دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟!!!

مرحبا Guest
اخر زيارك لك: 03-29-2024, 02:49 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-10-2011, 10:32 AM

abdulhalim altilib
<aabdulhalim altilib
تاريخ التسجيل: 10-16-2006
مجموع المشاركات: 4050

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟!!!

    بعيداً عن ساس يسوس ..و غادي غادي عن مآلات الاستفتاء ، ونتائجه أو استحقاقاته ..
    وهموم الانفصال المرتقب ، أو استقلال الجنوب عن الشمال .. ورغماً عن كل ذلك ..
    دعونا نروِّح عن النفس قليلاً بهذه السطور التي جاءتني من أخي العزيز ، وأحد فناني
    المنطقة الشرقية (والرياض سابقا) ، الأستاذ على أحمد علي والشهير بـ ( علي الشاطئ) ،
    حيث أرسل لي هذا الايميل خفيف الظل ، والذي يحكي معاناة أحد إخوتنا (الشايقية) من
    داء البواسير والعملية التي أجريت له لاستئصالها .. ولا أدري إن كان مثل هذا الحوار
    الباسم المرح قد نشر قبل الآن أم لا ؟ وحتى إن كان قد نشر قبلاً ، فلا بأس من إعادته لأنني
    أحسبه حواراً لطيفاً وجميلاً ، ويستحق النشر ، خاصةً في هذه الأجواء الكئيبة والأيام العصيبة
    التي تمر بها بلادنا الحبيبة .. لذا اسمحوا لي أحبتي أن أشرككم معي فيه .. علنا نتناسى
    ولو للحظات همنا الأكبر وهو معايشة الوطن الواحد وهو يتفتت ويتقسم ، ونحن لا حول لنا ولا قوة ..

    ومع عاطر التحايا وكل التقدير لكل أحبتي الشايقية معنا خاصةً حسن الشايقي
    ومولانا أحمد الشايقي وعيال جبريل ومنان وغيرهم كثر .. لهم جميعاً كل التجلة والمحبة .

    و (أخليكم) مع هذا الحوار الظريف :



    ( ليمو )
                  

01-10-2011, 10:36 AM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 35312

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟! (Re: abdulhalim altilib)
                  

01-10-2011, 10:39 AM

محمد عبدالرحمن محمد
<aمحمد عبدالرحمن محمد
تاريخ التسجيل: 10-13-2010
مجموع المشاركات: 1556

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟! (Re: محمد عبد الماجد الصايم)

    Quote:
    العندو بواسير اليموتبها..

    كمبلت!
                  

01-10-2011, 10:42 AM

abdulhalim altilib
<aabdulhalim altilib
تاريخ التسجيل: 10-16-2006
مجموع المشاركات: 4050

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟! (Re: abdulhalim altilib)

    جاني ايميل من صحبي اسامة قالي زولك حسن ساونلوا عمليي دحين أضربلو

    أتاريه الخرابة ما قالي العمليي ألت شنو

    شلت تليفوني طبزك طبزك طلعلي رقمو وضربتلو

    - ألو


    - ياخينا ألف حمدلالاك بالسلامي قالولي سويتلك عمليي

    - ايه طارق هول ناس جبرين.. انت الخبر وصلك لا هناك

    - ايي رسلي أسامة قالي صحبك سولوا عمليي

    - نان ما قالك عمليي ألت شنو

    - لا والله .. اها هسي انت كيفن

    - وحاتك يا قريبي انا شفتلي أياما علي الضُلمة كله كله

    - يا زول

    - يا الحبيب قامن علي البواسير.. ليلن ونهارن ينتحن وانا اتململ من هني لاااا هني
    علي اللقيمات وكتين يقلبوها في الصاج.. وكل يوم امشي اهبش فيها في المُستراح
    وألقالك شخاليب مدلدلي علي الشافع وكتين ينفخ اللُبانة.. مشيت جبتلي مرهم من الاجزخانة
    وقعدت أليس فيها ليلي وصباحي زي العروس اليدلكوا فيها قبل العرس

    - اها

    - تبرد شويي وتاني تتلافاني... وأقعد أتوحوح .. هبشتها لقيت الشخالب زادن بقن زي ترس الكلتش
    والقصي جابتلها دم.. يا بي اسويلي فوطة تحت اللباس ولا كمان اسويلي بامبرز زي محمد ولدي
    ودة كله يا الحبيب خوف من مشية الدكتور والبعبيص في الصُلب علي كُبرنا

    - نان مالك ما مشيت لي د. طارق

    - انا قلت يا الحبيب أكمدها بي شي لامن براها تروح.. نان هي همدت شي
    اها يا الحبيب مشيت علي طارق الله يديه العافي..
    دخلني وبقى يبعبص في صُلب الجن دة

    - شن قال

    - قالي يا زول انت الخرابة دي خليتها لي هسي كيفن.. لازم تسويلك عمليي سريعي
    عمليي... وووب عليك يا حسن ود حزامة...

    - ههههههههه اها

    - المهم حددلي مواعيد للعملي في مستوصف في العمارات.. كلمت المرة وقلتلا تكلم اختها
    فشان تجي تقعد مع البُطان وما تقولها نوع العمليي.

    - ههههههههههههههههههه

    - ايي يا الحببب لا نبقى في الفضايح كمان
    يا زول مشيت شايلي معاي غيار ومعاي المرة دخلنا ملينالنا اوراق كدي ودخلوني اوضة
    ختيت فيها الغيار ومعاي المرة.. جاء واحدا غليد كدي ليه رقبة علي ((التلكي)) أليل الجزارين
    أداني مريلة كدي قالي ألبسها وأقلع هدومك كلهن..

    -اها

    - اتقولعت ولبست مريلة الجن دي.. وطبعا صايم ما أكلتلي شي من أمبارح
    وأشوف في القرقوش المرسلاهو لي أمي من العفاض وأعضعض في لسناتي
    جاء الخرابة الغليد دة ساقني.. مشينا علي أوضة كدي فيها سرير مصنقع كدي
    رقدوني فيهو وأشوف في زولك يخجلو في باغة كبيري فيها رغوة ألت صابون
    شويتين جابلو خرطوشا أخدر طويل كدي ليه راس صغوووير.. ووووب عليك يا حسن ود حزامة

    قلتلو: انت الخرطوش دة لي شنو

    قالي عشان بطنك تفضى لازم نكب ليك شوية صايون
    وبقيت أقنت يا الحبيب قبل يدخلولي خرتوش الجن دة
    شويتين جابلو مرهم كدي دعكو في تروس الجن ألاتي ديلك وبدأ يدخل في الخرطوش
    نان يا ود جبرين أنا باقيلي الله ما بيحاسبني تاني

    - ههههههههههههه كيفن

    - أماني خرطوش الجن ماهو حاااااار هو يدخل فيهو وأنا أقنت
    شويتين بقى يكب في صابون الجن دة من الباغة.. هو يكب وأنا أنفخ في ريالتي
    زي المكوة البترش الموية في الهدوم ديك
    وحاتك كمل الباغة كلها في مصاريني وحسيت نفسي بقيت زي سمكة التامبيرا
    اها قام قالي بعد نطلع الخرطوش دة حا تحس انك داير تمشي الحمام
    الحمام قدامك.. نص ساعة ندخلك العمليي..
    نان أنا صبرت لامن يطلع الخرطوش كله...
    وحاتك سلة الخرطوش كدي بوووووووووووووش رشيتو ورشيت الحيط كلهن

    - هههههههههههه الله لا كسبك أها

    - يا زول مليتلك الدنيا هِرِرِي (جمع هُرار أكرمكم الله).. وإن ما أكذب
    طلعتليي باميايي سالمي ضومة ضومة

    - هههههههههه نان انت ماك صايم

    - اييي بس قبليها بي يوم جيت جعان لقيت المرة مسويالا باميي سمحي
    زي ألت دعاية زيت صباح ديك ووقعت فيها جف جف جف
    وحات نضري يا ود جبرين الحيطة ألت الأوضة بقت زي حيط مُستراح السوق العربي
    كلها مجلطة والعفني ما تديك الدرب..

    - نان ما كاتلك الخرابة الغليد دة

    - يكاتلني فييي شنو.. نان هو كبسني صابون زي المخدة الجديدة الينجدوا فيها
    وفوق دة كله ما أهُر أن بقيت داير أهُر موش دافعلهم.. ما بي قروشي

    - ههههههههههههه

    - يا زول وضوني أوضة تاني ودخلت الحمام وبقيت أعصر في بطن الجن دي
    وحاتك يا الحبيب أنا قايل مصاريني نزلن ضومة ضومة..
    نص ساعة جوا دخلوني للعمليي وجاء د. طارق ومعاهو واحدا تاني
    وبنيتين قالولي ديل سسترات.. اها رقدوني علي بطني وختولي شيتا تحت محسني
    وبقيت راسي مدلدل لااا تحت وصلبي مفنتر لااافوق علي القلاب أليل التراب وكتين يجي يفضي التراب

    - ههههههههه أها

    - اها جاء واحدا شايلو حقني ليها راسا طويل كدي قمت قلتلو: انت دي شنو كمان
    طارق قالي دي حقنت البنج حا نطعنك بيها في ضهرك.. قلتلو نان مالو رويسها طويل كدي
    لا يبقى جبتولكم حقنة قرنتيي.. قعدوا يضحكوا يا الحبيب والراجل بقى يهبش في ضهري لمن
    طبزني بي حقنة الجن دي... وجسمي التحت بقى يخدر وماني حاسيبو...
    شويتين شلخولي رجليني زي الخروف الدايرين يقسموهوا نصين
    اسمع في طارق قال لي واحدي من السسترات أحلقيلو..

    - كمان جابتلها حلاقي من تحت..

    - أيي الصُلب عارفه شين أنا والشعر فيهو علي شوك الكتر..

    - نان أنت شوفته وين.. ههههه

    - المهم يا حبيب حلقولي.. أنا إن بقيت قايل الشي فيهو حلاقي
    كنت قلت للمرة شديلك حلاوة في علبة نيدو وكنت جيتهم ممعط

    - أها

    - يا زول السسترات شالخاتلي رجليني.. وأصلهن رجلين الجن ديل تقول بقت ملصقات بي بزاق
    يعوجن فيهن الخرابات ديل من هني لا هني.. تقول لاعبة جمباز
    وأشوف في طارق يشيل ويقطع في شخاليب الجن ديل.. ويخيط..
    شويتين الزول المعاهو يا طارق جابلو خابورا كبييييير علي عصاية البشير البينقزبها
    في ريوس العربات ديك.. أها خابور الجن دة كبولم فيهو شيتا ملايق كدي
    وهجروه في حفرة الجن دي وطارق قلع الخرابات الكان لابسن وجاء عند راسي وقالي:
    حمد الله بالسلامة أهملتها لكن الحمد لله العملية انتهت بس حا يعملوا ليك لصقة كدي وبجيك المساء أشوفك
    وإن شاء الله باكر الصباح تمرق لي ولادك..
    أها الزول المعاهو بقى يليس في خابور الجن دة وشالوني نقلوني علي الأوضة
    لقيت المرة قاعدي ممحنة.. شافتني حمدلت لي بالسلامي وطلعتلها علبة حلاوة أدت السسترات منها..

    - أها

    - ساعتين يا طارق بنج الجن دة يفك مني.. زي التقول ضربوني بي ملتوف من تحت
    وانطلقت فيني الناريي.. وبقيت أوجوج.. وأعضعض في يديني..
    ووكتين الشي زاد علي قلت لي المرة شوفيلي أي دكتور أن قربت أموت..
    ربك رب الخير جاء واحد طبزني حقنة شويي أرتحت،،

    - سلامة والله

    - يا زول أنا ما معرسلي جعليي.. وأخت البت قومي كلمي أهلك وجوا منكبسيني فيني

    - اها شن قلتلم.. انت ماك داسيها


    - آآآبعرف تراها بتهم كلمتهم.. وشويتين كبسني ليك نُفاخ يا طارق

    - لا يبقى في باقي بامية في المصارين

    - شن عرفني.. وحاتك كلو ما ليه زايد.. والخابور ماهو سادي المنافذ كلهن
    وجات أمها تسويلي: ألف سلامة يا ود امي
    النجما تهرد لهاتك أنا خلاص داير أطرشق..

    - هههههههه شن سويت

    - قلت للمرة بعد النفاخ زاد وعيوني بقت غُلاد علي ضكر القعونج اليفتشلوا في انتاييي
    قولي لي امك تسوق النسوان ديل وتطلع أن بقت جات جنبي تاني بطرش فوقها

    - ههههههههههه

    - يا زول عافرت بي تحت لقيتم مليسين الخرابة زي بُرطمان الدلكي الخاتنو للعروس
    بقيت أعافر بي أصبعي لااامن سويتلي فتحة صغوووويري.. بس بالله زي الماسورة
    الكانت قاطعي منها المويي... كررررررر طررررررررر.. ضرررر

    - هههههههههههههههههههه ماك نصيح وحات ربي ماك نصيح

    - يا طارق انا ماني كنت داير أموت من بامية الجن دي...
    المهم يا الحبيب أخدتلي نومي والمغرب جاني د.طارق حسين
    طلعوا خابور الجن دة وسوولي مراهم كدي وقالي باكر الصباح تطلع

    - والله سلامة يا الحبيب

    - يا زول يومين وانا دخول الحمام دة علي ولادة الشفع
    اسبوع كدي حتى استعدلت... غايتو أن بقن جاتك لا تسويها في السودان

    - هههههههه يا زول مالك علي

    - غايتو ضومة فضيحي


    - يلا سلام يا الحبيب

    - تسلم سلم علي وليداتك

    -------------------------------- انتهى .

    حمانا الله وإياكم


    =====================================================

    نسأل الله السلامة للجميع ، ولوطننا العزيز الذي أضحى أو هو قاب قوسين أو أدنى من ذلك ؟!


    مودتي ،



    ( ليمو )
                  

01-10-2011, 01:51 PM

abdulhalim altilib
<aabdulhalim altilib
تاريخ التسجيل: 10-16-2006
مجموع المشاركات: 4050

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟! (Re: abdulhalim altilib)

    Quote: العندو بواسير اليموتبها..



    حالتي جيت جاري بذاك الايميل ، وأنا أحسب نفسي وقد (جبت الديب من ديلو) ؟!

    شكراً أخي ود الصايم .. يعني أنا (تيييييييييت) أو فعلا كما قال ودعبدالرحمن ما معناه :(كومبليتا بي شخيتا) ؟!
    لم تقع عيناي على ذاك البوست الظريف للحبيب ود جبريل ، لذا سارعت به هنا ،
    فله العتب والتحية ، ولا يحسبنا قد سطونا على ممتلكاته الاسفيرية .. فقط
    روعة اللهجة وجمال الحوار هو الذي حفزني للمسارعة برفده هنا في هذا المنبر .

    شكرا تاني و .. لن أقول : حوار ناس ود جبريل في المنبر على مسؤولية ود الصايم وحده ؟!


    مودتي ،


    ( ليمو )
                  

01-12-2011, 03:50 PM

طارق جبريل
<aطارق جبريل
تاريخ التسجيل: 10-11-2005
مجموع المشاركات: 22554

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: دعوة للابتسامة رغم أجواء الحزن والفرح هنا وهناك : زولك حسن ساوللوا عمليي ، دحين أضربلوا ؟؟! (Re: abdulhalim altilib)

    ليمو كيفنك ياخي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de