الادانة وحدها ما عادت تكفي .......( اغتصاب ناشطة من حركة قرفتا )

Quote: اهلين يا تراجي .. Quote: حمور البخليك انت الفي القاهره عارفها انها ما( س ا) وانما (ص ا) وبيخلينا نحن ما عرفنها شنو؟؟؟؟ماهي مسانجراتهم الانتقائيه يعني من مواقفك الاكثر صلابه مننا هنا بصلابه ولا حاجات ثانيه؟؟؟ الموضوع لا فيو ماسنجرات لا انتقائية لا صلابة .. العالم يا تراجي اوسع في بورد بكري و مسينجراته و الله و انت اكيد عارفه كده. ليه بتحصري الحياة و البيحصل في البورد و مسينجراتو ؟ انا مافي زول رسل لي. انا عرفت بالدرب باتصالي بالخرطوم عشان اتابع و اعرف الحاصل على المعتقلين شنو. اهتميت .. تابعت .. عرفت. بكل بساطة. لا في زول رسل لي لا في زول انتقاني. قصة كلموك و ما كلموني دي زي اللوم حق البكيات يا تراجي ما بتجي في حاجات زي دي. حركة قرفنا غلطت و بالغت و ما كلمتك. لكن انت عرفتي. اها دورك و خدمتك شنو ؟ انا شخصيا عرفتك و لم افعل اي شيء للاسف. فيا ريتني ما كنت عرفت بدل احس بالعجز و بالذنب. انت عرفت هل تستطيعي ان تفعلي شيء ؟ الموضوع على الارض في يد حركة قرفنا و مبادرة لا لقهر النساء.اتصلي و اعرضي خدماتك لو في شي ممكن تعمليو. انا بعيد سؤالي لسيف ليك : هل عرفتي رد فعل اهلها كان شنو يا تراجي لما عرفو ؟ هل كنت عايزة يتفتح بوست باسم البت و صورتا و اهلها يقروهو اون لاين و يجيهم الخبر شايلنو الناس ؟ ده المفروض يحصل ؟ يا تراجي اذا كنا بنقنق من اخبار الوفيات الما فيها مدسه و لا انتهاك لما الناس تجي جارية بيها قبل اسياد البكا يعرفو .. عايزه الناس تجي جارية بخبر البت صوت و صورة قبل تهيئتا و تهيئة اهلها ؟ هل البت نفسها مستعدة ؟