هذا الفيديو يقطع نياط القلب ويزيد كرهي لهذا النظام القبيح.

Quote: Quote: الجنوب ضاع من عنصريتنا(هههههههههه) بالله!! معليش حأغض الطرف عن لهجتك الساخرة و افترض فيك حسن النية و ارجو انك تفترضيها فيني برضو عشان النقاش فعلا يكون مثمر أولاً انا ما قلت " عنصريتكم " قلت " تحريضكم العنصري " كويس الامر بفرق كتير في الحالتين و اشكرك انك جبتي كلامي في اقتباس و ختيتي خط تحت العبارة دي بذات لمن تحرضي شخص بشكل عنصري يا استاذة تراجي بتعتمدي على انك تكرهيه في الاخر المختلف منو في العرق بدل ما تشحنيهم الاتنين ضد القضية الاساسية . و بالطريقة دي بتخسري قضيتك ، و بتخسريهم الاتنين انفصال الجنوب خير مثال على كلامي دة سألتيني : Quote: تقدري تقولي لي تفسيرك شنو لاعترفات الشابه مروه التي خرجت من معتقلاتهم والتي قالت بانه كان يتم سؤالهن عن القبيله و وظيفة الوالد؟؟؟ طيب ، ما ديل الكيزان و دة اسلوبهم عايزننا نكره بعض و نتقسم و دي حاجة اي زول شايفة انت ، و اسمحي لي اقولا ليك قاعدة تستخدمي نفس اسلوبهم ، و الحيأدي لنفس النتيجة الهم عايزنها يعني انت قاعدة تخدميهم يا استاذة بطريقتك دي ، قاعدة تخدمي الكيزان بدل ما تكرهي السودانيين كلهم في الكيزان . قاعدة تكرهي الجنوبي في الشمالي ، و الغرّابي في الجلابي و الفلاتي في ودالعرب ، ليه ؟؟؟؟؟ حنجني شنو غير نتماوت في بيناتنا و نتقسم و الكيزان يتفرجو علينا و يصفقو لينا كمان ؟؟؟؟ Quote: كانت الاعراق حاضره في عقلية النظام الذي نصارعه فكيف تودين مني تجاهله وانا اعبأ الجماهير ضده؟؟؟وابصرها بما ينتظرها؟؟؟ عايني يا استاذة النظام دة ما جا عشان خاطر عيون جنس بي عينه في السودان زي ما الناس ماتت في الجنوب و في دارفور برضو الناس ماتت في الشمالية و في الجزيرة وجوووة الخرطوم زي ما المعتقلات فيها اولاد ضهاري برضو فيها اولاد بندر و زي ما المؤتمر الوطني فيه شايقية و جعليين برضو فيه فور و زغاوة و فلاتة و دينكا عشان كدة البتسوي فيه دة يا استاذة بدل ما بضعف الناس و بخلي ديل يتمكنوا على رقابنا اكتر ، ما بفيد في اي حاجة و البلد ما ناقصة