|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: tmbis)
|
جريدة الدار .. تطبع وتنشر وتوزع في السوق .. الواحد يقراها ويلف بيها طعمية او قميص لما يكون بايت في بيت ناس صاحبو (دا طبعا لو ما كان عندو شنطة).. كلام البورد هنـا بتكتب وبترد عليهو اونلاين .. جريدة الدار .. جابت كـ..ـــلاب السنة الفاتت حقت الوزير منو ما عارفو .. ولونه الرمادي والاغبش والاسود .. خوفو الشفع والناس طاردته بالليل وهجمت على حنان بلو بلو .. وسنونه صفراء وبتاكل الاخدر واليابس .. قالوا صاح .. دي كـــ..ــــلاب الحكومة وافرازات الكيزان ..الخ
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: HAIDER ALZAIN)
|
Quote: إنتا الفلبيني دا فكا باسوورد الشبكة في السهلة والا شنو ؟؟؟ |
الطريفي .. يازول الفلبيني غتيت لكن لقى الاغتت منووو نبشرك بي شبكتنا الداخلية الخاصة لكن مرات كدا برضو بعمل للفلبيني فرش متاع على خفيف ... المارتديلا نجهتوني فيها بقت تعمل لي حساسية . صحيت من النوم حسع دي واتغديت مما نصنع .. جيت لقيت ناس الدار وناس سودانيزاونلاين شكوها وبيوزعو فيها .. قلنا عودنا راكب
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: tmbis)
|
لذيذين خلاص ناس الدار ديل
Quote: التقت (الدار) بعدد من شهود العيان في حادثة احتراق المواطن لامين ظهر يوم الجمعة الماضي بالسوق الشعبي بامدرمان.. وذلك بغرض الوصول الي السبب الحقيقي الذي كان وراء احتراقه .. وقد ذكر احد شهود العيان ان الرجل الذي حاول الانتحار كان يتجول بعد صلاة الجمعة الماضية امام محل لبيع (التمباك) وهو يترنح وينظر الي المواطنين بصورة غريبة واثناء ذلك كما يقول شاهد العيان طلب من احد المواطنين شراء (كيس تمباك) الا انه لم يستجب لطلبه مما دفعه للقول (اذا لم تشتري لي تمباك سأنتحر) ليقوم بالفعل بتنفيذ تهديده وسط دهشة المواطنين. وقد التقت الدار بشاهد العيان التاجر محمد حامد وهو اقرب جار لمحل بيع التمباك حيث قال كان المواطن الذي احترق يتجول حول محل بيع (التمباك) لفترة وكان ذلك في حوالي الساعة الثانية الا ربعاً وكان في حالة سكر شديد وكان يرتدي ملابس سوداء وسيوتر كبير الحجم.. وقد تمكن من اخذ زجاجة بنزين من احدى الركشات التي كانت متوقفة هناك دون علم صاحبها. وفجأة قام باخراج ولاعة بعد ان قام بفتح قارورة البنزين لتبدأ النيران في الاشتعال من حول رقبته وملابسه ويبدو ان السيوتر المصنوع من النايلون قد ساهم في تفاقم الحريق ومع ذلك لم يطلب الرجل المساعدة من احد بل جلس ارضاً وراسه نحو الارض. حيث قام بعض المواطنين بلفه بواسطة مشمع وتمكنوا من اطفاء النيران التي كانت قد احرقت جزءا كبيراً من جسده ومع ذلك تمكن من الجلوس تحت شجرة قبل ان يجلس في الخور المقابل ليتم اسعافه بعد ذلك الي المستشفي. كما التقت الدار ايضاً بشاهد العيان عباس السماني (اعمال حرة) حيث قال عندما رأيت المواطن الامين كانت النيران مشتعلة في جسده ورغم ذلك فإنه لم يصرخ او يطلب النجدة ويعود هذا في ظني الي نسبة الخمور الكبيرة التي قام باحتسائها حيث تمكن بعض المواطنين من لف جسده بمشمع وذلك لاحتواء النيران التي اندلعت في جسده وقد نجحت لكن الحريق كان قد تمكن من التهام اجزاء كبيرة من جسده ورغم ذلك فإنه استطاع التحرك ليجلس تحت احدي ا لاشجار. كما التقينا ايضاً بالمواطن صديق ابراهيم (ميكانيكي) حيث قال : كنا نجلس تحت شجرة ظليلة بعد صلاة ظهر يوم الجمعة وقد لاحظت احد المواطنين يتجول بطريقة قلقة امام محل بيع التمباك وكان يتحدث الي بعض زبائن المحل وكان يمسك في يده قارورة بنزين وفجأة لاحظنا النيران تندلع في جسده حيث قام بعد ذلك برمي القارورة علي مسافة متر منه والنيران مشتعلة فيها بعد اشعالها في جسده حيث جلس علي الارض بعد ذلك قام بعض المواطنين باطفاء النيران عبر لف جسده بمشمع وبعد ذلك قام من مكانه وجلس تحت الشجرة قبل ان يتم اسعافه الي المستشفي. والتقينا ايضاً بشاهد العيان صديق حسن طه الذي قال : كنت اجلس قبالة محل (التمباك) الذي شهد احتراق المواطن وفجأة رأيت النيران تندلع في الجزء الاسفل من جسده وملابسه وبسؤالنا عنه اتضح بأنه يعمل في مهنة ميكانيكي وعلمنا ايضاً بأنه مدمن خمور. وانتقلت الدار من هناك الي مستشفي امدرمان التعليمي حيث يرقد المواطن الذي حاول الانتحار حرقاً بقسم العناية المكثفة والتقينا بالدكتور محمد عبدالكريم المدير الطبي لقسم الحوادث حيث قال من المعلوم ان مستشفي امدرمان مجهز بقسم متكامل لاستقبال حالات الحرائق التي تقع لدي المواطنين ويوجد بهذا القسم عدد من الاطباء المميزين اضافة الي الطاقم الطبي المتمرس وفي حوالي الساعة الثانية ظهرا وردتنا بقسم الحوادث حالة المواطن الذي حاول الانتحار حرقاً وقد قمنا باسعافه فورا داخل قسم الاصابات وتم عمل اللازم نحوه بمهنية عالية جداً خاصة وانه قد تعرض الي حريق بنسبة اكثر من 70%. ومن المؤسف ان الحروق كانت قد طالت وجهة ورقبته اذ تعتبر هذه من الحروق الخطيرة نسبة لانها تؤثر علي مجري التنفس وتمنع مرور الهواء عبر القصبة الهوائية فقمنا بعد ذلك بنقله الي مستشفي الاذن والحنجرة في ذات اليوم بمساعدة نائب اخصائي حيث تم عمل فتحة في قصبته الهوائية حتي يتمكن من التنفس بصورة عادية وهو الان يرقد بقسم العناية المكثفة بمستشفي امدرمان حتي لا تتعرض جروحه الي عملية التسمم بالدم او الفشل الكلوي وحالته مستقرة الي الان. |
http://www.aldar-sd.net/modules.php?name=News&file=article&sid=757
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: tmbis)
|
جريدة الدار .. حرقت ليها جنوبيين في صمة خشمم .. ودي طبعا ما اخلاقيات المرحلة الحالية .. ومافي اي نوع من المهنية في ايراد الخبر فيديو مفبرك .. صور من الفيديو المفبرك ذات نفسوو .. .. واحدين في سودانيزاونلاين في البكان دا ذات نفسو .. وتمشيا مع اخلاقيات (المرحلات) الفاتت وفي قضايا تهم المواطن المحروق و(المحروق) جابو لينا صور مفبركـة وفيديو مفبرك (برضو) .. بعدين نحن قمنا بكينـا .. وقلوبنا اتحرقت برضو ..
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: Maawya Hussein)
|
Quote: مواطن ولا حجر شيشه هو ..الغريبه مكررنها كم مرة ..واسم المواطن الذي احترق مرتين كاتبنو (لامين ) لا لامي في الامين ولا امين |
يا معاوية ناس الدار ديل بيخمو ساااي كدا .. اهم حاجة عندهم الخبر يكون عاااجل يحرقو العايزين يحرقوهو ويعضو العايزين يعضوهو ما فارقه معاهم كتير طالما انو عدد الكلكات حقهم ماشي .. وعارفين (يحرقو) المواطن من ايدو البتوجعو .
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: tmbis)
|
بعض عناوين بعض كتاب سودانيزاونلاين تصلح كمانشيتات عريضة في الصفحة الاولى لجريدة الدار لانها تؤدي ذات الغرض .. بعض كتاب سودانيزاونلاين والذين يكتبون في قضايا (المحروقين) وايدم في المويـة البارده .. ليهم احقية الكتابة بي امتياز جدا في صحيفة الدار ويجيبو صورم معاهم وفيديوهاتم .. وماف واحد يقول ليهم (بغــم) ..!!
بالصورة والقلم: شكرا للمناضل فلان الفلاني .. البطل الاشم .. بالصورة والقلم: قلبي يتقطع على هذا الطفل المسكين الذي راح ضحية شنو ما عارف .. بالصورة والقلم: حوار مع المناضل فلان الفلاني وهو يحرق نفسه من اجل القضية .. ثم جدار من التطبيل والهتافات المنظمة .. دا كلو في الصفحة الاولى من الجريدة وبالبونط العريض
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: عاطف عبدون)
|
Quote: شكرا يا تمبس علي البوست اهو اخيرا اتفقنا علي شئ |
عفوا يا عاطف وجهة نظري اختلفت ام اتفقت معاي واضح جدا في جريدة الدار وكتبتو هنا كتير جدا .. لكن الحاجة الما بتفق فيها معاك هي تغيير وجهات نظر الكتيرين حسب امزجتهم الشخصية .. وحسب ما يتوافق معاهم .. جريدة الدار الجابت كــــــــلاب السنة الفاتت وطبل ليها البعض .. هي نفس جريدة الدار الجابت حريق الجنوبيين المزعوم الكتبت عنو انت مستنكرا لانو وقع ليك ولي غيرك في جرح ..
Quote: في رأيي كان حيكون افيد للبوست لو جا من غير ما تخت تراجي والدار في كفتين |
.. رايك يعبر عن وجهة نظرك بدون شك .. لكن وجهة نظري ان ادراج اي اسم للاستدلال به مع صياغ الطرح من افيد الامور .. لاحقا سيتم ادراج البوست الخاص بك .. كنموذج توضيحي لوجهة نظر محددة ..
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: tmbis)
|
Quote: لكن الحاجة الما بتفق فيها معاك هي تغيير وجهات نظر الكتيرين حسب امزجتهم الشخصية .. وحسب ما يتوافق معاهم ..
|
Quote: لاحقا سيتم ادراج البوست الخاص بك .. كنموذج توضيحي لوجهة نظر محددة .. |
يا تمبس
تفتكر انو موقفي من الدار هو تغير حسب مزاجي الشخصي ولانو بيتوافق معاي؟
عموما لو دا المقصود
حتلقي رايي في الدار في اكتر من بوست
ولو لقيت لي راي بدُل علي اني ايدت سلوك مشابهه لي سلوك الدار تحت اي ظرف ولي اي سبب
يبقي من حقي علي نفسي اني اعتذر واتوب وكمان امشي اغتسل واجي اواصل في البوست
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: عاطف عبدون)
|
Quote: يا تمبس تفتكر انو موقفي من الدار هو تغير حسب مزاجي الشخصي ولانو بيتوافق معاي؟ |
Quote: لكن الحاجة الما بتفق فيها معاك هي تغيير وجهات نظر الكتيرين حسب امزجتهم الشخصية .. وحسب ما يتوافق معاهم .. |
..Quote: يبقي من حقي علي نفسي اني اعتذر واتوب وكمان امشي اغتسل واجي اواصل في البوست |
.. اول حاجة يا عاطف مسالة تغتسل وتتوب وتغتسل والخ دي طبعا حاجة كويسة ودا من حقك على نفسك زي ما قلته .. زي ما شايف ما بتخدم حاجة في البوست دا لانو دا فعل خاص بيك .. ..انا شخصيا ما عارفك بتكتب في الدار واللا بتقراها واللا الحاصل شنو .. زاتوو .. كلما في الامر انا ختيت تراجي لي سبب محدد لاني دخلت في واحد من البوستات لقيته شاداها لي ناس الدار .. وقالت يبطلو الفبركة دي .. وانت جيت قلت ياخ ما دسيس انو الواحد يخت تراجي والدار في حتة واحدة .. وقلت ليك في ناس هنا بتحدد الحاجات حسب المزاج الشخصي حقها .. وقطعا لو كنت انت المعني بالكلام دا كان يبقى دا كلام تاني وكان قلت عاطف عابدون بيغير مع تراجي حسب مزاجو ودا طبعا ما تعدي على حقك بقدرما هو مشاركة في مسالة متعلقة بالجميع هنا وبتكون خاصة في حالات محددة .. حسع الفرضية القدامي تراجي لسبب محدد .. البوست حقك بيشبه العديد من البوستات الاتفتحت وربما نلقى فيهو حاجة بتدعم اتفاقك معاي في البوست دا وقلتو انت وفيها ما يدعم اختلافي معاك القلتو ليك فوق دا .. انت متحسس من شنو .. بالضبط ..؟
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: عاطف عبدون)
|
ياتمبس ناس الدار ديل مساكين غايتو انا اشهد انو تراجى سبقتهم فى الهبر دا الظهار الكذب اصبح فضيلة فى هذا الزمن واشعال الفتن بالصور المفبركة والملطوشة من روادنا اصبحت موضةالا شهادة لله تراجى صاحبت السبق لازم يازول الناس تحفظ حقوق الهبارين غايتو كان جبت لينا الصورة الجابتها تراجى من ماسى رواندا وادعت انها من دارفور تكون ماقصرت
| |
|
|
|
|
|
|
Re: اعزائي ( بتاعين) جريدة الدار .. الحريق (اتنين وتلتين ) مثلا ؟؟! (Re: عاطف عبدون)
|
Quote: يلا بعد توصيحك دا ما عندي كلام كتير يتقالبس اعرف انو مافي شئ ممكن اتحسس منو |
.. تمام يا عاطف عابدون إنت كدا بي مداخلتك دي وريتني إنك متصالح مع نفسك .. ودي اهم حاجة .. وتعتبر اهم من توضيحي دا زاتوو ..
Quote: وكلامي عن التوبه الخ ما جا الا لي قناعتي التامه بي اني ما بدلت موقفي لي مزاج اولي شئ في لنفسي وشكرا |
.. اااي صاح .. لانو موضوع التوبة دا برجع ليك إنت براك .. مع إني ما عارف التوبة من شنو والاغتسال وإلخ .. اظنو دا كلام واحد من ناس الحكومة شايفو حايم اكليشيه هنا في البورد دا .. انا ما عارف بستفيد منو شنو تغتسل او لا تغتسل .. .. عفوا جدا ..
| |
|
|
|
|
|
|
|