|
Re: البليونير مـو وشــوقي بــدري و"ج و ع": ســـذاجــة مـدهـشــــة (Re: ahmed babikir)
|
عبد الرؤوف
موقفك ضد الجبهة لا يحتاج الي تسبيب فهو معروف والاليات المختلف معانا فيها ماهي معارضة الداخل او الخارج كانت في موضوع تاني وكنت بفتكرك شجاع وواضح فيهو ولكن انته داير تفرضو علينا وماقادر تفرضو علي الشيوعي بتكلم عن موضوع التصفيات السياسيه اظنك متزكر.. موضوع اكتوبر معروف والحزب قاطع الندوات ببيان معروف وطبعا موضوع ابريل مامحتاج لي نقاش كتير عشان الاحزاب ـكانت متحالفه ومافي حزب شيوعي معاها... انته الموضوع الاساسي ناطي منو مالك المقصود واضح وانا عارف انتو شاغلننا بي شنو ... موضوع الندوة او التنوير الحزب الشيوعي ما اظن سيسمح له بالدخول لانو بتعطلو في مسيرتنا ومافاضين نقعد معاكم تاني وكلامك او نصايحك الداير تقوله لينا دي حقو يستفيد منها الحزب الشيوعي فهو المحتاج ليها...
| |
|
|
|
|
|
|
Re: البليونير مـو وشــوقي بــدري و"ج و ع": ســـذاجــة مـدهـشــــة (Re: ahmed babikir)
|
Quote: عبد الرؤوف
موقفك ضد الجبهة لا يحتاج الي تسبيب فهو معروف والاليات المختلف معانا فيها ماهي معارضة الداخل او الخارج كانت في موضوع تاني وكنت بفتكرك شجاع وواضح فيهو ولكن انته داير تفرضو علينا وماقادر تفرضو علي الشيوعي بتكلم عن موضوع التصفيات السياسيه اظنك متزكر.. موضوع اكتوبر معروف والحزب قاطع الندوات ببيان معروف
|
طبعا الهدف النهائى تصفية الانقاذ سياسياوانا مع انتفاضة محمبة
بقوة تحمل سلاحا لان الانقاذبن عنيقين وارفض قوة من الخارج
وما دام تربد ان تنشر كل مادار بينى وبينك من حوار
حول اليات عمل جبهتك العريضة فبالله كمل جميلك
ووصلها لجهاز الامن
خلاض الفيك اتعرفت
| |
|
|
|
|
|
|
Re: قصيدة الشاعر هاشم صديق (Re: Dr Salah Al Bander)
|
هديمك يا وليد مقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار اريتك يا ملك فد يوم يخلى الجوع عينيك ما تنوم أريتك يا ملك فد يوم تحس بي غصة المظلوم دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين فترنا من الخطب يا وليد و من طيش العقيد و عميد و من قل القرش في الايد و من تعب الوقوف في الصف ومن غبن الرصع بالكف و من حفر الدروب و اللف و من خت الحلم في الرف كل يوماَ نقيحنا يزيد دحين يا وليد هو كم دغشاَ عشان نلقاهو دافرنا و تعبنا شديد؟ و كم حولا صيامنا صبر عشان يشرق هلال العيد ؟! اح ح يا وليد لا حتى الخبيز إنضاق و لا هدما كسانا جديد و شوف المغسة يا وليد سموُ شقانا صالح عام و كل دمعاَ نزل من عين و كل جوعاَ سكت بالدين و كل زيناَ محاهو الشين ختو وقعيتو في الإسلام حرامهم يا وليدي حلال وا نحنا حلالنا كلو حرام يقلبو الدين نصّل سكين و ناسين الحساب قدام اخر زمن يا وليد نشوف كل البشاتن لون يفوت هولاكو دوب نرتاح ينط في الكرسي نابليون
* * اريتك يا أمير حالي جعيص في الكرسي في الخرتوم و ساويلك الف والي نبايعك للظلم و الجوع نبايعك وكل ضيم مشروع نبايعك و جيتنا جيش و دروع نبايعك و الحكم مقلوع نبايعك و القسم مخدوع نبايعك من سجن عالى أخر زمن يا وليد حصيف العين يلاقى و يشوف زمان ظلم السلف بالسيف و حسه السيف كلاشينكوف غير زمن الهوان و الجوع كمان طالع زمان الخوف ديل ما برتو لى إنسان كم ولداَ وقع نشفان وكم زهراَ كِتل و اتحت في رمضان لا شهراَ حرام إتصان لا كفنا ستر صبيان لا شاهد قبر معروف لا اماَ برد نارها سكت و إرتاح نزيف الجوف دحين يا وليد أ كان حسع ده ديش مصعب و أكان بيرق علي الكرار منو الكفار ؟!!! منو القاصدينو بالتكبير و بالتهليل و ضرب النار؟!
* * اخاف نحنا و أكان نحنا أخير نضحك كتير سبب الضحك بخته شوف المغسة يا وليدي ديل ما حسه ناس حُقار؟ ده ذى دق الطبول للموت وذي وقد البلد بالنار
* * إلا نشوف أ كان ساهرين معاك يا جوع و أ كان ضيقنا إتحفر في ضلوع و أكان صابرين علي الفجار وحاة الله و كتاب الله وكت نغلي و نكوس التار لا سوراَ بقيف في وش و لا لهب الغبن بترش و لا صفاَ يميل بالقش كل ظالماَ يقع و يندش و سيل دمع البلد ينقش لا بحبس حلقنا الخوف و لا بترجع اكان لعلع كلاشينكوف هديمك يا وليد مقدود و صابحنا الفقر و الجوع صبح جلد البطن مشدود شن بتسو و أخيك من شهر مرفود قالو صالح عام عشان قال العوج في العود
* * نان ما يقول أريت يقول عديل يا زول هديك البغلة في الابريق ما هامينا -صالح عام- وديش مصعب و لا الحجاج و لا بكتل قلبنا الجوع و موت منقذنا ولا الضاج خلي الضيق يزيد يا وليد بكرة الضيق يخلى الناس تبقى عُصّار علي الحقار و تبقي حريق
* * قريب يا وليد صيامنا يتم و يهل و يشرق هلال العيد نحس طعم الخبيز و يتبدل هدمنا جديد
الشاعر هاشم صديق قناة النيل الازرق
| |
|
|
|
|
|
|
Re: قصيدة الشاعر هاشم صديق (Re: Dr Salah Al Bander)
|
Quote: و منهم من استفاد من حكومة الإنقاذ أكثر من استفادة الإنقاذيين أنفسهم، نالوا الإقامة الدائمة و أشياء أخرى. و كانوا يبيعون للناس أوراق الانتماء لأحد الأحزاب السياسية و التي كانت بمثابة صكوك الغفران لنيل اللجوء السياسي، بمقابل حفنة من المال لا ادري أين تذهب؟ و لكن اعلم جيدا، كل لحم نبت من سحت فالنار أولى به – كما قال الحبيب (ص)، و لذا تجدهم يدّعون النضال في الظاهر، و يتمنون قياما و قودا و على جنوبهم استمرار حكومة الإنقاذ. |
عجيب يا دكتور كده الصراحة ولا بلاش..
| |
|
|
|
|
|
|
Re: ........ (Re: مُحَمَّدٍ عِوَضٌ احْمَدُ)
|
Quote: طبعا الهدف النهائى تصفية الانقاذ سياسياوانا مع انتفاضة محمبة
بقوة تحمل سلاحا لان الانقاذبن عنيقين وارفض قوة من الخارج
وما دام تربد ان تنشر كل مادار بينى وبينك من حوار
حول اليات عمل جبهتك العريضة فبالله كمل جميلك
ووصلها لجهاز الامن
خلاض الفيك اتعرفت |
طبعا حكاية الانتفاضة المحمية بالسلاح كانت مكتوبة في اوراق التجمع بصورة واضحه جدا وكنا حينها طلاب وقاعدين (نكورك) بيها كل يوم وما كنا بنخاف الظاهر (الرقطة) مسكتك وفي امريكا كمان بقيت تخاف من ناس الامن ... ناس الامن ديل انحنا ما بنخاف منهم واسال الناس القروا معانا والرجال حقيقتا وهم موجودين في دنفر ومن الشويعين كمان في تنظيمك وانا حقيقتا وهم رجال بلاقوق في اي حته وبتناقشوا معاك في اي موضوع حتي لو كان الموضوع تصفية الكيزان... الرجفه ماتمسكك يامناضل البندقية مابمسكة واحد خواف ولا يمكن طبعا يمسكه ليك راجل وادارته ماقادرة تناقش حتي فكرة التصفية في اي حلفة نقاش .. علي العموم لمن تسترد شجاعتك والايام دي طبعا في شعوب كثيرة كسرت حاجز الخوف وغيرت حكوماتها بدون حتي تصفيات لمن تسترد شجاعتك اطرح الموضوع البينا (داك) للحزب الشيوعي ونشوف بيكتبه ولا ما بيكتبو في الياته لاسقاط النظام.. وبصراحة كده الجبهة الوطنية العريضة ماهي مجموعة ذي مجموعة كارلوس نمشي نقتل ليك (الجماعه) وخلاص !! وعارف طبعا انكم ماعندكم صبر علي الجماهير دايرين تكلفتوها سريع سريع بانقلاب او اقتيالات وخلاص ...
عاطف مكاوي ... شايفك تشيل وتطبع في كلامي انته كان ماعاجبك رد عليه لو كان عندك معلومات غير الكاتبه يكون كويس..
| |
|
|
|
|
|
|
|