|
|
 Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
الاخ الفاتح الجنيد
تحياتي
التاج محجوب في مجتمعات مسقط يضفى جمال للمواقف في الكورة ، في الكوتشينة،في لحظات السمر
والروايات التي سردت عن مواقفه من عبدالرحيم العمدة وفي كلمة سعادة السفير في مهرجان وداعه أضافت وأضاءت جوانب مشرقة في حياة التاج بمسقط
كلنا سنفتقد التاج محجوب أخي الفاتح ونتمنى له التوفيق بين أهله في السودان
| |
 
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
أوركسترا هلال الزمن الجميل
و الإدارات الجميلة
و الإعلام الرياضي الجميل!
وقوفا من اليمين: قاسم, عصام عبدالخير, الفاتح الريشة, المرحوم شيخ إدريس كباشي, مصطفى النقر, (أبشر ?!)..
جلوسا من اليمين: متوكل عبدالسلام, التاج محجوب, أبراهومة الديسكو, عصام سليم"أبو الجاز", حافظ عبيد.
(عدل بواسطة المعز ادريس on 01-23-2011, 10:40 PM)
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: المعز ادريس)
|
Quote: جعت مره من السودان عريس جديد لنج ، وكان البيت مبخر بالذى منو ،،، جانى التاج زيارة وشم ليك طبعا ريحة بخور حطب الصندل عاكله ملأ منها خياشيموا تماااام ،
والوقت داك هو لسه عزابى ما عرس ،،، قام قال لى ياخى ما تدونى منو شويه ، قامت زوجتى جابت ليهو صُرة جامده ، اول ما فتحها خت يدو فوق راسو ،
قال : لا حولاااااا ياجماعة انا ناس محلات التاج للحنة والبخور فى الخرطوم ادونى زى ده كيس مخده ملان ، ووزعتو كلوا على الناس قايلو بخور التيمان البقولوا عليهو ...
والله حليلك يا تاج ،،، حنفتقدك جد جد ... وهاك دى |
لوووووووووووووولز والله لكن يا الفاتح الجنيد لقيتك غتيييييت جنس غتاتة
في داعي هسة بعدما ناس محجوب بقوا طوال فاتوه زاتو لوووووووولز
تقوم تمرق ليه المقلب ده
شفت غتاتة المريخاب يا التاج ؟ صاحبك ود الجنيد مو مريخابي
والله يا حليل عمر العلمين كان لما الفاتح يبدا يكاويني بي بالمريخ وعمر يكون قاعد اول ما اعاين ليه يضحك ويقول لي يا زولة ولا يهمك انتو غلبتونا كتير شوفي هسة التاج اكبر مني
ومن زماااااااااااااان من زمن التاج انتو بتغلبوا فينا ههههههههههه
والله زمن لكن يا التاج
والله يا حليلو التاج على قول امي بالكتير ما شوية
عزانا الوحيد انه الحمد لله التواصل ما كان حده معانا مسقط
تواصلنا الحمد لله حتى في ارض الوطن
لي هسة بتذكر اول يوم مشينا بيت ناس التاج وحسب وصفو قال لينا قولوا مدرسة حلويات سعد بس
والفااتح قبل ما يتم اسم التاج محجوب قالوا لينا الشباب السألناهم منو تعالوا نوريكم البيت بي هنا
زمن والله
من المواقف الظريفة الحصلت مع التاج ما عارفة الفاتح لي ما مرقها ليك يا التاج
مرة التاج جانا في صلالة وجاي زيارة كلها 3 ولا 4 يوم وراجع مقر عمله في مسقط
جاي شايل ليه شنطتين كبااااااااار شيلة عريس بس لوووووووووول
قبل ما نساله قال لينا ما تتخلعه انا مرة اتزريت لي في بلد مشينا نتفسح
وكنت محدد اني اقعد يومين وقعدت غصبا عني لظرف اجبرني اقعد
ما عارفة لظروف حجز ولا ظرف تاني قال قعد اكتر من 15 يوم
مافي طريقة الا يغسل كل يوم يا ينزل يشتري بي باقي قريشاته لبس زياده
عشان كده خم دولابو كلو واظن جاب معاه هدوم ابراهيم اخوه هههههههه
لانه الزمن داك ابراهيم الزول الظريف كان لسه في مسقط
التحايا ليك يا ابو محجوب من بلد السقط دي لآآآآآآآآ عندك في مسقط وتحايا كتيرة لام محجوب ولي كل الاسرة
ولما تصل بالله ناس ابراهيم واولاده وناس بيتكم سلام شدييييييييييد
التحية لك اخي عادل لفرد المساحة الجميلة دي
والاخ التاج بستحق اكتر منها والله
التحية لكل اهل مسقط الكرام
عشنا معاكم اللحظات كلها عبر الصور الجميلة
وامنياتنا للاخ التاج بحياة جميلة واستقرار في بلده ووسط اهله وحبانه
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: اسماء الجنيد)
|
في طريق العودة للسودان قررت المرور علي أخي السني في مسقط قادما من الدوحة
أدهشني المجتمع (المسقطي) وهذه (اللمة) حدثت عدة مرات خلال ال 3 أسابيع التي
قضيتها في مسقط . . في اول يوم لي بمسقط دعاني الاخ التاج لعشاء كارب في النادي السوداني
قبل ان أتعرف بشكل جيد علي مضيفي ..... هكذا التاج . . . . عندما شاركته في حفل التكريم
كنت قد تعرفت علي أغلب الحضور رجالا و نساء و أطفال . . . و هناك بعض من أعرفه
من قبل و عبر مراحل التحصيل المختلفة . . . حضر الكل لوداع التاج . . كانت فرحتي كبيرة
بلقاء هؤلاء . . . و . . . لقاء التاج المرتقب في السودان مرة أخري
لك التحية أيها المجتمع المسقطي
لك أن تفخر بهم و يفتخروا بك أخي التاج
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
لك اتحية أخي عادل .. التاج محجوب قمة في الأخلاق والكرة .. كان له أخ حبيب جدا يلعب برجله اليسري .. طال الزمن منذ آخر لقاء لنا به ..1978م .. ولم ألتقي التاج
أو أخيه ..ابراهيم .. وابراهيم ده كان جناح خطير جدا .. كثرة الاصابات جعلته لا يلعب كثيرا .. تقريبا معظم أسرة التاج أصحاب فن راقي في كرة القدم .. كمال محجوب ..
قريبه .. السر عطا المنان .. وعزالدين عطاء المنان ..وأخوهم الكبير الصادق ..تذكرت أجمل ايام الطفولة مع هذا الرجل وقاربه ..
التحية أيضا للأخ العزيز جعفر رمضان .. ولأخيه الكبير السر رمضان .. ولكل أبناء الحلة الجديدة والقوز والرميلة ..
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: صلاح الفكي)
|
الاخ صلاح الفكي
تحياتي
Quote: لك اتحية أخي عادل .. التاج محجوب قمة في الأخلاق والكرة .. كان له أخ حبيب جدا يلعب برجله اليسري .. طال الزمن منذ آخر لقاء لنا به ..1978م .. ولم ألتقي التاج
أو أخيه ..ابراهيم .. وابراهيم ده كان جناح خطير جدا .. كثرة الاصابات جعلته لا يلعب كثيرا .. تقريبا معظم أسرة التاج أصحاب فن راقي في كرة القدم .. كمال محجوب ..
قريبه .. السر عطا المنان .. وعزالدين عطاء المنان ..وأخوهم الكبير الصادق ..تذكرت أجمل ايام الطفولة مع هذا الرجل وقاربه ..
التحية أيضا للأخ العزيز جعفر رمضان .. ولأخيه الكبير السر رمضان .. ولكل أبناء الحلة الجديدة والقوز والرميلة .. |
شكراً على هذا التعليق
| |
|
|
|
|
|
|
| |
عادل عبدالرحمن إبراهيم
المعز ادريس
اسماء الجنيد
ماضي ابو العزائم
حيدر امين
فيس بوك
تويتر
انستقرام
يوتيوب
بنتيريست