|
|
 بلاغ من إمرأة للتاريخ!!
|
فيك ياامدر اقيف اليوم واسطر حرفى
وابعتو للاسود السكنو احمد شرفى
يا ابواتى العزاز مغبونه من عوس ظرفى
ومن بحر المظالم فاض وهدم جرفى
جرفى الفيهو كم نبتت فضايل ذاتى
كنتو حماتو من موج الفساد العاتى
الخلانى بيكم استجير ياابواتى
قيف عرضى انهدم واخوانى صاروا اخواتى
|
|
  
|
|
|
|
|
|
|
|
Re: بلاغ من إمرأة للتاريخ!! (Re: Balla Musa)
|
أواصل سيرى جاياك يامقابر كررى
احتمى بالجماجم وليها اكشف ضررى
نار اكلتنى يا ابواتى وتطاير شررى
والسلطان قطع خيط عرضى شتت دررى
البلد البنيتو بالفضيله قصورا
جاها مسيلمه الكداب و هدم سورا
الدين اضحى لعبه والشرايع كوره
وامام المسجد الكان هيبه اصبح صوره
فى زمن القمار والرجرجه المأجوره
أكبر صوفى يقطع سيف ويعمل فوره
فى باب الفتاوى المفتى زول ماسوره
وامير المؤمنين يتسلى بى عصفوره
هادى الحاله يارجال كررى جاتكن تاره
لى عقدين بفتش للقلوب الحاره
انعدم البتب ويقول اخوك يا الساره
وناس انا انتى زى غنم القطيع الفاره
.......يتبع
| |
|
|
|
|
|
|
|
|
 Re: بلاغ من إمرأة للتاريخ!! (Re: Balla Musa)
|
فيك ياامدر اقيف اليوم واسطر حرفى
وابعتو للاسود السكنو احمد شرفى
يا ابواتى العزاز مغبونه من عوس ظرفى
ومن بحر الظلم يوم فاض وهدم جرفى
جرفى الفيهو كم نبتت فضايل ذاتى
كنتو حماتو من موج الفساد العاتى
الخلانى بيكم استجير ياابواتى
قيف عرضى انهدم واخوانى صاروا اخواتى
أواصل سيرى جاياك يامقابر كررى
احتمى بالجماجم وليها اكشف ضررى
نار اكلتنى يا ابواتى وتطاير شررى
والسلطان قطع خيط عرضى شتت دررى
البلد البنيتو بالفضيله قصورا
جاها مسيلمه الكداب و هدم سورا
الدين اضحى لعبه والشرايع كوره
وامام المسجد الكان هيبه اصبح صوره
فى زمن القمار والرجرجه المأجوره
أكبر صوفى يقطع سيف ويعمل فوره
فى باب الفتاوى المفتى زول ماسوره
وامير المؤمنين يتسلى بى عصفوره
هادى الحاله يارجال كررى جاتكن تاره
لى عقدين بفتش للقلوب الحاره
انعدم البتب ويقول اخوك يا الساره
وناس انا انتى زى غنم القطيع الفاره
على دينار ابوى جاياك عشان اتسدى
ابوزكريا بابك فى طريقى انسد
نحاس الشهامه الكان بدق انقد
وجنيات الزمن راجين يتموا العده
يامك الحرقت كبرياء الباشا
ويا القنعت بى توب الفضايل عاشه
ليك انا بشكى فى الدنيا البقت غشاشه
اولادك بقوا يبيعوا العروض تشاشا
يامهيره البقيتى مدرسة وطنيه
ويا أمى العملتى للرجال زنديه
قلت احاكى زمنك وابقى مهرة عصيه
إلا اخوانى لبسوا من الرحط بالميه
عثمان دقنه وينك ووينو ود حبوبه
بى وراكن امورنا اصبحت مقلوبه
الحارس حرامى والعروض مسلوبه
وهيثم والمعز ونزار بقوا زينوبه
جيتكن حاسره يا ابواتى كايسا دباره
من ظلم الحكومه ومن فساد اوكارا
شوف عدم استحاها وشوف عفن افكارا
تبحث للقراين فى غشا البكاره
يعنى عادى ياحكومة السجم اتعرى
وتجدعى عرضى بقشيش لى كلاب السره
توسدى تحتى مصحف وتمشى تحت الصره
وكلو فى سبيل الله مافى مضره
سبحان الله الحافظ كتابو واسمو
والبضارا فيهو بالخيانه بقسمو
الدين روحو رحمه والفضايل جسمو
وسيف القدره للبتعدى حالا يحسمو
| |
|
|
|
|
|
|
| |
Balla Musa
osly2
abubakr salih
فيس بوك
تويتر
انستقرام
يوتيوب
بنتيريست