|
|
|
 Re: دكــان حـبـيـب بـاســطـا.. (Re: احلام وهبي)
|
سلامات احلام وهبي .. والتحية للسني الشيف ههههه ( عارفة انا احب اطبخ ولا آكل من مطعم )
عندي اغنية قطار الشوق بصوت البلابل..
وبصوت حسين شندي والامين البنا ( للامانة حسين شندي ساطها وخربها خراب السنين ) ما حبيتها منو
وتسجيل قديييييم جداً للذكار ( بتعرفيهو) مبدع خليوة والمحطة الشهيرة باسمه لو ركبتي باصات خليوة
المساعد يكورك
الزكار الزكاار .. في نازل
بابكر الذكار راجل تحفة وليهو طرايف عديدة
اخونا الاستاذ محمد ميرغني - ود عطبرة - ليهو مقابلات عديدة مع مبدعي عطبرة واهل الشهرة فيها
نشر مقابلة حصرية ليهو مع بابكر الذكار ونشرها في عطبرة نت
www.atbara.net
حا اكلمو بالاذن وبعدين انشرها هنا
ولينا موضوع طويل عرريض مع الرشيد مهدي بقلم هيثم سعيد الارباب..
ومع جوقة
ومع بتاع المقولة الشهيرة ( مااا بالسمنة وكدة ) بمحطة قطاار عطبرة
وغيرها
بجيك بيها راجع بعد ادق لاصحابها وياذنو لي
ــــــــ
اما اغنية قطار الشوق كنت قايل نفسي شفت .. بكري غير وبدل في موقعو وانا قعدت سااي
** يا اهل المعرفة ورونا كيفية ادراج فيديو من اليوتوب وادراج ملف صوتي
بقينا نتفرج بس
*** قاتلك الله يا تمبس يعني مستكثر فينا المعرفة يا وغد
| |
 
|
|
|
|
|
|
|
|
Re: دكــان حـبـيـب بـاســطـا.. (Re: HAIDER ALZAIN)
|
الأخت احلام السلام عليكم ورحمة الله
ارجو ان لااكون قد انحرفت بمسار البوست الرائع والهدف هو فقط لأثراء البوست والتشويق فقط لااكثر وان كنا قد اثقلنا عليك
فسوف ننسحب على الفور ونترك البوست فى المسار الذى تريدينه فالغرض هو التشويق وانعاش الذاكرة بزكريات مدينتنا الرائعه
ولك التحيه
ابو ختم
| |
|
|
|
|
|
|
|
|
 Re: دكــان حـبـيـب بـاســطـا.. (Re: الحارث سرالختم عبد الله)
|
نيابة عن احلام وهبي لغاية ما تجي ..
Quote:
ارجو ان لااكون قد انحرفت بمسار البوست الرائع والهدف هو فقط لأثراء البوست والتشويق فقط لااكثر وان كنا قد اثقلنا عليك
فسوف ننسحب على الفور ونترك البوست فى المسار الذى تريدينه فالغرض هو التشويق وانعاش الذاكرة بزكريات مدينتنا الرائعه
|
سجمممممي ..
حرفتو كيف يا ختم .. ما تراهو البوست ماشي كويس وات جبت حاجات جميلة وذكرتا اسماء عظيمة في عطبرة
انتا قايل يا ختم اني نسيت ارد عليك..
لا لا والله يا ود امي .. يخربني ويحرق سريري بالنار لو قاصدة .. بس ماشة بالدور للمشاركين
انا هسسع في اتبرا.. يعني النت في تلتلة .. وساعة زيين من الجوال بالفيين جنيه
اخت الف فوق الف بعدين اشوف الحاصل
** عليك الله يا ختم هسسع انا لو بت نجييضة مش كنت جبت كاميرا من قطر - حتي لو ا\لسني بطل روبيان لي اسبوع بس - وبدل كدة انزل ليكم صور طازة من عطبرة لاني قاعدة فيها هسسع
علا لقافتي دي ما بخليها .. ريت من قطر وجيت عطبرة والكاميرا ما شلتها
دحين يا ختم واصل اسئلتك كلامك سمح
ــــــــــالملقوف حيدر الزين بلسان الملقوفة احلام وهبي هههههه
| |
|
|
|
|
|
|
|
|
 Re: دكــان حـبـيـب بـاســطـا.. (Re: احلام وهبي)
|
ودالزين يا زين ....
شوفتةالسني شيف خطير لكن المطبخ بكون حالتو عجيبة كأنو كان في حرب في المطبخ
وبرضو من الكلمات المشهورة في عطبرة كلمة بطول وتاخد مدة
وبعدين البوست دة بتاعك . والنت في عطبرة بطئ وغالي .
وانشالله لما ارجع لازم انت والمدام تشرفونا
مع تحيات الملقوفة احلام وهبي
الي الملقوف ود الزين الزين
| |
|
|
|
|
|
|
|
|
 Re: دكــان حـبـيـب بـاســطـا.. (Re: احلام وهبي)
|
| Quote: من الكلمات المشهورة في عطبرة كلمة بطول وتاخد مدة |
يا إحلآم قصة بطوّل دي أصلوا قالوا عمر البشير مشى عطبرة،
والناس طالبوهو بالكهرباء، فقام قال ليهم: بنجيبها ليكم لكن
بطوّل. والناس مسكوا فيها من باب السخرية، والإستهذا...
بالله العبارة دي لهسع شغالة؟؟؟
| |
|
|
|
|
|
|
|
|
|
Re: دكــان حـبـيـب بـاســطـا.. (Re: معاوية المدير)
|
Quote:
يا إحلآم قصة بطوّل دي أصلوا قالوا عمر البشير مشى عطبرة،
والناس طالبوهو بالكهرباء، فقام قال ليهم: بنجيبها ليكم لكن
بطوّل. والناس مسكوا فيها من باب السخرية، والإستهذا...
بالله العبارة دي لهسع شغالة؟؟؟ |
لا
اعتقد ياا قريبي ود المدير القصة دي حصلت في بيوت البنك العقاري جنب الطليح وشرق الامتداد الشرقي وقت جاء يفتتحها المرحوم الزبير نائب الرئيس..
وفيها كان ابوي مستلم تركيب كواليين الابواب للمشروع دا بعد احالوهو للصالح العام فقام الزبير قال .. :
الكهرباء بتجيكم يا ناس عطبرة ( دا بعد قطعت زي اربعة سنة كدة ) قام ابوي قال ليهو تجي كيف وانتو بتجلدو في الدنما ركيين عشان سكرو .. دي تشموها قدحة
قام الزبير ناداهو ... وقال ليهو قصدك المقدم عبد الكريم دا بيعمل غلط؟؟
ابوي قال ليهو غلطو اكبر من فقرتك دي الما بيشيلها السيف..
الزبير قال ليهو تعال اخالييك.. وعضاهوفي اضانو لمن ورمت بعدها قال :
يا ناس عطبرة .. انسوو الشيوعية ديل .. الكهرباء جايياكم جاييكم بس بتطول وتاخد مدة ..
ـــــــــــ
وبقت مقولة الزبير مثل ولغاية هسسع طولنا واخدنا مدة ههههههه
| |
|
|
|
|
|
|
|
|
|
Re: دكــان حـبـيـب بـاســطـا.. (Re: HAIDER ALZAIN)
|
Quote: ابوي قال ليهو غلطو اكبر من فقرتك دي الما بيشيلها السيف..
الزبير قال ليهو تعال اخالييك.. وعضاهوفي اضانو لمن ورمت بعدها قال :
يا ناس عطبرة .. انسوو الشيوعية ديل .. الكهرباء جايياكم جاييكم بس بتطول وتاخد مدة .. |
ههههههههههههههههه،
مشكور يا قريبي علي تصحيح المعلومة، غايتو إنتو يا أهلنا
الكنارة يوم بتكتلولكم زول.
والله صحي...
| |
|
|
|
|
|
|
|
|
|
Re: دكــان حـبـيـب بـاســطـا.. (Re: احلام وهبي)
|
الأخ معاوية محمد الحسن
االتحيات وايامكم اعياد شايفاكم الايام دي الأستاذ عادل التجاني عمل منتدى جديد
اماسي الدوحة مشتاقين لي المنتديات وايام الجمع المبهجة
شكرا ليك ومنتظرين الذكريات الخاصة بيك وعطبرة
تحياتي للدوحة
| |
|
|
|
|
|
|
|
|
|
Re: دكــان حـبـيـب بـاســطـا.. (Re: احلام وهبي)
|
اختي العزيزة المندسية ابتهاج
منتظرينك والدعوة مفتوحة
قسما عندنا جنس ونسة
وشاي وقهوة مظبوطة
تعالي تجدينا فرحانين بيك
ما تنزلوا لينا اغنية قطار الشوق
يا هارونا
ولا تطول وتاخد ليها مده
| |
|
|
|
|
|
|
|
|
|
Re: دكــان حـبـيـب بـاســطـا.. (Re: احلام وهبي)
|
الأخت احلام وهبى شكرا كتير وكما تعلمين عطبرة دائما فى الخاطر وكل ابنائها وبناتها اخوة اعزاء لنا مع التحيى للأخ حيدر الزين
وانت ماملقوف وحاشاك اللقافه ياخ ولك شكرى
وللأخ ود المدير والأخوة المتابعين لم يجب احد على سؤالنا السابق لذا فسوف احجل السؤال لوحدى فالأغنية المقصودة هى
جات تبارك عيده راسمه حته فى ايدة للفنان المبدع مصطفى مضوى
ننتقل لسؤال آخر يركب عجله بدون رفارف ويقلد على حد قوله اولاد الخرطوم فى ركوب العجلات يضحك له الكثيرون ويهابه آخرون
لأشاعات تحوم حوله سمعت انه قد توفى منذ فترة طويله فمن هو ؟؟؟؟
مع التحايا لست البوست
ابو ختم
| |
|
|
|
|
|
|
|
|
|
Re: دكــان حـبـيـب بـاســطـا.. (Re: الحارث سرالختم عبد الله)
|
الحارث اخوي وكل الذين مروا من هنا لكم محبتي الابدية
وانت تستعدوا الذكريات عن المدينة الصامدة عطبرة
الحارث اخوي دي صورة عبدالله الرجل الظريف خفيف الدم مضحك ميادين الكرة والذي لظروف نفسية تحول الى رجل مرعب قصته لابد ان نعملها دراما وهذا ما نخطط له وابن عطبرة الوفي وفنان جعفر سعيد الريح السيناريست الكبير
لك محبتي وجايكم بالمهلة
| |
|
|
|
|
|
|
|
|
Re: دكــان حـبـيـب بـاســطـا.. (Re: الزبير صالح الزبير)
|
من ظرفاء عطبرة .. ماندو ،،،،،
ماندو
حقيقةً لااعلم اسمه الحقيقي ولكن كان سائق باص في خط الحصايا نهاراً ، ومعد حفلات ليلاً ، تجده يقوم بتوصيل الاسلاك والانوارة الابرة والقلوز ومكبرات الصوت في الحفلة بمنتهي النشاط ، وكان من ابناء الحصايا ويلعب كورة في نادي الكواكب ، ذكرني به الاخ كاكا وقد وعدني بجلب صور له من عطبرة ، ففتحت بوست باسمه حتي لايتراجع كاكا عن كلامه .
التحايا لماندو وكل اهل عطبرة الظرفاء
شكرا اخى ...
اسمه الحقيقى خلف الله
وبرغم انه كان يعمل فى بصات الحصايه البصات اليابانيه(لهسه شغاله)
ويعمل مع العم ابراهيم(كراسى) بيتهم فاتح فى زلط الشهدا ولديه محل
لتأجير الكراسى والصيوانات ولمبات الزينه ويلعب لنادى الكواكب بالحصايه
الا انه كان يسكن الطليح
واشتهر اكتر حاجه بتركيب لمبات الزينه فى الاعراس وتركيب المكرفونات
وشغلو ده طبعا اندثر بعد ظهور الساوند سيستم واللمبات الزئبقيه وحالو وقف
واشتهر فى تلك الفتره وقد كان خفيف الظل وزول نكته
http://atbara.net/forum/index.php/topic,4177.msg2999.html#msg2999
| |
|
|
|
|
|
|
| |
احلام وهبي
فيصل نوبي
HAIDER ALZAIN
الحارث سرالختم عبد الله
haroon diyab
معاوية المدير
محمد سنى دفع الله
الزبير صالح الزبير
فيس بوك
تويتر
انستقرام
يوتيوب
بنتيريست