|
Re: جهاز الامن يمنع عن الدكتور الترابي حتى (مقلمة الاظافر) (Re: العوض المسلمي)
|
(*)
العوض أخوي .. مالك متحنفش كده الليلة ..
أنا أعتقلت في عهد الترابي ده أول مرة يوم 11/9/1991 يعني عمري كان حوالي 16 سنة .. وحاتك دقوني دق العيش , لكن أسي السحر أتقلب على الساحر والراجل في أزمة والإعتقال مسألة الله لا وراك ليها , فيهو قليع أظافر مش منع من تقليم الأظافر زي ما بعاني سيد الشئ زاتو وعراب الإنقاذ وزعيم الجبهة وابوها وأمها ..
دحين يا العوض أخوي بغض النظر عن خلافك مع منعم وماتراه به , الموضوع موضوع حرية بني آدم حرم منها لمجرد تعبيره عن رأيه فيجب التضامن معه بغض النظر عن من هو ومن الذي يدعو للتضامن ..
رغم إني موجوع من قصة نضال الترابي ده , وعاوزوا يكون مع أولادو في سلة واحدة عشان كان مشوا يتحاسب معاهم ويكون نصيبوا من الحساب الكوم الكبير لأنه هو الصنع الخازوق ده , أسي الله يفك أسروا وبالله يا العوض أخوي قبقب منعم ده في زقاق تاني , لأنو شيخ حسن ماقادر يقلم أظافرو وقال كمان ملح مافي في الأكل والله ده معتقل السرور , زي معتقل باقان البتكلم فيهو بالموبايل مع قناة الجزيرة والله الحكومة دي بقت حنينة خلاص ,,,
الحرية لشيخ حسن ولا لمنعه من تقليم أظافره .. والحرية لمنعم ولا لمنعه من الكتابة والتعبير عن رأيه مهما كان هذا الرأي لا يعجب العوض أخوي .. الديكتاتور ..
والله الموفق ..
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: العوض المسلمي)
|
Quote: كمال يا حبيب ويا راقي سلام .. منعم ده بلعب في الموية العكرانة ولحساب اجندة لاناقة لنا فيها ولا جمل .. وما عائز اعصر عليه بس اتمني انه يروق شوية ... |
العوض أخوي .. الراجل الضكران .. شيخ العرب
مالك لاعب مع منعم ده خشن وكدارتك في وشو ؟ لم أعهدك هكذا يا رجل ؟
إختلف مع منعم أو إتفق معه , لكنه الآن يقف وراء قضية عادلة يا إما تشد من أزروا وتضامن مع شيخ حسن يا إما تشيل دستة ضفارات وتمشي المعتقل .. يا إما تخليهو أسي وتلبت ليهو في ملف تاني ..
المهم خشونتك هنا ما مستحبة خاصة في الظرف التأريخي الحرج البتمر بيهو أظافر شيخ حسن ده ..
نحن لا نشمت في عزيز قوم ذلت أظافره ..
_________________________
الحرية لشيخ حسن وكافة معتقلي الرأي .. وحرية التعبير للأخ منعم مهما كان رأي الآخر به ..
ولا لديكتاتورية شيخ العوض ..
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: tmbis)
|
لحظة بس يا شباب الفرصة عندي صاح ولا ما صاح ؟ وتيب ... يلا اخونا منعم قام فتح بوست عشان منع جهاز الامن الشيخ الترابي من الضفارة موش؟ يلا هو الترابي معتقل ليه كم يوم ؟ وشنو بس مالقيت حاجة يا منعم الا الضفارة ؟ يعني سمحوا بالامواس والاقلام والدفاتر؟؟ يا مثبت العقل يا الله !!!! يعني مشكلة البلد اليوم هي منع دخول الضفارات للمعتقل ؟؟
_______________ وانا برضو بعلن كامل التضامن مع الشيخ حسن وضد اعتقال الي مواطن سوداني بسبب معتقده السياسي ...
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: Afraa Sanad)
|
والله يا ريت يا عفراء !! المشكله إنو السودان مغروس في الروح و الجسد !! مالوش حل زي ما بقولو المصريين !! ياخي والله من المؤلم و المؤسف إنو منعم يروج للترابي كمناضل مظلوم و حقو مهضوم و الترابي هو من جاء بكل هذا العفن ، كان علي راس النظام لعشره سنين كانت الأسوأ و الاقذر علي كل الاصعده و تحديدا علي صعيد الحريات و حقوق الأنسان : لا عفو و لا تضامن مع الترابي ولا غيره ما لم يحاسبو علي ما اقترفت يداهم من جرائم في حق البلاد و العباد !!
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: Balla Musa)
|
نحن ننقل الاخبار كما هي .. وموقفي الشخصي التضامن الكامل مع كل معتقلي نظام المجرم المطارد دوليا عمر البشير .. لا ارى ما يستحق الرد سوى ان مداخلة الدعي ابوضفيرة داعية حقوق الانسان الكذوب صلاح آل البندر والذي اريد ان اسأله عن موقفه كناشط (شديد) في حقوق الاسنان في موضوع اعتقال الترابي ؟ فعلا صلاح (فلافل)
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: Faisal Elrasheed)
|
وطيب انت يا وســخ الامن داير تقول شنو صح الترابي فعل بنا مالم يفعله احد من السابقين .. وهو سبب كل هذا الذي يحدث لنا .. ولولا الترابي لما استطاع معتوه فاقد للاهلية الاخلاقية والسياسية مثل رئيسك البئيس ان يحكم البلاد ولكن موقفنا المبدئي هو التضامن معه وادانة اعتقاله .. طبعا انت وامثالك من زبانية النظام ستستفيدون من عدم التضامن مع الترابي المعتقل ولكن نحن نفهم جيدا ان العدو الاول الحالي هو البشير وليس الترابي وان الذي مزق السودان والسودانيين وسرق وقتل وعذب وسجن هو المجرم المطارد دوليا البشير واننا سنقف مع من يقف ضده لازاحته ولو كان الشيطان نفسه
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: tmbis)
|
Quote: وطيب انت يا وســخ الامن داير تقول شنو صح الترابي فعل بنا مالم يفعله احد من السابقين .. وهو سبب كل هذا الذي يحدث لنا .. ولولا الترابي لما استطاع معتوه فاقد للاهلية الاخلاقية والسياسية مثل رئيسك البئيس ان يحكم البلاد ولكن موقفنا المبدئي هو التضامن معه وادانة اعتقاله .. طبعا انت وامثالك من زبانية النظام ستستفيدون من عدم التضامن مع الترابي المعتقل ولكن نحن نفهم جيدا ان العدو الاول الحالي هو البشير وليس الترابي وان الذي مزق السودان والسودانيين وسرق وقتل وعذب وسجن هو المجرم المطارد دوليا البشير واننا سنقف مع من يقف ضده لازاحته ولو كان الشيطان نفسه |
يا بيجو ما تقعد تفنجــــــــط ساي .. ردنا عليك بما كتبت يداك القـــذره .. اركز بس ما تزوغ كالعاده ..
هذا هو مستواك المنحط .. هذه هي نوعية ما تكتب ....
تاني بتجي
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: Faisal Elrasheed)
|
والسؤال الذي يفرض نفسه هذه الايام هو : هل سمح بأدخال الضفاره الي المعتقل ؟؟ .. ام ان بيجو قرر القيام بعمليه انتحاريه وخداع جهاز الامن واقنعهم انها ليست ضفاره بل هي (مقلمة اظافر).. لماذا يعاكس جهاز الامن ويمنع دخول هذه الاله الصغيره الي الشيخ .. هل تحتوي هذه الضفاره مثلا علي مواد نوويه أم انها قد تستعمل في اشعال قضية دارفور .. لماذا يحاول بيجو الاجتهاد في موضوع الضفاره ؟؟ ام ان بيجو كضـــــــــاب كعادته وما عندو موضوع ؟؟!!
اسئله سنحاول الاجابه عليها من خلال هذه النافذه ..
بس اركز ..
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: عزام حسن فرح)
|
Quote: قُلت لي يا تمبس ضفارة.. حرم ياها زااااتا بِت الكَلِب القراضا |
تخيل يا عزام .. قال ما جابو ليهو ضفارة .. يعني عشان اتغدى معاهو في جلسة سرية خالص .. يجي يطالب بي ضفارة لي الترابي في المعتقل .. طيب ياخ لو هو حساس كدا دا ما كان يجهز لي ترابيهو دا شنطتو .. من ضو .. ويخت ليهو ضفاراتو .. وفرشتو .. ومعجونو .. وإلخ جاي في الفين وحداشر يقولينا ناس جهاز الأمن ما دخلو لي الترابي الضفارة ؟؟ والله زمان الواحد لو شاف مضفرو زاتووو والله مفروض يلحس كوعو ويبوس يدو بطن وضهـر .. عليك الله عاين زي المناضل دا ..؟!
| |
|
|
|
|
|
|
Re: جهاز الامن يمنع عن الدكتور الترابي حتى (مقلمة الاظافر) (Re: tmbis)
|
Quote: والله زمان الواحد لو شاف مضفرو زاتووو والله مفروض يلحس كوعو ويبوس يدو بطن وضهـر .. |
تمبس ..بطل الدغمسه وتعال عديل .. هو يعني عشان كان ماسك يد سلفاكير وقاعد يتبرك فيها تقوم تقول ليها مالك ومال ضفارة الترابي ... مش في صورة بالشكل ده كانت حايمه ؟؟
طيب ممكن اشترك في المسابقه (())
| |
|
|
|
|
|
|
|