نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد البشرى الخضر)
|
يا دينا البطل الأول كان خالد سعيد لم يكن وردا أو زهرة هو الخميلة نفسها
Quote: ونقيب الصحفيين والكثيرين الحاولوا ركوب قطار الثورة بالنص |
ومن النص
Quote: بعد ان نزلوا من بتاعات الشنقيطى .. |
يا سلام على الشنقيطي ، يثير اللواعج .. (اللواعج) دي كيف بالله؟
Quote: البرادعي جاي زول مكابسات وعايز يغز عودوه و يحضر القسمة مضى زمن الموجه وركوب الموجه ، |
الموجه الفاضله يا أبا حتوت FM بس يا دينا : ألقى كل من بن علي وحسني 3 خطابات ورا بعض ثم اختفى إلى الأبد كل منهما قال ( أنا فهمتكم) ، يبدو انها كلمة السر - إن شاءالله يوم فهمك ما يجي. زفاف بن علي كان يوم جمعه وزفاف حسني كان يوم جمعه.. بهذه المناسبة أهديك أغنية أحمد المصطفى واليوم كان جمعه حبيبي أب لمعه..
Quote: ياخ البرادعي دكتور بتاع فيزيا |
يا قيقراوي : الزول البرادعي دا حقوقي وما عندو علاقه بالفيزياء نال درجة الدكتوراة في القانون من جامعة نيويورك
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد المرتضى حامد)
|
استاذنا محمد المرتضى
Quote: يا قيقراوي : الزول البرادعي دا حقوقي وما عندو علاقه بالفيزياء نال درجة الدكتوراة في القانون من جامعة نيويورك
|
طيب دكتور و لّ برضو كان فاكيها فينا ساي !؟
يا زول كلو عند العرب صابون المهم مش عندو قروش كتار ؟
عشان تآمنوا بس انو فعلن نحن ناس قريعيتي راحت اسي
--------
يا ود البشرى اللالتزام بتاع الفيزا قائم اها قصرنا مع الثورة ؟
بس انتو كرفسوهو لينا، و ركبوهو " السودانية " بس ... و ما ترجعوا طوالي ... السودانية ما مضمونة امكن تتاخر او يأجلوا السفرية ! ما تمشوا الا تتاكدوا انها قامت فعلاً ... سمح؟
اها نحن بجاي ما بنقصر ... بنجيهوا تب
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
Quote: لو ما خرج خالد عويس لنا مهدي من عباية الصادق رغيم من عباية المرغني طلال عفيفي من عباية نقد علاء الدين يوسف من عباية على عثمان محمد سليمان من عباية الترابي لن يكون هنالك تغيير |
الحبيب الوليد خالد عويس ولنا مهدي بالذات ليس من مبادئهم وآلياتهم في العمل أن يقبعوا تحت عباءة كائن من كان حتى لو كان إمام الأنصار ورئيس حزب الأمة، هذا المنبر وغيره شاااااااااااهدون على استقلاليتنا وأننا عندما نجد الصح نمتدحه وعندما نجد فعلاً للحزب وقيادته حاد عن الصواب ننتقده ونقف بوجهه بكل قوانا ودون وجل.. هذا ما لزم توضيحه وللحبيبة دينا عاطر مناي بكل خير ورفعة وتقدم.. ومحبتي وتقديري لكليكما لنا
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد البشرى الخضر)
|
خلااااااس عمر الفاروق جا راجع من ميدان التحرير بعد ان انجز المهمة على بركة الله ..
نحن ناسنا بتاعين الكمبيوتر يايمة يدخلو على العدو .. بس قاعدين يتريقو .. زولك دا انت اسمو ما عارفو مرة جلال رمزى ومرة رامز جلال والخبر الاكيييد بتجيبو بلاله ..
على كل الجيل الجايى دا كلللللو بتشابه .. من وائل ورامز وانت ماشى الباقى كلو ربنا يوفقوا .. من نجد حتى المنوفية
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد البشرى الخضر)
|
حمد عبد الغفار ومالو ؟ الاخوان المسلمين ديل احسن حاجة بتخسفف بى برنامجهم الارض هو ان يجرب على الواقع السلطة والحكم بتضعهم على المحك وبيذوب برنامجهم ذى سكر فى موية .. لو داير تنتهى منهم وما تقوم ليهم قايمة خليهم يحكموا .. ح يوفروا عليك مئات السنين الضوئية عشان تقنع الناس انو برنامجهم ما نافع ,,
وووووووووووووووو اميرة الشيخ صحت من السهر واحمد التيجانى ما بفتر من الملاحقة ؟ حقو تشغلوا فى الانتربول يلاحق ليكم رهط الرؤساء الملاحق دا
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
Quote: استرسلي يا راجا ياخ! أهو أخير من بُكا دندون دا!! |
هههههه يا ود الصايم.. أنا أمبارح زازيت كترة مزازاة.. ما خليت لي زول ة في مصر إلا إتصلت وهنًيتو.. ولا... كمان طلعت مع الجماعة التوانسة هنا للإحتفال.. ومرة مرة قلبي يتعصر من الحاصل لبلدنا. ناس بتبني في مستقبل. وبلدنا بتهد في المستقبل.. ولا كمان فرحانين ويضبحوا الضبايح. غايتو بعد ثورتنا بتاعت مناضلين الكيبورد الجاية. زي الطيب مصطفى ده هو الإتضبح.. الليلة ووووووب. ده تحريض :)
ود البشرى يا ياصاحب. إنت بس ركًز لينا في حكاية دبي دي. بالمناسبة إحتمال 90% أكون معاكم في ابريل.. أها ظبًط لينا كمبيوتر كااااارب وكل الشباب الحلوين الهناك وكم جالون بنزين عشان نطلق شرارة الثورة.. ههههههه
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد البشرى الخضر)
|
اميرة الشيخ ! الاولاد ديل مااااا بتلحقو خلى احمدالتيجانى دا يموت موتو ..
احمد التيجانى لوووووووووووب قلت لى نايف دا بدخل من ص التانية ؟؟ والله عرفتو اما رجروج دى حبابا ياخ بى ى ى هامشا وبى كرورا
رجا كيفك ابطال الثورة المصرية شباب ذى الفل .. الجاء من الاردن والجا من الجريف والجا من الجبل عم وائل غنيم إتوكل نزل في المشرع لقي زملان الشقي الجا من الجريف والجا من الجبل علَّ الناس بخير صبَّح هازرم نقنق ناقرم غاظوه ونعل عم وائل غنيم ما بخبر زعل كل الناس هناك ما بتخبر زعل تزعل من منو وتزعل في شنو كل الناس هنا كل الناس صحاب كل الناس اهل والماهُم قراب قربم العمل الطاق اليطق عشت ابو الزمل بالحال العليك بالفال بالأمل
ـــــــــــ كيتا فى ود البشرى
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
Quote: إنت بس ركًز لينا في حكاية دبي دي. بالمناسبة إحتمال 90% أكون معاكم في ابريل.. أها ظبًط لينا كمبيوتر كااااارب وكل الشباب الحلوين الهناك وكم جالون بنزين عشان نطلق شرارة الثورة.. ههههههه |
خلاص قولي بدينا الدعوة في ابريل اديها شهر للنشر وشهر تهيئة الشارع و شهر تحديد مواعيد و شعارات و شهر اعداد وسائل مقاومة البنبان من بيبسي وخلافه و شهر محركة وشهر تاني ساي كدا عيد الضحية يكون جا و اجازتي مواعيدها جات أوكي مواعيد مناسبة خلاص قو آهيد رجاء , ابريل موعدنا
__________
كيتا على دينا و قيقراوي ووائل هيم سيلف
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد البشرى الخضر)
|
يا قيقا الجماعة الفى اللستة ديل
حقو يجمعوهم فى جزيرة صغيرة كدا ويجسيبو عمر سليمان وقوش ووو جماعة مخابراتهم ديك يحكموهم .. بس .
المشكلة يا امير فتحى انو انتو عايزين الواحد يعمل خبرة بعدين يجى .. نحن دايرين واحد يعمل خبرتو اثناء الرئاسة يعنى حسنى لما حكم خبرتو كانت شنو ؟؟ كان مدير رئاسة قوقل ؟؟
انت بتتكلم عن مصر قبل 25 يناير يا خوى كان زمان ...
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
Quote: كويس انك بتعرف مضرب الاسكواتش ... بعدين ياباشمهندس الحسادة ليكم شنو ?طبعا انتو جيل الردا الكاكى والبنطلون البنى صح؟ فى الجامعة اظنكم لبستو عمة وجلابية كان ما اخاف الكضب ...يعنى موديل وائل دا فى المينتلتى بتاعتكم مافى زى ما فى زمنكم مافى انترت ومدير لقوقل فى الشرق الاوسط .. بنصحك نصيحه لوجه ماتخرب علينا الولد الفى البروفايل وجهزو لينا من مجاميعو علم...ثقافة ...هندام .. لانو خلقة الله بيرفكت مافى كلام ... ما تحاول تاثر على الولد بمفاهميك ا بتاعة السبعيينيات دى ولا اقول ولا اقول ليك التمنيات شان ماتزعل |
يا اميرة الشيخ طبعا وبالتاكيد رائك السالب دة فى الكلاس بتاع العبد لله كونتيه وفى مخيلتك انى صاحب كيكى ومعاك حق , كيف يعنى اكون صاحب كيكى وبعرف العب اسكواش , لكن بس لمعلوميتك كيكى دة كان بيجى الطابق بتاعنا فى الداخلية للترفيه ودة بنعتبره جزء من رسالتنا نحو المجتمع والوعى بالمسئولية الاجتماعية (Social responsibility) موجود عندنا من التمانينات على قولتك وما اكتسبناه مع حلاوة سودانيزاونلاين يعنى بالمختصر كدة اخوك كان ممكن يركب اكثر من مكنة , بعدين ما اسكواش براه (اسكواش وبولو وسنوكر كمان)
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
Quote: قيقا تجى وين انت ؟؟ هى الثورة ناقصة ؟ لما نحتاج لى ناس يفشلوا الثورة بنقول ليك عوووك .. كما كنت عليك الرسول |
و الله انا ذااااتي قلت كدا
انت قايلة قعدتنا دي ساكت!؟ ياخ انتو ما عارفين البلاوي الماسكنها ليكم و غايتو كان اصريتو بنجي ... لكن اوعكم بعدين تقولوا في بلطجية و اعمال سلب و نهب حاكم جماعتنا ديل عقولهم في بطونهم ... و كان جاعوا ما بفكرو اصلو، و يقوموا يخربوها كلو كلو و ما عندكم طريقة المرة دي تقشوها في " الوطني " المسكين دا
---------
اها يا ود البشرى ؟ تجي و لّ نجي ؟ ما في مطار ابو ظبي ... لا ياخ !؟ المرة دي دبي ... دبي !!
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: محمد عبد الماجد الصايم)
|
عارفة يا دينا قصة امريكا واسرائيل أكتر ناس منزعجين ده كلام سااااي ..طبعاً أسة من الصعب انا ولا إنتي نقتنع دي حاجات كفيل بيها الزمن الجاي ..بس صدقيني اسرائيل أكبر المستفيدين من القصة دي ..عارفة شحدة ساااي اسرائيل بتكون من يوم تنحي مبارك لحدي الليلة بتكون شحدت ليها زي مية مليار وزي تلاتة مليون طائرة حربية تحت غطاء ما يسمى اسرائيل حالياً في وضع غير امن وفي غطاء ما يسمى بي التخوف من نسف اتفاقية السلام ...وانتي عارفة طبعا الاوربيين ديل طيبييين خلااااس.. قصة الفيس بوك والقوقل دي صدقيني امريكا لو كانت خايفة كان من اووول يوم نسفت لي الولد ده الصفحة حقتو وقالت ده الهكر ..ما تقولي لي امريكا ليست غبية وعشان هي بتدافع عن الديمقراطية قررت تخلي الولد ده يعمل حاجاتو ..نووو يا زولة ويبدو لي انتي اذكى من كده ..
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: عمر الفاروق)
|
عاد يا عمر الفاروق تحليل زول رااااقد فى بيتهم ماسك الريموت يقلب فى القنوات من كورة لى كورة ... بين الاشواط يحول على المحور ويتمو موية .. اسرائيل شنو كمان البتشحد .. اجى ياااا برى ..! وامريكة شنو البتنسف !! نظرية المؤامرة دى العالم فى طريقو لى نسفها تماما والمشى عليها بالرجلين .. انت قايل فى زول بقدر يقول للااشياء كن فتكون !! كما رب العالمين؟ افرض ناس وائل والشيخ قوقل عملاء ومحرشين الجماهير والشعب الخرجوا بالملايييين ديل عملاء برضو ؟ ولا ناس عندهم قضية ؟ واحلام وتطلعات ومطالب عادلة ؟ الحكومات ممكن تنفذ ما تريد القوى الكبرى .. الانظمة ممكن تشترى وتباع .. الافراد ممكن ان يقعوا فى براثن قوى الشر .. لكن الشعوب ؟؟؟؟ من الصعب القول بذلك بل هو المستحيل ذاتو
ـــــــــــــــــــ عمر ... اعد .
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: دينا خالد)
|
الشعوب دي عااادي ممكن تكون توولز ..بالمناسبة اسرائيل دي من شدة ما بتشحد لمن قصة محرقة اليهود دي عاملنها قصة وتلفيق وتلتيق عشان يلقطوا بيها من الألمان قريشات وكمان يستنذفوها .. حسني بارك مدة الصالحية بتاعتو انتهت عمل العليهو وزيادة زيو زي صدام وأي زول بيختارو ليهو طريقة الموت البطئ حقتو حسب البينفع معاهو وزي ما بيقولوا ابو القدح بيعرف محل يعضي اخوهو ولا هو ده ما ابو القدح !!!؟ حسني يبدو إنو اللي ساعد في طلوعو نفس التريقة الكان بيقولها عن السودانيين حسب ما يتداول عن الشعب المصري لما قالوا ليهو السودانيين بقوا ينكتوا فقال ليهم جاعوا أولاد ال######.. يبدو إنو الليلة لو سألوهو المصريين اتقلبوا عليك لييه؟؟ ح يقول ليهم جاااعوا أولاد ال######.. وامريكا جاتهم من باب الجوع ده.. تخريمة : ياخ طيب ما كان تكتبي لي قابلني بدل أعد دي :)
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: عمر الفاروق)
|
دينا وعمر الفاروق
لا يحدث شئ في هذا الكون إلا ومن وراءه إسرائيل وأمريكا، الدكتاتورية وراءها أمريكا، والتغيير وراءه أمريكا، الشعب الإيراني ثار ضد الشاه لتستفيد اسرائيل، وحزب الله من إنشاء اسرائيل وأمريكا، ومنظمة التحرير وحماس هم يخدمون العدو الصهيوني. أما القاعدة فدي بتاعت امريكا عديل وبن لادن بياخد مرتبو من السي آي ايه، وإنقلاب ناس البشير دا عملوهو الأمريكان والإسرائليين عشان يفصلوا الجنوب ويوفروا موية لإسرائيل، وإسرائيل كانت وراء انتفاضة ابريل في السودان للتخلص من نميري عشان انتهي دورو بعد الفلاشا.
وخاص بعمر الفاروق
إسرائيل وراء عدم فوز الهلال بأي بطولة خارجية، والسبب أن الهلالاب هم الأغلبية في السودان، وإذا فازوا ببطولة خارجية حيسيبوا (الغلاط مع المريخاب) وحيتفرغوا للسياسة وبالتالي حيتذكروا موضوع تحرير فلسطين (ويغلغلو) اسرائيل.
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: الصادق اسماعيل)
|
ديناخالد وعمر الفاروق والصادق إسماعيل
مساكم خير
لدي صديق يؤمن إيمانا لاشك فيه بنظرية المؤامره دي ، يعني أي حاجه يقول ليك الأمريكان والصهاينه
أها الأيام دي هو مركز مع ويكيليكس ...قال لي أصلو كلام زي دا مافي ...ودي معلومات الأمريكان دايرين يطلعوها في التوقيت ده ...وعمك بتاع وكيليكس ده عميل أمريكي وبقوم بدور محدد
بعداك عرجنا على قناة الجزيره وقال لي إنها قناة يهوديه ، قلت ليهو ياخ دي قناة إسلامية وبتدعم الإسلاميين ودي مشكلة ناس كتار معاها
قال لي دي ما الجدعه ذاتها إنو اليهود يخلوك تفتكر إنها إسلاميه عشان تثق فيها
المهم
حاجات كتيره زي دي ، بعضها كان مقنع وبعضها هواجس زول موضوع المؤامره ده معشعش في راسو
لكن أطرف تعليق
ونحن خلااص الغلاط تعبنا والليل ماشي للصباح
قلت ليهو ( إنت بالمناسبه مسيطره عليك نظرية المؤامره )
قال لي
طبعا ياعمر نظرية المؤامره البتتهمني بيها دي هي ذااااتها مؤامره
| |
|
|
|
|
|
|
Re: ومن رحم الثورة خرج ( شاب) ذى الورد لقيادة مصر ! هو ذا هو ذا .. (Re: عمر عشاري)
|
لوووووووووووب يا عمر عشارى صاحبك طلع اخطر من عمر الفاروق .. دا النوع البتامر على روحو قولى ياخ هون على نفسك ما الدنيا كلها الا مؤامرة كبيرة
عمر الفاروق قلت لى الشعب ذاااتو ممكن يجندوا فى مؤامرة ؟ اذن خلاص حلااااال عليهم بنى صهيون والامريكان .. هى فى الاصل المؤامرة ضد منو ؟؟ مش صد الشعب اذا كان الشعب هو التولز بتاعتا خلينا منننن هسه نبحث ليها عن اسم جديد ..
| |
|
|
|
|
|
|
|