|
|
 الى رئيس المجلس الأعلى للإجور ..
|
الاخ الكريم / رئيس المجلس الاعلى للإجور
السلام عليكم ورحمة الله وبركاته
التاريخ / الثلاثاء الثاني عشر من ربيع الاول 1432 الموافق 15 / 2/ 2004
مع كل الاحترام والتقدير نطالب بزيادة الحد الادنى للإجور حيث أن هذه الاجور لا تفى لكثير من العاملين بالاحتياجات الرئيسة عليه نطلب منكم التكرم بعمل دراسة لزيادة الاجور ورفع توصية بذلك الى المجلس الوطني وأعلم أن الله قد وضعك في هذا الكرسي لكي تخدم الفقراء والمساكين اولا وإن لم تفعل ذلك فما أوفيت بهذا الكرسي ،، أما كون ان الاجور التى يتقاضاه العاملون اليوم _سواء كانو في القطاع العام او الخاص _ لا تفى بالضرورات (لكثير من العاملين)فهذا لا يحتاج منى الى كثير عناء لكي اسوق لك حجج تبرهن ذلك فالامر اوضح من الشمس عليه نطالبك برفع توصية عاجلة الى المجلس الوطني
حتى تكون قد قمت فعلا بما تمليه عليك وظيفتك هذه وإن لم تفعل فلن يحول بين ان نشكوك الى الله حائل ولن اتردد في ذلك لعلمي التام ان هذه الاجور قليلة جدا
والله من وراء القصد ولا خير فيني إن لم اقلها لك ولا خير فيك ان لم تسمعها
|
|
 
|
|
|
|
|
|
|
 Re: الى رئيس المجلس الأعلى للإجور .. (Re: المكاشفي الخضر الطاهر)
|
Quote: الاخ الكريم / رئيس المجلس الاعلى للإجور
السلام عليكم ورحمة الله وبركاته
التاريخ / الثلاثاء الثاني عشر من ربيع الاول 1432 الموافق 15 / 2/ 2004
مع كل الاحترام والتقدير نطالب بزيادة الحد الادنى للإجور حيث أن هذه الاجور لا تفى لكثير من العاملين بالاحتياجات الرئيسة عليه نطلب منكم التكرم بعمل دراسة لزيادة الاجور ورفع توصية بذلك الى المجلس الوطني وأعلم أن الله قد وضعك في هذا الكرسي لكي تخدم الفقراء والمساكين اولا وإن لم تفعل ذلك فما أوفيت بهذا الكرسي ،، أما كون ان الاجور التى يتقاضاه العاملون اليوم _سواء كانو في القطاع العام او الخاص _ لا تفى بالضرورات (لكثير من العاملين)فهذا لا يحتاج منى الى كثير عناء لكي اسوق لك حجج تبرهن ذلك فالامر اوضح من الشمس عليه نطالبك برفع توصية عاجلة الى المجلس الوطني
حتى تكون قد قمت فعلا بما تمليه عليك وظيفتك هذه وإن لم تفعل فلن يحول بين ان نشكوك الى الله حائل ولن اتردد في ذلك لعلمي التام ان هذه الاجور قليلة جدا
والله من وراء القصد ولا خير فيني إن لم اقلها لك ولا خير فيك ان لم تسمعها |
أجري اللازم خلاص أمشي الخزنه أصرف الفروقات وبأثر رجعي كمان 
المكاشفي زمااان لمن قلنا ليكم أطلعوا الشارع قلتوا دي معارضين الكيبوردات الليله مالك ياخوي الزومه متضايقي ولاشنو؟
والله لو منتظر رئيس المجلس الاعلي للاجور او أي كوز يعمل ليك حاجه تكون غلطان شيل عكاز ساكت وأطلع الشارع أول زول عندوا دقن
تلاقيهوا أردلب شوتوا بعصايتك وكورك الشعب يريد أسقاط النظام ، عاش نضال الشعب السوداني .ياريتك تعي الدرس .
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: المكاشفي الخضر الطاهر)
|
| Quote: دي فتنة وأنا لست من دعاة الفتنة |
المكاشفي
حياك الله
ياخي حاشا لله أن أتهكم أو أسخر منك لكن الحازي في نفسي من واقع كتاباتك هنا
أنت زول نظيف ونقي الدواخل والجماعه ديل غاشنك ساكت وانت مباريهم وبتدافع
عنهم عمال علي بطال . يأخي الكيزان ديل بيغشوا أبليس زاتوا فأحسن ليك تنط
من المركب دي لانها قربت تغرق وانت أصلا ما مستفيد منهم شيء، وعلي ما اعتقد
سيدنا أبوذر الغفاري قال عجبت لمن لا يجد قوت يومه لما لايخرج على الناس شاهر سيفه
انا ماقلت ليك شيل ليك سيف شيل عكاذ واطلع الشارع دي فيها فتنه كمان .
مودتي
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: عادل الباهي عبدالرازق)
|
| Quote: ياخي حاشا لله أن أتهكم أو أسخر |
يا عادل لا انت لم تتهكم لكن البيتهكم هو معاوية دا شايف الصور البيلصق فيها دي بالله عليك الله دا كلام اسي انا غالبني اممش بوستاتو واشوها ليهو لكن انا ما برد الخطأ بالخطأ الا في ظورف معينة
طيب يا عادل انا لا اخرج على الحاكم وان كان ظالما وهذا من الدين اللهم الا ان ينكر شيء معلوم من الدين ضرورة
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: المكاشفي الخضر الطاهر)
|
| Quote: طيب يا عادل انا لا اخرج على الحاكم وان كان ظالما وهذا من الدين اللهم الا ان ينكر شيء معلوم من الدين ضرورة |
سبحانك ربي
خلاص أديك النجيضه لا في أجور بتزيد ولاحاجه اكل نارك ساكت من هسع شيل مصلايتك وأمشي أدعوا علي البشير ورئيس المجلس
الاعلي علي الاجور . والله البيسمع ما بطلع علي الحاكم دي يقول البشير جاء عند طريق صناديق الانتخاب .
عجبي
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: عادل الباهي عبدالرازق)
|
الاخ عادل
المسؤولية على رئيس المجلس الاعلى للاجور هو مسؤول وربنا بيسألو لانو البشير كلفو عشان يعد الدراسات لزيادة الاجور وهو ما عمل اي شيء على اي حال انا حا ادع عليهو صدقني لو ما عمل حاجة حا ادع هليهو واشكيهو لله ....... لكن برضو دا ما بيعفي البشير من المسؤولية
لكن يا عادل لماذا انت لم تاندني في هذه الدعوة وتدع معاي رئيس الاجور لزيادة الاجور يمكن ننجح كدا جرب تعال معاي ندع صدقني انا متكهن اني سوف انجح في هذه الدعوة
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: المكاشفي الخضر الطاهر)
|
| Quote: لكن يا عادل لماذا انت لم تاندني في هذه الدعوة وتدع معاي رئيس الاجور لزيادة الاجور يمكن ننجح كدا جرب تعال معاي ندع صدقني انا متكهن اني سوف انجح في هذه الدعوة |
المكاشفي ياخوي
تعرف قبل فتره عندنا صديقنا والده توفي وقام اثناء العزاء قال عاوزنا نختم المصحف لروح والده
المهم قمتا أنا قريت الجزء الرابع لمن ماشين وودعنا عندنا صاحبنا قال لولد المتوفي نصيحتي ليك
عيد قراءه الجزء الرابع مره تانيه
فالله يسعلني لو قمت دعيت معاك مرتبك زاتوا تاني ما بتقبضوا خليك من الزياده
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: عادل الباهي عبدالرازق)
|
| Quote: لالا كنت متشطف ساكت |
انت عارف يا عادل انا الشيء المحيرني ناس المجلس الاعلى للإجور ديل شغلتهم شنو ؟؟ هل تصدق عندنا عمك اسرتو فيها ستة اطفال وبيصرف قول اربعماية وخمسين يا اخي قول خمسمائة جنيه اسي عليك الله عمك دا القروش دي بتكفيهو __ طبعا نحن سنن الله وقدرته على التكفل بالرزق هذا ليس مجال الحديث ___ لكني اتعجب لناس المجلس الاعلى للإجور ديل حكاية عمنا دا ما مرت عليهم ولا شنو ؟؟ غايتو يوم القيامة الراجيهم سؤال كتيرين خلاس
والله انا اتمنى ان نرى رئيس المجلس الاعلى للإجور في مؤتمر صحفي انشوف ردو على عمنا بتاع الستة اطفال دا بيكون كيف
انت يا عادل الحكاية شنو ناس البورد ديل موضوعي دا ما شايفينو ولا شنو بس انت وحدك المتضامن معي ؟؟؟ نفرتق ولا شنو يالباهي
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: المكاشفي الخضر الطاهر)
|
| Quote: انت يا عادل الحكاية شنو ناس البورد ديل موضوعي دا ما شايفينو ولا شنو بس انت وحدك المتضامن معي ؟؟؟ نفرتق ولا شنو يالباهي |
الناس دي يا المكاشفي خايفين من أرتفاع ضغط الدم بتاع بوستاتك
لكن نصيحتي ليك كنت تغيير عنوان البوست مثلا يكون ( أقفلوا جامعه الاحفاد ياوزير التعليم العالي)
عفاف ديم سلك في طريقها لاحياء حفلات لشريف نيجيريا وكده
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: عادل الباهي عبدالرازق)
|
شوف يا المكاشفي ..
رئيس المجلس الأعلى للإجور ده زاتو ..
كان جزء من لجنة وزارية شكلت بوزارة الصحة شهر فبراير 2010 بعد إضرابنا الأول (الأطباء) ..
و صادق بنفسه على مشروعية زيادات لمرتباتنا و إنها ما بتناقض الهيكل الراتبي أو أي قانون مؤسسي ..
و التوصيات ما إترفعت لحدي ما أضربنا شهر مارس ..
بعدها طلعت من حوش وزارة الصحة لأولي الأمر ديل ..
ثم قبيل إضرابنا شهر يونيو ..
ضرب بعرض الحائط كل التوصيات الشهد عليها زولك ده ..
و في نفس الوقت إتبرعت وزارة الصحة السودانية لجمهورية أفريقيا الوسطى
بمعدات جراحية ثمنها 150 مليون دولار أمريكي !!
و حاليا تم خصم 150 ج من مرتباتنا بدعوى إن المالية ما غذتها
و إحتمال آخر السنة المالية يتعطفوا و يصرفوها !!
(عشم إبليس في الجنة)
باقي ليك بعد القلته ليك ده
عندك أمل في زول بالدولة دي يعبرك !!
يا زول قوم أدعي ساي مادام ده رأيك
و خلي شغلة العكاكيز دي لناسها
___________________________
من الصعب إن اللغة ماتكون ساخرة
لأن الواقع نفسه فيه شيء من السوريالية
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: محمد قرشي عباس)
|
| Quote: معروف يا معاوية انك لم تناصر اهلنا الفقراء والمساكين |
والله العظيم وشوف عيني
معاوية عبيد كان بلقط الاطفال الشماسة المساكين من الخيران
يوديهم "البيت الابيض " ـ جمعية امل ـ
وهناك يشطف ويحمم ويلبس الهدوم ويضمد الجروح
يوم وداهم سينما كلزيوم شعب فيلم هندي .. فزو منو بعد العرض
تاني يوم مشينا السوق نرجعهم اتلاوو معانا وقعدنا نحنس
لمن شافوا معاوية عبيد رجعو معاهو بيت امل مبسوطين
رسالتك مضحكة ولذيذة
لي مين ؟
لي رئيس المجلس الاعلى للاجور
يجرك كـ لـ بـ
قول آمييين !
| |
|
|
|
|
|
|
|
|
Re: الى رئيس المجلس الأعلى للإجور .. (Re: معاوية عبيد الصائم)
|
Quote: لي رئيس المجلس الاعلى للاجور
يجرك كـ لـ بـ
قول آمييين ! |
(يو ميد ماي دي) يا خالد...
مكاشفي القوم كيفك ياخي..
وبتاع الاجور ده شكلو كده (لاحياة لمن تنادي) فيازول دربك عدل علي الوضوء ومصلاية من النوع الابوكديس
ولالوبة مترين ونص ونيششششششششششو لينا بالله..
باقي اخر الزمن ده بتوع مجالس الاجور ديل مافي ليهم حل الا اللالوبة المكاشفية..
ولو نشت بتاع الاجور قبل لي علي وزارة الاجور...ولو الحال ما اصلح خشي لي لفت في لالوبة ونيشششششششش البشير
----------------------
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: عبدالكريم الامين احمد)
|
| Quote: وبتاع الاجور ده شكلو كده (لاحياة لمن تنادي |
| Quote: ولو الحال ما اصلح خشي لي لفت في لالوبة ونيشششششششش البشير |
كيكي
سلام
ايام الجفاف الضرب غرب السودان
النميري لعنة الله عليه خاطب الدارفوريين قائلا :
اعمل ليكم شنو ؟
صلينا ليكم صلاة الاستسقاء .. لكن لاحياة لمن تنادي !!!
| |
|
|
|
|
|
|
|
|
|
Re: الى رئيس المجلس الأعلى للإجور .. (Re: خالد العبيد)
|
Quote: ايام الجفاف الضرب غرب السودان
النميري لعنة الله عليه خاطب الدارفوريين قائلا :
اعمل ليكم شنو ؟
صلينا ليكم صلاة الاستسقاء .. لكن لاحياة لمن تنادي !!! |
سلام يا خالد
وتعرف انا الان صرت اكثر (شحتفة) في روية وحضور طقوس المكاشفي التي توعد وهدد بها (بتاع الاجور) في حالة عدم انصياعه الي توسلاته
وقد اقترح علي المكاشفي ان يصور هذه الطقوس ويدعها (اليوتيوب) حتي يتكامل خطابه.. وعل كل هذا يمكن ان ياتي له بكاس كاسين من مريسة تام زينو الاجورية
وتحياتي
| |
|
|
|
|
|
|
| |
المكاشفي الخضر الطاهر
معاوية عبيد الصائم
عادل الباهي عبدالرازق
محمد قرشي عباس
خالد العبيد
عبدالكريم الامين احمد
Mohamed Foto7li
الصادق اسماعيل
فيس بوك
تويتر
انستقرام
يوتيوب
بنتيريست