نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 عاوزين نعرس...
|
لو فضلنا ننتظر لما وضعنا يتحسن..الله اعلم نقدر بعد داك عليهو..
يمين تلتين الشباب هسه..الواحد فيهم لو مشى الدكان وجا راجع نفسو ينقطع
|
|
 
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
محتاجين ثورة..خصوصا فى السقط ده..
ثورة على المفاهيم البذخية والاستهلاكية القديمة والحالية فى نمط الزواج
ناس تلاتة قدور صندلية ومحلبية..تلاتة ارادب ... غدى .. تلاتة ارادب ... عشا وبرضو نسيبة السجم تقول شوية
سوزكى الشطة وقندرانى الفتة بعد ده مافى داعى ليها..
| |
|
|
|
|
|
|
|
|
|
Re: عاوزين نعرس... (Re: اشرف السر)
|
| Quote: وابعد من شلل العزابة المتخاذلين |
حبابك يااشرف
تعرف المشكلة مافى العزابة..ديل مساكين..
اصحابنا العرسوا اصلو ما شجعونا على الفكرة..ماعارف حسادة منهم
ولا هم جادين وقلبهم علينا؟
| |
|
|
|
|
|
|
|
|
 Re: عاوزين نعرس... (Re: اشرف السر)
|
Quote: يا زول عرس ساي
الحبة ما بتجيك
وابعد من شلل العزابة المتخاذلين |
والله يامحمد عوض ياخوي أخونا أشرف السر دا عاوز يشيب ليك رأسك ساي
النجيضه أعمل رايح من الموضوع دا بتكون مرتاح البال دي نصيحه من
أخوانا السلكوا الطريق دا قالوا لم يجنوا سوي ذهاب المال وعدم راحه البال .
تحياتي لك ولضيوفك .
| |
|
|
|
|
|
|
|
|
|
Re: عاوزين نعرس... (Re: فايزودالقاضي)
|
Quote: محمد سلام ..
ورينا ناقصك شنو ؟
هل المشكلة مادية ولا شنو تحديداً عشان نساعدك* ؟!!
ـــــــــــــــ
*بالنصيحة |
غايتو يا ودالقاضى لو نصيحة زول معرس مافى داعى ليها..بعدين
تعال بشر ساكت كفاية منك..
تحياتى يا ملك..وجد مداخلتك خلتنى اضحك براى زى المجنكس
| |
|
|
|
|
|
|
|
|
 Re: عاوزين نعرس... (Re: محمد الجيلى)
|
Quote: ياخ خليكـ رايق
وتاني جاب سِيرة البحر
ــــ
أُناشد بكري يقلع هذا الباسويرد |
ياابوحميد..سلامات
ياخى انتا الوحيد المتذكرنى كويس وفاكر البوست داك
الروقة دى الا بعد نلم فى البوردابية
| |
|
|
|
|
|
|
|
|
 Re: عاوزين نعرس... (Re: مُحَمَّدٍ عِوَضٌ احْمَدُ)
|
الحكاية بسيطة جدا..ماعارف معقدنها كده ليه عندنا..
ايوه اى حاجة طارت السما....
بس الحب موجود..وهو السبب الرئيسى لاستمرار اى حياة زوجية..مستقرة..قبل كل اموال الدنيا
نعم المراة عندنا لا تقدر بثمن..ولكن..الظروف الان وغدا..لا تسمح..الا بالقليل..
لا حوجة للضغط على كل شئ من اجل مظاهر بالية .
| |
|
|
|
|
|
|
|
|
|
Re: عاوزين نعرس... (Re: مرتضى احمد عبد القادر)
|
| Quote: أصلو العرس بالفاتحة يا ناس ما حلال ؟؟ حلااااااااااااااال |
دى اغنيتى المفضلة ياخى..وقبال كده طلبتها من فنان شاب فى عرس فخخه كده..واصلو
ماغناها لى..
| Quote: قلته لي الزومة منضايقي |
ضيق شديد الله لاوراك ليهو
تسلم يا مرتضى وشكرا على المرور
| |
|
|
|
|
|
|
|
|
|
Re: عاوزين نعرس... (Re: جمال الباقر)
|
| Quote: نقدر على شنو ؟؟؟؟؟؟؟؟؟؟ |
غايتو عندكم اسئلة يا العزابة..
المسئولية يا جمال..ياخ..!!
قالوا الحكاية ده اصلو ما ساهلةوكل ما الزول
كان شباب..بقدر على قطع اشواط الزواج كلها بكل هدوء
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
بناتنا السمحات و..حبوباتنا وخالاتنا..اريتهم بعد يصحو شوية..ويفهمو الحاصل..
نوعية الراجل البغنو ليهو زى ده..بقت نادرة..زى رجل المستحيل..
Quote:
عبولو من كم شهر
الدخرى يا صيفى وشتاى..
يا جناى يا غيم المطر ديمه من هاك ما فتر
تمساحن حجر البحر...
الطامح يا بحر الرضا..
للضيوف النار وقادا
والجبال والدو بيسندا.. |
حاليا الواحد لو قطع كبرى ابوعنجة يكون ما قصروالله.أو جاكم راجع من سوق ستة سليم و نقط ليكم كل شهر نوقطة واحدة..وستر عيالو ومرتو كفاية..
والضيوف ذاتم بقو يجو دقائق يضربو الأستيم...ويتفككو..
الوالد..لا بسند ولا حاجة..ولو جيت قلت ليهو يابا داير مساعدة عشان اعرس..
يقول ليك يا عم روح..انا لما عرستا امك دى مافى زول ادانى تعريفة..
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
يلا ربنا يسهل للكل..العزابة..بالذات..العندهم زوجات ان شاء الله ما يشوفو غيرهن تانى..
عموما الواحد نفسو كده..لما يكون مساهر..مع صحابو..
يضربو ليهو تلفون..ويمشى بيهو على جنبة كده ويرد..ويوسوس براحه..براحه..
ولا تجى المدام وراهو مشلهتة..وتكورك فيهو هوى مالك اتاخرتا..؟ انا ما بضرب ليك من قبيل والعشا بقا بارد..ياخ..!!
غايتو انا و اخوى الكاشف داك..بنقعد لما يجونا ناس السوراى يطرودنا..يلا قومو امشو اهلكم يا شباب..اصلو مافى زول طارينا..ولا جايب خبرنا..
نرجع نتلصق بالحيط.. ونتحككـ فيها زى الغنم..نشلت فى الحجار..ندخل بيوتنا زى الحرامية..
نتلفت يمين ..شمال..وتعاين لى لمبة الحمام..امكن ابونا يكون صاحى..ويشدنا
لمن نآمن..كنتو وين..وجيتو من ياتو داهية هسه؟
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
نسيت اقول ليكم
انى قبل يومين سألت المأذون بتاعنا فى الحلة عوض السيد ود الحسين
قلت ليهو هسه الواحد لو داير يجيبك تعقد ليهو بى كم..القسيمة دى؟؟
- بى 150 يا ولدى..بس لو ليك انتا بى مية الف بس..ان شاء الله
- ما بتقصر والله يا عمنا..
- طيب الورقة بتاعة الطلاق بى كم؟
- 80 الف جنيه ..
و كمان قال لى فيها 4 شهور بتدفعا ماعارف لى شنو بالضبط..
ياريت واحد فقيه كده يوضح لينا..ليه تدفع وانتا عاوز تعرس..وعاوز تطلق برضو
تدفع..
| |
|
|
|
|
|
|
|
|
|
Re: عاوزين نعرس... (Re: بكري عباس علي)
|
يعني أغنية زكي عبد الكريم " يا ناس العرس بالفاتحة ما حلال" بقت كلام شمار في مرقة,
وبعدبن انا شايفة فايز ود القاضي قال مستعد للمساعدة المادية, ودايرين نصيحة الناس المتزوجين قالوا ليك شنو؟؟
| |
|
|
|
|
|
|
|
|
|
Re: عاوزين نعرس... (Re: بكري عباس علي)
|
Quote: كــــــده كاااااااااااااااااااك
وكدة زووووووووووووووووووط |
صباح الحب...
يابكري عباس علي
كاااك واضحة..لكن الزو..التانية بالغت فيها يا حبيب
| |
|
|
|
|
|
|
|
|
 Re: عاوزين نعرس... (Re: مُحَمَّدٍ عِوَضٌ احْمَدُ)
|
Quote: ياابوحميد..سلامات
ياخى انتا الوحيد المتذكرنى كويس وفاكر البوست داك
الروقة دى الا بعد نلم فى البوردابية |
أهلين يا عريس
عايز أقول ليكـ حاجة ياخ:
كُلنا هذا الرجل
عشان كدا شغال ليكـ روِّق يا بُرعي
ـــــــ
العزوبية حرية بايخة*
*مثل لزول عايز يعرس
| |
|
|
|
|
|
|
|
|
|
Re: عاوزين نعرس... (Re: محمد الجيلى)
|
محمد عوض احمد
سلام
غايتو ما عارف لو نصيحتي دي بتفيدك!
لكن,
يا زول اربط نصك و كلم ناسك,
صدقني الحكاية تتم في رمشة عين,
لكن بعد داك, you are on your own
او كما يقال, تاكل نارك!
--
اوعى اكون جهجهتك!!!!!
| |
|
|
|
|
|
|
|
|
|
Re: عاوزين نعرس... (Re: بدر الدين احمد موسى)
|
Quote: محمد عوض احمد
سلام
غايتو ما عارف لو نصيحتي دي بتفيدك!
لكن,
يا زول اربط نصك و كلم ناسك,
صدقني الحكاية تتم في رمشة عين,
لكن بعد داك, you are on your own
او كما يقال, تاكل نارك!
--
اوعى اكون جهجهتك!!!!! |
يابدر
تسلم كتير..وجيدن جيت..
ونار اكتر من العزوبية مافى..بعد ده على قولك نربط اى حاجة ونتوكل على الحى الذى لايموت
انا بعرف ناس جابو الطفل التانى ولسه بدفعو فى اقساط العفش وغرفة النوم..وامورهم ماشه
تمام التمام..
| |
|
|
|
|
|
|
|
|
|
Re: عاوزين نعرس... (Re: بدر الدين احمد موسى)
|
يا محمد عوض ..
جننتنا جن في البرد ده
هسي يعني نشتغل ولا نفكر في العرس ولا نسوي ............... شنو
و نلعق الجراح ..... ولا ننكأ الحزن
.............(وش مربوط فيه هلال عرس) ....
| |
|
|
|
|
|
|
|
|
Re: عاوزين نعرس... (Re: omar alhag)
|
Quote: يا محمد عوض ..
جننتنا جن في البرد ده
هسي يعني نشتغل ولا نفكر في العرس ولا نسوي ............... شنو
و نلعق الجراح ..... ولا ننكأ الحزن
.............(وش مربوط فيه هلال عرس) .... |
ود الحاج..حبابك يادفعة..
يازول الحق..وخليك من بكره..
اولادك هم بس بعدين البشدو حيلكـ..
وبعد العرس اى جرح تلقائيا بلتئم..اى حاجة فيك بتزيد حتى وزنك
ذاتو بزيد..
| |
|
|
|
|
|
|
|
|
|
Re: عاوزين نعرس... (Re: محمد الجيلى)
|
Quote: أهلين يا عريس
عايز أقول ليكـ حاجة ياخ:
كُلنا هذا الرجل
عشان كدا شغال ليكـ روِّق يا بُرعي
ـــــــ
العزوبية حرية بايخة*
*مثل لزول عايز يعرس
|
ياحمادة
برعى ده لكن ماقال الروب وتعب عديل كده..
اصبحنا نخشى الفتنة ياخ
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Quote: سلام
يا محمد اخوي
انت في نعيم
كدا ناضل لينا شوية بعدين تعال للشغلانة المهببة دي
تحياتي |
مراحب يا اخى الكريم عبدالعزيز
اناضل وين..ولى شنو..وعشان منو..؟
مسألة العمل الجماعى انتهت فى السودان قبل سنين..اى زول حسه
شايت براهو..واخوك بصراحة كده ماليهو فى السياسه كتير..
انا زول عرس ساكت..
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
يا زول مالك مسخن كدة...
كان داير نصيحتي ...خليك كدة.... لا حصة فطور لا دفتر حضور.
خذوا الحكمة من أفواه المتزوجين...(مثل)
قيل و(العهدة علي الراوي) أن جحا سئل عن رأيه في هذا الامر عقب زواجه بمدة فقال...لعن الله الذين تزوجوا من قبلي والذين تزوجوا من بعدي...فقيل له ما ذنبهم؟ فقال( الذين تزوجوا من قبلي لم ينصحوني ..والذين تزوجوا من بعدي نصحتهم فلم يستمعوا لنصيحتي).
دحين يا خوي علشان ما تلعنا بعدين زي جحا ده ترانا اديناك النصيحة بي قولو.
(لكن تحت تحت كدة كان لميت في البوردابية ديك ... عرس ساي الحبة دي ما بتجيك).
(عدل بواسطة ابوبكر قسومة on 01-18-2011, 02:45 PM)
| |
|
|
|
|
|
|
|
|
|
Re: عاوزين نعرس... (Re: الطيب العامرى)
|
Quote:
مراحب يا اخى الكريم عبدالعزيز
اناضل وين..ولى شنو..وعشان منو..؟
مسألة العمل الجماعى انتهت فى السودان قبل سنين..اى زول حسه
شايت براهو..واخوك بصراحة كده ماليهو فى السياسه كتير..
انا زول عرس ساكت.. |
ياخوي محمد
الأشياء دي مترابطة...
شفت براك زيادة البنزين دي عملت شنو في كل جوانب الحياة..
كلنا مالينا في السياسة.. بس عايزين نعيش مرتاحين ومكرمين والواحد يعرف انه انسان ليهو حقوق وواجبات..
تعرف يا أخي انا للحظة هذه بشوف الشئ الحصل في تونس ده زي الحلم.. وكنت على ثقة تامة بأنهم آخر من يثور من بين شعوب العالم..
خلاص.. ما أخرمج ليك البوست ده..
بس كلام صحبي العامري ما تسمعه.. وتتورط.. وتفقد مالك عشان يقول ليك العبارة التجاملية دي...
شفت الناس الغنوا لينا أسمر جميل ديل بيدوك من طرف, بس تتخارج بيها..
ولو سوريا بعيدة.. أترك أهليك ذات مساء وترنح برا حتى تصل أهلنا الحلوين الأمهرا..
ولو وصلتنا هنا.. تعرس واحدة وتأخد أختها هوادة..
مودتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
الاخ مُحَمَّدٍ عِوَضٌ احْمَدُ
سلام كتييير
Quote: لو فضلنا ننتظر لما وضعنا يتحسن..الله اعلم نقدر بعد داك عليهو..
يمين تلتين الشباب هسه..الواحد فيهم لو مشى الدكان وجا راجع نفسو ينقطع |
ياخوي و الله دي حالة اخير منها العرس عديل
الاخ بكري عباس على
Quote: ما تشوف الحركات بتاعت ينادوه للعشاء عشان مايبرد وكده دي جلكسات سااااااااااي
بيكونوا دايرين يرسلوه الدكان يجيب اللبن للاولاد
اسالوا االمجربين ياخي |
ياخي و الله ضحكتني ضحك ..... قلت لى الما عارف يقول عدس ... اضحك الله سنك
الاخ Abdlaziz Eisa
سلامات
| Quote: ولو وصلتنا هنا.. تعرس واحدة وتأخد أختها هوادة.. |
اها انتوا وييين يا نا الجاينكم ....... طوالى العنوان و الذي منه على الايميل
بس الناس الوراهم كوم لحم زينا كدة برضوا بدوهم الهوادة
| |
|
|
|
|
|
|
|
|
 Re: عاوزين نعرس... (Re: adam alamar)
|
adam alamar
حبابك آلاف..
Quote: اها انتوا وييين يا نا الجاينكم ....... طوالى العنوان و الذي منه على الايميل
بس الناس الوراهم كوم لحم زينا كدة برضوا بدوهم الهوادة |
طبعا فى اول البوست ده قلت الناس العندهم زوجات ان شاء الله ما يشوفوا غيرهم..
فـ شنو الله يحفظ ليك عيالك ديل وابقى عشرة على الحب الاول ياخ..
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Abdlaziz Eisa
حبابك من تانى..
Quote: الأشياء دي مترابطة...
شفت براك زيادة البنزين دي عملت شنو في كل جوانب الحياة..
كلنا مالينا في السياسة.. بس عايزين نعيش مرتاحين ومكرمين والواحد يعرف انه انسان ليهو حقوق وواجبات..
تعرف يا أخي انا للحظة هذه بشوف الشئ الحصل في تونس ده زي الحلم.. وكنت على ثقة تامة بأنهم آخر من يثور من بين شعوب العالم.. |
الاشياء مترابطة نعم..والزيادات كانت خطأ ايضا..ولكن خطوات الاحتجاج..
سيكون لها ضحايا ايضا..لدى اصدقاء (خريجين جامعيين) يخدمون فى محلات بسيطة
فى وسط السوق العربى..اصبحو يخشون من قيام اى اضطراب خوفا على بضاعتهم التى
لا تساوى الكثير..من الذى يضمن لنا فى حالة التظاهر عدم الفوضى؟
Quote: بس كلام صحبي العامري ما تسمعه.. وتتورط.. وتفقد مالك عشان يقول ليك العبارة التجاملية دي...
شفت الناس الغنوا لينا أسمر جميل ديل بيدوك من طرف, بس تتخارج بيها..
ولو سوريا بعيدة.. أترك أهليك ذات مساء وترنح برا حتى تصل أهلنا الحلوين الأمهرا..
ولو وصلتنا هنا.. تعرس واحدة وتأخد أختها هوادة |
والله يا عمك ايوه ديك لونهم كمان ابيض جميل ..بس طقوس السودانية الجمالية..دييييييييك
ما بقدرن عليها.. بعدين بناتنا سمحات..وانوثتهن ذاتا ممزوجة بى ضكرنة عجيبة..وصبرهن
ماليهو حد..
| |
|
|
|
|
|
|
|
|
|
Re: عاوزين نعرس... (Re: الطيب العامرى)
|
Quote: يا زول إتوكل على الله وعرس
عشان بعدين نقول ليك الجاتك فى مالك سامحتك |
الطيب العامرى
مساء النور..
هو وينو المال..؟
العندو قروش ما بسويلو بوست بعرس طوالى
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
يا واخد القرد على ماله يروح المال ويفضل القرد على حاله
==============
في عهد وصل فيه سعر جرام الذهب إلى مبلغ كان يكفي لشراء عشرة جرامات قبل عشرين عاماً
ووصلت فيه مستويات الأجور إلى الحضيض وارتفعت فيه تكاليف المعيشة إلى السماء .....
هل ستفهم الفتاة السودانية ......... أن ما تطلبه مستحيل ؟
لماذا تمكنت الهندية والفلبينية والسيلانية والإنجليزية والأوربية والآسيوية والأفريقية من فهم هذا الواقع وبناء حياتها عليه
وفشلت السودانية في كل شيء إلا تخذيل من يريد الزواج بها
| |
|
|
|
|
|
|
|
|
|
Re: عاوزين نعرس... (Re: Hani Arabi Mohamed)
|
هلا يا هانى..
ومداخلة قوية بلا شك..
Quote: في عهد وصل فيه سعر جرام الذهب إلى مبلغ كان يكفي لشراء عشرة جرامات قبل عشرين عاماً
ووصلت فيه مستويات الأجور إلى الحضيض وارتفعت فيه تكاليف المعيشة إلى السماء .....
هل ستفهم الفتاة السودانية ......... أن ما تطلبه مستحيل ؟ |
المشكلة ايضا فى الشاب السودانى..الذى يخشى ان يخطو خطوة واحدة جادة نحو البداية
يعنى ممكن تلقا زول بحب ليهو عشرة او خمسة سنوات..والبت كل يوم تحنس فيهو تعال لى ابوى
تعاااااال..وهو يقول ليها اجى بى شنو انا ماعندى..حاجة..! الشباب ذاتهم بقو بتاعين فشخرة
عاوز يعرس فى صالة..وعاوز ..وعاوز..وكمان اخيرا بقا فيها عتالة يشيلو العروس...
البعرفو انو لسه فى رجال..ولو جيت دقيت بابهم اصلو ما بشترطو عليك..المهم تكون شغال..
وعندك البستر حالك..وحال بتهم..يدوك ليها..ومعاها بوسة كمان
Quote: لماذا تمكنت الهندية والفلبينية والسيلانية والإنجليزية والأوربية والآسيوية والأفريقية من فهم هذا الواقع وبناء حياتها عليه
وفشلت السودانية في كل شيء إلا تخذيل من يريد الزواج بها |
هذا سؤال كبير..وفى انتظار تعليقات من بنات حواء..؟
عموما انا اتفق معاك تماما..هنا..
تحياتى وشكرا..لك على اثراء الموضوع..بهذا الطرح الجميل
| |
|
|
|
|
|
|
|
|
|
Re: عاوزين نعرس... (Re: Hani Arabi Mohamed)
|
الاخ محمد سلامات,
ما تمشي يمين وشمال تعال انا اديك عروس جاهزة باولادها كمان. ها ها ها ...
والله بوست رائع وسط هذا الكم من القرف الحاصل.
طبعا الزواج في السودان اصبح كله مظاهر في مظاهر. لو وجدت بنت الحلال القنوعه فتوكل علي الله.
اتمني لك التوفيق.
| |
|
|
|
|
|
|
|
|
|
Re: عاوزين نعرس... (Re: ياسر إدريس حسن)
|
اخونا ياسر منور البوست ياحبيب
| Quote: ما تمشي يمين وشمال تعال انا اديك عروس جاهزة باولادها كمان. ها ها ها |
طبعا مافيها حاجة..ممكن عادى الواحد يتزوج مطلقة..بس بى عيالها دى صعبة شوية..
لأنك لن تضمن معاملتهم بشكل متساوى مع اخوانهم الجدد..لاحقا
Quote: والله بوست رائع وسط هذا الكم من القرف الحاصل.
طبعا الزواج في السودان اصبح كله مظاهر في مظاهر. لو وجدت بنت الحلال القنوعه فتوكل علي الله.
اتمني لك التوفيق. |
طبعا الزمن ده عشان تلقا بت الحلال لازمن تبقا انتا ود حرام ومقرم..
| |
|
|
|
|
|
|
|
|
 Re: عاوزين نعرس... (Re: Hani Arabi Mohamed)
|
Quote: خلال الفترة من 2002 إلى 2004 كنا في زيارات متواصلة للهند بغرض الدراسة ....
خلال زيارتنا لمدينة حيدر اباد في 2003 تعرّف زميلنا (م) على فتاة هندية .... ثم زار منزل أهلها ..... وتعرف عليهم وأعجب باخلاقهم .....
تزوج (م) ...... وكلّف زواجه مبلغاً لا يكفي لعزومة في مطعم في الخرطوم ...... وجلب معه بعض الهدايا للعروس (نظام شيلة) ... رفض والد العروس استلام الهدية وقال للعريس ان ذلك سيعلم البنت الجشع ووصاه بأن يحتفظ بالهدية ويعطيها للبنت على دفعات متقطعة .....
بدأ (م) حياته في شقة مؤجرة في مدينة بونا ..... وخلال عشرة سنوات امتلك منزلاً في نفس المدينة وأسس شركة لمبيعات المحركات وحقق أرباحاً جيدة ..... ورزقه الله الذرية الصالحة من حبيبته الهندية الجميلة .....
بدأ (م) بلا شيء.... وكانت زوجته خير عون له في تسيير أعماله وفي تنظيم حساباته وفي ضبط أموره كلها ..... |
حكمة الاب الهندى..وجمال البنت..وشجاعة ولدنا (م)..ربنا يحفظو ويزيدو كمان..
قصة اتمنى ان تقراء بشكل جيد من حلاوتنا الوطنية..
غايتو بالطريقة دى..ح نجى الهند..ياهانى..
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
لماذا تمكنت الهندية والفلبينية والسيلانية والإنجليزية والأوربية والآسيوية والأفريقية من فهم هذا الواقع وبناء حياتها عليه
وفشلت السودانية في كل شيء إلا تخذيل من يريد الزواج بها
<<<<<<<<<<<<<<<<<<]
عزيزي هاني عربي
المشكلة ما في البنت السودانية لكن المشكلة في الشاب السوداني وهو الذي يريد أن يكون حفل زواجه حفل فخيم ويتحدث به الناس ومعظم الأسر السودانية تريد الشاب المستقيم والمسؤول زوجا لبنتها ودون فرض أي شروط تتعلق بالمهر وحفل الزواج ولكن الشاب هو الذي يصر على ان يكون زواجه مناسبة لا تنسي والمشكلة هي انه وبعد ان يصرف كل هذا الصرف في هذا الزواج الذي يحمل عناصر فشله منذ بدايته ينتهي بسرعة ويتم الطلاق بأسباب واهية جدا.. وعشان كدة يا هاني ما ترمي اللوم كله على البنت السودانية فمعظم البنات السودانيات قنوعات جدا و لا يبحثن عن الفشخرة والفخفخة وخاصة فيما يتعلق بالزواج .. نعم ربما تكون هناك فتيات يبحثن عن تلك الأبهة والفخفخة في العرس ولكنهن قليلات ولا يشكلن أغلبية وفي كل مجتمع أمثلة سيئة،،
أظن شباب اليوم هو الذي غير نظرة الزواج من مؤسسة تربوية ناجحة تهدف لبناء أسرة سعيدة إلى مؤسسة فاشلة تقوم على الفخفخة والفشخرة التي لا تدوم مع هذا الزمن القاسي .
والله يديك العافية
| |
|
|
|
|
|
|
|
|
|
Re: عاوزين نعرس... (Re: اميرة السيد)
|
Quote: الاخ Abdlaziz Eisa
سلامات
Quote: ولو وصلتنا هنا.. تعرس واحدة وتأخد أختها هوادة..
اها انتوا وييين يا نا الجاينكم ....... طوالى العنوان و الذي منه على الايميل
بس الناس الوراهم كوم لحم زينا كدة برضوا بدوهم الهوادة |
العزيز/ adam alamar
ياخي كدا اصبر لينا شوية وخلينا نصل لحل مع حبيبنا محمد عوض ده ياخ..
الزول ده ما عايزين يفك آخره إلا على النجيضة...
الناي القصار ديل لي قدام رغم ضيافتهم لينا الجميلة...
مودتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Quote: لاشياء مترابطة نعم..والزيادات كانت خطأ ايضا..ولكن خطوات الاحتجاج..
سيكون لها ضحايا ايضا..لدى اصدقاء (خريجين جامعيين) يخدمون فى محلات بسيطة
فى وسط السوق العربى..اصبحو يخشون من قيام اى اضطراب خوفا على بضاعتهم التى
لا تساوى الكثير..من الذى يضمن لنا فى حالة التظاهر عدم الفوضى؟
Quote:
والله يا عمك ايوه ديك لونهم كمان ابيض جميل ..بس طقوس السودانية الجمالية..دييييييييك
ما بقدرن عليها.. بعدين بناتنا سمحات..وانوثتهن ذاتا ممزوجة بى ضكرنة عجيبة..وصبرهن
ماليهو حد.. |
عزيزي/ محمد عوض
الثورة والفوضى بينهم خيط رفيع... فأهل الغرض الخاص يزيدون الطوم ولكن همهم في الفوضى طبعا.. ويترصون لكل سانحة...
في مارس/ أبريل 1985م نطلع المظاهرات وبعض الطفيليين كسروا غرفنا ودواليبنا في الداخليات ونهبوا كل شئ..
لما الإنتفاضة نجحت نسينا الحسرة على ما فقدناه..
ياخوي الجمال ليس باللون, ولا في البياض,, الفيتشر السودانية أحلى... لكن الطقوس السودانية تغيرت في الكواليتي.. وبنات الألفية الجديدة باقي ليك بيعرفن (الكبريت.)..
ما كبريت النار!!!
انت طلعت من الشرك.. لكن اوقعت نفسك:(.وانوثتهن ذاتا ممزوجة بى ضكرنة عجيبة) أها أركز في كلامك مع أميرة وداليا..
تحياتي
| |
|
|
|
|
|
|
|
|
|
Re: عاوزين نعرس... (Re: صبري طه)
|
Quote: كامل تضامني مع الأخ مُحَمَّدٍ عِوَضٌ احْمَدُ
وخاصة في الشتاء
ــــــــــــ
يا عمّك اسمك دة إلاّ نسختو ولصقتو
ذكّرني المصحف الشريف |
الأخ العزيز \صبرى
شكرا للمساندة..وفى السقط ده اهم مصدر الحرارة ..
دفء الزوجة والابناء
الله يدينا بس
__________
طبعا حكاية اسمى دى دايرة بوست..براهو..
طبعا هو غلط..فى التشكيل..من تحت لى فوق..
ولما رسلت لى الاخ بكرى قلت النجرب حكاية قوقل دى..ونتفلهم شوية كده 
ولم اتوقع ان يقبل طلبى..للأنضمام بهذه السرعة..اها بعد ده الفاس وقعت فى الراس ولا اعتقد ان هناك مجال
لتغيير الاخطاء او الاسم..لو فى طريقة كلمونا..واتوسطو لينا عند الريس
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
سلامات يا عبدالعزيز
غايتو اصلو ما قصرت ما اخوك..الله يديك العافية..شوف لينا النجيضةبسرعة
قبل تبرد..ونبرد احنا ذاتو
| Quote: الزول ده ما عايزين يفك آخره إلا على النجيضة... |
Quote: الثورة والفوضى بينهم خيط رفيع... فأهل الغرض الخاص يزيدون الطوم ولكن همهم في الفوضى طبعا.. ويترصون لكل سانحة...
في مارس/ أبريل 1985م نطلع المظاهرات وبعض الطفيليين كسروا غرفنا ودواليبنا في الداخليات ونهبوا كل شئ..
لما الإنتفاضة نجحت نسينا الحسرة على ما فقدناه |
يا اخى الكريم.. زمانكم غير..هذا ..
من سيطلع المظاهرات الان واغلب الشباب دفعتهم الظروف للأنضمام للشرطة او الامن نفسه؟
لو حدث شئ..فى هذه الظروف فاخشى ان تكون مواجهة..كبرى..بين فئات الشعب المؤيدة والمعارضة للنظام..
Quote: ياخوي الجمال ليس باللون, ولا في البياض,, الفيتشر السودانية أحلى... لكن الطقوس السودانية تغيرت في الكواليتي.. وبنات الألفية الجديدة باقي ليك بيعرفن (الكبريت.)..
ما كبريت النار!!!
انت طلعت من الشرك.. لكن اوقعت نفسك:(.وانوثتهن ذاتا ممزوجة بى ضكرنة عجيبة) أها أركز في كلامك مع أميرة وداليا..
تحياتي
|
الاغنية بتاعة خليل فرح .. (عزة) حتى بعد ما رددتا فى عهد الحداثة ..نانسى عجاج
انتى يا الكبرتوك البنات فاتوكـ..ياكافى البلا اصلن ما سمعن بيها..؟
الضكرنة دى شكلى دقست فيها فعلا ..دقيقة هسه بشوف
ليها مخارجة
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
اختنا اميرة
ازيك
| Quote: المشكلة ما في البنت السودانية لكن المشكلة في الشاب السوداني وهو الذي يريد أن يكون حفل زواجه حفل فخيم ويتحدث به الناس |
بس في الحتة الفوق دي انا شايف انك عكستي الاية علي حسب مشاهداتنا المتواضعة نجد ان البنت واهلها هم من يطلبوا ان يكون الزواج بمظاهر مكلفة وزي بنات الناس التانيين لانهم ما دافعين حاجة والعريس لانو هو البدفع فمن مصلحته انه الزواج يكون مبسط وباقل تكاليف حتي ولو كان يملك المال فبالتالي مافي زول عاقل ببعذق قروشو في المظاهر الكذابة
ولا رايك شنو ؟
| |
|
|
|
|
|
|
|
|
|
Re: عاوزين نعرس... (Re: بكري عباس علي)
|
الابن محمد عوض
ابنائى العزابة
نصيحة لكم .. مْن اراد منكم الزواج فعليه بكرة القدم .. فهى آملكم فى الحصول على " الباع " .. اى المهر !
كل المطلوب :
صلح لياقتك ..
بطل السجائر و التمباك و السهر ..
ابتعد عن الجكس و ما شابهه ..
ما ضرورى تكون بتعرف تثبت الكورة او تحاور او تشوت بين الخشبات
اللعب بالرأس .. فى اى اتجاه مقبول
ان تكون " قندف " فى لعبك .. يعنى تلعب بالكعب .. بالركبة ممكن ..
اهم حاجة .. تشوف جماعة من اصحابك يعملوا ليك دعاية .. من نوع :
يا زوووول دا منقطا .. شوتو ليها صوت .. يحاورك فى فنجان .. تقول لى " ميسى " ؟
اما اذا كان لاحدكم صديق فى صحيفة رياضية .. فقد ضمن عرس مدنكل .. و ترباس يغنى ليه .. انت المهم !!
اما اذا كان لك معرفة لاحد سماسرة اللاعبين - مكتشف لاعبين - .. فقد عرست و ضمنت الشقه و السيارة – طبعا كلو بحقو - وبارك الله فى منْ نفع و استنفع !!
كان ما مصدقينى .. ارجعوا شوفوا مباريات الفريق القومى الاخيرة .. عليكم الله انتو ما احسن من كل الذين مثلونا فى دورة حوض النيل الاخيرة بالقاهرة .. و طيب !!
عليكم بكرة القدم .. ففيها خلاصكم .. و .. أملكم فى ضم " حنانكم " الى صدوركم !!
اها .. قصرت معاكم ؟
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
Quote: يا اخى الكريم.. زمانكم غير..هذا ..
من سيطلع المظاهرات الان واغلب الشباب دفعتهم الظروف للأنضمام للشرطة او الامن نفسه؟
لو حدث شئ..فى هذه الظروف فاخشى ان تكون مواجهة..كبرى..بين فئات الشعب المؤيدة والمعارضة للنظام..
Quote
الاغنية بتاعة خليل فرح .. (عزة) حتى بعد ما رددتا فى عهد الحداثة ..نانسى عجاج
انتى يا الكبرتوك البنات فاتوكـ..ياكافى البلا اصلن ما سمعن بيها..؟
الضكرنة دى شكلى دقست فيها فعلا ..دقيقة هسه بشوف
ليها مخارجة |
عزيزي/ محمد عوض
ياخوي النجيضة في الطريق.. وكل شئ يتيسر ان شاء الله..
ما عايز اتكلم كثير في السياسة عشان البوست غير...
بس شئ بسيط... التوانسة زي ما قلت لك من قبل, هم للبلة ما مصدقين بن علي راح.... ونحن عندنا رصيد تاريخي... عندنا ساس.. أهلها وأكثر..
المهم............
المكبرتة دي شئ تاني...
ياخي اخواتنا في المنبر بقينا نعمل ليهن ألف حساب..
حواء السودانية حقها محفوظ..
لكن الضكرنة دي أمسك فيها ملوص واتخارج..
لك مودتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Abdlaziz Eisa
مساء النور..والحوار معك ممتع.. وان كان هناك بعض الاختلاف فى الرؤى السياسه
لكن الحمدلله شكلنا متفقين فى حكاية العرس دى..
Quote: المكبرتة دي شئ تاني...
ياخي اخواتنا في المنبر بقينا نعمل ليهن ألف حساب..
حواء السودانية حقها محفوظ..
لكن الضكرنة دي أمسك فيها ملوص واتخارج.. |
قصة الكبريت عاوزة شرح..بشكل اوضح..لو كان مافيها حاجة يعنى..!
الضكرنة دى..اخوك ماسك فيها..ماعارف ليه..كل ما اتكيف شديد من موقف لأى انسانه اعرفها
طوالى اقول براى والله دى بت ضكرة خلاص..غايتو ما اظن فيها ريحة تمييز..
| |
|
|
|
|
|
|
|
|
|
Re: عاوزين نعرس... (Re: عبدالعزيز الفاضلابى)
|
لكن هناك اباء يقدمون لبناتهم..ما لا يستطيع الف زوج القيام به لهن..عشان كده احسن حاجة الزول ما يتشالق..فقران..وعدمان
يشوف شبهو..والمولى ما بقبحو..!
>>>>>>>>>>>>>>>>>>>>>>>>>
أظن يا محمد كلامك الفوق ده يمكن يكون في محله.. لكن أنا بعرف بنات مليونيرات وولدوهن وهن بيكلن بمعلقة ذهب وتزوجن من افقر خلق الله لأن لحب يسمو فوق المادة لأن الحب روح ومعنى والمادة تعتبر أصنام هذا العصر الذي يعبده البعض.. يعني مقولتك دي ما بتنطبق على كل بنات المليونيرات، وخاصة لمتعلمات فقد تمردن على الفخفخة والفشخرة
| |
|
|
|
|
|
|
|
|
|
Re: عاوزين نعرس... (Re: اميرة السيد)
|
| Quote: أظن يا محمد كلامك الفوق ده يمكن يكون في محله.. لكن أنا بعرف بنات مليونيرات وولدوهن وهن بيكلن بمعلقة ذهب وتزوجن من افقر خلق الله لأن لحب يسمو فوق المادة لأن الحب روح ومعنى والمادة تعتبر أصنام هذا العصر الذي يعبده البعض.. يعني مقولتك دي ما بتنطبق على كل بنات المليونيرات، وخاصة لمتعلمات فقد تمردن على الفخفخة والفشخرة |
هلا يابت السيد..
دى حالات نادرة شديد..انا شخصيا ما شايف فيها حاجة..ولو لقيت مليونيرة متمردة بشتغل معاها اول
وبعد داك بعرسا..المشكلة بالضبط فى خوف السودانى من الزواج من امراة ثرية..خوفا من القيل..
والقال..للأسف خشية البعض للناس اصبحت اكثر من خالقهم فى عالمنا..الان..نتوقف عن القيام
بالكثير من اجل قطع تلك الالسنة الطويلة..اعرف ايضا شخصية لم يمكنها ابدا التقدم لتلك
البنت من الاسرة الثرية المعروفة..وهى نفسها لم تستطع ابدا اخبار اهلها انها
على علاقة بى زول رويحتو طالعة..لحدى ماالحب ياهو راح فى خبر كان..وتزوجت
بشكل تقليدى..من احد الكبار..
| |
|
|
|
|
|
|
|
|
|
Re: عاوزين نعرس... (Re: اميرة السيد)
|
المحترمة أميرة
شكراً على مداخلتك .......
يتقاسم الشاب والفتاة والمجتمع المسئولية ........ لكن كثيراً ما تكون المسئولية على الفتاة واهلها .....
في البداية وقبل الخطوبة تكون كل التسهيلات أمام الشاب ..... ويا ولدي ما عايزين حاجة ...... ويا ولدي عايزين السترة للبت
بعد الخطوبة تبدأ الآفات في الظهور نساء كبار من قريبات العروس وووووو
وعشان العادات والتقاليد
وامي قالت دي ناقصة
وخالتي قالت دي ما جابوها
وعمتي قالت دي شوية
كان الواحد حيتزوج عمتها او خالتها او امها أو أم أمها
وبعد داك يبدأ الموال
والموضوع يتفترق
| |
|
|
|
|
|
|
|
|
|
Re: عاوزين نعرس... (Re: Hani Arabi Mohamed)
|
Quote: لماذا تمكنت الهندية والفلبينية والسيلانية والإنجليزية والأوربية والآسيوية والأفريقية من فهم هذا الواقع وبناء حياتها عليه
|
المسألة مسألة ثقافة مجتمعية يجب تغييرها في كل المجتمع السوداني
وليس عند الفتاة السودانية بس
الليلة لو (فتاة) سودانية قبلت بـالزواج برجل(سوداني)
بأقل تكلفة والتزامات
مؤكد هذا الرجل وبعض من عشيرته حيطلعوا (مية) عيب واشاعة وووو
دا كان ما طلعوها ما كويسة (لا سامح الله)
بس عشان قبلت (السترة) باقل ما يمكن
| |
|
|
|
|
|
|
|
|
|
Re: عاوزين نعرس... (Re: mayada kamal)
|
Quote: الليلة لو (فتاة) سودانية قبلت بـالزواج برجل(سوداني)
بأقل تكلفة والتزامات
مؤكد هذا الرجل وبعض من عشيرته حيطلعوا (مية) عيب واشاعة وووو
دا كان ما طلعوها ما كويسة (لا سامح الله)
بس عشان قبلت (السترة) باقل ما يمكن |
الاخت... ميادة كمال
مساء النور..ومرحب بيكـ
مع احترامى لـ رأيك..لكن كلام الناس ليس مبررا كافيا..للمغالاة فى امور الزواج..غايتو
نادرا جدا ما تكون هناك عشيرة بهذه التفكير..السلبى ..وبعدين الكواسه دى بتكون وين بالضبط..؟ ما كتار عرسوهن بى سعر..غالى..التقول الواحدة حسبوها بالكليو..وبرضو..طلعن.. اى كلام..وفشلو فى الاستمرارية ولو لشهور..بسيطة
| |
|
|
|
|
|
|
|
|
|
Re: عاوزين نعرس... (Re: احمد محمد بشير)
|
Quote: مساء النور..والحوار معك ممتع.. وان كان هناك بعض الاختلاف فى الرؤى السياسه
لكن الحمدلله شكلنا متفقين فى حكاية العرس دى..
قصة الكبريت عاوزة شرح..بشكل اوضح..لو كان مافيها حاجة يعنى..!
الضكرنة دى..اخوك ماسك فيها..ماعارف ليه..كل ما اتكيف شديد من موقف لأى انسانه اعرفها
طوالى اقول براى والله دى بت ضكرة خلاص..غايتو ما اظن فيها ريحة تمييز.. |
ياخوي مححمد
خلاص نخلي الما بتتخلى دي شوية بس...
الكبرتة دي ياخوي قصتها طويلة..
تراث ضارب في القدم السوداني..
والسودانية هي المرأة الوحيدة التي لها طقوس اثوية خاصة للزواج..
شفت ياخوي الحكاية بتبدأ بالدخان...
العروس لما جلدها يتفسخ بالنار ما يخلوها..
شئ بالطلح
وشئ بالصندل والشاف..
مسكينة العروس.. تطبخ لمدة شهر وزيادة..
والحمام بالدلكة..
يعني تتعتق بالعطر..
لو صارت بدون حمام شهرين تلقاها معطرة
وزفيرها عبير..
شفت الحكاية كيف...
خليك في المحطة دي وامسك السودانية بت بلدي دي..
نواصل....
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Quote: شفت ياخوي الحكاية بتبدأ بالدخان...
العروس لما جلدها يتفسخ بالنار ما يخلوها..
شئ بالطلح
وشئ بالصندل والشاف..
مسكينة العروس.. تطبخ لمدة شهر وزيادة..
والحمام بالدلكة..
يعني تتعتق بالعطر..
لو صارت بدون حمام شهرين تلقاها معطرة
وزفيرها عبير.. |
كده الواحدة تبقى ليك زى محل عطور البخيت بتاع السوق العربى تلفحك ريحتو من اول الشارع..
احناغايتو ياها الساونا..ولحدى هسه ماعارفنها شنو بالضبط..بس كل اصحابنا العرسو طلعو نضاف
شديد بعد ما عملوها..
ربنا يوعدنا..
| |
|
|
|
|
|
|
|
|
|
Re: عاوزين نعرس... (Re: manal eltahir)
|
| Quote: مداخلتي الفوق دي ما عاجباكم ولا شنو؟ |
أختنا منال الطاهر
سلام مابراك أنا قبلك تداخلت في البوست دا وصاحب البوست شكلوا عندوا خيار وفقوس ولا هببوا لي التقول أنا أبوا العروس 
| |
|
|
|
|
|
|
|
|
|
Re: عاوزين نعرس... (Re: عادل الباهي عبدالرازق)
|
يا بنات حوا هوي الأولاد ديل ما يغشوكم.......نأكلها بي عيش حاف .....واهم حاجه نكون مع بعض..........والحب يعمل المعجزات......وابني عشك يا قماري.....كووووووولو ما نافع...ابقي بت نجييييييضه ...يجيب ليك كلو شي بالدرزن....حتي الكونتاكت لينز 2درزن الفساتين.....درزن فساتين سواريه والشوز شتويه(boots)وصيفيه وما تنسي جزم الspring...بعدين الدهب ده بقي موضع قديمه لازم يجيب ليك مجوهرات من( كارييه)وخاتم الزواج ده طبعاً حاجه تانيه.....الشنط قوشي طبعاً ....وزياره خاصه لي فكتوريا سكريت وما تكتري عليه شديد لانه لسه تكاليف شهر العسل ...أنا بقترح ليك هاواي اسبوعين والاسبوعين التانيين في االكاريبي(مش قلتو شهر )ولو جاب ليك عربيه هديه ما ترفضيها لكن اقبليها بي خجل عشان ما يقول انتي طماعه لكن ده برضه ما ح يعفيه من المؤخر يكون 100 الف دولار................ بس......ومن لم يستطع عليه بالصوم .
<<<<<<<<<<<<<<<<<<<<<
والله يا منال اذا البنات سمعن كلامك وطبقوه بالحرف ما في شاب كان حيهود بناحية الزواج .. انتي دايرانا نصبح بايرات ولا شنو،، وانتي ما بتسمعي المثل البقول " ضل راجل ولا ضل حيطة" ... ما تعقدي الامور وتصعب من العرس( وجه ضاحك).. وينكم يا ناس ود القاضي الوجه الضاحك نسينا نرسمه كيف في الرد).
| |
|
|
|
|
|
|
|
|
|
Re: عاوزين نعرس... (Re: اميرة السيد)
|
انا سألتك عشان نعرف الفضل ليك شنو ? واحد كان ببيع الموية فى دار الرياضة
وقال هو ببيع الموية كعمل اضافى عشان يلم حق العرس ,, واحد الجمهور مرة سالو , يا فلان ماقربت تلم حق العرس? أها لميت كم? صاحبنا اجاب بلسان فيه لجنة ـ والله حلاث قربت ـ لميت خمسة وعشرين جنيه,, واحد من الجمهور قال ليهو: لا والله قربت ,, فضل ليك حق التلج.
أها انت يا عوض كان الحكاية فضلت على حق التلج اعملو فى الشتاء عشان توفر حق التلج.
كلام جاد
ياخ العرس ده مافى شئ بتسهل اكتر منه ,, اسأل مجرب ,, إنت بس اتوكل ومايهمك واثقين منك ,, بس أختا الناس المجنعصين فى الفارغة .
| |
|
|
|
|
|
|
|
|
|
Re: عاوزين نعرس... (Re: manal eltahir)
|
Quote:
أنا وأخوي عادل الباهي مافي زول بقرا كلامنا ....نقول الدايرين نقولو. وبعدين يا اميره يا اختي ده المفروض يحصل وما تخافي ح يجولك جارين جري . |
منال سلامات
قريت كلامكم مرتين...
بس قلت ليش أرد وأزعّل الناس..
أول تعليق لي كان: في ناس عليها جنس حسادة.. تكون قبضت حفّها وتقول (.........) في الآخرين... على وزن: انا خرجت ان شاء الله بطن أمي تنسد!!
يا جماعة سيبوا الهرش ولا تخربوا السوق للناس
مودتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Quote:
أختنا منال الطاهر
سلام مابراك أنا قبلك تداخلت في البوست دا وصاحب البوست شكلوا عندوا خيار وفقوس ولا هببوا لي التقول أنا أبوا العروس |
العزيز/ عادل الباهي
ياخوي كلامك ما عجب العريس...
الزول قال خلاص وصل الميس تقوموا تضعوا ليهو العراقيل..
بسطوها يا جماعة وربنا يبسطها علينا..
تحياتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
محمد عوض
سلام
والله نصيحة لوجه الله
يومك البتعرس تقول انا يا ريت لو عرست من زمااااان
الشغلانة بسييييطة جدا واحلى منها ما فيش
والله صدقنى ح تندم على كل يوم قضيتو وانت عزابى
ويا اخى كلمة بابا ربنا ما يحرمك منها وبقية الشباب امييين يا رب
ده كلام زول مجرب
| |
|
|
|
|
|
|
|
|
|
Re: عاوزين نعرس... (Re: معاذ الفحل)
|
Quote: محمد عوض
سلام
والله نصيحة لوجه الله
يومك البتعرس تقول انا يا ريت لو عرست من زمااااان
الشغلانة بسييييطة جدا واحلى منها ما فيش
والله صدقنى ح تندم على كل يوم قضيتو وانت عزابى
ويا اخى كلمة بابا ربنا ما يحرمك منها وبقية الشباب امييين يا رب
ده كلام زول مجرب |
ود الفحل..
اهلا وسهلا..بيكـ
شايف المجربين المبسوطين.. كترو..الله يطمنكم..يارب..
والندم من هسه حاصل..ماعاوزين نلحق الاربعين..ولا الـ35 بدون عيال..الدنيا عبوسه
خلاص..بدون رفقة..
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
Quote: العزيز/ عادل الباهي
ياخوي كلامك ما عجب العريس...
الزول قال خلاص وصل الميس تقوموا تضعوا ليهو العراقيل..
بسطوها يا جماعة وربنا يبسطها علينا..
تحياتي |
حبيبنا عبدالعزيز عيسي
يأخوي نحنا لاقين يبسطوا الامور ورفضنا لكن المخوفنا من الشغلانه دي بالله من يوم تقول عاوز تتزوج يشبكك جيب جيب عاوزين عاوزين حتي بيت الجداد بتاع الجيران بيطلوهوا بوماستك علي حساب العريس  .
| |
|
|
|
|
|
|
|
|
|
Re: عاوزين نعرس... (Re: عبدالعزيز الفاضلابى)
|
Quote: انا سألتك عشان نعرف الفضل ليك شنو ? واحد كان ببيع الموية فى دار الرياضة
وقال هو ببيع الموية كعمل اضافى عشان يلم حق العرس ,, واحد الجمهور مرة سالو , يا فلان ماقربت تلم حق العرس? أها لميت كم? صاحبنا اجاب بلسان فيه لجنة ـ والله حلاث قربت ـ لميت خمسة وعشرين جنيه,, واحد من الجمهور قال ليهو: لا والله قربت ,, فضل ليك حق التلج.
أها انت يا عوض كان الحكاية فضلت على حق التلج اعملو فى الشتاء عشان توفر حق التلج.
كلام جاد
ياخ العرس ده مافى شئ بتسهل اكتر منه ,, اسأل مجرب ,, إنت بس اتوكل ومايهمك واثقين منك ,, بس أختا الناس المجنعصين فى الفارغة |
فاضلابى..أول مجرب يقول خير..ربنا يديك العافية ..
طبعا اخوك جاهز جنس جهوزية.. الديوان مظبط..البركة فى اخوى الكبير..بتاع المناسبات فى الحلة..قريبى..وبسلف الكراسى ودلاقين الصيوان..تديهو حقو بعد الكشف..ماعندو مشكلة..!
| |
|
|
|
|
|
|
|
|
|
Re: عاوزين نعرس... (Re: عادل الباهي عبدالرازق)
|
| Quote: سلام مابراك أنا قبلك تداخلت في البوست دا وصاحب البوست شكلوا عندوا خيار وفقوس ولا هببوا لي التقول أنا أبوا العروس |
ياريت تكون ابو العروس ياخى..انتا فايت اومحمد فى الوسامة..
ياعزيزى عادل..ورب الكعبة لم انتبه لمداخلتك.. الا بعد ان راجعت البوست هذا الصباح ..
وماعندى خيار وفقوس..اعتذر لك وللاخت منال..ولكم العتبى..يا صحاب
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
Quote: ياريت تكون ابو العروس ياخى..انتا فايت اومحمد فى الوسامة..
ياعزيزى عادل..ورب الكعبة لم انتبه لمداخلتك.. الا بعد ان راجعت البوست هذا الصباح ..
وماعندى خيار وفقوس..اعتذر لك وللاخت منال..ولكم العتبى..يا صحاب |
العزيز مُحَمَّدٍ عِوَضٌ احْمَدُ
ياحبيب ولا يهمك أنا بمزح عارف مرات الحاجه دي بتجي لا أراديه .
لكن مش المثل بيقول السعيد يشوف في أخوهوا والشقي يشوف في نفسوا فأسع أنا سعيد شفت كتير في أخواني
أحسن ليك أعمل رايح والله تتزوج قبل ماتكمل العام شنبك يشيب .
| |
|
|
|
|
|
|
|
|
|
Re: عاوزين نعرس... (Re: عادل الباهي عبدالرازق)
|
Quote:
ياحبيب ولا يهمك أنا بمزح عارف مرات الحاجه دي بتجي لا أراديه .
لكن مش المثل بيقول السعيد يشوف في أخوهوا والشقي يشوف في نفسوا فأسع أنا سعيد شفت كتير في أخواني
أحسن ليك أعمل رايح والله تتزوج قبل ماتكمل العام شنبك يشيب |
شكرا ياباهى..
أحنا حاليا راسنا بقا فول بالجبنه..قبال من نخوش فى الغريق..!
غايتو واحد صاحبنا تانى يوم من عرسو..بعيد عنك جاهو فقدان سوائل شديد..(ماعاوز اقول الكلمة ديك طبعا)  ..من الخوف..بس..
| |
|
|
|
|
|
|
|
|
|
Re: عاوزين نعرس... (Re: Hani Arabi Mohamed)
|
Quote: اعتذر عن كلمة (بعد عشرة سنوات) الواردة بالخطا في موضوع السيد (م)
المقصود بعد سنوات وقمت بالتعديل أعلاه
شكراً جزيلاً
وأكرر الاعتذار |
بل الشكر لك انت يااخى هانى..مداخلتك فتحت نافذة اخرى جادة ومهمة للنقاش..فى الموضوع
تحياتى لك.
| |
|
|
|
|
|
|
|
|
 Re: عاوزين نعرس... (Re: Abdlaziz Eisa)
|
Quote: العريس
سلام
جمعة مباركة ان شاء الله
صلينا من ساعتين وجينا بالدعاء الطيب..
وبوست المباركة محجوزباسمي من هسي..
تحياتي |
ياخى والله ما بتقصر..
ربنا يتقبل منكم ومن الجميع..
..وشكرا جميلا ..لكـ
| |
|
|
|
|
|
|
|
|
|
Re: عاوزين نعرس... (Re: مُحَمَّدٍ عِوَضٌ احْمَدُ)
|
Quote: : العزيز/ عادل الباهي
ياخوي كلامك ما عجب العريس...
الزول قال خلاص وصل الميس تقوموا تضعوا ليهو العراقيل..
بسطوها يا جماعة وربنا يبسطها علينا..
تحياتي
حبيبنا عبدالعزيز عيسي
يأخوي نحنا لاقين يبسطوا الامور ورفضنا لكن المخوفنا من الشغلانه دي بالله من يوم تقول عاوز تتزوج يشبكك جيب جيب عاوزين عاوزين حتي بيت الجداد بتاع الجيران بيطلوهوا بوماستك علي حساب العريس . |
العزيز/ البـــــاهي
في السودان أيام العرس, والد العروس بيهجر البيت... ويمكن يكون في غياب تمام لكل الشخصيات القوية من أهل العروس.. ويترك الأمر للمزايدات من العمات والخالات... وكل واحدة بتحب تظهر بأنها الأكثر اهتماما بالعروس... ويطلقن العنان لخيالهن...
وهذه من أسوأ العادات في العرس...!!
حضور والد العروس أو رجل البيت القوي ومتابعته مراحل تزويج كريمته حتى نهاية الماسبة شئ مهم جدا...
أتمنى أن يترك الناس حكاية الحفلات وتكون اللمّة مع العفد وخلاص..
تحياتي
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
| Quote: يا بنات حوا هوي الأولاد ديل ما يغشوكم.......نأكلها بي عيش حاف .....واهم حاجه نكون مع بعض..........والحب يعمل المعجزات......وابني عشك يا قماري.....كووووووولو ما نافع...ابقي بت نجييييييضه ...يجيب ليك كلو شي بالدرزن....حتي الكونتاكت لينز 2درزن الفساتين.....درزن فساتين سواريه والشوز شتويه(boots)وصيفيه وما تنسي جزم الspring...بعدين الدهب ده بقي موضع قديمه لازم يجيب ليك مجوهرات من( كارييه)وخاتم الزواج ده طبعاً حاجه تانيه.....الشنط قوشي طبعاً ....وزياره خاصه لي فكتوريا سكريت وما تكتري عليه شديد لانه لسه تكاليف شهر العسل ...أنا بقترح ليك هاواي اسبوعين والاسبوعين التانيين في االكاريبي(مش قلتو شهر )ولو جاب ليك عربيه هديه ما ترفضيها لكن اقبليها بي خجل عشان ما يقول انتي طماعه لكن ده برضه ما ح يعفيه من المؤخر يكون 100 الف دولار................ بس......ومن لم يستطع عليه بالصوم . |
عجبتني نجضك دي يا منال...!!!!
جنس حسادة...............................
| |
|
|
|
|
|
|
|
|
|
Re: عاوزين نعرس... (Re: Abdlaziz Eisa)
|
منال الطاهر
شفتي زي كلامك الفوق دا يا هو بالبطفش ناس محمد عوض من العرس
شنو يعني كارتييه وهاواي والكاريبي والكلام الكبار دا
العرس بالفاتحة يا ناس ما حلال ؟
حــــــــــــــــــــــــلال
اقلهن مهرا اكثرهن بركة
واسالوا اي عريس وعروس عاقلين عن اكتر حاجة ندموا عليها في بداية حياتهم يقولوا ليك اننا صرفنا دم قلبنا علي العرس في مظاهر فارغة وفي النهاية كلوا بعرس ابو مليار وابو مليون وبالعكس السعادة في البساطة و نعم للفرح ولا للاسراف
اخوكم بكري
احد مناصري زواج البساطة
| |
|
|
|
|
|
|
|
|
|
Re: عاوزين نعرس... (Re: بكري عباس علي)
|
Quote:
اقلهن مهرا اكثرهن بركة
واسالوا اي عريس وعروس عاقلين عن اكتر حاجة ندموا عليها في بداية حياتهم يقولوا ليك اننا صرفنا دم قلبنا علي العرس في مظاهر فارغة وفي النهاية كلوا بعرس ابو مليار وابو مليون وبالعكس السعادة في البساطة و نعم للفرح ولا للاسراف
اخوكم بكري
احد مناصري زواج البساطة |
العزيز/ بكري
اهو ده الكلام الصحيح
معاك معاك.. حتى آخر العذاب يعرس
| |
|
|
|
|
|
|
| |
مُحَمَّدٍ عِوَضٌ احْمَدُ
خالد كدودي
اشرف السر
عادل الباهي عبدالرازق
محمد الجيلى
الوليد الرشيد وراق
فايزودالقاضي
مرتضى احمد عبد القادر
جمال الباقر
بكري عباس علي
بدر الدين احمد موسى
omar alhag
Abdlaziz Eisa
ابوبكر قسومة
Hani Arabi Mohamed
ياسر إدريس حسن
يوسف محمد يوسف
عبدالعزيز الفاضلابى
mayada kamal
احمد محمد بشير
فيس بوك
تويتر
انستقرام
يوتيوب
بنتيريست