المطرب(احمد الصادق) يدخل المسرح القومى بطريقة غريبة (توجد صورة)

Quote: اول خطوة للرجوع للتدهور العنجهيه والتكبر علي الجمهور..

Quote: لم أسمع ب ، ولم أستمع ل كل من حسن الصادق و أحمد الصادق من قبل أو ايا كان إسميهما يا قول ملاسي عربيتي فيها: عقد الجلاد الكابلي والبلابل فيروز حنان النيل البلابل زيدان نانسي عجاج الترتيب ليس حسب الأهمية، لكن لمن يركبو معاي خواجات بتعجبهم حنان النيل أكثر ________________ مرة تانية: الشباب ديل منو؟ وهل هم أخوان؟

Quote: والله كنت اطرب لصوته الجميل ولا اظنني بعد اليوم اجرؤ ان استمع له لانه اصلا لم يصل لمرحلة فنان عندي بعد... فقط استمع له لان صوته جميل والفنان كم متكامل من الاخلاق.. ما فعله هذا الاحمد لا يمت للاخلاق ولا للفن بصلة.

Quote: تحية .....لا غرابة ان ينبري المتداخلين لادانة مثل هذا السلوك الغريب...سلوك لا يتسق مع قيمة الفن ودوره في تزيين الوجدان...وددت ان لو ان المذكور كان يحمله فنه لا هؤلاء السذج الذين لا فرق بينهم والمحمول... الاغرب هو ظاهرة انعدام الذوق الفني السائدة....وانفتاح الابواب لمثل هؤلاء لممارسة تخريب الذوق وطلاء جدار الفن بالنشاز ....ويستمر هذا العبث وكانه امر مخطط له ... علي من تقع مسئولية خلق هذا الواقع الانصرافي... اللهم لا نسالك رد القضاء ولكن نسالك اللطف فيه... لك الاحترام ]

Quote: في زمن الا وعي أصبح كل شي جائز هذا زمانك يا مهازل فمرحي

Quote: شكلها البلد عدمت الشرامة ،، على زمننا كان مشى وراهو واحد وعمل ليهو حركة خلاهو ينط من الكرسي ،،، :)

Quote: يا قرجاج يا دفعه ... كيفك .. هو اصلو المسرح فى عضمه مساحته قدر شنو ... ؟ عشان يدخل فيهو محمول على الاكتاف .. شيء عجيب !!!!!!!!!! ]

Quote: الود دة كان سايق حمار كارو وليس حصان سبحان الله دي عقدة الدونية ]

Quote: سلامات يا زينين انتو حكاية الشيل الماشية فى البلد دى شنو الايام دى؟؟؟؟ اللهم لا تمحننا لا تبلينا ]

Quote: ممكن خيارات ؟ مثلاً فيل زي الخيار ]

Quote: سلام قرجاج يا جماعة انتو حكاية الشيل دي شنو الطالعة موضة في البلد ؟

Quote: الظروف تخلي العنزه خروف !! سلام يا قرجاج

Quote: المصيبه في مولاناامام المسجد الوزير السسؤال خلف الله اين دوره في هذه الهازل كرين كرسي محمول ياسبحان الله

Quote: __ نعيش ونشوف يامدثر ..! ]

Quote: الفن قيمة انسانية ورسالة ومشروع قبل ان يكون بهرجة والفنان هو ضمير الشعب الذى ينتمى له والمعبر عنه حزنا وفرحا هكذا اعتقد والموضع ليس تهكم ولا سخرية بل بضع اسئلة عن بعض او مجمل التصرفات التى لا تليق بشخص جماهيرى , تحتم عليه تلك او هذه الجماهيرية ان يرتقى لمستوى الحدث والزوق العام والفهم بابجديات التعاطى والتعامل مع المسالة بصورة تحفظ له كيانه كفنان وايضا انسانيته كفرد فى المجتمع واذا جاءت بعض التعليقات والمداخلات بشىء من (الخستكة والهبسكة) فذلك ناتج من خلال ركوب الكرسى والشيل ذاتو ... لزومو شنو ؟؟؟؟؟ ولا كلامى ما صاح ؟؟؟؟ او ولا كـــــيف ؟؟؟؟؟ قاسم المهداوى هامش معزرة حاسى بانى عرجت شديد

Quote: شى غريب خالص ويحير ياخى ديل جابو ونش عديل

Quote: مش كان احسن يجو شايلنو بـ fork lift لما بالـfork lift من تقنية عالية تتناسب مع "أباطرة" هذا الزمن العجيب!!!

Quote: إبن خالي سلامات... أولا أمسك في كلام الأخت الشاعرة / أسماء الجنيد ثانيا... ما أتفه من هكذا منظر سوى شيالين (السيدان) المقصورة اخخخخخخخخخ

Quote: سؤال بريء يا شباب هو شالوه 4 والا رفعوهو 4؟ عشان ما يتلخبت الاختساس

(عدل بواسطة مدثر قرجاج on 02-22-2011, 12:46 PM)

Quote: كلامك جميل وفعلا هذا الجيل عايش حالة بتاعت توهان وضالي طريقة لذلك يجب ان نحزن عليهم ونلوم انفسنا دفنا راسنا كثير في التراب ولم ننظر الى قضاياهم ومايتعرضون اليه من كبت ومن اغتصابات وحاجة وفقر ولا نعمل على معالجتهم بتمهيد الادوار التي يمارسونها بعلمية وفهم وتطور للاسف تركناهم يعيشون بطريقتهم ويحلون مشاكلهم بنفسهم من غير دليل وراشد وهذا نفس المنطق الذي قامت علية ثورة مصر بعد ان مل الشباب الحال المايل الذي كان يعيشون علية فكان علية لابد ان يثور مدثر بالجد وكلامك جميل جدا في اشياء كثيرة وحال مايل في الشارع السوداني يجب الناس تقف عليه حتى يخرج جيل معافى من الامراض الحاصله

Quote: يا خوانا اي زول بشوف نفسو زي ما داير والناس دي بطريقتة ... الرافعنو بكراكه هو الملك والرافعنو اربعه رُجال ! هو الامبراطور .. واللا انا غلطان يا مدثر

Quote: نحن والله بقينا خارج الشبكة عديل اول مرة اسمع يى الفنان دة بغنى يات اغنية؟ لو مستحضرين واحدة قولو لينا

Quote: الناس دي عندها عقد غريبة ياخ انا مامزعلني لقب امبراطور بتاع احمد الصادق بقدر مامزعلني لقب الدكتور بتاع الصعلوك اخوه الود الاسمو حسين ده ولا احتمال يكون الطب اتطور واحنا ماعارفين

Quote: الحبيب مدثر سلامات يا غالي بصراحة احمد الصادق غناي وصوته جميل .. وانا شخصيا اطرب له .. واطرب لفنانين مخضرمين واطرب لفنانين شباب وكمان العكس برضو لا يطربني بعض الفنان المخضرمين وايضا لايطربني الكثير من الشباب والمسألة في النهائية نسبية ... (اسي انا بستغرب كيف يكون في ناس هلالاب زي ما انت بتستغرب كيف يكون في ناس مريخاب).............. واعتقد انو فكرة دخول الفنان احمد الصادق على كرسي السلطان دي فكرة معجبيه وما فكرتو هو .. وطبعا من حق المعجبين التعبير عن اعجابهم بالطريقة البتريحم واكيد المعجبين يبحثون عن طرق مبتكرة للتعبير عن اعجابهم وحبهم لمن يريدون ويعتبرونه شيء من رد جميل لما يقوم به من امتاع لهم والفن تذوّق واحساس للفنان والمتلقي واكيد الزول البوصل درجة حمل فنانه المفضل على كتفه اياً كانت وسيلة الحمل فهو انسان وصل قمة الطرب والمتعة لما يقدمه هذا الفنان ... انا عارف كويس انك تتحدث عن الاسلوب واحترام الجمهور ولا تتحدث عن فن احمد الصادق او تطريبه لان المسألة نسبية لكل متلقي على حدة بس برجع واقول ليك ما اظن ان فكرة دخوله بهذه الطريقة فكرتو هو بل فكرة معجبيييييه .... وتحياتي لكلللللللللل المتداخلين العجايز والشباب

Quote: ابدى الفنان كمال ترباس استغرابه الشديد من تقليعات الفنانين الشابين (احمد وحسين الصادق) التي ظهرا بها على خشبة المسرح القومي بأم درمان من خلال (ليالي ام در الموسيقية ) التي تقيمها وزارة الثقافة الاتحادية حيث ظهر اولاد الصادق في وصلتيهما الغنائية بشكل غريب حيث اعتلى حسين (كرين) تحركه آلة رافعة فيما جاء شقيقه احمد الصادق محمولا على (كرسي) يحملة اربعة من الشبان قبيل بداية وصلتيهما الغنائية وفي السياق وصف ترباس المتواجد بإمارة دبي هذه الايام الظاهرة بالغريبة والجنونية وقال في حديثه لـ(فنون) لو اولاد الصادق ظهروا بي (كرين وكرسي) انا بدخل المسرح بـ(قطر) وتابع موجها حديثه لاحمد وحسين الصادق بقوله ان لفت انظار الناس لايكون بهذه الطريقة مشيرا الى ان شيمة الفنان هي التواضع معتبراً ان ماحدث من الاثنين لا يعد سوى كونه (غرورا) منهما وقال ترباس ان الكثيرين هاتفوه مستنكرين هذا التصرف وتابع ان ديناصور الاغنية السودانية محمد وردي حينما اجبره ظرفه الصحي للغناء من على كرسي قدم اعتزاره لجماهيره لان الفنان يجب ان يحترم جمهوره مؤكدا ان ذلك يخصم من رصيد الفنان ولا يضيف له وختم حديثه قائلا ( واحد في كرين والتاني في كرسي طيب الوزير يقعد وين ) ..؟؟!! صحيفة فنون

Quote: شباب تونس ومصر بيشيلو الانظمة ونحن شبابنا بشيلوا الفنانين والمذيعات يا حليل زمان اباؤنا شالوا عبود ونحن شلنا نميري الشكية لغير الله مذلة يعني نعمل شنو نجيب شباب مصريين وتوانسة عمالة اجنبية للشيل

Quote: ليس بعد القاع من شيء لكي نخشى السقوط الحبيب مدثر تحيّاتي

Quote: ليس بعد القاع من شيء لكي نخشى السقوط الحبيب مدثر تحيّاتي

Quote: نوع من أنواع البلطجة

Quote: الفنان احمد الصادق شاب محترم ورجل اخو اخوان ومالي مكانتو وله معجبيه وذوحنجره ذهبيه ونجاحات وحب الناس مذاهب... وهاكم الوصله دي

Quote: الفن قيمة انسانية ورسالة ومشروع قبل ان يكون بهرجة والفنان هو ضمير الشعب الذى ينتمى له والمعبر عنه حزنا وفرحا هكذا اعتقد والموضع ليس تهكم ولا سخرية بل بضع اسئلة عن بعض او مجمل التصرفات التى لا تليق بشخص جماهيرى , تحتم عليه تلك او هذه الجماهيرية ان يرتقى لمستوى الحدث والزوق العام والفهم بابجديات التعاطى والتعامل مع المسالة بصورة تحفظ له كيانه كفنان وايضا انسانيته كفرد فى المجتمع واذا جاءت بعض التعليقات والمداخلات بشىء من (الخستكة والهبسكة) فذلك ناتج من خلال ركوب الكرسى والشيل ذاتو ... لزومو شنو ؟؟؟؟؟ ولا كلامى ما صاح ؟؟؟؟ او ولا كـــــيف ؟؟؟؟؟ قاسم المهداوى هامش معزرة حاسى بانى عرجت شديد

Quote: الأخ مدثر قرجاج, لقد شاهدت كثيرا من انواع العبط والهبل فى حياتى الممتدة والعريضةفى هذه الديار, لكن مثل هذا العبط وهذا السخف والجهل وهذا التخلف يطرشنى ويعمينى . الولد عايز يقول (انا غير) سبيشال يعنى .

Quote: مدثر وضيوفه ازيكون ,, معليش بس عندي وجهه نظر مخالفه شويه , في كتير جدا من بلدان العالم , الفنانين بيجوا داخلين المسرح بطريقه غريبه أو مشاتره ودا طبعا نوع من الدعايه ولفت النظر والتسويق وكدا , في مصـر , تامر حسني جا خاشي المسرح بي عربيه همـر ! بريتني سبيرز ومادونا جوا داخلين المسرح بي لبس غريب جدا ومتطرف الى حد كبير , ليدي غاغا جات داخله حفله الاوسكـار وهي لابسه فستان مصنوع من (اللحم) ! (اللحم الحي عدييل كدا) ! في فنانين بيجوا بي طيارات هليكوبتر وفي فنانين بيينزلوا بي براشووت .. الـخ الحاجه الدايره اقولها , انو الفنان في احيان كتيره بيكون متطرف في التعبير , بمعنى , انو المجتمع البيرفض حاجه معينه في وقت معين , قد يقبلها (او يجدها اقل تطرفا وغرابه) في وقت آخر , عمرو دياب مثلا كان بيجي خاشي المسرح زمان وهو جاري ! الناس كانت بتضحك عليهو وبيحاكوهو في المسرحيات وكدا ,, بعد كم سنه , كميه من الفنانين بقوا يجوا خاشين المسرح بنفس الطريقه ! انا شخصيا - عن نفسي كدا- ما حبيت الدخله حقتو دي , لكن بفتكر انها نوع من الذكاء ! الزول دا نجح تماما في اثاره الحاسه الشماريه السودانيه , خلى مدثـر يفتح ليهو بوست طوويل عرييض :) وخلى خمسه او سته انفار في البوست دا يسألو منو أحمد الصادق ويسمعو أغانيه عشان يعرفوا الزول الدخل بي العرش ونافخ روحو دا منو :) ودا الهدف من الحاجه دي على ما أظن :) تحياتي :)

Quote: محاولة لرفع البوست يا قرجاج كن بخير

Quote: ياجماعه أنا بفتش لي ونش أرفع بيهو بلوك للطابق الثاني في الخرطوم...ينوبكم ثواب دلوني علي الفنان دا أأجر منو الونش دا....بعد داك إن شاء الله يطلع بيهو في راس الجمهور المعجب بيهو دا..ممكن تتوسط لي يا قرجاج

Quote: قرجاج سلامات رحم الله أيام المديح