|
|
 الانتباهة .. خط من !!
|
تساءلت واسحق يكتب
Quote: الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال.
|
http://www.alintibaha.net/arabic/news.php?action=view&id=2063
اسحق اخ وصديق ورجل وموجبات هذه واخرى تلزمنا بالقول له تريث ، الا اذا كان الاسلام هذا حصرا لمحس العيلفون
|
|
  
|
|
|
|
|
|
|
 Re: الانتباهة .. خط من !! (Re: محمد حامد جمعه)
|
| Quote: اسحق اخ وصديق ورجل وموجبات هذه واخرى تلزمنا بالقول له تريث ، الا اذا كان الاسلام هذا حصرا لمحس العيلفون ] |
يا خوي محمد حامد زي دي ما بقولوا ليه تريث
لانو اخ وصديق
بنهروه وبقواو ليه اقلع عن هذا
والا انا غلطان؟!!!
| |
|
|
|
|
|
|
|
|
|
Re: الانتباهة .. خط من !! (Re: محمد حامد جمعه)
|
قول واحد
عرفت اسحق
وعقبال تعرف حقيقة الباقين
بس عشان ما تكون اطرش
في زفة الاسلام السياسي الفساد المفسد القاصر
وبعدين ايه الفرق بينك وبين اسحق
كلكم اسلامويين مؤتمر وطني جناح القصر
| |
|
|
|
|
|
|
|
|
|
Re: الانتباهة .. خط من !! (Re: Wasil Ali)
|
لا اكاد اصدق ان هذا الكلام ورد في صحيفه سودانيه...
ولكنها ((الانتباهه)) او الغيبوبه ان شئت..
ولكنه اسحق مزمار الكراهيه ذي الصوت المزعج....
كلام بشع ..بشع دون شك ..
| |
|
|
|
|
|
|
|
|
|
Re: الانتباهة .. خط من !! (Re: صبري طه)
|
بل تماما صدقت في كل كلمة أتى بها الزميل محمد سليمان في بوست مجاور عن حقيقة السودان العربي المسلم والتكامل مع مصر ....
كما ذكر أحد الزملاء لماذا لا تسلخ وترد على إسحق بنفس الصحيفة أو غيرها - خايف من شنو ؟ كلام إسحق واضح
ترمة يا سعادتو:
إسحق ده عندو كم ولد ؟
تحياتنا لصاحب البوست وضيوفه
الشفيع
| |
|
|
|
|
|
|
|
|
|
Re: الانتباهة .. خط من !! (Re: محمد حامد جمعه)
|
| Quote: لكن السؤال المحورى هل تعبر الانتباهة عن رؤية اشخاص ام انها خطى منهجى لجهة او جماعة ، تفكيك هذا السؤال مهم بالنسبة لى شخصيا وهام |
شكلك ماشي علي إستقالة طالما فتحت دولاب الاسئلة يا كمندان
اتمني انك (تفعل) قبل ان تستقيل او تُقال
____
العافية درجات و انا لسه ما قنعان من خيرا فيك بالمناسبة 
| |
|
|
|
|
|
|
|
|
|
Re: الانتباهة .. خط من !! (Re: محمد حامد جمعه)
|
وتجدنى اعود فاقول إنه من العار أن يحس المرء أن ثمة نفس عنصري ومقت متجاوز للحدود في خطاب البعض، فالجنوب مثلا الذي يجعله البعض الآن طلبه كتاباته ومواقفه وآرائه فيه مسلمون وهذه وحدها كافية لأن نراعي فيهم روابط العقيدة، فإن لم يسعنا مع الجنوبيين الوطن الواحد فليسعنا معهم هذا الدين، إن ارتداد بعض الإسلاميين عن كريم ما بشروا به طوال عقود ردة وعوار مخز، فما استقوت الحركة الإسلامية في السودان إلا بكونها تنظيم وسع الجميع وعبرت عن كل السودانيين
| |
|
|
|
|
|
|
|
|
|
Re: الانتباهة .. خط من !! (Re: يوسف السماني يوسف)
|
عامل يا دوبك شفتا و فهمتا الكلام ده؟ دى اتقال و اتعمل بالحديد و النار و الحرق من زماااان و بقي سياسة دوله رسمية من 30 يونيو 1989
و لو كترت كلامك اكتر من البوست ده بلحسوك كوعك ... ما تتشوبر يا م.ح.ج. ... انت زول تفتيحة و فاهم اللعب .... أكل عيشك و أبلع قبل ما يبلعوك ليهو ... قال الانتباهة .. خط من !!
| |
|
|
|
|
|
|
|
|
|
Re: الانتباهة .. خط من !! (Re: esam gabralla)
|
والله كويس
وبي هناك قلت.
في بوستك المجاور...
| Quote: : العنف اللفظى ضد اى شخص مرفوض عندى ، وغلط |
وكتبت ليك انو ناس الانقاذ استعملوا كل انواع العنف ضد افراد الشعب السوداني..
ورايك شنو في ممارسة الانقاذين لابشع انواع العنف واعني اطلاق الرصاص علي متظاهرين في
مظاهرات سلمية في اقاصي السودان...وقتلهم للعشرات في بورتسودان وامري وكجبار.؟؟!!
واذا انت بترفض كل هذا البخليك في مهنتك شنو..؟؟؟
اما آن الآوان ان تستقيل وتحاسب نفسك وتحاسب غيرك...؟؟!!
| |
|
|
|
|
|
|
|
|
|
Re: الانتباهة .. خط من !! (Re: Medhat Osman)
|
نكتة من الفيس بوك
من طرائف المناضل جون قرنق في نيفاشا عندما قابل اسحق أحمد فضل الله ولأول مرة سأل عنه...فقالو له هذا اسحق أحمد فضل الله...فقال نادرا مايتطابق المظهر مع الجوهر
| |
|
|
|
|
|
|
|
|
|
Re: الانتباهة .. خط من !! (Re: Medhat Osman)
|
محمد حامد جمعة ينفي عن نفسه تهمة انه ضابط في الجيش السوداني لا ادري من اين اتاكد من ذلك او كيف اصدق ما ذهب اليه .....؟
بوست موفق جدا واناشد العقلاء في المؤتمر الوطني السير في هذا الاتجاه من اجل انقاذ من يمكن انقاذه ......
في انتظار رد محمد حامد على اسحاق على جمر تهبه الريح.....وجمعة رجل موهوب اناشده باسم الانسانية والاسلام والسودان ان ينتصر لضميره وللوطن والمواطن لانه ان فعل ذلك سيجد متسع من الاحترام اكثر مما يجده الان اخذين في الاعتبار ان الارزاق مقسومة فكيف لرجل مثله ان يختار الطريق المعوج هذا؟
| |
|
|
|
|
|
|
|
|
|
Re: الانتباهة .. خط من !! (Re: Alshafea Ibrahim)
|
اسع يا محمد حامد في ذمتك اسحق ده عربي ول متعورب ، ام انه عربي اللسان فقط، ام هو من الناطقين بغيرها، اسحق يحلم بعنصر عربي ، وشيخ اسحق لا يشبه العرب العاربة ولا العرب المستعربة ولكنه يشبه الزنوج العاربة اما الطيب مصطفى ففيه رقشة عرب والله اعلم!!!!!!!!!!!!!!!!
| |
|
|
|
|
|
|
|
|
|
Re: الانتباهة .. خط من !! (Re: محمد على حسن)
|
| Quote: الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال. |
إذن إرتفاع معدلات الخصوبة عند العنصر الزنجى مؤامرة صهيونية إمبريالية وشيوعية كمان!!!!!
والله اسحاق ده رجل مسكين, تلتهمه أوهامه وخزعبلاته هذه. ترى اين يجد إسحاق الوقت لمثل هذا الهراء؟؟!!
| |
|
|
|
|
|
|
|
|
|
Re: الانتباهة .. خط من !! (Re: خدر)
|
| Quote: لم تمضوا فى الوجهه التى اقصدها ( انصرف بعضهم بعيدا ) |
تفصل يا كبير؟ عصروك؟ هو كلام اسحق ده عاوز ليهو وجهة , كلام م.ح.ج. يقرأ كالتالى:
اسحق ما تفهمنى غلط يا ... فرده
| |
|
|
|
|
|
|
|
|
|
Re: الانتباهة .. خط من !! (Re: Rawia)
|
شكرا لكل الذين ، شتمونا ، ووجهونا ، وعاتبونا وشكرا لكل الذين افتقدناهم ولم يفتقدونا وشكرا اكثر للذين يطالعون من وراء الحواجز
اقول ، موقف اسحق كصاحب راى وقلم ياخذ بعدين بعد خاص به (رايه ) وهذا لا حجر عليه لكن حينما يكون هذا الراى مرتبط بضابط الجماعة العام (مصطلح حركات اسلامية ) فان رايه هذا يوزن احيانا عبر تيارات تلك الجماعة ، والطريقة والايحاءات لكثير مما يرد فى اراء الكاتبين بالانتباهة لا تنتبه لهذا الخيط الرفيع ( تداخل الراى الخاص مع منطلقات الكاتب الفكرية وقواعده ) وفيها رجل مثل اسحق والطيب مصطفى والصادق الرزيقى وهم ..هم ..
| |
|
|
|
|
|
|
|
|
|
Re: الانتباهة .. خط من !! (Re: Rawia)
|
الأخ محمد حامد جمعة
تحياتي - يا ناس خافوا الله في الزول العربي السمح دا حبيبنا إسحق أحمد فضل الله . عليكم الله هسي الفي الصورة دي فاضي لي ناس زعيط ومعيط . يا أخي دا كان دقش الخليج غايتو إلا يحلقو ليه صلعة من وجاهته عشان يقرعوا منه البنات .
غايتو كل يوم يمر يؤكد أن الإنتباهة محروسة بالسلطان ولا أحد يجروء علي شكيتها إلا غايتو الشكية لي أبو إيدأً قويه .
بحيراوي
| |
|
|
|
|
|
|
|
|
|
Re: الانتباهة .. خط من !! (Re: esam gabralla)
|
يا محمد حامد جمعة
عليك الله هسي يا محمد لو بس قارنا بينّك وبين هذا المسخ البشري، اسحق أ فضل الله، أيهما أقرب إلى السحنة العربية؟ اسحق هذا بالكاد يشبه الإنسان قبل تطوره..
___
أسرج قلمك ورد له في نفس المكان، ودعك من كونه صديق وما شاكل. أو أعمل رايِّح كدأبك..
| |
|
|
|
|
|
|
|
|
|
Re: الانتباهة .. خط من !! (Re: Yassir Tayfour)
|
| Quote: أو أعمل رايِّح كدأبك |
تعرف يا ياسر مرة اسحق دا هبش ناس اتحاد طلاب جامعة الخرطوم - غايتو اتحاد ما متذكر اسمو - فارسل الجماعة رد ، عمك ما مسكو طلع فيهو عشرين غلط املائى وسبعين نحوى وعشرمية غلط فى الفهم وغلط افظع فى مضمون الرد ، عمك مسك الجماعة ديل ضقل بيهم ، غايتو انا لو كنت محل رئيس الاتحاد دا بشنق روحى ، ياخ عمل فيهم البدع ( كتب كتابة شواطين ياخ مقال تقراه تتنتهى منو ترجع تحلو تشربو محاية ) .. غايتو ربك يستر علينا من الضقيل ، اسحق هين المشكلة فى سرداق الشماتة الحيتنصب لى هنا
| |
|
|
|
|
|
|
|
|
|
Re: الانتباهة .. خط من !! (Re: Yassir Tayfour)
|
كنت شاهدا علي عنصرية صلاح قوش
حمزة بلول الامير
اٍتصال هاتفي يوم الاثنين الماضي الاول من فبراير اتاح لي الشهادة علي عنصرية بغيضة خرجت من افواه عدد من قيادات المؤتمر الوطني في لقاء مرشح المؤتمر الوطني بالدائرة "5" مروي بطلاب منطقة مروي صلاح قوش مدير الامن السابق ومستشار الرئيس الحالي ,الدعوة كانت لجميع طلاب مروي حسب ما اطلعت عليها وانا اقترب من جامعة الخرطوم بيد احد طلاب الذين يعرفون انني صحفي , اخبرته انني في الاساس متابع النشاط الانتخابي بالولاية كجزء من مهامي بصحيفتي ,عندما وصلت قاعة الشارقة بعد دقائق من البداية الافتراضية للقاء التفاكري فوجئت بأن عدد الطلاب الموجودين قليل جدا , سألت من هم في الصفين الاولين ان كانت هناك اماكن محددة للصحفيين , اجابني احدهم "ممكن تقعد في اي مكان", اخترت مكاني وجلست نظرت الي اللافتة الموجودة في المنصة اكتشفت ان هناك اختلافا فهذه تقول "الهئية القومية لدعم مرشح الدائرة -5-مروي صلاح عبدالله , ابن مروي ..لقاء تفاكري" اذن هذا لقاء للمناصرة وليس لكل طلاب مروي كما هو معلن , اخذت بعد الافادات الصحفية من طالبين , والتقيت بعدها بالاسلامي السابق والصحفي عمار محمد ادم جلسنا سويا بمعية زميل صحفي اخر , عند بداية اللقاء ذهب عمار الي الصفوف الاولي لأنه يريد ان يأخذ فرصة للنقاش وبدأت وزميلي نكتب في افادات المنصة التي بدأت اللقاء قبل وصول قوش ابتدر الحديث الشاعر السر عثمان الطيب وبعده مرشح المؤتمر الوطني في القائمة النسبية للولاية الشمالية معتصم العجيمي , واخيرا الللواء متقاعد حسب الله عمر , خرجت بعض الاشارات العنصرية من خلال افادات الثلاثة دونتها وانا اتعجب من مستوي هؤلاء القيادات , لكن عند الذهول سيطر علي وانا استمع الي صلاح قوش بعد حضوره واعتلائه المنصة وهو يقول للطلاب(نحن بنينا السودان لكن ما اهتمينا بي اهلنا ..وبعد دا الناس يقول الجماعة مسيطرين علي الحكومة, ناس دارفور عندما يقابلونا في خلال اللقاءات يقولون لنا اننا سنأتي الي مروي ونغتصب نسائكم و كنا نقول لهم نحن مازيّكم , وقت نبقي زيكم ممكن تغتصبو نسوانا, نحن فاشلنا بمشي للطورية وناجحنا بمشي للعسكرية, عشان كدي نحن العسكرية نجحنا فيها شديد وماممكن زول يقدر علينا , ونحن عملنا كتبية خاصة لحسم الناس ديل لو جو , لكن اولادكم للاسف شردو منها وما اهتمو بالموضوع)أقسم بالله انني سمعت هذا الحديث ومعي اكثر من 100طالب وخريج من ابناء مروي , تقافزت علي ذهني تساؤلات عديدة عن منطلقات مثل هذا الشخص الذي كان ومازال في كابينة قيادة دولتنا المكلومة هذه , هل يمكن ان يكون هذا العنصري مستشارل للرئيس! لاحول ولاقوة الا بالله , هل يريد هذا العنصري ان يكون ضمن البرلمان القومي المنتخب ؟! .
-----------------------
لاحظ للملون بالاحمر يا جمعة. طبعاً كلام للاستهلاك السياسي ايام الحملة الانتخابية، التعبئة السياسية الانقاذية من زماااان أصبحت تلعب على وتر العنصرية الكريهه، بعد ان سقطت وهمة المشروع الحضاري و الشريعة الاسلامية فى بحر لُجي من الفســاد و مكاوشة المال العام و ما عادت تلهم أحد، نفدت بطارية الطاقة الايدلوجية للمشروع الاسلامي فاستعاضوا عنها بالتعبئة العنصرية، و مال اٍيه؟؟ سوف تستبين النصح ضحي الغد لمن يخرج عليك ما يقول لك يا عبد اقعد ساكت. كلام قوش بصريح العبارة يفيد بأن القوات النظامية اصبحت تأسس على الجهوية و المناطق!!!!. الا بئس ما يفعلون بهذه البلاد. و برضو تسأل دا خط منو؟ خط سيد اللبن زاتو.
(عدل بواسطة abubakr salih on 02-16-2011, 09:15 PM)
| |
|
|
|
|
|
|
|
|
 Re: الانتباهة .. خط من !! (Re: abubakr salih)
|
وفيها شنو وبتفرق في شنو,, لو الزنوج و غير العرب كتروا وتوالدو وبقو أكتر من عرب السودان؟؟؟
كلنا سودانيين
البلد دي ما حقت جبهجي ولا حقت صحيفة الإنتباهة وكتابها العنصريين.
من الآخر كده:
لعنة الله علي كل عنصري و أسأل أن يعجل بذهاب الانقاذ وصحيفة الإنتباهة بتاعة خال البشير العنصري و شلة الصحفيين المعاهو.
| |
|
|
|
|
|
|
|
|
 Re: الانتباهة .. خط من !! (Re: Rawia)
|
| Quote: والطريقة والايحاءات لكثير مما يرد فى اراء الكاتبين بالانتباهة لا تنتبه لهذا الخيط الرفيع |
"الخيط الرفيع"
فيلم مصري.. بداية السبعينات
قصة وحوار: إحسان عبدالقدوس..
إخراج: هنري بركات..
بطولة: فاتن حمامه، محمود يس وبوسي..
[ المطرطش]
(مركب مكنة "بدرالدين حسن علي")
__
صاحب البوست؛
شفت أثريتلك البوست كيف؟
... تحياتي
| |
|
|
|
|
|
|
|
|
|
Re: الانتباهة .. خط من !! (Re: د.محمد حسن)
|
والله يا محمد أخوي ، إسحق ده شين في خلقتو وفي أفكارو..
أنا لو في محلو ، تاني ما أتكلم عن العروبة خالص..
أنا زي أخوي خدر ، ما قنعان ولا ح أقنع منك
ياخ زول بتاع مَغنَى وكورة ، ده زول كويس ، لكن ضّل طريقو ساي
بي بوستك ده إنت ركبت الشارع الصاح فـgo ahead في الطريق ده بالله.
صدقني ح تهتدي قريب جداً (إت إس أ ماتر أوف تايم) ..
---------------
مُنّور شاشة الشروق والله، صوتك كان محتاج لعود أوموسيقى مصاحبة..
| |
|
|
|
|
|
|
|
|
|
Re: الانتباهة .. خط من !! (Re: Salah Abdulla)
|
Quote:
لكن السؤال المحورى هل تعبر الانتباهة عن رؤية اشخاص ام انها خطى منهجى لجهة او جماعة |
طبعا تعبر عن فكر جماعة تظهرخلاف ما تبطن وخير مثال تباكيهم على الوحدة بينما الانفصال هو هدفهم
الانتباهة والطيب مصطفى واسحق بيعبروا عن فكر الجماعة بدون نفاق.
| |
|
|
|
|
|
|
|
|
|
Re: الانتباهة .. خط من !! (Re: عمر ادريس محمد)
|
لكن السؤال المحورى هل تعبر الانتباهة عن رؤية اشخاص ام انها خطى منهجى لجهة او جماعة ، تفكيك هذا السؤال مهم بالنسبة لى شخصيا وهام
ـــــــــــــــــــــــــــــــــــــــــــــــــــــ
عامل رايح؟!
اجيك من الآخر
الانتباهة خط الجعليين ... الرئيس وخالو.. وود الباوقة
ابقى راجل وقول لا !!
| |
|
|
|
|
|
|
|
|
|
Re: الانتباهة .. خط من !! (Re: خالد العبيد)
|
محمد حامد جمعة.
الأنتباهة تعبر عن حزب العنصرين في السودان (المؤتمر الوطني) وما يكتبه الطيب مصطفى وأسحق فضل الله وكمال بخيت والرزيقي من عنصرية ليس وليد اليوم أو أمس.
أنت تعرف ذلك جيدا يا محمد حامد جمعة فلماذا تفتح مثل هذا البوست أصلا؟
هل أنت لك معهم خلاف سياسي وتريد أن تستغل عنصريتهم الان ضدهم بعد أن كنت تتغاضى عن سلوكهم المشين من قبل؟
أنت كدارفوري كل الناس تنظر اليك وكانت تتوقع منك أن تكون من أوائل المعترضين على سلوكهم ولكنك فضلت الصمت.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
Quote: لست سعيدا ولا مرتاحا، بل حزنت وغار جرح الأسى في نفسيفلو أن الكاتب أو القائل من غمار الكتاب أمثالنا، صغار العمل والبيان، بئيسي الوعي والخلق، الناشئين في حلية صناعة الحرف والاستدراكات غير المبين في الخصام لهان الأمر، ولمررنا على ما نشر مرور الكرام واعتبرناه لغوا نمر عليه كراما لكنه من اسحق، والرجل مجاهد، ومجتهد وإمام مقدم للصلاة والخطابة وكلها ذات اشتراطات موجبة لطهارة النفس ومجلبة للتقدير والتوقير واسحق من بعد هذا (أخو أخوان) اعرفه قبل أن يعرفني وعاشرته فلم أجد أمامي إلا شخص ثائر من اجل قضية، ينطق بالحق ولو على نفسه ويتجرأ حينما يتحامى كثيرون خلف حجب فضيلة الصمت الجــبانة ورجل بمثل هذه التصورات خطأه يكون داويا.
|
عاد بترقد سلطة كدي فى الاول ... عشان تنتقد فكي سحاق.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
Quote: - والحديث عن الأسبوع السوداني الذي يشهد الخرطوم وهي تخمش غرايشون الأمريكي من بورتسودان (وتنهر) أوكلي حتى ينكر، يقود بقوة إلى حقيقة أن أمريكا تنفذ الآن المرحلة الرابعة من مخطط هدم السودان.. المراحل الأربع..
- الأخيرة منها كانت هي المخطط الذي يقول إن:
الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال. |
رجعت لمقال أسحق أحمد فضل الله، الذي يتضح من الفقرة المقتبسة أعلاه أنه- أسحق- يقول أن دراسة أميركية؛ ومخطط مرحلته الرابعة تقول- الكلام أعلاه-. يا جنابو أمشي أقرأ الكلام دا كويس وبعد داك تعاك أمسك في تلابيب صاحبك أسحق. هذا ليس رأي أسحق، كما هو واضح من السياق لكن زى ما قالوا الجماعة شكلك عايز تقفز من المركب لكن عايز ليك سبب وجيه.
أردنا توضيح ما ألتبس على جنابو من أمر، ليس دفاعا عن اسحق سيما وأن الأخير عنصري بغيض؛ يتحدث عن العروبة والإسلام كأنه من أسرة آل سعود، لكن في الواقع أنه محسي، اللغة العربية بالنسبة له لغة ثانية- لغير الناطقين بها. هذا مع كامل إحترامنا لقبيلة المحس السودانية الأصيلة التي نعتز ونفخر بها.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: محمد حامد جمعه)
|
| Quote: تعرف يا ياسر مرة اسحق دا هبش ناس اتحاد طلاب جامعة الخرطوم - غايتو اتحاد ما متذكر اسمو - فارسل الجماعة رد ، عمك ما مسكو طلع فيهو عشرين غلط املائى وسبعين نحوى وعشرمية غلط فى الفهم وغلط افظع فى مضمون الرد ، عمك مسك الجماعة ديل ضقل بيهم ، غايتو انا لو كنت محل رئيس الاتحاد دا بشنق روحى ، ياخ عمل فيهم البدع ( كتب كتابة شواطين ياخ مقال تقراه تتنتهى منو ترجع تحلو تشربو محاية ) .. غايتو ربك يستر علينا من الضقيل ، اسحق هين المشكلة فى سرداق الشماتة الحيتنصب لى هنا |
| Quote: يا جماعة ، يعنى عشان احوز رضاكم عاوزنى اشتم الراجل ، مثل ما نشهد عليه ان تجاوز يجب ان نشهد له ، دا موقفى وما شايف حاجة للخبطة الكيمان |
يشهد الله يا محمد حامد جمعة, اني كنت احترمك كخصم شريف في خصومته و يستحق ان احاورو لانو بذرة الانسان فيهو اكبر من بذرة كادر الامن و المؤتمر الوطني , لكني بعد هذا البوست و إنتصار طالب المعايش فيك , لن احترمك. فأنا لم اتعود ان احترم من يُلجم الحق فيه , شباك الماهية.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: خدر)
|
| Quote: و إنتصار طالب المعايش فيك |
تبقى قراءتك غلط وتحليلك غلط ، ومنطلقات احترامى عندك منصوبة على فعل محدد ان لم اتيه فانا لست انسان
يا خدر ... ما تمشى بعيد او لتمش انا اعرف نفسى وحجم تقديرى لذاتى وطالما اننى مؤمن بهذا (قصة وطنى وشيوعى خليها بره ) فما يوجد ما اخسره
انا مؤمن بموقفى ، والصح بقول صح والغلط بقول غلط ، ولا ارجع جهة او احد ( وان كنت اضع اعتبارا لاراء البعض ممن اتوسم فيهم الفائدة )
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: عبد الفتاح عرمان)
|
| Quote: يقول أن دراسة أميركية؛ ومخطط مرحلته الرابعة تقول |
يا فتاح ...
يا زول دارسة امريكية وين دى؟ هو اٍسحق دا بعرف يقرأ انقليزي كمان؟. ياخي دا بتاع وهمات و خزعبلات من النوع يلبسها ما يريد ان يقوله.
امريكية تأمر بالدرب العديل و الانقاذ تطيع.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
كتب الأخ العزيز/ أبوبكر صالح
Quote: يا فتاح ...
يا زول دارسة امريكية وين دى؟ هو اٍسحق دا بعرف يقرأ انقليزي كمان؟. ياخي دا بتاع وهمات و خزعبلات من النوع يلبسها ما يريد ان يقوله.
امريكية تأمر بالدرب العديل و الانقاذ تطيع. |
إن شئت الدقة يا صديق، أسحق قال مخطط أميركي؛ يعني كلام كبار ..كبار. جميس بوند وكده يعني. عشان أسحق مفتح ولانه متوقع يطلعوا ناس- من جماعته- ويمكن من جماعات تانية- حامياني-، قال دا مخطط أميركي. بعني أوضح انو دا ما كلامه هو عشان يطلع من الزنقة.
كلام ما زال في محله، بحسب مقال أسحق أنو دا ما كلامو هو وإنما هو كاشف (كاشف دى حلوه، صاح؟) للمخطط الأميركي بس. وعايز يقول لأوباما: نحن، بفضل التقنية الإسلاموية العالية التي تتمتع بها دولتنا السُنية كشفنا نومتك". عليه، يبقي سؤال جنابو جمعة لأسحق: مصادرك شنو انو في مخطط أميركي؛ والأن يتم تنفيذ المرحلة الرابعة منه؟ ينتظر رد أسحق ثم يقوم بتقييم الموقف حسب المعلومات الجديدة، ويشوت في القون؟ ولا شنو
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: عبد الفتاح عرمان)
|
ارجو الالتزام الكامل 100% بعدم الدخول لبوستات الامنجية و ازيال النظام
عدم الالتزام الكامل بالمقاطعة والمحاورة معهم يتتطلب دخول البعض لكشف اكاذيبهم و اشاعاتهم
لكن الاالتزام الكامل بعدم الدخول في بوستاتهم باي حال من الاحوال
يعني المقاطعة التامة و ينفي الحاجة لدخول البعض لدحض و فضح اكاذيبهم
و عليه انادي بالتجاهل التجاهل التجاهل الشامل الكامل
الشعار الذي رفعته في اكتوبر 2006
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: عبد الفتاح عرمان)
|
هذا ليس مجرد رأي
هذا الفهم ترجم في أرض الواقع
لحروب قتلت ملايين في الجنوب
وقرابة نصف المليون الآن في ادارفور
وفصل ثلثي السودان
ومحاولة تمليك وتوطين المصريين في الشمالية والجزيرة
كما دعاهم وزير الدفاع لتحسين التركيبة السكانية
وأحلام بوحدة - بعد فصل الجنوب - مع مصر
مع 80 نسمة لا أرض لهم
هل تظن أنهم ينظرون لأرض السودان بشعبها أم بدونه؟
الباقر موسى
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Elbagir Osman)
|
سلام فتاح و الجميع
اسحق في كل ما يكتبه يستخدم تكنيك أو خدعة ان ما يكتبه هو من مصادر أخرى سواء اجهزة أمنية أو غواصات أو تسريبات لكى يعطى لسمومه مصداقية و في ذات الوقت أن هناك مؤامرة تحاك ضد السودان أو الاسلام أو العروبة. في حالة الجزء ده من المقال اختار أن يلصقا في مخطط أمريكى.
ده ما المشكلة الرئيسية, السؤال الرئيسي الأول و اللى التقطوا و اتورط فيهو م.ح.ج. رغم انو ما قدر يسألو لاسحق عديل : و المشكله وين لو العنصر الزنجي زاد؟
و السؤال التانى : ليه اسحق يضع في كلامه العنصر الزنجي مقابل العنصر العربي المسلم ؟ و لسان م.ح.ج. و من معه يلوم بخجل و مواربة اسحق قائلآ " طيب ياخى و العنصر الزنجي المسلم المعانا في الحركه الاسلامية و حاربو لينا و ماتو بالالاف و اسه عاوزنهم يصمدوا في الجنوب و يدافعوا عن النظام و التنظيم نقول ليهم شنو" , طبعآ م.ح.ج. مثله مثل اسحق لا يري نفسه عنصر زنجى.
عرفت ليه داؤود يحي بولاد اتمرد على التنظيم و حارب ضده بعد ان بذل جل حياته له؟
اكبر و أهم الاسئلة : ماذا يسمى مثل كلام اسحق؟
نديكم أمثلة لكلام مشابه لكلام اسحق قيل في قضية أخرى و لكنها تشرح كلام اسحق و دوافعه و الايدولوجيا التى تقف خلفه
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: esam gabralla)
|
Quote: تبقى قراءتك غلط وتحليلك غلط ، ومنطلقات احترامى عندك منصوبة على فعل محدد ان لم اتيه فانا لست انسان
يا خدر ... ما تمشى بعيد او لتمش انا اعرف نفسى وحجم تقديرى لذاتى وطالما اننى مؤمن بهذا (قصة وطنى وشيوعى خليها بره ) فما يوجد ما اخسره
انا مؤمن بموقفى ، والصح بقول صح والغلط بقول غلط ، ولا ارجع جهة او احد ( وان كنت اضع اعتبارا لاراء البعض ممن اتوسم فيهم الفائدة ) |
الكوتين الجبتهم ليك اعلاه يا سعادتك ما من بنات افكاري , ده كلامك و في بوست واحد موش من بوستين مختلفات و بتواريخ مختلفة عشان نقول تبدل مواقف او تقدير حالة بعينها. غضبتك كانت دفاعا عن الدين و الانسان و تراجعك كان بسبب اسحق و اكل عيشك حتي قبل ان يتكرم (سي) اسحق و يرد عليك. قريت مقالك الحميم جدا في الرائد و اشفقت عليك يا محمد جمعة. نحن ما عاوزنك تغلط في اسحق او تنقدوا عشاننا نحن في سودانيزاونلاين كما و لم نطالبك بكتابة البوست ولم نطالبك بإتخاذ موقف من اسحق , انت من كتب و انت من توعد و ارغي و اذبد هنا و هللنا نحن لا بسبب الخصومة السياسية لكن لان الانسان و الحق لاذال فيك و انتظرنا علي الجمر حتي جئتنا من الرائد بنبأ عظيم.
سأعود لك ان رايت في ذلك فائدة بعد إنتهاء العزاء علي فقيد المنبر مصطفي عكر
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: خدر)
|
للمفارقة تأتى النماذج العنصرية من منطقة صراع يعتبر اسحق و تيار عنصريته انها مهمة و مصيرية لقوميته العربية و لدينه الاسلامى , الفرق أن الأدوار هناك مقلوبة نتنياهو و أمثاله من العنصريين يحلون محل اسحق و الطيب مصطفي و البشير و نافع , العرب و الفلسطينيون محل العنصر الزنجى كما سماه اسحق
Quote: أما ايهود اولمرت، القائم بأعمال رئيس الحكومة (نائب رئيس الحكومة)، فيقول في هذا الصدد، "حسب رأيي فإن الوضع الحالي القائم هو أسوأ شيء لأنه يضعفنا ولا يعطينا الأمل، ولا يمكن للمجتمع الدولي من التضامن معنا وفهمنا، وعلى ذلك، فإن ساعة الرمل الديمغرافية تقترب، لقد حضرنا هنا من اجل إقامة دولة يهودية ديمقراطية"
و هذا سامي هوفمان، رئيس الوكالة اليهودية يؤكد في مؤتمر هرتسيليا أن إسرائيل تعاني من مشكلة ديمغرافية في الداخل،
وأضاف نتنياهو " ولهذا فإنه إذا كانت هناك مشكلة ديمغرافية، وهي موجودة-فهي مع عرب إسرائيل، وهنا لدينا مشكلة، نريد لدولة إسرائيل أن تكون دولة يهودية وديمقراطية، وكي لا تلغى الديمقراطية الطابع اليهودي للدولة، يجب الحفاظ على أغلبية يهودية،
وحسب المعطيات التي قدمها زعيم حزب الليكود بنيامين ناتنياهو خلال مؤتمر هرتسيليا المتعدد الاتجاهات حيث يتوقع أن تصل نسبة فلسطينيي الـ 48 إلى 40% من إجمالي عدد السكان خلال العقدين القادمين ومن الممكن أن يسيطر هؤلاء على مقاليد الحكم بدون وسائل عنيفة ومن خلال صناديق الاقتراع وهذا تطور بالغ الخطورة بنظر ناتنياهو والذي تباهى بعنصريته أمام المؤتمر عندما أكد أنه من خلال منصبه كوزير للمالية في إحدى حكومات شارون عمل على تقليص المخصصات التي تمنح للعائلات كثيرة الأولاد من أجل تقليص رغبة العائلات الفلسطينية بالولادة , هذه الوصفة العنصرية التي يتباهى بها ناتنياهو . |
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: esam gabralla)
|
| Quote: والصح بقول صح والغلط بقول غلط ، ولا ارجع جهة او احد ( وان كنت اضع اعتبارا لاراء البعض ممن اتوسم فيهم الفائدة ) |
سبحان الله زول لم يتقدم في حياته الا لكونه امنجي في تنظيم عقدي اقصائي فاسد قاتل بدء ببيوت الاشباح يقول الغلط بقول غلط
وهو لا يزال يستمتع بسلطة ومال نظام بقتل في اهله ويمارس ابشع انواع وضنوف التعذيب والتنكيل والقتل
هو الغلط ده كيفن يا حبيب
م ح ج اكيد الغط في عرفك ومعيارك غير الغلط الي بيعرفو الناس
اصحى يا بريش وصحى ضميرك ولو مرة في عمرك
لتعرف حقيقة نفسك
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: محمد على حسن)
|
أمريكا لا تحتاج للكلام الخارم بارم الذي يقوله اسحق. أمريكا الان تأمر و اسحق و جماعته يقولون سمعاً و طاعة. و تاريخياً لا يوجد تناقض حقيقي بين الاسلاميين فى النسخة البرغماتية حقت اسحق و صحبه من التجار أهل البيزنس و بين امريكا من جهة أخرى. هؤلاء الناس منذ 1992 اتبعوا الروشته الشهيرة التى تصدرها المؤسسات الاقتصادية للامبريالية العظمي و التى تهدف فى النهاية الى ربط السوق السوداني بعجلة الاقتصاد الراسمالي العالمى. روشتة البنك و صندق النقد الدوليين هدفها فى الاساس نهب ثرواث الدول الفقيرة بفتح الاسواق فى واقع اٍقتصادي غير متكافئ مما تسبب فى الفوارق الطبقية الحادة الحاصلة فى السودان اليوم. دا علم الاقتصاد اما خزعبلات اٍسحق دي فلا مكان لها فى ارض الواقع، الاسلاميين عيال امريكا الاوفياء.
طبعاً بعد ما المشروع الاسلامي و الشعارات الدينية البّراقة ديك حلجت جميعها و ما عادت تلهم أحد اصبح اسحق و اخوانه فى حوجه الي وقود اٍيدلوجي و فزّاعة سياسية و عرقية جديدة حتى يتمكنوا من الحفاظ على مقاليد السلطة و بقرة الثروة الحلوبة و التسهيلات الربانية على قول الطيب مصطفى عندما سُئل عن ثروة اخوان الرئيس. لذلك لم يعد امامهم بديل الا اللجوء للعنصرية و العرق كبديل للتعبئة السياسية. لاحظ حتي فى المنبر هذا عتاة العنصريين هم من تحولوا لمناصرة الانقــاذ و هى فى الرمق الاخير.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
| Quote: الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال. |
العنصر الزنجي من الجنوب ودارفور يغطي على العنصر العربي المسلم.
الرجل يدعو الى انفصال دارفور ايضا!
ويشكك فى إسلام دارفور!
هذا رجل مريض شفاه الله
جنى
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
م .ح. ج إستشعر الخطر فبعد أن إستعملت الجبهه الاسلاميه زنوج السودان للتمكين و ضرب اخوتهم الزنوج تحت شعار هي لله هاهي تلقي بهم خارج اللعبة ليظل السودان نقيا و لا عزاء لناس جمعة و اخوانه الذين صدقوا أن الاسلام و الولاء هو المعيار اللهم اجعل كيدهم في نحرهم ، اللهم اشغل اعداءنا بانفسهم
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: عبد الفتاح عرمان)
|
Quote: والحديث عن الأسبوع السوداني الذي يشهد الخرطوم وهي تخمش غرايشون الأمريكي من بورتسودان (وتنهر) أوكلي حتى ينكر، يقود بقوة إلى حقيقة أن أمريكا تنفذ الآن المرحلة الرابعة من مخطط هدم السودان.. المراحل الأربع..
- الأخيرة منها كانت هي المخطط الذي يقول إن:
الشمالي السوداني (العربي المسلم) ينجب طفلين أو ثلاثة.. بينما الزنجي الجنوبي ينجب عشرة أو عشرين .. والأرقام تقول إنه وفي ربع قرن فإن العنصر الزنجي من الجنوب ودارفور يغطي على العنصر العربي المسلم. والسودان يتحول إلى دولة غير عربية وغير مسلمة.. الخطة هذه يفسدها الانفصال. |
يا محمد حامد جمعه
ما حاعيد لك كلام ناس كثار اتقال هنا.
لكن السؤال...مش لاسحاق الزنجي الفاكر روحه عربي
يبقى السؤال للحمار الدارفوري الصادق الرزيقي المنجعص وسط ا ل ك ل ا ب هؤلاء؟؟!!
وظيفة الصادق الرزريق منحت له لسحنته العربيه
وطبعا ينكر لصادق الرزيقي انه ممكن يكون له اخوان ولا ابناء عم في ملامح
محمد حامد جمعه....الذي لا يعترف بعروبته امثال اسحاق فضل الله و الطيب مصطفى!!
رغم انه ينتمي لقبيلة التعايشه المحسوبه عربيه!!
يا محمد بؤس خطاب هؤلاء ما كان يحتاج منك كل هذا الزمن لتكتشفه.
وانت تعلم تماما انهم ظلموا كل المسلمين الاسلامين المنحدرين
من العنصر الزنجي فهل انت مصر بان تذكرهم بان الدين يفترض ان يكون فوق العرق؟؟!!
اما للحقير اسحاق فضل الله
فاقول له زنوج السودان ليسوا مسؤلين من
ضعفكم الجنسي ؟!(وجه شمتان)
فان كان هذا ما قسمه الله لكم من قدرات ماذا نفعل لكم؟؟!!
وشوفوا لكم فياغرا يا ناس اسحاق و الطيب مصطفى او حلول حقيقه لاصل المشكله
وخليكم من حروب التطهير العرقي التي اتضح انه سببها كما يبدو
هي الغيره من القدرات الجنسيه العاليه لزنوج السودان.
ومافي زول ينط لي يقول لي هذا كلام منحط....هذه هي فعلا اللغه التي يستحقها
امثال..اسحاق احمد فضل الله!!
يا اسحاق فضل الله يا غبي
معروف في كل العالم انه الطبقات الفقيره معدلات النمو السكاني بينا اكثر
الهند ومصر تقدم دراسات كثيره لترفع الوعي بين هذه الطبقات...ولكن يحمدوا الله
بانه لا تقسيمات عرقيه لها.
فكيف تتجرأ انت الغبي....لتصل مرحله يكون هذا خطابك المقرؤ في صحف منشوره؟؟؟
الا تعلم بان كل هذا عباره عن ادلة لنا نحن زنوج السودان عن
مدى عنصرية حكومتك الاسلاميه العروبيه هذه؟؟
الا تعلم ان كلام مثل هذا يعادل فكرة حروب الهوتو و التوتسي؟؟!!
وبرجع واقول لامثال الصادق الرزيقي واشماتي فيكم انت وناس عبد الحميد موسى
كاشا وعبد المسار...وكل مواهيم عرب دارفور وكردفان
لانه الوثيقه التي سربها ثوار مصر و التي وقعها مجرمكم المطلوب اثبت انه الجماعه متخلين عنكم
وفاكنكم عكس الهواء لتبقوا مع بقية زنوج السودان غير المرغوب فيهم.....بجنجويدكم بمراحيلكم
كلكم عكس الهواء....وهم ذاهبين لتكوين دولة جنوب النيل(هههههههههههههههه)!!
اها طالعوا واشبعوا مطالعه
أخطر وثيقة يتم تسريبها بعد إزاحة مبارك .. تكشف عن مؤامرة تقسيم السودان ..
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Tragie Mustafa)
|
من خزعبلات اٍسحق التى يروجها كانه شاهد عيان. الاقتباس ادناه نشر فى عمود اٍسحق بتاريخ 15 فبراير.
Quote: بالله عليك.. بالله عليك
- ومحدثنا على الطرف الآخر من الهاتف يكيل لنا اللعنات والحديث والصراخ وهو يتحدث عن كادقلي التي تصبح مسيحية.
- [القرير] الذي استُلمت جبال النوبة على يديه.. هل تعلم كيف كان يعمل؟ لم يكن لديه ديوان زكاة ولا وزارة شؤون.. كل الأمر هو أنه كان [يدخل] البيوت.. بيتاً بعد بيت.. يحدث الناس.. يحدث
- ويصارع مجلس الكنائس العالمي وبريطانيا من خلفه.
- ويوم يلتفت الانجليز ليطردوه يحميه الناس.. والمفتش يجعل القرير في ناحية ويجعل مندوب الكنيسة في ناحية ويقول للناس
: من أراد الشيخ القرير .. فليذهب اليه.. ومن أراد القسيس فليذهب اليه
- في اللحظة التالية كان الحضور كلهم يندفعون إلى محمد الأمين القرير.
- والقسيس [يدق الدلجة] مغمى عليه. |
و فى اليوم الثانى كتب سطر خجول
Quote: - بريد
- أستاذ من يطلق الإسلام في جبال النوبة كان هو الشيخ محمد الأمين القرشي وليس (القرير) وعنه كتب (د. عثمان) كتاباً يستحق القراءة. |
بالله هو لا يعرف حتى اسم الرجل و يحكى فى القصة كانه حاضر ما يتوهمه من احدث.
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
| Quote: اسحق إن كان هذا رأيك الشخصي فأنت وذاك، ولكن إن كان هذا (خط) للمؤتمر الوطني والدولة، أنا محمد حامد جمعة.. دا طرفي منكم. |
عليك الله؟ ياخى ما بدرى خليك قاعد ... هسا واحد وعشرين سنة من القمع والتفرقة والقتل بالجملة والقطاعى ما ورتك دا (خط) منو؟
يا دوب عرفت الدرب والخط من مقال سئ الخلق والخلقة اسحق احمد فضل الله؟.
يا اخونا اشهدوا محمد حامد جمعة بدأ (يفك الخط).
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Kabar)
|
ماذا قال اسحاق حتى تقاد ضده حملة تأديبية?
( ان امريكا تنفذ المرحلة الرابعة من هدم السودان)..و ما جبن عنه اسحق ( و الرجل محق في جبنه خوفا على حياته و على اشياء كثيرة) انه سكت أن يكمل بقية اتساق الفكرة و هي أن امريكا لها اعوانها من داخل المنظومة الذين تجبروا و طفقوا في طغيانهم يعمهون..و هم يعاونون في هدم السودان دون أن يرمش لهم جفن..!!
و ان جبن الرجل في ان يعلنها صراحة.. فقد قالها اشارة في فقرته التي اقتبسها محمد حامد جمعة..و ادت الغرض في جلب عدد من الذين اخذوا يشتمون اسحاق شتما مبرحا..و هنا نجح محمد حامد في خدمة الصف الذي يقول (خلوها مستورة)..و ما علينا..!
نعم امريكا تنفذ خطة محكمة لفرطقة السودان كما يفرطق الدنميت اهدافه..و سوف تهدمه كما هدمت غيره من الأقطار دون أن يرمش لها جفن.. و اتفق مع اسحق في هذا الإقرار..و ازيد عليه ما سكت عنه و هو ان الهدم ما كان له ان يكون لولا وجود سودانيين و سودانيات يعملون بحرص على أن يذهب السودان ايدى سبــأ..!
اسحاق يقول ( المخطط الذي يقول أن الشمالي السوداني ( العربي المسلم) ينجب طفلين او ثلاثة ..بينما الزنجي ينجب عشرة او عشرين..و الأرقام تقول انه في ربع قرن فان العنصر من الجنوب و دارفور يغطي على العنصر العربي المسلم و السودان يتحول الى دولة غير عربية و غير مسلمة.. الخطة هذه يفسدها الإنفصال)..
كبر
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Kabar)
|
و ما لم يقله محمد حامد جمعة هنا..و تغافل عنه باتباع التظارف و الإستهبال.. أن اسحق لم يأتي بهذا الكلام من رأسه ..و لم يكن هترشة..و انما خطاب متداول في اواساط منظومة الجبهة الإسلامية و من قبل سنوات و هو واقع لا يخفى على ذي بصر و بصيرة..و اتى اكله في نتائج عديدة.. فان كانت لنا ذاكرة.. فاننا نذكر مقالات الدكتور حسن مكي التي كانت تحذر من أن العاصمة الخرطوم.. اصبحت محاطة بحزام افريقي في احياء مايو و امبدة و الحاج يوسف و الكراتين ما ظهر منها و ما بطن..و حسن مكي هو الآخر كان يبغى الإصلاح ( و اين هو الآن؟.. الأ يخشى اسحق مصيره و مصير محمد طه محمد احمد الذي اعتلى منبر مسجد جامعة الخرطوم في النصف الثاني من التسعينات و قال أنا اشهد بوجود بيوت الأشباح و التعذيب..و خلع قميصة ليرى جمع المصلين اثر السياط في ظهره؟ بالطبع)..و لكن زبانية المنظومة العتاة لا يرغبون لمثل هكذا نصح أن يخرج للعامة لأنه سيكشف عن مخططاتهم حول تأسيس دولة النقاء العرقي.. و تم تأديب حسن مكي بطريقتين في ذلك الوقت : الطريقة الأولى اعلان انه اصبح سفيها يستوجب حجره (و كلنا نذكر ما كانت تقوله ادبيات الجبهة الإسلامية التي اخذت تروج الى ان حسن مكي صار مجنونا )..و الثانية : بأن يفرغ خطابه التحذيري و يستغل بوجهة معكوسة استفادت منها طبقة الزبانية في التجييش و التحذير بأن هناك خطر على عروبة السودان..و الناتج من نصائح حسن مكي و تجاهل الزبانية أن خرج الكتاب الأسود و خرجت معه كتائب كان يظن فيها الطاعة العمياء غير المبصرة.. و الرجل كان يقول لهم احذروا ان تخرج عنكم طلقتكم و تصوب نحو صدوركم ( و الخرطو م يا اسحق ايضا كانت تتعلم اللؤم و لكن بطريقة اخرى)..!
و الخرطوم نفسها .. هي التي كانت تضرب نقارة وا اسلاماه.. فاستبدلتها بنقارة ..وا عروبتاه..!
و هكذا كان الخطاب يمشى بين الناس و في الأسواق حذرا الى ان اشتد ساعده..و اخذ بعض من الزبانية يخيف الجموع المؤمنة بأن الزنج اكثر منا..و انهم يتوالدون بالحلال و الحرام و سوف يتفوقون علينا بالكثرة..فماهو الحل؟..ما هي الطريقة لإفشال خطة التكاثر تلك؟..بالطبع الإنفصال.. حتى تذهب عنا جموعهم و تبقى لنا العروة النقية..و ليست هي عروة الدين الإسلامي السمحاء و انما هي عروة العرق النتنة..!
هذا هو الذي دفع بالمنظومة أن تبصم على امر انفصال جنوب السودان (و هي على استعداد لأن تبصم على ذهاب كل من يريد الذهاب)..و في دواخلها، هي فرحة بمظنة تحقيق دولة النقاء العرقي ..و في ظاهرها انها تريد أن تجنب العباد مزيدا من ازهاق الروح..و في نفس الوقت تسترضي امريكا التي تتوالى مخططاتها و التي حسبها اسحق بمرارة.. و كاد ان يفصح قائلا: التسوي كريت في القرض في جلدها تلقاهو..!!
و اليوم لو كلف بعض من اهل السودان نفسه في البحت في خطاب منظومة الجبهة الإسلامية.. سيتيسر له بكل سهولة أن يلاحظ أن خطة التخويف من كثرة الزنج و مخافة غلبتهم في المستقبل..هي التي عجلت بالإنفصال..تمشيا مع روح امريكا التي روجت للفكرة عبر اذرعها في داخل منظومة الجبهة الإسلامية..و التي تحاول بيأس مفضوح أن تروج فرية ان الإنفصال مسئولة منه الحركة الشعبية لتحرير السودان..!!!
كبر
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Kabar)
|
و حملة التأديب التي يقودها خط الزبانية الغلاظ..و التي مررها محمد حامد جمعة بلا فهم..دخل عليها كلام اسحق هنا دخلة بالجد حارة..و هو صدى للوثيقة التي احضرها محمد سليمان في هذا المنبر و التي تذهب الى أن البعض ساهم في فصل الجنوب بغية أن ينضوي تحت التاج المصري..!
و صعوبة كلام اسحق على المنظومة أنه خرج من صلبها عبر احد منتسبيها..و هي تخاف ان يشطح الرجل اكثر..!
ان يحضر محمد سليمان الوثائق فهذا مقدور عليه في عرفهم لأنهم سوف يفركشونها عن طريق التشتيت و التكذيب و لو الى حين..اما ما يقوله اسحق فلا يستطيعون ضحده الإ بالقوة و القمع..لأنهم يخشون أن تكون حجة من يختلف معهم ان يستشهد بكلام ولدهم اسحق احمد فضل الله..!!
طريقة اسحق الملولوة في الضرب الناعم الموجع اقرب الى الخط الوطني من طريقة محمد حامد جمعة الذي لا زال غريرا يظن أن المجد كل المجد في تنفيذ التكليف بحذافيره..و تكليف محمد حامد هنا ليس من باب الإشاعة التي تقول أنه يعمل في ألأمن (و هي اشاعة اطلقها محمد حامد على نفسه حتى يؤدي دوره بامتياز..اوعك تجي تقول لي سوهو فيني الشيوعيين.. سويتها براك يا قريبي وما بتفوت علينا) و انما فكرة أن الرجل مكلف باحداث التشتيت و تمييع الصراع بالدرب العدييل..و دونكم خط الرجل في هذا المنبر على مدار السبعة سنين الماضية..و هو امر مشروع و بنقدر عليهو.. لكن القاسي أن الرجل سوقو ماشي.كل ما يضرب النقارة.. بيلقى الناس المستعدة ترقص على انغام نقارته..!!
كبر
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: Kabar)
|
محمد ، و اعني بالحديث ناس المعارضة ، مارق للريبة و التلاف..و اكبر انجاز له أن يشغل الناس..و هو يعرف جيدا أن أيتها خيط يفتحو.. الناس بتجري عليهو كبس و تقعد تشتم فيهو(الراجل تاجر واصل ، و عرف كيف يربي الزبائن)..و هو يعرف أن السطر أو السطرين التي تكتب عنه شتما.. هو تفويت فرصة لكتابة سطر أو سطرين في رسالة (تكست) تحض الناس على الخروج و مواجهة النظام..!!
و الجبهة الإسلامية قاعدة تضقل بناس المعارضة زي الماحصل شي.. كلما تحس بالزنقة تفك ليك جمعة و فرح و ميادة..و ينفردوا ليك بالعالم..!!
و مثلمأ جأر اسحق بان امريكا هدمت السودان لأنو في ناس في الجبهة الإسلامية دايرين يهدموا السودان.. فنحن بنقول الجبهة الإسلامية بتضقل بالمعارضة.. لكن الموجع انو المعارضة مرات بتديك احساس بانها تتلذذ بهكذا تضقيل.. ورافعة سعرو بادمان لمن قرب يدخل السوق السوداء..!!
محمد حامد جمعة فاهم كلام اسحق و مغزاهو الحقيقي..و نحن فاهمين كيف محمد و الجبهة الإسلامية (خصوصا طبقة الزبانية الغلاظ) فاهمين كلام اسحق..!!
و السؤال: متى يعلن جنون اسحق كما تم اعلان جنون حسن مكي من قبل؟
أم سيطير رأسه كما راس اخيه محمد طه محمد احمد ( الكان عارف كتير و غلبو الكتمان..و افتكر انو الموضوع فعلا لله و الحقيقة و الوطن)؟..
ناهيك عن اغتيال الشخصية في حق الصحفي حسين خوجلي..!
غايتو يا اسحق لو استمريت في السكة دي.. الشفافك استتابوك استتابة النيل ابو قرون ما كضب..!
يا محمد حامد..زمان التنظيم كان بيأدبكم بالجلد.. لكن الليلة يا ابوي الموضوع فيه قطيع ريسين..و حوادث مرور مجهولة.. عشان كده خليك في خوفك..لأنو الخواف ربا عيالو..!!!
و (تريث ) التي قالها محمد حامد جمعةلأخيه اسحاق..جوهرها تعلم يا اخي اسحق من حكمة رأس محمد طه محمد احمد الطار في الصقيعة..!!
هذا الكلام غير موجه لمحمد حامد..و انما الزبانية القاعدة هناك و فاكرة روحها لسع الناس ح تصدق احابيلها..!!
و دمتم..
كبر
]
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: محمد الامين محمد)
|
Quote: تاريخياً لا يوجد تناقض حقيقي بين الاسلاميين فى النسخة البرغماتية حقت اسحق و صحبه من التجار أهل البيزنس و بين امريكا من جهة أخرى. هؤلاء الناس منذ 1992 اتبعوا الروشته الشهيرة التى تصدرها المؤسسات الاقتصادية للامبريالية العظمي و التى تهدف فى النهاية الى ربط السوق السوداني بعجلة الاقتصاد الراسمالي العالمى. روشتة البنك و صندق النقد الدوليين هدفها فى الاساس نهب ثرواث الدول الفقيرة بفتح الاسواق فى واقع اٍقتصادي غير متكافئ مما تسبب فى الفوارق الطبقية الحادة الحاصلة فى السودان اليوم. دا علم الاقتصاد اما خزعبلات اٍسحق دي فلا مكان لها فى ارض الواقع، الاسلاميين عيال امريكا الاوفياء.
|
هل يفهم اٍسحق
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
الأخ / محمد حامد جمعة
تحياتي
| Quote: إن ارتداد بعض الإسلاميين عن كريم ما بشروا به طوال عقود ردة وعوار مخز، فما استقوت الحركة الإسلامية في السودان إلا بكونها تنظيم وسع الجميع وعبرت عن كل السودانيين |
يا راجل قول كلام غير كده،، يا خوي ديل من قولت تيترموا لي قدام ولم يرتد لهم جفن،، يعني عاوز تقول انوالانقاذ (وناسها) بدت بالعدالة وانتهت بالفسالة ؟؟ يا خوي دي بدت بي الفسالة وماشية للزبالة ..
نوعية الكلام ده بعد ما بدأ من الكبار الليلة بقوا يقولوا الكبار والصغار
مودتي
| |
|
|
|
|
|
|
|
|
|
Re: الانتباهة .. خط من !! و خط ماذا !! (Re: abubakr salih)
|
كتب الصحفى بجريدة الشرق القطرية دكتور عبدالمطلب الصديق ، كتب فى جريدة الرأى العام قائلا :
اسحق احمد فضل الله سيد كتاب الانقاذ .
ايه رأيك يا محمد حامد جمعة قالوا الزول ده سيدكم يا كتاب الانقاذ ؟ فهل يتجرأ المسيود على انتقاد السيد ؟
وما هو رأى عبدالمطلب الصديق فى الاقتباس الذى اتى به محمد حامد جمعة كنموذج من سيد كتاب الانقاذ ؟
بئس السيد والمسيودين .
| |
|
|
|
|
|
|
| |
محمد حامد جمعه
د.محمد حسن
محمد على حسن
Wasil Ali
الامين محمد علي
ياسر احمد محمود
عبد المنعم سليمان
خدر
يوسف السماني يوسف
Medhat Osman
عمر عبد الله فضل المولى
عبدالله شمس الدين مصطفى
Rawia
البحيراوي
Yassir Tayfour
abubakr salih
احمد محمد بشير
محمد عبدالرحمن محمد
MOHAMMED ELSHEIKH
نيازي مصطفى
Imad Khalifa
محمد الشيخ أرباب
عمر ادريس محمد
خالد العبيد
Deng
عبد الفتاح عرمان
Mustafa Mahmoud
Elbagir Osman
jini
Afraa Sanad
Tragie Mustafa
Elmuiz Haggaz
Kabar
محمد الامين محمد
جمال المنصوري
wadalzain
فيس بوك
تويتر
انستقرام
يوتيوب
بنتيريست