|
|
 تمبس ـ اساسي + الخير **
|
فتشت البوست أياه لحد الصفحة الرابعة وزهجت ..
قلت ومالوا ..
ندي أساسي فرصة يكبشر ويعرض بينا يوم من الأيام ..
بصراحه يا شباب دي ما الكانت محريه فيكم..
أيوه ..
أنا داخل اطبطب بس بى طريقتي الخاصة..
وطريقتي بتكون من خلال تقيمي الشخصي للشيء القريتو في البوست داك ..
والما متفق معاي يخت اسبابو..
أول حاجة : نوايا ودوافع صاحب البوست والمشاركين ماعندي بيها شغلة ..
تاني حاجة : تقيمي بنيتو على الوقائع الموضوعية الوردت هناك والتكتيكات الاتبعوها الطرفين
>>>
|
|
 
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
* من الناحية الموضوعية :
ما شايف في شيء جديد ورد ..
مستمسكات أساسي القدمها كلها كانت بخط و بصمة تمبس ..
قام بنشرها بنفسه من قبل في هذا الموقع ..
وهي لا تنقص منه شيئا ما لم تزده بحسن ظنه في الناس..
دا فيما يتعلق بالمستندات الكتابية التى تم عرضها..
أما التعليق على الصور..
دور أساسي كان دفاعي بحت ..
نفى بيهو الوصف القدمو تمبس لضحكتو لأكتر من مرة..
>>>
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
معروف إنو الأسد لما يلقى نفسو بين ناس محاوطنو وموجهين حرابم عليهو..
بقوم بدور حول نفسو دورة سريعة..
في دورانو دا بكون كحل وين النقطة البقدر يتخارج من خلالها..
وهب .. نطه واحده في الاتجاه الحددوا يجندل الزول الواقف ويمرق روحو..
ود عبد الماجد الصايم الوحيد الكان واقف قريب وفي وضع صفا بين الناس ومسهي ..
فاختار الأسد جهتو ..
بس تمبس نسى بعملتو دي إنو قريبي دا حكايتو زي حكاية صاحب العكاز ..
..
ارمو بياضكم عشان احكيها ليكم.
| |
|
|
|
|
|
|
|
|
|
Re: تمبس ـ اساسي + الخير ** (Re: doma)
|
Quote: متفقه معاك بس في قمريه كانت واقفه في فرع بعيد دي
ما وريتنا الرماها شنو ؟؟ |
تصدقي يا دوما دخولك في البوست الطبطبه دا ريحني شديد ..
وأكد لي تماما زيما قلت في خيطك..
إنو مشاركتك هناك ما كانت بنية المناصرة او التشفي ..
بقدر ما كنت مثل كثيرين معجبة بطرافة الموضوع والتكتيكات..
بس كمان ما تفتكري تصويب تمبس ـ سواء ليك او لغيرك ـ كان بسوء نية..
هو قصد يجرد اساسي من أي منافح عشان ينفرد بيهو..
وعشان يحقق الغاية دي ما عتق حتى ود عبد الماجد الصايم ..
وهوحسب فهمي من أقرب أصدفائه على الواقع..
غايتو بقت عليك حكوة :
(جيت اتفرج فرجوني قطعو جناحي وحيروني)..
..
خليكي قريبه..
مين عارف..
لك احترامي.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
Quote: بس كمان ما تفتكري تصويب تمبس ـ سواء ليك او لغيرك ـ كان بسوء نية..
|
لوول يا دوك دا collateral damage يعني
تفسيرك دا كان ممكن يكون مقبول لو كان هو ما حسم موضوعه معاي بمسنجر داخلي قبل فتره ليست بالقصيره وكان ممكن نعتبرالموضوع كما فعل مع ود الصايم صديقه المقرب
لكين رسالته السابقه ومستوي الجفاف الفيها حسم طريق عوده المياه بيننا تماما .
.انا غايتوا من جانبي ما في زول يعشم اني ارجع اي علاقه معه ولو علي مستو ى عام ولو انطبقت السماء علي الارض .
| |
|
|
|
|
|
|
|
|
|
Re: تمبس ـ اساسي + الخير ** (Re: doma)
|
| Quote: لكين رسالته السابقه ومستوي الجفاف الفيها حسم طريق عوده المياه بيننا تماما . |
دوما العزيزة ..
أهي الخلفية دي مافي زول عندو فكرة عنها غيركم إنتو الاثنين..
وربما الخلفية دي كانت وراء اختيار تمبس ليك بين المشاركين ..
دخولك ومشاركتك - حسب قسمك ـ لم تكن بدافع الخلفية المذكورة ..
على الرغم مما تسببت فيه من تكلسات نفسية بينكم..
ولكن من أين لتمبس إفتراض مشاركتك بحسن نية مع وجود خلفية تدعم عكسها؟..
اعتقد لو إنت وقفت على اجابة السؤال دا..
وتمبس قبل قسمك الاقسمتيهو..
مؤكد العلاقة ستعود لطبيعتها ولو بعد حين..
مشكوره كتير على مشاركاتك التوضيحية..
وهي إن دلت تدل على إنك ما مرتاحه لما انتهى إليه الحال..
متعك الله بالصحة.
| |
|
|
|
|
|
|
|
|
 Re: تمبس ـ اساسي + الخير ** (Re: رشا سالم)
|
ياملك كيفنك؟؟؟طولنا منك.
ودالصايم دائمآ فاضحنا بكرعينو المكعوجات ديل لاتعرفو عامل إنتباه وللا عامل صفا..ده مره لقيناهو واقف طابور ورجلينو ألأثنين فوق...B]
يادكتورة..سلامات....
Quote: مية ريال تنفع ولا شوية؟
راجين قصة العكاز |
أدفعى حق ألأستشارات أول بعدين البياض ساهل ...جيبى خمسين أنا بحكيها ليك...تقديرى وأحترامى.
| |
|
|
|
|
|
|
|
|
|
Re: تمبس ـ اساسي + الخير ** (Re: رشا سالم)
|
Quote: بس كمان ما تفتكري تصويب تمبس ـ سواء ليك او لغيرك ـ كان بسوء نية..
هو قصد يجرد اساسي من أي منافح عشان ينفرد بيهو..
|
والله يا الملك كلام درر....بعدين أختنا دومة دى زولة حنينة وأخت رجال وبت رجال والله وسيرته سابقاها..
الملك بديك نص البدتدينى ليهو دكتورة رشا عليك الله احكى لينا الحكاية.....تقديرى وأحترامى.
| |
|
|
|
|
|
|
|
|
|
Re: تمبس ـ اساسي + الخير ** (Re: رشا سالم)
|
كان بوست قمة في المتعة استخدم فيه اساسي تكتيكاته المعهودة . تمبس في بأدي الامر افتكر ان الامر مجرد سحابة دون ان يدري انه ادخل يده في جحر ثعبان .
بصراحة لاول مرة ارى تمبس بهذا الضعف , فقد توازنه من البداية .
عجبني رشة ود الصايم و ماما دومه و صحبك اب عمه طبعاً عمل نايم حتى افقد تمبس مشاكسة الجمهور .
نسأل الله العفو و العافية فقد دخلت ذلك البوست بحسن نية .
| |
|
|
|
|
|
|
|
|
|
Re: تمبس ـ اساسي + الخير ** (Re: الصادق ضرار)
|
أهليين أب عمة ..
كويس الجيت عشان الناس دي تفهم النفوس ماشايله..
| Quote: عجبني رشة ود الصايم و ماما دومه و صحبك اب عمه طبعاً عمل نايم حتى افقد تمبس مشاكسة الجمهور . |
كدا عرفت لعبة تمبس والزقاق الخاشي بيهو على أساسي..
تسلم يا ود ضرار.
| |
|
|
|
|
|
|
|
|
|
Re: تمبس ـ اساسي + الخير ** (Re: ismeil abbas)
|
أهلين ود عباس ..
أهو جانا واحد من أولاد قلبا..
| Quote: ودالصايم دائمآ فاضحنا بكرعينو المكعوجات ديل لاتعرفو عامل إنتباه وللا عامل صفا..ده مره لقيناهو واقف طابور ورجلينو ألأثنين فوق... |
ضحتني والله ..
حكاية رجلينو فوق دي صدقت فيها ..
لأنو ما بحب يعفص زول..
بس قصة حمودي العسل دي ما واقعه لي كلو كلو ..
باقي لي القصه دي من تأليف الموساد بالتعاون مع الأمنجية..
إجتهد في نشرها الإعلام المضاد ناس ود البشرى وتمس ومن لف لفهم.
تسلم يا صديقي.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
سلام ود الملك
ازمة بوست اساسي و البوستات التي تلته كانت في الجايين يتضاروا ورا مزاح الاصدقاء بل و الأخوان ليصفوا حسابات يعجزون عن تصقيتها مباشرة
وحصل سوء فهم واحتقان و ابليس لقى يدو
لكن كان اساسي كان دوما كان تمبس المودة و الخوة البينهم أكبر من حدود السايبر وثقتي في حسن تقديرهم كبيرة , مصيره سوء الفهم يزول
اتمنى ان لا يرى صائدي الماء العكر بوستك دا ويسمموه ايضا
| |
|
|
|
|
|
|
|
|
Re: تمبس ـ اساسي + الخير ** (Re: محمد البشرى الخضر)
|
سلام يا ملك
Quote: لكن كان اساسي كان دوما كان تمبس المودة و الخوة البينهم أكبر من حدود السايبر وثقتي في حسن تقديرهم كبيرة , مصيره سوء الفهم يزول
اتمنى ان لا يرى صائدي الماء العكر بوستك دا ويسمموه ايضا |
| |
|
|
|
|
|
|
|
|
|
Re: تمبس ـ اساسي + الخير ** (Re: esam gabralla)
|
شكرا على المؤآزرة يا عصام..
عارف مرات كتيره بجيني احساس إنو في خطأ في بنية سلوكنا الاجتماعي منذ النشأة..
بمعنى إنو نشأتنا بتشجع الفرد على أخذ حقو بأيدو..
دون أفتراض حسن النية أو الإلتفات للمؤسسات المنوط بها ذلك ..
حسع شوف الخواجات ديل ..
أبدا ما بفترضو في تصرفاتك مهما كانت هوجاء سوء النية..
تسلم يا عزيزي.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد البشرى الخضر)
|
يا محمد علي
تحليل جيِّد،
طريقة الأسد دي طريقة سليمة ومتبعة من قديم العهود، فضرب حمودي العسل ودوما وضرار تحديداً لأنّهم أظهروا بعض الولاء أو التحيُز للطرف الآخر، فلذلك كان على تمبس أن يقطع خطوط الإمداد، ركز تمبس على قطع خطوط الإمداد في حين أن العدو الحقيقي أقرّب إليه من خطوط الإمداد، بذلك توزّع جهد تمبس ما بين ضرب خطوط الإمداد وهجمات العدو المباشرة، ممكن نقول تمبس ما عمل منجمنت سليم للرسورسيس التي يمتلكها. عامل الثقة أيضاً أضرّ بتمبس، لأنه لو قيّم مقدرات الخصم تقديراً سليماً، لوفر كل إمكانياته للتركيز عليه دون غيره، وينسى خطوط الإمداد لحين، أو يعمل على تحييدها إن وجد طريقاً لذلك..
___
تعرف يا محمد علي عندنا شلة وِست، خرخرة ومشاكل كتيرة، البرة يرش والجوة الطربيزة يرش جوّة وبرة، نشتت الكُشتينة، ونجرجر الملايا وعيك وعوك، ولكن في النهاية حدنا الطربيزة، أصحاب وحلوين.. فأتمنى أن يعتبر اساسي وتمبس أن ما حدث هو مجرّد "قيم" just a game
| |
|
|
|
|
|
|
|
|
|
Re: تمبس ـ اساسي + الخير ** (Re: doma)
|
| Quote: شباب والله ما عايزه احبطكم لكين انا دين حجر لما تقفل تاني ما بتفتح . |
+
وسنتابع ـ يا قول الصادق!
+
شايف أب تفة اجتهد اجتهاد شديد عشان يوصل الفكرة!
+
كلام إسماعيل عباس إقنورد لحدي قبل الصيفية بس
+
كلام ود البشرى .. Like
| |
|
|
|
|
|
|
|
|
|
Re: تمبس ـ اساسي + الخير ** (Re: محمد عبد الماجد الصايم)
|
الملك سلامات
كنت هناك...
بداعى انهم من احرف والطف من يكتب فى سودانيز اونلاين عندما يرغبان
ابداً ما اتخيلت انو الموضوع ممكن يصل لما وصل اليه,,
وحتى الان لا اجد فى بوست اساسى مايجعله سببا لكمية الزعل والخلاف الحاصل ..
يمكن لانى جديد هنا ولسا مانقشت مايكتب ويقال بين سطور البوستات ..يمكن!!
غايتو عاجـــبانى رشة حمودى عجب شديد
والى حين رشة اخرى اجدد اعجابى بطرفى البوست فيما يهرفان وفيما يكتبان وعندما يتصالحان وكذلك عندما يتصوران
والتحية لك ياملك لاعادة البوست للقراءة بوجهة اخرى غير تلك
| |
|
|
|
|
|
|
|
|
|
Re: تمبس ـ اساسي + الخير ** (Re: احمد الأمين على إدريس)
|
سلمات أحمد الأمين ..
Quote: بداعى انهم من احرف والطف من يكتب فى سودانيز اونلاين عندما يرغبان
ابداً ما اتخيلت انو الموضوع ممكن يصل لما وصل اليه,,
وحتى الان لا اجد فى بوست اساسى مايجعله سببا لكمية الزعل والخلاف الحاصل .. |
صدقت.
| Quote: يمكن لانى جديد هنا ولسا مانقشت مايكتب ويقال بين سطور البوستات .. |
الوعي والعقلانية لا علاقة لهما بالاقدميات..
اقدر مشاركتك وتقيمك يا صديق.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد عبد الماجد الصايم)
|
| Quote: وسنتابع ـ يا قول الصادق! |
ودعبد الماجد الصايم يا حبيب..
خليني وكتين ظهرت أحكي حكاية صاحب العكاز..
شايف دكتوره رشا واستاذ اسماعين شموني..
..
قالوا كان في واحد كلما يمشي لي جارو..
يلقاهو ماسك في عكازو المضبب يمسح وينضف فيهو ..
يوم عرف أنو في حرامي زار جارو دا..
جاء من الصباح داخل عليه نظام يتفقدو و يكفر ليهو..
لقاهو كالعادة قاعد في راكوبتو شايل عكازه المطبب يمسح فيهو..
قال ليهو إنت آزول..
عكازك دا ماشي تبروزو!؟
ما قالوا جاك حرامي بالليل عدمك نفاخ النار ؟..
انا حسع فاكرك تمرق لي عكازك مكسور واللا مشقوق من الخبت والمضاربا..
الراجل عاين ليهو وقال :
عاين الغشيم دا !!
إنت فاكرني أنا ساعي العكاز دا لى متل البجيني بلقط قرعيهو ومتلبد بي ورا؟
أنا خاتي للزول البجيني داخل عديل بالباب دا..
دحين يا تمبس ..
وصيتي ليك ود عبد الماجد الصايم دا..
اوعاك تدقس وتدخل عليهو بالباب عديل.
..
لسع كلامي ما خلص.
| |
|
|
|
|
|
|
|
|
|
Re: تمبس ـ اساسي + الخير ** (Re: Yassir Tayfour)
|
| Quote: طريقة الأسد دي طريقة سليمة ومتبعة من قديم العهود، فضرب حمودي العسل ودوما وضرار تحديداً لأنّهم أظهروا بعض الولاء أو التحيُز للطرف الآخر، فلذلك كان على تمبس أن يقطع خطوط الإمداد، ركز تمبس على قطع خطوط الإمداد في حين أن العدو الحقيقي أقرّب إليه من خطوط الإمداد، بذلك توزّع جهد تمبس ما بين ضرب خطوط الإمداد وهجمات العدو المباشرة، ممكن نقول تمبس ما عمل منجمنت سليم للرسورسيس التي يمتلكها. عامل الثقة أيضاً أضرّ بتمبس، لأنه لو قيّم مقدرات الخصم تقديراً سليماً، لوفر كل إمكانياته للتركيز عليه دون غيره، وينسى خطوط الإمداد لحين، أو يعمل على تحييدها إن وجد طريقاً لذلك.. |
تحليلك راقي يا ود طيفور..
تقريبا دي النتائج الخلصت ليها في تقيمي لذلك البوست ..
خليك قريب.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد البشرى الخضر)
|
مراحب يا ود البشرى ..
قدمك سعد..
| Quote: ازمة بوست اساسي و البوستات التي تلته كانت في الجايين يتضاروا ورا مزاح الاصدقاء بل و الأخوان ليصفوا حسابات يعجزون عن تصقيتها مباشرة |
ما بقول ليك البورد خالي من جنس توصيفك دا..
بس في بوست أساسي دا تحديدا أشك في ذلك لأسباب ..
* المشاركين في البوست عارفين العلاقة بين تمبس وأساسي ما علاقة افتراضية ( سايبرست ) عشان نفترض استغلالهم..
ولو لاحظت في الحته دي بالذات جاء انذر اساسي للمشاركين ..
وقولتو الصريحه بأنو لن يدع (للجايين يتضاروا) استغلال البوست..
* قد يكون لتمبس خلفياتو وقد يكون دا افتراضو في اختياره لشخوص معينين ..
بس ذي ما قلت في مقدمة البوست ..
أنا بقيم وفق موضوع البوست واحداثياتو وما عندي شغلة بالنوايا والدوافع
مع ذلك ..
بشوف كونو ابتدر بود الصايم العلاقتو بيهو ايضا ما افتراضية ..
(اندكيشن ) إنو الخلفيه ربما لم تكن مبنية على تصفية حسابات ..
بس دا ما بعفي تمبس من لجوءه لاستخدام اسلوب فيه قدر من التوصيفات المتجاوزة..
| Quote: لكن كان اساسي كان دوما كان تمبس المودة و الخوة البينهم أكبر من حدود السايبر وثقتي في حسن تقديرهم كبيرة , مصيره سوء الفهم يزول |
بإذن الله.
لك تقديري.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
الأخ محمد علي الملك
تحايا عاطرات
كواحد من المشاركين في البوست الواحد بدأ يتضايق شوية
بسبب المشاركة في البوست وما وصل اليه.
| Quote: المشاركين في البوست عارفين العلاقة بين تمبس وأساسي ما علاقة افتراضية ( سايبرست ) عشان نفترض استغلالهم.. |
بالإضافة إلى أنهم ما ناس صغار أو ساهلين عشان ينقادوا إلى حيث يريد لهم الناس
بهذا المفهوم الواحد دخل البوست
اللغة بتاعة أساسي وتمبس في الكتابة محببة لانهم بمزوجهوها بالحراك اليومي للحياة
وبالأمثلة اليومية المعاشة في واقعنا بحرفنة وشفتنة شديدة.
أنا حسب اعتقادي (ودا وضح بعد ذلك) أنو في اتفاق مسبق على بوست زي دا.
طبعا في الأونة الأخيرة بدأت بوستات كثيرة تتطلع حول مواقف تمبس وأساسي وغيرهم
ممن وصفوا بالرماديين والبوستات دي طلعت من ناس عمرهم في المنبر قصير ألى حد ما
وعلى ما أعتقد أنو البوست دا كان الهدف منه إجترار الأرشيف لتوضيح المواقف
الكانوا عليها تمبس وأساسي ولتوضيح مجهود تمبس واساسي ومستوى كتاباتهم في المنبر
( ودا برضو وضح عندما أتي تمبس ببعض الأرشيف أساسي رد ليه
TOO late يا تمبس)
انا في اعتقادي أنو زعل تمبس جاء لأنه أعتقد أنو أساسي خان فكرة البوست
والمفترض المدخل ليها كان يكون مناكفة موضوعها امدرمان - بري
ودا كلو مجرد أفتراضات
نتمنى كل الخير للأخوان أساسي وتمبس وأن تزول هذه السحابة
| |
|
|
|
|
|
|
|
|
|
Re: تمبس ـ اساسي + الخير ** (Re: الصادق صديق سلمان)
|
Quote: طريقة الأسد دي طريقة سليمة ومتبعة من قديم العهود، فضرب حمودي العسل ودوما وضرار تحديداً لأنّهم أظهروا بعض الولاء أو التحيُز للطرف الآخر، فلذلك كان على تمبس أن يقطع خطوط الإمداد، ركز تمبس على قطع خطوط الإمداد في حين أن العدو الحقيقي أقرّب إليه من خطوط الإمداد، بذلك توزّع جهد تمبس ما بين ضرب خطوط الإمداد وهجمات العدو المباشرة، ممكن نقول تمبس ما عمل منجمنت سليم للرسورسيس التي يمتلكها. عامل الثقة أيضاً أضرّ بتمبس، لأنه لو قيّم مقدرات الخصم تقديراً سليماً، لوفر كل إمكانياته للتركيز عليه دون غيره، وينسى خطوط الإمداد لحين، أو يعمل على تحييدها إن وجد طريقاً لذلك..
___
تعرف يا محمد علي عندنا شلة وِست، خرخرة ومشاكل كتيرة، البرة يرش والجوة الطربيزة يرش جوّة وبرة، نشتت الكُشتينة، ونجرجر الملايا وعيك وعوك، ولكن في النهاية حدنا الطربيزة، أصحاب وحلوين.. فأتمنى أن يعتبر اساسي وتمبس أن ما حدث هو مجرّد "قيم" just a game
|
ديشااااااااااااااك
بالله الكلام دا كلو كان في البوست داك ؟؟
كان كدا نحن قاعدين ساي عليكم الطلاق .
| |
|
|
|
|
|
|
|
|
|
Re: تمبس ـ اساسي + الخير ** (Re: طلحة عبدالله)
|
طلحه حبابك ..
Quote: بالله الكلام دا كلو كان في البوست داك ؟؟
كان كدا نحن قاعدين ساي عليكم الطلاق . |
افهم من كدا اجتهادات ود البشرى ديك كلها ما جابت نتيجه؟
..
ويبقي الاحترام بيننا.
| |
|
|
|
|
|
|
|
|
|
Re: تمبس ـ اساسي + الخير ** (Re: الصادق صديق سلمان)
|
أرجع للموضوع يا صحاب بعدين اجيكم صادي..
بعد نجاح خطة مخرج الاسد..
بدأ اساسي يتململ ..
لأنو الزول دا بقى يهابش الجمهور..
لما تمبس حس أنو خطتو ادت دورها..
حول اللعب سريع لدور الضحية المخدوعة..
وفعلا نجح لما قدر يزرع في أساسي الشعور بالذنب ..
وخلاهو يسارع بالاعتذار ويمتنع عن الاسترسال..
>>>
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
سلمات يا حمد عبد الغفار ..
حضورك هنا كان مهم لقياس مدى صواب فكرة البوست التحليلية..
عارف يا حمد ..
توليت الذكرتها دي هي القلبت الطاولة في وجه تمبس..
في تقديري أبدا ما كان يلجأ ليها أساسي لقفل البوست ..
تمس ذات نفسو أشار عدة مرات والح على عدم قفل البوست على الأقل قبل أن يكمل وأساسي برضو يكمل العندو..
توليت دي هي الرفعت ضغط تمبس وربما تعمل لوقت على تعقيد اعادة مجرى العلاقات الى طبيعتها..
أنا شخصيا رغم إعجابي باسلوب أساسي وتكتيكاتو ما ارتحت لطريقة ختمتو دي..
خليك قريب ..
يمكن ننجح.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
تقدير :
عموما البوست كان في غاية الظرافة والامتاع ..
دي حقيقة وصل ليها كل المشاركين في البوست دا
أماالدليل التاني على ذلك ..
متابعة القراء العالية لذلك البوست..
مافي شك كل طرف برع في عرض مهاراتو ..
صحيح البوستات الزي دي عرضه لسوء الفهم والانحراف..
بس الحته دي كانت مستبعدة ..
لأنو علاقة الطرفين كما ذكرت ما كانت واقفه على العلاقة الاسفيرية فقط..
بالجد دا كان فهمي ..
والله صحي.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
الطرفين عندهم قراء بقدروا مشاركاتهم ..
فما حقو ابدا النفوس تتحسس أو تشيل من بعضها..
بس احيانا توقيت البوست ما بصادف مزاج رايق بين أطرافو..
عشان يتعاطى فيهو بشفافية وسياسة النفس الطويل ..
..
..
تعالوا غالطو ياللا..
..
معلومة ( لعزيز بشاشا القارئ )..
الفقير الى الله كاتب هذا البوست علاقته بطرافي ذلك البوست ..
وكل المشاركين فيه لا تتعدي العلاقة الاسفيرية.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
Quote: توليت الذكرتها دي هي القلبت الطاولة في وجه تمبس..
في تقديري أبدا ما كان يلجأ ليها أساسي لقفل البوست ..
توليت دي هي الرفعت ضغط تمبس وربما تعمل لوقت على تعقيد اعادة مجرى العلاقات الى طبيعتها..
أنا شخصيا رغم إعجابي باسلوب أساسي وتكتيكاتو ما ارتحت لطريقة ختمتو دي.. |
محمد على يا حبيب
الظاهر انت ما متابع كتابات اساسي . الضربة القاضية دي طريقة اساسي لحسم الصراع . مرات اساسي بفتح بوست و برمي قنبلة كبيرة قدر قنبلة هيروشيما و بكسح . تاني ما بجي داخل البوست .. اكيد يتاوق من مرة و يبتسم بمكر بينما العباد يتناطحون في البوست و يفتكروا اخيراَ يلقوا صاحب البوست كسح من اول مداخلة .
حدث قبل كده , رفض يدخل بوسته كلو كلو و من اليوم داك انا عرفت الزول ده شرامي كبير .
ياخ غصباً عنك ترضى بطريقة ختمتو دي طريقة المفضلة . بس ما عارف كيف فات على تمبس دهاء صحبه .
ياخ و الله البوست ده ذاتو جميل الله يخليك و يديم روحك السمحة .
| |
|
|
|
|
|
|
|
|
|
Re: تمبس ـ اساسي + الخير ** (Re: الصادق ضرار)
|
الصادق ضرار يا حبيب ..
مرحبتين مرة تانيه..
| Quote: الضربة القاضية دي طريقة اساسي لحسم الصراع |
قد تكون فعلا دي طريقتو الاعتاد عليها..
وزي ما قلت مفروض ما تفوت على صاحبو تمبس ..
مع ذلك..
شخصيا ما استحسنتها خاصة وإنو صاحبو بقول ليهو اوعك تعملها..
صحيح تمبس انحرف في البدايه عن المواجهة المباشرة ..
إجابتي عن ليه؟
بدون سبر نيتو ..
او التفكير في احتمال تفضيلو لتاكتك اصطياد (عصفورين بحجر)..
أو النظر في المآلات الاخلاقية لمن يتبع مثل هذا التاكتيك..
فهمت ـ على الأقل ـ إنو تمبس كان رامي لتشتيت تركيز اساسي..
كيف والدليل شنو؟
الكيفية كانت بزرع الاحساس بالحرج في نفس اساسي ..
وذلك باتبعاعو لطريقه ما متوقعها منو أساسي..
أما الدليل فكان في رد أساسي في بوست لاحق ..
على سؤال ود طيفور ( دخلت في ضفورك؟ )..
ما زلت عند رأيي إنو الخلاصة دي هي الدفعت أساسي لوقف البوست ..
على الرغم من إنو لم يكن قد أكمل طرحه بعد ..
خليهو يجي يقول كلامي دا تفحيط ساكت..
..
عموما انت كت عقلاني جدا و روحك حلوة..
ربنا يحفظك ليك الصغير أب عمه (من عين تمبس).
| |
|
|
|
|
|
|
|
|
|
Re: تمبس ـ اساسي + الخير ** (Re: سارة علي)
|
مرحبتين يا ساره على ..
| Quote: طيب بالمرة يا ريت تحللوا مآلات الانفصال والوضع في دارفور ورياح التغيير المابية تهب علينا دي!!!! |
دي شغلانه ما دايره تحليل دي دايره تخليل..
ربنا يعينا..
تقديري.
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
اووو سيد الشيء..
الجابك يجيب رفاقتك ..
| Quote: حابدأ ليك من يولندا كوباو |
يعني نويت تبداني من زمن الجهل؟..
بس عليك الله ما تنسي تصرف لصاحبك( الفنان) نصيبو..
أنا عارفو صاحبك وصاحب ( الشرس ) الحيطه بالحيطه..
وعامل اضان الحامل طرشا..
.....
حسع دا اسمو كلام يا أساسي..
أنا احاحي كم يوم ..
راجيك تجيني بى سكسك وغوايش تبخ ( رغم إنو إنت الإتفاق معاك ما مضمون)..
تقوم تبداني بالألماظ!
...
عارف يا أساسي ..
عندي رؤية تقيمية نقدية لأسلوب ومنهج كتابات عدد من كتاب البورد..
بما فيهم كتاب المقالات والحوارات والانتقادات الساخرة..
بس شفقت على أخونا طلحه عبد الله ربنا يدي العافية..
...
.. Any way, I am digging to purify our souls
برضو على زمة قوقل ذي ما بتقول..
.Stay well
| |
|
|
|
|
|
|
|
|
|
Re: تمبس ـ اساسي + الخير ** (Re: محمد على طه الملك)
|
يا تامبا الحق صحبك الملك بدأ يحللنا , بدينا نتحلل انحنا يا تمبس , بالطريقة دي علي حسب دكين حنتحلل لمن نتمثل ضؤيا ونقوم عُشر في البورد دا انحنا , اسمع عمك الحلال دا ارشو انا ولا اخلي ليك ترشو انت , لانه شايفو حلال جنس حليل . الغريبة يا الملك انا شايفك منحاز لصاحب البطل انت والمحللاتية الفوق بينما صاحب البطل زات نفسو قال انت وجمهورك ما عندكم ضمير في اخر مكالمة تلفونية قبل شوية , جهز حالك انت ومحللينك اذا بتريدو .
صحبك دا يا تمبس زمان شبكني ليك بعد غمست نص البوست جاي تقول لينا ملحه كتير , اسع عليك الله صحبك دا ما عمل كلامه دا زاتو , قلت لي القاضي قال للراجل ما شايف ام البت انت !!
| |
|
|
|
|
|
|
|
|
|
Re: تمبس ـ اساسي + الخير ** (Re: اساسي)
|
Quote: يا تامبا الحق صحبك الملك بدأ يحللنا , بدينا نتحلل انحنا يا
تمبس , بالطريقة دي علي حسب دكين حنتحلل لمن نتمثل ضؤيا ونقوم عُشر في البورد دا
انحنا , اسمع عمك الحلال دا ارشو انا ولا اخلي ليك ترشو انت , |
أييييوه..
أي حركة كدا واللا كدا بللاهي..
ما شفت الزول الجاك في نص المعمعة ديك وقال ليك عايز رشه تحمَيهو..
Quote: الغريبة يا الملك انا شايفك منحاز لصاحب البطل انت والمحللاتية الفوق بينما
صاحب البطل زات نفسو قال انت وجمهورك ما عندكم ضمير في اخر مكالمة تلفونية قبل شوية , |
أها بدينا..
مش قنا الضماير دي ما عندنا بيها شغله..
قال ضماير قال..
قوليهو إنت لاقي..
أنا غايتو شايف نفسي أديت كل واحد حقو والى حد كبير كنت ( فير)..
لأنو خلاصة البوست مافي هازم ومهزوم..
إذا رأيكم غير كدا نسمعو..
| Quote: جهز حالك انت ومحللينك اذا بتريدو |
إن علىَ أنا مدبَل بأطلس..
خازوق يكون البطل وصاحبو ناقشين التقنية دي؟
.
Quote: صحبك دا يا تمبس زمان شبكني ليك بعد غمست
نص البوست جاي تقول لينا ملحه كتير , اسع عليك الله صحبك دا ما عمل كلامه دا زاتو ,
قلت لي القاضي قال للراجل ما شايف ام البت انت !! |
والله صحي..
أنا كنت حاضر..
لكن بيني وبينك كلام مولانا كان منطقي..
كذلك صاحب البطل..
زحزح الالقام الفي طريقو ولما بقي فيس توفيس..
البطل قام كسر نصلو وخلا صاحبو محتار يواصل واللا ينسحب..
أنا منو كنت ح اواصل لامن يبين للبطل صاحب..
..
بالمناسبه يا أساسي الطريقه البتكتبو بيها إنت وتمبس دي..
على الرغم من بعض الفروق في لغة الكتابة..
حيث تميل كتابتك للفصحى المطعَمة باللغة المحكيَة..
ويكتب تمبس باللغة المحكيَة مطعَمة ببعض الفصحى ويميل للأسلوب السردي..
طريقة الكتابه دي ..
نفسها الدعوة الاطلقوها النقاد السودانيين من خمسينات القرن الفائت..
إبتداء من جدنا الناقد حمزة الملك في كتابو (الأدب السوداني وما يجب أن يكون عليه)..
لما دعى الكتاب والشعراء والأدباء أن يكتبوا بلغة تطابق ونعبر عن واقعهم..
ويستولدوا أفكارهم من طبيعة بلدهم وتقاليد مجتمعاتهم..
بحيث..
لما يقراها الأغيار يقولون هذه اللغة اوهذه الفكرة لا وجود لها إلا في المجتمع السوداني..
حسع الدش الدشيتو إنتو الاتنين في البوست داك ..
لما يقراه سعودي او خليجي في أي حته طول ح يصنف جنسيتها..
..
باين (إتنيناتكم ـ دي لغة شرق السودان ) ح تبقو تختتي الليله..
..
ياللا ..
(عشان الحاجات تبقى كويسه)..
| |
|
|
|
|
|
|
| |
محمد على طه الملك
رشا سالم
doma
ismeil abbas
الصادق ضرار
محمد البشرى الخضر
Yassir Tayfour
محمد عبد الماجد الصايم
احمد الأمين على إدريس
حمد عبد الغفار عمر
الصادق صديق سلمان
طلحة عبدالله
سارة علي
فيس بوك
تويتر
انستقرام
يوتيوب
بنتيريست