|
|
 انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى
|
اها يا امجودى يافرودى دا العاوزو
اها تعال نديك القصه الحقيقيه
مشيت ركبت البوكس قدام مجلس الوزراء وقعدت اهظر مع العساكر فى البوكس
وفى يوم 30 مشيت رسلت واحد من اولاد الحله يدق باب بيتنا ويجيب ليهو بوكس من ناس حلايب ويقول لناس البيت محمد وين
نحنا اصحابو عاوزنو فى موضوع
وبعد مالمظاهره انتهت مشئيت لى ناس الامن قلت ليهم اقبضونى عشان نجمى يسطع
شفت كيف يا امجودى
وتعال اديك سر
بكيت فى المعتقل وضربت الجرسه قلت ليهم فكونى وحكون ليكم عميل
دا للمناضل الجسور زعيم المناضلين الدكتور امجد فريد المامعروف شيوعى ولا حركه شعبية ولا امنجى
اما للاخوه اللاحباب الذين وضعو صورى وتضامنو معى اشكركم جميعا جزيل الشكر
وانا لمن خرجت للشئ دا عارف نفسى ممكن انضرب وممكن اعتقل وماطلع وممكن اطلع وممكن اموت
وانا ماطلع لى رئا او شوفونى وفى زول قال لى اطلع طلعت من تلقاء نفسى
اشكركم جميعا واتمنى لو حصل لى شئ ماتضعو صورى
|
|
  
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
يا محمد عادل أو من "يستكتب"
أولاً: لم تُطلب افادتك بحقيقة أمجد فريد من الاساس ، وأدليت بوقل كاذب
وانت عارف انو أمجد فريد ما أمنجي واختانا من مجانية الاتهامات
لأنو لو فتحنا الباب ده سيُــقد قميصك من قبل.
ثانيا: انت اختلقت الخلاف والآن مسبباتك غير مقنعة لوصفك لأمجد بالأمنجي،
أمجد فريد لم يشتط يوماً في خلافه مع حزب الامة وله أصدقاء منهم.
ثالثاً: موقف أي فرد منا من حزب الأمة بالاختلاف أو الاتفاق ليس مقياس مدى "امنجيتنا"
بالمناسبة القياس بيكون بمدى قربك للمؤتمر الوطني وتزويده بالمعلومات الأمنية
و المقياس في محلو ما غيروهو ...ولولا حرصنا على علاقتنا مع اخوة في حزب الأمة
لأسهبت و اسمعتك مالا ترضاه في الوصف الحقيقي لـ ركوب السرجين !!
رابعا: ما وريتني الكتب ليك البوست ده منو؟
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
الاستاذ نزار ...
سلامات
انا لا اتحدث نيابة عن أحد،
كلامي هنا رد على كلام اطلقه محمد عادل بلا حساب
معاك حق كلامنا يبدو خارج السياق
بس نعمل شنو كان البوست ده منبثق عن بوست أخر هو زاتو منبثق من بوست آخر
لو زمنك يسمح تتبع الخيط و اقرا و احكم إن اردت ،
Quote: يا نزار عهدتك حكيم .....عزاز تعبر عن وجهة نظرها فيما يكتبه محمد عادل وليست نيابة عن او وصاية من ..
امجد فريد دا اسى نعرفو ليك كيف شان نثبت انو موجود ..?
ماسمعت بامجد فريد او ماقريت ليه دا مابنفى انو عضو بالبورد
اتمنى ردى يكون فى محلو واذا فى اى ميس اندرستانديق انا بعتذر قبل شئ
تحياتى واحترامى |
شكرا يا "الاميرة"
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
| Quote: اما للاخوه اللاحباب الذين وضعو صورى وتضامنو معى اشكركم جميعا جزيل الشكر |
تشكرهم بانك تكون قدر المسؤولية
لكن اسلوبك الكاتب بيه البوست حيندم الناس على التضامن معك
ايه يا امجودى ويا فرودى دة اسلوب نضال ولا اسلوب المرحلة دى
ولاممكن يجى من شباب بنعول عليهم فى فعل التغيير
حتى لو عايز تعرى امجد حتى لو بالكذب هناك طرق تشبه المناضلين
وتشبة العاملين فى العمل العام والحاملين هموم البلد
ما فاضل ليك الا تلعب شليل ولا كمبلت قدر ما بقولو شباب البلد فارغ
نحن نقول لا فيها شباب اكالين نار وواعين تجو بى انفعالاتكم تحبطونا .
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: Hussein Mallasi)
|
Quote: شوفو قوة عين الكوز المسلمي
جايب الاقتباس دا لي محمد عادل
Quote:
المعتقل انضربت فيهو واتعذبت فيهو واتزليت فيهو واتعالجت فيهو وطلعت منو
شفت يا محمد عادل منو الفرحان بي كلامك عن امجد
للاسف الزول العندو ايد في تعذيبك واعتقالك
الزول البعرف الحصل ليك وما ادانو ولا حيدينو
مؤسف جدا |
شوف يا عاطف عبدون انا رديت عليك هناك فمافي داعي تنقل ردك لهنا ..يلا ده ردي عليك بكرره ..
Quote:
الاخ عاطف عابدون ما اسهل الاتهامات وما اسهل الحديث بغير الحق ..
اوردت حديثك الذي اقتبسته لك عن محمد المسلمي وهو حديث بالذي ينعق بما لا يعرف ..
اليس هذا محمد عادل الذي نعرفه جيدا اكثر منك ومن غيرك ..اليس هو الذي اعلن عن صفحات هذا المنبر بانه علي استعداد ليكون
بوعزيزي السودان ونحن اصدقائه نعلم بانه صادق وان قال فعل ..
محمد عادل فقط كفر بمناضلي الكيبورد في الداخل والخارج وتعب من زيفهم وخطل ما يدعون له .
وكلنا لاحظنا ان المسيرة السابقة التي اعتقل فيها ان من دعا للخروج فيها- من مناضلي الداخل - كانوا يفوقون المئتين والذين خرجوا بالفعل حسب رواية اخونا عمر عشاري كانوا دون المئة وشكرا
|
______________
تحياتي للجميع
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: عاطف عبدون)
|
Quote: محمد
البوست دة كله كله ما موفق
والتشكيك في أمجد ما شغل كويس
خلونا في الهم الكبير الجاثم على البلد يا حبيب
تشكراتي مقدماً لك |
يا اميرة اليوم اتفاجاة الصباح بالحملة الكبيرة السايقنها الزملاء ضد الحبيب محمد عادل , ما فهمته ان هنالك مشكلة بين امجد ومحمد من واجبنا ان نعمل علي اصلاح ما بين الاخوين محمد وامجد لا ان نخطي طرف ضد الاخر
لكن ما يدهشني حقا هو الاصطفاف الشيوعي خلف الزميل امجد بهدف نصرته فقط لان محمد عادل وصفه بالامنجي مع ان هذه التهمة اكثر من يتهم بها الاخرون هم الزملاء انفسهم
منذ زمن اصطف كل الاخوة الزملاء باتهامي بانني امنجي وجميعهم يعلمون جيدا ان هذه التهمة غير صحيحة لكن من باب التشفي والكيد السياسي ليس الا اوغلوا في الاتهام
انا لن اتوقع ان تكون هذه الحملة ضد محمد عادل بسبب اتهامه لامجد بانه امنجي ابدا
محمد عادل ومنذ زمن طويل يتعرض لحملات اغتيال منتظمة في البورد صحيح انه لا يستطيع ان يعبر عن نفسه جيدا لكنه صنديد لا يشق له غبار ...
ما لم ينجح فيه النظام لن ينجح فيه الزملاء الشيوعيين بكل تاكيد وبدلا من توسيع الشقة بين الاخوين محمد وامجد يجب ان يعمل الزملاء لحل الاشكال بينهم ان فعلا وحقا ان المشكلة هي الاتهام بالامنجية
لكن ان كان وراء الامر ابعاد اخرى فمحمد ليس وحده وليعلم الجميع ذلك ....
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد حسن العمدة)
|
Quote:
يا اميرة اليوم اتفاجاة الصباح بالحملة الكبيرة السايقنها الزملاء ضد الحبيب محمد عادل , ما فهمته ان هنالك مشكلة بين امجد ومحمد من واجبنا ان نعمل علي اصلاح ما بين الاخوين محمد وامجد لا ان نخطي طرف ضد الاخر
لكن ما يدهشني حقا هو الاصطفاف الشيوعي خلف الزميل امجد بهدف نصرته فقط لان محمد عادل وصفه بالامنجي مع ان هذه التهمة اكثر من يتهم بها الاخرون هم الزملاء انفسهم
منذ زمن اصطف كل الاخوة الزملاء باتهامي بانني امنجي وجميعهم يعلمون جيدا ان هذه التهمة غير صحيحة لكن من باب التشفي والكيد السياسي ليس الا اوغلوا في الاتهام
انا لن اتوقع ان تكون هذه الحملة ضد محمد عادل بسبب اتهامه لامجد بانه امنجي ابدا
محمد عادل ومنذ زمن طويل يتعرض لحملات اغتيال منتظمة في البورد صحيح انه لا يستطيع ان يعبر عن نفسه جيدا لكنه صنديد لا يشق له غبار ...
ما لم ينجح فيه النظام لن ينجح فيه الزملاء الشيوعيين بكل تاكيد وبدلا من توسيع الشقة بين الاخوين محمد وامجد يجب ان يعمل الزملاء لحل الاشكال بينهم ان فعلا وحقا ان المشكلة هي الاتهام بالامنجية
لكن ان كان وراء الامر ابعاد اخرى فمحمد ليس وحده وليعلم الجميع ذلك .... |
بس لانه طلع قدر كلامه ومشى المظاهرات وتم اعنقاله..
وفي ناس هنا بس شغالة حراشة
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: خضر حسين خليل)
|
Quote: وياخ لا يجولن بخاطرك البتة محاولة أحدهم لإغتيال شخصية الحبيب محمدعادل
لأسباب كثيرة خالص خالص ، وعبجني ليك الحتة بتاعت |
سلام خليل
محمد عادل أختلف مع امجد وحقيقة لا اعرف بداية الخلاف بينهم ولكن حين عرفت كنت اول المتداخلين مناصحا الحبيب محمد عادل وموضحا له أنه اخطأ في نفس البوست رغم انه كان بامكاني مناصحة الحبيب محمد عادل عبر طريقة اخرى غير البورد ولكن لكي نكون حقاني وما توقعته مثلي ومثل ود العمدة واخرين ان الامر لا يستحق وسحابة صيف بين اثنين سوف تمر عاجلا او اجلا ولكن من الامس وحتى الأن تفرغ كل شيوعيين المنبر وشيويعيات المنبر لمحمد عادل وما قاله في امجد فريد وما فعله محمد عادل وحسن النية في هذه الأمور يجعل من يتعامل معه ساذجا فأنظر ماذا كتبوه حول محمد عادل في خلال 24 ساعة فقط
دي أول مداخلة لي في الموضوع بين أمجد ومحمد عادل والتي تغافل عنها امجد وبقية الذين تداخلوا في البوست وكانهم ينتظرون خطأ محمد عادل لينصبوا له المشانق Quote: سلام
الحبيب محمد عادل تحياتي
دكتور امجد فريد صديق عزيز لي وبيننا اصدقاء مشتركين كثر من الاحباب وغير الاحباب ورجل له مواقفه التي نتفق ونختلف حولها
اتمنى الا تنجر وراء هذا الكلام الذي اصبح سلعة في سودانيز هذه الايام والذي يسلكونه لا يعرفون للنضال معنى فلا تكن منهم ياحبيب |
وشوف الناس الجات تدافع عن امجد كتبت شنو
شماشي Quote: والله يامحمد عادل أنا من يومي السمعت إنو اعتقلوك عارفك حتجي لينا سافوتة في راسنا.
أنا اقترح أن تجي الدكتورة شايلا الكشف بتاعا ومحمد عادل يجي شايل كاميرتو قبل خروج كل مظاهرة. على أن يقوم ملس بالمونتاج |
عاطف عابدون Quote: يا محمد عادل
ما تفتكر انو فايت علينا
التغير الحصل ليك بعد ما طلعت من الاعتقال
من ما قالو ليك احكي لينا حصل شنو وقعدت تتزاوغ
قلت مرحبا ببقال جديد |
د.شيراز Quote: ذكرتنى بفلان الذى كان يخرج فى كل المظاهرات ...
حانت منى التفاتة فى ساعة تعالى الهتاف فى مظاهرات " ماجدولين لن تلين"
فوجدته بجانبي مباشرة يمشي مرة ويجرى مرة موافقا خطوته مع خطوتى...
استغربت لجزء من الثانية ثم ناولته إيشاربي الصغير المبلل حماية من البنبان...
تناوله...بسكاااات...
..وكان أن اعتقلنا فى ذات اليوم....ووجدته هناك يشير الى ضباط الأمن إلى الواقفين على الحائط ..
تتهاوى على أجسادهم خراطيش الحقد السوداء..." دى شيوعية...وده اتحادى...وده حنكوش..."
...اها..ده واحد طلع كللل المظاهرات يا عزان...شايف كيف؟؟؟نقول عليه مناضل يعنى واللا شنو؟؟ |
محمد عبدالجليل | Quote: جائز يكون محمد عادل فرع موقف شندي!!؟البمنع شنو؟؟ |
عزاز شامي Quote: الكتب ليك البوست ده منو يا محمد عادل؟
وسؤالي ده جادي تماما..!! |
محمد عادل قال لي امجد كلام ما صحيح وانا اول زول قال ليه موقفك ده ما صحيح يا محمد يبقى في داعي الناس تنصب ليها مشنقة هنا
كل الناس الجات تكتب هنا في الموضوع ده ما قبل اسبوع واحد جاء عاطف مكاوي شايل ليه اتفاق مكتوب من داخل جهاز الامن والناس دي كلها قرت البوست ليه ما جو هناك وقال لي عاطف ياخي موقفك ده ما صحيح زي ما عملنا نحن مع محمد عادل
في ناس بتفتكر روحها وصية على الاخرين في المنبر وفي البلد دي كلها وده شي يخصهم هم لكن ما علي حزب الامة ولا علي واحد من عضوية حزب الامة ولحدي هنا المفروض الموضوع ده يقيف وعشان ما نضارى راسنا بي الثورة وضرورة المرحلة والكلام الكتير هنا ياخليل الناس الجات كلها هنا اما شيوعين واما اصدقاء شيوعيين عشان كده الموضوع يستحق يترد عليه ويقيف لحدي هنا وبس
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: نهال كرار)
|
Quote: يا مناضلنا الكبير محمد جيفارا
والله ناس الأمن الإعتقلوك ديل ماعندهم شغلة
ماظني يكرروها, لأنهم قطعا بكونوا اكتشفوا مدى غباء أن يعتقل أمثالك يا جيفارا حزب الأمة |
محمد عادل رضيتي أم ابيتي ناضل واعتقل مثله مثل أحباب اخرين وزملاء ايضا هذه حقيقة لا يلغيها غضبك منه او خلافه من امجد فريد ولا يحتاج لصك نضال منك أو من غيرك ثم ان محمد عادل حين اختلف مع امجد لم يسميه جيفارا الحزب الشيوعي وخلافه بينه وبين أمجد يخطئ هو او يصيب أمجد وجب عليكي الا تتعديه الى حزب الامة حتى لا يتعدى غيرك على غير امجد فريد فما تريه خطأ يراه غيرك صحيحا وما تريه صحيحا يراه غيرك خطأ
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد حسن العمدة)
|
Quote: يا محمد بدلاً من الكلام البتقول فيهو ده أعملو ليكم (لجنة مناصحة) للحبيب محمد
عادل قولو ليهو النضال ما يوم وليلة ، وروهو ثم حدثوه عن انو السياسة دي ما
|
برضو نفس الكلام دا قبل كدا
يا خضر انت موجود في الخرطوم ابتدار خطوة بين الاخوين افضل من لوك الكلام والاتهام والاتهام المضاد وتكرار نفس الاخطاء .. ما من مصلحة اي جهة غير الكيزان سوق صراع في الوقت دا محمد عادل مهما كانت رؤيتكم فيهو كزملاء عندنا نحنا وعندي انا شخصيا بسوا الكثير
لكن ليس المهم الراي الشخصي لكن الاهم هو مصلحة الجميع عدم سوق صراع علي الاقل في الوقت الحالي
حتى ولو متاكدين مية المية انو فلان امنجي واجب علينا ( نعفصو ) في الوقت وناكلو في ( حنانا ) ولكل مقام مقال .. نحنا متحملين النظام البغيض والفاسد دا 21 سنة ما قادرين نتحمل بعض ؟!!
اكرر ليتوقف الجميع عن ما يدور هنا وليكن الهدف واحدا ...
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
| Quote: حتى ولو متاكدين مية المية انو فلان امنجي واجب علينا ( نعفصو ) في الوقت وناكلو في ( حنانا ) ولكل مقام مقال |
كلامك ده يا ود العمدة ما قدرت افهمو الا على انو ممكن فعلا امجد فريد يكون امنجي لكن حتى لو ثبت فنستحملو.
غريب شديد يا ود العمدة انك تعتبر رد الناس على محمد عادل محاولة اغتيال شخصية و ما تعتبر كلامو فجأة كدي ساي عن امجد انو شخصية وهمية و انو ما بينزل الشارع و انو امنجي ده كلو تعتبرو في اطار " الاختلاف بين امجد و محمد ".
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
سلامات يامحمد حسن العمدة
أرجو أن يعالج الموضوع بمقياس الخطأ والصاح ومن بادر بالتحرش والتعدي بعيدا عن العصبيات هاك تسلسل الأحداث
دخل محمد عادل في بوست لأمجد وهاجمه من دون مبرر
زاعما أنه لايخرج للتظاهرQuote: ....
1-
شخصيا ماقاعد اشوفك نهائى ماحصل يوم شفتك ولا واحد من الاحباب او الرفقاء قال انو شافك وصراحة السؤال دا قاعدين يسالؤ ناس كتار انتو امجد فريد دا شخصية حقيقة ولا وهمية وامجد فريد دا منو اظهر وبان على الامان محمد عادل |
وتلاحظ أن محمد يؤكد علي أن أمجد شخصية وهمية ومن هنا برز سؤال إن
كنت لاتعرف أمجد معرفة شخصية ولاتدري شئيا عن ملامحه فكيف تزعم أنه لايخرج للمظاهرات ! ?
لم يجيب وواصل
| Quote: من اول يوم شفتك فيهو وجه لى وجه فى المؤتمر العام للحزب الشيوعى ودهنستك لبعض قيادات المؤتمر الوطنى عرفتك على حقيقتك |
شوف التناقض الاخر أنه يثبت أنه رأي أمجد - الوهمي - في مؤتمر الحزب الشيوعي
وأطلق إتهام جديد
Quote: الشئ التانى انت مش شيوعى البخليك تتحاوم فى مكاتب الحركه الشعبية شنو
ياخى انت الدرب رايح ليك |
.........
من أين لمحمد بهذا الكلام وإن كان ذهاب المحزبين لمقار حزب آخر خيانة
وجريمة فلماذا ذهب محمد ليكتشف وجود أمجد هناك ?
هل يعني محمد أن أمجد مزدوج الولاء أو أنه يتجسس علي الحركة الشعبية?
ويوا صل ليصف أمجدبأنه يتدهنس لقيادة المؤتمر الوطني
.......
| Quote: ودهنستك لبعض قيادات المؤتمر الوطنى عرفتك على حقيقتك |
.... ثم يختم المعزوفة بإتهام أمجد بأنه أمنجي
Quote: من الاخر يا امجد افريد انا بتهمك بالعماله لجهاز الامن
...... |
2-
Quote: امجد فريد نحنا حنطلع الى الشوارع ولن نهاب المعتقلات ولا الرصاص لكن الكلام انت حتكون وين
اشك انك ستكون فى شارع من الشوارع او فى معتقل من المعتقلات ولا شهيد من الشهداء |
............. أمجد يقوم بنشاط مقدر ويتعرض لحملات من جهات - غير معارضة وبعضهم كيزان صريحي الانتماء ! فلماذا يصطف محمد مع هولاء ولمصلحة
من يطعن أمجد في ظهره ? ولماذا دخل في الاساس مشككا في هوية أمجد
-وهمي - ومتناغما مع الجهات التي تروج لعدم خروج أمجد للمظاهرات ?
......... علي محمد أن يراجع نفسه ويقر أنه من بادر بالعداء والتحرش
ويصحح مساره ويفوت الفرصة علي من يستهدفون كامل كيانات المعارضة
وعليكم إعانته ونقده وفي الجانب الاخر يجب أن تكف ردود الافعال
وأن نركز علي الاهم والا نقع في الفخاخ ...........
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: حمور زيادة)
|
Quote: العفو يا ابو النضال
منو القال ليك انو انا مناضل انا زول صعلوق ساى وعميل لجهاز الامن
معقوله الكتوف بتتساوى انا اكون فى مقامك انت ومقام سيد المناضلين المناضل الاول فى القرن الحادى والعشرين امجد فريد
معقوله ياخى انا ياسيد فلفسفه فضفاضه مامحتاج سهاده منك انت
(.........) فيك وفى الامنجى امجد فريد |
لا يا محمد ياخ ..
علي الطلاق انا ما مناضل. و لا بدعي.
حصل يوم انت شفتني في مظاهرة يا محمد ؟
قبضوني معاك ناس الامن ؟
هو النضال ده ساي ؟
بالنسبة للـ ( ....... ) فممكن تخليها معاك لامن تكتبا.
بعدها احدد اشكرك وله اضحك فيك.
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: حمور زيادة)
|
يا حمور سلام
ارجو الا اكون قد اخطات في التعبير الصحيح عن كلامي
انا ارى ان الوقت ليس مناسبا للدخول في صراعات كهذه ... قلت انه سبق وان سيقت نفس هذه الاتهامات من قبل الزملاء ضدي وقد شهد المنبر حربا شعواء وذات شواء غير مسبوق من قبل الزملاء ... لم احقد عليهم .. ولم احدد تعاملي مع اصدقائي الزملاء بموجب ما دار .. لم اتعامل مع طرح الحزب الشيوعي كذلك من باب الكيد والتار ... لم اقل يا حمور ان نسكت على اتهام محمد عادل لامجد مع ان امجد كان احد الاقلام التي انهشتني وسارت في نفس طريق ( النضال ) وتخوين الاخر -- في شخصي --
لا اقول ما اقول من باب زماااااااااااان كيت وكيت ... والتشفي وما الى ذلك فقط اريد ان اقول واكرر ان ليس هذا وقت الخلاف والاتهامات يا حمور .. وزي ما اكلتها انا قبل كدا كمان الزملاء يمشوها الى ان ياتي وقت الحساب مافي مشكلة فقط ليس الان ورجاء ...
العزيز كمال عباس
احترم جدا واقدر رغبتك في تقصي الحقائق والانصاف لكن صدقني لا وقت لدي ولا لديك من اجل ان نتتبع ما دار هنا وهو قطعا لن يكون كل الحقيقة وحسب تجربتي في هذا المنبر ان الفعل ورد الفعل ياخذ اكثر من العقل بين طرفي الصراع ومداخلات الاخرين تؤجج الصراع اكثر وكثيرين لديهم مصالح وانظر فقط لبعض المداخلات في هذا البوست
حارقي البخور لن يفوتو هذه الفرصة فلماذا لا نفوتها عليهم ؟؟!!!
عموما هذه اخر مداخلة في هذا البوست فارجو من الحبيب محمد عادل التوقف واتمنى ذلك من الزملاء اما ان ارادوا ان يواصلو في تقديم خدمة للنظام فهذا شانهم وهم احرار فيما يختارون لكن وقتهم افضل ان يوجه للنظام خصوصا في هذه الايام ...
وان ارادوا اعتذارا من محمد عادل فعليهم اولا ان يعتذروا عن كثير من الاتهامات التي نشروها في هذا المنبر من قبل والارشيف موجود ...
خضر حسين مساك لو جا تعال بالتي هي احسن .. وكن من الناصحين ... وما ضروري اليوم تتعشى كوارع يا صديق
| |
|
|
|
|
|
|
|
|
 لو كان وراء الأمر أبعاد أخرى (Re: عبدالمجيد الكونت)
|
Quote: Quote: لكن ان كان وراء الامر ابعاد اخرى فمحمد ليس وحده وليعلم الجميع ذلك ....
|
لو كان للأمر أبعاد أخرى ما أنا البخلي محمد عادل وحده...أنا اعتقدت الأمر غضبة منبر وتشكيك متبادل واتهامات متبادلة في لحظات زعل وحتروح لحالها...لكن لو غير ذلك فطنوني!!!!!!!!!
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: عبدالمجيد الكونت)
|
تحياتي يا كونت ..
اعتقد انو امجد اتفهم تماما .. و لم يرد على محمد خارج بوستيه .. و في الاتنين كان قرب في الاخر يبوس يد محمد عادل يقول ليو ياخ امشي قول كلامك ده في حته تانية.
اظن امجد فريد موضوعو انتهى.
الجديد انو محمد عادل هو البقى ماسك الوضوع لبانة .. و فاتح بيو تلاتة بوستات.
وهدا قدامك اي زول يقول كلام ما يعجبو يصرف ليو.
صرف لنهال الغباء زي الترتيب .. صرف لي انا اتهام محبوك ( انا لسه في انتظار تفاصيلو و ما بخليو ) و لسه.
ففوق كم يتم اعتبار نقاش الناس لكلام محمد اغتيال شخصية ليو و كلامو هو عادي مفروض الناس تتفهمو ؟
تفهم امجد ده زاتو مفروض امجد يتشكر عليو.
لأنو امجد ما سأل محمد ده ولا جا هبشو.
محمد عادل براهو لبس العلى الله و شال حربتو و جا يتهم امجد مره انو شخصية وهمية و مره انو امنجي.
يا كونت .. الغلط بيّن و الصاح بيّن.
المطايبة ما بتنفع.
محمد عادل ما تسكتوهو .. محمد عادل عقلوهو.
ــــــــــــــ
كلام عاطف مكاوي فيك ما شفتو.
لكن كان ياهو زي ما حكيتو كده عاطف غلطان و ستين غلطان وان كنت شفتو ما كان سكت عنو. و ما اظنك محتاج اني اقول ليك كده.
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد عادل)
|
Quote: وزي ما اكلتها انا قبل كدا كمان الزملاء يمشوها الى ان ياتي وقت الحساب مافي مشكلة فقط ليس الان ورجاء ...
|
يعني هسه يا عمدة نصيحتك لي انا اني امشي كلام محمد عادل ده في حقي لامن نظام الانقاذ يسقط بعد داك اجي ادافع عن نفسي ؟
يا عمدة دحين الكلام ده ما اعوج ؟
اها كان انقاذ الجن دي قعدت تاني سنة .. سنتين .. تلاتة انا يفضل معلق فوقي اتهام زي ده في منبر بيقروهو الملايين ساي كدي ؟
الكلام ده ما شايفو مضر ؟
انا لا عضو حزب لا بمارس نشاط سياسي منظم .. ما عندي غير كتابتي و قلمي ديل الجا محمد عادل اتهمني فوقم.
في رأيك البيضعف النضال ضد الانقاذ محاولة الناس انها تبرئ نفسها من اتهامات محمد عادل وله انو اتهامات محمد عادل تضعف مصداقية الناس ؟
هسه كدي انا بياتو وش تاني اكتب لي راي سياسي بعد ما محمد عادل ختاها لي علنا كدي اني بمشي اعرض رواياتي في السفارة وبجي هنا ادعي النضال.
ده مش ياهو اغتيال الشخصية ؟
ما تمشي يا عمده عليك النبي.
وتعال وريني.
اسكت و اخي الاتهام ده معلق وله اطالب ( و تطالبو معاي ) محمد عادل انو يثبتو.
ياخ بس عشان خاطر انو سمعتي ما تتجرح ساي باي زول عايز يكتب اي كلام.
عشان خاطر كلمة حق يمكن اكتبا يوم و يقراها زول و يقول ده شنو كمان الجايي يقول لينا كده و هو في مصر بيمشي السفارة و يعرض رواياتو فيها.
وله كيف يا عمدة ؟
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: حمور زيادة)
|
| Quote: عليك الله ماتخلينى مافضل الا انت |
يا محمد ياخ ما تزعل و تنفعل ..
انا ما قاصد اني ما بخليك انت. انا قاصد الاتهام الانت جبتو :
| Quote: صرف لي انا اتهام محبوك ( انا لسه في انتظار تفاصيلو و ما بخليو ) |
الاتهام ده انا مصمم اعرف حقيقتو شنو.
وانت واجبك انك تبينو للناس. عشان انا ما اغشهم.
فشنو عليك الله .. براحه كده و برواقة و بدون هرجي وري الناس دي كلها هل انا قاعد اعرض رواياتي في السفارة السودانية ؟
احكي لينا الحاصل شنو بالله عشان تعريني و تكشف حقيقتي. زي ما كشفت الامنجي امجد فريد.
ما تخلي الكلام عايم كده و تخلي ناس الازهري ديل يشمتو فيني بنص معلومة. تعال قعد ليهم الكلام سميح.
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: حمور زيادة)
|
Quote: وعدت الا اعود وها انا اخلف وعدي مجبرا
محمد عادل غلطان وستين الف غلطان يا حمور ومهما بلغ الغضب مفروض ما يتهم اتهامات زي دي بدون دليل ..
ويا محمد عادل ارجوك توقف هنا وما تفشلنا قدام الناس يا حبيب
خلونا ننتهي من الهم القاعد فينا ليهو 21 سنة دا بعدين العاوزنو اعملو
يا حمور انت كبير وخليك كبير ومكانتك عند ناس كتار بعرفهم وبعزهم ويشهدو ليك |
معليش يا عمدة انا كتبت مداخلتي السابقة قبل تنزل مداخلتك دي او في نفس الوقت تقريبا.
ياخ شكرا لكلامك الطيب.
بس عاوز اقول ليك انو محمد عادل ما بيفشلكم.
محمد عادل ياها طريقتو. انا الدخلني بالجد هو مداخلاتك الاولى انت و الكونت لمن حسيت فيها انكم بتحاولوا تدافعو عن محمد و ده الاستغربت ليو.
والحمد لله اول ما خشيت محمد قدم بيان بالعمل لشكل اتهاماتو البيفكها ساي يمين و شمال. طوالي لصق لي.
قبل لصق لنهال الغباء زي الترتيب. و جاني انا بحكاية.
فمواقف محمد عادل تفشل محمد عادل ما بتفشل غيرو.
يا عمدة شنو فايدة انو محمد يسكت هسه و يجي تاني في اول ملف يختلف مع زول يديهو تهمة برضو قدر زعلو ؟
شنو فايدة انا اسكت هسه و محمد مكيل لي تهمة قدر ده ؟
شنو فايدة امجد يسكت و محمد خلاص اتهمو انو امنجي ؟
محمد العملو عملو .. ما تقولو ليو اسكت .. اعصرو عليهو يا يثبت تهم للناس دي .. يا كمان يعتذر علناً.
لكن يسكت بعد القالو ده شن الفايدة ؟
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: Hussein Mallasi)
|
Quote: استاذ حمور ماذ لو طلبت منك ان تمسح خطأ محمد عادل في حقك ان تمسحه في وجهي انا اتمنى ان يكون كافيا لك ونوقف هذا الأمر هنا
بالمناسبة السفارات السودانية ليست حكرا على المؤتمر الوطني وجهاز الأمن انما لكل السودانيين ولكنها أقدارنا ياحمور |
لا حول ولا قوة الا بالله.
العفو يا عبد المجيد ياخ.
ياخي و الله المطايبات في المواضيع الزي دي غلط و الله.
لكن و الله ما أرد خاطرك ده و تحملك لغلط محمد. يا زول عفيتو لوجه الله و احتسبت.
بالمناسبة بغض النظر عن ماهية السفارات و أقدارنا فانا و الحمد لله لا اتعامل مع السفارة السودانية في القاهرة و لم ادخلها الا مرة واحدة في ديسمبر 2009 لعمل توكيل برفقة بهاء عيسى و ناصر المحسي زملاء المنبر و لم اضع قدمي داخلها منذ ذلك التاريخ.
واتمنى ان يعينني قدري على ان لا افعل مرة اخرى.
ولو تعرف قدر شنو مهين بالنسبة لي اني اضطر اكتب توضيح زي ده لمجرد جن كلكي في راس محمد عادل يجبرني انا ان اوضح و اشرح بينما يكتفي هو بكل بساطة بالقاء التهمة و يقع عليّ انا عبء اقناع الناس انو كلامو ما صاح.
| |
|
|
|
|
|
|
|
|
|
Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: حمور زيادة)
|
Quote: يا خضر انت موجود في الخرطوم ابتدار خطوة بين الاخوين افضل من لوك الكلام والاتهام والاتهام المضاد وتكرار نفس الاخطاء .. ما من مصلحة اي جهة غير الكيزان سوق صراع في الوقت دا محمد عادل مهما كانت رؤيتكم فيهو كزملاء عندنا نحنا وعندي انا شخصيا بسوا الكثير
لكن ليس المهم الراي الشخصي لكن الاهم هو مصلحة الجميع عدم سوق صراع علي الاقل في الوقت الحالي
حتى ولو متاكدين مية المية انو فلان امنجي واجب علينا ( نعفصو ) في الوقت وناكلو في ( حنانا ) ولكل مقام مقال .. نحنا متحملين النظام البغيض والفاسد دا 21 سنة ما قادرين نتحمل بعض ؟!!
اكرر ليتوقف الجميع عن ما يدور هنا وليكن الهدف واحدا ... |
يا ريتك يا ودالعمدة جيت قلت قولك الأخير ده
الذي يضحكني يا محمد إعتقادالكثيرين أن هذا البوست مثلاً
من شأنه إلحاق الأذي بالتحالف السياسي بين حزب الأمة والحزب
الشيوعي مثلاً ، (بالرغم من ولولة محمدعادل وبوسته التحريضي
للأحباب بفض التحالف) إكراماً لما لحق به من أذي من شيوعي
المنبر ، هذا التضخيم العجيب للذات هو للأمانة من مسببات
تأخر ثورتنا السودانية ، الكلام البقول فيهو محمد عادل في
بوسته الأخير مليئ بالمرارات والإحن والمحن والضغائن والتحريض
الـ بالباب عديل ، فكلمو زولكم ده يا ودالعمدة وناصحوه
وناضموه في البسوي فيهو ده .
ـــــــــــــ
وليتكم كأحباب ومن قبيل الوطنية والحفاظ علي وحدة القوي
الوطنية تشوفوا لينا أمجدفريد ده كان وين يوم 16/2/2011
الساعة تلاتة ونص أو كما قال الحبيب محمد عادل
| |
|
|
|
|
|
|
|
|
 Re: انا ماقبضونى ناس الامن ولا اعتقلونى ولا كنت فى البوكس بتاع مظاهرة قهر النساء ولاتضعو صورى (Re: محمد حسن العمدة)
|
Quote: يا اميرة اليوم اتفاجاة الصباح بالحملة الكبيرة السايقنها الزملاء ضد الحبيب محمد عادل , ما فهمته ان هنالك مشكلة بين امجد ومحمد من واجبنا ان نعمل علي اصلاح ما بين الاخوين محمد وامجد لا ان نخطي طرف ضد الاخر
لكن ما يدهشني حقا هو الاصطفاف الشيوعي خلف الزميل امجد بهدف نصرته فقط لان محمد عادل وصفه بالامنجي مع ان هذه التهمة اكثر من يتهم بها الاخرون هم الزملاء انفسهم
منذ زمن اصطف كل الاخوة الزملاء باتهامي بانني امنجي وجميعهم يعلمون جيدا ان هذه التهمة غير صحيحة لكن من باب التشفي والكيد السياسي ليس الا اوغلوا في الاتهام
انا لن اتوقع ان تكون هذه الحملة ضد محمد عادل بسبب اتهامه لامجد بانه امنجي ابدا
محمد عادل ومنذ زمن طويل يتعرض لحملات اغتيال منتظمة في البورد صحيح انه لا يستطيع ان يعبر عن نفسه جيدا لكنه صنديد لا يشق له غبار ...
ما لم ينجح فيه النظام لن ينجح فيه الزملاء الشيوعيين بكل تاكيد وبدلا من توسيع الشقة بين الاخوين محمد وامجد يجب ان يعمل الزملاء لحل الاشكال بينهم ان فعلا وحقا ان المشكلة هي الاتهام بالامنجية
لكن ان كان وراء الامر ابعاد اخرى فمحمد ليس وحده وليعلم الجميع ذلك .... |
الأخ محمد حسن العمدة
سلام ..
التحية والتقدير لك أيها الرجل الأصيل ...
نتمنى من الجميع اصلاح ذات البين ...
تحياتي للجميع .
| |
|
|
|
|
|
|
| |
محمد عادل
محمد عبدالرحمن محمد
معاوية عبيد الصائم
عاطف عبدون
osly2
بدر الدين اسحاق احمد
Elkalakla_sanga3at
بهاء بكري
Abdlaziz Eisa
nazar hussien
خالد أحمد شطة
علاء الدين حيموره
lana mahdi
Mohamed E. Seliaman
أبو ساندرا
هشام عباس
مزمل خيرى
Hussein Mallasi
العوض المسلمي
أبو عبيدة البصاص
خضر حسين خليل
PLAYER
حمور زيادة
عمر عبد الله فضل المولى
كمال عباس
ALazhary2
Mustafa Mahmoud
فيس بوك
تويتر
انستقرام
يوتيوب
بنتيريست