|
|
|
 Re: تشييع جثمان محمد عبدالرحمن الان بمقابر سوق ليبيا امدرمان (Re: Elbagir Osman)
|
استاذ سالم و كل من يسأل عن صور او إفادات حول الشهيد , الطبيعي في الجو المشتعل ده انو تتضارب الإفادات ( لكن قطعا يا القريش لا يمكن ان يكذب عدد كبير زي ده بشأن موت احدهم ) كما و من الصعب جدا ان توجد صورة للشهيد في الوقت المُحتقن ده, لكن اصبروا مع استمرار الإنتفاضة ستظهر صور الشهيد و ستتم حوارات مع اهله و سنعلم كل التفاصيل.
المعلومات الاخيرة الاتوفرت لدي انو محمد عبدالرحمن يتبع لعمادة طلاب جامعة امدرمان الاسلامية و ليس الاهلية.
في تقديري انو اي سؤال حول تأكيد هوية الشهيد و احضار صورتو و ..الخ دي اسئلة ده ما وكتها و من الصعب توثيقها لان هداهد الاخبار لا يعملون في عمادات الطلاب حتي يكون لديهم صور لكل طالب مسجل بالجامعة كما و ان الشهداء ليسوا عربات احتياطي مركزي يسهل تصويرهم و فرز محمد من فاطنة. دي هبة طلابية للتغيير , لا برنامج ساحات الفداء الذي كان يوثق للضحايا القادمين.
فائق شكري يا رفاق و اتمني ان لا تلتفتوا لتلك الاسئلة الساذجة حول هويات الشهداء. هذه اساليبهم و لا وقت لنا للإجابة عليها الان . الوقت الان للتوثيق و الرصد و التنسيق مع الاعلام الحر النزيه.
| |
  
|
|
|
|
|
|
|
|
Re: تشييع جثمان محمد عبدالرحمن الان بمقابر سوق ليبيا امدرمان (Re: Bashasha)
|
لماذا يحاول البعض تصوير الأمر و كأنه كذبة؟ هل غريب على هذا النظام المجرم إراقة الدماء بكل برود؟ إذا كان اغتيال الشهيد محمد رحمه الله كذبة فهل عشرات الآلاف على أقل تقدير من المدنيين الذين ماتوا في دارفور كانوا كذبة؟ هل الشباب اليفع الذين ماتوا في وقفة عيد الأضحى في العيلفون كانوا كذبة؟ هل شهداء رمضان و بيوت الأشباح كانوا كذبة؟
الإجرام طبيعة هذا النظام و جزء لا يتجزأ من تركيبته و ليس غريبا استشهاد محمد بل الغريب أن يكون هو الشهيد الوحيد في هذه الانتفاضة. نسأل الله أن يحفظ شبابنا و أهلنا بالسودان جميعا لكن معروف أن معركة مع مثل هذا النظام المجرد من كل دين و أخلاق و قيم لن تكون سهلة.
| |
|
|
|
|
|
|
|
|
|
Re: تشييع جثمان محمد عبدالرحمن الان بمقابر سوق ليبيا امدرمان (Re: Elawad)
|
Quote: - سيرتو الذاتية
2- صورة شخصية
3- مكان العزاء ـ بيتهم ـ بيت ناس عمو ـ خالو حبوبتو ـ بس محل الصيوان |
إنتو منو عشان تكذبوا في خلق الله ودايرين الناس تصدقكم ؟؟
إنتو منو عشان الناس تهتم تثبت ليكم اي خبر كل الناس متفقة على صحتة والاعلام الاجنبي اذاعوا انتو منو بس ؟؟؟؟
إعلامكم معتم علي مصداقية الاحداث وانتو متأكدين من كده وبرضو بتجوا تتفاصحوا هنا ,,
ده مووووووووووووت يا ناس مووووووووت والموت ما دعا ولا شتيمة عشان الناس تتناوله بي شماتة
إنتو ما مصدقين امشوا اسألوا الجامعات لو دايرين الاكيده , بتجيبوها بي رفعة سماعة
لكن مش كل واحد فيكم يفتح بوست ويقعد ينظر للناس ..
وشغالين تسبو من طرف انتو كذابين وانتو منافقين وانتو ووووو !!!!!!!!!
والله اكبر كذابين ودجالين وحرامية واونطجية في الدنيا دي هم كيزان الإنقاذ
العالم كلو عارفهم .. تجار الدين آكلي السحت
كروشهم المدلدلة دي كلها من مال الغلابة
دقونهم الممطوطة دي كلها زيف ونفاق وخداع
يا ويلهم وسواد ليلهم
سارقي قوت الشعب المهمش
قاتلي الاطفال والابرياء
ياهم الكيزان
نشكيهم كلنا لي الله الواحد الاحد الصمد
يمهل ولا يهمل
يخلصنا منهم الليلة قبال باكر
اللهم آمين
والله يا معتز قصتكم غريبة ومخجلة !!!!
احسن ما تكتبوا ولا تداخلوا
الواحد بقى يخجل ليكم اكتر من روحكم حقيقي
لا حولة ولا قوة إل بالله العلي العظيم
| |
|
|
|
|
|
|
|
|
|
Re: تشييع جثمان محمد عبدالرحمن الان بمقابر سوق ليبيا امدرمان (Re: اسماء الجنيد)
|
الغالية اسمى الجنيد
والله اني احبك واحب شعرك
ولكن ردي على تساؤلي هذا
بالدم يمهر نضال الشعب: الشهيد محمد عبد الرحمن من الجامعة الاهليه (Re: محمد عمر الفكي)
Quote: بالدم يمهر نضال الشعب: الشهيد محمد عبد الرحمن من الجامعة الاهليه
توفي الان بمستشفي امدرمان
كذابة يا ايزابيلا
أو كذاب من لقنك الخبر
اتحداك
جيبي لينا اسمو الكامل واسم عايلتو
جيبي لينا سيرتو الذاتية
جيبي لينا صورتو الشخصية
جيبي لينا مكان العزاء
ومكان اقامة اسرتو
مافي شهيد
ومافي محمد عبد الرحمن
ومافي مستشفى او مشرحة أم درمان
انه كذب لاثارة الناس والشارع
كذب يا ايزابيلا ما لقنتيه
لا تتبعي هؤلاء الكذاب
| |
|
|
|
|
|
|
|
|
|
Re: تشييع جثمان محمد عبدالرحمن الان بمقابر سوق ليبيا امدرمان (Re: عروة علي موسى)
|
Quote:
لا بد من احتلال الصفحة الاولي.
لا بد من مقاطعة اذناب نظام القتلة.
لاتردو علي كلاب الامن، حتي في بوستاتكم.
لا ترفعو بوستاب كلاب الامن. |
كلاب تربوا وجبلوا على الكذب والتلفيق والخداع .
لا قيم لهم وليسوا على خلق -
انهم ملة حسن كشكش واحمد محجوب حاج نور بالرغم من تدثرهم بثوب الاسلام .
الارازل اشباه الرجال وماهم برجال كما قال فيهم محمد احمد المحجوب رحمه الله .
| |
|
|
|
|
|
|
|
|
|
Re: تشييع جثمان محمد عبدالرحمن الان بمقابر سوق ليبيا امدرمان (Re: المكاشفي الخضر الطاهر)
|
دى حجوة ام ضبيبينة ولاّ شنو؟
البى بى سى تنسب الخبر لـ "ناشط معروف فى حقوق الإنسان" (غالباً إيزابيلا!) ... ولموقع فى الفيسبوك (غالباً "قرفنا"!) ...
وتنسب النفى للشرطة ولا تورد تأكيد أو نفى من "مصادر" البى بى سى ...
Quote: One prominent human rights activist said Mr Rahman had been shot.
"You are our martyr Mohamed Abd al-Rahman," activists wrote on a Facebook group called Youth for Change which has more than 16,000 members, reports the Reuters news agency. |
جنازة كاملة ... و جنازة "شهيد" كمان ... يعنى مش أىّ جنازة ... ما فيها تلفون واحد يصوّر الجنازة؟
البيغيز فى الموضوع ... انو انا يا إمّا اصدق التلفيق السخيف دا ... يا إمّا انا بايع القضية .... وكوز امنجى ... وتسقط عنّى ديابيج "الشرفاء" و "المناضلين" و "الثوار" (الأحرار) ...
دا تشييع جثمان مصداقية "خدر" و "إيزابيلا" بمقابر سوق ام دفسانيز اون لاين ....
(خلّيتو "المكاشفى" يتجدّع فينا ... ويجيب "وثائق" ... هانت الزلابيا)
... المهم ....
| |
|
|
|
|
|
|
| |
خدر
محمد إبراهيم علي
Mustafa Mahmoud
معتز القريش
سالم أحمد سالم
abubakr salih
Elbagir Osman
خالد عبد الحليم سعيد
بدر الدين الأمير
هيثم التوم
Hadeer Alzain
Bashasha
عبدالكريم الامين احمد
Elawad
اسماء الجنيد
Elmuez Shayeb
عبد الوهاب المحسى
نايف محمد حامد
خالد العبيد
محمد هارون حميدان
Tragie Mustafa
فدياس نجم الدين
Shawgi Sulaiman
Abdlaziz Eisa
معاوية عوض الكريم
صلاح أبودية
رأفت ميلاد
المكاشفي الخضر الطاهر
تبارك شيخ الدين جبريل
عبدالله الشقليني
عصام دهب
بدر الدين اسحاق احمد
مزمل خيرى
محمد عبد الماجد الصايم
بشير أحمد
فيس بوك
تويتر
انستقرام
يوتيوب
بنتيريست