|
|
|
 Re: التركيز .. التنظيم (Re: وليد محمد المبارك)
|
طبعا غير قروبات كتيره
اماني العجب عاملة واح
ود العمده عامل كم واحد
ده تشتيت جهود
اتفقوا على قروب واحده شامل يقضى كل الاغراض
يعني ما ممكن تنقلوا تشرزمكم ده من الواقع للاسافيير
| |
  
|
|
|
|
|
|
|
|
Re: التركيز .. التنظيم (Re: وليد محمد المبارك)
|
نعم يا وليد
التركيز--- والتنظيم... ومن ثم الاهداف والوسائل
واهم شي في كل هذا (نوعية الخطاب) حتي لا تضيع الاشياء الاساسية في التفريعات التي لا بتودي وا بتجيب
غير انها بتشتت الكورة التي هي الان في منطقة ليس ببعيدة من خط المرمي.. وتحتاج الي وعي
واداراك وعمق
| |
|
|
|
|
|
|
|
|
|
Re: التركيز .. التنظيم (Re: ياسر بيناوي)
|
فعلاً يا وليد،
أشكرك جداً فقد لمست أس الداء،
التركيز، التركيز، التركيز..
ثم التنظيم التنظيم التنظيم...
،
الناس جايطة شديد يا وليد، ومن السهل جداً تشتيتهم واللعب بهم.
وطالما استمر عدم التركيز، وعدم تنظيم الجهود حا يستمر الخصم هو اللاعب الأساسي وهو المسيِّر لمجريات اللعب على حسب هواه، ما يعني عمراً أطول وانتهاكات أكثر.
المتابع للبوستات هنا يتألم لي حجم الجوطة و"العوارة"، أيي والله العوارة بعينها بين المعارضين، وتشتيت الجهود
والمتابع للمجموعات في الفيس بوك راسو يلف من كترة القروبات واللخمة الحاصلة فيها..
ليه ده كلو؟
من عجزنا عن تنظيم أنفسنا؟ أم أن كل واحد يريد نسبة المجد الغائب والمبادرة غير المفعلة لنفسه في حال نجاح الحملة؟
،
ويا وليد وكل المهمومين، أرى من وجهة نظري، أن كبد الداء بالإضافة للذي بعاليه، هو المعارضون "العورا"..
ياخي ديل اكتر ضرراً وأشد فتكاً من كل أسلحة الحكومة، بما فيها الاغتصاب..
فليتهم سكتوا.. ليتهم ابتعدوا قليلاً واكتفوا بأضعف الإيمان..
ليتهم تركوا الأمر لمن يعرفون متى يقولوا وماذا يقولون وأين..
ليتهم عرفوا أن مداخلة "شترا" واحدة قد تنسف جهد سنين، وعرق ودماء سكبت..
اللهم نجنا شر أصدقائنا، أما أعداؤنا فنحن كفيلون بهم..
،
،
| |
|
|
|
|
|
|
|
|
 Re: التركيز .. التنظيم (Re: بدري الياس)
|
| Quote: اتفقوا على قروب واحده شامل يقضى كل الاغراض |
الأخ وليد سلام وتحية
فكرة ممتازة في زمن مهم جدا
والبداية حاتكون قوية بالتأكيد
الله يديك الف عافية
| |
|
|
|
|
|
|
|
|
|
Re: التركيز .. التنظيم (Re: بدري الياس)
|
عارف يا وليد مشكلتنا شنو؟؟؟؟
ياخي احنا كلنا "شعب اسطى"
يعني كل زول عايز يكون هو "الراس الكبيرة"
ينظر .. وينظم .. ويخطط .. ويتكتك ...
عشان كدا ح تلقى ليك عشرمية قروب...
كل قروب على راسه رئيس ومكتب تنفيذي ولجنة تسييرية و و و و .... ومافي اعضاء ...
لانو كل العضوية موزعين في المكاتب الفوق دي....
.
.
.
.
عشان كدا يا ابوي "لنا الله"
| |
|
|
|
|
|
|
|
|
|
Re: التركيز .. التنظيم (Re: خدر)
|
بوست في الصميم
و لي البسأل عن البديل
البديل الحقوق و الحريات
دولة الدستور و القانون
دولة الديمقراطية
و البديل دا تحرسوهو انتو ... انا ... نحن
وكل الشعب السوداني
| |
|
|
|
|
|
|
|
|
|
Re: التركيز .. التنظيم (Re: aydaroos)
|
ما راح شئ يا وليد .... إنطلاقاً من البوست ده أرجو توجيه دعوة لكل القروبات للإندماج في قروب واحد .. وإذا كان في مشكلة تقنية في مسألة الإندماج دي .. ندعوهم للتنسيق وتوحيد الجهود وتوحيد القرارات.
شكراً ليك.
| |
|
|
|
|
|
|
|
|
|
Re: التركيز .. التنظيم (Re: aydaroos)
|
كلام صاح
شوية اضافات رغم الحاصل: الواقعية في تقدير الامور: القدرات و القوى و الفعل
طولة البال و سماع الاخرين بيقولو شنو ومحاولة فهمهم قبل الرد عليهم, عدم التكويش و الخم, تحرى الدقه و الصحة في المعلومات قبل نقلها ( حسن النية و الحماس ليست مبرر , و تسد باب بلع اى معلومه مدسوسه او منجورة), من يختلف معى ليس بالضرورة خصمى
| |
|
|
|
|
|
|
|
|
|
Re: التركيز .. التنظيم (Re: saif massad ali)
|
يا سيف مساعد أزيك
كلام وليد صاح و كان جا من أي زول حتي لو عدوك المفروض تقبلوا
الحاجة التانيه انا مع دز بشري الفاضلفي شعار معا"
معا" ضد الأغتصاب
معا" ضد القهر
معا" للحقوق و الحريات
معا" للديمقراطيه
معا" ضد القتل و المجازر
معا" لدولة الدستور و القانون
معا" للنضال السلمي الديمقراطي
| |
|
|
|
|
|
|
|
|
|
Re: التركيز .. التنظيم (Re: esam gabralla)
|
Quote: شوية اضافات رغم الحاصل: الواقعية في تقدير الامور: القدرات و القوى و الفعل
طولة البال و سماع الاخرين بيقولو شنو ومحاولة فهمهم قبل الرد عليهم, عدم التكويش و الخم, تحرى الدقه و الصحة في المعلومات قبل نقلها ( حسن النية و الحماس ليست مبرر , و تسد باب بلع اى معلومه مدسوسه او منجورة), من يختلف معى ليس بالضرورة خصمى |
كلام من دهب ياود جبر اللة....
وليد معاك مية المية.....
سيف مساعد سلام...
عليك اللة أقرا كلام عصام دة برواقة....في وقت زي دة فالتقل خيرا أو لتصمت.....
| |
|
|
|
|
|
|
|
|
|
Re: التركيز .. التنظيم (Re: saadeldin abdelrahman)
|
إضافة للكلام العاقل الفوق ...
مطلوب عدم الإستعجال (في شفقة).
الشفقة أكيد من الحماس والإندفاع ... بس ما دايماً مطلوبة.
نكون عمليين يا وليد؟
كل الكلام الفي البوست ده، يوجّه وترسل صورة منه للقروبات والبوستات الجبت روابطها .. وأكيد أصحابها حيوافقوا عليها لما يلقوا إنو الهدف واحد.
مع الوضع في الإعتبار إنو الرسالة عبر الإنترنيت (نضال الكيبورد) بتصل لفئة محدودة مقارنة بالقاعدة العريضة المهمومة بالموضوع والتي تشكّل الشعب السوداني.
| |
|
|
|
|
|
|
|
|
|
Re: التركيز .. التنظيم (Re: محمد أبوالعزائم أبوالريش)
|
عسل بس انتو و الله يا كورنجيه
طلعتوا اخطر سياسين.
شكرا وليد
شكرا كيكي
Quote: غير انها بتشتت الكورة التي هي الان في منطقة ليس ببعيدة من خط المرمي
.. وتحتاج الي وعي واداراك وعمق |
وشوف الكابتن رندا حاتم دي شاتت في القون كيف
Quote: عارف يا وليد مشكلتنا شنو؟؟؟؟
ياخي احنا كلنا "شعب اسطى"
يعني كل زول عايز يكون هو "الراس الكبيرة"
|
وراس الحربه اسماء الجنيد ما مقصره بهناك
يا جماعه عليكم الله سلجوني في التيم ده ده فريق رهيب.
اوعك يا وليد تقول لي لياقتك منتهيه يا مدام ونحن الاعتزال عندنا في عمر 27!
يا اخي اعبترني روجيه ملا بالله شفته اقوانه في اول كاس عالم لعب فيه وكان وقت اعتزاله.
يمين الله احلى اهداف.
اها يا جماعه قولوا بسم الله
واوعدنا يا وليد انك تستمر بنفس النفس الهاديء ده.
انت بديت باحصاءات جميله ومرتبه
اديتنا عينه للحاصل في الفيس بوك بس.
ده كلام علمي سمح وتخطيط جميل.
زي اخوك سيف ده لما يشوتها مصرجه تمشي ليها.
يا ابو السيوف
تعال اقعد معاي في كنبات الاحتياطي
نحن الاثنين فترانين وما قصرنا سابقا
اعتبرنا وصلنا التيم ده للنهائيات.
وليد اخوك ده ما زولا كعب يا اخي احمق ساي.....
اها يا وليد حسك عينك القاك ثاني ماقشر الخال محمد سليمان.
اوعك نوع يا دباب...ويا اونطه ديك....
يلا منتظرين توحيد الجهود وكلام عصام جبر الله ممتاز
وخدر و كلهم....يلا قولوا بسم الله.
......
| |
|
|
|
|
|
|
|
|
|
Re: التركيز .. التنظيم (Re: Tragie Mustafa)
|
مرحب تراجي
| Quote: واوعدنا يا وليد انك تستمر بنفس النفس الهاديء ده. |
ربك يهون يا تراجي
| Quote: اها يا وليد حسك عينك القاك ثاني ماقشر الخال محمد سليمان. |
حاضر
بس هو يختاني يا تراجي
| |
|
|
|
|
|
|
|
|
|
Re: التركيز .. التنظيم (Re: محمد أبوالعزائم أبوالريش)
|
والله يا ابو الريش
الموضوع ده عاوز نار هادية
احتمال اي تصرف سريع يفتكره اصحاب القروبات دي وصاية وتعالي من اون لاين
ويجيب نتيجة عكسية
كدي نتشاور نحن هنا في الاول .. وناخد معانا وجهة نظرك دي من ظمن وجهات النظر
تحياتي
| |
|
|
|
|
|
|
|
|
|
Re: التركيز .. التنظيم (Re: esam gabralla)
|
مرحب يا عصام
Quote: شوية اضافات رغم الحاصل: الواقعية في تقدير الامور: القدرات و القوى و الفعل
طولة البال و سماع الاخرين بيقولو شنو ومحاولة فهمهم قبل الرد عليهم, عدم التكويش و الخم, تحرى الدقه و الصحة في المعلومات قبل نقلها ( حسن النية و الحماس ليست مبرر , و تسد باب بلع اى معلومه مدسوسه او منجورة), من يختلف معى ليس بالضرورة خصمى |
الله عليك ياخ
| |
|
|
|
|
|
|
|
|
|
Re: التركيز .. التنظيم (Re: وليد محمد المبارك)
|
يا وليد|سلام
نحن مركزين معاك ...والله فاهمين كل حاجه
بس نحن بعاد شويه من موقع الحدث ..لكن صفيه دي وجعتني شديييييييييد.
نحن برضو سودانيين عندنا اخوات واخوان...لا نرضي فيهم الهبشه...خليك من الحصل لصفيه..
انا اقول التار والستره لصفيه...
سلام
| |
|
|
|
|
|
|
|
|
|
Re: التركيز .. التنظيم (Re: معتز مقبول)
|
Quote: ويا وليد وكل المهمومين، أرى من وجهة نظري، أن كبد الداء بالإضافة للذي بعاليه، هو المعارضون "العورا"..
ياخي ديل اكتر ضرراً وأشد فتكاً من كل أسلحة الحكومة، بما فيها الاغتصاب..
فليتهم سكتوا.. ليتهم ابتعدوا قليلاً واكتفوا بأضعف الإيمان..
ليتهم تركوا الأمر لمن يعرفون متى يقولوا وماذا يقولون وأين..
ليتهم عرفوا أن مداخلة "شترا" واحدة قد تنسف جهد سنين، وعرق ودماء سكبت..
اللهم نجنا شر أصدقائنا، أما أعداؤنا فنحن كفيلون بهم.. |
وليد ازيك وعساك طيب
تاميني الكامل على ما جاء في مداخلة بدري الياس
صدقا مرات بحس انو انو قوة الحكومة في هرجلتنا والفوضوية في إدارتنا للكثير من الأمور
لفضح هؤلاء لا نحتاج الى قضية اغتصاب او جريمة قتل فالشواهد كثيرة فقط نحتاج الى (تركيز) و (تنظيم) ..
خيط لو ابتعد عنهم (العورا) كما اسماهم بدري سيحقق نتائج سليمة وبداية لعمل مؤسس ..
| |
|
|
|
|
|
|
|
|
|
Re: التركيز .. التنظيم (Re: الشفيع عوض شوشتا)
|
كيف يا شوشتا
اخبارك ياخ
Quote: صدقا مرات بحس انو انو قوة الحكومة في هرجلتنا والفوضوية في إدارتنا للكثير من الأمور
لفضح هؤلاء لا نحتاج الى قضية اغتصاب او جريمة قتل فالشواهد كثيرة فقط نحتاج الى (تركيز) و (تنظيم) ..
خيط لو ابتعد عنهم (العورا) كما اسماهم بدري سيحقق نتائج سليمة وبداية لعمل مؤسس .. |
كلامك سليم
ولم اجد اضر للمعارضة والمنبر من مصطفى محمود
| |
|
|
|
|
|
|
|
|
|
Re: التركيز .. التنظيم (Re: معتز مقبول)
|
ومعكم من أجل نكون معاً
معاً من أجل الحريات
معاً من أجل كرامة الشعب السوداني
معاً من أجل تعزيز الديمقراطية
معاً من أجل مجتمع حر معافي
معاً ونحن نتقبل الآخر
معاً من أجل أن نتوحدحول شعار معاً
والشكر للدكتور / بشرى الفاضل
معاً إلى الأمام
عاصم فقيري
| |
|
|
|
|
|
|
|
|
|
Re: التركيز .. التنظيم (Re: alsngaq)
|
ممكن سؤال يا وليد ؟
ايوة بعتبرك قلت لي اوكي اسال !!
التنظيم والتركيز بهدف شنو يعني ؟؟ وهل تعتقد ان هناك هدف سياسي ممكن يوحد ليك احزاب الخم واللم دي ..
يا وليد اذا لم تتناسوا الاحزاب الموجودة دي بقياداتها التاريخية والتي بلغت السبعين عاما ولا انجاز واحد يحسب لها الا
الدمار للبلد والشبع والغني لقادتها .. يعني يا وليد لو عندك تركيز وتنظيم شوف الشباب الذين لا انتماء سياسي لهم وستنجح في
كل امر تقصده .. اما غير ذلك فلن تحصد غير السراب ..
| |
|
|
|
|
|
|
|
|
|
Re: التركيز .. التنظيم (Re: العوض المسلمي)
|
Quote: ممكن سؤال يا وليد ؟
ايوة بعتبرك قلت لي اوكي اسال !!
التنظيم والتركيز بهدف شنو يعني ؟؟ وهل تعتقد ان هناك هدف سياسي ممكن يوحد ليك احزاب الخم واللم دي ..
يا وليد اذا لم تتناسوا الاحزاب الموجودة دي بقياداتها التاريخية والتي بلغت السبعين عاما ولا انجاز واحد يحسب لها الا
الدمار للبلد والشبع والغني لقادتها .. يعني يا وليد لو عندك تركيز وتنظيم شوف الشباب الذين لا انتماء سياسي لهم وستنجح في
كل امر تقصده .. اما غير ذلك فلن تحصد غير السراب .. |
العوض ممكن أرد؟
أيوة بعتبرك قلت لي أوكي رد:
التركيز والتنظيم الإتكلم عنهم وليد وتناولهم المتداخلين، بيتكلموا عن قروبات (شباب) في مواقع مختلفة ..... ما فيها حسب ما أنا شايف أي ذكر لأي حزب، عجوز أو شاب، فقط شباب بصفتهم الفردية.
كده ينفع؟
| |
|
|
|
|
|
|
|
|
|
Re: التركيز .. التنظيم (Re: وليد محمد المبارك)
|
بوست موضوعي ياوليد وعملي بغض النظر عن إختلافي معك .
موضوع التركيز .. والتنظيم ضروري طبعا ويحتاج لمزيد
من الشفافية والثقة بين الناس ليس الأمر مرتبط بعمر محدد
طبعا بقدر ماهو مرتبط بالجدية والقدرة على الفعل كيفية
إدارة الفعل الثوري وإخراج الجماهير للمطالبة بحقوقها
كسر حاجز الخوف والتخلص من عقدة أزمة البديل الملازمة
والتي جعلت قطاعا عريضا مؤمنا بالتغيير ومستعدا للتضحية
بكل ما يملك من أجل ذلك يرتاب في صدق نوايا القادم .
هنالك نظرة أيضا مهمة جدا جدا
بالضرورة الإنتباه لها وهي الخوف المتوهم من المجموعات المسلحة
التي ستستغل هذا الموقف وتلعبه لمصلحتها وبالتالي سيكون الوضع
الأمني مفقود.
بخصوص التنظيم والتركيز
1- بالإتفاق معك لمحاولة مقاربة إحساس القروبات ولم بعثرتها أقترح
تشكيل مجموعة مهمتها مخاطبة القروبات بصورة إعتبارية لتكوين
قروب واحد عريض وتصاغ أهداف حقيقية ومقنعة حتى يتم ذلك .
2- دعم مكتب موثوق في أدائه بالأجهزة اللازمة من إتصال وكمبيوترات
ومالية للحركة وتغطية كل الأحداث المحتملة. بما في ذلك توقعات أي محاولة
للنظام لحجب المواقع أو قطع الأنترنيت. هذه المسألة متروكة لناس الداخل
فهم الذين يقيمون هذه المسألة أكثر من غيرهم .
3- مخاطبة كل المنظومات التي ترفع شعار إسقاط النظام كجند أساسي لتحقيق بقية
الأجندة الأخرى. ودعوتها لمخاطبة قواعدها بضرورة العمل على التغيير مع الإحتفاظ
بلحظة الإنطلاق وأماكن التجمع والإعلان عن ذلك في الوقت المناسب.
4- سرية العمل للمجموعة التي تعمل بالداخل وتامينها وحصرها في أضيق نطاق إعلامي.
والإلتزام في ما بينها للتواصل والمتابعة على الأقل كل أربعة ساعات على أن يكون هنالك
على الأقل شخصان مناوبان الليل والنهار لأي طارئ . وجود ممثل في أي رقعة محتملة
من العالم بها عدد معقول من السودانيين يتم تنويره بدون تفاصيل دقيقة على الأكثر يومان .
5- مخاطبة الحركات المسلحة بضرورة تكثيف جهودها الإعلامية والجماهيرية وتأكيد إنحيازها للجماهير
وللشعب في الخيار السلمي ودفع جماهيرها للتحرك السلمي دون حصر نفسها في القضايا المطلبية الإقليمية العادلة وحدها
وأن تكون صمام حماية وإلتحام مع الجماهير.
6- مخاطبة عناصر الجيش والشرطة عامة بخطابات تستفز مشاعرهم وعواطفهم بصورة عقلانية لتحيدهم على الأقل
أو إنحيازهم للجماهير ، والتعامل المباشر
لعدد من الضباط بواسطة زملاء موثوق في نزاهة مواقفهم عبر مخاطبتهم من خلال زملاء ضباط سابقون أو
محالون للصالح العام.
| |
|
|
|
|
|
|
|
|
|
Re: التركيز .. التنظيم (Re: عبد المنعم ابراهيم الحاج)
|
أنا بس عندي حته مهمه و قاعد أفكر فيها لي زمن:
الناس القدامي زينا كدا مؤمنين بي انوا العمل السياسي
لو ما بقي فيهو خط سياسي موحد وأجتماعات وتأمين وناس تقود الشغل
ما بي يجيب نتيجة.الكلام دا إتنسف برمته ... إتغير خالص خالص ...
و السبب الصندوق السحري تكنلوجيا الإتصال و الإنترنت.
* أول حاجه بقولها إنو التكنلوجيا لما تجيك ما بتجيك الأجهزه بس ..
بي تجيك معاها ثقافة و أسلوب حياة مختلف ( أكان رضيت أكان أبيت) يعني
هي ذاتا بي تساهم في التغيير.
* و تاني حاجة الإنترنت وتكنولوجياالأتصال غيرت طريقةالأتصال
بالتلفزيون و الأذاعة و الكتابة الورقية من (مرسل/كاتب/ فاعل)
و (متلقي /قارئ/مفعول به) إلي الطريقه التفاعليه بمعني أن
المرسل و المتلقي ، الكاتب و القارئ، الفاعل و المفعول به
يتبادلان الأدوار( مثال: اي بوست في سودانيز أون لأين). وفي خضم
هذا التفاعل و تبادل الأدوار قد يبين القارئ للكاتب خطأ افكاره
وقد يتفق معها و قد يغير أجزاء منها.( وهذا صعب إن كنت تقرأ كتابا").
* تكنولجيا الأتصال و الانترنت نسبيا" رخيصة و غير معقدة وتتيح أداة تعبير
لشرأئح كان من المستبعد ان تصل أصواتها أبعد من شللها و أسرها وتمتد لتفتح
لهذه الشرائح نوافذ ليس علي مستوي دولها ولكنها بالأحري نوافذ كونيه.
إذن ما نتحدث عنه هو أنه بعد أن كانت وسائل الإتصال محصورة بالنخبة
حولتها الإنترنت الي وسيلة اكثر ( وأكثر كثيرا") ديمقراطية.
* مع أن قطاعات كبيرة كانت بعيده عن وسائل الأتصال و دخلت لهذا المجال
نتيجة لتكنولجيا الأتصال و الأنترنت، إلا أن عملية التحول من النخبويه الي
الشعبية صاحبها أيضا" كثرة الرسائل (بعد أن كانت الرسالة الأتصالية تبعث
من عدد محدود الحكومة/ المعارضة/الكتاب/الفنانين/ أصبحت الرسائل
تصدر من اعداد كبيرة من الناس لها أراء مختلفة ومستويات ثقافية مختلفة
و إهتمامات و قضايا سياسية مختلفة. و يتلقي الرسالة أعداد أكبر بكثير
جدا" جدا" من المستهدفين بالرسالة).
ما ذكر أعلاه من كثرة رسائل الاتصال قد يؤدي الي التشويش، و لكن الطبيعة
التفاعلية لوسائل الإتصال الجديدة تؤدي في النهاية غرضها و توحد المواقف
و تصفها ( مثال : تونس و مصر) إنها فعلا" مصباح علاء الدين متوفر
و بسعر رخيص لأكبر عدد ممكن.
عند إستخدام التكنلوجيا و الانترنت في الحراك السياسي
تظهر عدة مشاكل ابرزها:
* تعدد المنابر حتي ان كل شخص يمكن أن يكون منبرا" بحد ذاته مما
يهدد الصورة القديمة في وجود القيادة الواعية بالاستراتيجي والأهداف
و الجماهير التي تؤمن بها و تتبعها الي صورة مختلفة فيها كل ناشط
له رسالته التي بالتفاعل تتماهي أو تكاد مع رسائل الناشطين الآخرين
فتصطف الجماهير حول تلك الرسالة (التي أصبحت أهميتها تفوق باعث الرسالة)
أو تلك وتصبح القيادة جماعية ولا يتمايز باعثوا الرسالة الإ بالجهد الفكري
وإجادة تقنيات وسائل الأتصال الجديدة.
ما ذكرناه أعلاه مشكلته الأولي بطء الأستجابة للرسالة لأن المتلقي و عكس
الطريقة القديمة( القائد و جماهيره) يساهم في الرسالة و ليس متلقيا"
سلبيا" كما في السابق.
و مشكلته الثانية هي أنه و عند الحوجة لتفاوض أصحاب الرسالة مع معارضيهم
تغيب ايضا" القيادة (المثال: مصر) ، ولكن يتم التغلب علي هذا بوضوح الرسالة
و تمليكها لكل من يؤمن بهاوبذلك يمكن ان تختار أي منهم و سيكرر لك الرسالة
و ستكون هي ذاتها ( مثال: مصر).وحسنة هذه الطريقة ان الرسالة صيغت
بواسطة الجماهير ولذا فهي تستوعبها تماما" و لا تحتاج لقيادة لتملكها الوعي
بالرسالة، و الحسنة الثانية إنك لا تستطيع بتر القيادة لإضاعة الرسالة
فالرسالة قد صيغت و أستوعبت من قبل الجماهير فكل منهم قائد محتمل.
نتيجة هذا النقاش الخصها بأنه في عصر ثورة التكنلوجيا و الأنترنت
فإن تعدد منابر الرأي و انعدام القيادة هو حسنة كبيرة للعمل السياسي
فلا تجمعوها و لا تصنعوا لكم قيادات ، بل إستغلوا التكنلوجيا ذاتها
لتوحيد الأهداف فياالمنابر المختلفة ، وليكن كل منكم قائدا"
( بعد ما كتبت الكلام ده هنا قررتا انو انزلو هنا.. وبرضه
افتح ليهو بوست براه)
| |
|
|
|
|
|
|
|
|
|
Re: التركيز .. التنظيم (Re: aydaroos)
|
Quote: فتحت بوست هنا
الإنترنت : أداة ُ جديدة ... مفاهيم جديدة |
طيب دا اول خرق (للتنظيم و التركيز)
يا ريت لو كان كتبت كلامك هنا يا عيدروس عشان علي الاقل الناس تتلاقي في حته واحده.
و اللا ما كدا؟؟؟
و لازم الناس تتفق علي شي واحد من البدايه
هل الشعب يريد:
1- اسقاط النظام
ام
2- الضغط علي النظام من اجل الاصلاح؟
| |
|
|
|
|
|
|
|
|
|
Re: التركيز .. التنظيم (Re: ناصر احمد الامين)
|
سلام يا ناصر
لو قريت كلامي ( هو شوية كتير و تنظير ... لكن اظنو مفيد) ما كان
كتبت لي الرد ده.
المهم خلاصة كلامي ... انو الانترنت جابت لينا ظاهرة جديدة
بي تبدو فيها المنابر متشرذمة، لكن دا مظهر خادع لانها في الحقيقة
بي تعمل عن طريق التفاعل علي تقارب الآراء. و في النتيجة قلت
خلو كلو القروبات تشتغل لكن اعملو ما بينها اتصال عن طريق
الأنترنت ذاتا ... وعملت بي كلامي القلتو ( بوست جديد مع وجود رابط
في البوست الأصلي) :)
| |
|
|
|
|
|
|
|
|
|
Re: التركيز .. التنظيم (Re: aydaroos)
|
Quote: المهم خلاصة كلامي ... انو الانترنت جابت لينا ظاهرة جديدة
بي تبدو فيها المنابر متشرذمة، لكن دا مظهر خادع لانها في الحقيقة
بي تعمل عن طريق التفاعل علي تقارب الآراء. و في النتيجة قلت
خلو كلو القروبات تشتغل لكن اعملو ما بينها اتصال عن طريق
الأنترنت ذاتا ... وعملت بي كلامي القلتو ( بوست جديد مع وجود رابط
في البوست الأصلي) :) |
فعلا انا ما قريت كلامك
الشفقة ... ياخي
اتفق معك .. و لك العذر
| |
|
|
|
|
|
|
|
|
|
Re: التركيز .. التنظيم (Re: aydaroos)
|
| Quote: انو قضايا الوطن كلها ما ممكن تتحلا إلا بي تغيير النظام |
طيب هنا في مشكلة!!
لو في جماعة مقتنعة تماما بالتغيير و لكن غير مقتنعة (او كافره عديييل) بالاحزاب الاخري كبديل بعد تغيير النظام ؟؟؟
الحل شنو؟؟
القصه ما انو الناس تتجمع و بس .. لابد من توحيد المفاهيم و الاهداف من البدايه.
| |
|
|
|
|
|
|
|
|
|
Re: التركيز .. التنظيم (Re: ناصر احمد الامين)
|
أولا" يا ناصر كلامك سمح شديد
وتانيا" الكائن الأنساني ده فريد لي درجة انو تقٌرب للمستحيل
أنو أتنين يكونوا عندهم نفس الراي، و كمان تكنلوجياالجن الكلكي دي
خلت كل زول يوصل رايو .. طيب الأتفاق يكون علي شنو؟
علي الحد الادني... أي حزب أعضاءه بيكونو متفقين علي الحد الأدني
اللائحه و البرنامج و بعد زي بصمة اليد كل زول براهو.
أي قروب في الأنترنت الناس متفقه علي اسم القروب و القضيه
و بعد داك مختلفين علي التفاصيل.
أي ناس في الشغل ولا في الحله ممكن حدهم الأدني يكون فطور الشيرينغ
مع بعض... اها لو الأسعار زادت و ما قدروا يشترو الفطور دا حد أدني
يخليهم يعملو مظاهرة مع بعض حتي لو افكارهم مختلفة.
طيب من كدا الحد الأدني المقترحو انا عشان الناس تكون مع بعض
هو :
الحقوق و الحريات
الدستور و القانون
و الديمقراطية
و كان القصه دي جات ومسك السلطة اي حزب و اكلوك في قضاياك الباقيه
حا يكون عندك حق الشكوي في البوليس
حق التظاهر و الاعتصام
حق تكوين حزب يطالب بي حقك
أو أشبه بذلك
| |
|
|
|
|
|
|
|
|
|
Re: التركيز .. التنظيم (Re: aydaroos)
|
Quote:
لو في جماعة مقتنعة تماما بالتغيير و لكن غير مقتنعة
(او كافره عديييل) بالاحزاب الاخري كبديل بعد تغيير النظام ؟؟؟
الحل شنو؟؟
|
الاخ ناصر
كلام عيدروس دا مهم جدا لتوضيح فكرة الحد الأدنى القابل للتطور بتطور الوعي
الذي يمكن أن يتشربه المواطن من برامج منظومات أخرى .
أما بخصوص الأحزاب ونحو ذلك حقيقة الأمر محتاج منك لقراءة أحوال
وإمكانية تسرب ذلك الوعي للجماهير الممكن يتم في وضع ديموقراطي
أو في مثل وضع ديكتاتوري وإقصائي كما هو حال النظام القائم . إذا كنت
مقتنع بالتغيير فيبقى الامر كالآتي :
إذا حدث التغيير ثم الجماهير صوتت لحزب محدد أو جزبين بأغلبية
إفتراضا الأمة والإتحادي أو الشعبي والمؤتمر الوطني يصبح الأمر
هنا إرادة الجماهير هي التي قررت ذلك ولا يخضع الأمر للأمنيات
الفردية بان برنامج حزبي الذي أنتمي إليه هو المفترض أن يحكم هذه
العقلية مضت مع تطلعات حركات التحرير المؤدلجة التي تسيطر على الوضع
بإزاحة السلطة وحل مكانها وقد أثبت الواقع أن هذه الحركات أصبحت
أشد قهرا وديكتاتورية حين تمسك السلطة، الذي يجعل بعض الناس لا ينتمون لحزب بعينه
هو أن الأحزاب نفسها تحتكر الوعي على عضويتها فتقوم بتنوير مبرمج يمكنها من
السيطرة على مفاصل الحزب وإحداث لوبيات داخلية وهي الأحرى بها أن تنور غير
العضوية بالتكثيف لنشر برامجها بالوسائل الممكنة ذات الإتصال الجماهيري
لا إرتكازها على الشعارات فقط بقصد التجنيد والخم ساكت. التجارب الديمقراطية
السابقة مهما كانت بائسة ولم ترتقي بالواقع إلا إنها أفضل من أي وضع دكتاتوري
آخر لأن المعلومة على الأقل متداولة بدون اي إحساس من الخوف والهلع والتستر عليها
لإعتبارات أخرى. ثم هنالك معارضة مقننة تقوم على نقد السلطة وتقويم أدائها دون
أي مساس لها من قبل السلطة بغرض التحجيم ، زائدا على الإعلام وحرية التعبير
ومتابعته ورصده لآداء أي منظومة حكومية وغير حكومية. والأهم القضاء وإستقلاله
بحيث أنه يستطيع أن يتمكن من أدائه العدلي وفق ضوابط القانون والدستور.
قراءة كل ذلك وأعتقد بأنك تعرفه ستجد أن سؤالك يبدو غير منطقي وفيه إحساس
ذاتي وصوتك الخاص كغبن على تلك الأحزاب .
الجماهير هي التي تدعم من تراه يتناسب مع خياراتها المرحلية حتى لو كان ذلك المدعوم
يمثل السقف الأدنى لك ولتطلعاتك التي تراها للتغيير الحقيقي ولكن لا يمكن أن نقفز على الواقع
بهذه الصورة. ولنعمل معا تطوير ذلك ولكن في البداية هو إسقاط هذا النظام .
لك التحية
ياوليد أعتقد رديت عليك وعلى الرابط الذي جلبته في حوارنا بي غادي.
| |
|
|
|
|
|
|
|
|
|
Re: التركيز .. التنظيم (Re: عبد المنعم ابراهيم الحاج)
|
مرحب عبد المنعم فعلا رديت
وايضا ردك لم يقنعني ..
لماذا التغير يكون للنظام اولا .. ثم بعد ذلك ننتظر صناديق الاقتراع لتغير البقية
انت قلت
Quote: الجماهير هي التي تدعم من تراه يتناسب مع خياراتها المرحلية حتى لو كان ذلك المدعوم
يمثل السقف الأدنى لك ولتطلعاتك التي تراها للتغيير الحقيقي ولكن لا يمكن أن نقفز على الواقع
بهذه الصورة. ولنعمل معا تطوير ذلك ولكن في البداية هو إسقاط هذا النظام . |
الواقع والتجربة وما حدث موخرا اثبت ان الجماهير لا تريد التحرك خلف القيادات القديمة لعدم ثقتها فيها
ان كنت تريد اسقاط النظام لابد ان تسقط المفاهيم القديمة لاسقاط النظام التي لم تستطيع اسقاطة طوال 21 سنة
انت تنظر للموقف بصورة مقلوبة
نحن نريد تغيير حقيقي اولا .. تغير في الاساسليب والسياسات والممارسات .. من قبل من يرديون اسقاط النظام
حتى ينالوا ثقتنا فنتبعهم
دونك الموقف المصري والموقف التونسي
لو لم يحدث التغيير الجذري في مفاهيم واساليب المعارضة لتلك الانظمة لما سقط احدهم
التجربة المصرية خير مثال
ونحن نريد شي يشبه ذلك
ثار الشباب في مصر اول شي على الافكار والاحذاب القديمة ( راجع تجربة شباب 6 ابريل ) وهم المحرك الاول للثورة المصرية لا وائل غنيم ولا يحزنون
ثم بعد ذلك ثاروا على النظام ونجحوا
وحافظوا على ثورتهم ولم يستطيع اي حذب اختطافها
حتى الجيش رضخ لمطالبهم في الحكومة الانقالية وعين في رئاستها احد الخيارين الذين اختاروهم هم
الان واضح تماما بعد الفترة الانقالية
حزب الوفد وبقية الاحذاب التقليدية راحت عليها في مصر
ستتكون احذاب شبابية جديده
وهي التي ستكون لها الكلمة
ده نموذج لتغير حدث بصورة معكوسة للسناريو الذي تقوله
ولذلك نجحت الثورة المصرية
وهذا ما ننشده
ظني ان اتبعنا الاساليب القديمة .. وسرنا خلف القيادات القديمة .. لن نصل الى شي
ودونك الواقع ..
اسالك سؤال
ما هو السبب في ظنك لتاخر الثورة في السودان .. حيث ثارت جميع الدول حولنا
حتى السعودية قالت كلمتها بصورة اقوى منا
معليش يا شباب
قدمت الرد على عبد المنعم لانو الحوار ده مفتوح بيناتنا في اكثر من بوست
لذا وجب التونيه
| |
|
|
|
|
|
|
|
|
|
Re: التركيز .. التنظيم (Re: aydaroos)
|
مرحب عيد الروس
كلامك ده ما مختلفين حوله .. تعدد المنابر لا نرفضة حين يكون الغرض من التنوع
فهو في هذه الحالة اثراء وتغذير
لا نرفضة حين تكون سمته التعاون
فهو منعة ووسلية جديدة يصعب تعقبها
لكننا نرفضة حين يكون الغرض من تعدد المنابر الذانية واظهار الانا اون النحن وليس التنوع
نرفضه حين يكون الغرض منه المنافسة وليس التعاون
المجموعات هذه كل يتحدث بلسان وكل واحده فيهم لها اهدفها
وهذه ليست مشكلة
لكن ايضا كل واحده فيهم تريد ان تحدد هي ساعة الصفر .. وتريد ان يكون لها الفضل في تحريك الشارع دون البقية
فتنشاء 1000 مجموعة بل قل 100000000 مجموعة
لكن تتفق على هدف عام تسعى لاجل .. وان تنسق هذه المجموعات تحركاتها حتى لا تتضارب مع المجموعات الاخرى
فتتشتت الجهود
ويتفتت الشعب كل خلف مجموعة
وانما ياكل الذئب من الغم الغاصية
مودتي
| |
|
|
|
|
|
|
|
|
|
Re: التركيز .. التنظيم (Re: عبد المنعم ابراهيم الحاج)
|
عبد المنعم
Quote: بخصوص التنظيم والتركيز
1- بالإتفاق معك لمحاولة مقاربة إحساس القروبات ولم بعثرتها أقترح
تشكيل مجموعة مهمتها مخاطبة القروبات بصورة إعتبارية لتكوين
قروب واحد عريض وتصاغ أهداف حقيقية ومقنعة حتى يتم ذلك .
2- دعم مكتب موثوق في أدائه بالأجهزة اللازمة من إتصال وكمبيوترات
ومالية للحركة وتغطية كل الأحداث المحتملة. بما في ذلك توقعات أي محاولة
للنظام لحجب المواقع أو قطع الأنترنيت. هذه المسألة متروكة لناس الداخل
فهم الذين يقيمون هذه المسألة أكثر من غيرهم .
3- مخاطبة كل المنظومات التي ترفع شعار إسقاط النظام كجند أساسي لتحقيق بقية
الأجندة الأخرى. ودعوتها لمخاطبة قواعدها بضرورة العمل على التغيير مع الإحتفاظ
بلحظة الإنطلاق وأماكن التجمع والإعلان عن ذلك في الوقت المناسب.
4- سرية العمل للمجموعة التي تعمل بالداخل وتامينها وحصرها في أضيق نطاق إعلامي.
والإلتزام في ما بينها للتواصل والمتابعة على الأقل كل أربعة ساعات على أن يكون هنالك
على الأقل شخصان مناوبان الليل والنهار لأي طارئ . وجود ممثل في أي رقعة محتملة
من العالم بها عدد معقول من السودانيين يتم تنويره بدون تفاصيل دقيقة على الأكثر يومان .
5- مخاطبة الحركات المسلحة بضرورة تكثيف جهودها الإعلامية والجماهيرية وتأكيد إنحيازها للجماهير
وللشعب في الخيار السلمي ودفع جماهيرها للتحرك السلمي دون حصر نفسها في القضايا المطلبية الإقليمية العادلة وحدها
وأن تكون صمام حماية وإلتحام مع الجماهير.
6- مخاطبة عناصر الجيش والشرطة عامة بخطابات تستفز مشاعرهم وعواطفهم بصورة عقلانية لتحيدهم على الأقل
أو إنحيازهم للجماهير ، والتعامل المباشر
لعدد من الضباط بواسطة زملاء موثوق في نزاهة مواقفهم عبر مخاطبتهم من خلال زملاء ضباط سابقون أو
محالون للصالح العام.` |
100%
| |
|
|
|
|
|
|
| |
وليد محمد المبارك
محمد صلاح الدين عنقرا
عبدالكريم الامين احمد
ياسر بيناوي
اسماء الجنيد
خدر
aydaroos
محمد أبوالعزائم أبوالريش
saif massad ali
saadeldin abdelrahman
Tragie Mustafa
محمد عبدالرحمن
Ishraga Mustafa
Asim Fageary
alsngaq
العوض المسلمي
ناصر احمد الامين
فيس بوك
تويتر
انستقرام
يوتيوب
بنتيريست