزل نعى قبيل :(
الزول ده مع ختان البنات , الغريبه ما قادر يطهر بنات أفكارو...
..........
ركزوا مع كلام ودالعبيد خصوصا فى موضوع الإشتراكات ده..
| |
|
|
|
|
|
|
|
|
|
Re: ونسة شيوعيين .. (Re: خدر)
|
بالتأكيد الخلاف البارز الان يمكن ان يهدد التحالف بنكسة قد تلقي بظلالها على مجمل القوى المعارضة لهذا النظام وما يقوم به ملاسي (وآخرون تعلمونهم علم اليقين) سوف يفرمل ويعوق جهود الشعب السوداني في الاصطفاف المعارض واقترح اصدار بيان (اعتذار) من الحِسِبْ والله الموفق..
| |
|
|
|
|
|
|
|
|
|
Re: ونسة شيوعيين .. (Re: BAKTASH)
|
| Quote: بمناسبة دفع الاشتراكات دي يا خالد |
سلام يا خدر
حكى لي الزميل عباس وهبة هذه الطرفة
زميلنا الخالد الجزولي سعيد كان ضابط المالية ضبط صاح
احد زملاء الفروع قام بتسليم مالية فرعو متأخرا ثلاثة ايام بلياليها
سأله الجزولي عن سبب التاخير ثلاثة ايام
فقال الزميل: والله يا زميل القروش دخلت علي
فرد الجزولي سريعا وضاحكا بعد ان استلم المالية:
دخلت عليك ولا دخلت عليها!!
رسل لي غناي وبالعود!!
| |
|
|
|
|
|
|
|
|
|
Re: ونسة شيوعيين .. (Re: Yassir Tayfour)
|
سلامات يا خدر
شايفة بكور طالب حزب الامة من توعية صغيرهم
اها بالله فب ونستكم دي عقلو صغاركم ديل من البعملو فيهو دا
اسع لو ما مشكلة محمد عادل دي ما كنا عرفنا ان حزبكم متحالف مع حزب ا لامة..
ونسى كل الحصل وقرب يقول والله ما مني ترلم لم ترلم ترا
طبعا الى الان مندهشة لهذا التحالف..
بعد عرفنا من اجل هذا الشعب
القشاش يملا شبكتو.ز
| |
|
|
|
|
|
|
|
|
|
Re: ونسة شيوعيين .. (Re: د.نجاة محمود)
|
يا خدر انا وصلتنى دعوتك من باب (آخرين) دى ......المهم انتهز الفرصه دى عشان اقول لامجد ...حمد لله على سلامة الرفاق و لو معاك تلفون خالد توفيق(بطيخه) رسلو علشان اقول ليهو حمدلله على السلامه ....و بعدين دا شنو يا فرده, وصل بك الحال للحد الذى تلتفت فيه لمحمد عادل ؟! محمد عادل عديل كده؟!! و الله انا لى يومين زعلان شديد منك يا امجد (محمد عادل؟) .....يا صاحبى فى ناس انا استكثر فيهم سلام الله البسيط دا, تجى انت تعمل معاهم حجه و محاججه . يا اخى رحم الله امرئ عرف قدر نفسه.
و بعدين شوف خصمك بهناك كاتب ايه اوع تزعل من خصمك دى علشان انت براك العملتها فى نفسك و قتما ناقشته و حاججته (محمد عادل يا امجد ؟! بالغت يشهد الله)
Quote: هل تنسى دماء الشهيد الامام الهادى الذى اقتيل بدم بارد
هل ننسى دم الخال العمده محمد احمد مصطفى حسن
وهل ننسى دم الشهيد الناجى
ودم محمد صالح عمر |
صاحبك دا فاكر انو محمد صالح عمر دا كان انصارى او حزب امة (تتصور!) ....يا اخوانا زول يتبرع و يوصل للشاب دا حقيقة كونه محمد صالح عمر دا كان اسلامى عديل كده جُيشت الجيوش و جُهزت كتائب الارهاب تحت اسمه .....عليك الله دا زول انا بتخذ منه خصيم يا امجد؟ إن الخصيم بالمخاصم يعرف ...لا لغه ولا سياسه ولا فكر و لا تأريخ و لا إملاء ولا ذوق ...ايه دا ؟!
سيرة محمد صالح عمر
** ح اجيكم راجع يا خدر فى جند (قادم) loooool
| |
|
|
|
|
|
|
|
|
|
Re: ونسة شيوعيين .. (Re: Shaker Hamid)
|
خدر
يا فنانا سلامات
الزميل زي عايز يقترح جند يا زملا
الزميل زي كان بفكر في انه بنحتاج لسيرفر مكرس للميدان dedicated server
وزي عمل حبة هوم ويرك ولقى انه في بريطانيا ممكن نؤجر واحد في حدود 60 استرليني في الشهر او 600 استرليني في السنة من هنا
http://www.fasthosts.co.uk/dedicatedservers/
وطبعا ممكن نلقى ديل احسن
بس نشوف شركة عندها سيرفرات عالية التامين
الزميل بقترح تكوين لجنة للميدان في اوروبا, وتحديد مسئول مالي تصله التبرعات
في اعتراض يا زملا?
بعدين الزميل اسف لانه اتاخر, المواصلات وكدة!
الكيس بالله ياخدر!
| |
|
|
|
|
|
|
|
|
|
Re: ونسة شيوعيين .. (Re: أبو ساندرا)
|
الزملاء جنوا وعقولون خرفن
وفي دول المهجر أفكارم طرشقن
عاوزين يتلاقوا أسافيرهم علقن
وجو يطاقشوا زي بلي يلغلغن
وحياة الشعب والمعايش الصعبن
إلا تسوا في المهجر محفلاً
بكورالات وعجايز يبشرن
وبعد العقدين حزبكم يودعن
لأنو مافي شباباً يلحقن
والثوريات لا بد يجددن
وينكم بالله من عالم أصلحن
إنكفاء الذات خلاكم أبعداً
من نضال الشارع والهم المحتضن
والشعب يعاني من قائد ملهماً
يفاجيء السلطة بضرباً قاضياً
ويعيد للشعب حقوقاً ضيعاً
______________________
لو في واحد فيكم يترجمها يكون أحسن لأني أنا برضو ما فاهمها
مع تحياتي
صديقكم
عاصم فقيري
| |
|
|
|
|
|
|
|
|
|
Re: ونسة شيوعيين .. (Re: أبو ساندرا)
|
| Quote: مصير التحالف بين الامة و الشيوعي علي ضوء المستجدات الاخيرة في سوداينزاونلاين بالنظر الي مجهودات بدرالدين اسحق وآخرين ؟ |
قبل ما اكتب الحاجة الجاي اكتبها ..
مشتاقين يشهد الله ...
حزب الامة يدعو الي برنامج الصحوة الاسلامية ويحاول
الوصول الي السلطة عبر ( صناديق الاقتراع ) والصادق
المهدي أمام الانصار وقائد الحزب ديمقراطي حتي النخاع
الحزب الشيوعي يدعو الي قيام الدولة المدنية وأيضاً
يحاول الوصول الي السلطة عبر ( صناديق الاقتراع ) ..
اذا التحالف تكتيكي وليس استراتيجي لازالة حكم الجبهة الاسلامية
الذي عمد الي ( صناديق الذخيرة ) ليصل الي السلطة
و ( صناديق البنمبان ) واسلحة أخري لاطالة بقاءه فيها بوأد
الي محاولة للمقاومة ..
طبيعي ان يستثمر الكيزان خلاف محمد عادل وأمجد فريد الطيب
لضرب التحالف التكتيكي ولكن لا أظن أن المسعي سينجح
فكل حزب الان له مصلحة في التحالف مع الآخر ..
دمت بخير طارق وسلم علي الاولاد
| |
|
|
|
|
|
|
|
|
|
Re: ونسة شيوعيين .. (Re: محمد يوسف الزين)
|
خدر جينا مع آخرين ... عندي اولاً وصية من صلاح الامين لامجد فريد قاليك يا امجد كورتك فكت ...
بعدين يا جماعة صراحة كده نحن حزب الامة ده ما عندنا معاهو علاقة عاطفية او زواج مقدس ... بنتفق معاهم في برامج سياسية ... تقود لاهداف ... ومن هنا بيجي التحالف ... وممكن في لحظة تاريخية تانية نختلف معاهم وما يكون في تحالف ... بالعربي كده ... كل الاحزاب السياسية الوطنية ... (بالله يا خدر ركز لي علي وطنية دي ) ممكن يلمنا معاها برنامج حد ادني لفترة ... او العكس ... الا ان الاحترام في كل الاحوال يبقي بيننا ... لان حزب الامة في نهاية الامر حزب وطني لديه اسهاماته العديدة في الحياة السياسية السودانية وفي تاريخ البلد ... ... لا ننكر ان هنالك الكثير من الاخطاء التي وقعت ... منا او منهم ... في مراحل مختلفة ... بالتاكيد لا اعني ما يعنيه البعض مثل حوادث الجزيرة ابا ومقتل الامام الهادي المهدي وغيرها ... بل هي اخطاء الممارسة السياسية ... نتجاوزها نحن ويتجاوزونها هم لان السياسة غير العلاقات العاطفية ...
لكن يا امجد اامن علي كلام الزميل .. (كورتك فكت)
| |
|
|
|
|
|
|
|
|
|
Re: ونسة شيوعيين .. (Re: محمد يوسف الزين)
|
| Quote: بعدين دا شنو يا فرده, وصل بك الحال للحد الذى تلتفت فيه لمحمد عادل ؟[U]! محمد عادل عديل كده؟!! و الله انا لى يومين زعلان شديد منك يا امجد (محمد عادل؟) .....يا صاحبى فى ناس انا استكثر فيهم سلام الله البسيط دا, تجى انت تعمل معاهم حجه و محاججه . يا اخى رحم الله امرئ عرف قدر نفسه. |
تحيات ياخدر لك وللزملاء ..
وصيتى للزميل محمد الامين الذى كتب اعلاه ..وصيتى له ان يرجع
ليعيد قراءة ورقة الاستاذ عبدالخالق محجوب (اصلاح الخطأ فى
العمل بين الجماهير) بالتركيز على مسلك الشيوعى الفرد بين
الجماهير ..فهذا التعالى و(التافف) الذى يخرج به القارىء
عندما يقرا ما كتبه الزميل يتناقض تماما مع جوهر ماطرحه الاستاذ
عبدالخالق محجوب فى تلك الورقة التاريخية الشهيرة...
مودتى ...
| |
|
|
|
|
|
|
|
|
|
Re: ونسة شيوعيين .. (Re: خدر)
|
وين اللائحة من الكلام ده ؟
ــــــ
بمناسبة اللائحة ياخدر ويارفاقا
يحكي انو في زميل وبعد أحداث 19يوليو مباشرةً لقي ليهوو عقد عمل وسافر ليبيا
المهم الزميل ده من الفترة ديك بقي مقطوع من الحزب ، المهم وبعد سنوات طوال
رجع لأرض الوطن بعد غربة وشوق .
المهم ناس فرع الحزب في حلتهم مشوا ليهو وبعد حمديل السلامة والمطايبات قالو
ليهو يا زميل نحن ناس فرع السكن وجايين ندعوك لإجتماعنا القادم .
عمك رحب بالفكرة شديد وأبدي ليهم تجاوبو وقبولوا للعودة للعمل وسط صفوف الحزب
المهم جاء يوم الإجتماع :
الزملاء خشوا في الأجندة توشك ونقة طويلة عن ضرورة انعقاد المؤتمر الخامس
وشكلة وعووك ورورووك .
المهم النقاش كلو اتحول لضرورة المؤتمر الخامس وفشل القيادة والنقة المعلومة ديك
وعمك يعاين ساي .
في نهاية الاجتماع الزملاء اتذكرو انهم مارحبو بالزميل الجديد وبدوا طوالي في الترحيب
وطلبوا منو انو ينضم ...
عمك عاين ليهم كده وقال ليهم :
في الحقيقة أنا عندي مقترح واحد بخصوص المؤتمر الخامس ده
قالو ليهو : اتفضل قول مقترحك
قال ليهم : أنا بقترح ياخوانا إنو المؤتمر الخامس ده شكلو من المستحيل يقوم
وبالتالي أنا بشوف إنو الناس تحاول تعمل المؤتمر السادس وبعد داك نرجع نعمل
المؤتمر الخامس ده 
ــــــــــــ
نطلب من قراء المداخلة دي قراءتها بذهنية قديمة (قبل الخامس وكده) وبعقل مفتوح كما
تقول الحكاية
| |
|
|
|
|
|
|
|
|
|
Re: ونسة شيوعيين .. (Re: خالد العبيد)
|
طبعا الزميل خالد العبيد ملك الدقة..
Quote: احد زملاء الفروع قام بتسليم مالية فرعو متأخرا ثلاثة ايام بلياليها
|
اها من المرات المريرة مع الدقيق جدا الزميل جدا خالد العبيد زوج الزميلة
رقية عبيد وطبعا هم اصدقاء محمد عبيد المحامى ومعاوية عبيد الفاضى
والشباب كلهم فى جريدة الشبيبة..فى زول بتاع طباعة...فكرة الاسماء ما داخلة
راسو....فقال لخالد كدى تعال فك لى الغ########ة دى..
خالد قال ليهو يامكى ما تقدم طلب وتبقى زميل..
مكى قال ليهو وبعدين ابقى مكى عبيد مش.....
تحياتى للناس الهناك.....
خدر داير احكى قصة صوصل ونورى ......والزميل منير عبدالله...ههههههههههه
والاعتصام فى منزل المرحومة ماما عوضية ايام تكسير بيوت امبدة القالوا عشوائية
| |
|
|
|
|
|
|
|
|
|
Re: ونسة شيوعيين .. (Re: خدر)
|
| Quote: يا قيقا و مشرف و ود جبرالله و امجد فريد ومكاويو بكري صالح و بدر ود موسي و آخرين |
الراجل البي الأخضر ده قبل كم يوم طلع معاي مشوار صغيروني كده وسألته منكم قام نكركم
دحين ادونا النجيضة الراجل ده منكم ولا ما منكم
جلسة في لينينقراد
| |
|
|
|
|
|
|
|
|
|
Re: ونسة شيوعيين .. (Re: عبدالمجيد الكونت)
|
Quote:
الزول ده مع ختان البنات , الغريبه ما قادر يطهر بنات أفكارو...
|
و انت معاو و لّ لا يا زميل؟
ود المكي يا فنان و ين الحي بيك يا صديق
و الله مشتاقين
مشتاقين شنو ياخ؟
مسكين الشوق ذاتو ياخ
-------
اها
خدر - سيد اللسم - قال شنو؟
| |
|
|
|
|
|
|
|
|
|
Re: ونسة شيوعيين .. (Re: معاوية عبيد الصائم)
|
Quote: ßäالحزب الشيوعي يدعو الي قيام الدولة المدنية وأيضاً
يحاول الوصول الي السلطة عبر ( صناديق الاقتراع ) ..
|
دا متين يا بخاري؟
قبل 1969 ولا بعد؟
يا زولانت قايلن اموللودين سنة 80
| |
|
|
|
|
|
|
|
|
|
Re: ونسة شيوعيين .. (Re: خدر)
|
Quote:
انا بتفق مع زهير الزناتي و محمد عبدالرحمن
|
اذن انت تتفق مع ضرورة " اصلاح الخطا في العمل وسط جماهير البورد "
اذن انتظرونا :
بجيب ليكم كسر همسلف في المحكمة دي
-------
ايوة يا دكتورة بيان الشيوعيين ديل ما يمارسموا ضلالم القديم المقيم في تغبيش وعي شعبنا
ديل انقلابيين بس .. و الما من شعبنا ما منك
ياخ ديل بقولوا في اشعارم - الشبه سرية - ح تروح للشمس مبارينك
يا للهول رسمي و شعبي!!
شوفتي كيف؟ ما حدها الانقلاب ساي! ديل مكنات مبرمجة رسمي!
بارك الله فيكم
| |
|
|
|
|
|
|
|
|
|
Re: ونسة شيوعيين .. (Re: خدر)
|
بعد طبعاً يا دكتورة
عموما أن أنضممت الي صفوف الحزب الشيوعي وعمري 18 سنة
والكلام دا كان بعد 1969 لاني اصلا مولود في نهاية 1970 يوم 6 نوفمبر تحديداً
يعني أنا أكبر من حركة يوليو التصحيحية ب 9 شهور بس .. ولمن اتفتح وعي وشفت
برنامج الحزب الشيوعي لقيتو بدعي الي الوصول لكراسي الحكم عبر صناديق الاقتراع
بس دا كل الحاصل
| |
|
|
|
|
|
|
|
|
|
Re: ونسة شيوعيين .. (Re: خدر)
|
خدر ازيك وسلام لكل الزملاء الجوا هنا والماجوا
انا لا اسمي مكتوب ولا جيت مع اخرين!!!!
جيت براي كدا ينفع ولا ما ينفع؟؟؟؟
أول حاجة أنا زعلانة من زملاء كتيرين هنا لأنهم ما عارفين قيمة وقتهم وجهدهم
وبيهدروا امكانياتهم في جدل لا يودي ولا يجيب وبيتجيبوا للاستفزاز من ناس اصلا جايين للغرض دا
كلامي دا ما مدعاة للتعالي لكن الحوار لو مثمر وبيؤدي لنتائج ودي نادرة في هذا الموقع نخش فيه
أذروايس التجاهل ( رددها ثلاثا وأشار لمعارضة ###### السرة).
يعني هو التجني والدعاية المضادة للحزب والشيوعيين بدت امبارح ولا الليلة
ما اهو الحزب عايش . افنكر انو الناس توفر مجهوداتها ليكون البيان بالعمل.
مثلا راس نضيف ومعرفة زي العند بكري علوم دي مش اولى يستفيد منها الحزب في مجال الدراسات والبحث
بدل الكلام مع ناس اصلا جايين بقناعات مسبقة وساكين عليها بالضبة والمفتاح. , واخرين جايين عشان اهدار الجهود.
بكري دا مثال لاني عارفة امكانياتو .
وبعدين انت ظاتك يا خدر صوت وصورة ونباهة بدل تقعد تعافر في ناس الكلام معاهم ما جايب تمن حبر كيبورده ما تمشي
تجهز لينا اناشيد الثورة القربت ولو كره الماكافرون دي.
يا شباب نحن شايلينكم لعوزة.
بعدين حكاية الكيس المدور دي ما لذيذة كدا بيتطفشو مننا جيل اصبح فليه الرهان, تمباك وكمان تشحدوه من بعض, ياييي ايه الارف دا.
على كل حال ونستكم لذيذة زيكم.
كان قدرت بجي تاني كان ماقدرت العفو والعافية.
واحدة جاية متضهبة, لا لنا ولا اخرين ( لنا واخرين تتذكروا دي؟؟؟؟)
| |
|
|
|
|
|
|
|
|
|
Re: ونسة شيوعيين .. (Re: قيقراوي)
|
خدر ازيك ...
لاتوجد خصومه دايمه فى السياسيه توجد مصالح دايمه
نحتلف ونتفق فى رؤيتنا للاحزاب الاخرى ونتفق ونختلف على حسب الظروف
التى تتطلبها المرحله..
الان القضاء على السرطان الذى انهك البلد همنا الاوحد ..خلافات امجد ومحمد عادل
اقرب للخلافات الشخصيه لاتمثل رؤيه اى حزب ينتمون اليه
وناس المديدة الحارة والاغراض دخلوا ليذيدو من حد الخلاف والتشويش على التحالف
ولكن دون جدوى ..
تحياتى لكل المرور الفوق فردا فردا شيوعيين وحزب امه
| |
|
|
|
|
|
|
|
|
 Re: ونسة شيوعيين .. (Re: لدن جعفر)
|
لكل الزملاء تحياتي
ارفعوا اقلامكم عن الرفيقة نجاة محمود فانها تعشق الحزب حتي الثمالة
ولكن الزميل بكري علوم عامل ليها تشويش راداري
| |
|
|
|
|
|
|
|
|
 Re: ونسة شيوعيين .. (Re: خضر عبدالغفور)
|
البوست دا ناقص زول
Quote: لكل الزملاء تحياتي
ارفعوا اقلامكم عن الرفيقة نجاة محمود فانها تعشق الحزب حتي الثمالة
ولكن الزميل بكري علوم عامل ليها تشويش راداري |
تشلل الحزب ......... نظرية جدية
سلام خدر وسلام د نجاة
| |
|
|
|
|
|
|
|
|
|
Re: ونسة شيوعيين .. (Re: محمد مكى محمد)
|
حبيب البي
Quote:
الشوق بقدر المسافه يا قيقا
|
المسافة ذاتا كم؟
القدال - و معلوم بالضرورة انو : [ القدال ما لبس حرفو الكرفتا .. لكن انّق فيهو الفعل ]* قال فيما قال، وغنوها عقد الجلاد فيما غنوا مع [ الناس في بلدي يصنعون الحب ]** :
غتسنا بعيد مساااااااافة .. مسافة تبقى قدر مسالك الريدة
شفت كيف؟
الحال واقف يا صديق ..
محل ما خليتنا ذاتو.. مكانك سر!
مع انو دوام الحال من المحال ..
لكن برضو انت بس غيب و تعال تلقانا نحن يا نا نحن .. المافي شنو؟
--------
* خالد عباس
** شفت فخر صناعتنا الوطنية!؟ .. و الله العلم اتطور! .. بقوا يصنعوهو هو!؟
بت ال######## الشعيرية .. باكر يلايقوها عديل
| |
|
|
|
|
|
|
|
|
|
Re: ونسة شيوعيين .. (Re: لدن جعفر)
|
يا زملاء ممكن فرصة !؟
شكرا
الحركة بتاعت منسوبي الوطني في تشكيكهم في منسوبي تيار الديمقراطية في المنبر و محاولة دمغهم بصفات الامنجية او الغواصات او ..الخ , دي حركة منظمة جدا حسب متابعتي ليها و لابسه توب جديد كرب سادة و اصفر, يكتب بدرالدين اسحق متهما حمور زيادة مثلا و يأتي آخر و يدي النقارة عصا و ..الخ. الغرض خلق صوت عالي داخل و خارج سودانيزاونلاين و تضخيم الاشاعة حول احدهم عشان تساور الشكوك بقية افراد تنظيمو و يحصل الاحتقان ثم القطيعة بينو و بينهم و يكون منسوبي الوطني كسبوا تشوية صورة احدنا و عزلو من المعركة القائمة.
_____
والله يا خضر حسين عارفك خجلان و ما داير تجي عشان شكرتك , سمح باقي نضمي السمح فيك خليتو , تعال ياخ و ونس (:
| |
|
|
|
|
|
|
|
|
|
Re: ونسة شيوعيين .. (Re: د.نجاة محمود)
|
| Quote: الحركة بتاعت منسوبي الوطني في تشكيكهم في منسوبي تيار الديمقراطية في المنبر و محاولة دمغهم بصفات الامنجية |
والله بس الجزاء من نفس العمل
شابيكن اي زول امنجي وحرامي وكوز اسع لما بقت عليكم بقت حارة يا مولانا؟؟
يلا بالله شوف صغار بغاثكم ديل ودربوهم خلوهم يبقو ذي الجمهورين
عيني باردة عليهم يشهوا الزول يبقى جمهوري من شدة التهذيب ومراقبة الذات
تعريف يا خدر قاعدة لي 11 سنة بكتب ما يوم شوفتا زول قال انه عايز يبقى شيوعي
ولكن شوفتا عدد بقى جمهورين.. لانهم ناس محترمين..
النقد الذاتي يا مولانا واجب وطني واخلاقي..
| |
|
|
|
|
|
|
|
|
|
Re: ونسة شيوعيين .. (Re: د.نجاة محمود)
|
| Quote: اسع لما بقت عليكم بقت حارة يا مولانا؟؟ |
القال حارة منو اسه يا ستنا !!
ده تنوية, ما ننوه كمان يا دكتورة ؟
| Quote: النقد الذاتي يا مولانا واجب وطني واخلاقي.. |
افووو .. وانت قايلة شنو ؟ اسه ود النعيم ده ماخد صوت لوم زي الترتيب و الاجتماع لسه ما بدأ , ما شايفاهو صاري لينا كيف اسه (:
بالمناسبة يا نجاة بمناكفتك للشيوعيين جوة البوست ده ما حا تشوفي اي نقد ذاتي ولا اصوات لوم, الاصحاب لما يكونوا عاوزين ينتقدوا بعض يا نجاة بمشوا يقعدوا جنب البحر براهم و يتحاسبوا ما بقعدوا في نص الحلة, اسه نحن مشينا البحر نتلاوم , انت جبتي ناس الحلة و لحقتونا في بحرنا
المودة و التقدير العارفاهم ياستنا
| |
|
|
|
|
|
|
|
|
|
Re: ونسة شيوعيين .. (Re: abubakr salih)
|
كتب حمودي العسل
| Quote: ملمومين في الحرم إن شاء الله |
فرد بكور:
| Quote: ياخى لكن. انتا لا تموت لا تفوت من المنبر دا. |
___
يا بكور حمودي ده ما مضمون، أكيد في "ألف" سقطت سهواً، أعد قراءته بعد إضافة الألف؛)
| |
|
|
|
|
|
|
|
|
 Re: ونسة شيوعيين .. (Re: د.نجاة محمود)
|
بتفق مع سناء وبوجه بوستها لبكوري وخالد العبيد نحديداً
أما الزميل عاطف مكاوي حقو يسمع كلام سنا دا ويوعاهو جيداً
__________
أحلى من يونسك ونسة شيوعيين
محمد سليمان
| |
|
|
|
|
|
|
|
|
|
Re: ونسة شيوعيين .. (Re: خدر)
|
سلامات يا شيوعيه
عموما صحبتكم سمحه لأنو ناس بسيطين
عيبكم الكبير إغتيال الشخصيات معنويا و بتفجروا فى الخصومه
مشكلتكم إنكم إتجاه واحد و يا طريقكم يا البحر
الشيوعي كان بقى رأس مالى أختاهو طوالي لأنو بيشتغل بي مكنتين و ببقي برجوازى صعب شديد
الشيوعيه فى العموم أذكياء جددددددا
أفضلكم علي الإطلاق هم المنتمين للطبقة البرجوازيه و لكنهم شيوعيين بالفكره (بدون زعل عليكم الله و ده راى شخصى و الموضوع ونسه)
و زىما قالوا (قلنا ليكم دافعوا عنهم ما قلنا ليكم أبقوا فقرا) عبد الخالق ولا منو ما عارف القال الكلام ده؟
أى شيوعي كان لقي طريقه يبقي برجوازى ما بيابا
و بيني و بينكم الراحات سمحه و الله
سلام للجميع و خاص لصديقي خدر
| |
|
|
|
|
|
|
|
|
|
Re: ونسة شيوعيين .. (Re: ناصر البطل)
|
نفس الأجنده؟ انتو قايلين بعض الناس طفشو فوق هين؟
الاسمو بلاغات بتاع فلان لابس قميص بمبي و علانة شنطتا برجوازيه لسه في؟ (اتذكرتا تورتة صلاح الزين)
قيل:
الشيوعيه اصناف اصناف, صنف بعرس امو و صنف بعرس اختو و صنف الله ذاتو ما بعرفو ... أى صنف انت؟
و قيل في التصانيف أيضآ:
في الاتحاد السوفيتى "العظيم" تعطل قطار
ستالين أمر باعدام سائق القطار رميآ بالرصاص
خرتشوف أمر بارساله لمدرسة تأهيل ثقافي ماركسى
بريجنيف قال .. لنغمض اعيننا و نحلم أن القطار يسير!
و الغميضة الياها لحدى ما لحقو - و لحقنا معاهم - أمات طه!
العجيبه لسه في ناس مغمضه و حاسه بالقطر ماشي , له في خلقه شئون.
ما دام جابت محاسبات و جلد و عوارة , اصرفو 15 عضه و نص في راس أمجد و معاها 9 و ربع لبكرى .... شرطتو عين "الحِسب" معقول زى دى تمشي فيكم و تباروها كده؟ أمجد عرفنا مكنتو الحيجيبا - إيفا و كده - انت مالك يا بكرى ما قااااعد اباطك و النجم ( يا بكتاش زولنا البقول "الحِسب" مشترك و لا شنو؟ )
آخرون دى كبيرة كفاية؟ بتشيلنا كلنا؟
الونسة دى ما تطعموها بي حاجه خلونا نتفكفك شوية .... حليل سطوح ناس مجتبي ... كان فيها جند واحد و هو القلوب ... لو لحقت السطوح اتكلمت الشاف حزبكم اتفرقت ما كضب ...
الشباب الطلعو من المعتقل ... اتمنى يكون اخر اعتقال ... الاحترام و التقدير لبسالتهم و جسارتهم , يبقي الأمل أن تعود الحياة حياة عادية لبشر عاديين ,العمل السياسي يكون عادى زيو و زى حفلة عرس و لا ماشي الشغل و لا دافورى الحلة و لا ... و لا .... . لا يزيدك لا ينقصك الا بما تكونه أنت كانسان, و تكون مافي حاجة اسمها ونسة شيوعيين أو "أساسيين" , تكون الونسة ونسة و بس, ونسة لذيذة أو بايخة و لا فرق آخر.
شهوة لبلاد تطالب ابناءَها
باقل من الموت جيلا فجيلا
وفيها من الوقت وقتٌ نخصصه
للخطايا الحميمه والغلط الادمى البسيط
وزحزحةِ الافتراض البطوليِّ عنّا قليلا
فمسكينةٌ أُمَّةٌ حين تحتاج كلَّ البطولات من كلِّ أبنائها
وتعيش الحياةَ قتيلا قتيلاً
شهوةٌ لبلاد تقل الاناشيد فيها
وفيها نعود الى نمنمات احتياجاتنا العابرات
بلا خجل او ندم
| |
|
|
|
|
|
|
|
|
|
Re: ونسة شيوعيين .. (Re: esam gabralla)
|
حبوبتى بت ابو صفيه
لقت اولاد الحله داخلين فى الجنينه حقتا
وهاك يا سرقه
لا خلو منقه لا جوافه
قالت ليهم
مصيركم لما تكبروا تبقوا شيوعيه
ما دام اتعلمتوا على خفة الايد من هسه
*****
خدر
ناس الجبهة الديمقراطية يشاركوا معاكم ؟
| |
|
|
|
|
|
|
|
|
|
Re: ونسة شيوعيين .. (Re: esam gabralla)
|
قبل ما أقرأ كل المداخلات ....... هاكم دى :
قبل عدة سنوات أنجز التحالف الديمقراطي بولاية كلورادو الأمريكية مهرجانا ثقافيا
وقد دعونا فيه زملاء من خارج الولاية وعبر البحار .... أذكر منهم صدقي كبلو
صلاح الزين .. عبداللطيف علي الفكي ... أسامة الخواض ... صلاح أبوجبر
.... الموصلي ... الفنان عبدالهادى عثمان ...وكورال التحالف الديمقراطي بواشنطون الكبرى وآخرون
المهم :
عملنا جلسة نهارية خاصة بالشيوعيين والديمقراطيين والضيوف ... كانت علي جزئين
الجزء الأول محاضرة قدمها صدقي كبلو عن التحالف بين الديمقراطيين والشيوعيين والجزء الثاني
طلبنا من الضيوف أن يقولوا أى شئ ....
من ضمن ما قاله صلاح الزين :
قال وأنا عضو بالجبهة الديمقراطية بجامعة الخرطوم .... وفي مرة من المرات انتحي به (لا أذكر اسمه الآن) جانبا
وطلب من أن يُقدم طلب عضوية للحزب الشيوعي .... قال استغربت جدا لهذا الطلب الغريب ... وبعد ما نزلت يديني من رأسي
من الدهشة ....... سألته السؤال التالي:
يعني أنا الزمن ده كلو ما عضو في الحزب الشيوعي؟
وطبعا قطع مصارينا من الضحك بحكاوى أخرى تعرفونها.
من ضمن ما قاله أسامة الخواض :
قال السبب الوحيد الخلاه يقدم استقالته من الحزب الشيوعي .... هو (جند أُخرى)
لأن هذا الجند في الغالب بياخد ساعتين نقاش.
| |
|
|
|
|
|
|
|
|
|
Re: ونسة شيوعيين .. (Re: عاطف مكاوى)
|
Quote: خدر سلامات
بمشى اشرب شاى احمر وسيجارة من نفس اللون
وبجى اتابع الونسة دى بمزاج. |
لووووول غايتو دي حصرية يا شاكر
لكن بإعتبارا ونسة ناس يقولون إنهم ما عندهم دين وملاحدة نعتبرا جايزة في إطار الزمالة
غايتو يا قول ود الصايم جلسة في الحرم لوووووول
غايتو يا خدر كده بتجيب لينا ضقلا يكركب كركبةً شديدةً
لكن بيني وبينك ونسة شيوعيين مباااالغة
ما مفروض أوصل ليك رأي صديقي الشايف إنها إنطباعية
عشان وعدتو وكده
| |
|
|
|
|
|
|
|
|
|
Re: ونسة شيوعيين .. (Re: عاطف مكاوى)
|
سلامات يا خدر اخرين بتاعت عمك دى انا ما بعرفها لكن بعرف اخرين بتاعت نعمات كوكو
تبادل؟؟؟؟
اها اتونسو و نحن بنتصنت ليكم وكان فى عصره بنعصركم
والله زمان يا عصام جبرالله صاحبك و صفوه عباس ماشين هسه دى لام الحسن وانا المسكينة دى المرض ما خلانى
شفت الكج ده كيف؟؟
هسه راحت على زرة يد سااااكت ومعاها هوزيزه اااااخ
| |
|
|
|
|
|
|
|
|
|
Re: ونسة شيوعيين .. (Re: esam gabralla)
|
محمد عبد الرحمن ... مش لك السلام و بس, بل لك السلام و القــيام معاً ...شفت الناس مقامات كيف ؟
يا سيدى لو انك قرأت الوثيقه المسماة باصلاح الخطأ فى العمل وسط الجماهير لوجدت انها قد إجتهدت فى توضيح الشعره الفاصله بين التـواضع و الوضــاعه, حض عبد الخالق على الأولى و ذم الأخيره.
ولنا فى مسلكه الشخصى كما ورد فى سيرته أسوة حسنه (رضى الشعب عنه و ارضاه)
| |
|
|
|
|
|
|
|
|
|
Re: ونسة شيوعيين .. (Re: Mohamed Elnaem)
|
اب تفة
Quote:
يا بكور حمودي ده ما مضمون، أكيد في "ألف" سقطت سهواً، أعد قراءته بعد إضافة الألف؛
|
لووووووول ما قالوا كفار .. تاني شنو؟
لا الف بفرق لا مليون عديل ذاتو؟
-------
و الله حمودي طلع ما هين!
اها قلبنا ليها السفنجة و غزينا فيها شوكة
| |
|
|
|
|
|
|
|
|
|
Re: ونسة شيوعيين .. (Re: خدر)
|
| Quote: انا لا اسمي مكتوب ولا جيت مع اخرين!!!! |
يا سناء الصباغ اكيد جيتى مع اخرين لطالما كتبت
Quote: أول حاجة أنا زعلانة من زملاء كتيرين هنا لأنهم ما عارفين قيمة وقتهم وجهدهم
وبيهدروا امكانياتهم في جدل لا يودي ولا يجيب وبيتجيبوا للاستفزاز من ناس اصلا جايين للغرض دا
كلامي دا ما مدعاة للتعالي لكن الحوار لو مثمر وبيؤدي لنتائج ودي نادرة في هذا الموقع نخش فيه |
لانو دا جوهر قول المدعوين تحت مسمى ( آخرين) .
| |
|
|
|
|
|
|
|
|
|
Re: ونسة شيوعيين .. (Re: Mohamed Elnaem)
|
اوووووووووووووه اوسلي
وينك يا ود العم البطن منه ما بتنطم
اسنع بالله احكي للناس ديل قصة حبوبة لما جيت مع ناس القافلة
ديك ونسيت ما جبتا ليها حاجة من البندر وزعلتها..
| |
|
|
|
|
|
|
|
|
|
Re: ونسة شيوعيين .. (Re: حمور زيادة)
|
و الله الحمد لله في بوست خدر و فى ملاحظات العزيزة سناء الصبّاغ دي، اصلا عندي رغبة الايامات دي ان أسفر عن وجه الباحث الاكاديمي فى بنفسي و أكتب عن الشيوعية الفلسفة نصيرة الفقراء.
| |
|
|
|
|
|
|
|
|
|
Re: ونسة شيوعيين .. (Re: abubakr salih)
|
Quote: .
و الله الحمد لله في بوست خدر و فى ملاحظات العزيزة سناء الصبّاغ دي، اصلا عندي رغبة الايامات دي ان أسفر عن وجه الباحث الاكاديمي فى بنفسي و أكتب عن الشيوعية الفلسفة نصيرة الفقراء. |
قرقرقررقرررقر
مركب مكنة محمد حسبو
ولكن وين الثريا من الثرى
حتى صيغة الكلام فطيرة وما عندها معنى,,
لو روزماري دا شيوعي بالجد وما لبط كما ذكر لي شيوعي مخضرم المفروض الحزب يسحيه
ويكتر لينا من حسبو وكوستي ومعتز شم
عشان ننضم ليه ..
| |
|
|
|
|
|
|
|
|
|
Re: ونسة شيوعيين .. (Re: خضر حسين خليل)
|
يا بكور
قلت لي عندك مبحث ؟ أبحثو وصابروا وثابروا ثم تذكر دوماً إنو : البتجي من السما بتتلقاها الواطة
ومرات مرات البتجي من الواطة بتتلقاها السما برضو
| |
|
|
|
|
|
|
|
|
|
Re: ونسة شيوعيين .. (Re: خضر حسين خليل)
|
| Quote: بعدين ياسر طيفور دا مافي زول قادر يجيب طلبه ولا شنو? مكاواته دي فيها ريدة شديدة خلاس. |
يا بدرنا ريدة شنو؟
إنت ما سمعت الحديث القائل: يُحشر المرء مع من أحبّ؟
داير تحشرني مع خدر وخضر وبكري وأمجد؟
لا بأس من أن أحشّر مع إبي ساندرا، لأنه أمّ الناس ببيت الفنون ؛)
___
وبالمناسبة، نصيحة من حادِب ومريد ؛) البوست ده أدخلوهوا واحد واحد، عشان ما يجي واحد يفجركم، الدنيا ما معروفة، والنت سرو باتع؛)
| |
|
|
|
|
|
|
|
|
|
Re: ونسة شيوعيين .. (Re: Yassir Tayfour)
|
Quote: البتجي من السما بتتلقاها الواطة
ومرات مرات البتجي من الواطة بتتلقاها السما برضو |
الله يلزمنا الصبر يا زميل و الله بقينا فى محنة عظيمة. الثقلاء ديل حتى في بوستات الونسة ما برحموها.
| |
|
|
|
|
|
|
|
|
 Re: ونسة شيوعيين .. (Re: خضر حسين خليل)
|
Quote: أنا عايز أقدم إقتراح مضاد
منتظر مثني وثلاث ورباع وخماس |
تثنية يا خدر سيد الإسم (ما خدر بتاع الإسم الحركي )
ـــ
تحية يا شباب ، وشوفوا الجند الاقترحو الزميل بدر الدين دا
...
في ناس اساسيين في الفرع دا ما شايفم :)
| |
|
|
|
|
|
|
|
|
|
Re: ونسة شيوعيين .. (Re: عبد القادر محمد)
|
سلا يا خدر انت وضيوفك
انا والله جابتني مداخلة ياسر طيفور دي
| Quote: يا بكور حمودي ده ما مضمون، أكيد في "ألف" سقطت سهواً، أعد قراءته بعد إضافة الألف؛) |
لووووووووووووووووووول والله يا ياسر قريتها بعدإضافة الالف وضحكت زي المجنونة
اضحك الله سنك
| |
|
|
|
|
|
|
|
|
|
Re: ونسة شيوعيين .. (Re: Yassir Tayfour)
|
فرصة يا زوز
على حس وثيقة مرتضى اعلاه و على حس ذكر الحركة الشعبية و ما يمكن ان يتلوه من ذكر للحركات التانية
سين سوال :
هل نحارب بالاسلحة الخاطئة في الحرب الخاطئة يا زملاء
يعني الصراع في دائرة التقسيم الموجود بالاساس على الساحة السياسية الان، و الذي تستطيع فيه قوى اليمين او بالاصح قوى التخلف الاجتماعي دي كلها تقديم المسج بتاعتها بصورة جاذبة و و بتجيب دخل في سوق الله اكبر السياسي دا (الانتباهة - اسحق احمد فضل الله - الهندي عز الدين نماذج) ، دي ادوات بتقدر تستلب المواطن السوداني و تأثر على تكوين اتجاهات رأيو السياسي دا بانها تبسط الخطاب السياسي بصورة مخلة .. تترجمو في اشكال بدائية زي عرب - زنوج ، مسلمين - كفار - عرب - غرابة ، بنات ناس - ما بنات ناس ( و دا ابداع جديد في الخطاب السياسي الرسميشعبي للجبهة الاسلامية ) .. الخ الي اخر الثنائيات الممكن اي واحد فيكم لو قعد عشرة دقايق مع روحو يطلع مليون مثال ليها. الخطاب اياً كان رأينا فيهو و كيف انو بيحول الانسان من كائن معقد و بتأثر على تفكيرو عوامل متداخلة و متعددة الي تفكير احادي العامل بسيط و مخل هو خطاب قادر يوصل و يدخل عقول الناس و يأثر عليهم و على طريقة تفكيرهم و اختيارتهم السياسية البتكون مكونة من العوامل المتعددة التانية البيلغيها خطاب اليمين دا.
بالجانب التاني نسبة لظروف سياسية كتير و وضع اجتماعي و سياسي معقد، الجبهة التقديمية في المجتمع كلها ما قدرت تترجم الخطاب التقدمي بتاعها لمسج قادرة للوصول للجماهير. في حين المسج اليساري دا الحاجة الوحيدة البتميزهو انو خطاب حقوق. مفترض نظرياً اذا بيتقال الكلام بتاعو عديل و بدون حسابات تانية انو يكون اقرب لافهام الناس و اتجاه اراءهم. لكن المشكلة انو (حزبنا العظيم دا و من لف لفه من قبائل اليسار) قررو انو يخوض معارك تانية غير معارك الحقوق دي حالياً ، فبالتالي خطابو هنا مرهون بشروط و واقع هو ما قادر ينتج فيهو خطاب متوازن و صلب و بيوصل مثال مثلاً( موضوع المهمشين) ،السكوت الضمني لخطاب اليسار عن خطأ التحول المزمن لقضية التهميش الاجتماعي و الاقتصادي لقضية بتاعة جهويات و ethnicity.
السكوت الضمني هو معناها قبولنا الضمني لأننا نخوض المعركة السياسية على اساس الجهوي دا ، و دا ملعب خطاب الجبهة الاسلامية بيكسب فيهو لأنو بيبسطها بصورة مخلة و مقصودة و اقرب للفهم البدائي في عقول الناس ( نحن عرب و ديك زرقة و على هذا الاساس ) .. دا فهم بيمشي في المجتمع ، اها نحن هنا دورنا ( ما كحزب بس كتقدميين جميعاً) نوافق على الخطاب و نقيف في الخندق الضد الحكومة بس لأنو الحكومة دي اصلاً كعبة و بالمناسبة الحلول البتقدم فيها الحكومة بتاعة الحل بالقطاعي و انو يدو كل زول كوم دي بتحل القضية بالمفهوم بتاعهم و انتصار الخطاب دا اصلاً غرضو انو يحل القضايا دي بالصورة و يحتفظوا لروحهم باكبر قدر من الكعكة
ولا نرجع الصراع دا لساحتو الحقيقية و نعدل الفهم بتاع (شماليين و زرقة) في ريسين الناس بتقديم خطاب مغاير مقنع. بانو لأ لا الشمال هومجينيس لا الزرقة هومجينيس. هنا في ناس كويسين و ناس كعبين ، و هناك في ناس كويسيين و ناس كعبين و في كل الطرفين في مستغلين و مستغليين الخ الخ الخ الي باقي الصورة الممكن تكونو متفقين معاي فيها
و دا ما بيلغي انو في اصلا قضية بتاعة هوية في السودان ، لكن حلها اصلاً ما حيكون بتقسيم الكيمان و كلو زول بكومو بديلاً لخلق دولة مواطنة حقيقية فيها حقوق و واجبات و مساوة و على قاعدة عقد اجتماعي متكافئ.
المهم نقة كدا
انتو رأيكم شنو ؟؟!
| |
|
|
|
|
|
|
|
|
 Re: ونسة شيوعيين .. (Re: Amjed)
|
Quote: ليعيد قراءة ورقة الاستاذ عبدالخالق محجوب (اصلاح الخطأ فى
العمل بين الجماهير |
هههههههه. لو ما عندك الوثيقة نجيبا ليك من الصحفي الجديد في الميدان
| |
|
|
|
|
|
|
|
|
|
Re: ونسة شيوعيين .. (Re: HASSAN HAYDAR)
|
Quote: Quote: ليعيد قراءة ورقة الاستاذ عبدالخالق محجوب (اصلاح الخطأ فى
العمل بين الجماهير
هههههههه. لو ما عندك الوثيقة نجيبا ليك من الصحفي الجديد في الميدان |
يا د. محمد النعيم الكلام ليك
خضر يا فنان الله يعطيك العافية سلام
حسن حيدر
| |
|
|
|
|
|
|
| |
خدر
Amjed
خالد العبيد
محمد مكى محمد
BAKTASH
محمد هشام
Yassir Tayfour
Mohamed Elnaem
Shaker Hamid
بدر الدين احمد موسى
محمد يوسف الزين
محمد عبد الماجد الصايم
أبو ساندرا
Asim Fageary
بخاري عثمان الامين
زهير الزناتي
محمد عبدالرحمن
خضر حسين خليل
أبو عبيدة البصاص
معاوية عبيد الصائم
قيقراوي
Mohammed Awad
سناء الصباغ
خضر عبدالغفور
الفاتح سليمان
abubakr salih
Rawia
ناصر البطل
osly2
عاطف مكاوى
حبيب نورة
Siham Elmugammar
حمور زيادة
غادة مكى محمد
Afifi Mahamed
عبد القادر محمد
ساميه حامد
احمد محمد بشير
فيس بوك
تويتر
انستقرام
يوتيوب
بنتيريست