|
|
 Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. (Re: Bashasha)
|
Quote: هل تفتكر محاولة للتصدي للذين يعانون الظلم والغبن المؤسس على
هذه المفارقة هو الحل ؟ أم هنالك دائما مساحة للعقل ولإمتصاص أي وضع يمكنه أن ينتج أزمة على أساس جهوي . بشاشا نفسه "جلابي" مقهور
لكنه يعي هذه الوضعية المأزقية . للأسف قطاع عريض من اليسار يقع تحت ذات النظرة ويرفض التعامل معها بصورة مسؤولة . ها لما نقول الكلام
تبدأ عملية التنميط |
سلامات يا عبد المنعم ..
قلت ليك اول نحن متفقين في الكتير ..
يبقي الآن مما جات الانقاذ - وهي للدقة ليست بداية المشكل السوداني وعلاقة الهامش بالمركز - لكن بالنسبة لي انا فترة معايشة ومشاهدة وتجربة وممكن احكم عليها بصورة مشاهد وناظر للتغير ..
فمما حصل الانقلاب لم يكون هناك اي اي اشكالية في منظوري لتقاسم ثروة وسلطة وعاصرنا بدايات الانقاذ والبنسميهم الهامش هم راس حربتها ومخلبها سواء على مستوي الحكم المركزي او على الاجهزة التنفيذية والامنية الاخري.. ودي اطلاقاً ما شكلت ليهم هاجس بالعكس شفنا اكثر الناس حماساً للدفاع عن مشروع الانقاذ والموت في سبيلها هم اهل الهامش القادانا بيهم تراجي الآن ويبقي التفسير الآن بعد فكت السكرة وجات العبرة انهم كانوا محموليين حملاً ومستغفلين للدفاع عن الجلابي المستغل والمستعبد لغيرو .. ودا كلام لا يدخل العقل طالما انه للآن في بعض من يدعى الدفاع عن قضايا الهامش في اول صفقة بنلقاهو اول راقص جوة القصر الجمهوري - اركو مناوي - وبعد يفطو الشبال تاني يشيل بندقيتو ويعمل فيها مدافع عن اهل الهامش ... بعد مفاصلة الترابي مع حيرانو بقى يادوب الهامش يسمع ليهم صوت وانهم مظلومين ومغتصبة حقوقهم وبينادو بيهها ويقاتلوا من اجلها مع الوضع في الاعتبار جزء مميز من صوت او لاقول ابواق المناديين ديل تلاميذ وحيران للترابي .. المشكلة يا عزيزي هي مشكلة سلطة ليس الا ..
ومشكلة متاجرة باحزان وآلام الغير كما عبرت عنها تراجي بوضوح في بوست آخر .. جميع الشعب السوداني مغبون من شماله لجنوبه ومن غربه لشرقه والقوي السياسية الانت قلت عليها يسار او قوى حديثة هي الانتبهت من عقود انه حل مشكلة السودان هو في دولة المواطنة والحقوق والمساواة بدون عرق او لون او تمييز ... اما امثال تراجي مصطفي وبشاشا الاصوات النشاز وسط الحراك السياسي المطالب بارساء قواعد دولة حديثة بالسودان هم البيعيدو الناس للمربع الاول مربع مفاصلة الترابي وعلى عثمان محمد طه وبيتمنو في دواخلهم تقسيم السودان لدويلات على اسس عرقية وجهوية كما هو حلم الطيب مصطي صاحب الانتباهة البيتبني بشاشا وتراجي خطهم من اتجاه اخر وبيرمو بيهو المخالفين ليهم وما دا الا مخطط في اللاوعى بتاعهم انه خير وسيلة لانه الناس تتقسم شرازم وقبائل زي ما بيحبو الا بتبني خط الانتباهة او اقلاها يكون قدامنا عدو نلبسو صنم الانتباهة عشان نرجمو ونقدر نحشد لينا كم جثة كدة خلف ابواقنا دي ..
لكن رغم ذلك اعتقد انه اليسار السوداني والقوى الحديثة من اهل الشمال والغرب والشرق الضمتم التنظيمات دي بدون اي حاجز بتاع عرق او لون او حتي قصة انت من وين واهلك منو واعيين تماماً للمتاجرين بقضايا اهلهم وجاريين خلف المنظمات وواعيين تماماً لاي زول بيفتكر انه ممكن يقسم المتبقي من الودان لقبيلة وعرق .. فالكل عارف انه العدو احياناً بعد الانتباهة بيكون من بيننا ويعمل فيها مهتم بقضايا وهي لا تهمه بقدر ما يهمو وضعو وبس ..
تحياتي
|
|
 
|
|
|
|
|
| العنوان |
الكاتب |
Date |
| قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-21-11, 06:49 PM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 02:49 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | Bashasha | 02-22-11, 05:06 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | الطيب رحمه قريمان | 02-22-11, 05:18 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 06:29 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | HAIDER ALZAIN | 02-22-11, 06:32 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 06:59 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 08:02 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | معاوية عبيد الصائم | 02-22-11, 07:20 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 08:36 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | Bashasha | 02-22-11, 04:49 PM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-22-11, 05:29 PM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | Bashasha | 02-22-11, 09:22 PM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | عبد المنعم ابراهيم الحاج | 02-23-11, 03:21 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | Bashasha | 02-23-11, 03:59 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | HAIDER ALZAIN | 02-23-11, 07:36 AM |
| Re: قضايا التمييز على أساس قبلي وإثني هي عماد هذا النظام ويشتغل عليها كمصدة أخيرة. | Bashasha | 02-23-11, 03:37 PM |
|
| |
HAIDER ALZAIN
فيس بوك
تويتر
انستقرام
يوتيوب
بنتيريست