|
|
|
 Re: لن نترك حكم السودان الا عندما يصير كاليابان ... (Re: سيف اليزل جعفر عبد الرحمن)
|
Quote: صديق الموج وقمر بوبا ومحمد الشيخ
ياخي حرااام عليكم عديل كده
فقعتو مخيخنا الايسر بالضحك وليييييه كده ياااخ
كيكي سوزوكي تايوتا |
كيكى يا معارضة انتو سب تخلفنا..
ابشرك ود الزاكى اتحولت لى نجازاكى وطوكر اضحت تضاهى طوكيو
وكل ذلك بفضل سياسة حكومتنا الرشيدة..
اقعدو قرقو علينا كده والايام دى سانيو ام ضريوة تطرح اكتشافها العجيب
للرعاة..
لاداعى لوجود الخلال ولا الصرار للعتان والسخيلات بعد اليوم..
سانيو اطلقت منتجها الجديد جهاز يربط حول عنق العتود
فيضــلل العتود بحيث لا يتبين شطر امه حتى لوكانت بجانبه..
يازول ماشين تمام بس الله يبعد عن الانقاذ ناس كيكى ديل والعوارض والفهم،،،
| |
  
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: سارة علي)
|
ود الباوقه شنو ما اتطورنا ياخى عافص لينا صفحه كامله ماتعبرنا ياخى
اها شوف سارة على وسيف النصر ديل من شدة ما الانقاذ بقتهم يابانيين انحرفو عديل
بكرة يقولو بنعبد بوذا..
وابشرك حبوبه السارة بت ابو ضلف وجدى على ود الجار عودو
شوهدو بالبكينى فى زقلونا بيتش وهم بياكلو فى ام رقيقه بالعصايتين
اها نبقى يابانين اكتر من كده كيف؟؟
خلى ناس الانقاذ ديل يختونا خلاص
قلنا الروووووووب باليابانى،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
| Quote: بقينا يابانيين من زمااااااااان حتي عيونا بقت صغيرررررررررررونه وبقينا قصااااار !! |
مها الله يسعلنى ماعرفتك يا بت خالتى
قلت ياربى مها دى كشت والا ودوها ترزى قيفوها؟؟
بالغتى بالله انت التطور ده وصلك
اها ياود الباوقه مها دى كانت اخر زول فى السودان اتطورت وبقى يابانية..
خلى ناس الانقاذ ديل بعد ده يختونا
وحات الله بالطريقه دى مها تانى طربيزة الشاى
الا تطلع ليها بى سلم،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: Elbagir Osman)
|
Quote: إبن خالتي العزيز صديق شنق مونج
رجعت ياخوي ودا كلو من أكل السوشي والرفاهيه العايشنها
الحاجه بتقول ليك ما تنسي ترسل قروش القرقريبه لكن عاوزاها سوني ، ما توشيبا |
مها بت خالتى كيفك وكيف حال الخاله
القروش برسلن ليها تستاهل الخاله
لكن اليابان عملنها اسمها الين حقتكم سميتوها الجن والا ياها؟
قروش القرقريبه السونى بطرفكم قريبا لو الفروش نقصت بالله خليها
تشترى المعراكه هيتاشى ما بتفرق؟؟
اسمعى حاارسل ليك قروش بالله اشترى لى مكنة نضافة ام فتفت طالباها
(شوينا بت شانج كم) هنا ماعندنا تكون دوال فولتج(DUAL VOLTAGE)
60 سيكل ضرورى بالله ترسليها.
الله يخلى الانقاذ ماقصرت لحست مخ ود الباوقه،،،
| |
|
|
|
|
|
|
|
|
 Re: لن نترك حكم السودان الا عندما يصير كاليابان ... (Re: صديق الموج)
|
Quote: لكن اليابان عملنها اسمها الين حقتكم سميتوها الجن والا ياها؟
|
ود خالتي كيفنك وكيف أمسيت
شوف يا صديق يا خوي شكلك ما متابع أخبار البورصه
1 جن سوداني يعادل 3 ين ياباني ( إنت ما متابع أسعار العملات ولا شنو ) بتبالغ دي حبوبه الورتني
السعر اليوم ( دخلت النت ) وشافت لي الأسعار من اللبتوب بتاعها ماركه ( توشيبا ) وقالت ليك
الماكنه بتاعت أم فتفت دي بقت موضه قديمه وممكن نرسل ليكم ( أم فتفت معلبه ) جاااااااهزه تفتح وتأكل طوالي !
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: Elbagir Osman)
|
Quote: مهاتاشى وينك يا غالية ؟؟؟ غايتو انتى واخوى
صديقنج شنق مونج يوم تكتلو ليكم زول بالضحك
كل سنة وانتو بالف اخير
اختكم/ حواتشو |
حواتشو... شنق هنج ورحمة الله وبركاته
يازوله انت ماناقشة السودان اخر تطور قالو الناس بقو يجو
من اخر الدنيا يتفرجوا فينا.
وحاتك حكومة الانقاذ بقتنا فرجه..
بس ادوها خمسة سنه تانى وبتشوفو
كان ما فرجت فينا باقى خلق الله
بفضل السياسات الرشيدة،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
| Quote: الماكنه بتاعت أم فتفت دي بقت موضه قديمه وممكن نرسل ليكم ( أم فتفت معلبه ) جاااااااهزه تفتح وتأكل طوالي ! |
يامها بتبالغى.... بالله ام فتفت علبتوها؟؟
بس ماتنسى بالله (الاتى) ابعتيه باودر..
الناس هنا بتكلمو عن الدوم العملتوه كبسولات
لو سمحتى امشى الصيدليه ابعتى لى منو كورس
خلينى اورى الناس ديل نحن وصلنا وين..
سنه يا الانقاذ،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: اسمعى حاارسل ليك قروش بالله اشترى لى مكنة نضافة ام فتفت طالباها
|
دي بالله يا ود الموج دايرين منها اربعة كوتينر لكمبو كديس وكمبو كتر وعمو عباس
ولوكمان في فيرشن من صفاية (المرايسة) التوشيبا العمنول رسلت لينا منها ديك عارفك ما بتقصر معانا ..
لانو الصفاية القديمة بقت تطلع مششششششك (زي الزفت)غنم الفرييييييق جتتتتت مافي وااحدة عاوزة تقرب منو وتاكلو لينا
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: يامها بتبالغى.... بالله ام فتفت علبتوها؟؟
بس ماتنسى بالله (الاتى) ابعتيه باودر..
|
بالحيل يا ودخالتي في معلبه وفي ( مكرتنه )وكمان في أم فتفت شرائح ومثلجه برضو لناس كيكي الكسلانين. أجي أجي نحنا بقينا ذي اليابان يا ود أمي
أها احكي ليك الجديد صنعوا في معمل ( طوكر البتشبه طوكيو ) رجل آلي يدعي بشيرو يتحدث كل اللغات (ذي الصنعهوه اليابانيين زمااان ) وبقي الرئيس بدل كان بقول ( ألحس كوعك ) بقي الرجل الآلي بيقولها بالفرنسيه والألمانيه واليابانيه كمان !
بالنسبه للدوم الكبسولات أمي بتقول ليك في ( كبسوله ) جديده إكتشفوها يدخلوك جواها ما بتحتاج تمشي دكتور زااااااااتو . بس عندنا هنا لكن لو مصر يعني خلاص نرسل ليك ( حقن القرض ) رهيبه شديد
بنت خالتك ( يا ماها ) اليابانيه
مها زمااااااااااان
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: Elbagir Osman)
|
حسب كلام محمد ود الشيخ الجلد ح يكون كدا يا الباقر أخوي
Quote: و نحسب ان الجلد حايكون بدون قدو قدوالواااحد داو بواسطة جهاز الي اسمو"gado gado auto whipper" .
المخالفات مبر مجة بس تدخل على الجهاز وشكلو زي بتاع الرنين المغنطيسي ويبرمجو ليك جلداتك.
|
لكن اليومين ديل شوف عيني شايفه ( قدو قدو ) شايل ليهو عصايتين بتوع السوشي وهااااك يا جلد بالله في أرحم من كدا جلد !
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: Mustafa Mahmoud)
|
Quote: إبن خالتي العزيز صديق شنق مونج
رجعت ياخوي ودا كلو من أكل السوشي والرفاهيه العايشنها
الحاجه بتقول ليك ما تنسي ترسل قروش القرقريبه لكن عاوزاها سوني ، ما توشيبا |
والله ما ضحكتُ في حياتي كما ضحكت اليوم. بارك الله فيك يا مها وبورك
في قريبك صديق شنق مونج...
بالله لا توقفوا تبادل الرسائل ومعكما كيكي..
تحياتي ود الباوقة...
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: عبدالأله زمراوي)
|
Quote: والله ما ضحكتُ في حياتي كما ضحكت اليوم. بارك الله فيك يا مها وبورك
في قريبك صديق شنق مونج... |
شاعرنا الجميل زمراوي
سنه سعيده وعام ملئ بالفرح والأمنيات الطيبه ، رغم محن الوطن وهذا الزمان الأغبر الذي أتي بمثل هؤلاء ليمحوا حقنا في رسم بهجة ولو زيفا ،ونحن نصارع الحلم ببقاء الوطن موحدا، تأت أكاذيب أبواق النظام وأحلامهم ووعودهم الزائفه لتمحو الإبتسامه والحلم ويبقي صدي الصوت ينادي لك الله يا وطن ، رغم المحن !!
قريبي شنق مونج لو بطل ( الطفاسه ) وأكل ( أم فتفت ) ما بتجيهو عوجه تب.أقول ليهو سوشي يقول ( أم فتفت )
يا جماعه وييييين مستر سامسونج صاحب البوست !
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية عبيد الصائم)
|
Quote: وير ...باو.. قو.. لى . يعنى اين ود الباوقة. رد .دو شان يرد...لهجة محلية من جااااااااااابااااان...
مى هو ...يعنى يا مها.... وير في تو فى....يعنى ام فتفت..د. كى ....بالدكوة |
أأأي سو ( يعني أيوه ) بالدكوه يا معاويه بس الدكوه بتكون في ( صباع ) ذي الكاتشاب حسب رغبتك بإضافة الكميه والليمون والبصل powder ، خاليه من المواد المسرطنه وعلي درجة ( جوده ) عاليه ( بتقنيه تفوق اليابان زمااان وكمان ماركة ( أم تك شو سي )
برضو إنت ( طفس ) ذي ود خالتي دا ؟ ياالنبي نوح
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
ود الباقيرو هيروهيتو
يا صديق الموج نسيت كمان الباوقة
لقد صارت باقيرو ... PAJERO
| Quote: 私は、日本人すべての人々が日本人になる |
الأخت سارة بتقول ليك ... يا ود الباقيرو
لقد أصبح كل الناس يابانيين ...
خاصة صباح
سيف اليزل قال كلام خطير هنا ما بترجم ...
قمر بوبا لساره علي .... أطيب التمنيات .. بمناسبة العام الجديد
وأخيراً أقول لك يا ود الباوقة:
あなたは人鈍感アカウントに他人の気持ちを取るされていない
あなたのアカウントに他人の感情をとらない鈍感人です
الجماعة البعرفوا الياباني ما يكلموه ....
arigatoo gozaimasu
يعني شكرا بالياباني
جعلي/ فوراي - شايقي/ زغاوي ما هماني ما دام النيل أبونا والجنس ياباني
スーダンや日本人は私にはあまり意味がありませんナイルの父と日本人の国籍限り
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
ياجماعة
الزول جاد بطلوا هزار ######رية
نشد من أزرك يا باقيرو
سير سير يا با كبير
ـــــــــــــــــــــــــ
لكن السؤال قائم
كم كانت أموال النفرة الخضراء 2006 - 2011 م
المناطق المستهدفة (حلو المستهدفة) عجبتني شديد
يالله الإجابة عشان عندنا عمالة عاطلة بالجزيرة نديهم خبر بتلك المناطق بعرفوا أي شغل حتى حاجات السيد(ح) ديك ...
الشفيع
| |
|
|
|
|
|
|
|
|
 Re: لن نترك حكم السودان الا عندما يصير كاليابان ... (Re: ناصر احمد الامين)
|
| Quote: لن نترك حكم السودان الا عندما يصير كاليابان ... |
** ود الباوقه.
** ســلام.
## اليابان حته واحده !!!! ياخوى خلى اليابان رجعونا لى أُم ضواًبان فى 29/06/1989 ومشكورين ماقصرتو وفى ميزان حسناتكم البلد مساحتا زادت وبقت مليون وميتين وخمسين الف ميل مربع ,, والدولار بقى بتلاته وتلاتين قرش وتلاته ملاليم ,, وقانونى من أين لك هذا والثراء الحرام تم تطبيقهما ,, والمراجع العام فى آخر تقرير لاتوجد إى إختلاسات بالبلاد ,, وكل الوزراء وزوجاتهم واولادهم وأخوانهم ذمتهم برئيه من المال العام ,, والمحسوبيه غير موجوده ,, والعلاج المجانى داخل وخارج الدوله غرقتونا فى خيركم ,, والتعليم مجانى وإجبارى من الروضه وحتى الجامعه ,, والخريجيين مُمتنين للرواتب العاليه ,, والأمن مُستتب والحدود مأمنه ,, والقضااة مؤهلين ويحكمون بالعدل ,, والريس ماشاء الله فى أغانى السيره تبوتو بقت مازى زمان ..
** أها قبل ماأنسى البلد لافيها فساد ولاإفساد ..
** ما ماقصرنا معاكم إستحملانكم ربع قرن إلا تلانه سنوات ,, والمحكوم عليه بالمؤبد (25 سنه) بيطلع بتلاتة أرباع المده – فكونا تمينا تلاتة أرباع المده دى وكنا حسنى السير والسلوك ..
(ودام الود بينناباليابانى ومااليابانى )
(ابو محمد فؤاد)
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: عبدالكريم أحمد الامين)
|
ناصر لكن بالجد فتو اليابان
خالك البله ده انا خليتو مشلخ مطارق بالغتو
بالله مسحتوهن ليه بجهاز SHILOUKH REMOVER
قالو حاجه زى المراية كده الزول يمسح فيها جضمو يلقاهن مافى
ومحلهن يبقى حمرة خدود مدى الحياة،ماكنت بصدق كان ما الصورة..
قول الليزر واجرك على الله...
غايتو الليزر تعب معاكم جنس تعب شى للمحاريت وشى للجضوم..
ما الاتنين شخيت فى شخيت!!!!
اها دق الشلوفه كيف..واللا قالو يخلصو دق البنات فى الاول..
عاشت الانقاذ...
ود الباوقه معناها الانقاذ دى كان قعدت اكتر من كده ..
الزول يرجع ما يفرز امو من باسكال مشعلان..
ويامها بت خالتى ارجع القاها جوليا روبرتس..
يعنى الواحد الا يسوق معاه مطوف من هنا حتى يفرز اهله..
ماشاء الله تبارك ربى...
اها تانى سبب واحد لقعاد الانقاذ دى يوم واحد مافى،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية المدير)
|
يا ود الموج ....
بمناسبة الطوفان القالوا ود الباوقة دة ... ما بلقي لي عندكم اسبير اصلي للفلتر بتاع مياه الأمطار؟
الجهاز العندنا دة كان بيشفط موية المطرة قبل ما تصل الارض ويفلترا مباشرة...
جزء من الموية المفلترة بيمشي الصهريج والباقي بيدخل التلاجة مباشرة...
هسه الفلتر ما شغال مشيت اجيب اسبير قالوا في شح عشان الموسم ده استخدموا كمية م الفلاتر الاوتماتيكية في مجاري الصرف الصحي
والحكومة ما قصرت لانها وزعت الجهاز بالمجان ....
نسيت اقول ليك انو اكتشفوا غلاف اصطناعي يحيط بكل منزل على حده عازل للأشعة المضرة الناتجة من قدة طبقة الأوزون ...
كان شفتا البنات ديل ألوانهم بقت فاااااااتحة بسبب الغلاف العازل دة ...
تاني لا أشعة بنفسجية ولا تحت بنفسجية.... انا لسه ما اشتريتو لانو الطلب عليه كتير
أحجز ليك منو واحد؟
الله يبارك في الحكومة
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: سارة علي)
|
Quote: يا ود الموج ....
بمناسبة الطوفان القالوا ود الباوقة دة ... ما بلقي لي عندكم اسبير اصلي للفلتر بتاع مياه الأمطار؟
الجهاز العندنا دة كان بيشفط موية المطرة قبل ما تصل الارض ويفلترا مباشرة...
جزء من الموية المفلترة بيمشي الصهريج والباقي بيدخل التلاجة مباشرة... |
سارة على ....شنانجق جنشجان وعافية
مشيت مصنع ام ضريوه فلترز
قالو فى بس لازم يعرفو المطر بنزل براه..
والا صلو ليه صلاة استسقاء؟.. والصلى منو فى الشيوخ؟؟
عشان بتفرق لانو عندهم تلاته انواع (كارورى رين) وواحد (عصامكو ستورم)..
وواحد لى المطر بدون..
وبعدين لى هسه عندكم صرف صحى ؟ لكن لقيتكم متخلفين بجد..
تصدقى عندناهنا صنعو كبسولات اسمها (WASTE FREE) من الفم للدم
جميع الفلافور موجوده..بنكهة ام تكشو..بنكهة التقليه..وبنكهة القيمه..
والنعيميه،وبنكهةالباميه فرك..
عاشت الانقاذ يسقط كيكى ورهطه،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: سارة علي)
|
ود الموج سلامات
Quote: وابشرك حبوبه السارة بت ابو ضلف وجدى على ود الجار عودو
شوهدو بالبكينى فى زقلونا بيتش وهم بياكلو فى ام رقيقه بالعصايتين
اها نبقى يابانين اكتر من كده كيف؟؟
خلى ناس الانقاذ ديل يختونا خلاص
قلنا الروووووووب باليابانى،،، |
كلامك دا بالعربي عشان كده ما حيشتغلو بيهو
قلنا نقولو ليهم بالياباني
Quote: 穀物や吉報良いビットアブDilv Wagdy博士の隣人Audo
ZgulwnaでCuhedo Balpkinyうーん、彼らByakloビーチ薄いBalasajtn
AHAはIapanin Aktarはどのようにいてね
酢の人々の救助デルIxtonaの救い
日本では、と我々はAlroowoowob、 |
خالص الود
| |
|
|
|
|
|
|
|
|
 Re: لن نترك حكم السودان الا عندما يصير كاليابان ... (Re: طارق جبريل)
|
Quote: عشان ما تقعدوا ( تجلبغوا ) وتضيعوا وقتكم خارم بارم
وقتها سنترك الحكم ونكون مطمئنين اننا قد ادينا الرسالة
وحفظنا الأمانة... |
حدث ولا حرج !
تقلعوا بالقوة وتعملوها أمانة!
شكراً الأخ ود الباوقة على البوست
التحفة !
كل عام أنت بالف خير ..
Quote:
مها الله يسعلنى ماعرفتك يا بت خالتى
قلت ياربى مها دى كشت والا ودوها ترزى قيفوها؟؟
بالغتى بالله انت التطور ده وصلك
اها ياود الباوقه مها دى كانت اخر زول فى السودان اتطورت وبقى يابانية..
خلى ناس الانقاذ ديل بعد ده يختونا
وحات الله بالطريقه دى مها تانى طربيزة الشاى
الا تطلع ليها بى سلم،،، |
شكراً الأخ العزيز صديق الموج والاخوة
والاخوات المتداخلون الكرام لقد انتزعتم
الضحكة في زمن أصبح الضحك فيه قليل!
كل عام وانتم جميعاً بالف خير ..
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية عبيد الصائم)
|
| Quote: ياجماعة زول يصحى لينا عمو جعفر والفاتح ميرغنى |
يعني انينا ما ننوم ولاشنو؟
ودالباوقة كل سنة وأنت طيب ياخ. ده بوست اوسكار لانو وضح لينا مهارات وإمكانيات في تطوير الموارد البشرية اليابانيين زاتم احتاروا فيها!
هسي شوف الناس دي في اقل من اسبوع جضمت ليك اللغة اليابانية.
وناس الخال صديق الموج وقمر بوبا ومها عبدالله وكيكي تجاوزا المرحلة دي وبدوا يناقشوا ويفاضلوا ما بين التكنلوجيا الصديقة للبيئة والسيارة الهجين( دي ما عنها علاقة بالقوات الهجين)!.
الون تو البين الخال الموج وقمر بوبا خطرة زي الون تو البين كيكي وخليل، ومها عبدالله باصات سريعة وقاتلة امام المرمى، اما سارة علي فكل ضربة ركنية بقون. وده كلوا توفيق من الله.
مع ذلك بقول ليك زي ما قال صديقنا خضر " اليابان القربية دي، وتمشوا تخلونا لمنو؟"ده تواضع منكم ساى يا اخوى.
كل سنة والجميع بالف خير
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: معاوية عبيد الصائم)
|
| Quote: ما بين رمشة عين وانتباهتها يبدل الله من حال الى حال |
ونعم بالله ولكن لا تنسى أن الله لا يغير ما بقوم حتى يغيروا ما بأنفسهم .
للشيخ عبد العزيز بن با ز
س : ما تفسيـر قـول الحق تبارك وتعـالى في سـورة الرعـد : (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) ؟
ج : الآية الكريمة آية عظيمة تدل على أن الله تبارك وتعالى بكمال عدله وكمال حكمته لا يُغير ما بقوم من خير إلى شر ، ومن شر إلى خير ومن رخاء إلى شدة ، ومن شدة إلى رخاء حتى يغيروا ما بأنفسهم ، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط ، والتفرق وغير هذا من أنواع العقوبات جزاء وفاقا قال سبحانه : (وَمَا رَبُّكَ بِظَلامٍ لِلْعَبِيدِ)
الله سبحانه لا يمكن أن يغير حالنا ونحن جلوس في ضل الحيطان ، الله لا يغير حال القوم إن كان هناك لا حد للشبع حتى التخمة وجوع كافر يمزق إحشاء بعض القوم .
خذ مثلاً العطش في شرق السودان أخرج من أروما وتوجه شرقاً حياة بائسة وعطش يجعلك تلهث وراء السراب .
خذ مثلا موسم الخريف ومدن العاصمة المثلثة ودعك من بقية مدننا البائسة ، كم خريف مر علينا ونعجز في تصريف مياه الأمطار .
ديل براهم عايزين ديشليون سنة .
من حقك أن تتفائل ولكن الشرط أن نتفاعل بالعمل والعمل الجاد وليست الحياة بالتمني .
وختاماً نأمل التوفيق للسودان وأهل السودان
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: طارق جبريل)
|
| Quote: يا ود الموج شوف لي معاك مكنة توشيبا بتشلخ لاااااااورا |
** د. طارق ..
** مساءك خير..
## ياخوى إنت مفتكر ودالموج أخو الريس ولى شنو ,, الوكاله بتاعت مكنات التشليخ حصرياً عندى أنا لكل منطقة الشرق الاوسط وإفريقيا..
** أها المكنات عايزا تسليم :- FOB ولى CIF ولى CF ,, ووين الوجهه البلد ,, المغرب ,, الصحافه الرد سريع لانو الكميه محدوده وناس تشاد واقفين صفوف ..
(وكيل فوفوشانج ليمتد الحصرى)(سابقاً ابو محمد فؤاد)
(ودامت اليابان فى خدمة السودان)
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: سيف النصر محي الدين محمد أحمد)
|
إذاعة أم در شي مان fm تبث الآن أغنيات وطنيه ويصدح العطبراوي
أنا ( ياباني أنا أنا ياباني أنا )
الأغنيه مهداه لجميع الأهل بالداخل والخارج ( يابانيي المنبر العام ) خصوصا والأعزاء الشرفونا جدد طارق ود جبريل والأستاذه أماني العجب وساره علي وود بيناوي وسيف النصر محي الدين وكما أهدي اللحن للياباني ( الأصلي ) الفاتح ميرغني وإهداء خاص لإبن الخاله صديق ود مونج ونستمع الآن إلي أغنية ( نحن في اليابان نهوي أوطانا )
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: مها عبد الله)
|
Quote: اخوى صديقنج شنق مونج شوانق شانق عليك
عليك الله يا اخوى رسل لينا انا واختى يامها مكنة للطعمية خمسة فى واحد
ولازم تكون ماركة سونى اركسون لانه هنا فى لندن قدر ما دورنا عليها
ما لقيناها ، قالو لينا ما بتتلقى الا فى سويابادان
お姉さんからのご挨拶と
حواتشو |
حواتشو سلام شنق يانج هو
بالله سيبى التخلف البتعملى فيه ده
انت من زمن كان اسمها( طع مية) بعد ما الانقاذ طورتنا بقى اسمها (طع مليون)
فرق السعر فى الجن الياسودانى يا حواتشو.
يامها بالله كلمى البت دى بى عملتنا الجديده..
اليابان (ين) نحن (جن)....
قدر ما ناس ود الباوقة يطورو فينا انتو ترجعونا..
بعدين هى نوعين.
واحدة الكبكبى والباكنبودر والشمار منها وفيها.
وفى واحدة الكبكبى منكم،دايره ياتا.
علما بان الاتنين بشتغلن بالطاقه القمريه...
الطاقة الشمسيه بقت اولد فاشن..
البسوى والما بسوى بستعملها.. خليناها للامريكان المتخلفين ديل..
حواتشو الوصية فى الذمة امك قالت ليك:
ضرورى فى لندن تطلبى من شركة الاتصالات عندكم توصيل خدمة (الكانون اكس)
ده الفاكس طورتو (شركةالباوقه ادفانس تكينكل ).
يختو ليك الفسيخ واللا الفول فى (الكانون اكس) فى السودان
وبضغطة زر بس تستلميه حار فى لندن..
تقولى لى نمور اسيا سنه يالانقاذ،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: صديق الموج)
|
Quote: حواتشو الوصية فى الذمة امك قالت ليك:
ضرورى فى لندن تطلبى من شركة الاتصالات عندكم توصيل خدمة (الكانون اكس)
ده الفاكس طورتو (شركةالباوقه ادفانس تكينكل ).
يختو ليك الفسيخ واللا الفول فى (الكانون اكس) فى السودان
وبضغطة زر بس تستلميه حار فى لندن..
تقولى لى نمور اسيا سنه يالانقاذ،،،
|
الحمد لله بالله سودانا بعد ما ناس باوقاكو قيفو وكشكشو
بقى فيه حاجات جميلة خلاص
المهم يا اخوى صديقنج شنق حكايه الفسيخ دى مهمة شديد لانو عندى
جاره لى بتتوحم على فسيخ سودابانى والولد حلف ما يتولد الا بعد
يضوقو ليه ، كمان عليك الله ما تنسى تقول للحاجة ترسل لقيمات محشى فستق ولوز
ومعاه سندوتشات الام رقيقة >ى الرسلوها ليكم ديل وبالعدم خلى ترسل لينا ام رقيقة المعبئ
فى قزاز واهم حاجة كبسولات الدوم وايسكريم اللالوب ، على فكرة انا خلاص
عملت اشتراك مع ناس الاتصالات وجابو لى جهاز الاستقبال
お姉さんからのご挨拶と
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: حواء سليمان ابراهيم)
|
ود الباوقة الظريف وضيوفو الظرفا..
عام سعيد على الجميع..
مليتونا ضحك وسط جونا المتلج دا.
Quote: gado auto whipper"
|
اعلنت وكالة ( كافورناسكياهو ) للفضاء بمقرها ( بهوشي بانقاّمون ) على لسان امبرطورها (بشه شاو شنق ) أنهم بصدد اطلاق مكوك الفضاء ( بشاو 2 ) لتثبيت مسار القمر (قدوهوشي) لضبط وتصحيح زوايا جهاز الـ gado auto whipper" ذلك بغرض اجادة (دَقًةـ بالفتحه بالله) واصابة الهدف في مقتل.
هذا وقد أكد المهندس المقيم ( شيخو شاوشينج ) اكتمال كافة الاستعدادات لذلك.
المصدر/ اسش باوقز برس..
غايتو يا ود الباوقة الجاتك في بوستيك سامحتك.
| |
|
|
|
|
|
|
|
|
 Re: لن نترك حكم السودان الا عندما يصير كاليابان ... (Re: ود الباوقة)
|
صدموشنق،
الوصية بالمهلة.
عليك الله كلم لينا قريبتك يامها الفي سودا########، ترسل لينا
قزقازات تسالي، واهمّ حاجة يكونن هيتاشي عشان الماركة
دي هنا مرغوبة شديد.
كمان ما تنسى عليك الله جهازين بتاعات كشف الدهب عشان
هنا جبال الروكي فتحت. عليك الله يا صدموشنق اعمل
معروف انا باقي عليك.
اخوك/ مكيكو...
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
| Quote: دعوني اخرمج مع المخرمجين بعد ان فقد البوست بوصلته |
ود الباوقه بالله بطل الحقارة ما تتعامل معانا بالجمله
رد لينا واحد واحد..
بعدين شنو يعنى نحن خرماجين؟؟
على قول ناذر انت نبذ ساكت ما تسىء ياخى...
عاد بركة شيخنا شوانج لى كيم
الانقاذ تتبارك وتتقدم...
عن اذنك اشوف طلبات الزبائن ديل،،،
| |
|
|
|
|
|
|
|
|
|
Re: لن نترك حكم السودان الا عندما يصير كاليابان ... (Re: ود الباوقة)
|
| Quote: المظاهرات تاني بالربورتاج |
مظاهرات شنو يا باوقة هاوازاكي .. عليك الله
ياخي نحن كفار ؟؟؟
معقولة النعمة العايشين فيها دي كللللها و تقول لي مظاهرات ؟؟؟
بعدين طارق جبريل ماساكي دا دايما حارجنا ياخي
شلوخ شنو اللي ورا ؟؟؟؟؟ اي حاجة حا تمشي لي قدام يا مان
الظاهر معيشتو في المغرب دي سبب تخلفوا
| |
|
|
|
|
|
|
| |
Nazik Eltayeb
عبدالكريم الامين احمد
سيف اليزل جعفر عبد الرحمن
MOHAMMED ELSHEIKH
hassan bashir
صديق الموج
Hassan Makkawi
سارة علي
الطيب رحمه قريمان
GamarBoBa
مها عبد الله
Elbagir Osman
حواء سليمان ابراهيم
Mustafa Mahmoud
فيصل محمد خليل
othman mohmmadien
ناصر احمد الامين
عبدالكريم أحمد الامين
معاوية المدير
ياسر بيناوي
طارق جبريل
Amani Al Ajab
محمد الشيخ أرباب
الفاتح ميرغني
ولياب
محمد على طه الملك
Abureesh
فيس بوك
تويتر
انستقرام
يوتيوب
بنتيريست