|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: ود الباوقة)
|
ياود الباوقة هذه الفرية أو المقولة التي يرددها قالها عوض الجاز والبشير ويرددها كل منسوبي هذا الحزب اللئم الشيطان تتجلي في قولك أدناه ---------------------------------------------------- من السهولة اطلاق التهم والافتراء على خلق الله
ولكن من الصعب اثباتها ..
لمن لا يمتلك دليلا ماديا ..... -------------------------------------------------------- انتهى وانت تعلم جيدا أن سياسة التمكين اللعين وخلوها مستورة شكلت عائقا وسياجا فولاذيا يحول دون الوقوف على حقيقة ثراء وتعدي شيوخكم على المال العام .. وتلك الحالات التي ظهرت للسطح بمجهودات المراجع العام ووصلت ما يسمى بالبرلمان وتداولتها الصحف - تعرف ماذا تم فيها ؟ الحفظ بين أدراج النائب العام والتسويات الهزيلة التي تكتفي برد (ثمن) المال المسروق والباقي ما كثير على المجاهد .. ليتم نقله وترقيته فيذهب ولاية الجزيرة مديرا لقطاع أو مفوضية او منسقية او معتمدية - ما شاء الله - توسعت مواعين السرقات ... لكن بالله عليك يا ود الباوقة : مثلا آل الرئيس وأسرته قبل 1989 م اين كان موقعهم وموضعهم مع رجال المال والأعمال آنذاك ؟ وغيرهم من لصوص الدين - من كان يحلم بالنوم في غرفة جالوص والمشى مشوار على (دابة بيضاء) أكرمكم الله - الآن يتجول بطائرة عمودية - ناهيك عن عربات الدفع الرباعي الفارهة المظللة - ويسكن القصور التي لا تبدأ من مسقط راسه ولا تنتهي بالعاصمة - وصولوا ماليزيا وأروبا - من أين لهم هذا - هل سنرى فقهاء السلطان - أحمد علي الأمام - وآخرين - يعطلون شريعة الله ورسوله وصريح النصوص - ليكون شائع القول طرفكم هو المبدا والمنتهى - من لا يملك دليل لا يتهم الكيزان ؟؟؟ متى تستحون وتتورعون ياهؤلاء ؟ الشفيع
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: Alshafea Ibrahim)
|
Quote: مثلا آل الرئيس وأسرته قبل 1989 م اين كان موقعهم وموضعهم مع رجال المال والأعمال آنذاك ؟ وغيرهم من لصوص الدين - من كان يحلم بالنوم في غرفة جالوص والمشى مشوار على (دابة بيضاء) أكرمكم الله - الآن يتجول بطائرة عمودية - ناهيك عن عربات الدفع الرباعي الفارهة المظللة - ويسكن القصور التي لا تبدأ من مسقط راسه ولا تنتهي بالعاصمة - وصولوا ماليزيا وأروبا - من أين لهم هذا - هل سنرى فقهاء السلطان - أحمد علي الأمام - وآخرين - يعطلون شريعة الله ورسوله وصريح النصوص - ليكون شائع القول طرفكم هو المبدا والمنتهى - من لا يملك دليل لا يتهم الكيزان ؟؟؟ متى تستحون وتتورعون ياهؤلاء ؟ |
اخي الشفيع
اتريدون ان تفتروا على الله الكذب
هذه ارزاق قسمها الله تعالى بين عباده
أَمْ يَحْسُدُونَ النَّاسَ عَلَى مَا آتَاهُمُ اللهُ مِنْ فَضْلِهِ
فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا
فَمِنْهُمْ مَنْ آمَنَ بِهِ وَمِنْهُمْ مَنْ صَدَّ عَنْهُ وَكَفَى بِجَهَنَّمَ سَعِيرًا
صدق الله العظيم ...
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: معاوية المدير)
|
Quote: خي الشفيع
اتريدون ان تفتروا على الله الكذب
هذه ارزاق قسمها الله تعالى بين عباده
أَمْ يَحْسُدُونَ النَّاسَ عَلَى مَا آتَاهُمُ اللهُ مِنْ فَضْلِهِ
فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا
فَمِنْهُمْ مَنْ آمَنَ بِهِ وَمِنْهُمْ مَنْ صَدَّ عَنْهُ وَكَفَى بِجَهَنَّمَ سَعِيرًا
صدق الله العظيم ... |
إبليس لقوه فى مطار الخرطوم مسافر سالوه: مالك؟ قال: (ناسكم) ديل كرهونا الواحد نبدأ معاه فقران ونوسوس ليهو: إستهبل غش اسرق انهب. ولمن خلاص يغنى يجيب لوحة يكتب فيها (هذا من فضل ربى)!
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: Mustafa Mahmoud)
|
ولا سيارة كمان
اتق الله يا ود الباوقة في عقلية الشعب السوداني
كدا فكر شوية بانك تموت وتقابل ربك كيف يوم القيامة الله يلعن الحكومات والسلطات الجبروتية المتحكمة في حق الشعوب التعبانة استغفر الله يا ود الباوقة ولا تنسى بانك قاعد في اطهر بقعة في الارض وهي المملكة العربية السعودية لو الفقر يقتلك افضل ليك من تهين نفسك وتضيع كرامتك نصيحة اخيرة عليك الله ما تنظر للشعب السودان باستهتار لان العقلية السودانية مفتحة قبل الشعوب العربية الاخري
لو فعلاً هو مهندس يعمل في شركة سودابت ، كيف تم تعيني في هذا المجال. والله العظيم انا العبد لله امتلك اكثر من 11 شهادة قاعد عاطل ولا وظيفة ولا حتى بواسطة برضو مايقبولني في اي منصب في الدولة لان الواحد لا يخاف الا الله الاعور نقول ليه اعور والعديل عديل ولى يوم الدين سنظل عطالة والحمدلله رضينا بقدر الله افضل من معيشة بذلة وانتهاك حقوق الانسانية فالنفاق والكذب حبلوا قصير ويوما ما حتماً سينكشف
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: ود الباوقة)
|
Quote: الكترابة
11 شهادة مرة واحدة
( حكمتو بالغة )
يا اخي جورج استيفن صن عندو شهادتين فقط لاغير |
العطالة علمتنا رزق اليوم باليوم وعشان نوسع باب المعرفة الواحد بقول يعمل ليه شهادة عشان يلقى وظيفة احسن لكن لقيت كل الدروب مقفلة شهادتين دا ما مشكلة المشكلة ناس زي عندهم اكثر من عشرين شهادة مركونة بسبب القهر والعنصرية والجهوية الموجدة في البلد كدا اسال قريبك محمد نافع كيف تم تعينوا وباي طريقة اذا كان زي ولا زي الاخرين هل يتم تعينوا؟ بس لسانك الله اداك ليه دا قول بيه انشاء الله حرف واحد من اجل الحقيقة والحقوق اللهم العن كل خائن كاذب كفور وبعدين انحن ما ناس مظاهرات وكسير عربات بس زول مسكين ومظلوم وربنا يستجيب داء المظلوم حتى لو كان كافر مادام الله في الواحد برفع يدو صباح ومساء ويدعوا ضد الظالمين الله يحرقهم ويحطم عمارتهم ويقلب عرباتهم باي سرعة يسرون بها الله استجب داء المظلومين في اي مكان في السودان
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: Mustafa Mahmoud)
|
Quote: ذواليد
11 شهادة مفروض طوالي تمسك مكان
بان كي مون |
ربنا يديني محل كي مون عشان نقطس حجركم تاني الا نتلاقى في القيامة نعم اجتهد وعملت ال11 واكثر بفكري وكامل وعي من دون تزوير وكم وزيرك يحمل شهادة مزورة والايام دول في كشف الشهادات المزورة اين شهادات يا ود الباوقة الله يلين قلبك بالصدق لو ثانية واحدة اتق الله في اولادك واسرتك انت ما عندك دين ولا الحكاية شنو نفهم منك اذا قلبك زي الحجر فالحجارة تتفجر منه الاعين
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: ود الباوقة)
|
Quote: ههههههههههه غايتو جنس غايتو
قلت لي لقيتا فرصة طوالي لاثبات ولاء وسلم جديد للتسلق
شغلك نضيف يا زول الحق قبل ما تتشلع |
ود العمدة ســلآم، عليك كلموا قولوا الكتاب والسُنّة ديل اليختاهن، أصلوا زِلة نفسو للناس العبوب ابا يخليها... الزول ده جا من وين يا اخّ!!!؟؟؟ حتي تأييدوا ما زي باقي الناس. العبوب اللاسمو نافع ده سكن جاري في الحلفاية بضع سنين وحاتك يا ود العمدة لا بعرفلوا أُمحُمّد، لا بعرفرفلوا فاطنة، الصلآة في المسجد ما بيجي يصليها معانا، قريبك الخوّعة ده يجي يستشهد بأيات القرآن إنوا ده رزقو الكتبو ليهو رب العباد!!! يعني خلآس بالتلفون إقتنعت 100% إنو صادق، وجيت تشهد علي صدقو بكلآم الله؟؟؟ أقعد دافع عنهم في الدنيا الزايلة دي، بعدين يوم الموقف العظيم لا هُن بلقوا البيدافع عنهم لا إنت بتلقى اليدافع عنّك...
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: ود الباوقة)
|
أخي معاوية المدير --------------------- ود العمدة ســلآم، عليك كلموا قولوا الكتاب والسُنّة ديل اليختاهن، أصلوا زِلة نفسو للناس العبوب ابا يخليها... الزول ده جا من وين يا اخّ!!!؟؟؟ حتي تأييدوا ما زي باقي الناس. العبوب اللاسمو نافع ده سكن جاري في الحلفاية بضع سنين وحاتك يا ود العمدة لا بعرفلوا أُمحُمّد، لا بعرفرفلوا فاطنة، الصلآة في المسجد ما بيجي يصليها معانا، قريبك الخوّعة ده يجي يستشهد بأيات القرآن إنوا ده رزقو الكتبو ليهو رب العباد!!! يعني خلآس بالتلفون إقتنعت 100% إنو صادق، وجيت تشهد علي صدقو بكلآم الله؟؟؟ أقعد دافع عنهم في الدنيا الزايلة دي، بعدين يوم الموقف العظيم لا هُن بلقوا البيدافع عنهم لا إنت بتلقى اليدافع عنّك... -------------------------------------- شكرا لك عبرت عني كثيرا ... والسؤال يا ودالباوقة : وبعدين الرزق ده وقت من رب العباد ليه ما جاهم قبل 1989 ؟ ما كانوا موجودين ولا شنو ؟ هات واحد منهم كان ضمن رجال المال والأعمال قبل 1989؟ او اسكت وردوا الحقوق لأهلها قبل فوات الآوان - ما تنفخ في قربتك المقدودة - كفاية شوف ليك صقرية احسن واترك المال العام والفساد فهو يمشي على قدمين ... الشفيع
| |
|
|
|
|
|
|
Re: في اتصال هاتفي . محمد بن نافع لا يمتلك من حطام الفانية الا وظيفته ..... (Re: فيصل محمد خليل)
|
طيب ياود الباوقة ممكن توضح لنا سبب / أسباب هذا الرزق ، من تجارة ؟ أم من عقارات وتركات توارثوها ؟ أم مناصب هم اولى وأقدر وأجدر بها من غيرهم ، ألخ ... ما قادر افهم زول ما عندو حوش جالوص في مسقط رأسه الآن يملك ما لا يملك القذافي وأسرته او بن علي وزوجته ؟ ودالباوقة البوست لذيذ ... وسوف اطلب من الأخ بكري رفعه عاليا .. وبهدوء وكلمة كلمة وجملة جملة وزنقة زنقة ... سنحاول كشف كيف لا يملك محمد بن نافع وغيره من شيوخ زمن الغفلة - لا يملكون شيء من حطام الدنيا الفانية ... خليك قريب ونفسك طويل ، وأستعن بمن ترى ، وليتك تطلب لهم عضوية من بكري وسوف اكون اول المؤيدين حتى ياتون ويكتبون ويوضحون سبب فقرهم وغناهم .. الشفيع
| |
|
|
|
|
|
|
|