|
|
 مظاهرات في الكلاكلة اللفة
|
نشر بتاريخ January 31, 2011
(حريات عاجل)
تجمع عشرات الشباب في سوق الكلاكلة اللفة مساء اليوم 31 يناير، واستطاعوا اقامة مخاطبة في قلب السوق، نددت بغلاء المعيشة، وطالبت الجماهير بالإنتفاض، وقد لاقت قبولاً كبيراً من المواطنين وتحولت الى مظاهرة طافت أرجاء السوق. وأنزلت الأجهزة الأمنية اعدادا كببرة من عناصرها، واعتدت بصورة عشوائية على المتظاهرين والمواطنين المتواجدين بالسوق وإعتقلت عدداً منهم. ورغم ذلك لا تزال المظاهرة مستمرة في مجموعات متفرقة في الشوارع القريبة من سوق اللفة.
|
|
  
|
|
|
|
|
|
|
|
Re: مظاهرات في الكلاكلة اللفة (Re: فيصل محمد خليل)
|
| Quote: مظاهرات في الكلاكلة اللفة |
ياهم ديل اصحاب الوجعة
الكلاكلكة مرقت؟
ديل تعدادهم قدر الصين ما شاء الله
الحكومة راجية شنو؟
يلا يا امبدة
يلا يالحاج يوسف
طعموها بالصحافة والثورات
بالحلة الجديدة والمزاد
بى حلة كوكو والحارات
سقطت سقطت ياكيزان يوم انفصلت ياكيزان
| |
|
|
|
|
|
|
|
|
|
Re: مظاهرات في الكلاكلة اللفة (Re: Salwa Seyam)
|
الف تحية للشرفاء المتظاهرين بسوق اللفة.
الثورة ستستمر بالكلاكلة الوحدة , صنقعت , القطعية , القلعة , القبة , ابو أدم , المنورة , الدخينات , العودة , الإسكان , التريعة .
| |
|
|
|
|
|
|
|
|
|
Re: مظاهرات في الكلاكلة اللفة (Re: احمد محمد بشير)
|
Quote: نشر بتاريخ January 31, 2011
(حريات عاجل)
تجمع عشرات الشباب في سوق الكلاكلة اللفة مساء اليوم 31 يناير، واستطاعوا اقامة مخاطبة في قلب السوق، نددت بغلاء المعيشة، وطالبت الجماهير بالإنتفاض، وقد لاقت قبولاً كبيراً من المواطنين وتحولت الى مظاهرة طافت أرجاء السوق. وأنزلت الأجهزة الأمنية اعدادا كببرة من عناصرها، واعتدت بصورة عشوائية على المتظاهرين والمواطنين المتواجدين بالسوق وإعتقلت عدداً منهم. ورغم ذلك لا تزال المظاهرة مستمرة في مجموعات متفرقة في الشوارع القريبة من سوق اللفة. |
شكراً سلوى ..
الويل لهم من غضب الشعب
سيدق حصونهم إلى مزبلة التاريخ ..
دمت والشرفاء بالف خير ..
| |
|
|
|
|
|
|
|
|
|
Re: مظاهرات في الكلاكلة اللفة (Re: نورالدين صلاح الدين)
|
و سقط شهيد الثورة محمد عبد الرحمن من جامعة الاهلية
هؤلاء القتلة لن يتورعون عن قتل كل الشعب السودانى
للبقاء وحدهم في السلطة.
و المجازر التي حدثت في كجبار و بورتسودان و دارفور
تؤكد هذا الحديث.
الرحمة و المغفرة للشهيد محمد عبد الرحمن
و حتما لن يذهب دم الشهيد هدراً،و الحساب على كل روح ازهقت في ظل
هذا النظام الفاشستى قادم في مقبل الايام.
و لن تتوقف الثورة ضد لصوص السلطة.
عاش كفاح الشعب السودانى
| |
|
|
|
|
|
|
|
|
 Re: مظاهرات في الكلاكلة اللفة (Re: Ashraf el-Halabi)
|
| Quote: تجمع عشرات الشباب في سوق الكلاكلة اللفة مساء اليوم 31 يناير، |
اوب علي !!؟؟؟!!
الكلاكلة اللفة اللتنا دي ؟
غايتو نحن بقينا قاعدين في البلد دي ساااكت !
ياإما قاعدين ساكت !
الناس تتظاهر وتموت وكمان جنب خشم بيوتنا ونحن ولا هنا
وغايتو اني بقى كدي انا الله مرقني بقدرتو ، لأني نزلت من الترحيل حوالي الساعة خمسة رحت أول صيدلية الوسيلة ون ثم تو
وعرجت على سوق اللفة إشتريت شوية حاجات لتوتة من سوق الهدوم وغشيت شوق الخضار وبعدين قضيتها ضهب في مجمع الرشيد ولمن طلعت المغرب كان على وشك ...
ثم ركبت مشيت لبتي عند ناس أمي
المسا أبو الشباب ضرب لي وماجاب لي سيرة المظاهرات دي مع انو شخصية معتبرة في الكلاكلة وكدا(وش اتخيلوهو)
الغريبة قال لي حايمشي مايو عندو شغل !!
تاني مارجع لي !
يكون الراجل ضربوهو عشوائيا ولا اعتقلوهو ؟!!!
سجمي ! كدي التقوم على التلفون دا نشوف الحاصل؟
قبل ما اقوم ابدي ملاحظة انو سوق الكلاكلة فجر الليلة مافيهو غير قشر البتيخ (خلال مشاهدتي من شباك عربية الترحيل)
اها النقوم نطمئن على أبو الشباب
_____________________
غايتو ياناس الإنترنت عندكم المحن
| |
|
|
|
|
|
|
|
|
|
Re: مظاهرات في الكلاكلة اللفة (Re: ملكة سبأ)
|
طريق الشعب أوسع من زحام الضيق
وقلب الشعب أرحب من رحاب الضو
ونبض الشعب كل حلم براه يتم
شجر متشابك الهامات
جيلاً جاي حلو الشم
صبايا وفتية يمرحوا فى صباح الغد
عيونهم برقهن لماح
سوالم رد
وتطلع من شقوق الأرض
آلاف المدن قامات
يطلعوا من قلب الحجر الصم
خفاف ولطاف
ثعابيناً أوان الجد
دفاعاً عن حياض السلم والإفصاح
سلموا ليَّ عليهن جملة
حتى اللسة قبل الخلق والتكوين
صناع الحياة اليوماتي
ملح الأرض
نبض الشعر والموسيقى والتكوين
هدامين قلاع الخوف
كانت هذه الدراجة يوماً ما.. كلاشنكوف
وما بين منارات السمّع والشوف
نقاشين جدار الصمت
نساجين خيوط الشمس
كهربجية الظلمات
وأجمل ما تكون الدنيا
رسامين وحفارين مجاري العصر
نصراً نصر
مقدامين زمانهم فيه ضبط الوقت بالتقدير
شروق الشمس بالإنجاز
حروفهم وا حلالي
تشمهم ترتاح
حا.. حرية
تا.. تغيير
جـ.. جدار
ك.. كتاب
س.. سمار وسكة حديد تهز وترز
با.. بحارة بحراً عبَّ وثار
واو.. وطن مدرار
جرت تتلاحق الأنهار كما تتلاحق الأعراف
كما تتصافح الأديان
كما تتمازج الألوان
هجيناً من سلالات الفخار والعز
مرور النسمة وأيضاً هزة الإعصار
علم فى نشرة الأخبار
وهيبة على امتداد الكون
وعلماً فى حماه الورد
حتى الزهرة والمريخ
شبح حرب النجوم ينزاح
أيادي القهر خلف الظهر مكتوفين
أفاعي السمت حيث مزابل التاريخ
| |
|
|
|
|
|
|
| |
فيصل محمد خليل
محمد النيل
احمد محمد بشير
Amani Al Ajab
عاطف عبدون
نورالدين صلاح الدين
osama fadlalla
سعد مدني
Nader Abu Kadouk
دوت مجاك
معاوية عبيد الصائم
Elbagir Osman
Ashraf el-Halabi
ملكة سبأ
الصادق سلفاب
رأفت ميلاد
انوار عبد الوهاب
فيس بوك
تويتر
انستقرام
يوتيوب
بنتيريست