|
|
|
 Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: فايزودالقاضي)
|
الاخ محمد حمدالله على السلامة
ياخي بس نسبة 98% كتيره شوية واعتقد انو مدنها كوز موية
لانو لو قلنا عرسو 10000 (عشرة الف ) بس يكون عدد المطلقين 9800 وهو رقم خيالي
كدي خلينا نرجع لي ارشيف افراح افراح ونشوف كروت الدعوة بعد داك نتاكد من الموضوع
او نمشي نراجع دفاتر قسيمة الزواج في المحاكم لو النسبة صحيحة تكون طامة كبرى
ويكون السبب الاساسي هو الكاش بيقلل النقاش وحالات الطلاق
تحياتي
زاتوووو
| |
 
|
|
|
|
|
|
|
 Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: محمد البشرى الخضر)
|
ود البشرى يا عربي
المسمى العام (طلاق) .. بعد داكـ الطلاق دا يتم تصنيفو!
وحسب الحبشي (طلاق بعد الزواج)، معناها في طلاق قبل الزواج!
بالنسبة للمثل حقي
المسمى العام (حوادث)، ويندرج تحتها تقسيمات الحوادث!
دهس، انقلاب .. إلخ!
النسبة بتاعت الحبشي مش المقصود منها نسبة الطلاق في حالات الزواج عامة
وإنما نسبة (الطلاق بعد الزواج) في الإطار العام لحالات (الطلاق) كووولها!!
غايتو كان ما فهمت ياكا عربي جدجد!!
| |
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: فايزودالقاضي)
|
حموودي أول حاجة كلامك دا | Quote: وحسب الحبشي (طلاق بعد الزواج)، معناها في طلاق قبل الزواج! |
بجيك اسي الحبشي يكسي بيك العرايا فوقو
جيب كوت/رابط/تسجيل يثبت انو قال الكلام دا
وإلاّ ح يشبكك قراية اضنين و بتاع
ثانيا حسب فهمك لكلام الحبشي أو حسب قرايتك ليه - غض النظر عن الوسيلة المستخدمة في القراية ( )
لا يستقيم مع مثل الحوادث و موضوع الدهس و التدهور ... إلخ
غايتو كان دي ياها الـ فتأمّل الجاي تحشش بيها
فآن لي أن أمدد رجلي و أرجى تنظير في اللفة - واخد بالك يا ود القاضي
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: فايزودالقاضي)
|
الحبشي
دراسة احوال الطلاق. يقوم الباحث باجراء دراسة مية حالة او الف حالة يوزعها علي الطلاب
لكل طالب عشرة حالات او خمسة حالات حسب عدد طلابه في
بعد نهاية العام وتحليل دراسات وبحوث الطلاب تطلع النتيجة
وتلعب الاحصاء دورا هاما في النتيجة فمثلا اذا كانت عدد الطلاب الذين حصلوا علي نتيجة ثلاثة حالات طلاق من كل خمسة حالات هم الاغلبية علي طول تصبح النتيجة هي المنوال وتعريفه هو القيمة الاكثر شيوعا
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: جعفر محي الدين)
|
أنا مع رأي الأخ ود الصايم قلباً وقالباً ...
يمكن العنوان أن يكون هكذا:-
نسبة حالات الطلاق في السودان تجاوزت 98%، فما هي الأسباب ؟
أو
نسبة حالات الطلاق بعد الزواج مُباشرة في السودان تجاوزت 98%، فما هي الأسباب ؟
الأسباب على حسب وجهة نظري:-
1- كثرة اللبن في سوق اللبن.
2- ضيق الحياة المعيشية.
3- قلة الوعي عند الناس (يعني شفع الزمن دة الواحد يكون متزوج أفهم منو واحد من ناس زمان وهو في الروضة).
4- الزواج بدافع الحاجة للفتيات وليس بدافع القناعة التامة. (ناس ضل راجل ولا ضل حيطة).
5- وسائط الاتصال خرّبت البيوت. (يعني ممكن الواحد يكون عندو أكثر من أربعة نسوان إسفيرياً).
ويا ود الصايم عندك كم ؟
ولك ودي ،،،
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: Mohamed E. Seliaman)
|
تحياتي للجميع
98% دي كثيره..نعم حالات الطلاق في إزدياد لاسباب كثيره ..لكن هذا الرقم غير معقول ..يعني من كل 100 زواج أثننين يستمروا والباقى يمشى الشارع؟..طيب على صعيد الأهل عندنا حوالى عشره زيجات السنه الفاتت ..والحمدلله كلهم ماسكين بيوتهم ...واستنادا لهذا الرقم مفروف ثمانيه يكونوا ودعوا بعض..
حسب علمى أحسن مصدر لمثل هذه الأحصائيات هو سجلات المحكمه الشرعيه ...زي ما إنو أحسن مصدر لعدد المواليد والوفيات هو إدارة الاحصاء ..
سؤال :الجماعه البيدفعوا لترباس 45 مليون ديل داخل الحسبه دي والله بره ؟
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: محمد عمر جبريل)
|
دا مثال كويس يا أخ محمد يوضح كيفية استخدام الأرقام استخداما خاطئا، لأنو الكلام الأنت قلتو فوق دا
على حسب الطريقة البتتحسب بيها النسب المئوية سليم لكن شوف معظم الناس فهمتو كيف.
النسبة بتتحسب في العادة بضرب خارج قسمة بسط معين على مقام معين في 100.
طيب البسط هناهو حالات الطلاق بعد الزواج، و المقام هو (حالات الطلاق بعد الزواج +حالات الطلاق الأخرى)، كلها
طبعا لنفس العام كما تفضلت أنت بالذكر
النسبة العجيبة القلتها دي =
حالات الطلاق بعد الزواج*100
(حالات الطلاق بعد الزواج + حالات الطلاق الأخرى)
بما أن الحالات الأخرى معدومة أي تساوي صفر معناتا البسط بساوي المقام وبذا تكون النسبة أعلاه هى 100% وهي
فعلا تتجاوز نسبة ال98%.
_________________________
معليش مالقيت طريقة أحسن أكتب بيها المعادلة الفوق دي.
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: محمد عبد الماجد الصايم)
|
يا ود الصايم ياخ القصة دي بالضبط كدا زي ما أقول ليك إنو نسبة الطالبات الإناث في جامعة الأحفاد تجاوزت 98%.
لو انت متفق مع نسبتي العملتها فوق دي فهذا بالضرورة يعني انك متفق مع صاحب البوست، لكن
السؤال هل المعلومة دي مفيدة؟
مرة جا واحد لي سلطان (قول هارون الرشيد) قال عندو حركة داير السلطان يشوفها، السلطان سمح له بالدخول، الراجل جا شايل ليهو صحن فيه إبر خياطة كثيرة و بدا يجدع في الابرة الأولي علي الأرض، انغرست الابرة على الأرض و بعدها قذف بالتانية فدخلت في صم خياط الأولي وهكذا الي ان إنتهى من جميع الإبر، السلطان نادى الحاجب و قال ليهو سوق الراجل دا اديهو 100 دينار و 100 جلدة، المية دينار لأنو الحركة بارعة و المية جلدة لأنو ما عندها معنى.
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: الصادق اسماعيل)
|
امحدالحسن ... انت زول احصا ... اشرح لينا قصة الـ 98% ... الله يرضى عليك ....
غايتو ظاهرة الطلاق انتشرت بى صورة ملفتة ... واعتقد انو السبب "الكذب" ...
نحن لو ما أضمرنا نية الكذب على الآخر ... غالباً بيكون بى سبب الكذب على أنفسنا ...
ثقافتنا زاتا متسامحة مع الكذب ... لى درجة انو السودانى ممكن يقول ليك "يا كذاب" بدون ما يحس بى أى مسؤولية تجاه كلامو ..
الكذب مع الزواج والأسرة ما بيشتغل ... لأنو مامكن تكون عامل فيها حاجة ... وانت حاجة تانية ... والزول التانى يتحمل تبعات تناقضك الـ 24 ساعة ...
كان ما مات الأمير ... ولا مات الفقير ... بيموت البعير ...
... المهم ....
| |
|
|
|
|
|
|
|
|
 Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: ود الباوقة)
|
الأستاذ/ محمد إي سليمان المحترم
Quote: لا يخفى على أحد أن عدد حالات الطلاق في السودان في ارتفاع مستمر.
وعلى أقل تقدير فإن نسبة حالات الطلاق بعد الزواج في عام 2010م
قد تجاوزت 98% من جميع حالات الطلاق في العام نفسه.
البوست مفتوح لمناقشة أسباب هذه القضية . |
لو سمحت مد البوست ببعض المصادر المتوفرة لديكم لهذه الظاهرة السودانية المبشِرة بالاندياح في القلوبلايزيشن
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: تبارك شيخ الدين جبريل)
|
Quote: وعلى أقل تقدير فإن نسبة حالات الطلاق بعد الزواج في عام 2010م
قد تجاوزت 98% من جميع حالات الطلاق في العام نفسه. |
بصيغة مبسطة للنوكى والمهندسين ومن لف لفهم:
"وعلى أقل تقدير فإن نسبة حالات الطلاق للمتزوجين في عام 2010 بلغت 98% من المجموع الكلي لحالات الطلاق التي تمت في نفس العام"
بالبلدي: يعني في 2010 لو الإتطلقوا خمسين زوج يبقى 49 زوج منهم كان قد تم زواجهم في عام 2010 وزواج واحد من سنة غير 2010
ولو كان المطلقين في نفس العام 100 زوج يبقى 98 زوج منهم كان قد تم زواجهم في عام 2010 وزواجين إتنين (أربع فرد) من سنة تانية خلاف 2010
ولو كان المطلقين في نفس العام 150 زوج يبقى 147 زوج منهم كان قد تم زواجهم في عام 2010 وثلاث زيجات (ستة فرد) من سنة تانية خلاف 2010
ولو كان المطلقين في نفس العام 200 زوج يبقى 196 زوج منهم كان قد تم زواجهم في عام 2010 ..إلخ..
ولو كان المطلقين في نفس العام 250 زوج يبقى 245 زوج منهم كان قد تم زواجهم في عام الجن 2010 دا.. إلخ..!!
وهكذا
ضز إت ميك سينس!!
منور يا بروف
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: Elawad)
|
| Quote: يعني عشان ما عنونت مداخلتي للمهندسين والنوكى؟ |
بالحيل يا ود الخليفة، كذلك نسيانك -أو تناسيك- لفئة (من لف لهم)
وفاروق كذلك وقع في نفس الخطأ لذا ضاع شرحكم شمار في مرقة
Quote: ابو حتوت
عن المهندسين
النوكى عنهم غالبا ود الصايم |
زي ما شايفة يا داليا: ود البشري تكفل بتنوير المهندسين وباصى تنوير النوكى لفردتو
إذاً عليك -مشكورة- تولي مهمة تنوير فئة الدكاترة
(من لف لفهم) غالباً سيتولى تنويرهم ود القاضي 
العوض سلامات
Quote: وعلى أقل تقدير فإن نسبة حالات الطلاق بعد الزواج في عام 2010م
قد تجاوزت 98% من جميع حالات الطلاق في العام نفسه. |
أنا شايف الخلل في جملة "بعد الزواج في عام 2010م"
شوف لما نعدلها Quote: وعلى أقل تقدير فإن نسبة حالات الطلاق وسط من تزوجوا في عام 2010م
قد تجاوزت 98% من جميع حالات الطلاق في العام نفسه. |
| |
|
|
|
|
|
|
|
|
|
Re: نسبة حالات الطلاق بعد الزواج في السودان تجاوزت 98%، فما ماهي الأسباب؟ (Re: داليا الكباشى)
|
سلام لجميع المهتمين بمعرفة أحوال الطلاق في السودان أو الأرقام و تفسيراتها أو بمواضيع صاحب البوست. الموضوع بقا داير ليهو كلام كتير فاعذروني مقدماً على الإطالة.
من الممكن أن تكون نية الأخ محمد من فتح هذا البوست توضيح بعض أنماط التفكير (قول المعارضة مثلا) والتي من شأنها اختلاق مشاكل مٌتوهَمة – كما فعل هو- بالاعتماد على نسب تم حسابها بذات الطريقة التي استخدمها الكاتب . هذه الطريقة كما ترون فتحت الباب على مصرعيه لتأويلات جلها خاطئة بل و تم الثناء علي بعض منها على أساس انها حلت اللغز الواضح الذي رمى به صاحب الحكاية في عقولنا وذهب. عندك على سبيل المثال ما قال به الأخ ود الخليفة
Quote: الكلام دا واضح وبالعربي
يعني لو حالات الطلاق في سنه 2010 كانت مائه حاله طلاق مسجله غض النظر عن تاريخ الزواج
فان 98 من هذه الحالات كانت لزيجات عقدت في 2010
|
الكلام فعلاً كان واضح يا أخ ود الخليفة لكنك جيت عملتو غامض بعض الشئ وأ ضفت معلومات من عندك مثل " تاريخ الزواج" وبالتالي تكلمت عن نسبة لم يتحدث عنها صاحب البوست. محمد سليمان هنا صرح بإن "نسبة حالات الطلاق بعد الزواج في عام 2010م قد تجاوزت 98% من جميع حالات الطلاق في العام نفسه" وهذا يفهم علي أن المنسوب هو نفسه المنسوب إليه . يعني المقصود حالات الطلاق بعد الزواج والتي وقعت في العام 2010 منسوبة لجميع حالات الطلاق (بالضرورة بعد الزواج) التي وقعت في العام 2010 نفسه، الأخ العوض وصل الى هذه النتيجة و قال بصحة هذه النسبة (نسبة محمد) وذلك لعدم وجود حالات طلاق قبل الزواج وكذلك قال ود الصايم . طيب ليه أنا بقول محمد اي سليمان قاصد كدا؟ لأنو الكاتب ما وضح لينا غير كدا ولانو ما وضح أنو أعتمدعلى اي بيانات أو مصدر لحساب النسبة التي أتى بها إلى هنا (والنسبة الاتقالت دي ما دايرالا بيانات و غالباً الراجل حسبها زي ما أنا حسبتها في أول مداخلة لي هنا من غير أرقام)، و بعدين أفرض إنو قصد الأخ محمد هو كما تفضلت انت بالشرح، هل يعقل ان نسبة الطلاق للمتزوجين في عام واحد تساوي أو تكاد تكون مساوية لحالات الطلاق للزيجات التي تمت قبل هذا العام مجتمعة؟
في مداخلته الثانية بهذا البوست ذكر محمد اي سليمان بأن " العدد الأجمالي لحالات الطلاق في السودان ارتفع ارتفاعا ملحوظا بعد عشرين سنة". هذا التصريح يمكن أن يتم اذا توفرت معلومة و هي العدد الاجمالي لحالات الطلاق في السودان لكل عام ابتداءا من العام 1985 على سبيل المثال الي العام 2010، هنا يمكن تتبع ااـ trend لتاريخ هذه الحالات ومن ثم تحديد اي عام كانت فيه حالات الطلاق مرتفعة أو منخفضة بصورة ملحوظة. المخطط أدناه يساعد في توضيح ما اردت قوله و يمكن أن نقول انه في عام 2010 إرتفعت حالات الطلاق ارتفاعا ملحوظا مقارنة بباقي سنوات المدى الزمني المختار، لكن أن تصاغ هذه المعلومة بالطريقة المقتبسة من مداخة أخ محمد أعلاه هو استمرار في نفس النهج المربك – على مستوي المعلومة وليست طريقة حسابها – الذي بدأ به البوست، ومن هناهل لي أن أسال، بماذا قورن الإرتفاع الملحوظ الذي ذكرته يا أخ محمد ؟ هل بإجمالي حالات الطلاق للعشرين عاما التي سبقتها؟ أم بحالات الطلاق الإجمالي التي تمت في عهد آخر حكومة منتخبة؟
________________
الأرقام المستخدمة في انتاج الغراف المرفق مصنوعة و ليست حقيقية.
| |
|
|
|
|
|
|
| |
Mohamed E. Seliaman
يسرى معتصم
محمد عبد الماجد الصايم
فايزودالقاضي
Frankly
omer osman
كمال الشادي
أمين محمد سليمان
ALZOLZATOO
محمد البشرى الخضر
نيازي عبدالله مرحوم احمد
saif massad ali
Elawad
جمال الباقر
داليا حافظ
جعفر محي الدين
HAIDER ALZAIN
Waeil Elsayid Awad
ود الخليفه
Dr.Elsadig Abdalla
Munir
محمد عمر جبريل
فاروق عثمان
ABUHUSSEIN
Siddig A. Omer
الرشيد حسن خضر
Showgi Omer
الصادق اسماعيل
تبارك شيخ الدين جبريل
آدم صيام
داليا الكباشى
farda
الطيب رحمه قريمان
Abdlaziz Eisa
فيس بوك
تويتر
انستقرام
يوتيوب
بنتيريست