|
الان تخطى السيل الزبي .. وسوف ترون .. قرار محتمل لوزير المالية بايقاف الحوافز
|
لمن لا يعلم المرتب الاساسي لموظف 14 سنة تقريبا 600 جنيه .. بمعني وبحساب الدولار الان اقل من 200 دولار في الشهرر
تاتي الحوافز لتزيد المرتب لقارب الـ 300 دولار
الحكومة قالت انها ستخفض الصرف السيادي
وسيادتها اظنها تعتبر الموظفون ساده فقررت تخفيض ما يقبضون .. وتركت الترهل في العدد والصرف للوزراء ووزراء الدولة والنواب وما اليه
المرتبات الاساسية للعامل الذي يعمل ما يقارب العشرين عام اقل من 100 دولار
والمرتب الذ يصرفه وزير واحد في اي وزارة بدون وزير دولته يوازي مرتبات جميع العمال
خلي الوزير يوقف الحوافز ونحن الموظفين حا نوقف حال الحكومة دي
|
|
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: وليد محمد المبارك)
|
يا وليد النظام دا من جاء عندو دايما مشكلة فى الاولويات وطالما رئيسه بفكر بعقلية انو جا بالقوة ولازم يستمر بالقوة ف حا يعمل المستحيل عشان يوفر للاجهزة الامنية كل متطلباتا حتى لو كانت تعجيزية لامكانيات الدولة حاليا المؤسسات العسكرية بتستهلك78%من موارد الدولة والنظام بيفكر فى كل الحلول البيقدر يواجه بيها النقص فى الموارد الا خفض الانفاق العسكرى الغير مبرر حتى لو توقف عن دفع مرتبات وحقوق العاملين بالقطاع العام لانو ببساطة لا يضع اعتبار للشعب وبيفتكر انو طالما ضامن ولاء الامن فهو باق ولانو الاجهزة الامنية موصلة للنظام احساس انها عندها المقدرة على حمايتو من اى ثورة يعنى ما حا يشتغل بى احتجاجك كتير وحا يوقفوا الحوافز وتانى حا يرفعو الاسعار واضربو راسكم فى الحيط
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: وليد محمد المبارك)
|
Quote: اها يا رغيم لو العاملين في الدولة من غير الاجهزة الامنية
ما عملوا مظاهرات ولا مسيرات ولا يحزنون
كل واحد فيهم مشى بيتو .. او حتى لو فضل واشتغل ليهم قدر قروشهم
بتاعين الامن ديل بدوروا ليه دولاب العمل ؟؟؟
وكاني ارى النظام يريد ان يفارق السلطة |
الحل يا وليد انو الشارع لازم يوصل للنظام رسالة انو الامن والقوة ما بتحميه ومهما اتطلبت المهمة دى من تضحية غير كدا ماف حل غير انو تاكلو الكفوف دى لبادى وتستعدو لكف جديد ولو داير الجد نحنا محتاجين نوصل راقصنا لى انو يطلع فى التلفزيون ويقول الان فهمتكم وبرضو ما نشتغل بيه
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: رغيم عثمان رغيم الحسن)
|
Quote: النظام بيفكر فى كل الحلول البيقدر يواجه بيها النقص فى الموارد الا خفض الانفاق العسكرى الغير مبرر حتى لو توقف عن دفع مرتبات وحقوق العاملين بالقطاع العام لانو ببساطة لا يضع اعتبار للشعب وبيفتكر انو طالما ضامن ولاء الامن فهو باق ولانو الاجهزة الامنية موصلة للنظام احساس انها عندها المقدرة على حمايتو من اى ثورة يعنى ما حا يشتغل بى احتجاجك كتير وحا يوقفوا الحوافز وتانى حا يرفعو الاسعار واضربو راسكم فى الحيط |
100% ما في حل يا وليد الا ان يخرج الشعب السوداني الواطئ الجمره الشارع فمهما هادنتم واعطيتموه الفرصه للاصلاح لن يصلحوا لانهم جبلو علي الفساد ومص دم الشعب السوداني
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: doma)
|
Quote: سالتك بالله يا وليد توريني 300 دولا لاسره من خمسه ارواح ام واب وتلاته اطفال مع الاسعار المرتفعه دي بتجابدوها كيف يا وليد ؟؟ |
بالمناسبة يا دومه .... المثال ده هو وليد البيتفاصح معاك (ما عارفك عارفة والا لأ) ..... ربنا يحفظ ليهو بنياتو وأمهم.
ويا وليد .. ما دام وصلت لقناعة زي دي ... يبقى أكيد ما أقل من 80% من الشباب البيعملوا في القطاع العام واصلين ليها.
وتاني مافي غير الشرارة.
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: وليد محمد المبارك)
|
سلام يا اخ وليد...
الوضع الاقتصادي في مؤشراته الكليه ..هو وضع مأزوم ومسدود الافق...مثل هكذا وضع يتطلب وضع سياسي مرتخي مصحوب بقبول واسع وحيث ان الافق السياسي اكثر انسداداً فستظل اولويات النظام امنية بحته وليس له خيار..ولا ياخذني شك اننا مقبلون على اكثر الاوضاع ماساوية وسيعاني محدودي الدخل جحيماً فيما يخص معادلة الدخل والتضخم وانخفاض القيمة الشرائيه للعمله.. لا حل الا في اصلاح سياسي جذري بجراحة اليمه ثمنها تنازلات مؤلمه من الحزب الحاكم حتى يرتخي المناخ السياسي ويخرج من حالة الاحتقان وبالتالي تنتفي الحاجة الى النزعه الامنية التي تاكل الاخضر واليابس من ميزانية معلوله.....
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: وليد محمد المبارك)
|
بالارقام انهيار الاقتصاد السوداني وهروب محافظ بنك السودان
يا وليد ازيك
كدي اخد ليك نظرة علي البوست دا والله الذي لا اله غيره الحيكومة دي الدمار العملتو في السودان ما حصل ولا ح يحصل
وموش يشيلو الحوافز فقط ديل لو ادوك المرتب الاساسي بعد اخر نقطة بترول تقيف يكون ما قصرو
يا وليد ديل لو زادو الضرائب اضعاف مضاعفة وزادو الرسوم مليون مرة برضو ما ح يحلهم
الشعب السوداني حتى الان مغيب تماما بل اصدق عبارة مخدر في غيبوبة تامة
اكاد اجزم ان قيادات المعارضة التاريخية لا تخشى النظام بقدر ما تخشى من العبء الثقيل الذي سترثه من هذا النظام .. الاقتصاد السوداني بعد يونيو محتاج لنبي يا وليد
الناس ديل دمرو وخربو كل شي ما ينطط بهم البشير من كباري وطرق علي قلتها ليست نتاج نهضه اقتصادية بل من قروض ستضاف للمواطن المسكين الذي جُهل بالاعلام المضلل غدا سيكون على كل سوداني ان يستقطع من لبن اطفاله ان كان من لبن ليسدد فاتورة رقصة الريس
المشكلة الوقت البجي فيهو معرفة الناس للواقع دا بيكون كل شي انتهى قيم اوفر
نسال الله ان يلطف بعباده وحسبي الله عليك يا عمر البشير الله ينتقم منك دنيا واخرة
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: محمد حسن العمدة)
|
Quote: الشاعر ومن بعده المغني قالا سيد نفسك مين اسيادك |
ومن هذه النقطة اعتقد انطلقت ثورة الشباب المصري فانا من المتابعين لمجريات هذه الانتفاضة ومن متابعتي فقد وجدت أن هناك فجوة كبيرة بين النخبة المصرية وهؤلاء الشباب فقد كانت النخبة المصرية تنطلق في خطابها باعتقاد أنهم فقط من يملكون الحقيقة واتضح على الأقل لشخصي أنهم كانوا آخر من يعلم بها فعند أول خطاب لرئيسهم الذي أفاد فيه انه لن يترشح مرة أخرى اعتبروا أن هذا هو قمة ما كانوا يطمحون وحاولوا أن يثنوا الشباب عن التظاهر والاعتصام في ميدان التحرير فاضطر مبارك أن يفوض عمر سليمان بصلاحياته وهنا أيضاً قالو لقد حصلنا على كل ما كنا نريده ولكن الشباب لم يستمعوا إليهم بل خونوا البعض منهم فاستمروا في ثورتهم حتى اقتلعوا الدكتاتور من جذوره وحينها علمت النخبة أنهم كانوا في وادي سحيق غير الوادي المترع بالحرية والإحساس بالاستقلالية الذي ذكرته يا وليد ويتمترس فيه الشباب هنا أصبحت النخبة التي تدعي أنها مثقفة تتمسح بالثورة وتحاول ان تغير جلدها إلا قلة منهم كانوا مع الشباب منذ بداية هبتهم والشيء الذي يجعل المرء يحترم هذه الثورة أنها ثورة لم تكن ضد القيادة السياسية فقط بل كانت ثورة ضد القيم والاخلاق السالبة التي كانت تسود مصر فقبل شهور قليلة كان التحرش الجنسي في مصري كاد أن يكون ظاهرة يعاني منه كل قطاعات المجتمع وهذا يؤكد أنه اذا فشل النظام وغرق في الفساد حتى أذنيه فسدت كل القيم والأخلاقيات الموجبة في المجتمع وعند اقتلاع هذا النظام الفاسد يعود كل الحاجات الكويسة لهذا الشعب او ذلك وإلا فبماذا تفسر عدم وجود أي تحرش جنسي في ميدان التحرير رغم أن المظاهرات كانت مختلطة بين الشباب والشابات واختفاء كل مظاهر الفساد الذي يمكن ان تكون في مثل هذه التجمعات وحل محلها كل الحاجات الكويسة من تنظيف للشوارع الخ وهذا ما اعتقد او احلم ان يحدث في السودان معلم الشعوب في هذا الجانب عندما تهبون ايها الشباب ولك تحياتي وودي
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: علي سيد همد)
|
Quote: والسبب اني لا مع ديل ولا مع ديك |
أوع تكون بين الخشبات التلاتة كنت بتعمل كدا؟
أعتقد أنَّ أهم من الحوافز هـو مراجعة الأجور وتقييمها بناءاً على الوضع الراهن للسوق وتقديم أجور مجزية للعاملين في المجالين العام والخاص. على أنْْْ تتم هذه المراجعة بصورة دورية (كل سنة مثلاً). يصحب هذا مراقبة الأسعار وضبطها مع تقديم الاعفاءات الجمركية للسلع الأساسية، وإلغاء الضرائب والجبايات (الأتوات) على المستوى الولائي والاتحادي. من غير المعقول أنْ يكون سعر جوال السكر (سعة 50 كيلو) من المصنع السوداني في حدود 58 جنيهاً ليصل للمواطن في حدود 170 جنيهاً. أمَّـا الانفاق الحكومي والأمني و...... دا موضوع آخر.
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: وليد محمد المبارك)
|
Quote: هل يا وزير المالية ستوقف حافز الميزانية الضخم من موظفيك ؟ |
يا ولــى سلام
اليوم اطلعت على القرار والغريب انه ليس بقرار وزارى بل توجيه من وزير الماليه عبر مدير مكتبه لكل الوزارات الموضوع ما الوزير الموضوع القابات حين لم تطالب بتوحيد استحقاقات العاملين وبدلاتهم نقابة المنشئة دا عايزه قراءة تانية السؤال المهم ( الحافز بيصبح حق للموظف حين يطالب بعمل اكثر من مهام وظيفته مع الاخرين ) كيف يعمل الموظف فوق طاقته واكثر من مهام وظيفته وبعد دا كلو ( يقولو ليهو جزاك الله خير ) اى جزاهو الله خير لكن معاها توقيع فى ( البيشيد )
ترمــة ( نقابات المنشئة دائرة مقفولــه )
| |
|
|
|
|
|
|
Re: الان تخطى السيل الزبي .. وسوف ترون .. قرار محتمل لوزير المالية بايقاف الحوافز (Re: بدر الدين اسحاق احمد)
|
بدر الدين يا صاحب ازيك
Quote: ترمــة ( نقابات المنشئة دائرة مقفولــه ) |
مقفولة بس دي مبرشمة عديل
احكي ليك قصتي ولغوست اهلكم يا بدر
فجأة كده علقوا لسته قالوا انتخابات النقابات .. الكلام ده شهر 12 الفات مشيت للمكتب حق النقابة وقلت ليهم انا نازل السنة دي المطلوب شنو ؟
قالوا لي الانتخابات حا تكون بعد الاستفتاء
اخوك مؤمن وصديق
بعد تلاته يوم علقو كشف قالوا ده كشف النقابة الجديده وفاز بالتذكية
الله !!!
طبعا اخوك كبسور مشيت سالت الوزارة كلها انتو عارفين بالانتخابات دي قالوا ما عارفين مضيتهم وعملت كشف بانو الانتخابات دي تم بالتدليس ومافي زول عارفها حتى مناقشت خطابي الدورة والميزانية ما عارفنهم
مضو على الخطاب ده فوق للسبعين موظف
مشيت لمسجل النقابات وقدمت شكوى انقر سيادته قال لي شنو ؟
قال لي انت السبعين نفر ديل موكلنك ؟
!!!!!!!!!!!!!!!!!!!! معلقولة ولا حتى عاوز يكلف نفسو
قلت ليه لا
قال لي خلاس ما تتكلم بلسانهم قلت ليه مافي مشكلة السبعين نفر قاعدين بره حا يدخلو ليك واحد وحد قال لي لا ما تجيبهم في كشف كل زول يقدم شكواهو براه
وطبعا يدفع رسوم الدمغات وما اليه
ولي هسع متجرجرين
| |
|
|
|
|
|
|
|