|
|
 مسقط تودع التاج محجوب في مشهد جميل (صور وتعليقات)
|
أقيم مساء الخميس 20 يناير 2011 بنادي البستان بمسقط مهرجان لوداع التاج محجوب لاعب الهلال السابق والمقيم بالسلطنة لفترة تزيد عن 25 عاماً وأختتم المهرجان بحفل غنائي. عبر برنامج تم إعداده بصورة جيدة أمتد فقراته لفترة تزيد عن الستة ساعات.
ودع السودانيون في مسقط التاج محجوب في مشهد جميل حضره النساء والاطفال والمخضرمين من لاعبي الكرة السودانية ومشاهير مجتمع السودانيين بمسقط يتقدمهم سعادة السفير
|
|
 
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
قرر التاج محجوب العودة للوطن للبقاء مع عائلته و أهله والجمهور السوداني موعود بعودة مدرب ناجح ، ذاع صيته في عام بعد قاد نادي الفنجا لاعباً ثم مدرباً حقق له بطولة الأندية الخليجية في سابقة جديرة بالأحترام والتقدير
في الصورة أعلاه التاج محجوب يتوسط خالد أحمد المصطفي نجم المريخ والكابتن حسين عبدالحفيظ لاعب الهلال في مطلع الثمانيات الملقب بالطبق الطائر شرفا المهرجان وشاركا فيه.
| |
|
|
|
|
|
|
|
|
 Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
| Quote: التاج محجوب إشتهر بهدفيه في حارس المريخ الطيب سند في أول مباراة هلال/مريخ بعد عودة الكرة بعد قرار النميري بحل الأندية وسمي بكأس العودة علي ما أظن |
ياسلام ياخ وياسلام على الذكريات
هذه المباراة تحديدا حضرتها من داخل الاستاد
وكنت مع خالى الهلالابى وكنا جلوسا مع المريخاب
فى الجهة الجنوبيه >>> عندما تقدم المريخ بهدف مازدا
فاشعل المريخاب المدرجات بالنار وهم يهتفون مازدا ... مازدا .. مازدا
فتحرك عزالدين الدحيش ومعه على قاقارين من العمق وفى الاطراف
كان التاج محجوب يمينا و عمو يسارا وشكلوا ضغطا رهيبا ليعادل
التاج محجوب فى اقل من خمسة دقائق من تقدم المريخ وقبل عشرة
دقائق من نهاية المباراة بعد تمويه من الفنان الدحيش بعد
تمريره جيده من قاقا ويتكرر نفس السناريو بعد 7 دقائق
وقبل نهاية المباراة بثلاثة دقائق معلنا تقدم الهلال
على المريخ 2 -1 >>>>>>>>>>>>> ..... وعندها هتف
جمهور الهلال والذى كان يحتل جميع مدرجات استاد المريخ
مازدا .... مازدا .... مازدا .... مازدا.... مازدا ... مازدا
.....
آلاف التحايا للكابتن التاج محجوب متمنيا له حياة طيبه فى وطنه السودان
ومن موقع كوره وعلى الرابط ده : http://forum.palmoon.net/topic-5942-107.html
بعضا من ذكريات الكابتن التاج محجوب + صور + بعضا من تفاصيل مباراة كاس العوده
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
شكرا على إشراكنا يا عادل
التاج محجوب موهبة هلالية معتبرة تستحق التقدير..
تصحيح لا بد منه:
| Quote: التاج محجوب إشتهر بهدفيه في حارس المريخ الطيب سند في أول مباراة هلال/مريخ بعد عودة الكرة بعد قرار النميري بحل الأندية وسمي بكأس العودة علي ما أظن |
مباراة عودة هلال مريخ بعد أن حل نميري الأندية ثم أعادها عام 78 إنتهت بتعادل إيجابي 1/1 حيث بكر المريخ بهدف (زيكو) في الشوط الأول و عادل الهلال النتيجة بهدف (الريشة) في الشوط الثاني!
لكم التحايا,
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
عبدالرحيم العمدة
قدم كلمة مؤثرة أشاد فيها بالتاج محجوب وقال أنه باقٍ في القلب حتى لو عاد للسودان، وقال أنه قضى برفقة التاج محجوب لمدة عشرين عاماًوأن التاج محجوب لم يكتشف أن عبدالرحيم مريخابي إلا خلال الشهور الأخيرة وقال ذلك لأن المريخاب هم الصفوة لذلك يصعب أكتشاف مريخيتهم
ربما هذا يتطابق مع ما يقوله دائما في هذا المنبر الأخ هارون دياب
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: المعز ادريس)
|
بحق ستفتقد مسقط الأخ التاج الشخصية المرحة وسيفتقده النادي كما سيفتقده مجتمع كرة القدم العمانية،
للتاج حضور دائم ومشاركات إجتماعية معروفة ، يبدو أن ( فريق السودانيين) في تناقص مستمر فالتاج
يلحق بشقيقه إبراهيم الذي غادر السلطنة إلى الخرطوم وترك مكانه شاغرا في النادي وفريق الكرة و
والعزاء الوحيد أنهما يعودا إلى الوطن الأم الذي يحتاجهما الآن..
حزنت أنني لم أكن حضورا في مهرجان الأخ الصديق التاج لظروف قاهره .
لك الشكر أخي عادل على هذا البوست.
_
يا حيدر شنقره ، أعمل فك تسجيلات لغداء الجمعه،
والترشيح متروك للتاج..
| |
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: الطيب شيقوق)
|
الاخ الطيب
تحياتي
Quote: اتاريك يا عادل صاني كدا نايم ليك بقنبلة احسنت توقيت تفجيرها يا مسنووووووووووووح
انتظر بعد شوية البوست دا حيكون ساحة صراع كروي بين الهلالاب والمريخاب
نحن منتظرون نوزع في العنكوليب للفائز من المتصارعين |
كلم أصحابك ناس المحرب يجهزوا العنكوليب ناكل نحنا وندي الفايز
تسلم يا جميل على المرور
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: الطيب شيقوق)
|
الاخ الفاضل \عادل ,,,, سلامات
تسلم علي البوست الجميل ,, التاج رجل
حبوب وقمة في الاخلاق ,تزاملنا في المرحلة
المتوسطة بالخرطوم الاميرية ويشهد له الجميع
بطيب المعشر,,ومن ثم التقينا مرة اخري في
السلطنة لمدة 21 عاما وكان التاج خير سفير
للرياضة بالسلطنة,,الف تحية للحبيب التاج
محجوب ونتمي له عودا حميدا ,, والشكر موصول
للجالية العظيمة والنادي السوداني بمسقط.
تليشةيا عادل:
المسنوح ود شيقوق شن عرفه بالرياضة شوفوا
ليهو عود عنكوليب يمصه.ولا تيوا يلعبها.
مودتي
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
العزيز / عادل عبدالرحمن
تحية وسلاما لك ولكل أحبابنا بالسلطنة.. وتحية خاصة ممزوجة بالشوق والذكريات
لصديقي الحيبب التاج محجوب الذي كان لي شرف اختياره يوما لفريق الخرطوم الثانوية
الجديدة خلال الدورة المدرسية والتي فتحت أمامه أبواب الشهرة والنجومية بعد أن قادته
- وهو الموهوب المقتدر - الى صفوف الهلال يوم كان للكرة معنى وللنجوم موقعا في قلوب
الناس في بلادي .
أرجو تبليغه التحية مكررة مني له ولأسرته الكريمة .. والشكر أجزله لك أخي عادل على فتح
هذه النافذة لتكون مدخلا للمشاركة عن بعد في وداع نجم من نجوم الكرة في وطني الحبيب .
خضر عطا المنان
[email protected]
| |
|
|
|
|
|
|
|
|
 Re: مسقط تودع التاج محجوب في مشهد جميل (صور وتعليقات) (Re: خضر عطا المنان)
|
المعز ادريس سلامات
تصحيحك خطأ
المباراة التى انتهت بالتعادل 1-1 هى مباراة ودية
بين الهلال و المريخ بمناسبة رجوع الرياضة
اما المباراة التى انتصر فيها الهلال 2 -1 على المريخ
بهدفى التاج محجوب هى مباراة كاس العودة
وكاس العودة كان عبارة عن دورى من دوره واحده لفرق الدرجة
الاولى بالخرطوم ( هلال .. مريخ ..نيل .. اهلى ... الخ )
والذى فاز به الهلال
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: المعز ادريس)
|
Quote: كلم أصحابك ناس المحرب يجهزوا العنكوليب ناكل نحنا وندي الفايز
تسلم يا جميل على المرور |
الليلة يا عادل اكان تنوم يحلقوا لي شنبي دا
فكيت ليك قنبلة الله يفكك منها
ياكا البكرة فنشوك كان قابلت الرد على الجيش العرمرم من المتداخلين ديل
مسنوووووووووووووووووح ومسلط وواقع من السماء مليون
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: المعز ادريس)
|
الاخ عادل شكرا لهذا البوست
Quote: الاخ طارق الكوتش
شكراً على المرور والتصحيح، أحتمال الأخ المعز مريخابي عشان كده ما ذكر الحقيقة كاملة
مع تحياتي لك وللاخ المعز وتسلم على المرور والتعليق |
على فكرة ده المرور التالت لى فى هذا البوست راجع اعلاه
......
المعز اذن متفقين
وبنكون متفقين تماما لو انت ما مع الجماعه > ههههههه
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: طارق الكوتش)
|
الاخ طارق الكوتش
تحياتي مجدداً
Quote: على فكرة ده المرور التالت لى فى هذا البوست راجع اعلاه
|
حقيقة لم الحظ مداخلتك الأولي إلا بعد إطلاعي على تنبيهك أعلاه ، أشكرك على المساهمة التى أثرت البوست وأعتقد أن التاج محجوب فعلاً كان مهاجم قناص ومرعب لدفاعات الخصم
أشكرك مجددا ولك العتبى لأن لم ألحظ مداخلتك
مع خالص محبتي
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: Elmosley)
|
| Quote: نحيي ابن حلتنا وصحافتنا اللاعب الفذ التاج محجوب |
اها يا عادل الليلة سنارتك جابت ليك استاذنا الموسيقار المخضرم الموصلي شيل شيلتك
والله يا استاذ الموصلي اليوم واحد صديقي جاب لي سي دي عن اعمالك الاخيرة مع البلابل والله والله كلما ينتهي اعيدو تاني
لله درك يا عظيم
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
ود شيقوق
تحياتي مجدداً
Quote: اها يا عادل الليلة سنارتك جابت ليك استاذنا الموسيقار المخضرم الموصلي شيل شيلتك
والله يا استاذ الموصلي اليوم واحد صديقي جاب لي سي دي عن اعمالك الاخيرة مع البلابل والله والله كلما ينتهي اعيدو تاني
لله درك يا عظيم
|
ياخي نحن عشمانين الموصلي يجيناشخصياً في مسقط ويغنى لينا لحدي الصباح في أفخم صالة ولحدي ما يجينا الموصلى أدينا نسخة من السيدي نتصبر
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
التحية لك اخى عادل على التغطية الممتازة والتعليق الدقيق لوصف الاحداث
واسمحى لى بالمشاركة ببعض اللقطات من الاخ محمد الفاتح الجنيد ومنى
التاج محجوب وخالد احمد المصطفى
والكأس من سعادة السفير جمال الشيخ ومولانا الصادق سلمان والمهندس فاروق ميرغنى والكابتن عبدالرحيم العمده
وكان الشيخ بشير الصامت حاضرا
شهادة التقدير من النادى الاجتماعى للجالية بمسقط
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
العزيز دفعة ود عبدالرحمن لك التحية والاشواق
لك التحية علي البوست الجميل في تفاصيله الدقيقة والشيقة
لوداع اللاعب الخلوق التاج محجوب رغم مريخيتي التي تعلمها
منذ الصبا الباكر إلا انني اشيد بحرفنة الاعب التاج محجوب
و نتمنى له حياة كريمة وسط الاهل والاحباب .
اكرر شكري لكما
تخريمة ::
صحبي بكري الطيب السعيد و باعوضة محمد الطيب ما شايفهم ولا
الشباب بقوا مريخاب تحياتي لهم و للعيال .
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: أسامة البلال)
|
| Quote: نتمني كل التوفيق للتاج محجوب في رحلة العودة للسودان ليساهم في تطوير وتقدم الكرة السودانية عامة وفريق الهلال خاصة |
التحية من علي البُعد لإبن عمي الكابتن الفذ التاج محجوب ابراهيم .. كنا ونظل دائماً فخورين به ..
وشكراً لك أخي عادل عبدالرحمن وكل الأخوة بالسلطنة علي هذه المشاركات الرائعة ..
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: Munir)
|
تشكر اخي عادل علي البوست الموفق و كمان فيه ود ابو
شنيب بكري الظريف دوما فلك و له التحايا و الاشواق
كم انتم سعيدين يا اهل مسقط بتجمعكم الجميل وبالتاكيد
تجمع جميل طالما حواكم و معاكم اولاد ابو شنيب الظرفاء
في كل شي محمد باعوضه و جعفر و اسامة الطيب و بكري وابراهيم
بقيادة عمنا الظريف الطيب السعيد والحاجة بتول نسال الله
يكرم مثواهم و يجعل الجنة دارهم .
فبالله التحية للاخوين النيرين محمد و بكري .
دمتم واهل مسقط بالف عافية .
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: Munir)
|
Quote: اما المباراة التى انتصر فيها الهلال 2 -1 على المريخ
بهدفى التاج محجوب هى مباراة كاس العودة |
الكوتش طارق
وكتب عنه في مانشيت كبير في احدى الصحف ( التاج مربع اتنين ) لو تذكر ياكوتش
وكما قال اخونا منير
Quote: التحية من علي البُعد لإبن عمي الكابتن الفذ التاج محجوب ابراهيم .. كنا ونظل دائماً فخورين به ..
|
سوف نظل نفتخر بهذا اللاعب الي مثلنا خارجيا خير تمثيل
وفي عام 1994م من محاسن الصدف اقابله هو الكابتن صديقنا هيثم السعودي في شارع الجمهورية ويوجوهون
لي دعوة مشاركتهم تكريم التاج محجوب مع النجوم الدوليين في الصاحفة مربع 38
وصراحة حاولت الاعتذار ولكن اصرارهم مادفعني للذهاب معهم وتغيير اتجاهي بعد تجهيز
المعدات الرياضية لي من طرفهم فكانت عصرية مامنظور مثيلها
تضم من النجوم الذين شاركونا هذا اليوم بقيادة
التاج محجوب
مبارك سليمان
عاطف القوز
ياسر السمينه ( الاهلي )
خالد حلبي ( النيل )
صبحي
هيثم السعودي
وشخصي الضعيف
ومنسق مباريات النجوم الريشة والكوتش محمود صالح وبعد المباراة كان هنالك فاصل من الكنترول بول شخصى الضعيف
وافضل لاعب انجبته الملاعب السودانية وساحرها هيثم السعودي وبعدها ذهبنا الى منزل اخونا التاج محجوب لقضاء باقي البرنامج
وإن شاء الله عند عودتي شهر اربعة سوف انظم له تكريم بمنطقة بحري يليق بمقامة ويستاهل كل خير وربنا يوفقه
شكرا ليك اخي عادل عبد الرحمن لقد حركت فينا اشجان ايام جميلة شاركناها الكابتن التاج محجوب
عودا حميدا للاخ التاج محجوب ( الطبق الطائر )
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: وليد عبد اللطيف)
|
Quote: شكرا لهذا البوست الذى سلط الضؤ على رفيق درب عزيز
التاج محجوب
فهو الى جانب انه كان نجما في الدورة المدرسية ابام دراسته في الخرطوم الجديدة
فهو كان رفيق دربي بفريق { العزيمة ’} بحي الصحافة شرق مربع 40
منذ مطلع السبعينات حيث اسسنا معا هذا الفريق بمساعدة نخبة من لاعبي الحي منهم شقيق التاج محجوب
ابراهيم الزومة وحمودة لاعب النيل وعلى بحر وغيرهم
وكان التاج محجوب وقتها فلتة في ملاعب كرة القدم في رابطة الصحافة يهابه المدافعون لحرفنته وموهبته الفذة
وبفضله ذاع سيط فريق العزيمة في المنطقة ومنها ذهب مباشرة الى فريق الهلال
افترقنا انا ورفيقى التاج بعد سفري للدراسة في المغرب اواخر السبعينات
وسعدت بلقائه قبل فترة قليلة بزيارته المغرب
فاستعدنا خلالها ذكريات فريق العزيمة وحي الصحافة شرق
التحية لصديق الصبا التاج محجوب
وعودا حميدا للوطن والاستقرار مع الاهل والاحباب
ازهري عبدالسلام |
هذة المداخلة الرائعة من الأخ أزهري أعادتني لسنين جميلة من الماضي القريب الذي لاتزال تفاصيلة في الخاطر
ربما كنا من جيل أصغر لكن كنا كبار بمايكفي لنتابع التاج محجوب وأبداعاتة التي كان يقدمها مع فريق العزيمة في رابطة الصحافة شرق..
كان مستوي أداء فرق روابط الصحافة شرق في ذالك الزمان يفوق مستوي أداء بعض فرق الدوري الممتاز ..حقيقة وليس مبالغة
كنت من أنصار فريق تهراقا وهو فريق أيضا كان يعج بالنجوم .وحينما يلتقي العزيمة مع تهراقا أو الزمالك كان لابد من الإستعانة ببوليس السواري لتنظيم الحضور الجماهيري الكثيف
التاج كان فلتة..وأخية أبراهيم كان مبدع قدموا الكثير من الفن الكروي والأبداع وكانا نموزجا إنسانيا للتواضع وكريم الأخلاق
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: محمد عيسي محمد)
|
الاخ موسى عيسى
Quote: تشكر اخي عادل علي البوست الموفق و كمان فيه ود ابو
شنيب بكري الظريف دوما فلك و له التحايا و الاشواق
كم انتم سعيدين يا اهل مسقط بتجمعكم الجميل وبالتاكيد
تجمع جميل طالما حواكم و معاكم اولاد ابو شنيب الظرفاء
في كل شي محمد باعوضه و جعفر و اسامة الطيب و بكري وابراهيم
بقيادة عمنا الظريف الطيب السعيد والحاجة بتول نسال الله
يكرم مثواهم و يجعل الجنة دارهم .
فبالله التحية للاخوين النيرين محمد و بكري .
دمتم واهل مسقط بالف عافية . |
شكرا أخى موسى عيسى على التعليق وتحايا لبكري ومحمد الطيب وصلت
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: عادل عبدالرحمن إبراهيم)
|
Quote: تمنياتي بالتوفيق لنجم الهلال ومدرسة الخرطوم الجديدة التاج محجوب
حيثما حل
|
والخرطوم الأميرية المتوسطة ... كمان,
فقد كان التاج محجوب الدفعة الورانا,
وأخوهو ابراهيم, والذي غلب نداءه
بابراهيم الزومة, الدفعة القدامنا.
تاريخ وتاريخ وذكريات تتأجج بشدة
وعنفوان ذلكم الزمان.
أتمنى للتاج إٌقامة طيبة في وطنه الأم,
وأن يسعد بمقدار ما أسعد الناس بفنه
الكروي الرفيع, برغم كوني مريخابي على
السكين.
مداخلة أخونا عمر عبدالسلام { أزهري }
هي من جانب آخر أدارت شريط رفيع من
الأحداث والذكريات التي كان بطلها
التاج محجوب. أذكر كيف كان لرابطة
الصحافة شأن عالي وسمعة طيبة وحضور
كثيف ... عندما كان التاج وفريقه العزيمة
من جانب, وحامد بريمة وفريقه المشترى من
الجانب الآخر ... هم سحرة الرابطة وملهمي
الفن والإبداع الكروي الناهض باكرا وعاليا.
شكرا أخونا عادل ... على هذا البوست المستحق
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: مبارك محمد)
|
حسن دحدوح ..
ولد دا ...
بتذكر اليوم داك
لما كنت داخل ماراة مريخ هلال ..
و فى المسطبه الشماليه .. لشلاقتى ! و ( لأنى جيت متإخّر ! ) ..
إنتهى الشوط الأول بهدف ( سانتو - رفاعه ) قدامنا
فى القون الشمالى !!!
الشوط التانى و فى آخرو ! الشياطين الحمر شايتين ! ( من الشمال للجنوب ) و كره متبادله :
بريمه ( باليد ) .. عاطف القوز .. كمال عبدالغنى .. إبراهيم عطا ..
.. صديق العمده .. أبراهوما .. جمال ابوعنجه ..
لحسن دحدوح الذى جمع و طرح و تلاعب ب ( طارق أحمد ادم )
و ( مجدى مرجان ) ليطلقها صاروخ من منتصف الملعب إلا قليلا !
لتستقر الكرة فى حلق مرمى (عوض حسب الرسول ! ) !
IT WAS THE GAME SEAL & DAGGER
تانى ما ( شمّينا ! ) ا إلا ( البمبان ! ) فى المسطبه الشمالية !
2 / صفر للشياطين الحمر ..
ده كان ( قبّال ) المحمولة جوا و التى كان ( دحدحه ! )
أحد فتيانها مع عيسى و قلة و كمال و صديق العمدة
و عصام الدحيش و سانتو و سامى و بريمة و أبراهومه ..
............
مع خالص التحايا و الإحترام لصاحب البوست ... حسن عثمان ..
عبدالماجد
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: ABDELMAGID ABDELMAGID)
|
الاخ عادل
شكرا لهذا البوست التي تفوح منه نسمات الوفاء لأهل العطاء
وتنداح من حلقاته دوائر الطبع لسوداني المتفرد
التحية لجالية مسقط علي هذا النشاط
والتحية للكابتن التاج محجوب
وهو واحد من الجيل الذي صنع الكثير من الشواهد في عالم الرياضة السودانية وخلد ببصماته أسمه في سجل الخالدين في ذاكرة الشعب
التاج محجوب سليل أسرة كريمة ما زالت تقدم النوابغ والمتميزين
وقد عاصرنا في رياض الخير شقيقه الباشمهندس خالد محجوب
وهو واحد من المهندسين المشهود لهم بالكفاءة والذكاء مما جعل الشركات العاملة بالوطن تتمسك ببقائه حتى يساهم في تقدم السودان وتطوره
التحية لهذا الاسرة الكريمة بالصحافة شرق
ومرحبا التاج محجوب بأرض السودان
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: ABDELMAGID ABDELMAGID)
|
الاخ حيدر قاسم
تحياتي
يوم وداع أعادوا كل الذكريات القديمة خاصة المباراة التي أحرز فيها هدفين في مرمى المريخ ، السودانيون في مسقط عاصروه حينما صال وجال مع نادي فنجا وحقق له بطولات محلية وخليجية وعاصروا أيضا مدرباً فذا لا يشق له غبار خاصة أن التاج قضى فترة طويلة بعمان عرف الشعب العماني بالكرة السودانية كما قال سعادة السفير في حفل الوداع وعرف السودانيين بعمان ، قال سعادة السفير عندما عيين سفيرا للسودان بمسقط أول ما تذكره أن التاج محجوب بعمان.
نحن عاصرناه في مسقط أخا وصديقاً وشاركناه الدافوري بنادي البستان كل خميس نحن سنفتقده لأن رقم في حياتنا الأجتماعية والرياضية يصعب تجاوزه.
شكراً أخي حيدر على المرور والتعليق
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: احمد العربي)
|
التاج محجوب يا عادل زول عارفو سانى لسانوا على الناس كلها مافى زول سِلم منو ،
وانا الليله حاخد للناس دى كلها حقها منو
مش مفارق !!! حنقوى عينا عليهو نحن
رجعت مره من السودان عريس جديد لنج ، وكان البيت مبخر بالذى منو ،،، جانى التاج زيارة وشم ليك طبعا ريحة بخور حطب الصندل عاكله ملأ منها خياشيموا تماااام ،
والوقت داك هو لسه عزابى ما عرس ،،، قام قال لى ياخى ما تدونى منو شويه ، قامت زوجتى جابت ليهو صُرة جامده ، اول ما فتحها خت يدو فوق راسو ،
قال : لا حولاااااا ياجماعة انا ناس محلات التاج للحنة والبخور فى الخرطوم ادونى زى ده كيس مخده ملان ، ووزعتو كلوا على الناس قايلو بخور التيمان البقولوا عليهو ...
والله حليلك يا تاج ،،، حنفتقدك جد جد ... وهاك دى
| |
|
|
|
|
|
|
|
|
|
Re: مسقط تودع التاج محجوب في مشهد جميل (صور وتعليقات) (Re: الفاتح الجنيد)
|
Quote: الاخ الفاضل سبيل
وينك يا راجل أفتقدناك هل ما زلت في ماليزيا تحياتي لأفراد العائلة الكريمة |
الله، الله يا عادل و الله الجمال و الإبداع عندكم. فجمالكم يتلخص في إبداع سودانيِّي مسقط دائما، هم حقيقة أناس يعشقون المحبة و الإلفة بينهم، فتراهم دائما كالبنيان المرصوص في الشدائد و الأفراح. حقيقة أخي أنتم ليسوا في غربة، ما يجده السوداني في عُمَانْ من محبة و تقدير إنعكس على إبداعه. و لذلك تستطيعون خلق جو سوداني أنَّى شئتم و كيفما شئتم. فهنيئا لكم.
يا خوي ماليزيا ده قبضتنا قبضة شديدة. فأصلا جينا و قلنا شنطنا ما نخرج محتوياتها، لكن المسألة جرت شوية و ربنا يوفقنا و يوفقكم جميعا
و سلامنا للإخوة بدون فرز.
| |
|
|
|
|
|
|
| |
عادل عبدالرحمن إبراهيم
ALGARADABI
أسامة البلال
الطيب شيقوق
المعز ادريس
محمد المرتضى حامد
سيف الدولة كامل
خضر عطا المنان
omer abdelsalam
Elmosley
حيدر امين
موسي عيسي
Munir
وليد عبد اللطيف
HAYDER GASIM
مبارك محمد
علي الكرار هاشم
الفاتح الجنيد
احمد العربي
فيس بوك
تويتر
انستقرام
يوتيوب
بنتيريست