|
|
 Re: ظل حبيساً للكفيل طيلة «12» عاماً..أوضاع صحية سيئة للمغترب السوداني «اسماعيل» بمكة!! (Re: بكري الصايغ)
|
***- وصلتني رسالة من اخ عزيز يقيم بالسعودية ويعلق علي موضوع "البوست" فيقول:
***- صايغ مسكاقمي. ياأخي انت كنت عايش زمن في السعودية وبتعرف خفاياها واسرارها وبتعرف من هو الكفيل...انت نسيت ولاشنو?. كان نسيت بسبب طول غربتك في الخارج اقول لك ان الكفيل هو ظل الله في الارض، لااحدآ يقوي علي تكسير كلامه او قوانينه، هو الكل في الكل في معاملاته مع الاجانب، (عندك كفيل تبقي عندك اقامة باللملكة، ماعندك كفيل يعني زول قاعد بلا اسود!!). الكفيل تقريبآ وظيفة (أمنية) في المقام الاول...بمعني ان اي زول اجنبي قاعد في المملكة عنده الزول السعودي البراقبه وماسكو من حلقومه لايستطيع هذا الاجنبي ان يتحرك او يسافر او يتبول او يتبرز بدون اذن الكفيل وبالتالي هو مضمون من جهة ما سعودية (مكان العمل) وتستطيع الجهات الامنية بالبلاد الوصول اليه (الاجنبي ) بدون مشقة ولاتعب، وهذاالكفيل له الحق (قانونيآ) الاحتفاظ بجوازات عماله وموظفيه،ولاتستطيع اي جهة ان تمنعه من الاحتفاظ بجوازاتهم حتي لايتحركوا ويغادروا ويسافروا الا باذنه!!
***- الامراء في قصورهم لايعترضون علي احتفاظ اصحاب الشركات والاعمال بجوازات العامليين، لانهم هم بانفسهم ( الامراء ) عندهم عشرات الألآف من الاجانب العاملون عندهم ويودون من خلال الاحتفاظ بجوازاتهم وان يكون هناك انضباط للاجانب بالمملكة ومن ناحية امنية اولآ، وحتي لايقوموا هؤلاء الاجانب بتغيير وظائفهم كما يشاؤون.
***- بخصوص مشكلة الاخ السوداني بتاع مكة، انا ماعارف هو عمل شنو وليه الكفيل حجز جوازه، لكن هنا في المملكة حاجة اكتر من عادية انو الاجنبي مايشوف جوازه الا عند العطلات الصيفية او لتجديده، والحكاية بقت ماتشغلنا كتير!!،
***- بسبب ممارسات بعض الكفلاء مع عمالهم وموظفيهم اصيب اغلبنا بمرض السكري وضغط الدم!!، لانهم احيانآ بكونوا لاانسانيين وبطلبوا مننا نعمل اعمال فوق طاقتنا وقدراتنا!!
***- انا مقدر مشاعرك الرقيقة ياصايغ وانك عاوز تساعد اخوك السوداني المسحوق بمكة، لكن صدقني ياصايغ، لاانت ولاسفارة السودان بالرياض ولاوزارة الداخلية والخارجية بالخرطوم حتعمل حاجة، لان الامر اولآ واخيرآ بيد الكفيل ومزاجه، عاوز يدي السوداني جوازه كتر الله الف خيره، ماعاوز يدي ولاعاهل المملكة يقدر يغصبه!!،
***- طبعآ انا ماداير اكسر مقاديفك ....لكن بس حبيت اقول لك انو 12 سنة الكفيل (مزرقن) مع السوداني وطوال هذه المدة من عام 1998 وليوم الليلة ومااداه جوازه، ورفض احترام كلام امير منطقة مكة، ولاكلام المحكمة الطلعت السوداني برئ...تجئ انت يابكري من المانيا عاوز تديه جوازه!!،
**- اتمني لك التوفيق والنجاح والله معاك!
---------------------------------------
الأخ الـحـبيـب الـحـبـوب،
قريبي....
تحياتي ومودتي،
وسررت بزيارتك ومشاركتك.
***- قلنا نعمل بالقول الكريـم " اسـعي ياعبد وانا اسـعي معك ". وساواصـل عسي بل لعل نجـيب نتيجة.
***- لك مودتي وللعائلة الكريمة.
|
|
  
|
|
|
|
|
| |
فيس بوك
تويتر
انستقرام
يوتيوب
بنتيريست