|
|
|
 Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
عبدالمجيد الكونت
سؤالي لمحمد عادل ما زال قائم وما تشملو في دفاع (الشيوعيين و الشيوعيات) عن أمجد
أنا (اقطأ دراعي)! لو محمد عادل هو الكتب صدر البوست ده...
Quote: محمد عادل قال لي امجد كلام ما صحيح وانا اول زول قال ليه موقفك ده ما صحيح يا محمد
يبقى في داعي الناس تنصب ليها مشنقة هنا |
بعدين انا ما فهمت لومك لينا هنا من باب شنو؟
انت شايف انو نصرتك لمحمد عادل بتكون بمهاجمة من هاجموه؟
حتقول انا اول من ادنت، طيب احنا جينا ندين برضو ولا ادانتك بتسقطها عن الآخرين؟
في نصاب شرعي للادانة يا اخوانا؟
نوّرونا علشان نلحق بدري بدري المرة الجاية و ما نكون من ناصبي المشانق! Quote: كل الناس الجات تكتب هنا في الموضوع ده ما قبل اسبوع واحد جاء عاطف مكاوي شايل ليه اتفاق مكتوب من داخل جهاز الامن والناس دي كلها قرت
البوست ليه ما جو هناك وقال لي عاطف ياخي موقفك ده ما صحيح زي ما عملنا نحن مع محمد عادل |
اللوامة دي بقت منفستو الحزب ولا شنو؟  Quote: في ناس بتفتكر روحها وصية على الاخرين في المنبر وفي البلد دي كلها وده شي يخصهم هم لكن ما علي حزب الامة ولا علي واحد من عضوية
حزب الامة ولحدي هنا المفروض الموضوع ده يقيف وعشان ما نضارى راسنا بي الثورة وضرورة المرحلة والكلام الكتير هنا ياخليل الناس الجات كلها هنا
اما شيوعين واما اصدقاء شيوعيين عشان كده الموضوع يستحق يترد عليه ويقيف لحدي هنا وبس |
يعني عضو حزب الأمة عندو حصانة من النقد ولا شنو؟ الحاصل هنا ما وصاية يا كونت .. أفرز .. الوصاية هي أبعد صفة عما يحدث هنا
هنا ادانة لبذل محمد عادل اتهامات مجانية وبدون دعوة و كمان معاها شتارة ... عاين اول كلميتن كتبهم في البوست و الله تخجل ليهو
وبعدين انت مشكلتك انو الادانو يا شيوعين يا اصدقاء للشيوعين؟ يعني لو اتحادين ما كنت اتحسست؟
بس اصدقاء شيوعين دي جديدة لنج! طيب انا "دبل ايجنت" صديقة للشيوعين و صديقة لحزب الأمة،
حيثياتي بتكون شكلها كيف في المأزق ده؟ وحترد علي كيفن؟ و الأهم ... حتوقفني كيف؟
وتوقفني انا او أي زول صديق شيوعين ولا شيوعي ولا مؤلفة قلوبهم على اي اساس؟
محمد ده موش غلطان؟ وتيب؟ شايفو اعتذر واحنا اتلحناهو؟
دي موش ياها الوصاية وفرض الرأي وقمع الآخر؟
ادانة محمد عادل ما من باب الوصاية على حزب الأمة، انا شخصيا فارزاهو من الحزب وفي الموقف ده ما بيمثل إلا نفسه
بس ما دام انت حابب تقحم حزب الأمة ، فا ياريت تشوفوا ليكم اجراء مناصحة لمحمد عادل علشان يراجع مواقفو
البتنعكس على صورة الحزب (حسب رأيك) و بتبقي الحكاية هلال مريخ ما (موقف \شخص) قصاد (موقف\شخص)
أو فترا محمد عادل مواصل في توزيع الاتهامات ، و ترانا مواصلين في الادانة أو نصب المشانق زي ما بتقول
ابشرك ... المشنقة التانية حتكون في كلامو لحمور زيادة بأنو بيعرض رواياته في السفارة، ودي فرية وغتيال شخصية
بالدرب عديل..
أها ... انا وحمور بنلعب في فريق المستقلين اللا منتمين لأي حزب سياسي ...
حتختني في كرتونة شكلها كيف؟ صديقة الروائين ولا صديقة البيئة؟
كدي ورينا الادانة شكلها مفروض يكون كيف بدون ما يتفهم وصاية ولا مشنقة؟!
يا عبد المجيد الكونت، محمد عادل "بيــبالغ"
فبالله ما تفطو في اللوم الجد جد وتقبل علينا!
| |
  
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: عزاز شامي)
|
يا عبد المجيد الكونت ياخ انت لو جديد أو ما بتعرف نهال أسأل ودالعمدة أو لنا
عشان تقدر تحسب المسافة البينها وبين الحزب الشيوعي ..وما أظن أن لعزاز أي علاقة
إنتماء للحزب الشيوعي لكن يتألم البورداب لأي موقف محسوب لصالح النظام حتي لو أتي
ممن أشدنا كلنا ببطولاته وسهرنا الليل نتألم لألمه
يا ود العمدة شغل التشكيك في وقت ذي دا مفروض كلنا نتصدي ليه حتي لو حصل بحسن نية
مرة في بوست عن فساد وكيل وزارة الصحة وصفني أحدهم ينسب نفسه للحزب الاتحادي ويدافع
عن رجالات النظام بأنني الشيوعي أمجد فريد فقط لتشابه الأسماء والمهن
ما مهم انت بتنتمي لمنو المهم إتساق مواقفك دائماً مع صفتك
معارضاً كنت أو ممالئاً
ألهم ثبت قلوبنا علي كره "الفاشست"
| |
|
|
|
|
|
|
| |
الزبير صالح الزبير
Sinnary
فيس بوك
تويتر
انستقرام
يوتيوب
بنتيريست