|
Re: لن نترك حكم السودان الا عندما يصير كاليابان ... (Re: ود الباوقة)
|
Quote: مها ياماها ناو نيو
صباح الخير |
أيوه يا ود الباوقه خليك كدا ياخي ورد علي الناس بدل ( ماكينة سامسونج تجاهل ) المركبها لينا دي قول خلاص أنا كنت ( بخرمج ) سااااااي في كلام البوست دا ولا في يابان وهي في سودان أصلا ، وإلا !!!
لن نترك الكتابه في البوست إلا عندما تقول الروب
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
كاشفك أنا يا ود الباوقة
إنت زول فكاهة ساي
كان عندنا واحد في الحلة حالجة معاهو شوية
مرة جا شايل ليهو قفة في ضهرو ويكورك
أيوة السمك
أيوة السمك
ناداه واحد قال ليهو : يا فلان .. صحي عندك سمك
رد ليهو: سمك شنو يا معلم
فسألة الرجل: طيب القفة دي لي شنو؟
فرد: دي للفكاهة ساكت ...
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
واحد تاني برضو بي نفس الطريقة بحب يشاغل أصحابو
أصحابو كانوا مراضى بتاعين سينما
وبالذات أفلام كاوبوي الكلها رصاص
لما يدخلوا والرصاص يدور
الجماعة يقومو ويقعدوا مع البطل
صاحبنا هنا يبتدي يشجع الخائن
والجماعة يحمروا ليهو بي عين
ويرجعوا مع الضرب المدور يقوموا ويقعدوا
صاحبنا من ما الفلم يقرب ينتهي
برااااااحة يمرق من السينما
لما البطل يقرض الخيانة
والجماعة نفسهم ينجم
يتلفتوا على صاحبهم
ما يلقوا ليهو أثر
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ياسر بيناوي)
|
Quote: لن نترك الكتابه في البوست إلا عندما تقول الروب |
يامها احيييييييييييييييييييى منك لى متين حا تكونى كده؟؟ ما بتتطورى اصلك.. ناس اليابان بقولو الزباااااااااااااادى.. لانو البقر الانقاذ طورتو ما زى بقرة حبوبتك الزمان.. اللبن يحلبو وينتظروه يخمر ويجو يهزو وشنو والتخلف حقكم ده.. هسه بقر الانقاذ مصنف دايره بقره تحلب زبادى ساده فى ، تحلب زبادى بنكهات فى، تحلب زبادى بى سكر فى، تحلب زبادى بارد فى، زبادى حار فى.... دايره بقرة تحلب قشطه برضو فى دايره حقت السمن فى.. هسه ناس علم السلالات فى معهد قوز كبرو بطورو فى بقر الجبنه بختنا!!! ود الباوقه شوف لينا الانقاذ ماشه متين؟؟
| |
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: دايره بقرة تحلب قشطه برضو فى دايره حقت السمن فى.. هسه ناس علم السلالات فى معهد قوز كبرو بطورو فى بقر الجبنه بختنا!!!
|
دي دحين مو شركة ( خبوب وربوب أخوان ) لمنتجات الألبان ، أها سمعت بيها يا مونج
Quote: يا مها ما بلقالي مُلقاط أليل شعر سانيو يرقق الحواجبين من غير معط |
طارق ود جبريل كيفنك موجود بالحيل يا ابوي من زمااااان ، بيركبوا لي ( زعانف ) في نص راسك ( ذي بتاعات ألانا فتاة الغد ) ، بتعمل ذبذبات لمركز الإحساس في الدماغ وما بتشعر بأي ألم لأنه الجهاز هو البيقول ( أأأأأأخ ) هو جنس تطور لكن !!
| |
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
Quote: ** أها المكنات عايزا تسليم :- FOB ولى CIF ولى CF ,, ووين الوجهه البلد ,, المغرب ,, الصحافه الرد سريع لانو الكميه محدوده وناس تشاد واقفين صفوف ..
|
ابو محمد فؤاد كيفنك الخرابات رسلن علي عنواني في مروي طوالي بس تفوت السد بي شوية حا تلقى ناطحة سحاب الزهرة بت ود كنيش هناك ختهن عندها
يا مها ما بلقالي مُلقاط أليل شعر سانيو يرقق الحواجبين من غير معط
| |
|
|
|
|
|
|
Re: لن نترك حكم السودان الا عندما يصير كاليابان ... (Re: BAKTASH)
|
Quote: افتتاح المفاعل النووي بالصلوعاب غدا |
هسه عليك الله يا باوقه لو ناس وكالة الطاقه الذريه صدقوا كلامك دا وجوا شبكوا ليك ناسك طاقه سلميه ولا ما سلميه ، ما جبت للإنقاذ ( الغتاس ) زااااااااتو ، البوست دا من ما بدأ كلو ثورة تقنيه وإختراعات علميه متطوره
***آخر أخبار البورصه وسوق الأوراق الماليه
تراجع أسهم بورصة طوكيو مقابل بورصة ( تمبول ) وهبوط حاد للين الياباني مقابل ( الجن ) السودا ياباني
***إنتباه وتحذير الطايره من غير طيار الفكاها ود الباوقه دي ما ( تخبت ) ليها زول ، إضغط زر alt + shift لتجنبها ( في كومبيوترات بورداب الداخل بس ) تقنيه قااااااااادر الله !
| |
|
|
|
|
|
|
Re: لن نترك حكم السودان الا عندما يصير كاليابان ... (Re: BAKTASH)
|
Quote: بقايا اليسار المتسربلة اتت من كل حدب وصوب
بقيادة الماركسي المترهل ود الصايم
لكني لهم بالمرصاد |
ود الباوقه اتكلم كويس لاعندنا زول متسربل لا متسرول.. الشعب كلو لابس كيمونو حرير فاخر من خشم دودة الخز للكمبيوتر للجسم مباشرة وسمع اضانى قالو اللبسه بتطلع معطرة بعطرك المفضل كمان بس تدى الكمبيوتر اسم عطرك البتستعمله وتطبز الزر الله يخلى الانقاذ شغلها كلو طبيز
| |
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: حواتشو شينق بنق كع
شايفك ماخدا راحتك خالص في البوست
عموما بالهناء والشفاء |
ودبوقشونج 平和があなたにする مالى يا ود امى ما باخد راحتى بعد العز والوفرتو لينا دا؟؟؟ يا يابا الفسيخ بقى يجينا هوم دليفرى والكسرة والقراصة بتترسل لينا ذى الفاكس ، امى تكب العجين فى السودابان وانا استلم الكسرة ذى العجب فى بريطانيا المتخلفة دى ومرات بتجينى كسرة بنكهة ملاح الخضرة او ام رقيقة او البامية المفروكة او كل ما يخطر على بالك . اها بعد دا ما اتجدع واخد راحتى كيف ؟؟
挨拶して
| |
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: لمحدودي الدخل..وبأسعار مناسبة منتجات حوشنق بانقاشين اجهزة なめなめ肘 للحس الكوع ... الكمية محدودة.. سارع بشراء نسختك.. |
يا سلآلآلآلآلآم يا بكتاش، الوآحد عاجز عن الشكر. يأخي إنت قدمت لي خدمة عمري ما أنساها. بالله عليك لحاسات الكوع الأمريكية عذبتنا عذاب قبورة. يا اخي تظبطا علي لحس الكوع تروح لآحسا ليك جُضمك، لكن ديل في السلك...
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
ياباني يبتكر شريكة حياة الكترونية بملامح أنثوية جذابة
لي ترنغ مع شريكة حياته الالكترونية طوكيو ====== يستطيع من يبحث عن شريكة حياته أن يتصفح سفراً من تأليف المخترع ترنغ ليجد ضالته المنشودة ان لم يتمكن من ذلك من خلال أساليب من قبيل الموعد الأول مع من لم يسبق له أن قابلها من قبل أو اللقاءات الخاطفة أو ارتياد المواقع الإلكترونية على الإنترنت. وما الكتاب المذكور أعلاه سوى إنسال (انسان آلي - ربوت) تمكن المخترع البالغ من العمر 33 عاماً من تصنيعه من السليكون وتصميمه بملامح أنثوية جذابة لفتاة في مقتبل العمر. وفوق هذا وذاك، تضطلع «ايكو» - وهو الاسم الذي تم اطلاقه على الإنسال الأنثى ويعني الطفل المحبوب - بالواجبات والأعمال المنزلية الشاقة. بيد أنها وبرغم شعرها الذي يشع ألقاً وبريقاً وقوامها الممشوق فإنها ليست مجرد شريكة حياة «تشريفية». فقد تم تزويدها بمهارات لإجراء العمليات الحسابية مع تمتعها بذخيرة لغوية قوامها (31) ألف جملة باللغتين الانجليزية واليابانية فضلا عن أن بوسعها أيضا التعرف على الوجوه وقراءة الجريدة جهراً وبصوت مرتفع بالإضافة الى اصدار التعليمات والتوجيهات. وتجسد إيكو جهداً أصيلاً بذله الياباني ترنغ الذي لم يدخر وسعاً في تصميمه من خلال بطاقات الائتمان واللجوء الى الاستدانة والحصول على القروض كما أنه باع سيارته وأنفق «تحويشة» العمر في سبيل التماس الدقة والإتقان في تصميم الانسال الذي بلغت تكلفته حتى الآن ما مقداره 41 الف جنيه استرليني. ويقول ترنغ - وهو مبرمج سابق من أونتاريو في كندا - انه لم يكن لديه أي وقت ليجد زوج حقيقية ولذلك فكر في ابتكار إيكو. وأردف يقول: «أود أن أجعلها تبدو وتشعر وتتصرف بقدر الإمكان وكأنها من بني البشر حتى تصبح شريكاً ورفيقاً ملائماً. وكشأن الأنثى الحقيقية، فإن إيكو تتمتع بجميع الحواس ما عدا حاسة الشم. وبما أنها لا تحتاج لأي عطلات أو طعام أو راحة أو ترويج وتستطيع أن تعمل على مدار الساعة تقريباً فهي إذاً تعد بمثابة المرأة المثالية».
ياباني يبتكر شريكة حياة الكترونية بملامح أنثوية جذابة صور لقد ظهرت علامات التفوق والنبوغ على ترنغ منذ نعومة أظافره حيث تمكن من تصميم أول انسال له عندما كان في الثامنة من عمره. وقد تحدث عن ايكو التي درج على اصطحابها معه في رحلات ريفية وهي ترفل في حلة زاهية من ملبوسات تناسب كل مناسبة - مشيراً إلى أن ردود الفعل تتفاوت باختلاف الناس عندما يقابلون إيكو، إذ أنهم إما أن يبدوا تجاهها مشاعر الود والحب أو مشاعر الكره والمقت بينما يشعر البعض بالحنق ويستشيطون غضباً لمجرد رؤيتها ويكيلون الاتهامات إلى ترنغ قائلين إن ابتكاره نوع من العبث.
واستطرد قائلاً: «إن النساء بصفة عامة يبدين اعجابهن بها ويحاولن التحدث إليها بيد أن الرجال دائماً يرغبون لمسها وعندما يفعلون ذلك بطريقة خاطئة يكون رد فعل إيكو أشبه ما يكون بالتعنيف». وسوف يمضي ترنغ السنوات القليلة المقبلة في إضفاء المزيد من التحسينات والتطويرات على البرامج الآلية لدى إيكو وتوسيع نطاق مهاراتها ولكن ذلك بدافع الترويح والترفيه فحسب. ويقول في هذا الصدد: «لقد عانيت من نوبة قلبية مما دفعني للاعتقاد بأنني سأكون ذات يوم في حاجة للعناية المركزة والمكثفة على مدار الساعة. وقد أكون في حاجة لأن تتولى إيكو مهمة تعهدي بالرعاية مستقبلا»ذ
يا سيف جعفر الاكتشاف دا نزل الأسواق بعد سافرت يمكنك أن تشتغل وكيل بيع للمنتوج دا وطبعا دا بوفر على الكيزان مسألة مثنى وثلاث ورباع دا والحاجات القدام ما بزعلو لآنو البنية إيكو ممكن تساعدهم وتحننهم وتدخنهم زاتو أحيييييييييييييييي أنا قال اليابان ودالباوقة الحلمان بهاء/طوكيو ما طوكر
| |
|
|
|
|
|
|
Re: لن نترك حكم السودان الا عندما يصير كاليابان ... (Re: طارق جبريل)
|
Quote: ابو محمد فؤاد كيفنك الخرابات رسلن علي عنواني في مروي طوالي بس تفوت السد بي شوية حا تلقى ناطحة سحاب الزهرة بت ود كنيش هناك ختهن عندها |
** د. طارق.. ** مساءك خير.. ## إفاده بإستلام ود بت الحاجه زهره يانج شونق شيق للإرساليه نسبة لوجود الحاجه فى دوله إسمها امريكا لجلب عمال وخادمات.. ** مُرسل عدد 4 ماكينات غُـــســل "إســلامــى" 2 مُحجبات للإستعمال النسائى , 2 للرجال ,,, بالله لو المكنات دى سلكت نرجو إفادتنا.. (وكيل فوفو شانج ليمتد الحصرى) (ابو محمد فؤاد سابقاً)
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
بل كما تساقط الكيزان على المال والسلطة ، عساك شفت بوست البنك الزراعي ويوست وكيل الكهرباء ...... أها شفت الزيادات الجديدة في الأسعار ؟ والله لن نترك الكيزان وإن أصبحوا من ملاك ورجال أعمال اليابان على فكرة تعرف من أين يستورد الكيزان قماش الكفن ؟ وكم سعر الطاقة وكم طولها ؟ خلاس أنسى النفرة الخضراء الشفيع
| |
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
Quote: [دمك خفيف
افتح ليك محل كوارع ( دليفري هوم ) |
Home delivery
بكسر الـ H وضم الـ D
اين تعلمت الانجليزية يا اباطلال هل لك ان تدلني
كدة اول شئ يا جني اتعلم اللغة بعد داك طورو السودان ليصبح كاليابان وفى كتب اخري يقال انه Japan
فضحت المشروخ الحضاري بتاع الرئيس المصوقر دة
| |
|
|
|
|
|
|
Re: لن نترك حكم السودان الا عندما يصير كاليابان ... (Re: Elbagir Osman)
|
Quote: ممكن اعمل ليك واسطة عند محمد ابو العزائم
يحولو لبوست اليلع |
أخخخخخ يا محمد الشيخ ..... البوست إتأرشف
يمكن نعمل واحد (فيرشن تو) مخصوص للبوست ده ....... ياخ ده والله بوست الموسم.
Quote: ود الباوقه شوف لينا الانقاذ ماشه متين؟؟ |
صديق الموج ..... هسة القال الروب ود الباوقة والا إنت ورهطك (بت خالتك وحواشكو ويا ماها والبقية).
أخوك ... ريشكازاكي
| |
|
|
|
|
|
|
Re: لن نترك حكم السودان الا عندما يصير كاليابان ... (Re: محمد أبوالعزائم أبوالريش)
|
Quote: مونج ياخي ناس الإنقاذ ( بقوا يطلعوا الحرير دا من القراد ) وفي هسه ( أبحاث ) تجري لإستنساخ ( ضبانه من قراده ) ، ما ( الضبان ) بتاع د. محمد حسن دا |
يامها بت خالتى صحى العلم نورن...
قالو الجردقه برضو طوروها عملو منها ماسك ضد التجاعيد... وابشرك شرطو فاتورة الكاكاو لحقوها فاتورة القمح والسكر حلفو الناس قالو بقوا يصنعو شوكلاته من طين البحر تضاهى كادبورى ومارس... يعيش التقدم الانقاذى....
| |
|
|
|
|
|
|
Re: لن نترك حكم السودان الا عندما يصير كاليابان ... (Re: حواء سليمان ابراهيم)
|
Quote: معاوية يا مالك بقيت متخلف يا اخ بقولوها كدا "神"
|
انت عارفة يا حواتشوا فجاة لمت فينى ملاريوف(ملاريا) لمدة 13 دقيقة و22 ثانية و2 جزء من الثانية اها ال2 جزء من الثانية دى زيادة غير مبررة ..بس الدكتور اكتشف انو انا استخدمت العلاج قبل مواعيده بثانية.وعملت لى .........خلل مؤقت .شان كده.......... كنت متوتر شوية وبكتب بر................. صنقوعى
عليك رسلى لى كريم بلع ضرورى عندى صاحبى اسمو ....بو فاو قو محتاج ليهو ؟
سلام حواتشوا
| |
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية عبيد الصائم)
|
Quote: ود الباوقة الله يسالك اهلك فى الباوقة عارفين مواقفك والبسوى فيهو ده |
يا اخي استحي على وجهك
شايفني قاعد لي في كابريه ولا حايم سكران
والله انا حزين جدا لاني على معرفة باهلك
هم اهل تقوى وصلاح وفلاح
وانت صاحب بوار وهلاك
اخرج من هذا الحزب الماركسي قبل ان تغرغر
اخرج واترك صحبة الماركسيين وانعم بصحبة
اهل الذكر والذاكرين
لخرج قبل ان تخرج روحك وانت على هذه الحالة المخزية
من التمركس البائس
| |
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية عبيد الصائم)
|
مسؤول ( كوز ) يتحدث مع أمنجي المسؤول : ناس سودانيز أوون لاين ديل عامليين لينا قلق ياخي شوف ليك صرفه معاهم الأمنجي : مالهم ديل كمان ! إحنا خاتين ليهم ناس يجهجهوا ليك كلامهم البيكتبوا فيهو دا يا شيخنا المسؤول : خلاص اقول ليك حاجه خلي واحد من ( جماعتك ) يقَنعهم عديييل كدا ويكتب ليهم بوست يقول ليهم ( خلاص ما تحاولوا نهائي ما ما شيييييييين لغاية ما ( نطمئن ) علي ( وضعنا ) تماااااام الأمنجي : تمام يا شيخنا عُلم ويُنفذ. في واحد ح أخليهو يكتب بوست
الأمنجي في التلفون الأمنجي : ألو ، أيوه يا باوقه ود الباوقه : أيوه جنابو كيفك وكيف الأخبار ؟ الأمنجي : أسمع ! عاوزك تكتب بوست ود الباوقه : بوست ! عن شنو جنابك ؟ الأمنجي : شايف الأيام دي ناس المعارضه ديل قايميييين شديد وإحنا عاوزيين ( نخدر ) الناس هنا شويه ود الباوقه : تعليمات جنابك الأمنجي : أكتب وقول ليهم ( لن نترك حكم السودان إلا ميتين ) ! ود الباوقه : لكن يا جنابك هسه يجوني ويقولوا لي ( ميتين ) دي !! الأمنجي : خلاص خلاص قول ليهم !ود الباوقه يقاطع الأمنجي أسمع جنابك أكتب ليهم إلا عندما يصير السودان كأمريكا الأمنجي : لا لا لا يا باوقه أمريكا شنو ياخي زمممممممممان قلنا ليهم ( أمريكا قد دنا عذابها ) ما بتجي ما بتجي ود الباوقه : طيب روسيا ! الأمنجي : لا لا لا روسيا برضو كانت معاهم بعدين هسه الجنوب إنفصل يقوموا يقولوا عاوزيين يبقوا ذي روسيا كمان ! الباوقه زااااااااتها تقول عاوزه تنفصل ود الباوقه ( يضحك ) : معقوله بس يا جنابو ننفصل كيف منكم وإنتو ما مقصريين ( معاي ) أقصد ( معانا ) الأمنجي : اسمع ! قول ذي اليابان !! ود الباوقه : شنو شنو يا جنابو اليابان عديييييييييل الأمنجي : أيوه أيوه مافي غيرها اليابان دي أحسن فكره ، خليهم يحلموا يلا علي ( بركة الله ) . ودالباوقه : هييييييع أبشر اليابان اليابان ويكون البوست إسمه ( لن نترك حكم السودان إلا عندما يصير كاليابان ) هيييييييييييييييييييييييع إنتهي
| |
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
Quote: مسؤول ( كوز ) يتحدث مع أمنجي |
جاء في صحيفة الأخبار الإلكترونية، أن الأستاذة ياماها أطلقت برنامج (سباي وير) حديث أصاب جهاز المدعو ود الباوقة، وأصبح المذكور يصاب بالكاروشة كلما لمس الكيبورد، بينما تتحول شاشة الجهاز عنده إلى عيون إلكترونية تنفذ إلى ذاكرته. وفي تجربة لهذا المنتج، أوردت الأستاذة ياماها حديث جرى بين ود الباوقة وأحد المسئولين يكلفه فيه بضرب المعارضة ومناضلي الكيبورد. هذا الحديث أتى به البرنامج عند قراءته لذاكرة المدعو ود الباوقة. جدير بالذكر أن الجهاز كتب في نهاية تقريره توصية بتزويده ببعض المصطلحات التي يجهلها، وأتي ببعض أمثلة لها وجدها بدماغ ود الباوقة وهي (متزمزغ .... مجغمس) ومصطلحات أخرى عجز عن كتابتها.
| |
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
تمكنت شركة سانيو من تطوير جهاز G G A W الذي إبتكره العالم محمد شيخ ونج فأصبح الجهاز ( يدق البنات ) ويُستعمل ل( دق الشلاليف )في آن واحد . يجب حصر الطلبات في البوست دا معاويه المدير ( قشارة التسالي ) السعر 40 جن سوداني .
طارق ود جبريل ( الملقاط الإلكتروني ) السعر 50 جن سوداني
مونج عليك الله رسل لي الطلبات كلها بإيميلي علشان بكره ماشه ( أم دف سو شوبينغ سنتر )
| |
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
Quote: مونج عليك الله رسل لي الطلبات كلها بإيميلي علشان بكره ماشه ( أم دف سو شوبينغ سنتر ) |
يامها بالله ناس ود الباوقه ديل قالو طورو الجينات الوراثية للجداد وانتجو ديك يعوعى للصلوات الخمسة ... ممكن ترسلى ديك بدل المنبه السويسرى المزعج ده بعوعى لى وقت الدوام ومواعيدى المهمة لو بتريدى؟؟ اكون شاكر لو بجناحو بدينى خبتات خفاف فى كراعى باقى انا نومى تقيل شويه لوسمحتى بحب اللون بتاعو يكون تركوازى او مسترد عشان ديكور الغرفه،،،
| |
|
|
|
|
|
|
Re: لن نترك حكم السودان الا عندما يصير كاليابان ... (Re: محمد أبوالعزائم أبوالريش)
|
Quote: ما تلحقنا وتنجدنا يا أبو الريش ياخي بلع بلع بلع سرييييييييع |
ياماها ياخ واكبي التطوّر .....
البلع زاتو دخل التكنولوجيا ...... إنتي قايلة زي زمن ناس حبوبتي يختو الكبسولة في حلقهم ويشربوا موية؟ المسألة بقت تدخلي موقع الصيدلية من كمبيوترك ده ..... وتختاري الدوا الكتبوهو ليكي .... يقوم الدوا يطلق إشعاع من شاشة كمبيوترك ده وإنتي فاتحة عويناتك الدقاق ديك قدّامو، يدخل في جسمك و ..... بالشفا.
تنويه: العلاج الإلكتروني من إنتاج العالم (مكاشفاكي) ..... ينتج أيضاً محايات وبخرات إلكترونية.
| |
|
|
|
|
|
|
Re: لن نترك حكم السودان الا عندما يصير كاليابان ... (Re: محمد أبوالعزائم أبوالريش)
|
Quote: ياماها ياخ واكبي التطوّر .....
البلع زاتو دخل التكنولوجيا ...... إنتي قايلة زي زمن ناس حبوبتي يختو الكبسولة في حلقهم ويشربوا موية؟ المسألة بقت تدخلي موقع الصيدلية من كمبيوترك ده ..... وتختاري الدوا الكتبوهو ليكي .... يقوم الدوا يطلق إشعاع من شاشة كمبيوترك ده وإنتي فاتحة عويناتك الدقاق ديك قدّامو، يدخل في جسمك و ..... بالشفا.
|
ههههههههههوالله يا ابو الريش البلع عندكم لكن !! هسه بوست ودالباوقه دا يبلعوا كيف طيب ، بوست ماشي بكبسولة زمن معكوسه
| |
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: ياجماعه ود الباوقه البوست وقف ليه فى زورو مع انو الكيزان ديل البلع ما بغلبهم اصلو.. مش حاجه غريبه!!!! |
يا مونج ياخي ودالباوقه إنتو ما فهمتوا كلامو لانه بالياباني هو ذكر في بداية البوست الهدف الأساسي عندما قال بالعربي الواضح ::
Quote: عشان ما تقعدوا ( تجلبغوا ) وتضيعوا وقتكم خارم بارم
وقتها سنترك الحكم ونكون مطمئنين اننا قد ادينا الرسالة
وحفظنا الأمانة... |
وترجمة الكلام الفوق دا بالياباني هو كالآتي علشان ما ( تعكننوا ) علينا ( شغلنا ) خلونا نطمئن علي 9 مليار بتاعة الرئيس في الأول وبعدين نضمن ( حقنا ) و( نشتت ) نخلي ليكم السودان دا ( مشلع ) ذي اليابان 1945 ونكون أدينا الرساله بأمانه
| |
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
Quote: وترجمة الكلام الفوق دا بالياباني هو كالآتي علشان ما ( تعكننوا ) علينا ( شغلنا ) خلونا نطمئن علي 9 مليار بتاعة الرئيس في الأول وبعدين نضمن ( حقنا ) و( نشتت ) نخلي ليكم السودان دا ( مشلع ) ذي اليابان 1945 ونكون أدينا الرساله بأمانه |
يامها....سلام انعل ابو عدم التعليم ياخى.. قدر ما حاولت اترجم بالشاقى وبعربى جوبا غلبنى.. يادوب فهمت ..احب ابو الجاب ابو اهلك زاتو باليابانى قبل الميلاد،،،
| |
|
|
|
|
|
|
|
| |