في رحيل المُفكر العالِم والطبيب الجراح / البروفيسور : عبد المنعم بلــة . البقاء لله .

Quote: أول ما جيت أبوظبي كنت بتردد على المجمع الثقافي لفت نظري رجل محترم هياب لفت نظري أنو بكون ماشي وبعاين للواطة زي الرايحة ليهو حاجه يقف قدامك يسلم عليك بحرارة كأنه عمك المشتاق ليك ولا كبيرك الكنت غايب عنه أول مره سالني أنت منو قلت ليه انا فلان قريب فلان قال لي فلان اخو فلان وفلان وودعم عم فلان كيف يازول ودخل فيني وونسي كأنه كان قاعد معاي امبارح وعرفني بي نفسه قال لي أنا عمك عبدالمنعم بله مشيت سألت اولاد عمي عنه قالوا لي عنه المابتقال عن علمه وعن ثقافة وعن اخلاقة وعن أدبه وعن تواضعة وعن إجادته للغات وعن أحترامه للبشر كم مره يكون عندي سؤال القاه في الشارع اوقفه اساله يجاوبني ويفك حيرتي ويمشي ما ندمان إلا على معرفتي بيه العابرة ساكت ولو كنت عارف يد المنون حا تخطفه مننا كنت سعيت ليه ودا طبعاً نحنا ما نعرف قيمة الحاجة إلا بعد ما تروح مننا وعبدالمنعم بله كنز ########ناه زول لو اتكلم كلامه كله صاح ساهل بسيط عفوي في شكلة في لبسه في تعامله وفي تحيه وفي كلامه ساهل محاضراته زي الونسة الله يرحمه أشهد ليه بالفضل والعلم والتواضع والبر وحسن المعاملة وطيب الخلق اللهم هذه شهادتنا فيه فأقبلها له