|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: حبيب نورة)
|
يانورة، ***- والله ماقادر اصـدق اطـلاقآ انو دي سفارة بترعي شؤون حوالي 3 مليون سوداني بمصر!!
***- بالله البشير لما كان بزور القاهرة كان بجئ للسفارة دي?...
***- علي عثمان لما جاء للقاهرة سنة 2009، كان شايل معاه 2 مليون دولار قال هدية للجالية السودانية، ياأخي كانت السفارة اولي تصلح بها المبني?...
***- وزير الدولة بالخارجية بتاع " مجزرة العيلفون "... قبل مايعينوه وزير دولة بوزارة الخارجية كان بشغل منصب مدير مكتب المؤتمر الوطني بتاع الانقاذ في القاهرة، وهو ملم المام تام بحالة سفارة نظامه، كان علي الاقل وهو قاعد في الخرطوم بلا شغلة ولامشغلة، كان الواجب عليه يصلح حال سفارة نظامه في القاهرة وهو ادري الناس بحالها!!
***- معليش يانورة... موضوع المبني ده شغلني عن موضوع "البوست" غصبآ عني...
***- لك مودتي.
***- ***- آل سفارة آل..................
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: بكري الصايغ)
|
Quote: والله ماقادر اصـدق اطـلاقآ انو دي سفارة بترعي شؤون حوالي 3 مليون سوداني بمصر!! |
الأخ الحبيب بكري أنا ما شايف ليها أيي دور مؤثر البتةّة اللهم إلا إذا كان إصدار أوراق السفر وتجديد الجوازات هو الدور المنوط بسفارة ترعي شؤون حوالي تلاتة مليون أو يزيد من البشر .
أما بالنسبة لموضوع المبني فنحن كما ذكرت كنا نقف قبالة السفارة يعني هي في الوِش زي ما بقولوا المصارية وده ما بنفِي إنو حالتها متردّية شأنها شأن كل المراكز التي تؤدي خدمات للسودانيين
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: Walid Safwat)
|
Quote: احتراماتنا يجب ان تكون مصدر عزتنا لسفاراتنا .... وشخوصها ....
انظر حولك .... وستجد من يعلمنا احترام الادب وما يعرف بثقافة الاختلاف والحوار
كن وطنيا .... كن سودانيا
والمعارضة لا يعني الاساءة ..... ولم تكن يوما ما المعارضة هي الاساءة ....
|
السيد خبير الفيس بوك, التحية. ياخ جايز كلنا عميانين, بالله عليك نورنا وأرنا أين تكمن الإساءة هنا؟؟؟ ثم الذين يعلمونك الإحترام وثقافة الإختلاف هذه, ألم يشيروا لك وعليك بأن الذى وصفته بالإساءة هنا هو نفسه "ثقافة الإختلاف والحوار"؟؟؟ أم عساك تعنى بالحوار , حوار الطرشان, أو سمه حوار الكيزان الذى لا يسمعون فيه سوى فحيحهم, وعواءهم, ومواءهم, وبالطبع نباحهم؟؟!!! يا صلاح ياخ والله, والله العظيم ما فتئت تزرع فينى أحاسيس دميمة كلما قرأتك, وما أحسبنى وحدى الذى يذهب فيك هذا الإتجاه. الحبيب حبيب نورة, لهؤلاء "الشفع" والأطفال أحنى هامتى وقامتى المتواضعة. ويكفى انهم ظلوا, ويظلون قابضين على جمر البلد, برغم المسافات, يكفيهم شرفاً هذه الوقفة السامية, وفيهم ألف مك نمر وأبوقرجة, وفيهم "مهيرة", وبنونة و....... ألف فكرة. محبتى لكم, وإلى الأمام "صبية الثورة" القادمة.
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: حبيب نورة)
|
Quote: اتضح انهم ( بضعة ) + اطفال
.................
احتراماتنا يجب ان تكون مصدر عزتنا لسفاراتنا .... وشخوصها ....
انظر حولك .... وستجد من يعلمنا احترام الادب وما يعرف بثقافة الاختلاف والحوار
كن وطنيا .... كن سودانيا
والمعارضة لا يعني الاساءة ..... ولم تكن يوما ما المعارضة هي الاساءة ....
كن وطنيا ... ايها الاخ ..... |
هل لي أن أسأل ! متي كانت المطالبة بالحقوق حِكْراً علي فئة دون الأخري ؟ بل ومتي أصبحت المنداة بحريات المعتقلين تحتاج إلي مستوي تعليمي محدّد ، ونحن لم نبلغ سقفهُ ؟ امطلوبٌ منا إبراز شهادات ميلادنا من أجلِ إرضاء سيادتكم ؟ أين الإساءة فيما أوردت ؟ ولعلك تقصد عنوان البوست ! ولكن أرد عليك بجزئية واحدة فقط أخبرني عن الدور الذي تلعبه هذه الجهة حتي نطلق عليها إسم السفارة السودانية ! هل هو دورها المكشوف في التعبئة أيام الإنتخابات لصالح المؤتمر الوطني في تجاوز صريح وقبيح لكل أعراف العمل الدبلوماسي ، لتسخّر من أبواقها وطبولها ومباخرها اداة منقادة زلولة في أيادي الحزب وتتناسي عمداً بأنها تتبع لكل السودانيين بدون فرز . وكأنك ستقول لي أنهم هم الذين شيّدوها بعد أن تبرّع لهم بقطعة الأرض الرئيس عبد الناصر ! لقد وجدوها في مقرها الكائن بضاحية قاردن ستي وسيذهبوا ويركونها في نفس المقر . أما بخصوص وصفك لهؤلاء الشباب الثائر بالأطفال فقد سبق أن تم وصفهم بنفسِ الوصف في وقفةٍ إحتجاجيةٍ سابقة عندما خرجوا تضامناً مع الفتاة التي تم جلّدها بمنتهي الوحشية فهل الأمر مجرّد مصادفة ؟ أم تراه دور مدروس ومحبوك من أزيالِ المؤتمر الوطني ؟
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: حبيب نورة)
|
Quote: السيد خبير الفيس بوك, التحية. ياخ جايز كلنا عميانين, بالله عليك نورنا وأرنا أين تكمن الإساءة هنا؟؟؟ ثم الذين يعلمونك الإحترام وثقافة الإختلاف هذه, ألم يشيروا لك وعليك بأن الذى وصفته بالإساءة هنا هو نفسه "ثقافة الإختلاف والحوار"؟؟؟ أم عساك تعنى بالحوار , حوار الطرشان, أو سمه حوار الكيزان الذى لا يسمعون فيه سوى فحيحهم, وعواءهم, ومواءهم, وبالطبع نباحهم؟؟!!! يا صلاح ياخ والله, والله العظيم ما فتئت تزرع فينى أحاسيس دميمة كلما قرأتك, وما أحسبنى وحدى الذى يذهب فيك هذا الإتجاه. الحبيب حبيب نورة, لهؤلاء "الشفع" والأطفال أحنى هامتى وقامتى المتواضعة. ويكفى انهم ظلوا, ويظلون قابضين على جمر البلد, برغم المسافات, يكفيهم شرفاً هذه الوقفة السامية, وفيهم ألف مك نمر وأبوقرجة, وفيهم "مهيرة", وبنونة و....... ألف فكرة. محبتى لكم, وإلى الأمام "صبية الثورة" القادمة. |
الحبيب أبو الشموس تسلم كتير والله عمرك أطول من عمري .، أنا فكرت أتجاهلو وما أشتغل بيه لكن الموضوع حرقني فقلت أرد عليه عشان تعم الفائدة وما يجينا طبّال تاني يعرض لينا مهاراتو في هزّ مؤخرات النظام المتراقص ، ولكن فيما يبدو أن الباشا تناسي بفعلِ مشاغله " الفيسبوكية " والتي دعمها مؤخراً بشهادات عليا في عوالم " التويتر " تناسي أن هنالك روح جديدة بدت تعلن عن نفسها
شكرن كتيرن !
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: عبد المنعم سيد احمد)
|
العزيز طارق
Quote: دي وكالة السودان للسفر والسياحة وتنظيم الحفلات الدبلوماسية |
حرام عليك يا حبيب نوره ... انت بتحسن الظن كدي مالك يا اخي. احنا الناكين لينا في بلد كل يوم يعمينا ما شفنا لا لي سفارة القاهره ولا اي سفاره تسودانية تاني مساعدة في اي سفر ألا اكان القصد شفع وحريم الناس ولاد الناس ديك ياهم البجرو يحجزو ليهم ويقابلوهم في المطار ويشيلوا ليهم الشطن ويتسوقوا ليهم زخدمات تاني من ابو كديس الاصلي .. اما السياحه دي إلا تكون سياحه صوفيه .. وحفلة دبلوماسيه شنو يا زول ...كدي وريني بتين انت حضرت ليك حفله دبلوماسيه هناك؟ وبعدين تعال يا بلدينا شنو Quote: هو الدور ا%
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: عبد المنعم سيد احمد)
|
العزيز طارق
Quote: دي وكالة السودان للسفر والسياحة وتنظيم الحفلات الدبلوماسية |
حرام عليك يا حبيب نوره ... انت بتحسن الظن كدي مالك يا اخي. احنا الزاكنها ليك بلد .. بلد كل يوم يعمينا ما شفنا لا سفارة القاهره ولا اي سفاره تسودانية تاني مساعدة في اي سفر ألا اكان القصد سفر شفع وحريم الناس ولاد الناس واللا الناس الشايل جوازات دبلوماسيه البقي عددهم لا يعلم به إلا الله سبحانه وتعالي اديك ياهم البجرو يحجزو ليهم ويقابلوهم في المطارات ويشيلوا ليهم الشطن ...ويتسوقوا ليهم وخدمات تاني من نوع ابو كديس الاصلي .. اما السياحه دي إلا تكون سياحه صوفيه .. وحفلة دبلوماسيه شنو يا ول ...كدي وريني بتين انت حضرت ليك حفله دبلوماسيه هناك؟ وبعدين تعال يا بلدينا شنو Quote: هو الدور المنوط بسفارة ترعي شؤون حوالي تلاتة مليون أو يزيد من البشر |
ورعاية شنو يا طارق الانت دايرها من السفاره ؟ ليه ...هم القاعدين في سجون مصر من السودانيين بالكوم ديل يطرشنا ما سمعنا سفارة البخت دي يوم واحد حضرت التحقيق ساكت مع زول فيهم ... خليك من حكاية السودانيين الاتسلط عليهم الامن المركزي في ميدان التحرير زاتو .. وطبعا احنا بنحلم اكان ساي كنا علي الاقل سمعنا سمع انو سفارة البخت دي ساكت مشت تقوم بواجب العزاء في اخونا المرحوم الكتلتوا عربية السفاره الامريكيه سيبك من حكاية احتجاج او طلب تحقيق في الحصل شنو للمرحوم وزولك الجاب الادب وقلة الادب شنو هنا ده شنو ؟ يا ربي قاصد شنو بي موضوع Quote: نجد من يعلمنا احترام الادب |
انا شخصيا ...علي الرغم من سابق خدمتي في السلك الدبلوماسي ما كنت عارف انو من مهام السفارات هو تعليم المواطنين بره السودان الادب ده .. عموما يمكن دي نوع اسياسة طالعني بره يعني تقليعه جديده .. وحولينا ولا علينا من نوع الادب الدايرين السفارات تعلموا الناس اكان بقي من نوع الادب البعلموهو الناس في السودان في بيوت الاشباح ومكاتب الامن جنب ترب فاروق واللا موقف بحري زي ما قالوا الناس الادوهم دروس خاصه هناك وجوا يتفشروا بيها في المنبر ده .. وإذا كان ده الهدف ..احب اطمئن الجميع ...شوفي عيني ناس الامن منشرين اني قدام السفاره السودانيه في القاهره وراء وقدام ..وكل واحد عاصر ليهو موبايل في اضانو وهاك يا كلام ..شيتا بي صوت عالي لزوم الاهميات ...وشيتا وشوشه والصلاه سر وجهر ..وشيتا مع بنيات بي كلام سمعتو بي اضاني الشقيه دي و ما داير ارددوا عشان ما يقولوا علي ما عندي ادب واكان القصد انو نتعلم الادب بالمتاوقه بي جاي وجاي .. السفاره ده ما رمية حجر من ميدان التحرير الفتحوا فيها شباب مصر روضه لتعليم شفع العالم العربي الادب علي اصولوا... ما جو... تاوقوا هناك مالهم عشان يشوفوا الادب الاتعلموهو اخوانا السودانيين هناك وكرروهو ورددوهو لامن صوتهم اتقرش وبعدين الناس الشبت ليك في حلقك يا ابونوره ديل يعني هم ارجل من اخونا عبدالرحمن سرالختم ؟ ده راجل واصل ومواصل ومعروف عنو ..والشهاده لله ..انو كريم كرما فايت الحد .. بس انا ما عارف فيها شنو ...يعني اكان مرق علي الشفع البقيفوا قدام السفاره وانشاء الله يخلي ناس الامن الكتارومساخ ديل بدل ما يتشحطوا قدام السفاره.... اليجيبوا ليهم جردل مويه ساي ياخدو في الشفع ديل الاجر سيبك من حكاية شاي علي الرغم من انو بند الضيافه في سفارة مصر دي قالوا لينا قدر الليله وبكره.
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: محمد مصطفي مجذوب)
|
الأستاذ محمد مصطفي مجذوب
أشكرك جداً علي المداخلة الطيبة التي تكرّمت بها علينا جميلة جداً تلك الإفادات يا أستاذ مجذوب وعذراً فأنا لست الشخص العالم ببواطن الأمور ومع ذلك هذا لا يمنع أن أعبّر عن رأيي فيما يحدث
Quote: بس انا ما عارف فيها شنو ...يعني اكان مرق علي الشفع البقيفوا قدام السفاره وانشاء الله يخلي ناس الامن الكتارومساخ ديل بدل ما يتشحطوا قدام السفاره.... اليجيبوا ليهم جردل مويه ساي ياخدو في الشفع ديل الاجر سيبك من حكاية شاي علي الرغم من انو بند الضيافه في سفارة مصر دي قالوا لينا قدر الليله وبكره. |
وحاتك غير الأمن مافي زول هبّبو لينا نوهائياً
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: حبيب نورة)
|
الملاحظة يا حبيبا إنكم في الصورة الفوق دي هدفكم أكتر من موضوع السخط على السياسات القادت للانفصال السعي لإطلاق المعتقلين حقوق الإنسان
أنا معاك حبيبو للعادلي ما كان مديكم فرصة والحاجات متراكمة لكن أظن التركيز على موضوع واحد مهم كل (أربحا) خلوها لموضوع براهو والفورة مية وواحد
في (أربحا) مساندة المعتقلين حبذا لو لقيتو صور للمعتقلين وكبرتوها
ـــــــــــ لكن دا ما يمنع إني مقدر جهدكم دا تحية للشاب المعاك
| |
|
|
|
|
|
|
Re: وقفة إحتجاجية أمام وكالة السودان للسفر والسياحة في مصر .. السفارة سابقاً (Re: Ashraf el-Halabi)
|
Quote: الملاحظة يا حبيبا إنكم في الصورة الفوق دي هدفكم أكتر من موضوع السخط على السياسات القادت للانفصال السعي لإطلاق المعتقلين حقوق الإنسان |
الحبيب أشرف الحلبي فعلاً نحن قمنا بمحاولة تسليط الضوء علي قضايا متعددة لكسب المزيد من التعاطف البنحاول إنو يتحول لتعاطف إقليمي يتطور تدريجياً لتعاطف دولي ، لكن ده ما بمنع إننا نقوم بفرز الكيمان في مقبلِ " الأربحاحات " وندي كل زول في ماعون براهو . تشكر يا حبيب
| |
|
|
|
|
|
|
| |