|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: فاروق أبوحوه)
|
Quote: لم أسمع ب ، ولم أستمع ل كل من حسن الصادق و أحمد الصادق من قبل أو ايا كان إسميهما يا قول ملاسي عربيتي فيها: عقد الجلاد الكابلي والبلابل فيروز حنان النيل البلابل زيدان نانسي عجاج الترتيب ليس حسب الأهمية، لكن لمن يركبو معاي خواجات بتعجبهم حنان النيل أكثر ________________ مرة تانية: الشباب ديل منو؟ وهل هم أخوان؟ |
كل الناس البتستمع ليهم مافى زول جانا قبلى كده بتقليعه زى دى فلهم الاحترام احمد وحسين ديل واحد جابوه بالرافعه والتانى رفعوه بالكرسى !!!
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: والله كنت اطرب لصوته الجميل ولا اظنني بعد اليوم اجرؤ ان استمع له لانه اصلا لم يصل لمرحلة فنان عندي بعد... فقط استمع له لان صوته جميل والفنان كم متكامل من الاخلاق.. ما فعله هذا الاحمد لا يمت للاخلاق ولا للفن بصلة.
|
انا اتفق معك تمام فهنالك فنانين لهم اصوات جميلة لكن يفقدون احترامهم عند الجمهور بسبب اعمال استفزازية وخوائهم الفكرى ،لانهم لايدركون ان الجمهور يحب ان يكون الفنان الذى يستمع له ويعطيه مساحة كبيرة فى حياته مشروع متكامل من الاخلاق والاحترام كما اسلفت
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: تحية .....لا غرابة ان ينبري المتداخلين لادانة مثل هذا السلوك الغريب...سلوك لا يتسق مع قيمة الفن ودوره في تزيين الوجدان...وددت ان لو ان المذكور كان يحمله فنه لا هؤلاء السذج الذين لا فرق بينهم والمحمول...
الاغرب هو ظاهرة انعدام الذوق الفني السائدة....وانفتاح الابواب لمثل هؤلاء لممارسة تخريب الذوق وطلاء جدار الفن بالنشاز ....ويستمر هذا العبث وكانه امر مخطط له ...
علي من تقع مسئولية خلق هذا الواقع الانصرافي...
اللهم لا نسالك رد القضاء ولكن نسالك اللطف فيه...
لك الاحترام ] |
المسئولية فى تخريب عقلية هؤلاء الشباب هو افتقارهم لمعنى رسالة الفن وماهية احترام الجمهور واكيد الدولة اسهمت فى تغييب الوعى عنهم عندما ضربت سياج وتعتيم للاغنية السودانية ودور الرواد الاوائل فى الاسهام فى جعل الفن محترم والتربع على عرش الجماهير بهذا الاحترام لانفسهم اولا ثم لفنهم وجمهورهم ،الشى الذى جعل هؤلاء الشباب يتطلعون الى ثقافات وافده يحاولون به طمس هويتنا والزج بنا فى امور لاتتناسب مع مورثنا الفنى ومحاولة صرف انتباه الناس عن الغناء الحقيققى باشياء لاتعدو ان تكون اوهام تجارية تدل على الغباء والعنحهية وتدل على ان الفنان يسير بدون اى خطط او خط يرسمه لنفسه ليكون دوما فى القمة لذلك صاروا يبحثون عن القمة فى الدخول على الونش والكراسى واظنهم سيسقطون قريبا من تلك القمم الوهمية التى اختاروها بديل لحب الجمهور لك الود
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
مدثر وضيوفه ازيكون ,,
معليش بس عندي وجهه نظر مخالفه شويه , في كتير جدا من بلدان العالم , الفنانين بيجوا داخلين المسرح بطريقه غريبه أو مشاتره ودا طبعا نوع من الدعايه ولفت النظر والتسويق وكدا , في مصـر , تامر حسني جا خاشي المسرح بي عربيه همـر ! بريتني سبيرز ومادونا جوا داخلين المسرح بي لبس غريب جدا ومتطرف الى حد كبير , ليدي غاغا جات داخله حفله الاوسكـار وهي لابسه فستان مصنوع من (اللحم) ! (اللحم الحي عدييل كدا) ! في فنانين بيجوا بي طيارات هليكوبتر وفي فنانين بيينزلوا بي براشووت .. الـخ
الحاجه الدايره اقولها , انو الفنان في احيان كتيره بيكون متطرف في التعبير , بمعنى , انو المجتمع البيرفض حاجه معينه في وقت معين , قد يقبلها (او يجدها اقل تطرفا وغرابه) في وقت آخر , عمرو دياب مثلا كان بيجي خاشي المسرح زمان وهو جاري ! الناس كانت بتضحك عليهو وبيحاكوهو في المسرحيات وكدا ,, بعد كم سنه , كميه من الفنانين بقوا يجوا خاشين المسرح بنفس الطريقه !
انا شخصيا - عن نفسي كدا- ما حبيت الدخله حقتو دي , لكن بفتكر انها نوع من الذكاء ! الزول دا نجح تماما في اثاره الحاسه الشماريه السودانيه , خلى مدثـر يفتح ليهو بوست طوويل عرييض :) وخلى خمسه او سته انفار في البوست دا يسألو منو أحمد الصادق ويسمعو أغانيه عشان يعرفوا الزول الدخل بي العرش ونافخ روحو دا منو :) ودا الهدف من الحاجه دي على ما أظن :) تحياتي :)
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: داليا الكباشى)
|
Quote: شكلها البلد عدمت الشرامة ،، على زمننا كان مشى وراهو واحد وعمل ليهو حركة خلاهو ينط من الكرسي ،،، :) |
عندنا لامثال احمد الصادق حل احسن من كده وهو الادانة والشجب والتنديد لفعلته حتى يعتبر وكل الصحف والفنانين استنكروا هذا التصرف بل فى بعض الجمهور غادر المسرح واظن ان الرسالة ستكون وصلت لاولاد الصادق ... الشرامة قاعدين لسه لكن الطريقه دى احسن واضمن تحياتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: الفن قيمة انسانية ورسالة ومشروع قبل ان يكون بهرجة والفنان هو ضمير الشعب الذى ينتمى له والمعبر عنه حزنا وفرحا هكذا اعتقد والموضع ليس تهكم ولا سخرية بل بضع اسئلة عن بعض او مجمل التصرفات التى لا تليق بشخص جماهيرى , تحتم عليه تلك او هذه الجماهيرية ان يرتقى لمستوى الحدث والزوق العام والفهم بابجديات التعاطى والتعامل مع المسالة بصورة تحفظ له كيانه كفنان وايضا انسانيته كفرد فى المجتمع واذا جاءت بعض التعليقات والمداخلات بشىء من (الخستكة والهبسكة) فذلك ناتج من خلال ركوب الكرسى والشيل ذاتو ... لزومو شنو ؟؟؟؟؟ ولا كلامى ما صاح ؟؟؟؟ او ولا كـــــيف ؟؟؟؟؟
قاسم المهداوى هامش معزرة حاسى بانى عرجت شديد |
محاولة لرفع البوست يا قرجاج كن بخير
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: شى غريب خالص ويحير ياخى ديل جابو ونش عديل |
سلام للجميع
ياجماعه أنا بفتش لي ونش أرفع بيهو بلوك للطابق الثاني في الخرطوم...ينوبكم ثواب دلوني علي الفنان دا أأجر منو الونش دا....بعد داك إن شاء الله يطلع بيهو في راس الجمهور المعجب بيهو دا..ممكن تتوسط لي يا قرجاج
بعدين أحمد الصادق دا مش كان لاعب في المريخ لما قبضوهم السنة الفاتت وجلدوهم....صاح يا هارون ولا ما صاح؟؟؟؟
مش كفاية الواحد بطنو طامة من القرف الحاصل في البلد...هي ناقصة
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: إبن خالي سلامات...
أولا أمسك في كلام الأخت الشاعرة / أسماء الجنيد
ثانيا... ما أتفه من هكذا منظر سوى
شيالين (السيدان) المقصورة
اخخخخخخخخخ
|
قريبى العزيز كيمو انشالله انت طيب وتحياتى القلبية اليك والى الاسرة.... كلام اختنا اسماء هو الكلام الصاح والبيعبر عن الغيظ الانا اتغيظتو بسبب العبط البحصل فى الفن ... منظر ######## وغريب ومستفز ولن امل ان اردد كل كلمة قبيحة فى حق هذا التصرف الغبى من عقول لاتعرف سوى التبجح والعنجهية والشبالين ديل مفروض يخجلوا على دمهم عليك الله عاين ليهم يضحكوا كمان يعنى مبسوطين من وضعهم ده ... غايتو ربنا يعوضنافى شباب نعول عليهم كثيرا فى التغيير ويكفينا شر الشياليين محبتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: كلامك جميل وفعلا هذا الجيل عايش حالة بتاعت توهان وضالي طريقة لذلك يجب ان نحزن عليهم ونلوم انفسنا دفنا راسنا كثير في التراب ولم ننظر الى قضاياهم ومايتعرضون اليه من كبت ومن اغتصابات وحاجة وفقر ولا نعمل على معالجتهم بتمهيد الادوار التي يمارسونها بعلمية وفهم وتطور للاسف تركناهم يعيشون بطريقتهم ويحلون مشاكلهم بنفسهم من غير دليل وراشد وهذا نفس المنطق الذي قامت علية ثورة مصر بعد ان مل الشباب الحال المايل الذي كان يعيشون علية فكان علية لابد ان يثور مدثر بالجد وكلامك جميل جدا في اشياء كثيرة وحال مايل في الشارع السوداني يجب الناس تقف عليه حتى يخرج جيل معافى من الامراض الحاصله |
ياوليد تحياتى
كلامك ميه الميه يجب ان نقف على كل الهفوات خصوصا ان هنالك ايادى خفية تريد ان تمارس على هذا الشباب استلاب فى كل شى وتريد ان تجعل منه جيل انصرافى لاشياء هايفة واذا كان امثال اولاد الصادق من الاغبياء الذين لايريدون ان ينتبهوا لقيمة الرسالة الفنية وكل همهم فى المظاهر والشو الفارغ وتسريحة الشعر والموضه فيجب على الاقل ان لاندع امثال هؤلاء الفنانين ان يكون لهم تأثير على شريحة من الشباب حتى لايقودوهم الى ذلك الطريق المظلم ويبثون فيهم افكارهم الجوفاء مودتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: يا خوانا اي زول بشوف نفسو زي ما داير
والناس دي بطريقتة ... الرافعنو بكراكه هو الملك والرافعنو اربعه رُجال ! هو الامبراطور .. واللا انا غلطان يا مدثر
|
ياكع والله صورتك بتعبر عن واقع الحال اى زول بعاين لنفسو وبتخيل نفسو شى تانى عشان كده بجونا طالعين فى كراسى وبيجونا امبراطور وغايتو ..لكن ياكع مرات البعاين لنفسو ويشوف شى تانى ويستأسد وهو فط صغير مفروض يراجع دكتور الامراض النفسية مودتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: الحبيب مدثر سلامات يا غالي
بصراحة احمد الصادق غناي وصوته جميل .. وانا شخصيا اطرب له .. واطرب لفنانين مخضرمين واطرب لفنانين شباب وكمان العكس برضو لا يطربني بعض الفنان المخضرمين وايضا لايطربني الكثير من الشباب والمسألة في النهائية نسبية ... (اسي انا بستغرب كيف يكون في ناس هلالاب زي ما انت بتستغرب كيف يكون في ناس مريخاب).............. واعتقد انو فكرة دخول الفنان احمد الصادق على كرسي السلطان دي فكرة معجبيه وما فكرتو هو .. وطبعا من حق المعجبين التعبير عن اعجابهم بالطريقة البتريحم واكيد المعجبين يبحثون عن طرق مبتكرة للتعبير عن اعجابهم وحبهم لمن يريدون ويعتبرونه شيء من رد جميل لما يقوم به من امتاع لهم والفن تذوّق واحساس للفنان والمتلقي واكيد الزول البوصل درجة حمل فنانه المفضل على كتفه اياً كانت وسيلة الحمل فهو انسان وصل قمة الطرب والمتعة لما يقدمه هذا الفنان ... انا عارف كويس انك تتحدث عن الاسلوب واحترام الجمهور ولا تتحدث عن فن احمد الصادق او تطريبه لان المسألة نسبية لكل متلقي على حدة بس برجع واقول ليك ما اظن ان فكرة دخوله بهذه الطريقة فكرتو هو بل فكرة معجبيييييه ....
وتحياتي لكلللللللللل المتداخلين العجايز والشباب |
العزيز امير الجمرى عساك طيب والله يا امير مافى اى غضاضة فى انو احمد الصادق يكون ليه معجبين وده حق اصيل فى انو الزول يعجب بالفنان الهو حاسى انو بطرب ليه واكيد احمد الصادق له جمهور مقدر لكن ان تتعامل مع الجمهور بهذه الفوقية فهذا ما انتقدنا فيه احمد الصادق حتى يا امير لو سلما جدلا ان هذه الفكرة من بعض المعجبين او غيرهم لو احمد الصادق عندو شوية تفكير وعندو حبة فكرة عن الرسالة السامية للفن واحترام الجمهور كان يرفض الفكرة بدون تردد لكن الفكرة الغبية صادفت هوى فى نفسه لانه من النوعية التى تحب الظهور ويحب التصفيق ويحب ان يهتف الناس بحياته ويعتقد ان كل مايقوم به سيعجب الجمهور . لو رجعنا عبر تاريخ الاغنية السودانية لم يحمل فنان من قبل ويدخل على الجمهور بالكرسى من زمن خليل فرح ،غنى ابراهيم عوض وعثمان حسين وكان الجمهور يحبهم بجنون ويمكنهم ان يحملونهم على الكرسى لحدى عطبرة لو ارادو لكن لانهم كانوا محترمين كانوا يرفضون مجرد الفكرة لانهم يقدرون الجمهور ويؤمنون ان الفنان اذا اراد ان يشمله حب الجمهور الى الابد فبجانب الغناء الجيد يجب ان يكون متواضع يقابل حب الجمهور بالحب ويلتحم معهم فى الارض ، مش يجى داخل فى كرسى يلوح للجمهور من السماء محبتى الاكيده
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: ابدى الفنان كمال ترباس استغرابه الشديد من تقليعات الفنانين الشابين (احمد وحسين الصادق) التي ظهرا بها على خشبة المسرح القومي بأم درمان من خلال (ليالي ام در الموسيقية ) التي تقيمها وزارة الثقافة الاتحادية حيث ظهر اولاد الصادق في وصلتيهما الغنائية بشكل غريب حيث اعتلى حسين (كرين) تحركه آلة رافعة فيما جاء شقيقه احمد الصادق محمولا على (كرسي) يحملة اربعة من الشبان قبيل بداية وصلتيهما الغنائية وفي السياق وصف ترباس المتواجد بإمارة دبي هذه الايام الظاهرة بالغريبة والجنونية وقال في حديثه لـ(فنون) لو اولاد الصادق ظهروا بي (كرين وكرسي) انا بدخل المسرح بـ(قطر) وتابع موجها حديثه لاحمد وحسين الصادق بقوله ان لفت انظار الناس لايكون بهذه الطريقة مشيرا الى ان شيمة الفنان هي التواضع معتبراً ان ماحدث من الاثنين لا يعد سوى كونه (غرورا) منهما وقال ترباس ان الكثيرين هاتفوه مستنكرين هذا التصرف وتابع ان ديناصور الاغنية السودانية محمد وردي حينما اجبره ظرفه الصحي للغناء من على كرسي قدم اعتزاره لجماهيره لان الفنان يجب ان يحترم جمهوره مؤكدا ان ذلك يخصم من رصيد الفنان ولا يضيف له وختم حديثه قائلا ( واحد في كرين والتاني في كرسي طيب الوزير يقعد وين ) ..؟؟!!
صحيفة فنون
|
والله كلام ياترباس والله لو هم بخشوا بالكراسى مفروض انت تجى بالطيارة مش بالقطر ول الحكاية بالغنى ..ياسلام ياخ والله كلام فى الصميم ياترباس والامثلة الاستعنت بيها امثلة مافيها ولا كلمة
شكرا ياحبيبنا على الاقتباس المفيد جدا
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
Quote: الفن قيمة انسانية ورسالة ومشروع قبل ان يكون بهرجة والفنان هو ضمير الشعب الذى ينتمى له والمعبر عنه حزنا وفرحا هكذا اعتقد والموضع ليس تهكم ولا سخرية بل بضع اسئلة عن بعض او مجمل التصرفات التى لا تليق بشخص جماهيرى , تحتم عليه تلك او هذه الجماهيرية ان يرتقى لمستوى الحدث والزوق العام والفهم بابجديات التعاطى والتعامل مع المسالة بصورة تحفظ له كيانه كفنان وايضا انسانيته كفرد فى المجتمع واذا جاءت بعض التعليقات والمداخلات بشىء من (الخستكة والهبسكة) فذلك ناتج من خلال ركوب الكرسى والشيل ذاتو ... لزومو شنو ؟؟؟؟؟ ولا كلامى ما صاح ؟؟؟؟ او ولا كـــــيف ؟؟؟؟؟
قاسم المهداوى هامش معزرة حاسى بانى عرجت شديد
|
والله اهنيك ياقاسم ده الكلام الفى ضميرنا زاتو ياخى انت ماعرجت انت جبته الخلاصة المفيدة محبتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: قاسم المهداوى)
|
داليا تحياتى
Quote: مدثر وضيوفه ازيكون ,,
معليش بس عندي وجهه نظر مخالفه شويه , في كتير جدا من بلدان العالم , الفنانين بيجوا داخلين المسرح بطريقه غريبه أو مشاتره ودا طبعا نوع من الدعايه ولفت النظر والتسويق وكدا , في مصـر , تامر حسني جا خاشي المسرح بي عربيه همـر ! بريتني سبيرز ومادونا جوا داخلين المسرح بي لبس غريب جدا ومتطرف الى حد كبير , ليدي غاغا جات داخله حفله الاوسكـار وهي لابسه فستان مصنوع من (اللحم) ! (اللحم الحي عدييل كدا) ! في فنانين بيجوا بي طيارات هليكوبتر وفي فنانين بيينزلوا بي براشووت .. الـخ
الحاجه الدايره اقولها , انو الفنان في احيان كتيره بيكون متطرف في التعبير , بمعنى , انو المجتمع البيرفض حاجه معينه في وقت معين , قد يقبلها (او يجدها اقل تطرفا وغرابه) في وقت آخر , عمرو دياب مثلا كان بيجي خاشي المسرح زمان وهو جاري ! الناس كانت بتضحك عليهو وبيحاكوهو في المسرحيات وكدا ,, بعد كم سنه , كميه من الفنانين بقوا يجوا خاشين المسرح بنفس الطريقه !
انا شخصيا - عن نفسي كدا- ما حبيت الدخله حقتو دي , لكن بفتكر انها نوع من الذكاء ! الزول دا نجح تماما في اثاره الحاسه الشماريه السودانيه , خلى مدثـر يفتح ليهو بوست طوويل عرييض :) وخلى خمسه او سته انفار في البوست دا يسألو منو أحمد الصادق ويسمعو أغانيه عشان يعرفوا الزول الدخل بي العرش ونافخ روحو دا منو :) ودا الهدف من الحاجه دي على ما أظن :)
تحياتي :) |
والله انا بحترم وجهة نظرك لكن بقول انو نحن شعب مختلف عن كل ماذهبتى اليهم من شعوب عرب واجانب الفن ...ومنذ القديم الفن له قواعد كل من جاء من الفنانين سار عليها خصوصا فى مايختص بالدخول الى الجمهور بصورة محترمة ... والله يمكن هو لفت انتباه الناس بالحركة العجيبه دى لكن السؤال البيفرض نفسو هل هذا ذكاء ؟ وهل التقليعه القام بيها خصما عليه ولا اضافة ليه ،انا بفتكر انهاخصمت منو الكتير وجعلتو يبدو فى صورة المتعالى المطنقع الذى يحاول ان يبحث لنفسه عن شهرة بعيد عن الغناء . مودتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: ياجماعه أنا بفتش لي ونش أرفع بيهو بلوك للطابق الثاني في الخرطوم...ينوبكم ثواب دلوني علي الفنان دا أأجر منو الونش دا....بعد داك إن شاء الله يطلع بيهو في راس الجمهور المعجب بيهو دا..ممكن تتوسط لي يا قرجاج
|
والله ياياسر انا داير زول يتوسط لى عشان اعمل لى كراسى جلوس قالوا احمد الصادق ماخلى كرسى فاخر حايم الا وحجزو لنفسو عشان قال تانى الدخله حاتكون بالكراسى عشان رجلينو ماحاتخطى الواطه تانى مودتى
| |
|
|
|
|
|
|
|