جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب

Quote: وكمان يلفخ بكراعو الوراء يمين وشمال نامن يخلي الناس تقع وراهو ستيتة

هيييع!!

Quote: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب

Quote: وسم الطباعة وهو يشبه حرف اليو فى الانجليزية U, هو وسم ابل الزيادية اولاد جابر وهو وسم ابلنا

Quote: على الرغم من امتناعى عن الكتابة فى البورد منذ فترة, الا ان عنون هذا البوست لفت انتباهى, ودواعى مداخلتى هو "وسم الطباعة" الذى ورد فى عنوان البوست اعلاه وما اعرفه ويعرفه الجميع ان لكل قبيلة وسم يميز ابلها عن ابل القبائل الاخرى ولا يمكن ان يتشابه وسم مع آخر بطبيعة الحال,والا فقد قيمته كختم يميز جمل هذا عن ذاك وسم الطباعة وهو يشبه حرف اليو فى الانجليزية U, هو وسم ابل الزيادية اولاد جابر وهو وسم ابلناويوجد فى كثير من الدول العربيةمنها مصر والاردن وفللسطين وتونس ودول عربية اخرى, حسب ما شاهده وسأل عنه بعض من اقربائى الذين فاجأهم الامر. الى هنا والامر عادى فهناك كان اصل الناس والابل قبل ان يدخلوا السودان قبل دة قرون. ولكن الغريب فى الامر والذى لم اسمعه من قبل وجود وسم الطباعة فى السودان لغير الزيادية اولاد جابر وهو ليس الوشم الوحيد عندنا فهناك اوسام لابناء عمومتنا اولاد جربوع والاود مفضل, وثلاثتهم اخوان اى, (جابر, وجربوع, ومفضل)

Quote: انت مشيت وين يابوي خليت البير لناس سلفاكير يكتبوها في حق ابوهم

Quote: البير يا خال عرفت الفيها وغطاها - لقيت عودنا فيها عود انتاية وحياتك ( الله يكفيني شر الجندريات ما يجن ناطات يهجمنى في الكليمة دي - بس هنّ لا يفضلن الاطلاع على بوستات الجمال يا خال !! عشان كدا ختيت في بطني بطيخيييييييي صيفييي)

Quote: ده الكلام الما بحلك منه جمل الامن ولا الطباعة ولا ولا لكن ورطتك الكبيرة فى إصدار الأحكام على بنات آدم "لا يفضلن الاطلاع على بوستات الجمال يا خال" ما تتورط فى هكذا أحكام مثلك ومثل أولاد حواء الذين يتندرون بنقص النساء عشان وعشان. فدحين يا خوي إما أن تسحب الأنتي فيمنست مقولة أعلاه وإلا طالبنا وسيسندنا ود المحرب إن شاء الله بأن ترفع يديك وتقبل على الحيطة حتى يستقيل حسني مبارك. واعلم حفظك الله أن الجمل لا محالة سوداني الجنسية ولا يهمنا حالة كونه رفاعي واللا بطحاني واللا من حديقة الحيوان. هذا وقد أبلغنا كل جمعيات الرفق بالحيوان لتطالب بمنع تعذيب النوق بالحديد المحمى وقد أجلنا شكوانا لجمعيات الفيمنسم حتى نري نتائج هذا البوست. وفي الختام لا يسعنا إلا أن نشكركم على كريم تفضلكم بإخراجنا من متابعة الجزيرة وأخريات ( هل لاحظت أن صفه الأنوثة تغلب على هذه القنوات) والزغللة ومتابعة الألوف المؤلفة تموج في الميدان ولو لبضع دقائق.

(عدل بواسطة الطيب شيقوق on 02-05-2011, 07:17 PM)

Quote: قد أجلنا شكوانا لجمعيات الفيمنسم حتى نري نتائج هذا البوست.

Quote: لك أن تستفيد من التاجيل أعلاه

Quote: حر عنافي نسل اماتو قاطع الشك وجدو الاربد السابق خيول المك علي الرمي الحجيل بعد النزيل مافك بيعيد يا اربد الشرق الموارك السك

Quote: علاقتى بالطباعة قديمة قالوا لك الما مات ماشق القبور؟ بعدين أنا في بلدالكاوبويات الذين يشوون جلود البقر بالطباعات لنفس الاسباب التي تشوي بها جلود الجمال. والله يوم شفتهم في برنامج عن الوسم واهميته لمن شميت ريحة الجلود في شقتي

Quote: الجمل المَزَين سُكْسُك ووسموهو طُباعا جاب عوايِد أماتو في الفزعا والطُباعا شق البوش الكتير فنقل مصرِيين وأرباعا مِتِل زيفه الصعيد المعاها كارا أتباعا

Quote: هذه الصوره احتلت الصفحه الأولى في معظم الصحف هنا ثاني يوم ...

Quote: Brands are one of the most interesting tools used by livestock people. Each brand is by necessity different than all the others and often conveys the character of the owner.

Quote: تحياتي لك ولجميع اهلي الزيادية في غربنا الحبيب سبحان الله والله يا محمد اخوي قصدت ادراج مفردة الطباعة في عنوان البوست وانا على يقين ان الكثيرين ان لم يكن جميعهم لا يدركون معناها فلله درك يا اخي وانت تستوقفك هذه الكلمة . نحن من قبيلة رفاعة ولدينا الكثير من الاوسام فيها الطباعة والمحارة والشخلوب والقطفة - ولعلمك اخي محمد عندما كنت اعمل محاميا في السودان كنت اميل كثيرا لاستعمال تلك المفردات لا سيما في قضايا السرقة . الشاهد اخي محمد ان القضاة في السودان لم يكونوا من نفس المنطقة التي يعملون بها وانما يتم نقلهم من الشمالية ودارفور والشرق والجنوب اليها . ولا انسي عندما كنت محاميا في قضية سرقة ومثل شاهد امام محكمة كان قاضيها نقل حديثا من الشمالية فكانت جميع الاسئلة التي اطرحها للشاهد عن هذه الاوسام فغضب القاضي ورمى القلم على الطاولة وقال لي ( يا استاذ انت بتسأل بأي لغة؟) قلت ليهو بسأل بلغة الطباعة و الشخلوب والمحارة انت سارح وين يا مولانا ؟ الطباعة اخي الزيادي موجودة عندنا وبنفس الشكل الذى يستعمل عندكم . عندنا نحن الرفاعيون والقواسمة يا محمد اخوي

Quote: عارفك جربت ركوب الجمال حديثا

Quote: تعال صاد يا اخي الزيادي ولا تترك البورد فهو بحاجة لمن يثرونه بالمفيد مما يختزونون من ثروات.

Quote: أها أعمل ليك order لي طباعة طباعتين واترقوا شوية

Quote: يا ود شيقوق يا رائع.. التحية لك ولمتداخليك الظريفين. أها أخونا خالد شيخ العرب دي ما بنرضى فيه. عشان كدي قلنا نشاركم بي الكلام دي! بَعَدْ ما قُتّ أَرْقُدْ ، وُنَفْسِي تَحْلَى تروْقْ جِيْتَ البورد لِقَيْتَ حبيبنا ود شيقوق قال خالد بِسَدّرْ للفراعنة النّوْقْ وُدَلّ عليهو بالطَبّاعة والسَفَروْقْ **** ود شيقوق كلاَمْك فيهو إنّ وْكَانْ شِنْ لَمّ العَرَبْ والُجْوَطة والبُمْبَاْن قالْ خالدْ تَآمَرْ هُوْ واللمْرِيْكَانْ والَجمَلْ الَمسرّجْ "مَيْدِي إنْ سُوْدانْ"* ***** الله يْكَفّي شَرّ الشّيْنِي والسَكَلابْ ود شيقوق مَرَقْ ضَنّيْتُو عندو حْسَابْ قال شيخ العرب سَدّرْ لنا الإرهاب وغايتو الَمْوَلى إسْتُرْ مِنْ حُكُمْ أوْكَامْبْ

(عدل بواسطة الطيب شيقوق on 02-06-2011, 07:15 AM)

Quote: كل يوم اعجابي بالشعب المصري يزيد الناس مبدعين حتي في قمعهم للمظاهرات انها مصر ام الدنيا اسبل الله عليهم نعمة الإستقرار،،،،وجعل انتقال السلطة سلمي حافظا لوحدة مصر العزيزة

Quote: هوي يا شيقا إنت يا عصبجي كمان بقيت مسنحنجي حتى الجمل داك الموسّم بقى بلطجي حالف يمين للثورة قال راح يجهض لكن شباب ما ورّكوه شان ينتج بولاً كتير للسرطنة يستخرج تب عدّموه النقطة شان تاني ما يجي متهجج الساعين كمان عدموهم كل بهرج ثوار يمين راكبين عناد أكترمن اللي حكم تلاتين يجي مسكين قضّاها عمره في سلاحه متدجج

Quote: حر عنافي نسل اماتو قاطع الشك

Quote: انت ما بتسمعي الواحد بتندر بقول اخوك يا فاطمة او اخوك يا اسماء وبشنق الطاقية في الهامة وبدق كراعو تااح وسط الفسحة وينجلد سوط عشان يوري بنات عمو انو الفارس البيحمي عروضهن . وماك سمعتي بقولوا هييييييييييييع انا عشاء البايتات ومقنع الكاشفات ؟ الكلام دا فلفليهو بتلقيهو كلو مصطف لجانب حقوق المرأة يا اسماء اختي .

Quote: جيت بي جملك الموسم هكرت لينا البورد ياخي

Quote: لا تغرنكم وجاهة هذا البعير الخائن المنطلق ضد ارادة الشعب المصري وعلي ظهره (جنجويد) مصري لابس جينز .. وللذين لا يعلمون فإن الجمل يفهم ويعرف ويرفض ما لا يريد .. ولو انه كان حرا ونسل اماتو قاطع الشك لرمي براكبه وبرك وسط الجماعة داخل الميدان ..

Quote: كان فلفلته بطلع مافي صالحك. كدي هاك فلفلة خفيفة كدي هسع الكلام ده قال شنو عن النسوان؟ ولا حاجة. ده واحد استخدم "ضعف" النسوان عشان يشكر روحه دي طريقة لابداء الرجولة ولا علاقة لهابحقوق المرأة. حقيقة الأمر ما هي إلا تكريس (شفت تكريس دي قوية كيف) تكريس لعدم أهمية النساء وحصرهن فى دور تقليدي لا يزيد عن كونهن مساعدات لاظهار رجالة الأخ وود العم.

Quote: ياخي بوست ثمح زي ده وانا بعيد.. الله ينعل الهكر.................... زجكل المحلاب ذاتو..

Quote: اها شن قولك في الجمل الامريكاني ده ...(كلكلي واللا مو كلكي)

Quote: الف سلامة والمنبر عادت اليه نضارته يعلم الله افتقدناك والله قدر ما حاولت افتش الصورة الجبتها دي ما لقيتها يا اخي الف شكر على تلك الصور المعبرة خاااااااالص

Quote: جمل البلطجي المقتحم للمظاهرات المصرية فيهو وسم الطبّاعة بتاعة ناس ود المحرب

Quote: قالوا ناس الجمال ديل هم بتاعين الهرم ونسبة لتوقف وصول السياح اليهم عرفوا السبب من الثوار بميدان التحرير.. عشان كدا جوا يحاربوا من قطع رزقهم.. وحبل الكذب قصير... الشباب عرضوا كارنيهات الأبالة المقبوض عليهم كأسرى.. وطلعوا عساكر..

Quote: طولي بالك يا اسماء اختي نحن اخوان فاطنة عندنا المرة كانت بقت ........ ما ............ الرأس خالي عمر اجري تعال الليلة جبتها ليك بي ضقلها

Quote: أها يا الطيب ودعناك الله أظني مارقة من هنا لمدة قد تطول أبفى عشرة علي الجمل والجمال

Quote: ضقلها براهو ؟ انت جبت الفاس وشق الراس وعايز ليك شبكه والجماعة ديل شبكتهن ما بتنحل ... ابقي مارق علي الطباعة يمكن تخارجنا من تهمة انتماء هذا البعير لاصول سودانية

Quote: بدخل في بوستك عشان حسك الفكاهي العالي واريحيتك التى تستضيف الفمنستية زي أنا مارقني سمي القدر غداي أمتحانات وأوراق وتصحيح الله وامان الله عربيتي مدفونه في 12 بوصة الليلة

Quote: ود الزيادي جايييييييييييك