|
منتخبنا يجري اول تمرين اليوم (صور بس):
|
في ملعب المقاولون العرب بالقاهرة اجري منتخبنا الوطني اول تمرين له اليوم الاثنين حيث انه وصل بالامس .. وبقيادة المدرب مازدا اجري تمرين اعتقد انه -من وجهة نظري - ناجح والحماس يملا اللاعبين .. .. ونخلي الصور تتكلم احسن ..
|
|
|
|
|
|
|
|
Re: منتخبنا يجري اول تمرين اليوم (صور بس): (Re: baha eassa)
|
الاخ بهاء كل عام وانتم بخير نقدر ليك وطنيتك ... بس عليك الله وينو الحماس الظاهر في الصور... كدا عاين للزول الفي اقصى يمين الصورة (بالنسبة للقارئ مش المصور) شوف ربطة ايدنو ديل مابتديك انو الدنيا برد والفريق مغلوب واحد صفر والدقيقة ثمانين ونمرة عشرة مطرود والهواء ذاتو ضددهم
| |
|
|
|
|
|
|
Re: منتخبنا يجري اول تمرين اليوم (صور بس): (Re: baha eassa)
|
Quote: يعنى ما عزمتنا فى تهميش برضو |
يا قسموني .. انت قايل المباراة كانت عندي في البيت ؟ وعلي العموم تعال بكرة التمرين الاخير قبل المباراة الاولي يوم الاربعاء واكيد ماحتجي رغم العزومة علي الهواء دي .. زي عزومة حمور الماجيت فيها ديك ..
| |
|
|
|
|
|
|
Re: منتخبنا يجري اول تمرين اليوم (صور بس): (Re: baha eassa)
|
الف شكر بهاء ..............
بالتوفيق لمنتخبنا (بالمناسبة ده منتخب تاريخي آخر منتخب يعلب باسم المليون ميل مربع)
انقل ليهم الكلام ده يابهاء وقول ليهم دي فرصة تاريخية ليكم لن تتكرر مرة أخري ...........
وياريت يوم المباراة توثق لصورة جماعية بشكل رسمي واحدة للمنتخب + واحدة للمنتخب وجهازه الفني والاداري ...........
| |
|
|
|
|
|
|
Re: منتخبنا يجري اول تمرين اليوم (صور بس): (Re: خالد عبد الله محمود)
|
شكراً الاخ بهاء ونسأل الله ان يوفق منتخبنا في مقبل مبارياته ،،، لكن أحجام اللاعبين دي مقارنه مع لاعبين المنتخبات الآخرى تبدو ضئيلة ولا رأيك شنو ؟؟ وياريت تكتب الأسماء على الصور علشان نعرف اللاعبين بالأسماء باقي نحن طولنا طولة شديدة من البلد وناس البلد ،،،
تحياتي : ياسر العيلفون
| |
|
|
|
|
|
|
Re: منتخبنا يجري اول تمرين اليوم (صور بس): (Re: خالد عبد الله محمود)
|
بهاء .... سلامات
بالله شوف الناس ديل مبهدلين ولابسين كيف ياخي مفروض الواحد لما يكون طالع لكورة في السودان يفترض يكون لابس وكأنه ذاهب الى صلاة الجمعة بالله شوف الناس ديل بيمثلوا السودان بياتو طريقة اول واحد يمين الصورة في الجهاز الفني لابس شبشب وللا شبط ماعارف موش ليهم حق المصريين يضحكوا علينا
لكن يابهاء قشرتك دي اخطر من امير العود ( حسن عطية ) في زمانه شوف دا حالتك مشيت كجمهور ومتابع فقط معليش قول لمزمل في اضانو من غير مازول يسمعك انت من اسباب تدهور كرة القدم في السودان
خليفة وموسى الزومة مافي داعي ليهم في الفريق القومي افضل يبحثوا للبديل من باقي الاندية وليس بالضرورة يكون لاعب من هلال مريخ
( راجي ) دا مكيفني بالرغم من تصرفة العشوائي الاخير الذي كشف سقوط إدارة المريخ ولكن اثبت شخصيته الكروية ولاعب له مستقبل وممكن يكون ليدر اي قيادي للمنتخب في المستقبل امكانياته ممكن تتطور اكثر مما هو عليه الان
عودة طمبل بقوة الحمد لله تعافى الواحد ما كان متخيل بعد اصابته ممكن يرجع بسرعة لنفس المستوى مساوي لاعب ممتاز وممكن يتم توظيفة في خانة الارتكاز . . امكانيات المدرب مازدا مناسبة مع امكانيات المنتخب . . مع تمنياتي لكل اللاعبين بالتوفيق
| |
|
|
|
|
|
|
Re: منتخبنا يجري اول تمرين اليوم (صور بس): (Re: baha eassa)
|
الباهى بهاء تحية طيبة ولك الشكر على حسك الوطنى. ماتسمع كلام وليد ده وقول لى مزمل الفاضلابى بقول ليك: اقدل فوق عديلك ومحل رهيفة تنقد. وقول ليهو كمان يدينا فرصة نكتب مداخلاتنا فى صحيفة الصدى ,, وانا عندى ليهو طريقة يضمن بيها الناس ماتكتب خارج النص. وقول ليهو الصدى مابتفتح على الـنت ليه?
وقول للهيثمين {طمبل + مصطفى} سوقوا الفريق بالمهلة والمحبة . وابقوا عشرة على إخوانكن السغار. وانت ربنا يديك العافية ماقصرت طاب
| |
|
|
|
|
|
|
Re: منتخبنا يجري اول تمرين اليوم (صور بس): (Re: baha eassa)
|
غايتو بهاءعيسى ياخوي والله نقدر ليك وقفتك في كل شيء مع الناس البتمشي مصر كان كورة وللا زيارة لكن ما مشكله الناس ممكن تمشيء عشان تعمل برنامج بس . وخروج عن الروتين تشيل معاك لب وانت ماشي وسايق معاك الاولاد . . كنت شايل الصورة دي اعمل بيها مداخلة هناك عندي
بالله الناس ديل زنبهم شنو ما من حقهم يفرحوا مثل الناس التي تفرح بفرقها واختنا الفي الصورة دي كان نفسها تشوف اخوانها رافعين علم السودان فوق وتزغرت ليهم ... احباط ... احباط . . بالله مدنا بالصور الموضوع طويل وعايزين نتكلم في حاجات كثيرة
| |
|
|
|
|
|
|
|