شمعة وشمعة بيبقوا شمس

Quote: ما الذي يدفعنا إلى عنت التفكير والكتابة غير حب هذا الوطن؟ كل نقرة حرف حب .. وكل رسالة إلى الاهل للخروج إلى عتبة الباب هي رسالة غرام لهذا الوطن والقومه ليك يا وطني ولا جلوس إلا بعد تجلس يا وطن وأنت مرتاح البال الوطن وطنكم والهم همكم .. والبوست بوستيكم وهيا يا شباب اغرقوا السودان برسائل الغرام إلى عاشقين له مثلكم هناك

Quote: ديل أولادك ديل احفادك

Quote: سنحرص على أن نوقد شموعنا أيضاً فكل صاحب قلب ينبض بحب الوطن، سيكتب بوسط أو أكثر.. سيكون على رأس البوسط ما تم الاتفاق عليه، و لاحقاً داخل البوسط يمكن وضع رابط البوسط الأم، حتى لا نضيع زمن القارئ، فيصل للخالصة فى أسرع وقت.. و لن نكتب فى أى موضوع خلاف هذا و لن نرفع أى بوسط لا يحمل هم القضية.. مودتى

Quote: شمعة وشمعة بيبقوا شمس"

Quote: يوم 15 يناير الجاري تقف كل أسرة أمام باب مسكنها من السابعة مساء حتى الساعة السابعة والنصف كل يوم لمدة أسبوع .. لا مظاهرات لا حجارة لا هتافات لا مصادمات .. إشعال شمعة لو أمكن وإطفاء المصابيح ثم الدخول إلى المنازل.

Quote: دعونا لا نضيع الوقت و نشعل الشموع بوسطات تضئ للآخرين فإن نحن عجزنا اليوم، سيعجز الوطن فى الغد..

Quote: شمعة تحترق لتشرق شمس الوطن المسلوب

Quote: كده انتو نجحتو لو وقفت أسرة واحده قدام بيتها انتو نجحتو لو وقف زول واحد قدام باب بيتو انتو نجحتو لو ما مرق أي زول انتو نجحتو التفافكم "عمليا" البعيد منكم والقريب حول الوطن نجاح تشاورنا كلنا وتفاكرنا حول الوطن نجاح ثمار الأفكار الكثيرة الطيبة الناضجة المتنوعة نجاح آلاف السودانيات والسودانيين في اركان الدنيا يتفاكرو حول الوطن نجاح كسر الوصاية ثمرة كبيرة من ثمرات النجاح كسر دائرة الإحباط الشيطانية وتفتيح دروب الأمل نجاح تحريض الناس إنها تفكر مع بعض ولقدام نجاح مجرد الناس قالت "ممكن" و"حنقدر" قمة من قمم النجاح بعد ما النار تمسك في طرف العويش بتمشي براها والنار مسكت في طرف الهشيم ودخلت في "الحطب الحي" .. وقالت يا ليل ! تاني منو البقدر يحوشا؟ والجايات؟ .. خليها تتكلم عن نفسها .. ولو قبلتو رأيي ما نقول خلاص .. الأسبوع ده عاوز تكثيف شديد .. يمكن أكثر من الأسبوع الماضي لانو ده اسبوع حصاد .. وبعد ما لبّنت ما حنديها الطير .. ده أسبوع المزلقان .. والباقي مترين ! انتم والله تصنعون التاريخ أنتم والله تكتبون التاريخ سوف يقرأ الأبناء والبنات الأحفاد والأجيال الجايه صحيفة عملكم هذا كل الناس الشاركت ومرقت ووقفت وكتبت وتفاعلت وانفعلت وفكرت وفرحت وبكت .. في كل الدنيا .. وفي السودان .. في كل بيت وخيمة وقطية وحارة مرمية وقرية على حدق الإهمال منسية هيا يا شباب .. نواصل الرسائل والتواصل ..