|
|
 الي اصدقائي الصدوقين
|
طبعا الواحد بيمر بمرحلة انه Very confused (علي حسب قوقل )
وعشان الامور تبقي (فيري كلير) ويكون في مستند مأرشف مقبل الايام الواحد يستند عليهو , فانا بطلب من جميع اصدقائي المنبريين انهم يجو البوست دا وكل واحد يوريني اهاظر معاهو لاي درجة ونوعية الهظار البحتملو , لاني بصراحة وبدون نفاق ونقة كتيرة انا زول هظار ومعظم بوستاتي ممازحة او النسبة الاكبر منها فعشان ما يتم تفسيرنا بصورة مغايرة لما نكتبه ارجو من اصدقائي انهم يكونوا واضحين معاي من البداية وكل واحد فيهم يكتب لي مقاسه قدر شنو في احتمال الهظار والمزاح والبين الاقواس .
وبغض النظر عن اي حاجة , رشة حمودي العسل في الايام السابقة في البوست اياه ريحتني في حنان حناني زاتو
|
|
  
|
|
|
|
|
|
|
 Re: الي اصدقائي الصدوقين (Re: اساسي)
|
الزول الوحيد البقيت متاكد منه عمر الفاروغ , قبل فترة نزل ليهو بوست معنون باسمي وابت نفس بكري الا ان تحذفه , فاتصل علي متسائلاً عن حذف البوست , بالرغم من اني رددت عليه فيه , وسالني ان كنت تحسست من البوست ؟ استهجنت السؤال في البداية واديتو في صلعتو مباشرة , فاجاباني قائلا : والله قايلك بقيت فارة .
| |
|
|
|
|
|
|
|
|
|
Re: الي اصدقائي الصدوقين (Re: منال)
|
وعشان الزول برضو يكون (فير) احمد التجاني صحبي دا كنا قاعدين في قهوة واخوكم مزنوق ليهو في ثلاثة الف ريال , وعلي حسب الصداقة البينا اتجرأت وقلت ليهو ديني تلاتة الف ريال , شفط ليهو نفس من الشيشة وعاين لي كدااااااا وجغم ليهو جغمة شاي وعاين لي تاني وقال لي : العلاقة البينا ما بتسمح ليك تهاظرني هظار بايخ زي دا !! وواصل شفت بالله برشلونة امس عملت شنو في ارسنال!!
قلت ليهو شفتا .
وسكت سكاتي
| |
|
|
|
|
|
|
|
|
|
Re: الي اصدقائي الصدوقين (Re: طارق جبريل)
|
اساسي
مع انى ما صديقتك الصدوقه و لا حاجه...لكن ما تهظر معاى اى هضار ليه علاقة بال اى فون.
منو اللى ادالك على راسك فى موضوع الهظار ده؟؟
على العموم تستاهل.*
_________________________
* ما تزعل.....ده هظار
| |
|
|
|
|
|
|
|
|
|
Re: الي اصدقائي الصدوقين (Re: smart_ana2001)
|
Quote: مع انى ما صديقتك الصدوقه و لا حاجه...لكن ما تهظر معاى اى هضار ليه علاقة بال اى فون.
منو اللى ادالك على راسك فى موضوع الهظار ده؟؟
على العموم تستاهل.* |
اسع خلي الادوني ليهو شوفي ليك طريقة اتفكفكي من عمر الفاروغ دا , غايتو ما عندك طريقة الا تواجهي بي احمد التجاني هو كفيل بانه يخلي سقف طموحه ما يتجاوز التلاتين عشرة
| |
|
|
|
|
|
|
|
|
|
Re: الي اصدقائي الصدوقين (Re: طارق جبريل)
|
Quote: وعشان الزول برضو يكون (فير) احمد التجاني صحبي دا كنا قاعدين في قهوة واخوكم مزنوق ليهو في ثلاثة الف ريال , وعلي حسب الصداقة البينا اتجرأت وقلت ليهو ديني تلاتة الف ريال , شفط ليهو نفس من الشيشة وعاين لي كدااااااا وجغم ليهو جغمة شاي وعاين لي تاني وقال لي : العلاقة البينا ما بتسمح ليك تهاظرني هظار بايخ زي دا !! وواصل شفت بالله برشلونة امس عملت شنو في ارسنال!!
قلت ليهو شفتا .
وسكت سكاتي |
يازول انت وقت مزنوق ليك فى تلاتة الف البيقعدك فى القهاوى شنو ؟
| |
|
|
|
|
|
|
|
|
 Re: الي اصدقائي الصدوقين (Re: احمد التجانى احمد)
|
..
.
اخد راحتكـ على الأخر؛
بس اوعاك تقول عايز قروش
حدنا معاك انا والشفت اخوى مقاهى ومطاعم
وقعدات الخرطوم..
-------
ناس الواقع ديل لهم نكهة بطعم البرتقال
تختلف تماما عن بقية السايبرستز
| |
|
|
|
|
|
|
|
|
|
Re: الي اصدقائي الصدوقين (Re: Tabaldina)
|
بقينا في النقالات و الفلايت و ودوني البصير 
كلام القصير الما بنسمع:
Quote: بوستيكم يذكرني مباريات الروابط التكريمية.. تلك التي يلعب فيها مؤسسي الأندية و قدامى المحاربين..
فرغم روح التحدي و محاولة إظهار المهارات القديمة من نوع المحاورة الطويلة
التي يقدم فيها اللاعب كرته على اليمين و ينطلق بالشمال فيكتشف المخضرم أن اللياقة
ما عادت هي اللياقة و أن الزمن ما عاد هو الزمن و محاولات الBack ward
إلا أنها كانت تعرض كوميديا واقعية جدا بتلك السراويل الفضفاضة
و الانتفاخات الأمامية و الخلفيات الثقافية و خمة النفس..
وعادي المساعد الطبي بيكون stand by و حنك ما بعد المباراة (إذا عادت بنا الأيام)
------
ممتع.. ممتع بحق
تحية خاصة لحمودي ال Honey |
| |
|
|
|
|
|
|
|
|
|
Re: الي اصدقائي الصدوقين (Re: حيدر حسن ميرغني)
|
يا إسمارت إنتي :
| Quote: ...لكن ما تهظر معاى اى هضار ليه علاقة بال اى فون. |
انا جابني كلامك ده ياخ ..ومااا ح أهظر معاك جاااادي ..الرسول فيك كان ما رسلتي لي أي فون للدنيا والعالمين ..شحدت لي زول شدة عدييل كده يهدي لي موبايل وليهو تلاتة سنة شابكني أهو ده يسمع فييي كلامك وأهو ده الزول الجايبو ليك قااااعد معانا ..وإنتي الصادقة شاحدو التلفون ده من زمن كان " أااي" الفون زااتا كانت لسة ما جات ..
أها دحين يا اللخت حاولي ضحي بي سودانيز أون لاين ووافقي على طلب بعلك المصون وشيلي منو ال500 دولار وانا من جانبي ما حا أقصر معاك حا أمدك بعنوني البريدي وما ح نختلف يا زولة ترسليهو بي الفيديكس أو الدي إتش إل ما بيناتنا وعلييك علي انا بدفع تكاليف التوصيل..
أها ودعتك الله خيتي وزي ما شايفة ده ما هظار اي فون ده جااادي ..
تخريمة :
يا اساسي إنت الأيام دي مستقر* ولا شنو بقيت تخش سودانيز بكثرة كده ؟
ـــــــــــــــــــــــــــــــــــ
* مستقر تعني قاعد عزوووبي بي لهجة السعوديين ..وعزاابي بي لهجة السودانيين
| |
|
|
|
|
|
|
|
|
|
Re: الي اصدقائي الصدوقين (Re: محمد مصطفي مجذوب)
|
استاز استاز استاز
أنت قصدك الرشه دي :-
Quote: ملحوظة:
كان علي حمودي العسل أن يتريث قبل الدخحول إلى هذه المعمعة الخاسرة ..
فارشيف حمودي لا يغري إلى انضمامه إلى ارشيف هنـاي داك .. في حزمة واحدة ..
حيث أن رشة هناي داك لي حمودي العسل كانت بيضة جدا ..
Quote: كاااااااااااااااك
للصباح
ياخي يوم جدعها في بوست الشمارات , استغربت , رجعت اسابيع الجن الزمان ديك !!!
لقيت نفس المداخلة باسم حمودي العسل.
نططت عيوني !!؟؟؟؟ نططت شنو ياخ ديل جحظن عديل لمن قالن بققققـق
رجعت تاني استغفرت الله قلت امكن في غلط خليني اراجع تاني
رجعت تاني
واريتني ما رجعت
لقيتو هو نفسه
حمودي العسل
ما خجلت ليهو زيك
انصدمت ... زهللت , ضحكت لمن عيوني رقرقن
قشقشت دميعات ضحكتي
وقلت حرم ما بتجي مني
سكت ساي ,, غالبني السكوت .. ما مصدوم
اتمنيت يكون معاي زول في المكتب من اعضاء سودانيز اون لاين ,, اتمنيتك انت بالذات يا ابو حتحوت
عشان افتو معاك
قلت كان فتيتو في البورد ... بتكون حامضة
حامضة شديد ما بتتبلع
ولا بليمونة احمض منها
فكرت وقدرت وقلت القا للزول مخرج ... قلت لي نفسي وانت يا اساسي ما زمان مسمي رقبتك رومانسي
وعندك قريب الفين مداخلة ... النصيحة لقيتها ما بتشبهها ,,,
انا لمن غلبني اسم رومانسي دقيت صيوان بتاع سماية في البورد دا
قدام الناس كولهوم وقلت ليهم ,,, رومانسي ما بشبهني ودي كانت لحظة تهور مني
اصلي ايامها دخلت البورد كايس الجكيس
لكن حمودي العسل دي ما بيكتبها زول داير الجكيس ,,, اللهم الا كان جكيس ما بتقال,,,
زمان يا حمودي العسل البورد كان فيهو ناس صعبين خلاس .. سوالي ليك سلمت منهم كيف.
الا تكون رسلت ليهم صورتك بعد ملاحقاتهم حتي قنعوا
المشكلة يكون في جماعة ما مصدقين وما قنعانين لاسع
اقولك يا ود
من الليلة ما بتتابعني في بوست ... يود يا عسل
كدا!!!
كدا يا ابردا!!؟
..
قولو آآآآآآآآمين
تخيل النوعية البتكتب ليك من طلب العلى سهر الليالي ..
والمكتوب في الجبين لابد تشوفو العين إلخ .. والتوقيع تحت
Quote: تحياتي
حمـ العسل ـودي
.. وكمان بيسال صاحب الموقع عن في حاجة جاياني في صندوق ما عارفه شنو ..
صندوق شنو ياخ رحمك الله ..؟
|
ودي يا استاز قالو بدايت التعلم هنا وكده :-
Quote: اسمحوا لي ولحروفى هذه أن تأخذ اتكاءة قصيرة فى صفوف منبركم الأمامية ··
دعوها تخالط بقية الجالسين في المقدمة ربما يستجيب لها القدر فترتحل إلى مسقط قدمها
وليس مسقط رأسها ·· فمساقط الرؤس انزوت ثكلى·
ها أنا أجالس بعض أوراقي القديمة لأستلب منها بعض نشاز الحروف والكلمات·· قد تكون
هذيانا كهذيان مريض الملاريا ·· تبا لأنثى الأنوفليس وإناث الـ ···، لا أقصد إناث البشر
·· فهن رحمة لنا·
أصيل اليوم ·· إيقاع الظهيرة والمساء ·· قصاصات من صحف يومية شبه مهترئة ترتاح على
أرضية غرفة صغيرة طولها وعرضها ثلاث أمتار ·· ارتفاعها لا يتجاوز قامتي مضافا إليه
قامة شموخي المكفهر ·· أما العمق فيتعدى عمق المأساة·
تلك أبعاد أربعة تدركها جيدا، طول وعرض عمق وارتفاع ·· ومن بعد خامس غير مرئي وغير
محسوس ولدت هذه السطور ·· تحولات في مملكة الاحلام في تداعيات تتبرج عبر مقالات عائدة
إلى حظيرة نداء الوطن ·· وما يدريك ما الوطن·
كان من المفترض أن أواصل معكم الثرثرة ولكن على ألا أخرج من المقرر، فأسئلة امتحانكم
توجب الاختصار، وحتى ألقاكم فى ثرثرة أخرى ·· لكم ودى·
حمـ العسل ــودي |
والله وما طالبني حليفة يا اساسي
انا من كترت ما عجبتني كتابة حمودي العسل ده لما عملتها استيتوس في الفيس بوك
يا سلااااااااااااام علي حمودي العسل
| |
|
|
|
|
|
|
|
|
 Re: الي اصدقائي الصدوقين (Re: سفيان بشير نابرى)
|
ههههههههههههههههههه
يعني مصر تجيب الدليل الدامغ يا سوفي!!
هسي أعد البصر كرتين في المداخلة الجبتها دي ح تلاقي
عمكـ سيد الكنتين دا هو المرشوش رشّ الباسطة .. أنا جاتي سلاخية ساي!!
فيما يخص الكوت التاني .. أجدع إقنورد!!
| |
|
|
|
|
|
|
|
|
|
Re: الي اصدقائي الصدوقين (Re: Tabaldina)
|
Quote: حدنا معاك انا والشفت اخوى مقاهى ومطاعم
وقعدات الخرطوم..
|
انت ووليد الشفت ركزوا لي علي مقاهي وقعدات الخرطوم دي وقروشي الدايرها منكم بتسلفوني ليها بدون ما تشعروا
| |
|
|
|
|
|
|
|
|
|
Re: الي اصدقائي الصدوقين (Re: احمد التجانى احمد)
|
| Quote: يازول انت وقت مزنوق ليك فى تلاتة الف البيقعدك فى القهاوى شنو ؟ |
واضح انه مشكلتي ما في القهاوي مشكلتي مع الناس البقعد معاهم في القهاوي
سمعت تحت تحت انك سقت (عمك) ومشيت بيهو عيد الميلاد
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
| Quote: كل واحد يوريني اهاظر معاهو لاي درجة |
صدوقين دي ما بعرفها..
بس عادد روحي من القارئين المتابعين..
إذا هزارك فرش متاع عادي ..
تشاشي يعني ..
( سكسك ، غوايش تبخ ، ختم وحلقان فالصو ، حجار بطارية )..
مافي مانع نقبل الـ Disturbance بتاعك ونسردب..
إلا اكان بتهازر بطريقة تجارة الجملة دي وبطلع الطلبات (بالكوتات) ..
زميل ساي بنكرك.
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
و اللة يا اساسي دي خرخرة منك ساي
بعد اللعب احلو داير تشتت اللعب و تقع في الميدان
زي المصريين بضيع في الزمن و معروف انك خايف من
الانتفاضة الممفاجئة للفريق الخصم ما باقي ليك الا الانسحاب
بحجة انو في ( طقيع حجار من الجمهور )
اركز باقي دقيقه و مافي طريقة
غير كدة انت ما سمعت شعار علاء الدين بتاع نحن كالنحل داك
شنو كدة نلسعك و ما عارف شنو بالعسل
----------------------
الممطورة قالوا ما بتبالي من الرش
فأنكرب اخد الدش
| |
|
|
|
|
|
|
|
|
|
Re: الي اصدقائي الصدوقين (Re: نصرالدين صلاح)
|
| Quote: لا عاجياني مساسنجراتك المربوطة في رجل ود ابرك الزاجل |
اهو دا زاتو الكلام البجيب (الإحتقان)
________________________________
تعرف يا معلم بعد البوست دا حتى يادوب مشيت قريت البوست إياهو - الإترش فيه حموودي حبيبي - وحزنت والله
ياخ سودانيزاونلاين ارض غير صالحة للطابور ياقول الدياشة
موبوءة بسوء الظن و اصحاب الغرض و الطاعنين من الخلف والمتوارين و النافثين سمهم في ثنايا مزاح الأصدقاء وخوتهم
ودي ارض خصبة لإبليس ليبتهج ويفسد ما استطاع و للحساسية لتزيد وتؤثر على القراءات
لذا في الفيس بوك ونحوه رحمه
| |
|
|
|
|
|
|
|
|
|
Re: الي اصدقائي الصدوقين (Re: محمد البشرى الخضر)
|
Quote: انا جابني كلامك ده ياخ ..ومااا ح أهظر معاك جاااادي ..الرسول فيك كان ما رسلتي لي أي فون للدنيا والعالمين ..شحدت لي زول شدة عدييل كده يهدي لي موبايل وليهو تلاتة سنة شابكني أهو ده يسمع فييي كلامك وأهو ده الزول الجايبو ليك قااااعد معانا ..وإنتي الصادقة شاحدو التلفون ده من زمن كان " أااي" الفون زااتا كانت لسة ما جات ..
أها دحين يا اللخت حاولي ضحي بي سودانيز أون لاين ووافقي على طلب بعلك المصون وشيلي منو ال500 دولار وانا من جانبي ما حا أقصر معاك حا أمدك بعنوني البريدي وما ح نختلف يا زولة ترسليهو بي الفيديكس أو الدي إتش إل ما بيناتنا وعلييك علي انا بدفع تكاليف التوصيل..
أها ودعتك الله خيتي وزي ما شايفة ده ما هظار اي فون ده جااادي .. |
عمر الفاروق
انت ما نصيح ولا شنو ???
هسي متخيلنى (عشان انت تتفشخر ليك بتلفون) انا اضحى ب٥٠٠ دولارى و المنبر كمان. الصفقة دى ما عندى فيها اى مصلحة. لكن
انا ممكن ارسل ليك تلفون فى حالة ان تثبت حاجتين:
١~ انك ح تدفع القروش
٢~ زوجتك يكون زوقها سمح
و السبب فى التانى انك تدى زوجتك القروش تشترى لى بيها عدة من السعودية و ترسلها لى فى البلد دى. مش انت برضو متزوج و فى السعودية ?
لو ما متزوج و ما عايش فى الخليج...انسي.
فى زول اخونا كده حنستوا حنيس على الصفة دى ذاتها (ارسل التلفون و زوجته ترسل العده) ابى كلو ....كلو.
____________________________________________
لو اشتريت لى خمسة من ديل...موش احسن لى???
http://www1.macys.com/catalog/product/index.ognc?ID=545...%26sp%3D1%26spc%3D14
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
ياسر مالك عاوز تدخلنى فى مشاكل مع نوبى?
ده ما نوبى يا اخى. نوبى كان عندو اى فون قبل ما انا افرز الفرق بين الاىفون و البلاك برى. الزمن داك انا كنت شايلا لى تلفون بلوتوث ما فيه.
لكن من ناحية فى زول ابى لى.....فى زول ابى لى.
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
اساسى انتا تستاهل !!
البوديك تقطع الكبارى .. و تقيف فى موقف البصات " البدفورد " وكمان تهظر شنو ؟؟؟؟
اها خم و صر .. انت قايل الهظار مفروش فى سوق الشمس ؟
مرة فتحت بوست هظار مع صديقى و حبيب البى - كما يقول قيقا - امير كباشى .. عارف الحصل شنو ؟
اهل أمو " ام بدة " .. و .. أهل ابوه " حى العرب " .. طلعوا شايلين سيوف لم تخرج من غمدها منذ عهد المهدية و هم يهتفون :
منْ مس " أمير " حفيد " الآمير أم بدة " .. سوف نقطعه اربا .. اربا.. و نصليه نارا ذات لهب !!
و من ديك .. و عيك !!
تحياتى لك و لعقابك
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
| Quote: سمعت تحت تحت انك سقت (عمك) ومشيت بيهو عيد الميلاد |
ياخ معقول تطلعنى من عندكم بدون عشاء , اااى للامانة عزمتنى برااحة كدة , عيزومة مراكبية وانا بينى وبينك خفت من مفعول حبوب الصراحة تقوم تقرانى بكرة فى نشرة 9 صباحا
عشان كدة اتمنعت لانى كنت ضامن ال (Take away) جاى جاى , ولكن ولا اى حاجة عشان كدة انا حاليا عندى شعور بانى الضحية الوحيدة فى معركة ذات ال (Kodak و Polaroid)
نسبة لاستوديو غوش وفائز
| |
|
|
|
|
|
|
|
|
|
Re: الي اصدقائي الصدوقين (Re: Yassir Tayfour)
|
سلام يا اساسي
تعرف يا صديق هناك معارك وخفايا في المنبر انا آخر من يدري بها
لعدم المتابعة .. فانا لا اقرأ كل ما يكتب هنا
وللوقت دور كبير في عدم المتابعة .. لا اكثر
اكتشفت هذه الحقيقة من قبل فترة!!
انو انا ما متابع خفايا البورد والمشاكل والمشاحنات بين الزملاء هنا
وبما انو نحن من حلة واحدة
انت من الباطنية وانا جار ناس الرياض !!!
يبقى ما بيننا يتسع لكل شئ
ولو اتشاكلنا نقعد في مظلة محطة تمانية ونطلع حبايب
مع احترامي
| |
|
|
|
|
|
|
|
|
|
Re: الي اصدقائي الصدوقين (Re: خالد العبيد)
|
يا شباب عن اذنكم ياسر طيفور دا عشان موعايد نومه جات وعشان جاني في الحساس
| Quote: قلت لي دخلت في ضفورك؟ |
شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم .
| |
|
|
|
|
|
|
|
|
|
Re: الي اصدقائي الصدوقين (Re: اساسي)
|
| Quote: شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم . |
ههههه
الحافر على الحافر
تاني قدر ما تلقى ليك شافع غافل جضمو ...
كويس؟!
| |
|
|
|
|
|
|
|
|
|
Re: الي اصدقائي الصدوقين (Re: Ahmed Yousif Abu Harira)
|
!Quote: اهل أمو " ام بدة " .. و .. أهل ابوه " حى العرب " .. طلعوا شايلين سيوف لم تخرج من غمدها منذ عهد المهدية و هم يهتفون :
منْ مس " أمير " حفيد " الآمير أم بدة " .. سوف نقطعه اربا .. اربا.. و نصليه نارا ذات لهب !!
و من ديك .. و عيك !! |
| |
|
|
|
|
|
|
|
|
|
|
Re: الي اصدقائي الصدوقين (Re: محمد مصطفي مجذوب)
|
أصدقائك الصدوقين ديل زي منو يعني ؟؟؟
وبعدين انا شايف حقو بدل تحاول تبرر تبريرات فطيرة
ومن باب جلد الذات حقو تعترف أنك ما بتعرف تهظر أساسا
وتعلن للملأ أنك قفلت الباب القاعد يجيب ليك الكتاحة
دا وتقعد تعاين زيك وزي الباقين أو كمان تلزم حدود
بوست رايع ولله درك وشكرا لهذا الكلام الكويس ..إلخ
| |
|
|
|
|
|
|
|
|
|
Re: الي اصدقائي الصدوقين (Re: حمزاوي)
|
Quote: موبوءة بسوء الظن و اصحاب الغرض و الطاعنين من الخلف والمتوارين و النافثين سمهم في ثنايا مزاح الأصدقاء وخوتهم
ودي ارض خصبة لإبليس ليبتهج ويفسد ما استطاع و للحساسية لتزيد وتؤثر على القراءات
لذا في الفيس بوك ونحوه رحمه
|
| |
|
|
|
|
|
|
|
|
|
Re: الي اصدقائي الصدوقين (Re: حمزاوي)
|
| Quote: تدى زوجتك القروش تشترى لى بيها عدة من السعودية |
عدة من عمر الفاروق ؟ والله يشيل حالكـ للقرن القادم
_____________
أبحثوا معي عن إمرأة لا تحب شراء الكبابي والصواني وسأبشرها بالجنَة 
| |
|
|
|
|
|
|
|
|
|
Re: الي اصدقائي الصدوقين (Re: عمران حسن صالح)
|
| Quote: شفت لما تمشي ليك بيت ناس وتكون ضيف , وعندهم شافع شليق كدا , وانت ضيف ما ماخد راحتك علي الاخر , بتقوم تتظارف مع الشافع دا شوية , تقوم تمد يدك وتجضم الشافع جضيمة براااااااااااااااااااااااااااااحة بتاعة دلع كدا وتقول ليهو لِق لِق لِق , اها الشافع يطلع ابن ستين لزينا بدل يضحك ويتفاعل معاك يفتح حلقومه علي مية وتمانين درجة وقولة واااااااااااااااااااااااااااااااااا ويجعر بطول حسه شفت المنظر دا وخاصة لما ام الولد وابوهو يكونوا ما شافوا الفلم دا او كانوا بهناك ويسمعوا صوت بكا ولهم وهو يكمل الناقصة يقول ليهم دا عمو ويمد يده يأشر عليك !! بس دا كان منظري في الفلم . |
لووووووووووووووووووووووول اساسي دا يضحك الزول في فراش ابوه ( بيت البكاء يا شباب )
يا اخي لاجل هذه الكتابه الساخره كان دخولي الي هناك وحصل خير كثير يا زول
| |
|
|
|
|
|
|
|
|
|
Re: الي اصدقائي الصدوقين (Re: منال)
|
منال
من حلقك الفى اضانك " صورة البروفايل " .. انت استشنائية من العدة لانك يظهر من زبائن " سوق الكندرة "
يظهر انت زى الجماعة بتاعينا .. بتحبوا العدة الصفراء !!
المهم المرأة يا بتاعت عدة .. يا دهب !!
و كان لقيتى لى واحدة غير كدا .. ليك منى هدية " حلق " .. مربع !
| |
|
|
|
|
|
|
|
|
|
Re: الي اصدقائي الصدوقين (Re: يوسف محمد يوسف)
|
| Quote: و كان لقيتى لى واحدة غير كدا .. ليك منى هدية " حلق " .. مربع ! |
اها يا يوسف محمد يوسف لقيتها ليك
وبدون فخر انا ذات نفسي لوووووووووول لا عده لا دهب
اها رسل لي الحلق المربع دا
الا يكون بلاتين ومطعم بالماس لاني استثنائيه مكعب
| |
|
|
|
|
|
|
|
|
|
Re: الي اصدقائي الصدوقين (Re: doma)
|
اختنا دوما
اكيد انتى استثنائية .. بس من نوع آخر !!
انت طبعا من جيل .. الزمام .. الفدو .. والتيلة .. عشان كدا الحلق ما مناسب مع الموديل تبعك !!
ايه رأيك فى غويشة " احفظ مالك " و معاها .. " سحارة " عشان الحفظ !!
انا مستعجل .. ابقى اشرحى " السحارة " للشباب ديل !
مودتى
| |
|
|
|
|
|
|
|
|
|
Re: الي اصدقائي الصدوقين (Re: يوسف محمد يوسف)
|
| Quote: اها رسل لي الحلق المربع دا |
خالتى دوما والله الحنكشه فيك ولا خايله..
قولى خاتم نص جنيه، شولق،لبه،شف ارباع،فدو،
قالت حلق مربع!!!
يعنى منال دى تلبس شنو كان انت بتلبسى حلق مربع
لووووووول..
اساسى طبعا انا باعتبارى خالك زى بنى واحد..
ومع ظلاميتك الباينه دى الا اننى حد اى شى مع اى زول فى الدنيا
السماء..ومتصالح مع نفسى للطيش ووحاتك اكتب الداير تكتبه
كان شفتو برد عليك وكان ما شفته العفو والعافيه،،،
| |
|
|
|
|
|
|
|
|
|
Re: الي اصدقائي الصدوقين (Re: صديق الموج)
|
!| Quote: المهم المرأة يا بتاعت عدة .. يا دهب !! |
غايتو انا مابحب البس الدهب
زمان كنت بلبسو لمن اكون ماشه سمايه ولا كرامه تجمع نسوان يعنى
اها صاحباتى كرهونى بقو يقولو لي لابسه الدهب عامله زى اهل العوض ( هوى مايجينى واحد ناطى كلهم حبايبى)
اما العده بجيب الضروريات المحتاج ليها المطبخ مابحب الكرور الكتير
مايجينى زول ناطى يقول لي لو جاتك مناسبه
لو عرسنا لي هبويه بنستعين بأمى
| |
|
|
|
|
|
|
|
|
|
Re: الي اصدقائي الصدوقين (Re: منال)
|
بوست رايع راااايع يا صديق
و ده ما تلج، انا اعني ما اقول و اقول ما اعني كما قال زول قبل كده في بورديكم ده :)
يا سمارت، المشكلة الزول حاسي بقي عنده انفصام شخصية بين بورد بكري و الروعة العايشها الزول من جهة تانية، لووووول
نوبي، اقعد ساكت ياخ
| |
|
|
|
|
|
|
|
|
|
Re: الي اصدقائي الصدوقين (Re: tabaldy)
|
Quote: سعادتو
أخوك طاشي شبكة
موقوف كنت بأمر مالك الموقع
لا لشيء وهذا في حد ذاته شيء
|
كاااااااااااااااااااااااااااك 
سعادتو ذااااتو بكون ما ناقش
أقلاه بكون أسقطك من قائمة أصدغاهو الصدوغين
| |
|
|
|
|
|
|
|
|
|
Re: الي اصدقائي الصدوقين (Re: willeim andrea)
|
مطلوب موزعين في السعودية
شغلة مريحة جدا
.
.
بدل ماتتعب يدك
لايروح فكرك بعيد ......
هذي تحط تحتها النجر ويد النجر لطحن الهيل والقهوه و . . الخ
الجديده في ألأسواق
الله يهديكم دايم النيه رايحه فيها
| |
|
|
|
|
|
|
|
|
|
Re: الي اصدقائي الصدوقين (Re: Gaafar Ismail)
|
Quote: مالك علينا? ربنا يخلى لينا حبنا للعدة و يدخلنا الجنة
ما تلخبط المواضيع ...فى فرق بين حب شراء الكبابى من بس فكرة شراء كبابى.
شراء العده (و الشباشب) و الدهب (المجوهرات عموما) ده فن و زوق, ذى الاكل. انا بحب الاكل .الاكل السمح. ما معناها انى باكل اى حاجه (بشترى اى كباية).انا صعبة جدا فى اختيار الاكل .انا بحب الfine food .و على ذلك اقس.
صح يا خالتى دومة? |
لووووول عاد يا اسمارتينا يا بتي لو بقي حب العده من شروط دخول الجنه
خالتك دومه ما اتمقلبت مقلب متل السم
كدي خليها حب الاكل السمح وباقي الحاجات عشان ندخل توووووووووووووش
| |
|
|
|
|
|
|
|
|
|
Re: الي اصدقائي الصدوقين (Re: doma)
|
لزوم الما عندو نضارة وكدة ....
شكرا أساسي على البوست الظريف ...
وصراحة كمية التعليقات اللطيفة والذكية
المحشورة في البوست ده ...تعدل المزاج ..
شرط أن تكون النوايا صافية ....
شكراً للجميع ....
| |
|
|
|
|
|
|
|
|
|
Re: الي اصدقائي الصدوقين (Re: ibrahim fadlalla)
|
Quote: حدنا معاك انا والشفت اخوى مقاهى ومطاعم
وقعدات الخرطوم.. |
انتو في زول سجل جديد في المنبر ده اسمو الشفت غيري ؟!
لانو انا ما بعرف لا مطاعم ولا قهاوي
بالله عرفونا بالشفت بتاع المطاعم والقهاوي ده
| |
|
|
|
|
|
|
|
اساسي
Maawya Hussein
Faisal Elrasheed
طارق جبريل
smart_ana2001
محمد عبد الماجد الصايم
احمد التجانى احمد
محمد البشرى الخضر
saadeldin abdelrahman
doma
دينا خالد
حمد فتح الرحمن
حيدر حسن ميرغني
abuguta
عمر الفاروق
فيصل نوبي
محمد مصطفي مجذوب
سفيان بشير نابرى
Hassan Makkawi
Yassir Tayfour
محمد على طه الملك
نصرالدين صلاح
تبارك شيخ الدين جبريل
يوسف محمد يوسف
خالد العبيد
Ahmed Yousif Abu Harira
الصادق ضرار
عمران حسن صالح
صديق الموج
Rihab Khalifa
حبيب نورة
nadus2000
وليد محمد المبارك
محمد حيدر المشرف
willeim andrea
Gaafar Ismail
ibrahim fadlalla
فيس بوك
تويتر
انستقرام
يوتيوب
بنتيريست