يا موت لو تركتو مننا قد سرقتو ... إلي خالد الحاج سلمات يازول يا صنديد ..!

(عدل بواسطة خضر حسين خليل on 02-08-2011, 11:53 AM)

Quote: حرائق الذات في شتاءات الغربة أو عمو الطيب * كما غنته الأشجار ( 1 ) الموت ياتو .... الموت فال الأيام الختفت ريحة الطمى العاطن صوتك الموت مقلوب موتك الموت ياتو ..... الموت يتشرف بيك لو ساكت فكر فيك الموت ياتو ... الموت الميت حيلو المخصى فحواة الصوت والضو الهاو ضهبان في ودرة ليلو العطشان نيلو .. الباحي صهيلو الحاضر انت وغايب هو الموت ياتو .... ؟ ( 2 ) اشوفك بكرة يا عم الطيب قوم أتمد .. ونوم .. تصبح على خير وطنك يرّانا .... تيربنا قناديل كفنك كفانا .... فرقنا مناديل وأشوفك بكرة ( 3 ) شايفك في غيمة شفيفة ترش بيوضة بمطر الليل في غنوة بتطلع بين رقراق الذكرى رهيفه تونس كل أطفال الحلة المورودين عن معنى شليل وكل ما فج عيونهم قبلي صرّوا الامل الوطن العمل الأسم الحركي لزمنا زين في جوف النيل او يرشح نهرك عرق اصدافو كنا نطمن مركب نوح من حلمو الشافو وكان سورنا الدنيا هديل شايفك واضح زي النخلة هداية تقيف زي ألفاً أحمر ومهما بتقسو عليها رياح الآهه سبيطها تلمو وتشر الضل لي زولا طاش أشوفك باكر في حالة صفو ألهي اخدر وباش بتشاغل كل زميلة وجيهة رأي تريانة وعاجنة العولمة بالقنديل تقوم من نومها تضاير يومها تسن حلقومها شان ما تجيك وتغني هموما تخدر فيك الصفق الناشف ونهش الطير لا ينقد عيشك يلا يا سانده الله يلون غيمات ريشك .. الكهربا رجعت شغلي غنية .. تنهر حزن الدنيا .. ورشي الحوش لتحب ياتو .. كدي وريني مصطفى سيد أحمد ولا أبو عركي فيروز الدم .... مارسيل الشوق ولاجراح الطين في وردي الوارد من نيل كوش ايوة ده كلو وبرضو بحب غنوات الكاشف ... وتسكت فجأة ( وحاجة كاشف ) وتكشف مبسوط عن وعي جميل بي بكره الأجمل وباكر اجمل باكر فارش في اسواق المعنى ضميرك ودفء حضورك يا هداي فلوكة الروح في الريح والعتمة عارف للحيكون لمن يصدق حدس الزمن الفيك وتسأل ملهوف عن ضيفاً جاي مين بيدق الباب يا هاشم افتح سرعة ده يمكن هاشم اسرع لاتكون تسمات الصيف جرحنو ويجيك ترهاقا ... تيجاتي أشراقة فاطنة السمحة قاسم أمين الوعي الجمعي أدريس جماع الحجز كرسى في رئتك وراجي ... المطرة ... الهمس ... الأمس الضايع منو سنوات العمر تجيك معتذرة فرج فودة .... على القيوم ...... بابلو نيرودا غارسيا ماركيز ..... عنبر جوده وتجيك الطبقة العاملة عمايل وما شاقيها غير ما توازن شرط العدل المايل ومين من بعدك يا هباب الجمر الحي يسند اوجاع الروح بي شعبو الراسية أن مالت وميت حيسرح فينا ضفيرة الغنوة الجاية أو حيفل زي النيل من حظو العاثر النيل الساكن جنبك وجنب الصبر الساكن نيلك وفارد موجو عليك جنحين النيل معزوم عندك يوماتي على خاطر طيب شاي نديان نشرة خبر الشوق العاتي واكل بجيك ودران بس اوعى تنوم بدري يا سابق الكون بركعة حب ده النيل مشتاق لقعدة معاك لى ونسة تكلكل جلد المغرب ورملة حوشك تتونس ولا هاميك البحصل والراديو حوارك بجنبك بتطوف في الونسة حواري الدنيا محطة .. محطة تحكي وتحكي بشجن مفضوح زي ضو بتراقص في النجمات تحكي وتحكي عن بذرة وعياً ... نبتت بدري ... في الشيخ البدري وعن الغنوة المنضبطة عن مؤتمر الشهد التالت عن حلف المانجو ونادى الطل ... منتدى تلوين للفلاحين جبهة هيئات الحب والثورة وعن خرطوم بالليل مرتبطة عاطف أنيس فيلادلفيا .. 14 فبراير 2002

(عدل بواسطة خضر عطا المنان on 02-08-2011, 07:04 PM)

Quote: بلـد لا تعرف الفيهو لا يعرفك بلد تديهو من جواك يصر يهديك هجير الصيف وكان بردن سموم الحر يلاقيك الهوان والجوع فيا تمرق يا تمرق فيــا خالد دي الأوطان عفواً يا صديق الروح حقاً إنها أوكار

Quote: ياخ خلي بالك من روحك بهناك وبلغ من تحبهم في الضفة الأخري أن لاجديد في مسرح لامعقولنا الوطني وأن لا أمل يرتجي وأن الثورة صارت نفسها أسطورة من اساطير الأولين بلغهم إختلاط حابلنا الوطني بنابل الهموم والفوضي والترقب (في انتظار المستحيل) بلغهم عن زهدنا في الحياة وإن الحياة فقدت طعم الحياة بل صارت كلها انكساراً ويأساً . اللهم هذا خالد بين يديك فتقبله قبولاً حسناً وألهمنا وزويه وأصدقائه وصديقاته العزاء والسلوان والصبر الجميل ـ اللهم إن خالداً أتاك حاملاً أأشواق عمره فأمنحه الثبات والغفران والرحمة ـ

Quote: اللهم هذا خالد بين يديك فتقبله قبولاً حسناً وألهمنا وزويه وأصدقائه وصديقاته العزاء والسلوان والصبر الجميل ـ اللهم إن خالداً أتاك حاملاً أأشواق عمره فأمنحه الثبات والغفران والرحمة ـ