|
|
|
 Re: كلنا محمد فرح ! (Re: حاتم كاهن)
|
محمد فرح لا وجود له
Dead
Not existed
طيب لزوم الضرب علي الميت شنو .. والبورد ملان أحيــــــــــــاء ..
....
أنا واحد من الضربو الميت ده بالمناسبة
| |
 
|
|
|
|
|
|
|
|
Re: كلنا محمد فرح ! (Re: حاتم كاهن)
|
أها مافي زول عاين وجا ورانا شاف شنو .. جواهو ؟!
الفرق بينا وبينو ..
المسؤولية ..
ما تفهموا غلط قصدي وإنو نحنا مسؤولين شديد يعني وتفرحوا ..
المسؤولية تجاه الشخصيات اللي نحنا بنمثلها هنا في حوش بكري ده .. أو في الشارع أو في زقاقات الحله ..
لاننا حقيقين فده بيضيف عبء المسؤولية أثناء تمثيلنا ده ..
لكن محمد فرح .. معفي من المسؤولية .. عشان كده متجدع ...
خلاص ما تعاينو ...
إتخيلو ساي إنو أي زول شايل ليهو باسيورد زي بتاع حماده ده ولافي بيهو هنا ..
ياخي كان بدعتو ...
فالقصة في البداية والمنتهى كانت ..
المسؤولية
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
يا ام قرقدى جبّدى ... كان يبقى زى حقّى دى ...
... شكراً حاتم كاهن ..
هكذا يتم التناول الجاد لظواهر القهر الجندرى التى تفشّت فينا وصرنا نمارسها علناً ...
... المهم ....
| |
|
|
|
|
|
|
|
|
Re: كلنا محمد فرح ! (Re: تبارك شيخ الدين جبريل)
|
تبارك ..
شكرا وانت معبرني كده ...
القهر يا عزيزي ... دي الكلمة المفتاح ... فتش ليها فينا يا تبارك ..
بتلقانا يا قاهرين يا مقهورين ..
ولا توجد منطقة وسطى ..
ذلك ما أرضعتنا إياه أثداء ثقافتنا ...
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
طول اللسان وقلة الأدب عندنا نوع من الشفتنه ..
وطريقة من طرق .. كسب إحترام الناس .. آي والله إحترامهم عديل ..
أو إرهابهم ...
وده ما في حوش بكري بس .. عشان الناس ما تصب طاقتهم الإصلاحية في الحوش ده بس ...
العنف ده ممنهج ومأصّل في مكونات ثقافتنا بإختلافاتها بالمناسبة .. نحن بنتربى على العنف ...
البيتذكر فيكم غنية ولّا لعبة كنا بنلعبها ونحنا صغار .. بتبدا بي سانا بانا برتكانه صندل بف أو حاجه زي دي .. منو ؟
بتمها اذا اتذكرها معاي زول .. ما بتمها براي ولا حاجه ...
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
| Quote: البيتذكر فيكم غنية ولّا لعبة كنا بنلعبها ونحنا صغار .. بتبدا بي سانا بانا برتكانه صندل بف |
إنت حرامي ود الكـلب ..
سرقت العجلة من الود ...
بتقول إنو العنف شغال من الزمن داك؟
بالنظرية دي ياخ جيل (فولترون) وأفلام الكرتون إياها منتهيين عديل كده.
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
لو كان محمد فرح مناضل ما كانت الحبة جاتو مهما كتب وشتم وقال
بعداك يقولو ليك وهمي وبتيخ..
مع انه مرة ذهب مع دكتور اسماعيل لرؤية الطفل المربوط في الخلوة
اسع لانه المعارضين عايزنو وهمي قالو وهمي.
| |
|
|
|
|
|
|
|
|
|
Re: كلنا محمد فرح ! (Re: د.نجاة محمود)
|
سلامات يا دكتورة ..
إنتو مالكم ما بتسلموا ؟
Quote: و كان محمد فرح مناضل ما كانت الحبة جاتو مهما كتب وشتم وقال
|
ده برضو هسي يا دكتورة تكريس منك لي الفهم الانتي بتحاولي تعيبيهو في البورد ده ، أنا عملت نفس الحاجه وندمان عليها هسي عديل ...
ليه ما نتعامل مع العنف على إنو عنف بغض النظر جاي من منو أو الجاي منو عبايتو لونها شنو ...
مش محمد فرح ده رمزي .. تعالوا نخليهو رمزي للطيش زاتو ونلبس طاقيتو دي لي أي زول مارس عنف على زول تاني ...
يعني بالمناسبه دي إنتي وصديق الموج وحيدر زاتو لايقه عليكم الطاقيه دي الليله ...
مافيها حاجه ...
كلنا محمد فرح !
شكراً يا دكتورة على المرور
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
طيـب أنا بسلم وبضيف..
اللي ما قال قبل كدة من الرجال ، أمام حاضرين أو في سره ، لما اتغاظ من واحدة وصلت الاربعين زي ما قال عمك الموج يرفع يدو...
| |
|
|
|
|
|
|
|
|
|
Re: كلنا محمد فرح ! (Re: rummana)
|
Rummana
الله يسلمك ...
أنا ممكن ما أرفع يدي ... لأنو يمكن الاتقاال في سري أسوأ ...
بس شفتي محمد فرح ده عبارة عن سر كبير وأدوهو باسيورد ..
إتخيلي نفسك وإنتي ذاتك سرك بقى عندو يوزر هنا ...
مش قلت ليكم ؟
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
أها يا ناس فكرة " كلنا محمد فرح " ..
نفسي بس نحارب العنف ما بالعنف ..
نفسي ما نأسس لي البرشني بالمويه أرشو بالدم ...
نحنا كده ما قاعدين نثبت حاجه .. ولو في زول حاري ودمو فاير وسط سودانيزاولاين دي وقايل إنو ممكن يخلق شخصية حقيقية هنا يكون كضاب ...
إنت هنا \ وإنتي هنا إسفيريين ساي ياخي ..
إنتو هنا ما حقيقيين وبتكتبوا ساي ياخ ..
فدحين حارقين دمكم ودم غيركم في شنو ...
خلونا نقرا كلام هاديء ومسالم .. وخلونا نتعلم منكم شي تاني غير العنف الماجديد اصلاً علينا ده ..
أي زول عنيف أو اضطر يبقى عنيف او في زول ساقو من اضانو وقال ليهو ارحك نبقى عنيفين ..
بس اليتخيل نفسو محمد فرح داك ..
ويزهج من نفسو حبه ويبطل البيعمل فيهو ده ...
واي زول قام واتنفض في محمد فرح داك بنتوقع انو يقوم يتنفض برضو في اي زول او زوله عامل لينا فيها محمد فرح ...
وبطلوا حركات معاكم إنتو كمان ..
| |
|
|
|
|
|
|
|
|
|
Re: كلنا محمد فرح ! (Re: rummana)
|
Quote: لو كان محمد فرح مناضل ما كانت الحبة جاتو مهما كتب وشتم وقال
بعداك يقولو ليك وهمي وبتيخ..
مع انه مرة ذهب مع دكتور اسماعيل لرؤية الطفل المربوط في الخلوة
اسع لانه المعارضين عايزنو وهمي قالو وهمي. |
حاتم كاهن
معليش علي المقاطعة، لكن كلام د. نجاة دا حيّرني عديل كدة. وعايز ليهو تحليل.
د. نجاة
الكلام الذي تقولينه هن هو كلام (ساكت) لا يتسم بالموضوعية ولا العلمية، هو كلام يلوي عنق الحقيقة، ويضعك بسهولة في مقام (الكذب)، طبعاً يمكنك إلقاء الكلام على عواهنه، ولكنك ترتكبين دائماً نفس الخطأ الذي تشتكين منه.
نعود لكلامك أعلاه لتفكيكه، أولاً البوست الذي شكك في وجود محمد فرح هو (بوست وليد الشفت)، ثم (وهبة) هو من إتهم (علاء يوسف بأنه وراء الإسم)، وإنت جيتي من هناك ودايرا تلبسيها في المعارضين. أها أنا دا معارض وفي نفس الوقت أختلف مع الكثير من المعارضين في رؤاهم وأفكارهم، بل سأعمل كل جهدي لكيلا يحكمنا بعض التنظيمات والأحزاب المعارضة.
لمصلحة من تضعين المعارضين كلهم في (سلة واحدة)، أنا أفهم جيداُ أن النظام وجهاز أمنه (يضع المعارضة في سلة واحدة ) في خطابه الإعلامي، ولكنه يفعل ذلك في إطار محاربته لهم، فمن السهولة أن يأخذ ما فعله معارض أو تنظيم معارض و(يعممه على الكل)، لكن أنت إنسانة متعلمة فلمصلحة من هذا التعميم. هل لأنك عاجزة عن رؤية الحقيقة أم لأنك تنفذين أجندة خاصة بك.
بالطبع من حقك أن تتخذي ما ترينه مناسباً من مواقف، ولكن أن تلجأي لذلك التعميم وأنت أو من يعلم أنه وهمي فهذا أمر محير، وربما يفسر لي أمر الكثير معك والذين يعتبرونك (كوزة وموالية للنظام) وهو لبس قد يفسره لجوءك للتعميم في أمر أنت أول من يعرف (خطله) ولكنك تنتهزين الفرصة في كل مرة لترسيخه،.
سؤال حقيقي يا دكتورة؟
ما الهدف من وراء إصرارك في كل مرة أن المعارضة كلها جسم واحد وتنظيم واحد وأنا ما يفعله أي شخص أو تنظيم يجب أن ينسحب على الكل؟
| |
|
|
|
|
|
|
|
|
|
Re: كلنا محمد فرح ! (Re: الصادق اسماعيل)
|
يا الصادق سلامات
خلاص قصة السلام دي حاجليها انا تاني ...
وما مشكلة كونك قاطعتني .. إنت سيد بيت يا حبيب
لكن ياخي أنا رديت على د.نجاة وقلت ليها إنو مداخلتها فيها تكريس لي نفس الفهم البتحاول هي تحاربوا بي طريقتها ، وإنت هسي في ردك عليها برضو جيت
بي نفس المنطلق وفضلت برضك .. تكّرس لي نفس الإشكال ..
علاقة المنطلقات اللي بيتحرك منها أي زول هنا بي شرعية وقبول اللي بيجي منو شنو ؟
شنو يعني بيان كوزة أو ما كوزة .. وشنو يعني إنت معارض أو ما معارض ..
ده ليه مفروض يخلق عذر لي إنو أغلط نجاة ..
أو يخلق لي عذر إنو أتوّر فيك نفسي ...؟؟
أخيراً موقف نجاة يا الصادق يا أخوي من الحكومة والأمن آخر ما يعنيني من هذا البوست ..
إنت رأيك شنو في إنو نوقف العنف هنا كيف بغض النظر عن جاي من منو ؟؟
تحاياي العطرة
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
كاهن كيفنك
انا واحد من الناس الاتداخلوا مع محمد فرح
ومداخلتي ليه كانت كالآتي:
يا محمد فرح خلي انه البتين بيتشابهو
انت رأيك شنو في التحرش الجنسي ضد الاخوات ديل
رد محمد:
يا طارق انت بالله مصدق الفبركة دي
انا كنت قايلك مفتح اكثر من كدة
بعديها جاء ختة عبارته بتاعة ((المحفزات الجنسية))
وجيت انا كبت ليه (ما حرفيالانه ما حا اقدر اتذكر الكلام كله):
يا محمد فرح ياخي فتش الانسان جواك
يا محمد الجزمة لو مليناها قروش ولا الكرسي في القصر الجمهوري
برضو في النهاية الجزمة حا تبقى جزمة
يا محمد الشئ البيدينا قيمة ويجعلنا نسمو فوق
هو قيمة الانسان جوانا
ليه يا محمد ترضى الذل والمهانة لي اخواتنا ديل
يا محمد نحن لمن ينادونا بمعزة بيقولوا لينا:
اخو البنات ولا خال فاطنة
يا محمد والدتي رحمها الله كانت بتوصيني:
شاور اخوانك وغتي علي اخواتك وكون ليهم غتا
يا محمد لمن ينادوك بـ(ود ناس)
المعنى ما هو العرقي
المعنى انه تربيتك خلتك تظهر مكامن الانسانية جواك
دة الكلام القلته انا لي محمد
لو عندك احساس واحد في المية انه الكلام دة فيه خروج
عن ما هو معروف او فيه اساءة لي محمد متعمدة
انا على استعداد انه اعتذر ليه علنا
يا كاهن لا يهمني لاي جهة سياسية ينتمي محمد فرح
بقدر ما يهمني انه ما يشتري اساءات مجانية لاي كان
الاساءة يا محمد لا تعرف يمين او شمال
الاساءة تصيب الآخر بالألم ودة الحزين في الامر
كن بخير انت وضيوفك
| |
|
|
|
|
|
|
|
|
|
Re: كلنا محمد فرح ! (Re: طارق جبريل)
|
طارق أخوي
البشرفني مرورو ..
عداك الغلط وانا أبداً ما قصدت إني أوجه صوت لوم لي أي واحد إتصدى لي محمد فرح المعانا هنا بعد سقطتو المدوية دي ..
وانا من الناس الكتبو في بوست أخوي وليد الشفت وقمت ربطت بين سقطتو وبين تنظيمو وشايف إنو أنا أسأت ليهو بي مبرر إنو من أساء تحل الإساءة فيه ..
وده ما كان سليم مني .. بس ده ما بيت القصيد في الآخر ..
أنا قصدي إنو نبدا كلنا نخاطب محمد فرح الجوانا والما عندو يوزر نيم ده ..
قصدت إنو أي واحد فينا يكبح جماح نفسو وبلاش نحفز نزعاتنا العنيفة من خلال وجودنا في البورد ده ،
أنا بدعو لي إنو نعتبر بي محمد فرح وننأى بي نفسنا إنو نبقى كلنا راكبين نفس السرج من دون ما نشعر ...
أنا قصدت :
Quote: الاساءة يا محمد لا تعرف يمين او شمال
الاساءة تصيب الآخر بالألم ودة الحزين في الامر |
زي ما إنت تفضلت يا طارق ...
شاكر مرورك وتجاوبك ..
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
عزيزنا كاهِن سلامات،
نبرأ ونستبرأ يا كاهِن، مالك علينا؟
أتفهّم فكرة النقد الذاتي التي إنطلقت منها يا عزيزنا الحاتم، ولكن أن تقول: "كلنا محمد فرح"، فهذا اسـتوساخ للنفس التي كرمها الله، تبرأ يا حاتم وكلنا نبرأ من هذا التشبيه..
___
محمد فرح ولى بغير رجعة؛ بكرينا عظم الله أجره، سوّد إسم محمد فرح تسويداً لا رجعة فيه
| |
|
|
|
|
|
|
|
|
|
Re: كلنا محمد فرح ! (Re: Yassir Tayfour)
|
كاهن
محمد فرح دا لمن كنتا في السودان وجهتا ليهو رسالة..قلتا ليهو: تعال يا مان داير أقابلك..وصف لي محلك وين و انا بجيك!!
صاحبك والله ما جاب خبري
...
أنتو واجعين راسكم بي زول وهمي ما ليهو وجود
| |
|
|
|
|
|
|
|
|
|
Re: كلنا محمد فرح ! (Re: rummana)
|
Rummana
ولا يهمك ، مش إنتي قلتي إنو منو الما قال كلام زي ده لي سيده في الأربعين يا إما قدام ناس يا إما في سرو؟
جيت قلت ليك :
بس شفتي محمد فرح ده عبارة عن سر كبير وأدوهو باسيورد ..
إتخيلي نفسك وإنتي ذاتك سرك بقى عندو يوزر هنا ...
كده الشرح مفروض يكون ينتهى 
القصدتو إنو دواخلنا الما معلنه لو اتوفقت كده واخدت باسيورد ويوزرنيم password & User name حنشوف منها زي الشفناهو من محمد فرح ..
بس لانو محمد فرح كان معفي من مسؤولية تمثيل شخصية حقيقية عشان كده كان ماخد راحتو ..
أها كده كيف ؟
| |
|
|
|
|
|
|
|
|
|
Re: كلنا محمد فرح ! (Re: زياد جعفر عبدالله)
|
سلامات يا زياد
| Quote: أنتو واجعين راسكم بي زول وهمي ما ليهو وجود |
بالضبط كده هو ، طيب وسؤالي نحنا الما وهميين ديل لمن نمارس العنف الكان بيمارسو محمد فرح من وراء حجاب ده ،
ونحنا اهو ديل معروفين وبنعاين لي بعض كيف ؟
كيف الشورة معانا ؟
مش مفروض نحنا ذاتنا نرعوي من نفسنا حبه ولا كيف ؟
شكراً يا زياد على المرور
| |
|
|
|
|
|
|
|
|
|
Re: كلنا محمد فرح ! (Re: Yassir Tayfour)
|
عزيزي ياسر طيفور
| Quote: محمد فرح ولى بغير رجعة؛ بكرينا عظم الله أجره، سوّد إسم محمد فرح تسويداً لا رجعة فيه |
ياخي دي سلامة وكتر خير بكري وإن شاء الله يوم تسويدنا ما يجي
شكراً على تفهمك ، بس والله يا طيفور أخوك ما كتر المحلبية أخوك زهج ياخ
نورتني بي مرورك يا حبيب
| |
|
|
|
|
|
|
|
|
|
Re: كلنا محمد فرح ! (Re: محمد البشرى الخضر)
|
محمد البشرى يا صاحب
ياخي انا البشكرك إنك حركتني عشان افتح البوست ده ، ردمتني صاح بي هناك فجيت أنا جاري بي جاي اوضح وافصح وكده ...
شاكر مرورك وقرايتك بي كافة اشكالها المستعجلة والما مستعجلة
| |
|
|
|
|
|
|
|
|
|
Re: كلنا محمد فرح ! (Re: حاتم كاهن)
|
انته بالجد كاهن
الله يشفيك ياخى
.
.
ويشفينا معاك
.
خانتنى شجاعتى فى كتابتها فقمت اقتبستها
---------------------------
بعد دا ممكن نسلم عليك
سلامات يا كاهن
| |
|
|
|
|
|
|
| |
حاتم كاهن
تبارك شيخ الدين جبريل
محمد أبوالعزائم أبوالريش
rummana
الصادق اسماعيل
طارق جبريل
Yassir Tayfour
زياد جعفر عبدالله
داليا الكباشى
محمد البشرى الخضر
يوسف الولى
فيس بوك
تويتر
انستقرام
يوتيوب
بنتيريست