مرتزقة جدد أم كمبارس قديم: أبناء النوبة فى الحركة يتحولون إلى حصان طروادة.

مرحبا Guest
اخر زيارك لك: 03-29-2024, 07:40 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-27-2011, 11:24 PM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
مرتزقة جدد أم كمبارس قديم: أبناء النوبة فى الحركة يتحولون إلى حصان طروادة.


    Quote: طالبت القيادية في المؤتمر الوطني بولاية جنوب كردفان عفاف تاور بتلافي الاخطاء التي وقعت فيها المشورة الشعبية بولاية النيل الأزرق بتحويل المشورة لمطالبات بالحكم الذاتي،

    وحذرت من استخدام حكومة الجنوب لـ 55 ألفا من ابناء جبال النوبة في الجيش الشعبي ضد الشمال.

    وقالت تاور في تصريحات بالبرلمان امس ان هناك 55 ألفا من ابناء جبال النوبة في الجيش الشعبي ويمثلون مخزونا استراتيجيا لحكومة الجنوب التي يمكن ان تستخدمهم وتستغلهم ضد الشمال في حال عدم وجود جيرة سلسة وحذرت من ان يصبحوا مرتزقة لا سيما وأنهم سيعتبرون اجانب بالجنوب، وشددت على ضرورة بحث اوضاعهم واعادتهم للشمال، قبل ان تصفهم بالغبش.

    وطالبت تاور بحملات تعبئة بولاية جنوب كردفان لتلافي الخطأ الذي وقعت فيه المشورة بولاية النيل الازرق وقالت ان المشورة في الاخيرة وقعت في خطأ كبير وزادت «يفترض اي شخص صوت لحكم ذاتي او تقرير مصير يسقط صوته»، وقطعت بأن المشورة واضحة لا تعني استفتاءً ولا تقرير مصير ولا حكما ذاتيا.

    واكدت ان هناك استفهاما كبيرا حول المشورة الشعبية بالولاية لاسيما وان القانون لم يحدد مصير ابناء الولاية في الولايات الاخرى، مشيرة الى 29 ألفا من ابناء الولاية في نهر النيل وعدد مماثل في القضارف وبورتسودان وعدد اكبر في النيل الابيض، وتساءلت عن الكيفية التي سيصوتون بها وشددت على ضرورة ان تجاوب مفوضية المشورة على الاسئلة حول ان كانوا سيفقدون حقهم في التصويت أم سيسجلون في مناطقهم أم تتم لهم عمليات عودة للولاية؟.


    بريمة
                  

01-28-2011, 03:06 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)
                  

01-28-2011, 03:17 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    55 ألف من الفاقد التربوى والكمبارس الذين ظلوا يحرقون أنفسهم لصالح الجنوب الأنفصالى .. على وشك أن يكونوا مرتزقة ..

    أين يعيش 55 ألف رجل أمى ومسرح عاطل من الخدمة .. وخاضوا حروب طويلة قرابة 20 سنة ..؟ كيف يعيش هؤلاء الذين تعشعش فى رؤوسهم الحروب والدماء والقتل والرعب بين المواطنين؟ .. هل سوف تقوم الدولة بإعادة تأهليهم نفسياً وسيكولوجياً حتى يكونوا مواطنين أسوياء أم يتركونهم هكذا وسط المواطنين؟

    لا ادرى كيف يمكن للشمال أن يستوعب هذا الفاقد التربوى والعسكرى ..!!!!

    بريمة
                  

01-28-2011, 03:25 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    اللواء تلفون كوكو أب جلحة .. حينما ذهب إلى الجنوب وطالب بتوفيق أوضاع هؤلاء الرعاع الاميون تم حبسه من قبل الحركة الشعبية التى ترفض حتى أعطاءهم معاش مقابل خدمتهم الطويلة الممتّازة فى أداء واجبهم كجنود أوفياء ..

    حينما قلت أن النوبة هم الذين حرورا الجنوب .. لم يصدق أحد! .. الأن فى أن واحد يظهر 55 ألف مجند يرتدون الزى العسكرى للحركة الشعبية ومازلوا فى دفاترها .. والحركة تتنصل من صرف معاشهم لأنهم شماليون وقريباً سوف تقول لهم الحركة أوت من الجنوب .. وسوف يكونوا فى برزخ بين الشمال والجنوب لحماية مصالح الجنوب إذا ما تعثرت .. أو تأثرت مع الشمال ..

    هكذا ظل أبناء النوبة فى الحركة كمبارس .. قطيع أمى ضخم .. وقود نار .. جاهز للأشعال ..

    بريمة
                  

01-28-2011, 03:31 AM

عثمان نواي
<aعثمان نواي
تاريخ التسجيل: 07-04-2010
مجموع المشاركات: 1656

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    ****
                  

01-28-2011, 03:43 AM

Tragie Mustafa
<aTragie Mustafa
تاريخ التسجيل: 03-29-2005
مجموع المشاركات: 49964

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    مش غريبه يا بريمه منطق تناولك ومنطق تناول اخونا كبر؟؟؟؟

    يا بريمه حتى متى وانت كالثور في مخزن الخزف؟؟؟؟

    Quote:
    اللواء تلفون كوكو أب جلحة .. حينما ذهب إلى الجنوب وطالب بتوفيق
    أوضاع هؤلاء الرعاع الاميون تم حبسه من قبل الحركة الشعبية التى
    ترفض حتى أعطاءهم معاش مقابل خدمتهم الطويلة الممتّازة فى أداء
    واجبهم كجنود أوفياء
    لماذا تصفهم بالرعاع وبالاميين؟؟!!
    وهم ثوار اشداء دفعوا دمائهم ثمنا لمعتقداتهم الفكريه ورائهم السياسه
    وايمانهم بطرق محاربة الظلم؟؟؟


    رعاع هم ام انتهازيتكم القاعدين في المؤتمر الوطني؟؟!!

    قال رعاع قال!!


    Quote: هكذا ظل أبناء النوبة فى الحركة كمبارس .. قطيع أمى ضخم
    .. وقود نار .. جاهز للأشعال ..
    اراك تكرر امر اميتهم كثيرا؟؟؟لماذا يا ترى؟؟؟

    اولا انت تدين بدين رسولا كان فخره انه امي ورفم ذلك لم تمنعه اميته من تبليغ الرساله!!
    فالاميه ليست مسبه.

    ثانيا:
    اليست اميتمهم لو هي حقيقه اكبر سبب لحلمهم للسلاح؟؟؟
    فلماذا ظلمت مناطقهم حكومة المركز وتركتهم امين؟؟
    الحركه الشعبيه غير مطالبه بازالة اميتهم,بل دولتك.



    واميتهم مصدر فخر صدقني فيكفي رغمها انهم حلموا السلاح
    حتى لا يظلوا ابنائهم اميون مثلهم.اتقي الله بحق نفسك يا مسكين.


    واحترم خيارت الناس.
                  

01-28-2011, 03:57 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: Tragie Mustafa)

    تراجى
    سلام ..
    Quote: مش غريبه يا بريمه منطق تناولك ومنطق تناول اخونا كبر؟؟؟؟

    يا بريمه حتى متى وانت كالثور في مخزن الخزف؟؟؟؟

    غريب الشيطان .. ليس هناك غرابة البته .. أنا وول أبا شخصين قائمين بذاتهما .. ونفكر حسب ما تمليه علينا ضمائرنا وليس ما تمليه علينا مصالحنا ..

    ---------------------------------
    تحت السطر:
    أنبسطت منك جداً حينما كتبت عن الأنتهازى والأنتهازية .. بقولك: شكارتا دلاكتا! .. يا تراجى والله فى محلات كده أنا وأنتى نلتقى فيها ألتقاء غريب .. حافظى يا تراجى على نقاط ألتقاءنا .. وأتركى الخلاف بينى بنيك .. كده بتقدرى تستفيدى من مدد ول ابوك بريمة.

    بريمة
                  

01-28-2011, 07:32 AM

Kabar
<aKabar
تاريخ التسجيل: 11-26-2002
مجموع المشاركات: 18537

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)


    ول ابا بريمة..حبابك
    كل سنة و انت طيب با بريمة..

    اختنا عفاف تاور رمت ليها سالفة..و ح تتبعها لغاية القبر.. لأنها زولة في موقع عام..و المواطنين البتدافع عن مصالحهم في البرلمان و بتتحدث باسمهم.. لا فرق بينهم البتة.. دي واحدة..

    الثانية.. مواطني جنوب كردفان/جبال النوبة ..هم اهلنا.. نوبة..ولا فلاتة..ولا برنو..ولآ برقو..ولا بقارة..يكونوا مؤتمر وطني ياهم اهلنا.. يكونوا حركة شعبية ياهم اهلنا.. يكونوا بعثيين.. ياهم اهلنا.. يكونوا اتحاد اشتراكي ياهم اهلنا.. يكونوا كجور ياهم اهلنا.. يكونوا ميضنة.. ياهم اهلنا.. و نهائي ما بنرضى لزول أو زولة يشتمهم..عفاف تور غلطانة بوصفهم ..و انت غلطان بوصفك..و زيادتك في الردحي..

    ثالثا.. تحقيق المصالح العامة و نصرة القضايا .. صحيح بيمر بمنعطفات كتيرة و منعرجات مريرة للغاية..و ممكن تسبب غلـــوطية على كتير من الأفراد.. لكن حقو دايما نعاين للصورة الأكبر..اذا الحركة الشعبية ارتكبت غلط في شخصك و في شخص عفاف تاور.. فده ليس بمبرر بدحض خيار الغالبية..و في البوست المكتوب قبال بوستك هذا جبنا ليكم الأرقام..و ارجعوا عاينوا ليها كويس و ابدوا بعد داك النضمي..حراك الواقع يقول.. الحركة الشعبية في جنوب كردفان يدعمها البقارة و النوبة على قدم المساواة..و ديل اوعى مني و منك..و انتصروا لخيارهم..و حتى لو اختلفنا معهم.. فحقو نعاين ليهم باكبار.. لأنهم سلوا ايدهم و دعموا خيارهم من غير وصاية..!


    لو فاكر انت او اختناعفاف تاور أو بقية ابواق مؤسسة النازية السودانية ممكن تشطبوا الحركة الشعبية من الوجود في جنوب كردفان.. احسن تبدوا بينا نحن ناس قريعتي راحت ديل..و صدقني لو بقت في الكلام الشين بنقع قبال الحركة الشعبية ما تسمع بالدوسة*..!


    المهم يا ولد ابوك.. نتخلف في امور السياسة لكن كمان ما نشتم اهلنا ساكت..و مرتزقة دي شتيمة كبيرة يا بريمة..ياخي نحن بتاعة احداث 1976 لغاية هسع قاعدة فينا محور..تجوا انتو تاني دمنا و لحمنا تقولوها لينا..طيب التانيين يقولوا لي شنو؟..

    اما الأمية..زي ما قالت ليك اختنا تراجي.. النبي الكريم امي..و راعي كمان..يبقى يا صديقي هنا انت متهم بانك ناقص دين..و لو فكيت درب النبي و سيرتو.. يبقى كمان قول لينا..!

    التانية يا بريمة.. النوبة القاعد تنعتهم بالأمية ديل مش ياهم المنهم المرحوم يوسف كوه القعدت انت بريمة ده شخصيا في فصولو و علمك لمن عرفت حاجة في الدنيا دي..و المثل بيقول من علمني حرفا صرت له عبدا..فيا صديقي دعك من لغو الحديث.. اختلف ..و ادعم خلافك بالحساب زي ما اختلفنا مع اختنا عفاف تاور..و في الجد اتذكر انو القنطور اصلو تراب..!!


    هسع ده.. انت و عفاف تاور.. مش ممكن ببساطة تتبنوا ليكم حملة ايجابية و تطالبوا الدولة السودانية باستيعاب الناس ديل و جعلهم جزء من المجتمع؟..و يعني غالبكم تقيفوا معاهم و تقولوا للحكومة السودانية الناس دي اتمردت لأنو في اسباب جذرية للتمرد..و حقو نقعد تحت في الأرض و نشوف المظالم دي و نحلها عملا بمبدأ سد الذرائع؟..

    الحقيقة في الواقع يا بريمة.. ان اكتر من ربع مليون دعموا الحركة الشعبية في جنوب كردفان..و ده واقع يا اخوي لا يجب أن نسعى لمحوه.. لأنه واقع كبير..و يجب أن نستوعبوا صاح..!

    كل فعل و ليهو رد فعل مساوي ليهو في المقدار و مضاد ليهو في الإتجاه..و قبل كده محمود حسيب ساق ليهو سبع و خمسين نفر من تالودي و قال ماشي يعمل بيهم انقلاب في الخرطوم.. اها هسع لو الخمس و خمسين الف ديل قاموا منهم تلاتين الف ساكت..و دقشوا الخرطوم.. اختنا عفاف تاور دي تسوي شنو؟..ولا تودي وشها وين؟..


    المؤتمر الوطني ورلو صقع و قطرو صفر..فهي شدرة هلكها السوس..و احسن تمسكوا في شدرة الصمود(الشعب/الناس/الأرض)..و هي متل شدرة ام سروج.. لا ارضة ولا هوايل زمان بتاكلها..!!

    الفتنة خلوها تجينا من غادي.. لكن من اهلنا.. فحقيقي اشد الظلم ظلم ذوي القربى..!

    و دمت يا بريمة..

    كبر


    * و عشان ما يجي واحد/ة يقهمنا في محلنا ويقول لينا الليلة كبر مركب مكنة حركة شعبية.. بنقول ليكم ايوه كبر مركب مكنة اهلو في جنوب كردفان/جبال النوبة..


                  

01-28-2011, 10:39 AM

عبدالرحمن عزّاز
<aعبدالرحمن عزّاز
تاريخ التسجيل: 10-31-2005
مجموع المشاركات: 2521

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: Kabar)

    اا


    العزيز ... بريمة

    تحياتى .

    المثل بقول ... لو اتنين قالو ليك راسك وقع .... ما تلمسه للتأكد من فقدانه طبعاً ، لكن بمعنى أن هناك خلل !
    الحركة الشعبية إتفقنا أو إختلفنا معها ، يبقى لأهلى و أهلك المنضويين تحت لواءها حقهم فى حرية الفكر و المعتقد ، و لو أنّهم فقدوا الحركة يجب أن لا يفقدونا ما دمنا أصلاً ضد ( تصرفات)
    الحركة و لسنا فى موقع حجر آراءهم ، المعضلة الأساسية أن العدو واحد ، و هو الثالوث المشترك ، من جهل ، فقر و مرض .
    تذكر يا عزيزى الحمى النزفية التى إجتاحت جبال النوبة ؟ هل ميّز الفيروس بين الناس عرقياً ؟ و كذا الحال فى كل نواحى الحياة
    هم منّا ... و نحن منهم .
    و معاً نعنى الوطن .


    مع التحية .
                  

01-28-2011, 10:52 AM

هشام المجمر
<aهشام المجمر
تاريخ التسجيل: 12-04-2004
مجموع المشاركات: 9533

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: عبدالرحمن عزّاز)

    الناس البتقول عليهم رعاع ديل هم الغيرو وجه الدنيا فى كثير من بقاع العالم

    دونك رعاع الثورة الفرنسية العظيمة التى غيرت وجه التاريخ


    سؤال من اين اتيت بهذا القاموس لتصف بشرا حملوا السلاح نختلف معهم او نتفق للدفاع عنما ما يروه حقا لهم؟

    هل لو اختار هؤلاء ال 55 الف بعد الانفصال الانضمام لجيش المؤتمر الوطنى سوف يتحولون عندك من خانة مرتزقة لخانة المجاهدين؟
                  

01-28-2011, 02:45 PM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: Kabar)

    ول أبا كبر
    سلامات ..
    هناك حاجتين فى مداخلتك لفتتا نظرى .. حديثك حول أستاذى يوسف كوه مكى .. وأيماءتك بضمك لى للأستاذة عفاف وبقية أبواق مؤسسة النازية كما تفضلت ..

    بخصوص أستاذى يوسف كوه مكى ..أنا كتبت شهادة كإحد تلامذته فى بوست اخر وارفقت نصها فى بوست ول أبا عبدالرحمن عزّاز .. أرجو الأطلاع عليها ..
    منبر جبال النوبة الديمقراطى : إستبينو النصح قبل ضحى الغد !

    بخصوص ما يخص الأستاذة عفاف .. أنا حيّيت كل اسرة تاور أبوراس .. كأسرة جنوب كردفانية أخرجت أفذاذ فى السياسة والجيش والعمل العام .. ولك أن تنظر للأستاذة نور تاور هى زعيمة الحزب الليبرالى .. هل يعنى أنا من أبواق الحزب الليبرالى؟؟

    بخصوص توصيف مرتزقة .. لم أجد أى توصيّف أخر غير مرتزقة حتى كتابة هذه السطور .. وما أظن يختلف أثنان فى وجود أىّ قوة عسكرية فى دولة أخرى وتأتمر بإمرة تلك الدولة غير أنهم مرتزقة لتلك الدولة.

    بريمة
                  

01-28-2011, 02:50 PM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    ول أبا عبدالرحمن عزّاز
    سلامات ..
    Quote: العزيز ... بريمة

    تحياتى .

    المثل بقول ... لو اتنين قالو ليك راسك وقع .... ما تلمسه للتأكد من فقدانه طبعاً ، لكن بمعنى أن هناك خلل !

    هناك يا ول أبا أختلاف أراء .. ومالم نطرح أراءنا بشفافية لن نتقدم خطوة .. ولا شنو؟

    بريمة
                  

01-28-2011, 02:57 PM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    هشام المجمر
    سلامات ..
    Quote: الناس البتقول عليهم رعاع ديل هم الغيرو وجه الدنيا فى كثير من بقاع العالم

    دونك رعاع الثورة الفرنسية العظيمة التى غيرت وجه التاريخ


    سؤال من اين اتيت بهذا القاموس لتصف بشرا حملوا السلاح نختلف معهم او نتفق للدفاع عنما ما يروه حقا لهم؟

    هل لو اختار هؤلاء ال 55 الف بعد الانفصال الانضمام لجيش المؤتمر الوطنى سوف يتحولون عندك من خانة مرتزقة لخانة المجاهدين؟
    طبعاً يا هشام أنت لا تختلف عن بروليتاريا اليسار السودانى فى أغتيال الشخصية .. السطر الأخير الذى حشرت فيه المؤتمر الوطنى .. خلاص ظننت كده كشفت للبروليتاريا حقيقة هذا الرجل ..

    نحن البقارة لو منتظرنها من اليسار .. أصحاب نظرية العقل البدوى أو الرعوى لا أدرى، يكون صباحنا أصبح ..

    لقد كتب التأريخ شهادة وفاتكم مسبقاً بموت حبوبتكم روسيا العجوز .. قاعدين تسوا شنو ما تحفروا ليكم حفر تدخلوا فيها

    بريمة
                  

01-28-2011, 03:58 PM

هشام المجمر
<aهشام المجمر
تاريخ التسجيل: 12-04-2004
مجموع المشاركات: 9533

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    بريمة

    اسفت جدا للتداخل معك لأننى ظننت أنى اتداخل فى قضية مثارة تفكر فيها العقول و ندلى فيها بالرأى

    الفكر لا يموت يا بريمة و انا لا انتمى للاتحاد السوفيتى العظيم او السابق بل انا سودانى اناقش فى قضية تخص السودانيين

    و كالعادة هربت انت من الاجابة لنحو عجيب من السقوط فى درك الماترة و الاستفزاز لمحو آثار قضية انت فيها خاسر

    عيب عليك ان تصف الناس بالفاقد التربوى و الرعاع و المرتزقة لو كنت بقارى او غير بقارى

    النبى العربى صلى الله عليه وسلم كان اميا وقاد ثورة جل مناصريها كانو من الفقراء و المسحوقين أو الرعاع كمن تسميهم انت

    خلاصة القول نكتب لك الرأى بموضوعية وتهذيب فلو عندك اجابة قلها ودعك من هذا الاسلوب
                  

01-28-2011, 06:50 PM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: هشام المجمر)

    هشام المجمر
    Quote: النبى العربى صلى الله عليه وسلم كان اميا وقاد ثورة جل مناصريها كانو من الفقراء و المسحوقين أو الرعاع

    يا أخى النبى تعرفوه فقط إلا يوم يكون ذكره فيه حجة لكم! .. كدى صلى عليه .. أنظر تلاته يسارين .. أنت وتراجى وكبر مركبين مكنات واعظين .. الحاصل ليكم شنو!

    هنا هشام موقفى ليس ضد النوبة أو لأن هناك حكومة إسلامية .. موقفى ثابت سواء كانوا نوبة أو بقارة أو حركات دارفور.. ما يفعلونه إرتزاق .. أنظر لموقفى من قطاع الشمال منذ أعوام .. تجده ثابت .. هؤلاء المرتزقة يجب أن يتم إعادة تأهيلهم قبل فكهم وسط المواطنين .. ويجب على جنوب كردفان عدم إستقبالهم مالم تقم الحكومة المركزية بإعادة تأهيلهم ..

    طرد الشماليين أذيال الحركة الشعبية بعد إنفصال الجنوب واجب وطنى.

    بريمة
                  

01-28-2011, 07:12 PM

هشام المجمر
<aهشام المجمر
تاريخ التسجيل: 12-04-2004
مجموع المشاركات: 9533

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: بريمة محمد)

    Quote: يا أخى النبى تعرفوه فقط إلا يوم يكون ذكره فيه حجة لكم! .. كدى صلى عليه .. أنظر تلاته يسارين .. أنت وتراجى وكبر مركبين مكنات واعظين .. الحاصل ليكم شنو!



    اها شفت جنس الكلام ده البيخرجك من الموضوعية و يتردى بيك لدرك المهاترات يا بريمة

    فى مداخلتى الاولى لم اذكر النبى (ص) حتى لا تزايد على رغم انى مسلم والحمد لله

    فى مداخلتى الاولى ضربت مثلا بالثورة الفرنسية العظيمة وهى ثورة غيرت مسار التاريخ كما غيرته ثورة النبى العربى محمد اين المواعظ هنا؟

    مربط الفرس فى هذا الموضوع اعتداءك اللفظى العنيف على اناس يخالفونك الرأى وو صفك المشين لهم الذى يرتقى لدرجة الشتم

    هذا ما اعترضت و مازلت اعترض عليه
                  

01-29-2011, 07:13 AM

بريمة محمد
<aبريمة محمد
تاريخ التسجيل: 04-30-2009
مجموع المشاركات: 13471

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: مرتزقة جدد أم كمبارس قديم: أبناء النوبة فى الحركة يتحولون إلى حصان طروادة. (Re: هشام المجمر)



    ****

    بريمة
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de