|
|
|
 Re: طرائف الأخطاء المطبعية والاملائية بسودانيز أون لاين ... (Re: يسرى معتصم)
|
مرحبتين يسري ( كده صاح ) ؟
والله يايسري ما عارف أقول ليك شنو ؟
بعض الأسماء تشكل حرجا لأصحابها .. غايتو
استحمل ده قدرك كده .. ولا أضبح خروف وغير اسمك
في ناس عملو كده رغم التبعات الباهظة من تغيير
مستندات واقناع الآخرين بالاسم الجديد ..
اما حكاية أبوك ده خطأ مطبعي ناتج عن السرعة وعدم التركيز
أنا جدي اسمو ( زكي ) ونادرا ما يكتبوهو صاح .. تخيل بيكتبوهو
( الزاكي ) ما عارف الألف واللام دي جابوها من وين .. يا زول ولا يهمك في النهاية مجرد أسامي ...
| |
 
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
Quote: يا مراحب
شكوكو هسي إنت مدبل ( كانت ) دي فوق كم ؟
ياريت تورينا الصاح لفائدة الجميع ....
سعيد بالتعرف عليك من خلال هذا البوست |
شكرا جميلا أخي منتصر
وسعيد حقيقة أن أتعرف اليك ..
ومحمدة منك أن العنوان كان حول الأخطاء المطبعية
أي الهنات التي تأتي ربما للعجلة أو السجال .
( يسرى ) اسم مؤنث ينتهى باللأف لكن الفنانة ( يسرى) صاغت حروفه حيث استبدلت الألف المعتادة (ا) بالألف المقصورة (ى) حتى لا يحدث التباس مع اسم ( يسري ) الذي ينتهي بحرف ( الياء ) ، خاصة وأن إسم ( يسري ) بالياء إسم شائع بين الرجال في مصر فخشيت الفنانة ( يسرا ) من أن يختلط الأمر ويستشكل على الناس رغم أن غيرها كثيرات كنّ يحملن هذا الإسم ، لكنها لأنها مشهورة والناس قد أصبحوا يقتدوا بالفنانات بعد أن أصاب العلماء الوهن ، لذا حاولت ( يسرى )أن تغير حتى اللغة العربية الرصينة لمجرد ظنها أن خلطا سيحدث وكأن الناس ساذجون مثلها ولا يميزون بين الألف والياء ..
لذا فإن الصواب هو ( يسرى ) أما الألف الموجودة في الآية الكريمة : فهي مقتضيات النحو ( وذكر بعض أهل اللغة أن (العسر) معرّف بأل ، و ( يسراً) منكر ، وأن العرب إذا أعادت ذكر المعرفة كانت عين الأولى ، وإذا أعادت النكرة فكانت الثانية غير الأولى ، لذا فإن الألف الموجودة في كلمة ( يسرا) الأولى هي مقتضى التنوين وليست أصلا .. وهي نفسها يمكن تحريك نهايتها لتكون ألف مقصورة ( فَسَنُيَسِّرُه لليُسْرَى ).
والله أعلم
شكري وتقديري لك أخي منتصر
ولكم الود
..
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
(1)-
الأخ الحـبيـب الحـبوب
منتصرمحمد زكى،
كل سـنة وانت طيب.
(2)-
***- في حواره مع حسن الجزولي كشف محمد وردي أنه رفض ، ابتداءً ، المشاركة في فعاليات (الخرطوم عاصمة للثقافة العربيَّة للعام 2005م) ، كونه تشكك في الأمر برمَّته ، رغم أن الوزير حاول إقناعه بأن المهرجان مقام في إطار الجامعة العربيَّة ، والسودان عضو فيها ، وهي التي ستتولى الصَّرف! وعقب وردي على ذلك بقوله: "ياخي الدولة في الجامعة العربيَّة ، لكن .. أنا شخصياً لست عربياً"! ومضي قائلاًً: "أعلنت أنني لست مؤمناً بذلك .. حضرت اجتماعاً واحداً وابتعدت"! ثمَّ دلف إلى أخطر جانب في حديثه ، بقوله: "في الافتتاح شاركت بدون اقتناع ، غنَّيت جزءاً من نشيد (يقظة شعب) ، لكنني أضفت كلاماً نظمته ارتجالاً بالرطانة قلت فيه: هذا موضوع مفروض علينا ، وأنا لساني ليس عربياً ، لكنهم عرَّبوني رغماً عني"! وأردف: "كلُّ النوبيين كانوا مبسوطين جدَّاً".
(الميدان ، 28/8/07).
المصـدر:
الأسـتاذ كمـال الجزولـي ورزنامة الأسبوع: الفنان الكبيرم...نا شخصيآ لست عربيآ".
الموقع:
(سـودانيز اون لاين)- مدخل أرشيف الربع الثالث للعام 2007م:الأسـتاذ كمـال الجزولـي ورزنامة الأسبوع:
15-09-2007,
بكري الصايغ.
(3)-
***- لو لقيتو اخطاء لغوية في مقالاتي اعذروني فانا من قبيلة وردي ،واللغة العربية مـش من "اندينا"!!
| |
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: بكري الصايغ)
|
العزيز
بكري الصايغ
كل سنة وأنت بألف خير
***- لو لقيتو اخطاء لغوية في مقالاتي اعذروني فانا من قبيلة وردي ،واللغة العربية مـش من "اندينا"!!
بالعكس خلو معظم مقالاتك من الأخطاء دليل على أن من ينتمون الى قبيلة وردي بامكانهم التفوق
في اللغة العربية ان أرادوا ذلك بل بعضهم يعتبر مرجع فيها لكنهم يعتزون بلغتهم ويفضلونها
على ما عداها من اللغات الأخرى ..... سعدت جدا بمرورك
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
***- واحد يكتب اسمو كده ( Mohammed )،
***- يقوم واحد تاني يكتب اسـمو ( Mohamed )...ويوفر علي نفسه مشقة عناء كتابة M.
***- واحدة تكتب اسمها ( عازة )،
***- نلقي واحدة تانية تكتب ( عـزة )،
***-هل الكلمة الصح ( صايغ ) ولا ( صائغ )?!! ...لوووول!!!
***- والكلمة الصاح بالانجليزي: Mahmod ولا Mahmmod?!!
***- والكلمة الصاح بالانجليزي Osman ولا Othman?!!
***- في صورة للمتعافي ب(البورد) واسأل:
هل هو ياكل جـدادة... دجاجة... ام فرخة?!!
***- بالمناسبة هذه اخذتها من المنبر العام!!!
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: بكري الصايغ)
|
| Quote: طرائف الأخطاء المطبعية والاملائية بسودانيز أون لاين ... |
شكراً يا منتصر على البوست المفيد ولذيذ..
واحد من أهم الأخطاء شيوعاً..هو "خطأ مطبعي"..
والخطأ المطبعي مرتبط بالمطبعة وليس الطباعة..
يعني مثلاً المطابع عندها كميات كبيرة من كتب المناهج الدراسية والكتب الأخرى كالروايات والقصص وغيرها..
أها يقوموا ناس المطبعة يجلطوا ليك تجليطات كدا من النوع أبو كديس.. يخلوا المعلمين مثلاً بتوجيه
من إدارة المناهج ودار النشر التربوي وغيرها يصححوا من أول السنة ما يعرف بالخطأ المطبعي..
لكن بقى تعال شوف استخدام الناس لمصطلح الخطأ المطبعي..
تخيل في ناس بيقولوا ليك فلان الفلاني كان بتكلم .. لاحظ يتكلم دي.. أها قام عمل خطأ مطبعي
خرب ليك الكلام مرة واحدة..
والله صحي..
الخطأ الإملائي والهجائي إن جازت التسمية هو التعبير الصحيح..
بالنسبة للأخ يسري..
هسي كدي عاين إنت في روحك دي ملخبط كم مرة في الياء والألف المقصورة..
تصور ممكن تلقى لافتة قدر الكتلة في قارعة الطريقة مكتوب عليها من دون أي خجل:
الملتقي الثقافى السودانى المصرى
فى الفترة من كدا إلى كدا..بأرض المعارض ببرى..
فشنو؟؟
فتأمل !!!!
| |
|
|
|
|
|
|
|
|
 Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
تحياتي أخ منتصر موضوعك مهم و ياريت الناس يأخدوا الموضوع بجدية
شوية لانه الاخطاء بقت مكررة من غير ما الناس تأخد بالها بعدين المنبر دا
بقي مقروء لعدد كبير من الرواد منهم غير الاعضاء و منهم جنسيات أخري من
غير السودانيين لازم كمان نحترمهم شوية
من بين كل الاخطاء الإملائية و النحوية ماااافي شئ بفقع مرارتي قدر
كتابة إسم الجلالة بالتاء المربوطة من غير أي إكتراث ! معقولة بس
يا جماعة !! ( يعني شاهده قبل نشره دي بكري عملها لي شنو ؟ ما لجنس دا )
Quote: دخلت عشان أقول ليك ... أبعد من تراجي ومحمد عادل ..... عشان نفسك ما يقوم ...
|
أثني 
سلامي لكل المتداخلين و سنة سعيدة علي الكل
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
معتصم سلام
دعوة لثورة تجديدية فى قواعد العربية
المطالب
دمج القاف و الغين
دمج السين و الثاء و الصاد
دمج ملح للزاى و الذال
و الاهم معروف الدنيا كلها تعيط للمساواة بين المرا و الرجل
لماذا العربية تضع الحدود بينهما .. ندين و نشجب
تسقط يسقط نون النسوة
الحروف المزدوجة دى عزبتنا خالس خالث
مع تحياتى
احمد حامد
عن عجم المنبر
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
Quote: تصحح لي اسمك زكى إلى زكي
والاملائية إلى الإملائية
الأولى لا ذنب لي فيها ويسأل عنها بكري
اما الثانية ياريت توريني ألقى الهمزة
التحت وين لفائدة الجميع .. وينوبك ثواب ... |
أشكر لك
أيها الشاعر
أولاً بالنسبة لي ذكي أو زكي
قصدي نهايتها ياء وليست ألفاً مقصورة
أما الهمزة المكسورة
فاضغط على الشيفت مع الغين
حرف الغين وأنت ضاغط على الشيفت
s h i f t+ غ=إ
لك التحية والود
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: احمد حامد صالح)
|
سلامات
احمد حامد صالح
معتصم سلام
أها قول واحد
المطالب
دمج القاف و الغين
دمج السين و الثاء و الصاد
دمج ملح للزاى و الذال
و الاهم معروف الدنيا كلها تعيط للمساواة بين المرا و الرجل
لماذا العربية تضع الحدود بينهما .. ندين و نشجب
تسقط يسقط نون النسوة
تحول الى مجمع اللغة العربية في كل من دمشق والخرطوم لينظر فيها .....
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
Quote: معتصم سلام
أها قول واحد |
ليك حق يا منتصر
لك العتبى حتى ترضى
اها المرة دى عشرة على عشرة
المطالب
| Quote: تحول الى مجمع اللغة العربية في كل من دمشق والخرطوم لينظر فيها ..... |
يا منتصر مطالبنا لا تحتمل المماطلة و اللجان ، ذلك يعنى تلجينهاو هذا ما لا نسمح به
ندعو امين عام الحوش لحامية الرطانة بالمنبر من غلاة الضاديين
و الا سنطالب بحق تقرير المصير
www.sudaneseonline.rattana.com
احمد حامد
عن حركة تحرير الرطانة بسودانيز اون لاين
------------------------------------------------------
لؤى
لك الود و التحية
الزاى و الذال بحق مشكلة
بعد تلاتين سنة اكتشفت انى اقرأ
فى سورة الواقعة
على سرر موطونة بدلا عن على سرر موضونة
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
سلام يا منتصر
مرة واحد اظنو محمد الأمين دا زاتو غلط في عنوان بوست عايز يكتب الحزب الشيوعي
وقوم انسى الحاء - و العنوان طبعا ما بتعدل , بالله البورد دا قام وقعد
اظنو بكري جاه مليون إيميل و تلفون لغاية ما حذفو
والذ شي كل واحد يجي داخل يستنكر العنوان و يطالب بحذف البوست ناسيا انو بقوم برفع البوست عمليا بمداخلته المستنكرة
ملاحظة ود المدير في محلها عن الخطأ في اسم الجلالة
عصام الزين بارينا بفرمالة " الله يمهل ولا يهمل" و اليفقع المرارة إنو كاتب الله بالهمزة
تاني في ناس بتحاول تكتب "ولاّ" بكتبوها " والله" تخيل الجملة بتطلع غريبة كيف؟
وبالنسبة لقولة "إعتذار" خلاص بالتكرار اتعوّدنا عليها إنها "إعتزار" لدرجة لو زول كتبها بالذال تقرب تصلحو
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
شكراً يا منتصر على البوست الهام و اللطيف في نفس الوقت
Quote:
الأخ منتصر
سلام
أكبر خطأ هو أسمى
الكثيرون يخاطبونى بالمؤنث يسرا
حتى أسم الوالد يكتب مصطفى |
Quote:
أنا جدي اسمو ( زكي ) ونادرا ما يكتبوهو صاح |
وانا ايضاً اعاني من نفس المشكلة وكثيراً ما يكتب اسمي الصاوى او الساوى او الساوي وكلها غلط
Quote:
في احدى المداخلات كتبت تراجي:
أبناء العشب الواحد
تقصد أبناء الشعب الواحد ... |
منو القال ليك، احتمال تكون فعلاً قاصدة أبناء العشب الواحد خاصة انه البلد داخلة على استفتاء وكده
يا ذو اليد كلمتك دي و الوردت في بوستك الشهير داك ما غلطة إملائية ابداً ..
لكن يخيل لي انك كنت ملخبط شوية بين "الأباط" و "الجـ ..ات"
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: لؤى)
|
مساء الورد
Quote: ( نكتبها ) ما ( نكتبا )
|
سمح (^_^)
Quote: طبعاً يا سـلـمى حكاية الأسـماء دي
تُكتب كما يُـختار لـها
|
ما هو _ يُختار لها _ دي هي المشكلة (*_*)
Quote: أمّا إن كان السُّؤال عن الصّحيح لغويّاً
هناك يـختلف الأمر
وتبقـى نورة
وليس كما شاع
والكلام دا علـى مسؤوليّة صاحب البوست |
إنت كمان ما تسلبطا _ اقصد تُسلبطها _ في صاحب البوست
صاحب البوست دة قبيــــــــــــــــل مرق زمتو
أقصد ذمتهُ (^_^)
و قال نورا
| |
|
|
|
|
|
|
|
|
|
Re: طرائف الأخطاء المطبعية والاملائية بسودانيز أون لاين ... (Re: منتصرمحمد زكى)
|
نماذج عشوائية
ولكنهم لم يحركوا ساكنة .
اشكر الشيد ادم عيسي .
كي يجد ما ينفق فيه المال الذي أصبح عبئ عليه .
الملاحظات التى ظلت تتردد على زاكرتى .
الجهات الامنية رفضت التصديق بغياب الندوة .
قلت لي مهتمة بالانضابط اللغوي ومشرحة عزام بنفس فاتحة ؟؟؟
إلى مواطني السودان الشرفاء لأمثلية الوحدة .
عشرين عاما يا سقطي الشعب السوداني .
الكلمة في أي مكان كالرصاصة كما يقولون لو طلعت من الصعب رجوعه .
لا اسئ لا شى ما دام هذا الشئ يفرح الأحباب .
| |
|
|
|
|
|
|
| |
منتصرمحمد زكى
يسرى معتصم
صلاح شكوكو
محمد مصطفي مجذوب
ذواليد سليمان مصطفى
محمد ميرغني عبد الحميد
لؤى
عبدالفتاح أبوشيمة
عبدالعزيز الفاضلابى
جمال الباقر
Mahmoud Mustafa Mahmoud
Ahmed Gabir
محمد أبوالعزائم أبوالريش
heba Elmahi
محمد الامين محمد
Moawia Mohammed
معاوية المدير
Amani Al Ajab
محمد البشرى الخضر
elsawi
بدر الدين احمد موسى
الرشيد ابراهيم احمد
سلمى تاور
ياسر معتصم
فيس بوك
تويتر
انستقرام
يوتيوب
بنتيريست