|
|
|
 Re: قطر كريمة ....داخل ابديس ... (Re: ياسر بيناوي)
|
أخونا ياسر
لك التحايا
هل ما زال قطر كريمة يتحرك فى هذه الاماكن أم أنه ترجل كما ترجلت الباخرة بين كريمة و دنقلا
يا لها من ايام و ذكريات قضيناها مع هذا القطار و نلك المحطات و السندات
اشترينا المناديل و الفرد من محطة شندى و دخلنا سوق عطبر قبل صفارة العمال لتناول الفول المصلح و شربنا شاى الصباح باللقيمات فى ابوحمد و أكلنا البيض فى الكاب و تناولنا الغداء فى مطاعم كريمة بعد ان حجزنا اماكننا فى الجلاء او الزهرة او كربكان و اخدنا دش بارد فى حمامات الباخرة و استبدلنا ملابسنا استعدادآ لرحلة نيلية ما أجمل مناظرها
لك الشكر و التقدير
| |
 
|
|
|
|
|
|
|
|
Re: قطر كريمة ....داخل ابديس ... (Re: محمد عبدالرحمن محمد)
|
المطرطش سلامات ياخي
وحبابك الف
البوست بوستيك
Quote: [حاجز] في بوستك ده..
وعندي [تسريح] نوم!! |
تسريح نوم شنو ياخ
نحنا كلمنا ناظر المحطة يضيف ليك السيبنسة حقتك
بس تسريحك لازم يكون مختوم عند ود المدير وللا بت الجنيد
عشان تكون في السيف صايد
خالص الود
| |
|
|
|
|
|
|
|
|
Re: قطر كريمة ....داخل ابديس ... (Re: حيدر بشير)
|
Quote: هل ما زال قطر كريمة يتحرك فى هذه الاماكن أم أنه ترجل كما ترجلت الباخرة بين كريمة و دنقلا
يا لها من ايام و ذكريات قضيناها مع هذا القطار و نلك المحطات و السندات
|
يا حليلو ياحيدر ياخ شريان الشمال وطريق التحدي ضيعوهو
خليك معانا بي جاي
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
ســــلام يامنــاوي
حركــت أشجاننا لذاك الزمــن الجميل
المشتهنك
السر عثمان الطيب.
يا المشتهنك في غيابك بالنا بيك ضمه انشغل
النوم وراك يبقالنا شر فارق عيونا خلاص رحل
ضايقين متين ترجع تعود نسأل متين قطرك يصل
حارسين شويفعنا البجيب لينا البشاره يجيب امل
يجري ويناهد من بعيد شايلو شنطه وبي عجل
يفرح يقول خليتو جايي وراي يسالم في الاهل
والساعه ديك عاد البلد تنجارا قاصداك يا السمح
والناس توسوس لى بعض يي داك وصل والله صح
حتى اللى كان محزون وباكي الليلي عاد هش وفرح
في يوم رجوعك يا حبيب روحنا تب يبرا الجرح
والساقي بعد العنكبوت الفوق حطيبا خلاص بني
بعد الكآبه ومسحة الحزن العليها مهيمنه
مرقت تلاقيك زى عروس متعطره ومتزينه
جدولنا من بعد اليباس الكان موجع تقنتو
بعد السنين العاشا فى بعدك بيكتم أنتو
بعد العذاب العذاب الفي غيابك كان يزيد لى محنتو
بلقاك فرح جاك زي عريس يا دوب جديد بي حنتو
والقمري من بعد الألم والحسره والنوح والجراح
بعد الدموع السايله دايماً وعمرو ف كفكفيفا راح
في يوم رجوعك جفنو من بعد السهر دابو استراح
فوق السبيط زوزا ورقص طربان يزغرد للصباح
واوتار طنابيرنا الأبت يا حبى فى غيبتك ترن
حلفت محال ما تجيب نغم يفرح قلوبنا ويسعدن
عادت هى متل ايام زمان تشرح نفوسنا وتبهجن. [/align]
__________________
[--------------------------------------------------------------------------------
00]المشتهنك
| |
|
|
|
|
|
|
|
|
|
Re: قطر كريمة ....داخل ابديس ... (Re: Al-Shaygi)
|
بيناوي
تحية لكل الرباطاب
مررنا في عيد الفطر لزيارة ابو حمد بالخط المسفلت فكانت ابو ديسه بعيدة جدا عن النظرQuote: نحنا كلمنا ناظر المحطة يضيف ليك السيبنسة حقتك
|
]
كلامك دا رجعنا لزمن بعيد
ظاهر عليك متربي داخل قطيه
مودتي
| |
|
|
|
|
|
|
|
|
|
Re: قطر كريمة ....داخل ابديس ... (Re: علي الكرار هاشم)
|
سلامات ياحبيبنا
| Quote: مررنا في عيد الفطر لزيارة ابو حمد بالخط المسفلت فكانت ابو ديسه بعيدة جدا عن النظر |
اكيد مشيتو لي ناس بابكر هاشم
| Quote: ظاهر عليك متربي داخل قطيه |
كيف دا كلامك ومال ناهاشم بابكر هاشم ديل عرفناهم وين ...؟
انا ود السكة فلنكة ياخ
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: Al-Shaygi)
|
يا زول
قطر كريمي موش كان بمر بي(نمرة عشرة) ولا غيروهو؟؟؟؟؟
هاك محطات كريمة بي سنداتها (مقوقلة):
محطة كريمة
محطة الكاسنجر
محطة ام رهو
محطة ام غربان
محطة ابو جراز
محطة الدغفلي
محطة الكاب
محطة كحيلة
محطة محيسة
محطة نمرة عشرة
محطة أبو حمد
سنده الكرو
محطة دقــــش
سندة أمن
سندة كرقس
محطة أبو هــشيم
محطة ابو ديــس
محطة الشــريك
سندة الزويرة
محطة نــــــــــدي
محطة الكــــربة
محطة مبيريكــة
محطة العبيديــة
محطة بـــربــــر
محطة دار مــالي
محطة عطبرة
محطة الدامر
محطة العالياب
محطة الزيداب
محطة المحمية
محطة أم علي
محطة كبوشية
محطة التراجمة
محطة شندي
محطة القوز
محطة بانقا
محطة جبل جاري
محطة الرويان
محطة الجيلي
محطة الكدرو
محطة الخرطوم بحري
محطة الخرطوم
| |
|
|
|
|
|
|
|
|
|
Re: قطر كريمة ....داخل ابديس ... (Re: الشفيع وراق عبد الرحمن)
|
Quote:
محطة كريمة
محطة الكاسنجر
محطة ام رهو
محطة ام غربان
محطة ابو جراز
محطة الدغفلي
محطة الكاب
محطة كحيلة
محطة محيسة
محطة نمرة عشرة
محطة أبو حمد
سنده الكرو
محطة دقــــش
سندة أمن
سندة كرقس
محطة أبو هــشيم
محطة ابو ديــس
محطة الشــريك
سندة الزويرة
محطة نــــــــــدي
محطة الكــــربة
محطة مبيريكــة
محطة العبيديــة
محطة بـــربــــر
محطة دار مــالي
محطة عطبرة
محطة الدامر
محطة العالياب
محطة الزيداب
محطة المحمية
محطة أم علي
محطة كبوشية
محطة التراجمة
محطة شندي
محطة القوز
محطة بانقا
محطة جبل جاري
محطة الرويان
محطة الجيلي
محطة الكدرو
محطة الخرطوم بحري
محطة الخرطوم
|
الشفيع كويس أنو المناكفة جابت المعلومات القيمة دي...
وبعدين أنت قلت (النمر) بالجمع هذه تنطبق على أكسبريس حلفا من 10 إلى 1 تلك المحطات الصحراوية القاحلة.
نمرة عشرة دي التقاطع زي سنار التقاطع وهيا بيفترق فيها أو يتلاقى قطاري حلفا وكريمة ليتشاركا الخط لعطبرة....
مودتي....
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: قطر كريمة ....داخل ابديس ... (Re: Al-Shaygi)
|
Quote: الشي يقولك قطر كريمي تقولو النمر
أصلك راكب أكسبريس حلفا....؟؟؟
|
تعرف يا الشايقي
قطر كريمة او اكسبريس حلفا كان الواحد منهم لازم يقيف في محطة ابو حمد
علي الاقل ساعة
وطبعا كان الناس يكونوا قاعدين في بيوتم لحدي ما القطر يصل
ويجوا المحطة علي مهلتم
اها في بداية التسعينات غير اكسبريس وادي حلفا بقطر اسمو السيماف
والسيماف دا بقيف فقط ربع ساعة في ابوحمد
السيماف جاء
في واحد جاء جري من حي القلعة لمن وصل لقاهو قام
قال ليهم هي الشئ شنو ..؟
ماسك وضوهو ...؟
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: الشفيع وراق عبد الرحمن)
|
سلامات ياالشفيع
Quote: أحجز لينا بالله معاك
تسطيح في الأولى
وأوعك من التالتة الممتازة
ولازم بطانية صوف ونظارات
عشان برد ابوحمد
وغبار النمر |
التسطيح في الاولي ماحبابو
لانها في الغالب بتكون عربات حديد وسطحها مقوس
احسن حاجة التسطيح في عربات البضاعة علي قول علاء الدين
لكن لوماعندك حاجة تتلفا بها من الغبار
احسن ليك تسطح في التواني او التوالت لانها بتكون خشب
وتقويستا ما كبيرة
وطبعا التسطيح في النوم بجيب الهواء
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: محمد عبدالرحمن محمد)
|
يا سلام يا ياسر والله رجعت لينا ذكريات جميلة في قطر كريمة
من البيات في محطة السكة حديد في الخرطوم للحجز على الدرجة
الثالثة ... وجوافة الجيلي ومناديل شندي وأطول محطات كانت
الزيداب والعلياب ثم عطبرة وبربر ودار مالي وأبو حمد(السوق التحت) وتقاطع نمرة 10
وهذه المحطة كانت المفرق بين كريمة وحلفا وبعده محطة الكاب ثم الدغفلي
(الدغفلي قلبي انقطع) والكاسنجر ثم كريمة وكان لي ذكريات جميلة
في كل محطة ... وتعطيل القطر أيام وليالي بالرغم من أن السفر كان
متعب إلا أن ا لرحلات كانت جميلة بتفاصيلها ...مشكور على الموضوع الرائع
ولكم مودتي
| |
|
|
|
|
|
|
|
|
|
Re: قطر كريمة ....داخل ابديس ... (Re: عادل عوض بلال)
|
يا بيناوى
يا رائع
والله دااااك زمن جميل
والزول الجاى من السفر كان بيقدم الحلاوة(نعناع وحلاوة سعد)
للصغار والكبار زائد سيجارة ماركة لندن وتتعطر من ريحة جامبيت أو خلافه
أى والله .
والناس كلها كانت بتفرح بوصول أى مسافر
الزمن دا المسافر مابيقول للناس مع السلامة.
أهلنا المحس يودعون المسافر بحنية مبالغة مع الدموع الغزيرة كل الناس تبكى
وعند مشاهدتى لذلك أول مرة قلت لهم والله العظيم لو أعلم أن أهلى وعشيرتى يبكون على
مثل بكاكم والله ما فارقتهم
ويا قطر كريمة المشتهنك وفى غيابك بالنا بيك ضمه إنشغل النوم وراك يبقالنا شر
| |
|
|
|
|
|
|
|
|
|
Re: قطر كريمة ....داخل ابديس ... (Re: ابراهيم احمد سليمان)
|
Quote: وعند مشاهدتى لذلك أول مرة قلت لهم والله العظيم لو أعلم أن أهلى وعشيرتى يبكون على
مثل بكاكم والله ما فارقتهم |
Quote: وعند مشاهدتى لذلك أول مرة قلت لهم والله العظيم لو أعلم أن أهلى وعشيرتى يبكون على
مثل بكاكم والله ما فارقتهم |
يا سلااااااااااااااااام ابراهيم والله داك زمن اصلو ما بيتكرر
بتزكر لمن نكون مسافرين يجي عمي قسم السيد او ايي من اعمامي التانين
يجيبوا خروف الزوادة يضبحوهو وتجي عمتي امنة وحبوبة عابدة
وكل الاهل يحمروا لحمة الزوادة
وتقوم عمتي فاطمة تعوس قراصة البلح
وايي زول يجي من ناس البلد عشان يودعنا ويجي شايل معاهو بلح
او قمح او فول مصري دا غير البهارات ( مش عشان الحوجة )
دا كلو كان حنية وتعاضدد
والواحد لوما شلنا حاجتو الجابا لينا بزعل عديييييل
اها لمن تجي لحظات الوداع
وما اصعبها كلل زول يعبر بطريقة مختلفة
ويمشوا معانا لغاية مركب المشرع ( الزمن داك قبل البنطون )
وخلاص تكون الشمس غابت
يللا يقوم مفضل يعدي بينا للشرق
ومعانا كم شاب عشان العفش
ونمشي المحطة ونسأل من القطر
يقولوا لينا بيجي الساعة12
وطبعا اكيد ح يتاخر لغاية الفجر
ياسلااااااااااااااااااااااام
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
ياسر : سلامات .....الله يديك العافيه هيجت علينا شجون وذكريات لم يمحها الزمن .
تداخل الاخوه وسرد الذكريات ارجع لي شريط ذكريات حزينه ومضحكه في نفس الوقت .
قضينا جزء من طفولتنا ونحن نمتطي هذا العملاق قطر كريمه من الخرطوه لزيارة الاحبه علي ضفاف نيل الشمال والعوده به ثانيا .
شكر الشفيع فقد ازحت الصدى عن تلك المعالم والتي رسخت في وجداننا بالرغم من مرور سنين كثيره .
لا انس ونحن نتاوق من خلال الشباك لمتابعة وقراءة اسماء السندات والمحطات الكبيره والتي من امنيات النفس الراسخه ان تسنح لنا بركوب قطر كريمه ها والمرور بنفس الاماكن النديه .
ياليت نلقي صور توثيقيه اكثر .
اتمني واحد تاني يتبرع بسرد مسار البواخر من كريمه وحتي اخر نقطه لها علي النيل
هذه الصوره ارجعتنا لتك الايام بقوه .....احييك تاني
_______________
احي ابوديس وصديق العمر عبدالحفيظ الهدع .
| |
|
|
|
|
|
|
|
|
|
Re: قطر كريمة ....داخل ابديس ... (Re: Mahassin Ibrahim)
|
سلامات يا محاسن
وخليكي معانا هنا علشان عايزين نحكي زكريات كتيرة
| Quote: احي ابوديس وصديق العمر عبدالحفيظ الهدع . |
بالله بتعرفي قريبي دا
صدقي انا اخر مرة لاقيتو ايام زواجو
وتاني الاقبل كم يوم في الفيس بوك
عليكي الله سلمي عليهو شديد
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
ياسر حبابك يابا
والله آآود بناوي اخوي
صورك دي وغناك المرتب ده ونضميك المارق من الجوف ات والمتداخلين
شدة مو حنيـــــــــــــــن لامن شميت ريحة الدعاش والتمر
واشتهيتلي قراصة اللت تمر اتفرشخبها تحت نيمتنا ديم ونعزم اخونا طارق ود ابوي جبريل
عشان يقعد يقابلنا ويتنخج
ونقول كده نناغم لي ود المدير وود البشاري يجوا يخلفولو ويشتمو وود الموج يصوقر سااااااااااي
ياخ تسلم والله
بوست ملانة محنة حد الحنين زاتو
بجيكم صاده كان الله مد في العمر
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
ياسر : أحييك
قريبك صديقي لمتنا الايام السمحه بالجمارك ولم نفترق حتي الان ...الله يديهو العافيه لم اعرف هذه الاماكن بتفاصيلها الا عندما التقيته.
التحيه للرباطاب اصحاب الفطنه والرد السريع الذكي اللماح.
___________________________
كنا ونحن صغار نمتطي قطر كريمه والفرح يحدونا عندما تستطحك عجلات القطر ايذانا بالتوقف في محطه او سنده .
المهم لدى ذكرى حزينه ومضحكه : انا باعتبارى اكبر اخوتي عندما اسمع هذه الحركه اسرع في النزول وراء المرحوم والدى عليه رحمة الله .....هو كان يصر ان لايعرف اخوتي هذه النزله لانهم صغار جدا والسلم اكبر من ارجلهم الصغيره .
المهم في واحده من هذه المحطات فاذا بي اسرع في النزول وانا لم الاحظ تسارع ارجل محمد ( عليه رحمة الله) ورائي يجرى ليلحق بنا وهو نعسان يغالب النوم.
التفت الي الوالد عليه رحمة الله بان محمد ما موجود في القمره بعد ان عليه من الشباك
اتدرون اين كان ؟ لقد انزلق تحت عجلات القطر وراح نايم ...لطف الله هدى الوالد عليه رحمة الله ان يعاين لاسفل ولان الصباح كان باكرا جدا والدنيا ظلام فاذا به يعاين لفلذة كبده وببرائته يتوسد التراب بين القضبان!!!!
| |
|
|
|
|
|
|
|
|
|
Re: قطر كريمة ....داخل ابديس ... (Re: Mahassin Ibrahim)
|
| Quote: .لطف الله هدى الوالد عليه رحمة الله ان يعاين لاسفل ولان الصباح كان باكرا جدا والدنيا ظلام فاذا به يعاين لفلذة كبده وببرائته يتوسد التراب بين القضبان!!!! |
ياسلااااااااااااااااااااااااام يامحاسن ربنا يرحمهم ويحسن اليهم
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
حبيبنا علي
Quote: أخوي الكبير يا بيناوي
وهاشم مسؤل كبير في ابحمد
ولك التحيايا |
طبعا انا عارف انو عمنا بابكر هاشم اخوك
لكن بالجد فرحتني بحكاية صاحبي هاشم البقي مسعول كبير دي
تسلم والله
خالص الود
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
سلامات يا بيناوى ليك ولكل ضيوفك
الصورة جميلة جداً بكل المعايير وجانى مزاج أحللها
القطر يا دوب خاشى أبديس .. ماشى براحة ولسة ما وقف
وده يظهر فى ترقب المسافرين فى مقدمة الصورة
القطر جاى من الشمال ومتجه الى للخرطوم وذلك بالنظر
ليسار ويمين الأفق فاليسار تبدو عليه الخضرة حيث النيل وعلى
اليمين إمتداد الصحراء .. الوقت صباح بعد الثانمنة كما يبدو من الظلال،
والظلال هذه أيضاً تدلنا على نهايات فصل الصيف بميلانها القليل جداً
ناحية الشمال الجغرافى، يؤكد ذلك ايضاً وجود عدد ليس بالقليل من الشبيبة
العائدين من إجازة الصيف إلى جامعاتهم ومدارسهم .. شكراً يا شاب واسمح
لى بحفظها مع تزويدى بإسم المصور إن لم تكن أنت
الأخ محمد الحسن، رجاء السماح بالحفظ والتزويد بالمعلومات
وتسلموايا شبيبة
| |
|
|
|
|
|
|
|
|
|
Re: قطر كريمة ....داخل ابديس ... (Re: ياسر بيناوي)
|
أخونا ياسر
سلام و حباب
يا زول القطر دا ما أدانا الشمش تب و السطوح بقى زى نار جهنم
ان شاء الله تكون كنت قريب لى العربية المسطحين فيها طه سورج ومحمد طه و المجذوب احمد طه
و هم يغنوا مع ابوعبيده عبدالحليم طول الليل فى
النجمة ديك تشهد على سهران وحيد
اشكى الليالى المرة ساهى البال شريد
الغريبة نزلت تحت لقيت ليك مامان مع بطان القرير الجايين من المدرسة الصناعية يغنى ليهم بى طمبوره فى
القعود يا ناس القعود فى جناين شندى مولود
و الله انها ذكريات لا تنسى و ايام جمعتنا و عرفتنا بمجموعات ستظل فى الذاكرة ابدآ إن شاء الله
| |
|
|
|
|
|
|
|
|
|
Re: قطر كريمة ....داخل ابديس ... (Re: حيدر بشير)
|
حيدر بشير سلامات
| Quote: و الله انها ذكريات لا تنسى و ايام جمعتنا و عرفتنا بمجموعات ستظل فى الذاكرة ابدآ إن شاء الله |
ياخوي نحن مسطحين فوق التواني ومعانا ولادا غناي خلاس
والله وكت ينقرش الطمبور ويقول كدي يغني
جدي الخلا الجفال .... فرع الجناين المال
ياشتلة الياسمين .... يانقله يانوار
والله قمة الابداع
ياخي شكرا علي المرور
خالص الود
| |
|
|
|
|
|
|
| |
ياسر بيناوي
محمد عبدالرحمن محمد
mahmed alhassan
الشفيع وراق عبد الرحمن
علاء الدين يوسف علي محمد
Al-Shaygi
علي الكرار هاشم
عادل عوض بلال
ابراهيم احمد سليمان
اسماء الجنيد
منعمشوف
فيس بوك
تويتر
انستقرام
يوتيوب
بنتيريست